April 21, 2016

ዐውደ ርእዩ ተፈቀደ፤ እኛም "ሰማይ አይታረስ ንጉሥ አይከሰስ" ብለን ተቀበልን¡¡

 (ዲባባ ዘለቀ ለደጀ ሰላም እንደጻፉት):- በማኅበረ ቅዱሳን ተዘጋጅቶ ኦርቶዶክሳዊት ተዋሕዶ ቤተ ክርስቲያንን አስተምህሮዋን እንጠንቅቅ፣ ድርሻችንን እንወቅ” በሚል መሪ ቃል ከመጋቢት 15-21 ቀን 2008 ዓ.ም በኤግዚቢሽን ማእከል ለ5ኛ ጊዜ ሊያካሔደው የነበረው ዐውደ ርእይ ለእይታ ሊቀርብ ጥቂት ሰዓታት ሲቀር በቀጭን ትእዛዝ ያገደውን የኢትዮጵያ ኦርቶዶክስ ተዋሕዶ ቤተ ክርስቲያን ዐውደ ርእይ ፀሐዩ መንግሥታችን መፍቀዱን አስታውቋል።በዚህ ምክንያት ነው ያገድኩትለማለት ያልተገደደው የአጼዎቹ መንግሥት ዛሬም እንዲታይ የፈቀደበትን ምክንያት መጠየቅ ነውር ሆኖ ይልቁንም ስለፈቀዳችሁልን "እናንተን ያቆይልን" ለማለት ዳር ዳር እየተባለ ነው። ወያኔ ላለፉት 25 ዓመታት የሕዝብን ተቃውሞ ሲያስተነፍስ የኖረበትም ስልት ይኸው ነው። ለፓለቲካ ዓላማ ወሳኝ የሆኑ ርምጃዎችን በህገ ወጥነትና በድፍረት ይወስድና ሕዝቡ እንዲንጫጫ ካደረገ በኋላ ትንሽ ዘግየት ብሎ ነገሩን የሚያበርድ ከፊል ምላሽ ይሰጣል። ሕዝቡም "ኧረ ይህንንስ  እነርሱ ቢሆኑ አይደል? እግዚአብሔር ይስጣቸው!" ብሎ አስቀድሞ የጠየቀውን ጥያቄ ዘንግቶት ዝም ይላል። ይህ ስልት ሳይቀየር ለሩብ ምእተ ዓመት መሥራቱ በራሱ ኢትዮጵያውያን ለማታለል የማናስቸግርየዋሕሕዝቦች መሆናችንን የሚያረጋገጥ ይመስለኛል።

ለምሳሌ በምርጫ ሰሞን የምርጫውን አካሄድ ሊለውጡ ምናልባትም አስቀድሞ የተሰላውን ውጤት ሊለወጡ የሚችሉ ወሳኝ የፓለቲካ መሪዎች፣ ጋዜጠኛች ወይም የሲቪክ ማኅበራት መሪዎች ይታሠራሉ። የታሰሩበት ምክንያት ተጋኖ እና እንኳንስ ሊፈቱ በሞት ለመቀጣት የሚያበቃ ጥፋት እንደተገኘባቸውበጠቅላይ ሚኒስቴሩ እና በቱባ ባለሥልጣናት ለሀበሻውም ለፈረንጁም ከተነገረ በኋላ (“ብርቱካንን ከምፈታ አዜብን ብፈታ ይቀለኛል ከተባለ በኋላ”) የምርጫው ሒደት ከተጠናቀቀ እና የታሳሪው/ዎቹ ተጽእኖ ፈጣሪነት ከደበዘዘ በኋላ "በምሕረት" ወይም በነጻ በከፊል ይለቀቃል/ሉ። ሐበሻ ሆዬ ለምን ካለጥፋታቸው እንደታሠሩ ወይም ቢያንስ እንደዚህ ዓይነት "አደገኛ ወንጀለኞች" ተገቢውንሕጋዊ ቅጣት ሳያገገኙ እና ከጥፋታቸው ሳይታረሙ ለምን ወደ ማኅበረሰቡ እንደተቀላቀሉ ሳይጠይቅ ስለመፈታታቸው ሊያመሰግን ይዳዳዋል። በየዜና አውታሩም እንደዋዛ ይዘገባል። ተፈቺዎቹም ለምን እንደታሰሩም ሆነ ለምን እንደተፈቱ እንደማያውቁ ተናግረው ከዚህ የባሰ እንዳያገኛቸው በመስጋት ወደ "ሰላማዊ" ኑሮአቸው ይመለሳሉ፤ ወይም ቀጣዩን እንቅስቃሴአቸውን በጥንቃቄ ያከናውናሉ፤ ከተቻላቸውም ሀገራቸውን ለወንበዴዎቹ ጥለው ይሰደዳሉ። ልብ በሉ ይህ ሁሉ የሚሆነው ካለምንም ጥፋት ሲሆን አጼዎቹን ለምን ብሎ የሚጠይቃቸው የለም።  ይህ የሚደረገው በፖለቲካው ላይ ብቻ ሳይሆን በእምነት ተቋማትም ጉዳይ እንዲህ እንደ አሁኑ ጣልቃ በመግባት ጭምር ነው።
ከጥቂት ዓመታት በፊት በሁሉም የእምነት ተቋማት የሚገኙ የሃይማኖት መሪዎች በሀገራችን መዲና በግብረ ሰዶማውያን ሊካሄድ የነበረውን ስብሰባ ለመቃወም ስብሰባ አድርገው የአቋም መግለጫ ለማውጣት በተዘጋጁበት ወቅት የውጭ ጉዳይ ሚኒስትሩ / ቴዎድሮስ አድኃኖም በሰብሰባው አዳራሽ ሳይጠሩ ተገኝተው መመሪያ በመስጠታቸው የአቋም መግለጫው እንዳይወጣ ተደርጓል። ለየሃይማኖት መሪዎቹ የተገለጸላቸው የነውረኞቹ ስብሰባ ከተጠናቀቀ በኋላ ተሰብስበው የፈለጉትን መግለጫ ማውጣት እንደሚችሉ ነገር ግን በመንግሥት የተፈቀደው ስብሰባ እንዳይስተጓጎል ምንም ሳይናገሩ እንዲበተኑ ነበር። ሁሉምምንም ማድረግ እንችልምበማለት ዝም አሉ። ቢያንስ ተግባሩን በመቃወም የዜና ሽፋን ሊገኝበት ይችል የነበረውን ይህን ተግባር መንግሥት ተብዬው ሲያስቆመው ማንምለምን?” ብሎ አልተቃወመም። ቆይቶ የሃይማኖት መሪዎቹ  (ሲፈቀድላቸው) መግለጫ እንዲያወጡ ተደረገ። በወቅቱ መጠየቅ የነበረበት ጥያቄእናንተ ምን አግብቶአችሁ ነው እኛ በሃይማኖት ምክንያት የወሰንነውን ውሳኔ ጊዜና ሰዓት የምትወሰኑለት?” የሚል መሆን ነበረበት። ግና ምን  ያደርጋልሰማይ አይታረሰሆኖባቸው ተዉት እንጂ።
አሁንም እየተደገመ ያለው ተመሳሳይ ሸፍጥ ነው። ዐውደ ርዕዩ እንዲታይ ከታቀደበት ጊዜ ዘግይቶ መታየቱ ምንም ተጽእኖ የለውም ማለት አይቻልም። ቢያንስ በጾሙ ወራት መደረጉ ምእመናን በተረጋጋ ሁኔታ እንዲመለከቱት ይረዳ ነበር። በወቅቱ በአዘጋጆቹ ላይ ለደረሰው የኢኮኖሚ እና የሥነ ልቡና ጉዳትስ ለቤተ ክርስቲያኗ ካሣ የሚከፍላት ማን ነው? ከአቅም በላይ በሆነ ምክንያት ታግዶስ ከሆነ ሕዝቡ ይህን የማወቅ መብት የለውም?
  ዛሬምሰማይ አይታረሥ ንጉሥ አይከሰስብለን የምናምን ይመስላል። ለዚያውም ሀልዎተ እግዚአብሔርን ለካዱ እና ቤተ ክርስቲያንን  በየቀኑ ለሚያዋርዱ ተራ የዘራፊዎች ቡድን። ለመሆኑ ለመንግሥት የፈለገውን እንዲያደርግ መብት የሚሰጠውሰማያዊም ሆነ ምድራዊ ሕግ የትኛው ነው? እስከ መቼ ነው በዚህ ፍጹም ኃላፊነት በማይሰማው ቡድን ስንታለል የምንኖረው? ከአሁን በኋላ መንግሥት ተብየው የፈለገውን ነገር እያገደረገና በፈለገው ጊዜ እየፈቀደ የሚሄድበት አካሄድ መቆም አለበት። የቤተ ክርስቲያኗም ምእመናን መንግሥት በቤተ ክርስቲያን ጉዳዮች ላይ የሚወስደውን ርምጃ በአጽንዖት በመከታተል ከመሥመር ያለፈ ነገር ሲያዩም ለምን ሆነ በማለት በግልጽ መንግሥትን መጠየቅ ይገባቸዋል። 21ኛው መቶ ክፍለ ዘመን ሰማይ በሮኬት ይታረሳል፣ ንጉሥም በሕግ ፊት ይከሰሳል።
ቸር ወሬ ያሰማን፣
አሜን
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)