February 28, 2013

የ6ኛ ፓትርያርክ ምርጫው ወደ መጠናቀቁ ነው


  •     ደጀ ሰላም እያካሄደች ባለችው “የድረገጽ” ድምጽ አሰጣጥ አቡነ ማቴዎስ ቅድሚያውን ይዘዋል፤
(ደጀ ሰላም፤ የካቲት 21/2005 ዓ.ም፤ ፌብሩዋሪ 28/2013/ PDF)፦ አምስቱን እጩ ፓትርያርኮች ያካተተው የ6ኛው ፓትርያርክ መርጫ ይህንን ዜና በሠራንበት ወቅት እየተካሄደ ሲሆን ከመራጮች አብዛኛዎቹ ድምጻቸውን ከኮሮጆው ውስጥ እንደጨመሩና የቀረው የመራጭ ቁጥር ከ100 እንደማይበልጥ ታውቋል። የአኃት አብያተ ክርስቲያናት ተወካዮችን ጨምሮ ከቅዱስ ሲኖዶስ አባላት ጀምሮ በየደረጃው ድምጽ መስጠት የሚችሉት መራጮች ያለ ምንም ግርግርና ወከባ ድምጻቸውን በመስጠት ላይ ይገኛሉ። ከዚህ አስቀድሞ ዛሬ ጠዋት በተደረገላቸው ገለጻ “ምርጫው ነጻ እና መራጮችም ያለ ምንም ችግር የራሳቸውን እጩ ብቻ እንዲመርጡ” ምክር ተለግሷቸዋል። በቀሩት ሰዓታት ቀሪ መራጮች ካርዳቸውን ከኮሮጆው ከጨመሩ በኋላ  አሸናፊውን መለየት ወደሚያስችለው ሥርዓት ይሸጋገራሉ።


ይህ በእንዲህ እንዳለ ደጀ ሰላም በምታካሂደው “ኢ-ቀጥተኛ” የምርጫ ድምጽ አሰጣጥ ከመረጡት መካከል ብፁዕ አቡነ ማቴዎስ በከፍተኛ ድምጽ በመምራት ላይ ሲሆኑ ብፁዕ አቡነ ዮሴፍ በሁለተኛነት ይከተላሉ። ዜናው በተጠናቀረበት ሰዓት ያለው ዝርዝር ይህንን ይመስላል።
1)     ብፁዕ አቡነ ማቴዎስ፣   328 ድምጽ  (33%)
2)    ብፁዕ አቡነ ዮሴፍ፣   185 ድምጽ (18%)
3)    ብፁዕ አቡነ ሕዝቅኤል፣   160 ድምጽ  (16%)  
4)      ብፁዕ አቡነ ማትያስ፣ 159 ድምጽ  (16%)
5)      ብፁዕ አቡነ ኤልሳዕ፣ 81 ድምጽ (8%)

አንባብያን ድምጽ ሰመስጫው እስከሚዘጋበት ድረስ ድምጻቸውን በድረገጻችን መስጠት የሚችሉ ሲሆን የሁሉንም ጠቅልለን በመጨረሻ እናሳውቃለን።
         


ቸር ወሬ ያሰማን አሜን
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)