January 22, 2013

አዳነ ግርማ - የቅ/ገብርኤል ወዳጅ - ግሩም ጎል


(ደጀ ሰላም፤ ጥር 14/2005 ዓ.ም፤ ጃኑዋሪ 22/2013/ PDF)፦ ኢትዮጵያ በአንድ እግሯ ቆማ ባመሸችበት በትናንትናው የኢትዮጵያ ብሔራዊ ቡድን የአፍሪካ ዋንጫ የመጀመሪያ ጨዋታ ግሩም ድንቅ ጨዋታ፣ ግሩም ድንቅ እግር ኳስ አየን። በዚህ ታሪካዊ ጨዋታ ላይ የማታ ማታ አቻ የምታደርገውን ጎል ያስቆጠረው የቅ/ገብርኤል ወዳጅ አዳነ ግርማ ነበር። እገሌ ሃይማኖቱ ኦርቶዶክስ ነው፤ እገሌ ሌላ ነው የሚል ከፋፋይ ሐሳብ ለማቅረብ ሳይሆን አዳነ የሚለብሰውን 19 ቁጥር ስንመለከት ቅ/ገብአርኤልን እንደሚወድ፣ የሐዋሳ ልጅ መሆኑ ብቻ ሳይሆን የልጁንም ስም “ገብርኤል” ብሎ መጥራቱን ለማስታወስ ወድደን ነው።


ኢትዮጵያውያን በሰው አገር እንደዚያ ተሰብስበው፣ ባንዲራችንን ከፍ አድርገው ሲያውለበልቡ አይቶ ዕንባና ሳግ የማይመጣበት ኢትዮጵያዊ አይኖርም። እኛ የምንመለከተው እግር ኳስ ብቻ አይደለም። የአገር ክብር ትንሣኤ ሲያገኝ ነው። ብዙዎች ኢትዮጵያውን አትሌቶቻቸውም ሆኑ እግር ኳስ ተጫዋጮቻቸው ሲጫወቱ በልቡናቸው የሚመጣባቸው 22 ሰዎች የሚያንከባልሉት አንድ “ቅሪላ” (ኳስ ለማለት) ሳይሆን አገር፣ ክብር፣ ታሪክ፣ ማንነት፣ ኢትዮጵያዊነት ነው። የኢትዮጵያ ትንሣኤ!!!!!!!

እንኳን ደስ ያላችሁ!! ቸር ወሬ ያሰማን አሜን



Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)