January 12, 2013

የመጨረሻው መጀመሪያ እንዳይሆን

(መልዕክተ ተዋሕዶ -ዘ ሮኪ፤ በተለይ ደጀ ሰላም እንደጻፉት/ PDF)፦ በዚህ በውጭው ዓለም ለምንገኘው ለብዙዎቻችን፣ በተለይ ባለፉት 7 እና 8 ዓመታት ላቋቋምናቸው አጥቢያ አቢያተ ቤተ ክርስቲያናት፣ ምርጫችንን እናት ቤተ ክርስቲያናት አድርገን ስንጓዝ፣ መንገዱ እንደዚህ እንደ ዛሬው ቀላል አልነበረም፣ የተለያዩ ቅጥያ ስሞች እየተለጠፉብንና በአደባባይም ስንት ነቀፋ እየተቀበልንም ነበር። የወያኔ ቅጥረኞች እና የአባ ጳውሎስ አሽከሮች የሚሉት በተደጋጋሚ የሚዘወተሩ ሲሆኑ አጥቢያ አቢያተ ቤተ ክርስቲያናቱን ለማኅበረ ቅዱሳን አባላት ብቻ  እንደ ተቋቋመ የሚመለከቱም ቁጥራቸው ትንሽ አልነበረም።
የሆነው ሆኖ ቅዱስ ሲኖዶስ አይሰደድም (ፓትርያርክ እና ሊቃነ ጳጳሳት ሊሰደዱ ይችላሉ)፣ የቅዱስ ሲኖዶስ መንበሩ አዲስ አበባ ነው፣ ቅዱስ ሲኖዶስ የቤተ ክርስቲያናችን የመጨረሻው ወሳኝ የበላይ አካል ነው (ከፓትርያርኩም በላይ)፣ እና የቅዱስ ሲኖዶስ መሪው መንፈስ ቅዱስ ነው የሚሉትን መሰረታዊ ሃሳቦች በማንገብ ነበር፣ ቅዱስ ሲኖዶስን ለውጭው ዓለም በድጋሚ ያስተዋወቅነው። ዛሬ፣ በተደጋጋሚ እየመጡ ያስተምሩን የነበሩ መምህራን ሳይቀር፣ ይህ የሰላም ድርድር፣ በአውሮፓና በአሜሪካ ለምንገኝ የቤተ ክርስቲያኗ ልጆች ብቻ የሚደረግ፣ አገር ቤት ያሉ ቅጠል ሸጠው ያስተማሩን ወላጆቻን ከእኛ የተለየ ፍላጎት እንዳላቸው አድርገው፣ ሲናገሩና በየብሎጋቸው ሲጽፉ የተስተዋሉት። አዝነንባችኋል! አንድ  ለወደፊቱ  የምንገባላችሁ ቃል ቢኖር ውሎአችሁ ከማን ጋር እንደሆነ በስፋት እናጠናለን!! የሚል ነው። ወደ ዋናው ቁም ነገር እንገባ።

የተከበራችሁ የተዋሕዶ ልጆች ፣ የዛሬ ሃያ ዓመት፣ እንኳን እናት ቤተ ክርስቲያናችን ፣ ኢትዮጵያ ሀገራችን የወደ ፊት ዕጣዋ ምን ሊሆን መገመት በማይቻልበትና ማለቂያ ለሌለው የእርስ በርስ ጦርነት ልትዳረግ ጫፍ ላይ ባለችበት ወቅት፣ የተፈጸሙ ታሪካዊ ስህተቶችን ፣ ዛሬ በሰከነ አእዕምሮ ስንመለከተው ሊያስቆጨን ጀምሮአል። ዛሬ ቤተ ክርስቲያናችን ለምትቸገርባቸው አብዛኛዎቹ ችግሮች መነሻው ፣ ከጫካ የመጣው እንግዳው መንግሥት ብቻ ሳይሆን ፣ ዛሬ በቅዱስ ሲኖዶስ አባልነት ያሉ አረጋውያን አባቶቻችን፣ በውጭው ዓለም የሚገኙትም አረጋውያን አባቶች፣(ሙት ወቃሽ አትበሉኝ እንጂ ከሁለቱም ወገን ፣ወደ እውነተኛው ቦታ የሄዱትን አባቶች) ጨምሮ፣ የሚፈለግባቸውን ኃላፊነታቸውን ባለ መወጣታቸው ነው። አንዳንዶቹም ልክ እንደ ዛሬዎቹ ጥቂት ጳጳሳት መንበረ ፕትርክናው ቃል ስለተገባላቸው ነበር፣ በአንድ ልብ ፣ቅዱስ ፓትርያርኩ ለቅዱስ ሲኖዶስና ለመንግሥት የጻፉትን ደብዳቤ ወደ ጎን ገፍተው የወደዱትን ያደረጉት። አንድ ትልቅ  ቁርጠኛ አባት ግን በይፋ ተቃውመው፣ “እኔ በዚህ ነገር አልስማማም “። ብለው በማለታቸው፣ ድምጻቸው በድምጸ ተዓቅቦ ተመዝግቦላቸው፣ ለታሪክ ትዝታ ጥለው አርፈዋል።

ከባለፈው ታሪክ “ጥሩ” ልምድ የቀሰመው የኢሕአዴግ መንግሥት እንደ ልማዱ የገዛ አባቶቻችንን አሰልጥኖ ለምርጫ አዘጋጅቶልናል። ለቤተ ክርስቲያናችንና ለብፁዓን አባቶቻችን ያላቸውን ንቀት በአደባባይ “ጳጳሳቱ አይረቡም” ሌላም ሌላም እያሉ ሲናገሩ እንኳን የማያፍሩ፣ በእውነቱ ከቤተ ክህነቱም ሆነ ከሌላ ጠያቂም የሌለባቸው “ነጻ ዜጎች ናቸው”።  መንግሥት በልዑካኑ ተጠቅሞ፣ የስድስተኛ ፓትርያርክ ማስመረጫ ደንቡንም በሚስፈልገው መልኩ ቀርጾ ፣ ለቤተ መንግሥቱ ያልተጠቀመበትን የዕድሜ ገደብ (ለፕሬዝዳንቱ ማለቴ እንደሆነ ይታወቅልኝ)፣ በመጀመሪያ አረጋውያኑን ከጨዋታ ውጪ አስወጣ። ብልጣ ብልጦቹ አባቶቻችን ደግሞ በድርብ ዜግነት ሽፋን ዋናውን የመንግሥት ዕጩ ጨምሮ፣ አንድ አራቱን አባቶች፣ ከምርጫ ውጭ አደረጉበት። ለጊዜው መንግሥትም ከእነርሱ መካከል በሁለተኛና ሶስተኛ ዕጩዎች እንዲረጋጋና፣ እንዲገፋበት ተገዷል። ባለፉት ሁለት ሶስት ድርድሮች፣ ልክ እንደ ዲፕሎማት ያዝ ለቀቅ እያደረጉ የተደራደሩት አባቶቻችንም፣ ድርድሩ ከመልካም ፍጻሜ የመድረስ ዕድሉ እየጨመረ ሲመጣ ያለ ይሉኝታና ፍርሃት፣ የሰላሙን ሂደት ለማደናቀፍ የእናቴ ቀሚስ አደናቀፈኝ ምክንያታቸውን በመደርደር ላይም ይገኛሉ።

የሰላምና አንድነት ኮሜቴው የቅዱስ ሲኖዶስ አካሄድን ተመልክቶ ባወጣው መግለጫ ያልተደሰቱትና፣ የፕሬዚዳንቱ ደብዳቤ ያደናገጣቸው የቤተ ክህነትና የመንግሥት ባለሥልጣናት ድርድሩ እየተካሄደ የሰጧቸው ቃለ ምልልሶች የመጀመሪያዎቹ አመላካች ማስረጃዎች ናቸው። ከዚያም በእነ ዲያቆን ኃይለጊዮርጊስና በ”ንቡረ ዕድ” ኤልያስ የሚወከለው መንግሥት በጥሩ መንፈስ የሰላም ድርድሩን ሲካፈሉ የነበሩትን የቅዱስ ሲኖዶስ ሰላም ልዑካን አስፈራርተው የሚያሳዝን መግለጫ ማውጣታቸው ሌላው ተጨማሪ ማስረጃ ነው። ከዚያማ በውጭው ለም የሚገኘው ሕዝበ ክርስቲያን ቁጣው ሲገነፍል፣ መንግሥት በግልጽ ርምጃ ወደ መውሰድ ገባ። የሰላም ልዑኩን ሊቀ ካህናት ኃ/ሥላሴ ዓለማየሁን አስሮ አንገላታ፣ አቋማቸውን እንዲለውጡ በግልጽ ጠየቀ። ሌላው የሰላም ልዑክም ከዚያ ያልተናነሰ ወከባ አጋጥሟቸዋል፣ ለእስርም ሊዳርጓቸው ዝግጅታቸውን ጨርሰው ሲያበቁ በእግዚአብሔር ቸርነት ወደ መጡበት ተመለሱ። ይህ ሁሉ ወከባ ለምን አስፈለገ?

እጅግ የምንወዳቸውና የምናከብራቸው አባቶቻችን ብዕ አቡነ ቀውስጦስ፣ ብፁዕ አቡነ አትናቴዎስ፣ ብፁዕ አቡነ ቄርሎስ፣ ብፁዕ አቡነ ሉቃስ፣ ብፁዕ አቡነ እንድርያስ ብፁዕ አቡነ ኤልሳዕ እንዲሁም ሌሎች፤ ታኅሣሥ 23 በተደረገው የቅዱስ ሲኖዶስ ጉባኤ ላይ ያሳያችሁት ቆራጥነት መንፈሳዊ ኩራት ሆኖናል። በርቱ!! እኛ በውጭም በሀገር ያለን ልጆቻችሁ እስከ መጨረሻው ከእናንተ ጋር አብረን እንቆማለን።

እዚህ ላይ አንድ አስተያየቴን መስጠት የምፈልግበት ጉዳይ አለ። ቅዱስ ሲኖዶስ የሰላምና አንድነት ኮሜቴው በሌላ እንዲተካና ኮሜቴው ለሌሎች አደራዳሪዎች ሁኔታዎችን ከማመቻቸት ያለፈ ሚና እንዳይኖረው የተፈለገው ለምንድን ይሆን?? ለመሆኑ በእናት ቤተ ክርስቲያናቸው ከልጅነት እስከ ዕውቀት ያደጉ፣ በክፉም በደጉም ሰዓት ለቤተ ክርስቲያናቸው መስዋዕትነትን የከፈሉትን፣ ስንቱን የቤተ ክርስቲያን ገመና ሸፍነው የያዙ አባቶችን የሚያስመርጥ ሌላ አደራዳሪ ተገኝቶ ነው? ምንድን ነው፣ የሰላምና አንድነት ኮሚቴ ያጎደለባችሁ? ዕርቅ አውርዱ ስድስተኛ ፓትሪያርክ ለመምረጥ የምታደርጉትን ሩጫ አቁሙ ስለተባላችሁ ነውን? በምትካቸውስ የታሰቡት የቤተ ክርስቲያኗ ልጆች ይሆኑ? ወይስ የቤተ መንግሥቱ? ቤተ ክርስቲያን መዳኘት ያለባት በዓለማውያን እጅ ይሆን? ወይስ  እነ ፓስተር እከሌ ወይም ፕሮፌሰር እከሌ ወይም እነ አትሌት ወይም ራስ፣ ደጃዝማች ስላልገቡበት ይሆን ቅር ያላችሁ? ጥቂት የመንበረ ፕትርክና አላሚዎች የሰላሙን ሂደት ከመንግሥት ጋር በመሆን ሊያበላሹት ስለሆነ እባካችሁ አባቶቻችን ድካማችንንና የቤተ ክርስቲያንን ልጆች ጩኸት አሁንም አዳምጡ እላለሁ። 

ሌላው ትኩረት የሚያሻው ጉዳይ፣ በግልጽ ቋንቋ ለመናገር ፣ መንግሥትም ሆነ የመንበረ ፕትርክና አላሚዎች መቼም ቢሆን  ያሰቡትን ከማድረግ አይተኙም። እናንተም እኛም ልጆቻችሁ ለረጅም ጉዞ እንዘጋጅ። ብፁዓን አባቶቻችን ከመካከላችሁ ማን ምን እንደሆነ ታውቁታላችሁ። እኛ ምዕመናኑ እንኳን በሚገባን መጠን ገብቶናል። ከመሐከል ያሉትን  ጊዜና ሁኔታዎች በሚፈቅዱበት አካሄድ የሚገባውን ዕርማት ማድረግ ትችላላችሁ። ከሁሉ በፊት  ግን ከዘበኛው ጀምሮ የቤተ ክርስቲያኒቷን ጥሪት እየተመገበ ታማኝነቱ ለውጭ የሆነውን ሁሉ (የመንግሥት ቅጥረኛም ሆነ የሌሎች)፣ የሥራ ስንብት ወረቀቱን ስጡት። ቅዱስ ሲኖዶሱ ነጻ አየር እንዲተነፍስ አድርት። እነ አቶ ብርሃኔ እነ ማን ናቸው? ማን ቀጠራቸው? ከዚህ ቀደም አቡነ ጳውሎስ በሰጡት ይሁንታ ተጠቅሞ፣ መንግሥት በደንነት ክፍሉና በእነዚሁ “ዘበኞቻችን” በእናንተ ብፁዓን አባቶቻችን ላይ ያደረሰው ጉዳት ይረሳል ወይ? ለምን መንገዳችሁ ላይ እንቅፋት ተቀምጦ እያያችሁ ታልፉታላችሁ?  በአጠቃላይ ሕብረታችሁና አንድነታችሁ እንዳይሳሳ ተገቢውን ጥንቃቄ አድርጉ።

በውጭውም ዓለም የምትገኙ የቤተ ክርስቲያን ልጆች እንዲሁ ለረጅሙ ጉዞ ተዘጋጁ። አቋማችሁ ግልጽ ይሁን። ስድስተኛ ፓትርያርክ ቢሾም አንቀበልም ብሎ ማለትን አትፍሩ። ከእናት ቤተ ክርስቲያን መለየት ሳይሆን እናት ቤተ ክርስቲያን በስልጣን ወዳጆችና በአር ባዮች መንገዷን እንዳትስት መርዳት ነው። ቅዱስ ሲኖዶስ ሊመራ የሚገባው ከመንግሥት ምክር ቤት በሚወጣ መመሪያ ሳይሆን በመንፈስ ቅዱስ መሪነት ነው። በመንፈስ ቅዱስ የማይመራ ሲኖዶስ የእናት ቤተ ክርስቲያን የበላይ አካል ተብሎ ሊጠራ አይገባም። ፍርሃታችሁን አስወግዱ፣ ቢያንስ በውጭው ዓለም ያላችሁን የመናገር መብት ለበጎ ነገር ተጠቀሙበት። ከእናንተ ጋር አብሮ ተሰዶ ያለ የመንግሥት ሰላይ አያስፈራራችሁ። አጋልጣችሁ ላላችሁበት መንግሥት አሳልፋችሁ ስጡት። ሽፍንፍን ይቅር። እዚህ ላይ፣ ሀገር ቤት ንብረቴ ይወረስብኛል፣ የኢሕአዴግ መንግሥት፣ ሀገሬ አያስገባኝም፣ ብለው የሚፈሩትን አይጨምርም። እነዚህ  ወገኖች መቼም ለራሳቸውም፣ ለቤተ ክርስቲያናቸው አይሆኑም። እሾሁ አንቋቸዋልና!

ትልልቆቹ እና ትንንሾቹ ማበራት፣ የሰንበት ትምህርት ቤት ተማሪዎች ለቤተ ክርስቲያናችሁና ለአባቶቻችሁ እንደ አጥር ሁኑ። ዝምታችሁ ይብቃ።  ይህ ወቅት ለእኛ መፈተኛ ጥያቄ  አቅርቧል። መልስ ያሻዋል። አሁን!!

እስከ አሁን የድጋፍም ሆነ የተቃውሞ ሳብ ያልሰጣችሁ አያተ ክርስቲያናት እባካችሁ ትልቅ ወንዝ የብዙ ጠብታ ውሃ ጥርቅም መሆኑን አስታውሱ። መንግሥትም ሆነ እኒህ “አባቶቻችን” በሰሙትና ባዩት ተቃውሞ ምንኛ እንደተረበሹ ከሚወስዷቸው ርምጃዎች ተረዱ። ያላችሁን ሃሳብም ይሁን ድጋፍ ግለጡ። አሁን የማይጠቅም ነገር የለም። ሲሆን ሲሆን ቤተ ክርስቲያን ጠንክራ ባላት ምዕመናን ብዛትና መዋቅር ጥቅሞቿን ለማስከበር መንግሥትንና ፖሊሲዎቹ ላይ ተጽዕኖ ማሳደር ደረጃ ላይ ብትደርስ ምኞቴ ነበር። አሁን ግን መንግሥት አጥር አልፎ የቤተ ክህነቱን ደንብ ቁጭ ብሎ እስከ ማርቀቅ ደረሰ። ትልቅ ድፍረትና ንቀት ነው። ይህ በዚህ መቀጠል የለበትም። የኢሕአዴግ መንግሥት እኛ አልደረስንብህም እባክህ ልብ ግዛ። ሕዝበ ምዕመናኑን ወደ አልተፈለገ መንገድ አትምራው። ያለበለዚያ የመጨረሻህ መጀመሪያ መሆኑን እወቅ። የእኛ  ጥያቄ የቤተ ክርስቲያናችንን ዕጣ ፈንታ እኛ ብቻ እንድንወስን ተወን!! ምነው የራስን ጉዳይ በራስ መወሰን መብት የአንድ ወቅት መፈክር ብቻ ሆኖ ቀረ?

ወስብሐት ለእግዚአብሔር




13 comments:

Anonymous said...

01/10/13
በእግዚአብሔር ስም ሰላምታዬን አቀርባለሁ
አስካሁን ሰለሰላሙ ስለ ዕረቁ የሚሰበሰበው የሚፅፈው የሚጮሀው አንድ ወገን ብቻ ነው።እኛ እየተነሳን አባቶቻችን ጳጳሳትን እንደ ድፎ ዳቦ ከላይም ከታችም እሳት እያለበስናቸው ነው።በሌላው ወገን ፓትርያርክ የተባሉትን ድምፅ እንኳን ሰምተው አያውቁም።እውነቱን ተናግረው አሰሙን ሀሳብዎት ምንድነው ብሎ እንኳን የጠየቀ አንድ ተቆርቋሪ አልሰማንም።ነው ወይስ ስህተቱ በአንድ በኩል ብቻ ነው ያለው? ሁሉም እየተነሳ እነሱ ላይ የሚፎክረው እነሱም ይጠየቁ ተከታዮቻቸውም ሀሳባቸውን ይግለፁ ለምን ተሰደዱ ለምን ሲኖዶስ በሀሰት አቋቋሙ አሁን ያላቸው የእርቅ አቋም ምንድነው?ይመልሱና እንስማው።የራሳችንን ገበና ብቻ አሳልፈን እየሰጠን አንኑር አመሰግነለሁ።

Anonymous said...

Waw! who is this writer? is he a sprituual or poloitical ? ARe you the one who is critisizing dani? I can see who you are from your frefersiki( tera were). I know deje selam will not post my coment. Because......
Your idea is trying to motivate peoples to disturb our church. That is your objective. But this is bad (davils) sprit. Please watch out

Anonymous said...

Egna yeraschin patriyark enmertalen Beza betornet hzbu gra bethabet seat memenun b/krstiyann hgerachewn meda lay tilewn lesheshu ena besdetachew b/ krstiyan yekefelu kenona afrsew papastn yeshomu le 20 amet tifatachewn weym megefatachewn tenagree yemayawku abat nachew ena ager bet yalutn abatoch bemesadeb ena bemaward emigeng neger yelem erku yketl abatochachin lb/krstiyan ytekmal yalutn ywesnu enga yenesu yemenfes ljoch enji yemenfes abatoch aydelenm hulachinm drshchinn mawek alebn !!!

Kebede Bogale said...

ፀሓፊውን እግዚአብሔር ነውና እውነቱን እንዲናገሩ እንደ ነብያቱ የተጠቀመብዎት እንኳን ለዚህ አበቃዎት እላለሁ። የፃፉት ሁሉ አንድም ስሕተት የለውም ። ለዚህ ነው እግዚአብሔር የተጠቀመብዎት ያልኩት። ምክንያቱም እግዚአብሔር በባኅርዩ ምንም ሕጸጽ የሌለበት ፍፁም ነውና ፍጹም እውነት የሆነውን ቃሉን እንዲጽፉ ተጠቅምብወታልና ! አሁን ባለንበት ሁኔታ እንደነዚህ ያሉ ሰማዕተ ጽድቆችን አጥተን እውነትን እንደ ውሀ የተጠማንበት ዘመን ስለሆነ ይህ አይነቱ ሥራ መቀጠል አለበት። አዎ ሳይሆኑ መስለው የሚታዩ ሁሉ እንደዚህ ያሉትን የሰማዕተ ጽድቆችን ሃሳብ እንደማይቀበሉት ከእውነተኛ ባሕሪያቸው የሚታወቅ ስለሆነ ተቃውምዋቸው የሚጠበቅ መሆኑ መረሳት የለበትም። እነዚህ ወገኖች ከሁሉም በላይ የሚያዩት የቤተ ክርስቲያንን ቋሚ ጥቅም ሳይሆን በአጸደ ቤተ ክርስቲያን ተጠልለው የየግል ጥቅማቸውን ነው የሚከላከሉት። ለአባቶች ክብር የሚቆረቆሩ በመምሰል ቤተ ክርስቲያንን እያፈረሰ ያለውን አካሄድ ሁሉ 'ፍኖተ ጽድቅ'/የጽድቅ/የእውነት መንገድ አስመስለው ለማቅረብ ይሞክራሉ። እና እንደዚህ አድርገው ጨለማውን ገፈው ያለውን እውነታ በብርሃን እንድናው የሚያደርጉትን የእውነት ሰዎች ከመንቀፍ ሌላ የሚያቀርቡት የእውነት መረጃ የላቸውም ። አንዳንዶቹም የዚህ ሁሉ ችግራችን ምንጭ ለሆነው ዓለማዊ መንግሥት በሰላይነት የሚያገለግሉ የጨለማ ኃይሎች ናቸው። መንግሥትም የሚፈራው በቤተ ክርስቲያኒቱ ውስጥ የዘረጋው የስለላ መረብ እንዳይቆረጥበት ነው ። ለዚህ ነው ቤተ ክርስቲያኒቱ በራሷ መንፈሳዊ መንገድ እየተመራች መንጋወቿን ከነጣቂ ተኩላ እንድትጠብቅ የማይፈቅደው። የዚህ መንግሥት የበላይ ጠባቂዎች የሆኑት ፕሮቴስታውያኑ የምዕራብ ኃይሎችም ከመቸውም ጊዜ በተመቸ ሁኒታ የዚችን ጥንታዊት ኦርቶዶክሳዊት ተዋሕዶ ቤተ ክርስቲያን ልጆች እየነጠቁ እንዲወስዱ በሩ ክፍት ሁኖላቸዋል። ለይቶላቸው በግልጽ ከጰነጠጡት በተጨማሪ፥ ዛሬ በውጫዊ አለባበሳቸው እኛን መስለው ለነሱ የሚሠሩ ብዙ "መንኮሳት ፥ ካህናት ፥ ዲያቆናት ፥ ጳጳሳትና ሰባክያን" እንደ አሸን የፈሉበት ሁኔታ ነው መፍጠር የቻሉት። ለብዙ ዘመናት እራሳቸው ነጮቹ ሞክረውት ያልተሳካላቸውን ዛሬ የእኛዎቹን የነሱ በማድረግ እቅዳቸው ተሳክቶላቸዋል። ስለዚህ እነዚህ የጋራ ግምባር የፈጠሩ የውጭና የውስጥ የቤተ ክርስቲያናችን ጠላቶች ያገራችንም ሆነ የቤተ ክርስቲያናችን ችግሮች በቀላሉ እንድንፈታቸው አይፈቅዱልም። ገና ብዙ የሕይዎት መስዋዕትነትን ጭምር የሚጠይቅ ተጋድሎ መሆኑን ተረድተን ፥ ለዚህ ወሳኝ ተጋድሎ እውነተኞቹ የቤተ ክርስቲያኒቱ ልጆች ተባብረን ለመታገል የስዕነ አእምሮ ዝግጅት ማድረግ ነው ያለብን። እንደኒህ ያሉትን እውነቱን የሚጽፉትን ሰማዕተ ጽድቆችንም ከጥቃት መከላከል የመጀመሪያ እርምጃችን መሆን አለበት እላለሁ። በድጋሚ ፀሓፊውንና የፀሓፊውን ሃሳብ ለንባብ ያበቃውን መድረክ ፥ ደጀሰላምን ለማመስገን በቃላት መግለጥ ካቅሜ በላይ ቢሆንም ፤ እግዚአብሔር የቤተ ክርስቲያናችንን ትንሣኤ ለማያት ያብቃችሁ እላለሁ ። ''ሰው አስቀድሞ ኃይለኛውን ሳያስር ወደ ኃይለኛው ቤት ገብቶ እቃውን ሊነጥቀው እንዴት ይችላል ?ከዚያም ወዲያ ቤቱን ይበዘብዛል። ከኔ ጋር ያልሆነ ይቃወመኛል ፤ ከኔ ጋርም የማያከማች ይበትናል። ''ማቴ. 12 ፤ 29። ይህን ልብ ይሏል !

Anonymous said...

Great article! Thank you for sharing.
Let's be prepared not to be fooled by liar pops again. Let's stand together to oppose the mean spirited regime, the sponsor of the mafia group who beat, persecuted, defamed our honest fathers inside bete kihenet very recently. Let’s fiercely oppose the making of the 6th patriarch as the spy of TPLF as was the late patriarch. God has truly spoken. And He showed us His miracle in our time we thought it wasn’t possible. We shall never commit the same mistake we made 21 years ago-accepting government sponsored fake patriarch who doesn’t care for the mengaw and the church. No more joking in the name of ‘synod’!!! We want freedom in our church more than ever!!!!!!

Gebre
ke Eitssa T/Haymanot

Berhanu Melaku, USA said...

በእምነት የታጀበ የፖለቲካ ቅስቀሳ
======================
ጸሐፊው የገልጹት ለቤተ ክርስቲያናችን ያላቸውን ፍቅር ስሜታዊ በሆነና ሙሉ ቀኖናን የተከተለ ነው። አዎ፤ በዚህ በውጭው ዓለም ለምንገኘው ለብዙዎቻችን፣ በተለይ ባለፉት ፯ እና ፰ ዓመታት ላቋቋምናቸው አጥቢያ አቢያተ ቤተ ክርስቲያናት፣ ምርጫችንን እናት ቤተ ክርስቲያናት አድርገን ስንጓዝ፣ መንገዱ ቀላል አልነበረም፤ አሁንም ከፈተናው አልተላቀቅንም ገና።
ቢሆንም ጉዞው ውጣ ውረድ፣ ገደልና ኩርንችት ቢበዛበትም ጉዞአችን ሰላማዊ መሆን ይኖርበታል። ክርስቲያን በፈጣሪው ይመካል እንጂ በአማኙ ሕዝብ አይመካም።
ክርስቶስ በሕዝብ አልተመካም፤ ሙሴ በግብጽ ባርነት ሲኖር በሕዝብ አልተመካም፤ ኢዮብ ያንን ሁሉ ሰቆቃ ሲቀበል በሕዝብ አልተመካም፤ ኤልያስም እንዲሁ።
እኔ ክርስቲያን ወገኔን የምመክረው እንደሚከተለው ነው። ሁላችንም በያለንበት በጾም፣ በምጽዋት፣ በስግደት፣ በምህላ ወደ እግዚአብሔር እንድንማጸን ነው። ይህንን ብንቀጥልበት እግዚአብሔር "ተዋቸው እስከመከር ድረስ አብረው ይደጉ" ያላቸውን የበለስ አረሞች ማረም ስለጀመረ እንዲቀጥልበትና ምርቱ ከግርዱ እንዲልይ ይረዳል። በስልጣኑ ምድርን በህዋ ላይ ያንሳፈፈ አምላክ የአዳምና ሂዋንን ምድር በተዋህዶ ይጠብቃታል። ዋናው ቁም ነገር በእምነታችን የፀናን እንሁን ብዙ ዘመናዊ ኦርቶዶክሶች ጾመ ድኅነትንና ንስሐን የማያውቁ አለማችንን ሞልተዋታልና።

ወስብሐት ለእግዚአብሔር።
ከብርሃኑ መልአኩ

Anonymous said...

People Like Dn Daniel are being baseless. He lacks logic.

Tekle said...

May God bless the writer.

We shall not accept any more fake cadre so called '6th patriarch' that may come out of a shame election sponsored by the government of athiests and menafkans.

Let peace and unity reign in our church once more. We don't need a fake cadre patriarch.

We have a legitimate 4th Patriarch.

We need Freedom in our church. We deplore any government meddling in our spiritual matter.

Anonymous said...

ፖለቲካዊ እምነት?
እባክህ ጽሁፉን ወደ ኢትዮ ሚዲያ/ ፈርስት ቢሆን‹›

"አዝነንባችኋል!(ጸሀፊዎቹ ስንት ናቸው?) አንድ ለወደፊቱ የምንገባላችሁ ቃል ቢኖር “ውሎአችሁ ከማን ጋር እንደሆነ በስፋት እናጠናለን!!” የሚል ነው"
ዕምነት ማለት መንጨርጨር ስለማይመስለኝ፤
አማኝ የሆነም ሐሰት ለመናገር የማይደፍር፤ ብዕሩን ለመለያያ የማያሾል፤በአንጻሩ ደግሞ ለበጎ ነገር ብቻ ፤ ለፍቅር ብቻ፤ ልቡን የከፈተ፤ አንደበቱን የጠበቀ ሲሆን ያምራል። ፖለቲካዊ እምነት ያለው ካልሆነ።
እነ ከበደ ከተደሰቱ፤ መጠርጠር ደግ ነው። እነ ቦግ አለም እንደዚሁ።
ጸሀፊው ከጻፉት ጽሁፍ ውስጥ አንዳንድ ደጀሰላማዊ ቃላቶችን አውጥተው በ "ኢትዮ ሚዲያ" አልያም"በ፟-ፈርስት" ላይ ቢወጣ ምንኛ ቦታውን ባገኘ ነበር። "የሰላምና አንድነት ኮሜቴው የቅዱስ ሲኖዶስ አካሄድን ተመልክቶ ባወጣው መግለጫ ያልተደሰቱትና፣ የፕሬዚዳንቱ ደብዳቤ ያደናገጣቸው የቤተ ክህነትና የመንግሥት ባለሥልጣናት ድርድሩ እየተካሄደ የሰጧቸው ቃለ ምልልሶች የመጀመሪያዎቹ አመላካች ማስረጃዎች ናቸው።"

ያውም እንዲህ በውጭ ጥርሳችንን እየጨረስን ላለነው ኗሪዎች እንዲህ አይነት ጽሁፍ? ለሀገር ቤቶች አባቶቻችን/ወንድሞቻችን/እህቶቻችን.. መልዕክት ለመስጠትም ከሆነ በ"ፖለቲካ ዕምነት" በጣም ያስቸግር ይመስለኛል።

"እዚህ ላይ አንድ አስተያየቴን መስጠት የምፈልግበት (አረ ጸሀፊው ስንት ነህ?) ጉዳይ አለ። ቅዱስ ሲኖዶስ የሰላምና አንድነት ኮሜቴው በሌላ እንዲተካና ኮሜቴው ለሌሎች አደራዳሪዎች ሁኔታዎችን ከማመቻቸት ያለፈ ሚና እንዳይኖረው የተፈለገው ለምንድን ይሆን?? ለመሆኑ በእናት ቤተ ክርስቲያናቸው ከልጅነት እስከ ዕውቀት ያደጉ፣ በክፉም በደጉም ሰዓት ለቤተ ክርስቲያናቸው መስዋዕትነትን የከፈሉትን፣ ስንቱን የቤተ ክርስቲያን ገመና ሸፍነው የያዙ አባቶችን የሚያስመርጥ ሌላ አደራዳሪ ተገኝቶ ነው?"
"ቡዳም" አትበሉኝ ጸሀፊው/ዎቹ ካስታራቂው ይሆን/ኑ`?!

አሁንም ለአንዲት ሲኖዶስ! በፍቅር፤ በመቻቻል (ከአባቶቻችን እግር ስር ሆነን)

ሁሉም በዕርሱ ፈቃድ!

ዳላስ- ቴክሳስ

Anonymous said...

kale hiwote yasemalen....endhe ewenetune yemesefe neber yetefawe.Ahunem sele betekirystyanachine eskemote engadelalene abatochachine lega endasrekebune egame lelegochachine enasrekibatalene.bezhe egane memenanochune erdune mine marege endaleben eskezyawe besome beselot entega.
egzhabhere amlake ande yaderegene

Anonymous said...

የመጀመርያውን አስተያየት የጻፉት ሰው እንዳሉት እገሌና የገሌ አባት ማለት አይገባንም፤ ከመና ካሉ የሁም ነው፤ ግን እኔ በእውነት በአቡነ መርቆሬዎስ አለመናገር እስማማለሁ፤ ችግር በሕዝብ ሚድያ አይደለም የሚፈታው፤ ለምን ላለፉት 21 ዓመታት ድምጽዎትን እንስማ አላልንም? ዝምታቸው ቤ/ክንን ያጠቅማል እንጅ አይጎዳም፤ እርሳቸው በመናገራቸው ችግሩ ይፈታል ብየ አላምንም፤ በእርግጥ ለአደራዳሪው አካል ተገቢውን ትብብር ካላደረጉ ችግር ሊሆን ይችልላል፤ ከኢትዮጵያ ከአሉ አባቶች ጋርና ከሰላም ኮሚቴው ጋር ተገቢውን ሥራ ከሰሩ ይበቃል ባይ ነኝ። ሌሎች አስተያየት ሰጮች አስተያየት ሲሰጡ የጸሐፊውን ሐሳን የፓለቲካ ሐሳብ አስመስለው ለኢትዮሚድያ ሲመኙት ገርሞኛል፤ በቤ/ክ እውነት መነገር የለበትም ማለት ነው? እንደ እኔ ይህ ጸሐፊ ይበል የሚያሰኝና ለቤ/ክ የሚጠቅም መልክት አስተላልፈዋል፤ ምንአልባት የፖለቲካ ሰዎች በእነርሱ ዐይን አይተውት ይሆናል፤ ጀሮ ያለው መስማትን ይስማ እውነቱ ይህ ነው።
ተአቀ ለነ
ከዳላስ

Gofa Geberal said...

I am very dissapointed in what we are listening everyday. We really don't know where to go, all the fathers we trust them today next day they change, they become some one else. Imagine Abune Abrham who woudl even think that he will support this kind of paatricarch election. I know Abune Abrheam 20 years ago, when he was Aba Kalestdek and he was our teachar at Sunday school in Gofa geberal, he was the best father I ever know, best teacher, he is very young monk may be around 20 somthing, at the time but spitrualy matutred much much more than his age. He chagned our church, he helped us to fought with Tehadeso, he was our father, our brohter, our adviser every thing. I would never ever want to belive that he will support the church division and new patricarch before peace, please God keep him out of this. Abune Abrham really scrrified his young age for the churh please don't let world and this love of power change him. To tell you the truch I wasn't happy when I heard he got to become pop, because I knew it will be more challenging to keep all his good abatawi manenet, too many polticl pressure, world by it self is temption. I was saying I wish being pop won't change his hamble father, loving and dedicated, hard work character. He was some one you want to be proud of even to know him. Hope he won't change all his spitrual grace just for power. Let God keep his spirt from Eveil. I still respect and love him, and dont' trust what I am hearing and reading until I hear from himself that he would stand with our churhes enemy that would be the day for me to cry as if he died. Please Abune abrham don't disapponterd us, disapointed your mother chuch and disapointed God. I am one of the closet people you know in Gofa Geberal, living abroad now. Please win this challenge with Menefeskedus and let us be happy and proude of you.

Keep Hope Alive said...

Gofa Geberal: As you know a Bishop is the highest honor in the Church so Bitsu Abbatachin Abune Abrham would not be seeking more power as he is at the highest ecclesiastical position currently. As you say, I have experienced all the good things you said about Bitsue Abbatachin myself, therefore I am not quick to believe all the gossip being spread. So don't lose hope.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)