January 14, 2013

ጥር 6 ይኸው ደረሰ

·         የፓትርያርክ ምርጫን ከዕርቀ ሰላሙ ጎን ለጎን ለማካሄድ የታሰበው ቤተ ክርስቲያኒቱ ያለ አባት፣ ምእመኑም ያለ እረኛ ተበትነው እንዳይቀሩ” ነው፤ (ብፁዕ አቡነ ሕዝቅኤል)
·         በሽምግልናው ሂደት የአገር ሽማግሌዎችና ታዋቂ ሰዎች ተጨምረውበት የዕርቀ ሰላሙ ድርድር ይቀጥላል፤
(ደጀ ሰላም፤ ጥር 5/2005፤ ጃኑዋሪ 13/2013/ PDF)፦ በጉጉት ሲጠበቅ የነበረው የቅዱስ ሲኖዶስ አስቸኳይ ምልዓተ ጉባኤ ሊካሄድ አንድ ቀን ብቻ ነው የቀረው። ጥር 6/2005 ዓ.ም ይኸው ደረሰ። ምንም እንኳን ሌሎች አጀንዳዎች አንሥቶ ሊነጋገረ እንደሚችል ቢጠበቅም በዋነኝነት ግን የጉባኤው ዓላማ ዕርቀ ሰላሙ እና የፓትርያርክ ምርጫው ጉዳይ እንደሚሆን እየተጠበቀ ነው።

የቅዱስ ሲኖዶስ ዋና ፀሐፊ ብፁዕ አቡነ ሕዝቅኤል ስምዐ ጽድቅ ለተሰኘው የማኅበረ ቅዱሳን ጋዜጣ እንደተናገሩት ከሆነ “የፓትርያርክ ምርጫውን ከዕርቀ ሰላሙ ጋር ጎን ለጎን ለማካሄድ” የተቆረጠ ይመስላል። ለዚህም በምክንያትነት የቀረበው “ቤተ ክርስቲያኒቱ ያለ አባት፣ ምእመኑም ያለ እረኛ ተበትነው እንዳይቀሩ” ነው። ነገር ግን በዕርቁ መፍረስ የሚበተነውን እና ያለ እረኛ የሚቀረውን ምእመን አስመልክቶ ምንም የተናገሩት ነገር የለም።

ከቤተ ክርስቲያን ውጪ ያሉ እጆች በጽኑዕ በተጫኑት በዚህ የአበው ዕርቅና የቀጣዩ ፓትርያርክ ምርጫ ጉዳይ ብፁዓን አበው ሊቃነ ጳጳሳት ለቤተ ክርስቲያኒቱ የሚበጅ ውሳኔ በጥብዓት ያሳልፋሉ ብለን እንጠብቃለን። በርግጥ ብፁዕ አቡነ ሕዝቅኤል እንዳሉት የፓትርያርክ ምርጫ ደንብ “ቀድቋል” ተብሏል። የመቀበሉም ሆነ የመሻሩ ሥልጣን የምልዐተ ጉባኤው ስለሆነ በተጠራው አስቸኳይ ስብሰባ ዳግም ሊታይ ይችላል ብለን እንጠብቃለን።
   
ወስብሐት ለእግዚአብሔር




Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)