December 5, 2012

ማብራሪያ፦ ስለ ፊርማ ማሰባሰቡ (ፔቲሽኑ)


(READ IN PDF):- የተለያዩ ፈራሚዎች ፊርማውን ለመፈረም ገንዘብ እየተጠየቁ መሆናቸውን አስተያየት ሰጥተዋል። በትክክልም ከፊርማቸው መጨረሻ ላይ ከዚህ ከፎቶው ላይ የምትመለከቱት ዝርዝር ይመጣል። ነገር ግን ገንዘቡን የጠየቀው ፊርማውን እያሰባሰበ ያለውና በነጻ ፈቃድ ስለ ቤተ ክርስቲያን አንድነት አቅሙን እያበረከተ ያለው ምእመን ሳይሆን ፊርማ መፈረሚያ ዘዴውን በነጻ የሚሰጠው “ipetitions” የተባለው  ድርጅት ነው።


ድርጅቱ ስለ ሥራው እንደገለጸው “ዲሞክራሲን ለማስፋፋት፣ ድምጻቸውን በፊርማ ማሰማት እንዲችሉ ለማድረግ” እርዳታ እንደሚያስፈልገው በመገለጽ ድጋፍ ጠይቋል። የሚፈልግ እና አሁን እኛ እንደፈረምነው ያለ ሌሎች ድምጽ ማሰሚያ ፊርማዎች (ፔቲሽኖች) እንዲሰባሰቡ የሚረዳ ሰው በገንዘብ ቢያግዛቸው ይመሰገናል። ከዚያ ውጪ ግን ይህ የተጠየቀው አሁን ያለውን የአባቶች እርቅ ጉዳይ የማይመለከት መሆኑን እነድታውቁት ይሁን። ልክ ስትፈርሙ “Your signature has been recorded” የሚለው ዐ.ነገር ፊርማችሁን በትክክል ማስፈራችሁን ስለሚያሳይ ለሌላው አትቸገሩ። ይህንን ፊርማ የምታሰባስቡ ወገኖቻችንም እንዲህ ዓይነቱ ነገር ሲነሳ ቶሎ ማብራሪያ መስጠት ብትለምዱ መልካም ነው።

ስለ “አባቶች እርቅ” ጉዳይ ፊርማ ማሰባሰብ ተጀመረ
  •      ምእመናን ፊርማቸውን በኢንተርኔትም ሆነ በየአጥቢያቸው በወረቀት እንዲያሰባስቡ ተጠይቀዋል፤
(ደጀ ሰላም ኅዳር 25/2005 ዓ.ም፤ ዲሴምበር 4/2012):- የቤተ ክርስቲያን አባቶችን እርቀ ሰላም ለማገዝና የምዕመናን ሙሉ ድጋፍ ለማሳየት “የተማኅጽኖ ፊርማ” (ፔቲሽን) ማሰባሰብ ተጀምሯል። ምእመናን የዳር ተመልካች ሆነው ቤተ ክርስቲያን ከአንድ ችግር ወደ ሌላ ችግር ስትሸጋገር መመልከት ብቻ ሳይሆን እነርሱም በፈንታቸው “የእርቁ አካል” በመሆን አባቶችን መርዳት እንደሚገባ የሁሉም እምነት ነው።

ደጀ ሰላምም ለረዥም ዓመታት ስታደርግ እንደነበረው አሁንም ምእመኑ ይህንን የፊርማ ዘመቻ በመካፈል ድምጹን ማሰማት አለበት።  በኢንተርኔት መፈረም ለምትፈልጉ (ይህንን http://www.ipetitions.com/petition/eotcpeaceandunity/ በመጫን) ፊርማውን ማከናወን ይቻላል። የ “ፌስቡክ ተጠቃሚዎች” በፌስቡክ አማካይነት በቀላሉ መፈረም ያስችላችኋል።

በየአጥቢያችሁ ፊርማውን በመፈረም ሌሎችንም እንዲፈርሙ ማድረግ ለምትፈልጉ ደግሞ (ይህንን ፒ.ዲ.ኤፍ) “ዳውንሎድ” በማድረግ መጠቀም ትችላላችሁ።
ቸር ወሬ ያሰማን፤ አሜን፡፡  
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)