December 28, 2012

“በፓትርያርክ ምርጫ ሂደት መንግስት ጣልቃ አልገባም፤ አይገባምም” (መንግስትና ቤተክርስቲያኗ)


(አዲስ አበባ፣ ታህሳስ 18፣ 2005, Fana Radio/ PDF) የቀደሞው የኢትዮጵያ ኦርቶዶክስ ተዋህዶ ቤተክርስቲያን ፓትርያርክ ብጹዕ ወቅዱስ አቡነ ጳውሎስን እረፍት ተከትሎ ፥ የቤተ ክርስቲያኗ ቅዱስ ሲኖዶስ ቀጣዩን ስድስተኛውን ፓትርያርክ ለመሾም የሚያስችል ደንብ አዘጋጅቶ ሲመክርበት ቆይቷል።


የሲኖዶሱ ዋና ጸሐፊ ብጹዕ አቡነ ሕዝቅኤል ለፋና  ብሮድካስቲንግ ኮርፖሬት እንደተናገሩት ፥  ፓትርያርክ የሚሆን አባት ለመምረጥ የሚያስችል እጩዎችን እንዲመረጥ ኮሚቴ ተሰይሟል። ይሁንና ሰሞኑን አንዳንድ የግል የህትመት ውጤቶችና ድረ ገጾች በምርጫው የመንግስት ጣልቃ ገብነት አለ የሚሉ መረጃዎችን ይዘው ሲወጡ ተስተውሏል።

የፌደራል ጉዳዮች ሚኒስቴር  ለጣቢያችን  መንግስት በሃይማኖት ጉዳይ ላይ ጣልቃ እንደማይገባ ፥ ይህን ለማድረግም ህገመንግስቱ እንደማይፈቅድ ገልጿል። የሚኒስቴሩ  የህዝብ ግንኙነት ኃላፊ አቶ አበበ ወርቄ እንደገለፁት ፥ ወሬዎቹ በፍጹም ከእውነት የራቁ ናቸው። በሃገሪቱ ባሉ በሁሉም ሃይማኖቶች ዘንድ የመከባበር፣ የመቻቻልና ሰላማዊ የአምልኮ ስራ እንዲያካሂዱ ሚኒስቴር መስሪያቤታችን ይሰራል ይህም በአዋጅ የተሰጠው መብት ነው የሚሉት አቶ አበበ፤ ከዚህ ባለፈ ግን መንግስት በየትኛውም ሃይማኖታዊ ስርዓት ውስጥ በሚካሄዱ ማናቸውም ተግባራት ጣልቃ እንዲገባ የተሰጠው ስልጣን የለም።

አንዳንድ አካላት መንግስት የሃገር ልማትን በተመለከተ ከሃይማኖት ተቋማት ጋር የሚያደርገውን እንቅስቃሴ እንደ ጣልቃ ገብነት እንደሚመለከቱና ይህም ከግንዛቤ እጦት የመጣ  መሆኑን  አስረድተዋል። በፓትርያርክ ምርጫ ሂደት ውስጥም መንግስት ጣልቃ አልገባም ፤ አይገባምም ነው ያሉት ሃላፊው ።

የኢትዮጵያ ኦርቶዶክስ ተዋህዶ ቤተክርስቲያንም ይህንኑ አረጋግጣለች። ከፓትርያርክ ምርጫው ጋር ተያይዞ የመንግስት ጣልቃ ገብነት አለ መባሉ ፈጽሞ ተቀባይነት እንደሌለው ነው የተናገረችው። ቅዱስ ሲኖዶሱ ለምርጫው የሚያስፈልጉ በቤተክርስቲያኗ ህግና ስርዓት ላይ የተመረኮዘ ደንብና መመሪያ አዘጋጅቶ ውይይት ከማድረግ ባለፈ ሙሉ በሙሉ ወደ ምርጫው ባልገባበት ሁኔታ ስለጣልቃ ገብነት ማውራት ትክክል ነው ብለን አናምንም ብለዋል ዋና ጸሐፊው ብጹዕ አቡነ ሕዝቅኤል። በደንብና መመሪያው መሰረትም እጩዎችን የሚያቀርቡ አካላት መመረጣቸውንም ነው ብጹዕ አቡነ ሕዝቅኤል የነገሩን። የኢትዮጵያ ኦርቶዶክስ ተዋህዶ ቤተክርስቲያን ምንጊዜም ቢሆን ሰላምን ትሻለችና ፤ በውጪ ሃገርም ካለው ሲኖዶስ ጋር ሰላም ለማምጣት ጥረት እየተደረገ ስለመሆኑም ዋና ጸሐፊው አቡነ ሕዝቅኤል መናገራቸውን ባሃሩ ይድነቃቸው ዘግቧል።

10 comments:

Anonymous said...

Ewunet bihon melkam neber!

ማህበረ፡ክርስቲያን said...

እያየን፡እውሮች፡እየሰማን፡ደንቆሮዎች፡እያሉን፡ስለሆነ፡ከነሱ፡መፍትሄ፡ይገኛል፡ብዬ፡ለማመን፡ከቀን፡ወደ፡ቀን፡እየከበደኝ፡ነው፡ለኔ፡በራሴ፡፡ልቅሶና፡ልመና፡ወደሚሰማ፡አባት፡እንጩህ፡፡የቅዱስ፡ሲኖዶስ፡አባላት፡ማንነትም፡መጣራት፡ያለበት፡ትልቅ፡ጉዳይ፡ይመስለኛል፡፡በውጭም፡በውስጥም፡ያሉት፡ውስጥ፡ብዙ፡ሃይማኖታቸው፡መጣራት፡የሚገባው፡አሉ፡፡አንዳንዶቹ፡በይፋ፡የገለጹ፡ወይም፡እየገለጹ፡ያሉ፡ቢኖሩም፡ተደብቀው፡ተዋህዶ፡ሃይማኖታችንን፡ለመጣል፡የሚሮጡትን፡ነጥሎ፡ማውጣት፡አስፈላጊ፡ነው፡፡
የአምላክ፡ቸርነት፡የእመቤታችን፡አማላጅነት፡አይለየን

Anonymous said...

እያየን፡እውሮች፡እየሰማን፡ደንቆሮዎች፡እያሉን፡ስለሆነ፡ከነሱ፡መፍትሄ፡ይገኛል፡ብዬ፡ለማመን፡ከቀን፡ወደ፡ቀን፡እየከበደኝ፡ነው፡egzhio enbele

Anonymous said...

እንደ እግዚአብሔር ፈቃድ ይሁን!

Anonymous said...

ደጀ ሰላሞች መዘናጋት የለብንም፤ መንግሥት አይገባበትም የሚለው የማይታመን ነገር ነው፤ ከሆነም አባቶቻችን ለሰላም ቅድሚያ እንዲሰጡ በርትተን መሥራት አለብን፤ እባካችሁ በፍጥነት አስተባብሩ፤ የመንግሥት እጅ ከሌለ ደግሞ አባቶችን ማሸነፍ አለብን።

Anonymous said...

መንግስት ጣልቃ አይገባም ከተባለ ለምን መንግስስ ሀይማኖቱን እንደ መሳሪያ ይጠቀምበታል፡ እንደገና ደግሞ በዚህ ጊዜ የኦርቶዶክስ አማኞች የሚፈልጉት መንግስት የከፋፈላትን ቤተክርስቲያን አንድነት እንጂ አዲስ ፓትርያሪክ መምረጥ አይደለም። አሁንም ቢሆን ፓትርያሪክ ከመመረጡ በፊት የቤተክርስትያን አንድነት ይጠበቅ፡ ዉጭ ካሉት አባቶች ጋር በመስማማት የተጣሰዉ ቀኖና ይመለስ፡ ይህ ሳይሆን አዲስ ፓትርያሪክ ቢመረጥ ግን አሁንም የመንግስት ጣልቃ ገብነት ዉስጥ ለዉስጥ አለበት።

Anonymous said...

መንግስት ጣልቃ አይገባም ከተባለ ለምን መንግስስ ሀይማኖቱን እንደ መሳሪያ ይጠቀምበታል፡ እንደገና ደግሞ በዚህ ጊዜ የኦርቶዶክስ አማኞች የሚፈልጉት መንግስት የከፋፈላትን ቤተክርስቲያን አንድነት እንጂ አዲስ ፓትርያሪክ መምረጥ አይደለም። አሁንም ቢሆን ፓትርያሪክ ከመመረጡ በፊት የቤተክርስትያን አንድነት ይጠበቅ፡ ዉጭ ካሉት አባቶች ጋር በመስማማት የተጣሰዉ ቀኖና ይመለስ፡ ይህ ሳይሆን አዲስ ፓትርያሪክ ቢመረጥ ግን አሁንም የመንግስት ጣልቃ ገብነት ዉስጥ ለዉስጥ አለበት።

Ameha said...

መንግሥት ጣልቃ የሚገባው በሁለት መንገዶች ነው፤ አንድ በግልጽ፣ ሌላው በስውር (በምሥጢር)። የመንግሥት የግልጽ ጣልቃ ገብነት የተገነዘብነው እንደእነ አባይ ፀሐዬን የመሳሰሉ የኢሕአዴግ ባለሥልጣናትን በበላይ ጠባቂነት ወይም አስታራቂነት(ሰብሳቢነት፣ አሸማቃቂነት) መድቦ የቤተ ክርስትያን አባቶችን እየሰበሰበ ሲያስፈራራ እና ሲያሞካሽ በማየታችን/በመስማታችን ነው። በስውር የሚባለው ደግሞ አንድም፣ ለሁለት አምላክ የሚገዙትን ማለትም በአንድ በኩል "የኃይማኖት አባት" እየተባሉ በሌላ በኩል ደግሞ የኢሕአዴግ አባሎች ሆነው የድርጅታቸውን ቤተ ክርስትያንን የማዳከም ዓላማ የሚያስፈጽሙ "አባት" ተብዬዎችን በማሠማራት፤ ሌላው ደግሞ የመንግሥት ደህንነት ምሥጢራዊ በሆነ ዘዴ ቤተ ክርስትያኗን ለመቦርቦር በሚያደርገው እንቅስቃሴ (በአባቶች መካከል ስምምነት እንዳይኖር እርስ በርስ በማጋጨት፣ ዛቻና ማስፈራሪያ በመጠቀም፣...ወዘተ) ይገለጻል። በላይ በጠቀስኳቸው መንገዶች ሁሉ መንግሥት በቤተ ክርስትያናችን የውስጥ ጉዳይ ጣልቃ እየገባ ይገኛል። ኦፊሴላዊ በሆነ መልኩ ቢያስተባብሉም ጣልቃ ገብነታቸው በዚህ ዘመን ለማንም የተደበቀ አይደለም። ሁላችንም የቤተ ክርስትያናችንን ጉዳይ የምንከታተለው በዓይነ ቁራኛ ነውና። የማሞ ቂሎ ዘመን አብቅቷል።

Salaam said...

ብዙ ጊዜ እንደተባለው ከሃይማኖት አንጻር ሲታይ መንግስት ጣልቃ መግባቱ ሳይሆን የሲኖዶሱ አባላት የመንግስት ጣልቃ ገብነትና ሌሎች ፈተኖች መቋቋም አለመቻል ነው።

አንድ ኦርቶዶክስ ሴጣን ሲፈታተነው ለእግዚአብሔርን ጥንካሬና ብርታት ስጠኝ ብሎ ነው የሚጸልየው እንጂ ሴጣንን ተወኝ ብሎ አይለምነውም። ሴጣንንም እምቢ የማለት ሀላፊተንት አለው እንጂ ሴጣን ነው ያስገደደኝ ብሎ ምክነያት የለም።

እንዲሁም መንግስትን እምቢ ማለትና ሀሊናቸውን የመከተል ሀላፊነቱ የጳጳሳቱ ነው። የኛ ጳጳሳት እንደ ሩሲያ ጳጳሳት ታርደው አያቁ። ትንሽም የሃይማኖት ትንካሬ ብያሳዩ ለሁላችንም ምሳሌ ይሆኑ ነበር።

Hailu said...

የኢትዮጵያ መንግሥት ሊ/ካ ኃ/ሥላሴ ዓለማየሁን በግድ ወደ አሜሪካ መለሳቸው.

Does TPLF think we are incapable of what it is doing?

If the government does not interfer with the affairs of the church, then why deport the peace makers???

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)