December 5, 2012

የኢ/ኦ/ተ ቤተ ክርስቲያን አባቶች የእርቀ ሰላም ውይይት ዛሬ ይጀመራል


  • ከኢትዮጵያ የመጣው ልዑክ ዳላስ የገቡት ትናንት ኅዳር 26/ ዲሴምበር 4 ነው።

(ደጀ ሰላም ኅዳር 26/2005 ዓ.ም፤ ዲሴምበር 5/2012/ READ THIS NEWS IN PDF)፦ በኢትዮጵያ ኦርቶዶክስ ተዋሕዶ ቤተ ክርስቲያን አባቶች መካከል የተፈጠረውን ልዩነት ለመፍታት የሚደረገው ሦስተኛ ዙር የዕርቅ ድርድር ዛሬ በሰሜን አሜሪካ ዳላስ ቴክሳስ ከተማ ይጀመራል:: ከዛሬ ኅዳር 26 እስከ 30 (ዲሴምበር 5-9/2012) የሚካሄደው ስብሰባ ውጤታማ እንዲሆን በመላው ዓለም የሚገኙ የኢትዮጵያ ኦርቶዶክስ ተዋሕዶ ቤተ ክርስቲያን እምነት ተከታዮች ምኞታቸውን እየገለጡ ሲሆን በውጪው ዓለም የሚገኙ ካህናት፣ ምዕመናን እና መንፈሳውያን ማኅበራት በሁለቱም በኩል ላሉት አባቶች ችግሩ እልባት እንዲያገኝ የተማጽኖ ፊርማ እያሰባሰቡ መሆኑን መዘገባችን ይታወል::


በአባቶች መካከል የተፈጠረውን ልዩነት ለመፍታት ከሁለት ዓመታት በላይ ከፍተኛ ጥረት ሲያደርግ የነበረው የሰላምና አንድነት ጉባኤ እያከናወነ ያለው ታሪካዊ ሥራ የሚያስመሰግነው ሲሆን የዕርቁ ሂደት ምን ደረጃ ላይ እንዳለ በወቅቱ የጉዳዩ ባለቤት ለሆነው የኢትዮጵያ ኦርቶዶክስ ተዋሕዶ ቤተ ክርስቲያን መዕመናን ማሳወቅ እንዳለበት አስተያየት እየተሰጠ ይገኛል::

ከብፁዕ ወቅዱስ አቡነ ጳውሎስ ረፍ በኋላ የመጀመሪያው የሆነው የእርቅ ድርድር ብዙኃኑ ዝበ ክርስቲያን ተስፋ የጣለበትና የ21 ዓመታት ልዩነት መቋጫ ይበጅለታል ብሎ የሚጠብቀው ሲሆን በኢትዮጵያው አባቶች በኩል 6ኛውን ፓትርያርክ ለመምረጥ እያደረጉ ያለው እንቅስቃሴና ውጪው የሚገኙት ብፁዕ ወቅዱስ አቡነ መርርዮስ ያለ ምንም ቅድመ ሁኔታ ወደመንበራቸው ይመለሱ የሚለው ጠንካራ አቋም ሕዝበ ክርስቲያኑ እየጠበቀው ያለውን አንድነት እንዳያደናቅፈው ስጋት ፈጥሯል::

ድርድሩን ለማካሄድ ኢትዮጵያ የተወከሉት ብፁዕ አቡነ ገሪማ - የልዑካኑ መሪብፁዕ አቡነ ቀውስጦስ አባልብፁዕ አቡነ አትናቴዎስ አባል ሁነው በዳላስ ቴክሳስ የተገኙ ሲሆን ቅዱስ ሲኖዶስ ያልወከላቸውና የቅዱስ ሲኖዶስ ስብሰባ ከተጠናቀቀ በኋላ በስርዎጽ ከልዑካኑ ጋር አብረው እንዲጓዙ የተደረጉት ንቡረዕድ ኤልያስ አብርሃ በጸሐፊነት እንደተገኙ ታውቋል::

የውጪውን በመወከል ለድርድር የተገኙት ልዑካን ብፁዕ አቡነ መልከጼዴቅ የልዑካኑ መሪብፁዕ አቡነ ኤልያስ አባልብፁዕ አቡነ ጎርጎርዮስ አባል ሆነው ተገኝተዋል ሦስቱም ቀደምትነት ካላቸው ሊቃነ ጳጳሳት መካከል መሆናቸውንና ከሁለት ዓመታት በፊት በሞት የተለዩትን ብፁዕ አቡነ ዜና ማርቆስን ጨምሮ አራተኛውን የኢትዮጵያ ኦርቶዶክስ ተዋዶ ቤተ ክርስቲያን ፓትርያርክ ብፁዕ ወቅዱስ አቡነ መርርዮስን በመያዝ “ሕጋዊ ሲኖዶስ በሚል ያቋቋሙ መሆናቸው ይታወቃል:: ምንም እንኳን ድርድሩ በሊቃነ ጳጳሳት ደረጃ ይደረጋል ተብሎ ቢጠበቅም በኢትዮጵያ ሲኖዶስ የንቡረ ድ ኤልያስን በልዑክነት መጨመር ተከትሎ ሊቀ ካህናት ምሳሌ እንግዳ የውጪውን ሲኖዶስ በመወከል በጸሐፊነት ሊሳተፉ በድርድር ቦታው መገኘታቸው ታውቋል::
  
በኢትዮጵያም ሆነ በውጪ ያሉትን አባቶች ለማቀራረብ በሁለቱም በኩል እውቅና እንደተሰጠው የሚነገርለትና አደራዳሪ ሁነው የሚቀርቡት  የሰላምና አንድነት ጉባኤ አባላት ከተለያዩ አስተዳደራዊ ክፍሎች የተገኙ መሆናቸውን ዝርዝራቸው ያመለክታል።

በኢትዮጵያ ጠ/ቤተ ክህነት ሚተዳደሩ አብያተ ክርስቲያናት መላከ መንክራት ቀሲስ አንዱዓለም ይርዳው በአስታራቂ ጉባዔው ሰብሳቢነት፣ ሊቀካህናት ኃይለሥላሴ ዓለማየሁ እና መጋቤ ሃይማኖት ቀሲስ ፋሲል አስረስ  አባልነት በመሳተፍ ላይ ሲሆኑ ውጪው በሚገኙት አባቶች ሚተዳደሩ አብያተ ክርስቲያናት የመጡት ደግሞ ቆሞስ አባ ጽጌ ደገፋው መ/ር ልዑለቃል አካሉ በኮሚቴው አባልነት በመሳተፍ ላይ ይገኛሉ። በተለምዶ “ገለልተኛ አብያተ ክርስቲያናትከሚባሉት ደግሞ ሊቀ ማዕምራን ዶ/ር አማረ ካሳየ ቀሲስ መኮን ኃይለጊዮርጊስ ዲ/ን አንዱዓለም ዳግማዊበኮሚቴው አባልነት የሚገኙ መሆናቸውን ለማወቅ ተችሏል
  
ታሪካዊቷ የኢትዮጵያ ኦርቶዶክስ ተዋሕዶ ቤተ ክርስቲያን  የኢትዮጵያ ሲኖዶስ፣ ስደተኛ ሲኖዶስ እና ገለልተኛ በመባል መከፋፈሏ ተወግዶ የቀደመ ጥንካሬዋን ለማስመለስ ሰዓቱ እንዳልመሸ አስተያየት ሰጭዎች ይናገራሉ አሁን ባለችበት ሁኔታ የምትቀጥል ከሆነ ግን ዘርፈ ብዙ ችግሮች ሊከሰቱ እንደሚችሉ አጠያያቂ አይደለም:: በዚህ የድርድር ስብሰባ በሁለቱም በኩል ያሉ አባቶች በእግዚአብሔርም በታሪክም ተጠያቂ ላለመሆን ቤተ ክርስቲያንን ብቻ ማዕከል ባደረገ ሁኔታ ተወያይተው መፍትሄ ማምጣት ይጠበቅባቸዋል:: ደጀ ሰላምም የዚህን ታላቅ ጉባዔ ሒደት፣ ውይይቱን በማያደናቅፍ መልኩ እየተከታተለች ለማቅረብ ትሞክራለች።

ከኢትዮጵያ የመጣው ልዑክ ዳላስ የገቡት ትናንት ኅዳር 26/ ዲሴምበር 4 ነው።
    
“ጸልዩ በእንተ ሰላመ ቤተ ክርስቲያን - ስለ ቤተ ክርስቲያን ሰላም ጸልዩ”።

ቸር ወሬ ያሰማን፤
አሜን፡፡


7 comments:

Anonymous said...

እግዚአብሔር መንፈስ ቅዱስ ይምራቸው :: ደጀ ሰላም ለዜናው የዕለት የዕለቱን በጉጉት እንጠብቃለን :: ቸር ወሬ ያሰማን አሜን :: ደጀ ሰላምም ትኑርልን አሜን

Anonymous said...

መድኅን ዓለም ክርስቶስ አንተ ታውቃለህ:: እመ ብርሃን አደራሽን::

ማህበረ፡ክርስቲያን said...

መ/ር፡ልዑለቃል፡አካሉ???????????

Anonymous said...

where are you dejesam? we are so proud of our Government, because he accepts His holiness abune Merkorewos be lead the Ethiopian Orthodox Tewahdox Church. what are you going to do mk?

asbet dngl said...

መድኅን ዓለም ክርስቶስ አንተ ታውቃለህ:: እመ ብርሃን አደራሽን

Anonymous said...

ይህ እርቁን ለማደናቀፍ የተጻፈ በፍጽም አይደለም። ጉዳዩ መ/ር ልዑለቃል አካሉ ይመለከታል።

ለምን እርሱ እንደተወከለ ሊገባኝ አልቻልም፤ ምክያቱም አቋሙ እንደቀድሞ ከወነ የፕሮቴስታቶች ሰላይ ቢሆንስ ። እንዲህ ለማለት ያስቻለኝ 1989 አ.ም በአዲስ አበባ በገዳመ ኢየሱስ ቤተክርስቲያ ከግርማ በቀለ እና ጽጌ ስጦታው ከተባሉ "ፕሮተስታንቶ" ጋር የክረምት ኮርስ ሰጥቶኝ ነበር። ኮርስ የሰጣቸው የሰንበት ተማሪዎች የፕሮተስታንትን ካንፕ እንዲቀላቀሉ ምክንያት ወኖአል።

ከሁሉም ግን የማልረሳው ልዑለቃል አካሉ ለመዳን ምን ያስፈልጋል ብሎ ፈተና ላይ ለጠቀን ጥያቄ የሰጠውት መልስና፤ እርሱን ኤክስ አድርጎ የጻፈው መልስ እስካሁን ይገርመኛል። እኔ የመለስኩት በስላሴ ፤በክርስቶስ ኢየሱስ ስለማመን፤ ስልመጠመቅ፤ ስለቅዱስ ቁርባን፤፦ እሱ ሁሉም ላይ አንዴአስምሮ(አክስ አድርጎ) በጌታ ማመን ብሎ ጻፈበት። ኮርሱ ከተሰጠ በኃላ ከ 1-2 አመት ባለው ጊዜ ውስጥ ሁሉም የሰንበት ት/ቤት አባላት ማለት ይቻላል ፕሮተስታንት ቸርች ተቀላቀሉ።

ከዚያ ድርጊቱ ከታረመ መልካም። ካልታረመ ግን በአባቶች መካከል ምን ያደርጋል?

ኢየሱስ ክርስቶስ የጌቶ ጌታ ነው።

Yenoah Merkeb said...

Sile M/r Loulekal Akalu yetsafkew! yekidist bete-chirstian tekorkuari mesleh yeminifikina zerihin litizera yasebk timesilaleh!!!!!!!!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)