December 24, 2012

“ከፓትርያርክ ምርጫ ዕርቅና ሰላም ይቅደም” ማለት የጀመርንበት የመጀመሪያው እሑድ

  •      አገር ውስጥ እና በውጪ አገር የሚገኙ ሚዲያዎቻችን አንጸባርቀውታል፤
  •     ቅ/ሲኖዶስ በዚህ ሣምንት ይሰበሰባል ተብሎ ይጠበቃል፤ ስሕተቱን ያስተካክል ይሆን?
  •      ለምትፈጽሙት ስሕተት ሕዝቡም ታሪክም ይቅር አይላችሁም!!!
(ደጀ ሰላም ታኅሣሥ 15/2005 ዓ.ም፤ ዲሴምበር 24/2012/ READ THIS NEWS IN PDF)፦ በአባቶች መካከል ላለፉት ሁለት አሠርት ዘለቀውን መለያየት ለማጥፋት እና በግራም በቀኝም ያለውን ለማዋሐድ በተጀመረው ዕርቀ ሰላም ላይ የገጠመውን ጋሬጣ ለማንዋት ኦርቶዶክሳውያን የጀመሩት ሥር ነቀል እንቅስቃሴ መልክ እየያዘ ነው። ሚዲያዎች ሐሳቡን ለመላው ሕዝበ ክርስቲያን በማዳረሱ በኩል የበኩላቸውን አስተዋጽዖ እያደረጉ ሲሆን አዲስ አድማስ ጋዜጣን ጨምሮ በውጪው ዓለም የሚገኙ ሬዲዮኖች “ዕርቁ ይሳካ” ሲሉ ሰንብተዋል። በተለይም የአካባቢ ሬዲዮኖች በሚበዙበት በአሜሪካ መንግሥትን የሚቃሙትም፣ የሚደግፉትም፣ አማካይ ነን የሚሉትም በአንድ ድምጽ ዕርቁ እንዳይሳካ የሚያደርጉትን አካላት ተችተዋል።


እንደ እግዚአብሔር ፈቃድ ልዩነቱ ሊፈታ የሚችልበት ጭላንጭል ታይቶ ነበር። ነገር ግን ይህንን የተስፋ ጭላንጭል በሚያዳፍን መልኩ በጥቂት የቅ/ሲኖዶስ አባላት ግፊት 6ኛ ፓትርያርክ ለመሾም “አስመራጭ ኮሚቴ” በመቋቋሙ “የቤተ ክርስቲያኔ ጉዳይ ያገባኛል የሚሉ ምእመናን በሙሉ ውሳኔውን በጽኑዕ ለመቃወም ከትናንት እሑድ፣ ቅዳሴ ካለቀ በኋላ በየአጥቢያችን በመሰባሰብ ይህንን ሐዘናችንንና መከፋታችንን እንዲሁም በውሳኔው ማዘናችንን ለቅዱስ ሲኖዶስ አባላት ለመግለጽ የመሰባሰቡ ሒደት ተጀምሯል። የፍርሃቱ መጋረጃ መገለጥ ጀምሯል።

ደጀ ሰላም “ሰንበት ት/ቤቶች፣ ማኅበራት፣ ሰንበቴዎች እና ምእመናን በሙሉ ከሚያውቋቸው ሰዎች በመጀመር ለእሑዱ ቀጠሮ መያዝ እና የመሰባሰቡን ሁናቴ መልክ መስጠት መጀመር ይኖርባቸዋል። ዓላማችን አንድ ነው። እርሱም “ሃይማኖታችንን እና ሃይማኖታችንን ብቻ የተመለከተ ነው”። ስብስባችንን የሚጠሉ ሰዎች በፖለቲካ በማሳበብ በመንግሥት ዱላ ለማስደብደብ የሚያደርጉት ሙከራ እንደሚኖር ስለምናውቅ ከወዲሁ ለሚመለከተው ሁሉ ዓላማችንን መግለጽ እንፈልጋለን። መነጋገር የምንፈልገው ከቅ/ሲኖዶስ አባላት ብፁዓን አባቶች ጋር ነው።” ባለችው መሠረት ምእመናን ጉዳዩን አንሥተው መነጋገር ጀምረዋል።

በሰሜን አሜሪካ የሚገኙ የተለያዩ ኦርቶዶክሳውያን ማኅበራት እና ስብስቦች በሙሉ በአንድ ላይ በመገናኘት “እኛም የቤተ ክርስቲያናችን ጉዳይ ያገባናል” ለማለት አንድና ወጥ የሆነ አካል አቋቁመዋል። ወደ እግዚአብሔር በጸሎት ለማሳሰብ፣ አንድና ወት ሆነ መረጃ ለየሚዲያው ለማቅረብ፣ ለሕዝበ ክርስቲያኑም ጠሪ ለማድረግ ወስነዋል። በውጪው ኣለም የሚገኘው ምእመን ወደ ቤተሰቦቹ በመደወል ጉዳዩን እንዲያሳውቅ ጥሪ ተደርጓል። ኢትዮጵያ ውስጥ ያለውን የመረጃ እትረት ክፈተት ለመሙላት እያንዳንዱ ምእመን “ሬዲዮና ቴሌቪዥን” እንዲሆንና “የቤተ ክርስቲአኔ ጉዳይ ያገባኛል” የሚለውን ሐሳብ እንዲያስተጋባ ተጠይቋል። የዚህን እንቅስቃሴ ዝርዝር ሐሳብ በሌላ ዘገባ እንመለስበታለን።


ይሁን እንጂ እንደገመትነውም ይህንን ፍፁም ሃይማኖታዊ ጥያቄ ሌላ መልክ ለመስጠት፣ ኢሕአዴግ ላይ የተነሣ ሰላማዊ ሰልፍ ለማስመሰል የሚሞክሩት አካላት በሶሺያል ሚዲያዎችና በብሎጎች የማዳከም ጥረታቸውን ሲያደርጉ ቆይተዋል። አልተሳካላቸውም። አሁንም የጀመርነው እንቅስቃሴ ይቀጥላል። “እኔም ለቤተ ክርስቲያኔ ያገባኛል” ማለታችን ይቀጥላል።

አሁንም ይህንን ለማድረግ እንሞክር፦
  •     መረጃውን ለመላው ሕዝበ ክርስቲያን እናድርስ፣ (በስልክ የኤስ.ኤም.ኤስ መልእክቶች፣ በፌስቡክ፣ በትዊተር)፣
  •      ዜናውን ለመገናኛ ብዙኃን እናድርስ፣
  •      ብፁዓን አባቶችን በስልክም በአካልም በመቅረብ ስለ ጉዳዩ ማነጋገር፣ በውሳኔው እንደማንስማማ እናሳውቅ፣
  •      ጉዳያችን እና ዓላማችን “ድብቅ የፖለቲካ አጀንዳ” ሳይሆን የቤተ ክርስቲያናችን አባት የመምረጥ ጉዳይ መሆኑን ለሚመለከታቸው አካላት አለ ፍርሃትና ያለ ሥጋት እንግለጽ፣
  •      ከመንግሥት አካላት የተደበቀ የመሥራት ፍላጎት እንደሌለን ከወዲሁ በተደጋጋሚ እንግለጽ፣
  •     በአገር ውስጥ ያሉ ጋዜጦችና መጽሔቶች ለጉዳዩ ሽፋን እንዲሰጡት እናበረታታ፣
  •      የውጪ አገር ኢትዮጵያውያን ሚዲያዎችም በአንድ ድንጋይ ሁለት ወፍ በሚል በዚሁ ሰበብ ኢሕአዴግን ለመተቸት ሳይሆን ጉዳዩን ለክርስቲያኑ ሕዝብ በማይጎረብት መልክ እንዲያቀርቡት እናግዝ፣
  •      ኦርቶዶክሳውያን ጡመራ መድረኮችም ዜናዎችን በትብብርና በኅብረት ለምእመኑ እናድርስ።
  
ቸር ወሬ ያሰማን፣ አሜን።
  

11 comments:

Anonymous said...

Kebede Mechail(Facebook):-
Yesterday I was present at one of the churchs in Addis Ababa in responce to the call made, and to say I do care about my church. However, the gathering was not as I expect. may be everybody was waiting as I do somebody to break the ice and start. I think this is what happend in many of the places, waiting for someone to take the first step. This mainly has to do with the environment of fear and suspicion that has taken over us in our recent history. This fear syndeom has made me to wait some one to take the first action and hide behind him/her rather than being bold enough take the leader role. So I go back to my home feeling guilty, bleming myself as a fb hero, whose maximum capacity is to "like" a call for action or comment on a post. That is why I decided to separate myself from the unreasonale fear that clutch my back. yes what I am asking is my religious right, I am not asking the the govrnment, I am asking my sinod, the respected fathers, I am not asking for the throne and I know that church is not the place to persue my quest for worldly power. So why should I fear??????

Admasu said...

ሃሳቡ መልካም ነበር። አሁንም ግን የዚህን ጉዳይ የማስተባበሩን ስራ ማን ይሰራዋል? የሚለው በቀላሉ የሚመለስ አይደለም። ሌሎቹን ስለፍርሃት እንወቅሳለን እንጂ እራሳችን ገና ከፍርሃት ቆፈን አልወጣንም። ኦርቶዶክሳውያን የጡመራ መድረኮች አስተባባሪ ሊሆኑ አይችሉም። ደጅሰላምን ጨምሮ ሁሉም ማለት ይቻላል እሳቱን ተደብቀው ከማራገብ አልፈው እስርና እንግልት ቢመጣ ከፊት ሆነው ሊጋፈጡ የሚችሉ አይደሉም። ይሄ ተግባር ሰማዕትነትን ይጠይቃል። ማን ነው ዝግጁ? ይሄ ጉዳይ በኢትይጵያና ኤርትራ ጦርነት ወቅት የነበረን ቀልድ አስታወሰኝ። የቦሌ ልጆች "ሻዐቢያን እኛ ብንለቀው የማንትስ ሰፈር ልጆች አይለቁትም።" አሉ እንደተባለው ማለቴ ነው። ሌላው ፍርሃት ወለድ ማስጠንቀቂያ ደግሞ ኢህአዴግን አትቃወሙት የምትለው ነች። መጀመሪያ ራሳችንን ነፃ እናውጣ። ማን ያስተባብረን ?

Anonymous said...

Dear deje selam

you keep saying lets do this and that but how come you don't put yr self first and i will folloow u then,The other issue i have with u is you try to pressure the synodos back in ethiopia but how come you don't say anything about the pesodo synods here in america? how come the Abune Markorios can't even speak about this issue?what does he think? why he is quiet?
There is one thing that has to be clear for all of us,specially the people who live here in diaspora we have no power in ethiopia not only power no leverage so in my view if we realy care for our church we should push to change the fathers here in america to except and let the church be one.

Anonymous said...

May God be your strength. It is the thing overwhelm most tewhedo followers.

Anonymous said...

Let us pay the necessary sacrifice for ETCO unity

Anonymous said...

It is strange why the election of a patriarch is seen as detrimental to the progress of the peace negotiation. After all, the Church's Synod has gone to a great length from the beginning to engage in the peace process by making several trips to the US and even going as far as accepting some preconditions including the legitimacy of the new bishops appointed in the US. If the issue of the patriarchate is the only detrimental issue on the part of the bishops in the US to engage in any peace process, I doubt that that they have a serious desire for peace. It is absolutely destructive and counter productive to try to agitate the faithful against the Synod at a time when what we should focus on and resist is any possible government intervention in the election process - if in fact it is going to take place soon.
And looking at the statement made by the so called peace committee, it is necessary to question their motive and role in the peace process. It seems that this committee is in fact the one leading the 'revolt' against the Church's synod. It's legitimacy is doubtful when it goes public in denouncing the synod and 'few bishops'.
And as far as the peace process, what is there that is different from the last two meetings - other than the fact that they sat on the same table for meal and attended the Liturgy together? This committee has created a false hope to discredit the synod in Ethiopia, and legitimize the bishops in the US. After all, it is sensible to question if this is their motive.
Please consider the possibility that we may in fact be contributing to the historical mishap of contributing to the division by suggesting that the election of a patriarch is the end of all peace progress.

Anonymous said...

እኔ እንደሚመስለኝ በመላው አለም የምንገኝ የተዋህዶ ልጆች ማድረግ የምንችለው የሀገረ ስብከት ሊቀጳጳሳቱን መንፈሳዊ መሪ እንጂ በዘር የተደራጃ ገዚዋች አንፈልግም እያልን በየአጥቢያችን ሲመጡ ተቀባይነት እንደሌላቸው ልንነግራቸው ይገባል :: በእውነቱ ለመናገር እኮ የመነኩሴ የትውልድ ሀገርን ተመርኩዞ ለሊቃነ ጳጳሳቱ የሚደረግ የሀገረ ስብከት ሹመት በራሱ ከነውርም አልፎ በቁሙ ሀጥያት ነው ::ታዲያ ደጋግ አባቶች እንዳሉ ሁሉ አባ እየተባሉ የሚጠሩ አባ ጨጎራይ አይጠፉም ታዲያ ስልጣናቸውም የውሸት ስለሆነ ንግግራቸውም ሁሉ ውሸትና ምእመናንን ማወናበድ ነው ለነዚህ ታዲያ ምንም ይሉኝታ ሊይዘን አይገባም እነሱ በዘር የተለከፉና የታወሩ ስለሆኑ ምንም አይነት ክብርም ልንሰጣቸው አያስፈልግም ማድረግ ያለብንን ስለቅድስት ቤተክርስትያን ማድረግ ነው::
ታዲያ ምን እናድርግ ነው ዋናው ጥያቂ?????
መልሱም ኢትዮጲያ ያሉትን የተዋህዶ ልጆች በሀሳብና በገንዘብ ማገዝ እኛ ከዚህ ሆነን ሌላ የምናደርገው ነገር ሊኖር አይችልም ጥሩ የመፍትሄ ሀሳቦችን ወደ ትግሉ ቦታ ከነ ስራ ማስኬጃው ጋር መላክ ነው ትግሉ 5 ኪሎ ነው ቤተ ክህነት !!!

Anonymous said...

ብጹዕ ወቅዱስ አቡነ መርቆሬዎስ አባታዌ ቡራኬ በመስጠትም ቢሆን ድምጻቸውን መስማት እይተናፈቀ ስለሆነ ድምጻቸውንና ቃለ ቡራኬያቸውን ለመስማት በናፍቆት እንጠባበቃለን። ለሁሉም መፍትሄ ይሆናል ብለንም እናምናለን።

hailu said...

I too care about my Orthodox Chuch.

Enough for silence while our church is hurting so much.

Enouch for fear while our faith is being eroded by some unspiritual bishops who does not seem to care about our yearning to see a united Orthodox Tewahdo Church.

Lets all rise up and demand these bishops to work towards UNITY of our church.

May God Help us.

Kebede Bogale said...

እነ አቦይ እንትና እነ አባ ወድ አደይን ከማሹም ወደ ኋላ ላይሉ ያልነውን ብንል ጊዜ ከእነሱ ጋር ስለሆነ እኛ ያልነው ሳይሆን የሚሆነው እነሱ ያሉት ነው የሚሆነው። ከእኛ የሚጠበቀው ከነሱ በሕግ ሳይሆን በጉልበት የሚሾመውን እቡይ አቦይ የእኛ አባት አይደለህም ብለን ግዛቱን አሽቀንጥረን መጣል ብቻ ነው። በተለይ በስደት የምንኖረው ባገር ውስጥ ያሉት ሕገ ወጥ መለካውያን አስገድደው ሊገዙን አይችሉም። "እናት ቤተ ክርስቲያን" የሚሉት በስም ብቻ መታለላቸውን የሚያቆሙበት ጊዜው አሁን መሆኑን ቢረዱት መልካም ነው። ስም አይደለም ሊመራን የሚችለው ተግባር እንጂ። ''ሲኖዶስ'' ስለተባለ ብቻ ይህ ጸረ ቀኖና ቤተ ክርስቲያን ሐዋርያት በመንፈስ ቅዱስ የበላይ መሪነት የመሰረቱትን ቅዱስ ሲኖዶስ በስሙ ብቻ ይሆናል ማለት አይደለም። 'ጳጳስ ፥ ፓትርያርክ ፥ ቄስ ፥ ዲያቆን ...ስለተባለ ብቻ የስሙ ቅጽል እውነተኛ ማንነቱን ይገልፃል ማለት አይደለም። ክርስቶስን ያሰቀሉ ሀና እና ቀያፋም እኮ የብሉይ ኪዳን ካህናት ነበሩ። ይህን ጠንቅቀን እስካወቅን ድረስ ከቤተ መንግሥት (ቤተ ጲላጦስ) ጋር ተቆራኝቶ የክርስቶስን መንጋዎች ከመንግሥት ተኩላዎች ሊጠብቅ ስለማይችል ኢትዮጵያ ውስጥ ስላለ ብቻ ''እናት '' ብለን የምንጠራበት ምንም አይነት መመዛኛ የለንም። በስም ብቻ ካለችም በክርስቶስ ዘመነ ሥጋዌ ጊዜ እንደነበረችው ኢየሩሳሌም የወንበዴዎች ዋሻ ናት። የወንበዴዎች ዋሻ የሆነች እናት ቤተ ክርስቲያን ከወንበዴዎች ነፃ እስካልወጣች ድረስ የመንፈስ ቅዱስ ማደሪያ ጽርሓ አርያም ልትሆን አትችልም። መንፈስ ቅዱስ ማደሪያው ያደረጋት ቤተ ክርስቲያን/ጽርሓ አርያም ድግሞ በውስጥዋ ሰላም፥ አንድነት ፥ ፍቅርና፥ ትሕትናና መረጋጋት የተባሉት ፀጋዎች ይኖሩባታል። ታዲያ ዛሬ እንዚህ ነገሮች አዲስ አበባ ውስጥ አሉ ? እነማን ፥ በማንና በምን የሚመኩ መሪዎች ናቸው እየመሯት ያሉት ? በመንፈ ቅዱስ ወይስ ጠመንጃ ባነገቡ በጎሳና በጎጥ በሚያምኑ ቄሣራውያን ልጆቻቸው ? መልሱን ሁላችንም የምናውቀው ነው። ታድያ ከዚህ ቤት እንዴት መንፈስ ቅዱስ ያድራል ? እንዴትስ በግፍ የተሰደዱት አባት ተመልሰው ይምሩን ይላሉ ተብሎ ይጠበቃል ? እንዴትስ እርቅና ሰላም ይሁን ይላሉ ? አንድ ቅኔ ትዝ አለኝ ። ቅኔው ይህ ነው፤ ኢትምክር አርከሌድስ ንብረተ ካህን ምስለ ካህን ፣ እስመ እምሌዋዊ ካህን ዘውስተ ደብተራ ይሄሉ፥ ራትዕ አልቦ ወጠዋይ ኩሉ ፥ ቅድመኒ ለወልድ እንዘ ጲላጦስ ያደሉ ፥ ቀያፋ መከረ ምክረ መስቀሉ፥ ስቅልዎሂ ስቅልዎ እለ ተበሃሉ ፥ ካህናት ሕዝበ አሮን እሉ።

Anonymous said...

እውነት እኛ ጋር ካለ ምንም መፈራት አያስፈልግም በጦር ሃይሉም በቢሮክራሲውም በሁሉም መስክ እኛ ከተነቀሳቀስን አብዛኛውን ቁጥር ያለን ነን...ምንድን ፍርሃቱ..... ደግሞ ኢህአዴግም ቢሆን በግልፅ ኦርቶዶክስንና አማራን ይውጋ እንደነበርና እየተዋጋ እንዳለ በተለያየ ጊዜ አመራሮቹ በግልጽ ተናግሏል በቅርቡ ስብሃት ነጋና ደ/ፂዮን ከመለስ ሞት ተከትሎ ያሉትን ማስተወስ ይጠቅማል (ኦርቶዶክስን አስወገድን ቤተመንግስትም የተደረገው ፍትሃት ለመለስ ሳይሆን ለኦርቶዶክስ አክራሪዎች ነው ብለው ተናግረዋል) እና ከዚህ የበለጠ ያፈጠጠ ጠላትነት በምን ይገለፃል....... ጳጳሳትን እራሱ ከመሾም በላይና ከቤተ መንግስት በህቡዕ ከመምራት ውጪ ምን ሊመጣ ነው፡፡ ስለዚህ ደጀ ሰላሞች እናንተ በመጀመሪያ ሃላፊነቱን መውሰድና ፍርሃቱን መስበር አለባቹህ የት ሆናቹ ነው ጥሪውን እምታስተላለፋት ቢያንስ በየአጥቢያዎቹ ፍርሃቱን ከዘሁን አሁን ትሰብራላቹህ ብለን ጠበቀናቹህ ነበር ከዚህም በላይ የሚመጣውን አደጋ ለመቀበል እራሳቹህን ከፊት ለፊት ማዘጋጀት አለባቹህ፡፡ አሊያም በኢሜል ማዋጋት አይቻልም፡፡
ቸር ያሰማን፡፡

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)