December 11, 2012

ከጀርመን የኢ/ኦ/ተ/ቤ/ክ የምእመናን ኅብረት የተላከ


(ደጀ ሰላም ታኅሣሥ 2/2005 ዓ.ም፤ ዲሴምበር 11/2012/ READ THIS IN PDF)፦ በኢትዮጵያ ኦርቶዶክስ ተዋሕዶ ቤተ ክርስቲያን አባቶች መካከል የተፈጠረውን ልዩነት አስመልክቶ ብዙ አንባብያን ሐሳባችሁን ስትሰጡ መቆየታችሁ ይታወሳል። በተለይም ከአበው ሊቃውንት መካከል በጀርመን የኢ/ኦ/ተ ቤተ ክርስቲያን ኃላፊ የሆኑት ሊቀ ካህናት ዶ/ር መርዓዊ ተበጀ ያስነበቡት ጽሑፍ አንዱና ዋነኛው ነው። ጽሑፉ ስለ ዕርቁ ያነሣቸው መሠረታዊ ጉዳዮች እንደተጠበቁ በጀርመን ከሚገኙ ደጀ ሰላማውያን ደግሞ ስለ ጽሑፉ ባለቤት አስተያየቶች ሲላኩ ቆይተዋል።
ደጀ ሰላምም ጊዜው ስለ አካባቢያችን ችግር የምንነጋገርበት ሳይሆን ዋነኛውን አጀንዳ ማለትም ዕርቁን የተመለከተ ቢሆን ይመረጣል በሚል ሐሳብ አስተያየታችሁን ሳናስተናግድ ቆይተናል። ቃል በገባነው መሠረት እነሆ አሁን በጀርመን የኢ/ኦ/ተ/ቤ/ክ የምእመናን ኅብረት የተባለ ክፍል የላከውን አስተያየት የምናቀርብ ሲሆን ሊቀ ካህናትም በበኩላቸው የሚሰጡት መልስም ሆነ አስተያየት ቢኖር ለማስተናገድ የምንችል መሆናችንን ከወዲሁ እናስታውቃለን።
ቸር ወሬ ያሰማን፤
አሜን፡፡

በስመ አብ ወወልድ ወመንፈስ ቅዱስ አሐዱ አምላክ አሜን።
ይህን ጽሑፍ እንድናዘጋጅ ምክንያት የሆነን በጀርመን ሀገር የኢትዮጵያ ኦርቶዶክስ ተዋህዶ ቤተ ክርስቲያን ኃላፊያችን ከሆኑት ከሊቀ ካህናት ዶ/ር መርዓዊ ተበጀ በፈረንጆቹ አቆጣጠር በዲሴምበር 1 ፥ 2012 በኢሜይል አድራሻችን የተላከለን ግልጽ ደብዳቤ ሲሆን ይኸውም ግልጽ ደብዳቤ በደጀ ሰላም የመጦመሪያ ገጽ ላይ ከመውጣቱም በተጨማሪ መልእክቱን በስፋት ለማስተላለፍ ይረዳ ዘንድ እኛም በፌስቡክ ገጻችን ለምትከታተሉን ምእመናን መለጠፋችን ይታወቃል። 

የምእመናን ኅብረቱ ሊቀ ካህናት በደብዳቤያቸው ያነሷቸውን አሳቦች በሚገባ ይገነዘባል፣ ቅድስት ቤተ ክርስቲያናችንም አንድነቷ እንዲመለስ ጊዜው አሁን መሆኑን አጥብቆ ያምናል። በሀገር ውስጥም በውጭም ያሉ አባቶቻችንም የጀመሩት እርቀ ሰላም የቤተ ክርስቲያናችን አንድነት እስኪመለስ ድረስ ተጠናክሮ እንዲቀጥል ያሳስባል። ይህንንም ከግምት በማስገባት የሊቀ ካህናትን መልእክቅት በፌስ ቡክ ገጻችን ላይ አውጥተነዋል።

ሆኖም ግን በተለይ በደጀ ሰላም የወጣውን የሊቀ ካህናትን ግልጽ ደብዳቤ ተከትሎ የተሰጡ አንዳንድ አስተያየቶች እዚህ በጀርመን ያሉ ሊቀ ካህናት በበላይነት በሚመሯቸው አብያተ ክርስቲያናት ውስጥ ያሉትን ችግሮች ተፍነው እንዲያልፉ ያደርጋሉ የሚል ስጋት ስለያዘን በጉዳዩ ላይ አንዳንድ የግንዛቤ ነጥቦች ለማንሳት አስገድዶናል። በተለይ በቀኖና ቤተ ክርስቲያን ዙሪያ ሊቀ ካህናት በደብዳቤያቸው ላይ ያነሷቸው አሳቦች አሉና በዚያው ላይ እናተኩራለን።

በዚህ ባለንበት በጀርመን ሀገር ያለችው ቤተ ክርስቲያናችን ያለፉትን 30 ዓመታት ስታሳልፍ ያለ ችግር እንዳልሆነ ሁላችንም የምናውቀው ጉዳይ ነው። የአስተዳደሩን እንኳን ለጊዜው ወደ ጎን ብናስቀምጠው ለበርካታ ዓመታት በምእመናኑ አቤቱታ ሲቀርብበት የከረመው እና የቀኖና ቤተ ክርስቲያን መጣስን የሚመለከተውን መጥቀስ እንችላለን።

ቀኖና ቤተ ክርስቲያንን አስመልክቶ ሊቀ ካህናት በደብዳቤያቸው ብዙ ብለዋል፤ ያነሷቸው ነጥቦች ተገቢ መሆናቸውም አያጠራጥርም። ሆኖም ግን ይህን እንደሚያነሳ ሰው ደግሞ ባሉበት አካባቢ ሥርዓት መጠበቁን ቢያረጋግጡ መልካም በሆነ ነበር። ዳሩ ግን እርሳቸው ራሳቸው ቀኖናን አስመልክቶ በዚሁ በጀርመን ሀገር የፈጸሙትን ከባድ ስህተት የዘነጉት ይመስላል። መናፍቅ ሆነው አሁንም በዛው ሥራቸው የቀጠሉበትን ግለሰብ ክህነት መልሶ አለቃ አድርጎ መሾም ምን ማለት ይሆን? ደብዳቤያቸው ላይ ለማጣቀሻነት የተጠቀሙት የቤተ ክርስቲያናችን የሥርዓት መጽሐፍ በፍትሕ መንፈሳዊ አንቀጽ 6 ከንዑስ አንቀጽ 224 ጀምሮ ያለውን፤ አንድ ካህን ከክህነቱ የሚሻርበትን ምክንያት፤ አስመልክቶ በስፋት የተጻፈውን ምነው ችላ አሉት? ሊቀ ጳጳሱ ናቸው ክህነቱን የመለሱለት፤ እኔ ምን ላድርግ?” ሲሉ የቆዩት ሊቀ ካህናት አቡነ ዮሴፍ ክህነት አለመመለሳቸውን በደብዳቤ ገልጠው መጻፋቸው ሲታወቅ ምነው ዝምታን መረጡ? እውን ማን ሆነና ነው እኚህን ግለሰብ ቀኖና ሽሮ አለቃ ብሎ የሾመው? ይሄስ በታወቀ ጊዜ ግለሰቡን ካስቀመጧቸው ቦታ ላይ ለማንሳት ምን ጊዜ መውሰድ አስፈለገ፤ ሊያውም ግለሰቡ አሁንም ኑፋቄያቸውን በአደባባይ እየረጩ ባሉበት ሁኔታ።

እንደው የቀኖና ነገር መነሳቱ ካልቀረ ደግሞስ መች ይህ ብቻ ሆነና፤ በፈረንጆቹ አቆጣጠር በ2007 ማግደቡርግ ከተማ ላይ ከአስር የካቶሊክ፣ የፕሮቴስታንት፣ የአንግሊካን እና መሰል አብያተ ክርስቲያናት ጋር አንዱ ቤተ እምነት የሌላውን ጥምቀት እንዲቀበል በሚያዝ ሰነድ ላይ ሊቀ ካህናት ማንንም ሳያነጋግሩ፤ ሃይማኖታዊ ጉዳዮችን በሚመለከት ውሳኔ ሊሰጥ ከሚችለው ብቸኛው የቤተ ክርስቲያናችን የበላይ አካል ከቅዱስ ሲኖዶስ ይህንን ለማስፈጸም ኃላፊነቱ ሳይሰጣቸው በኢ/ኦ/ተ/ቤ/ክ ስም ፊርማቸውን ሲያኖሩ (http://de.wikipedia.org/wiki/Magdeburger_Erkl%C3%A4rung) ምነው ሃይማኖት መጣሱን፣ ሥርዓት መፍረሱን ወደ ጎን አሉት? በፍትሐ ነገሥቱስ በፍትሕ መንፈሳዊ አንቀጽ 3 ንዑስ አንቀጽ 24 ላይ ከመናፍቃን ጥምቀትን የተቀበለ ሰው ቢኖር አማኒ አይደለም የሚለው ትእዛዝ ተሰርዞ ይሆን? ይህንን በሚመለከት ለስም ጽድቅ ጋዜጣ በሰጡት ቃለ ምልልስ ላይ በመፈረሜ ይቅርታ አልጠይቅም፤ አልጸጸትም፤ የምፀፀተው ስፈራረም ከቤተ ክርስቲያኒቱ ፈቃድ ባለመጠየቄ ነው፤ እንዲህ ሰዎችን የሚያሳዝን መሆኑን አላወኩም በማለት ለሠሩት ከባድ ስህተት አጥፍቻለሁ፤ ቀኖና ብቻ ሳይሆን ዶግማም አፍርሻለሁ ሳይሉ ይቅርታ አልጠይቅም፤ አልጸጸትም ብለውናል። ይቅርታውስ ቀርቶ ቢያንስ ከቤተ ክርስቲያናችን የበላይ አካል ፍቃድ ሳያገኙ መፈጸማቸውን ካመኑ እስካሁን ድረስ ምነው ፊርማቸው እንዲነሳ አላደረጉ? ይህ የቀኖና ችግር አይደል ይሆን? ዶግማንስ አይመለከት ይሆን?

ከላይ ከጠቀስናቸው በተጨማሪም ምእመናኑን እያስነቡ ያሉ ሌሎች በዚህ ጽሑፍ ያላካተትናቸው የአስተዳደር ችግሮች ባለመፈታታቸው ቢያንስ በዚህ በጀርመን ሀገር ላለው የቤተ ክርስቲያኒቱ መከፋፈል በማወቅም ይሁን ባለማወቅ ምክንያት እየሆኑ ነው።

እስከ ጥቂት ዓመታት ድረስ ፍራንክፈርት ከሚገኘው የመድኃኔዓለም ቤተ ክርስቲያን ውጪ በስደተኛው ሲኖዶስ የሚመራ ቤተ ክርስቲያን ጀርመን ውስጥ አልነበረም። በቪዝባደን፣ በሙኒክ፣ በሽቱትጋርት ከተሞች ከነበሩበት ወጥተው በነኚሁ ከተሞች በውጪው ሲኖዶስ ሥር የሚመራ ቤተ ክርስቲያን ያቋቋሙት ምእመናን እኮ ሊቀ ካህናት በአካባቢያቸው ለተነሱ፣ ከሃይማኖት አንስቶ እስከ ገንዘብ ምዝበራ ድረስ ለተፈጸሙ በደሎች ምላሽ ሊሰጧቸው ስላልቻሉ ብቻ ሳይሆን፣ ለበዳዮቹ ጥብቅና በመቆማቸውም ጭምር ነው። እነኚህ ተገንጥለው የወጡ አብያተ ክርስቲያናት ከነኚህ ችግሮች በፊት እኮ አልነበሩም። እና ይሄስ የቤተ ክርስቲያን አንድነትን የሚመለከት አይደለም? በሲኖዶስ አንድነት ብቻ የሚፈታ ጉዳይ ነው?

ፈጣሪ መልካም ፍላጎታችንን የሚያሟላው በንጽሕና ሆነን ከእኛ ዘንድ በቅድሚያ መወጣት ያለብንን ሠርተን የመጣን ጊዜ ነው። ሁላችንም ለሠራናቸው ስህተቶች በቅድሚያ ይቅርታ ጠይቀን በውጪም በውስጥም ያለውን የቤተ ክርስቲያናችንን አገልግሎት ከችግር በማጽዳት አንድነቷን እንመልስ፤ ሩቅ ሳንሄድ ቅርብ ካሉብን ችግሮች መጀመር ከቻልን የቤተ ክርስቲያናችን አንድነት ሳይውል ሳያድር የሚፈጸም ይሆናል። የፈረሰውን ለመመለስ፣ ለማቃናት አሁንም አልዘገየም። አብረን ለቤተ ክርስቲያናችን ችግሮች መፍትሔ እንፈልግ እንላለን። እግዚአብሔር አምላክ ቅድስት ለምትሆን ቤተ ክርስቲያናችን ሰላምን፣ ፍቅርን እና አንድነትን ይስጥልን።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር።
በጀርመን የኢ/ኦ/ተ/ቤ/ክ የምእመናን ኅብረት።

22 comments:

Anonymous said...

why you all use complecated words. bettam yaltelemede kalat bemettekem .. you make your sentence with a little substance and less interesting.
most of the priests and the churchs in germany are corrupted and Ye Genzeb LEBOCH nachew...hizbu be mulu yawkal. Andandochu be Polis Airport lay genzeb yizew sittefu ye teyazu hulu allu.
Dr. Merawi is also currupted self declarate chairman of ethiopian orthodox.
nobody know how many support ethiopian church recieve for the last 20 years from germany goverment. he doesn't allow to be controll

the church is hidden place for tiefs.

Anonymous said...

Awo mechem lemane abet yebalale egzehabher amelake ersu yastekaklelen enge betam kebade new sentu zare betkerstyanune leko ehdwale sentu berune zegto tekmetwale aye Frankfurt yale gude endew becha aelake endet endetagesen alawekem bebetu endezeh endfelgen senhone enante men menafeke becha sentu bebetkerstyanwa tekmeto berr eyezrfew yale ale lem yenersus zem tebale ?????????????????????

Anonymous said...

Temesasay chigir bizu bota ale. Lenegeru kelay kebete kihnet jemro nuw mestekakel yalebet. Ezih australia degmo poletikegnaoch ena tehadisowoch bemekenajet hizbun eyaweku yigegnalu. Lelam lelam ale...wede fetari abet malet yigebanal.

Anonymous said...

አይ የምዕመናን ኅብረት

ጽሑፋችሁ በጣም ጥሩ ነው። የዶክተር ነገር በሁሉም በኩል የተበላሸ ነው።
ከምን ከምን ለምትሉ

1 ምንፍቅናው እጅግ የበዛ ነው።እጅግ ብዙ አጋፋሪም አላቸው። ከአባታቸው ወልደ ትንሣኤ የተማሩትም ሲደመር ከመናፍቃን እንደ ወፍራም እስፖንጅ የጠጡት ሲደመር ለገንዘብ ሲሉ የተታለሉበት ወዘተርፈ

2 ዘራፊም አዘራፊም ናቸው። የጀርመን መንግሥት በዓመት በብዙ ሺህ የሚቆጠር ዮሮ ይለግሱን ነበር።
ይህንን ሁሉ ዘርፍዋል።ሌላው በየቤተ ክርስቲያንም አዘርፈዋል።ለምሳሌ በሽቱት ጋርት ከ 80 ሺህ ዩሮ በላይ።
በሙኒክ 165 ሺህ ዮሮ።የኮለኝ ሰው ቆጥሮ አይደርሰውም እግዝአብሔር እንጂ። የፍራንክፈርት ማርያም ከኮለኝ አይተናነስም።የቱን ጠቅሶ የቱ መተው ይቻላል።

ታድያ ይሁ ሁሉ ሲሰራ የት ነበራችሁ? የእነሱ አጫፋሪ ነበራችሁ።
ዛሬ ምን ተገኘ ዛሬ?አሁንስ ወኔያችሁ እስክ መቼ ገፍታችሁ ልትሄዱ ነው?

Kebede Bogale said...

እስካሁን የት ቆይታችሁ ነው አሁን ቀሲስ መራዊ ተበጀ ይህን የተስተካከለ የአቋም መግለጫ ሲያወጡ መንቀፍ የጀመራችሁት ?ቄሱ አሁን የያዙትን አቋም በብኩሌ ወድጀዋለሁ። አሁን የያዙትን አቋም ሳይለውጡ ይዘው ከዘለቁ ያለፈውን ስህተታቸውን ይቅር ብያለሁ፣ እናንተም ይህን ነው ማድረግ ያለባችሁ። አሁን ያቀረባችሁት ተቃውሞ ግን አሁን ቄሱ በወሰዱት አቋም እንዳልተደሰታችሁ የሚያስገምታችሁ ሁኖ አግኝቸዋለሁ ።...መናፍቁን በራሳቸው ስልጣን መልሰው በክህነት እንዲያገለግል ፈቀዱለት ያላችሁት ግለሰብ ፣ መናፍቅነቱ ተረጋግጦ በሲኖዶስ ተወግዞ ከቤተ ክርስቲያን ተለይቶ ነበር ? ይህን አድርገው ከሆነ እኔም ትችታችሁን እጋራለሁ። ምክንያቱም የርሳቸው ሥልጣን አይደለም በሃይማኖት ሕጸጽ ምክንያት ተወግዞ የተለየን መናፍቅ በግላቸው መልስው ቄስ ማድረግ የሚችሉት። መመለስ የሚገባው አውግዞ የለየው አካል/ሲኖዶስ ነው ።...ጥምቀትን በተመለከተ አደረጉት የተባለው ስምምነትም ቢሆን አባል ከሆኑበት ከኢትዮጵያ ኦርቶዶክስ ተዋህዶ ቤተ ክርስቲያን መሠረተ እምነት ውጭ አድርገውት ከሆነ ኣዎ ሊያስነቅፋቸው ይገባል። የኢትዮጵያ ኦርቶዶክስ ተዋህዶ ቤተ ክርስቲያን ሌሎች ቤተ እምነቶች በአብ ፥ በወልድ፥ በመንፈስ ቅዱስ ስም ያጠመቁትን ሰው በሚመለከት ''ወነአምን በአሐቲ ጥምቀት ለሥርየተ ኃጢአት'' በሚለው በኒቂያ ጉባዔ ጊዜ በተወሰነው መሰረት ነው ወይስ ደግማ ታጠምቃለች? ፍትሐ ነገሥትም በዚህ በኒቂያ ጉባዔ ጊዜ ነው የተደነገገው። እስቲ ይህን በሚመለከት በቂ ግንዛቤ ያላችሁ ማብራሪያ ስጡበት። እኔም በግሌ ጥናት አደርጋለሁ። ...ደጀሰላም ጥሩ ት/ቤትም ሁና ልታገለግለን ትችላልች። ሳንፈራ እንጠይቅ ፤ እውቀት ከመጠየቅ ገበያ ላይ ይገበያልና!

Anonymous said...

Abune Merkorewos Ketemelesu Mengisitu hayie Mariam Abiro Memelesi Albet Abune Merkorewosina Mengisitu Hayile Mariam siltsnachewn yelekekut Begif New ethiopian yiwedalu Abirewm Sertewal

Anonymous said...

ከበደ ቦጋለ ከሰጡት አሳብ ልጀምር ጥምቀት አንዲት ናት የሚለው እንደሚመስለኝ በአንዲት እምነት ውስጥ ያለውን ነው እርሱማ ጳውሎሥ ሃይማኖት አንዲት ናት ብሎ የለም ታዲያ ከካቶሎክም ከፕሮቴስታንትም ጋር በሃይማኖት አንድ ነን ሊባል ነው? ከሆነስ ለምን ካቶሊኮች በሱስንዮስ ጊዜ 8ሺህ አባቶቻችንን አስገደሉ ፕሮቴስታንቶችስ በመቶ የሚቆጠሩ ድርጅቶች እያቋቋሙ ያተራምሱናል ስለሰውየው ሳይሆን ስለእምነትዎ ቢፈርዱ ጥሩ ነው፤ ሌላው ቢቀር እነርሱ እኛ እንኳን ተጠምቀዋል ሊሉን አላዳኑም እንደሚሉን አያውቁም እንዴ እናም ሊ/ካህናቱ በጣም በደለኛ ናቸው ቤ/ክናቸውን ሸጠዋታል ዕርቁን የሚጠላው የለም አቡነ መርቆሬዎስ እኮ ጸሎተኛና የድጓ መምህር እንጂ እንደ ቄስ መራዊ የካቶሊክ ሴሚናሪ ብቻ ያጠኑና ቤ/ክ ተቀምጠው ለካቶሊክና ለፕሮቴስታንት የሚሠሩ አይደሉም ፣ ይግባን እንጂ ለመወደድ ሲሉ 21 ዓመት ቀኖና ተጣሰ ብዬ ጮህኩ ይላሉ 21 ዓመት ግን ከአቡነ ጳውሎስ ጋር ተግባብተው ሲሰሩ ነው የኖሩት፣ ሳይግባቡ ነው ታዲያ ጳጳስ ለጀርመን ሲመደብ አልቀበልም ብለው ያስመለሱት? መላከሰላም የተባሉትስ ገንዘብ አጠፉ፣ መናፍቅ ሾሙ፣ አስተዳደር ተበደለ ተብሎ ክስ ቀርቦባቸው ባለበት ጊዜ በእጅ መንሻ አይደለም እንዴ ክሱ ተሰርዞ የተሾሙት? እርሳቸውን ብሎ ለቀኖና ተቆርቋሪ፣ መቅድመ ማርያም እንዳይነበብ የሚከለክሉ የሰ/ት/ቤት ተማሪዎቻቸውን በየካቶሊኩና ፕሮቴስታንት በአልና ፌስቲቫል ሁሉ ካልዘመራችሁ ብለው የሚያስገድዱ፣ የአቡነ መርቆሬዎስን ወደ መንበራቸው መመለስ የምደግፈው በበኩሌ ቤ/ክኔን ስለምወዳት አንድ እንድትሆንም ስለምጓጓ እንጂ እንደ እርሳቸው በዘረኝነት ሰክሬ አይደለም፣ ልንገራችሁ ሊ/ካ መቼም ለቤ/ክ አንድነት አስበው አያውቁም የሚፈልጉም አይመስለኝም እዚህ ጀርመን እኮ መናፍቁ 3 ሰዎች ፕሮቴስታንት አደረግ ሲባሉ ተራ ምእመን ሄደና ያሉ ሰው ናቸው፣ ቢያንስ 3 ደብሮች ከእሳቸው ጋር ግንኙነት አቋርጠዋል፣ ፖሊስ እየጠሩ ሊያስቀድስ የመጣ ምእመን ያባረሩ ሁሌም ማባረር የሚፈሉና አባርራለሁ እያሉ የሚያስፈራሩ፣ ክርስትና አላነሳም እያሉ እየመለሱ ያስቀየሙትስ ሰው ብቻ ስንቱ ይነገራል እግዚአብሔር ይፍረድባቸው እኛማ ሰሚም ዳኛም አጥተናል በእርሳቸው ምክንያት ቤተክርስቲያናችንን አኩርፈን እስከመቼ ከቤ/ክ ርቀን እንኖራለን ደግሞም ያሳየናል የድንግል ልጅ !

Anonymous said...

ሰላም ደጀሰላሞች
የአስተያየት አምዳችሁን ወድጄዋለሁ። በጀርመን ውስጥ ላለፉት ረዥም አመታት በሃይማኖት ስም ቤተ-ክርስትያን ሲመዘብሩ ሲዋሹ የኖሩትን የኮሎን፣ ፍራንክፈርት፣የሙኒክ አስተዳዳሪዎችን በተመለከተ እየቀረበ ያለው አስተያየት ስመለከተው ያስቀኛል።እነዚህ ግለሰቦች ማለትም 1ኛ. ቄስ መርአዊ 2ኛ. ቄስ መስፍን 3ኛ. አባ* ሲራክ ዛሬ ሳይሆን ይህንን እጅግ አስጸያፊ እና ኢ-ሃይማኖታዊ ተግባር መፈጸም የጀመሩት ገና ዱሮ ነው።
እኔ እና አንዳንድ ሰዎች በ1999 ሁኔተቸው እንዳላማረን ብዙ የተሟገትናቸው ሰዎች ዛሬ ከተኙበት ነቅተው ቢባንኑም ለዚህ ሁሉ ተጠያቂዎቹ እነሱው እራሳቸው መሆናቸውን ባወቁ ጥሩ ነበር። የተፈጸመው በሙሉ አይን ያለው ሃጢያት ብቻ ሳይሆን በጀርመን ውስጥ ወንጀልም ነው።

Anonymous said...

ሰላም ደጀሰላሞች
የአስተያየት አምዳችሁን ወድጄዋለሁ። በጀርመን ውስጥ ላለፉት ረዥም አመታት በሃይማኖት ስም ቤተ-ክርስትያን ሲመዘብሩ ሲዋሹ የኖሩትን የኮሎን፣ ፍራንክፈርት፣የሙኒክ አስተዳዳሪዎችን በተመለከተ እየቀረበ ያለው አስተያየት ስመለከተው ያስቀኛል።እነዚህ ግለሰቦች ማለትም 1ኛ. ቄስ መርአዊ 2ኛ. ቄስ መስፍን 3ኛ. አባ* ሲራክ ዛሬ ሳይሆን ይህንን እጅግ አስጸያፊ እና ኢ-ሃይማኖታዊ ተግባር መፈጸም የጀመሩት ገና ዱሮ ነው።
እኔ እና አንዳንድ ሰዎች በ1999 ሁኔተቸው እንዳላማረን ብዙ የተሟገትናቸው ሰዎች ዛሬ ከተኙበት ነቅተው ቢባንኑም ለዚህ ሁሉ ተጠያቂዎቹ እነሱው እራሳቸው መሆናቸውን ባወቁ ጥሩ ነበር። የተፈጸመው በሙሉ አይን ያለው ሃጢያት ብቻ ሳይሆን በጀርመን ውስጥ ወንጀልም ነው።

Anonymous said...

ሰላም


የጻፋችሁት ሁሉ እውነት ነው።ምንም ውሸት የለው።ግን እስከ ዛሬ አብራችሁ ጥሬ ሥጋ ቆርጣችኋል።
ረሳችሁት እንዴ?ወይስ ዛሬ እናንተም አምባገነን መሆን አማራችሁ?


ልጆች የዛሬ አበቦች የነገ ፍሬዎች አሉ አባባ ተስፋዬ። እኔ ግን
ልጆች የዛሬ እነተነፋ ፊኛ የመጣው ወኔያችሁ ነገ መርፌ እንደደረሰበት ፊኛ እንደሚሆን ጥርጥር የለው።
ስለዚህ ጠንክራችሁ ታገሉ ለቤተ ክርስቲያን ቁሙ።

ዘለዓለም ከኖርዌይ said...

ሰላም ደጀሰላሞች አሳሳቢና አነጋጋሪ አጀንዳ ታቀርቡና ሰው ተሰምቶት የመሰለውን አስተያየት ለመስጠት ሲሞክር እናንተ የብዙውን ሰው አስተያየት ታፍኑታላችሁ ሲያሰኛችሁም የወጣውን መልሳችሁ ታነሣላችሁ ችግሩ ምን እንደሆነ ግልጽ አይደለም ተጸእኖ ካለባችሁ ንገሩን ለምን በማናውቀው ነገር እንወቅሳችኋለን ተጸእኖ ሳይኖርባችሁ በራሳችሁ ሚዛን እየመዘናችሁ ከሆነ የምትጥሉት የምታነሡት ግን ተገቢ አይመስለኝም ስለቤተክርስቲአያናችንን ህልውና ከሆነ የምትሠሩት የችግር 1 እና 2 የለውም እነ ቄስ መራዊ ቤተክርስቲያኗንን እያዘረፋት ነው ብለው በሀገሩ ያሉት ሰዎች አቤት ሲሉ ለዚያውም ከማስረጃ ጋር ተዉን አሳባችንን አናካፍላቸው ካልሆነም አብረን እናልቅስበት

Sami said...

If he is really baptized with unorthodoxy I believe he must be banished according to the church's canons because he is no more orthodoxy. It is shame for fathers to corrupt money like the secret robbers in the governmental and public sectors, yes if they take away God's money what difference do they have from corrupted leaders of the world, a very shameful guy!

Anonymous said...

Tseliyu be ente selame betechristian!!!

ማህበረ፡ክርስቲያን said...

ከስድስቱ፡እህትማማች፡አብያተ፡ክርስትያናት፡በቀር፡ሌሎቹ፡የክርስትናን፡ስም፡ይዘው፡ያወናብዳሉ፡እንጂ፡በሙሉ፡መናፍቃን፡ስለሆኑ፡ተወግዘው፡የተለዩ፡ናቸው፡፡ስለዚህ፡ከስድስቱ፡አብያተ፡ክርስትያኖች፡ውጪ፡የተጠመቀ፡ሰው፡ክርስትያን፡አይደለም፡፡ከመናፍቃን፡ጥምቀት፡(የክርስትያን፡ጥምቀት፡አይደለም)ጋራ፡መተባበር፡በክህደት፡መንገድ፡መጓዝ፡ነው፡፡በቤተ፡ክርስትያናችንም፡ተቀባይነት፡የለውም፡፡
''ወነአምን በአሐቲ ጥምቀት ለሥርየተ ኃጢአት'' የሚለው፡ለክርስትያኖች፡እንጂ፡ለከሃዲያን፡አይደለም፡፡

Anonymous said...

TABYA ATKELAKL MAMUSH!

YE CHEWATA GIZE AYDELEM.

Kebede Bogale said...

እግዚአብሔር ይስጥልኝ ማኅበረ ክርስቲያን ስለመልሱ። እኔ ግን የሚመስለኝ ሲጠመቁ ወይም ሲያጠምቁ የተጠራው ስም ነው። ማለት በማን ስም ነው ነው። በአብ ፥ በወልድ፥ በመንፈስ ቅዱስ ስም የተጠመቀን ሰው መልሶ ማጥመቅ ''ወነአምን በአሓቲ ጥምቀት..." የሚለውን ዋናውን የዶግማ እምነት አይፃረርም ወይ ? ይህ የኒቂያ ጉባዔ ውሳኔ በጸሎተ ሐይማኖት ላይ የምናገኘው ነው =(The Nicaean Creed)። የዘወትር ጸሎታችንና በሠለስቱ ምእት ቅድሴ ውስጥ መግቢያው ላይ ያለው ነው። እስቲ ስለዚህ ጉዳይ ተጨማሪ ማብራሪያ ከመረጃ ጋር አስደግፈው ይስጡበት። ማለት ይህን የሚጥስ (override )የሚያደርግ የዶግማም ሆነ የቀኖና ሕግ ካለ። .....እኔ ቀሲስ መርአዊ ተበጀን በአካል አላውቃቸውም። አኔ የምኖረው ሰሜን አሜሪካ ነው። የምደግፈውም ሆነ የምቃወመው ግለሰብን ሳይሆን መርህን ነው። ከላይ ስማቸውን መግለጽ ያልፈለጉ ወገን ስለ አንዲት ጥምቀት መልስ ሲሰጡ ''ባንድ እምነት ውስጥ ባሉት ይመስለኛል'' የሚል መልስ ሰጥተዋል። ይመስለኛል ብሎ መልስ ከመስጠት ይልቅ እርግጡን ከሚያዉቁት ጠይቆ መረዳት ይሻላል። እኔም እርግጠኛ ስላልሆንኩ ነው ለመጠየቅ የተገደድኩት። 'የጠየቀ አወቀ' ነውና የማናውቀውን ከሚያውቁት ጠይቀን እንረዳ። እኔም እንደ አንድ ምዕመን እየጠየኩ ነው። ሌላው ነገር ለምን ነው በስማችን መጻፍ የምንፈራው ? ክርስቲያኖች በብርሃን ነው የሚመጡት እንጅ በጨለማ ተደብቀው አይደለም!

Ameha said...

ውድ ምእመናን! በጀርመን አገር የሚኖሩ ምእመናን የሚሰጡት አስተያየት፣ ሌላ ትርጉም እስካልተሰጠው ድረስ፣ "ቄስ መራዊ ተበጀ ዕርቀ ሠላሙን አስመልክቶ መግለጫ የማውጣት ሞራላዊ ብቃት የላቸውም" ለማለት ነው። ይህንን እኔም የምጋራው ነው። "እስከ ዛሬ የት ነበራችሁ?" ለሚለው ጥያቄ በደጀ ሰላም በኩል እንደዚህ ለውይይት ወይም አስተያየት ለማቅረብ መድረክ የተሰጠው አሁን በመሆኑ እንጂ ስለ ቄስ መራዊም ሆነ በእሳቸው ሥር ስለሚገኙ አጥፊ "አባቶች" ተቃውሞ ከተጀመረ ዘመናት ተቆጥረዋል። ለተጨማሪ ኢንፎርሜሽን Cyber ethiopia ውስጥ ገብታችሁ ማንበብ ትችላላችሁ። ምስኪኑ ምእመን አማራጭ ስላጣ ወይ ቤቱ ተቀምጧል፣ ወደ መናፍቃኑ የተጠጋም አለ፤ ወይ ደግሞ ወደ ውጪው ሲኖዶስ ሄዷል።

የቀድሞው መነኩሴ አባ ኃይለመለኮት፣ የአሁኑ "አባ" ሲራክ ወ/ሥላሴ እ.ኤ.አ. 2009 ከፍራንክፈርት ማርያም ቤተ ክርስትያን የዘረፈውን ገንዘብ በጥቁር ገበያ አንድ ሚሊዮን ብር ሲመነዝር እጅ ከፍንጅ ተይዞ እሱም ሳይበላው፣ ቤተ ክርስትያኗም ሳይመለስላት የኢ/ያ መንግሥት ቀርጭጮ አስቀርቶታል። የሽቱትጋርቱም ቄስ ይትባረክ በአሥር ሺዎች የሚቆጠር የቤተ ክርስትያን ገንዘብ አገር ቤት ሄዶ በጥቁር ገበያ ሲመነዝር ተይዞበት ከተቀማ በኋላ የመንግሥት ባለሥልጣናት ዘመዶች ስለ ነበሩት፣ ምንም እንኳ የሽቱትጋርት ምእመናን የቤተ ክርስትያን ገንዘብ መሆኑን አገር ቤት ድረስ ሄደው ለፍ/ቤት ቢያሳውቁም፣ የፍትሕ ሚኒስቴር ግን "የግል ገንዘባቸው ነው" ብሎ መልሶላቸዋል። ጊዜው ሲደርስ የምንፋረደው በመሆኑ የውሣኔው ኮፒ በእጃችን ይገኛል።


የሌሎች አስተያየት ሰጪዎችን አስተያየት ላለመደጋገም እንጂ ምዝበራን በተመለከተ ቄስ መራዊን የሚያክል የለም፤ ለዚህም በቂ ማስረጃዎች በእጃችን ላይ ይገኛሉ። የጀርመን ዜጋ የሆነ አንድ በጎ አድራጊ ለኢ/ያውያን አትሌቶች የሚሆን አንድ ሚሊዮን ብር (ዪሮ) የሚያወጣ ስኒከር ጫማ ሲለግስ፣ በ NGO ስም ከዶቼ ቬሌ በባለቤታቸው አማካይነት ቄስ መራዊ ሄደው ተረክበዋል። ማረጋገጥ ከተፈለገ የፊልም ክምችቱን መጠየቅ ይቻላል። እውን እነዚያ ጫማዎች ሁሉ አገር ቤት ደረሱ? እግዜር ይወቀው!


የጀርመን አገረ ስብከት ጉድ እንዲሁ ተዘርዝሮ የሚያልቅ አይደለም። ይግባኝ ለክርስቶስ! ካልን ሰነባብተናል። ይህንን እና መሰል ጉዳዮችን በጥሞና ለመከታተል ነው የምእመናን ኅብረት የተቋቋመው። እግዚአብሔር እስኪታረቀን ድረስ ስለ ቤተ ክርስትያናችን መጮሃችንን አናቋርጥም። ወስብሐት ለእግዚአብሔር

semret said...

አዝናለሁ ዜና ማርቆስ ገንዘቡ ይዘረፍ የራሱ ጉዳይ አንተ እንዳልከው ግን ምእመናንስ ይሂዱ እንደገንዘቡ ሀገርቤትም የሚደረግ ነው ብለን እንተዋቸው ነው የምትለው? እኔ እንጃ አንተ ራስህ የምእመናን መነጠቅ ምንም አይደለም ካልክ ከሳቸው በምን ትለያለህ አልገባህም እንዴ መናፍቁ እኮ 1 ቤ/ክ ከነሰዉ ከነታቦቱ ወርሶታል ምእመናኑ ከማንም ጋር እንዳይገናኙ ተዘግቶባቸዋል ሊ/ካህናቱ ደግሞ በቃ ተዉት አርፎ ተቀምጧል ከዚህ በኋላ እኛ አይመጥብንም ይሉናል ጊዮርጊስ የእኛ አይደለም እንዴ? ማኅበረ ቅዱሳን አባላት የምትለው ሰኔ ቦታው ላይ ነበርኩኝ ዜናውንም ተከታትያለሁ ሰው አልተደበደበም ነገሪኝ ካልክ መንፍቁ ራሱ ነው ሰው ሲገፈትር የታየው ማስረጃም አለ ደግሞም የወደታቦቱ እንዳይጠጋ መንገድ ዘጋችበት ተብላ የተገፋችው ሴት ማህበረቅዱሳን ከሆነችና ሊቅካህ መናፍቅ ታቦት ስር ሲያመጡ እርሳ ታቦቱ አይጠጋ ብላ ከተወረወረች የምትመሰገን ናት ችግሩ እየተነገረህ ማህበረቅዱሳን ማህበረቅዱሳን የምትል ከሆነ ግን እውነት እንዳታይ የጋረደህን መጋረጃ ይግለጥልህ

Sam said...

Zena, are you recognizing for stealing money or do you have share? we fight corruption and skepticism!

ማህበረ፡ክርስቲያን said...

ወንድሜ፡ከበደ፡እንዴት፡ከርመሃል፡፡እኔ፡በበኩሌ፡ከታናሾችም፡የመጨረሻው፡ታናሽ፡እውቀት፡የሌለኝ፡ሰው፡ነኝ፡፡የማስተማርም፡ሆነ፡የመጻፍ፡ችሎታም፡መብትም፡የለኝም፡ግን፡በቸርነቱ፡ይቅር፡እንደሚለኝ፡በመተማመን፡ነው፡ከአባቶች፡የሰማሁትን፡የምጽፈው፡፡የተሟላ፡ስላልሆን፡አባቶችን፡ጠይቅ፡፡ስህተትም፡ካለ፡አርሙኝ፡፡
በኒቂያ፡ጉባኤ፡አርዮስ፡ወልድ፡ፍጡር፡ነው፡በማለቱ፡ተወግዞ፡ተለይቷል፡፡318ቱ፡ሊቃውንትም፡በጸሎተ፡ሃይማኖት፡ረቂቅ፡ተስማምተው፡ተለያይተዋል፡፡ከዚህ፡በሁዋላ፡ነው፡ክርስትና፡ሃይማኖት፡ኦርቶዶክስ፡የሚለውን፡ቅጥያ፡ያገኘው፡፡ትርጉሙም፡ርትዕት፡ሃይማኖት፡ቀጥተኛ፡ሃይማኖት፡ማለት፡ነው፡፡ከዚህ፡በሁዋላ፡በኤፌሶን፡ጉባኤ፡ደግሞ፡ንስጥሮስ፡አምላክ፡በሰው፡አደረ(ይህውም፡በቅዱሳንና፡በጻድቃን፡እንደሚያድር፡ማለት፡ነው)በማለቱ፡200ሊቃውንት፡አውግዘው፡ለይተውታል፡፡በዚህም፡ጉባኤ፡ "ቃል፡ሥጋ፡ኮነ"፡ባለው፡የወንጌል፡ቃል፡መሰረት፡ቃል፡ሥጋ፡ሆነ፡በተዋህዶ፡ከበረ፡ይህውም፡እንደ፡ነፍስና፡ሥጋ፡ተዋህዶ፡ነው፡ብለው፡ወስነዋል፡፡ቤተ፡ክርስትያናችንም፡ይህን፡መሰረት፡አድርጋ፡ነው፡ኦርቶዶክስ፡ተዋህዶ፡የምትባለው፡፡ከዚህ፡በህዋላ፡ነው፡እንግዲህ፡የንስጥሮስን፡የተወገዘ፡ትምህርት፡ይዘው፡የቀጠሉበት፡ደግሞ፡በ451ዓ.ም.፡በሮማው፡ፓፓ፡በልዮን፡ቀዳማዊ፡አነሳሽነት፡በኬልቄዶን፡ጉባኤ፡አድርገው፡በምንታዌ፡ትምህርታቸው፡የተስማሙት፡፡ከዚህ፡ጊዜ፡ጀምሮ፡ከቤተ፡ክርስትያን፡በስህተት፡ትምህርታቸው፡ምክንያት፡ተለዩ፡፡በትክክለኛው፡በሐዋርያት፡ትምህርት፡የቀጠሉት፡ስድስቱ፡እህትማማች፡ቤተ፡ክርስትያኖች፡ብቻ፡ናቸው፡፡ይህም፡አሁን፡እስካለንበት፡ጊዜ፡ድረስ፡፡እነርሱ፡ጥምቀት፡የሚሉት፡በተሳሳተ፡ትምህርት፡ላይ፡የተመሰረተ፡በመሆኑ፡በእግዚአብሔር፡ፊት፡ተቀባይነት፡የለውም፡፡ለፈጣሪ፡መሰጠት፡ያለበትን፡ክብር፡አልሰጡምና፡፡ከሐዋርያትም፡ትምህርት፡ወጥተዋልና፡እምነታቸውም፡ክርስትና፡ሊባል፡አይችልም፡፡
ክርስትያን፡ለመባል፡በክርስቶስ፡ፈጣሪነት፡ማመንና፡ለሱ፡በፈጣሪነቱ፡መሰጠት፡ያለበትን፡ክብር፡መስጠት፡ያስፈልጋል፡፡ታዲያ፡በተሳሳተ፡ትምህርት፡ላይ፡ከተመሰረቱ፡የእምነት፡ተቋማት፡ጋራ፡በጥምቀት፡አንድ፡ነን፡ብሎ፡መስማማት፡ወደነሱ፡ክህደት፡መጓዝ፡አይሆንምን?ለዚህም፡ነው፡ከላይ፡በጽሁፉ፡ውስጥ፡"በፍትሐ፡ነገሥቱስ፡በፍትሕ፡መንፈሳዊ፡አንቀጽ3፡ንዑስ፡አንቀጽ24፡ላይ፡ “ከመናፍቃን፡ጥምቀትን፡የተቀበለ፡ሰው፡ቢኖር፡አማኒ፡አይደለም”"የሚለውን፡ማስረጃ፡ጸሐፊው፡ያቀረበው፡፡ልብ፡ይበሉ፡አማኒ፡አይደለም፡ማለት፡እኔ፡እንደሚገባኝ፡ክርስትያን፡አይደለም፡ማለት፡ነው፡ከተሳሳትኩ፡አርሙኝ፡፡ይህንንም፡ያዘዙት፡ሠለስቱ፡ምእት፡ናቸው፡፡ስለዚህ፡በጥምቀት፡አንድነት፡ያለን፡ከአምስቱ፡አብያተ፡ክርስትያናት፡ጋራ፡ብቻ፡ነው፡፡እነዚህም፡የኮፕት፡(ግብፅ)፣አርማኒያ፣ሶርያ፣ሕንድና፡ኤርትራ፡ናቸው፡፡ቄስ፡መርዓዊ፡ታዲያ፡ወዴት፡እየሄዱ፡ነው????የሳቸውስ፡ክህነት፡ጥያቄ፡ውስጥ፡መግባት፡የለበትም?ቸሩ፡አምላክ፡ይፍረድ፡
የተሳሳትኩት፡ካለ፡አርሙኝ፡፡
እግዚአብሔር፡በምህረቱ፡ይጎብኘን!!!
ወላዲተ፡አምላክ፡በአማላጅነቷ፡አትለየን!

Anonymous said...

መልእክቶቻችንን አታፍኑ

Anonymous said...

የተከበራችሁ የቤተክርስቲያን ልጆች
ጀርመኖች
እኔ የምለው እኛ ዝም እንበል እግዚአብሄር ያያል
1, ቄስ መስፍን ብሩን ከሚያጠፋት ቤተክርስቲያንን ቢሰሩ ለራሳቸውም የዘልአለም እንጀራ ይሆን ነበር (በ2ቱም)
እንደ በሽተኛ ሰንበትን እቤት ከማሳለፍ ይሰውረነ
2, ቄስ መርአዊ ቤተክርስቲያንን ቢጠብቁ እንደ ሊቀካህን ለራሳቸውም ለቤተክርስቲያንም መልካም ነበር
ምክንያቱም 1 አትከፋፈልም 2 ታሪክ አይወቅሳቸውም 3 ውስታቸው ሰላም ይኖራል
ይህን ያልኩት ከሀይማኖታቸው ዘራቸውን ስለሚያስቀድሙ ዛሬ ባይሆንም የመጨረሻ ሰአት ላይ መፅፅትአይkerm

EMENU EGNA ZEM SENEL EGZIABHER YESERAL MUNICH LAY BALEBETU BELETEKENU YEHENEN ADREGUAL


Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)