December 20, 2012

6ኛ ፓትርያርክ የመሾሙ ነገር እርግጥ እየሆነ ነው፤ አሁንም ዝምእንበል?

  •     አስመራጭ ኮሚቴ መቋቋሙ ብዙዎችን አሳዝኗል፤
  •     ሕዝበ ክርስቲያኑ ሹመቱን ባይደግፈውም ለመቃወም የሚያስችል የተቀናጀ ዝግጅት እስካሁን አልፈጠረም፤
  •     ስለ ዕርቁ ጉዳይ ድምጻቸውን ከሰጡ ምእመናን መካከል 80% የሚሆኑት ከሹመቱ በፊት እርቁ እንዲቀድም ይፈልጋሉ፤
 (ደጀ ሰላም ታኅሣሥ 11/2005 ዓ.ም፤ ዲሴምበር 20/2012/ READ THIS IN PDF)፦ ሰሞኑን በአዲሱ የፓትርያርክ ምርጫ ሥነ ሥርዓት ላይ ሲነጋገር የሰነበተው የቅዱስ ሲኖዶስ ምልዓተ ጉባኤ እጅግ ጠቃሚ ግብዓቶችን እና ማሻሻያዎችን ከብፁዓን አበው ሊቃነ ጳጳሳትና ከባለሙያዎች ሲያገኝ ሰንብቶ ነበር። ይህም ሊያስመሰግነው ይገባል። “እህ” ብሎ መስማት መጀመሩ ትልቅ እመርታ ነው። ነገር ግን ቁም ነገሩ የተሰበሰበው ሐሳብ፣ በጎ ኅሊና ያላቸው አባቶች ሁሉ ልፋት በምን መልኩ ተጠናቀቀ ነው። አሁን በሚታየው እና ምንጮቻችን እንዳመለከቱት ከሆነ የቅዱስ ሲኖዶሱ ታሪካዊ ጉባዔ ታሪካዊ ውሳኔዎች የሚቀለበሱበት ሁኔታ እየተፈጠረ ነው። ይህ ከኋላ ሆኖ “የነበረውን እንዳልነበረ” የሚያደርገው ረዥም፣ ፈርጣማ ክንድ እንዲሰበሰብ ማድረግ ባለመቻሉ የቅ/ሲኖዶሱና አባቶች እንዲሁም የቤተ ክርስቲያን ምእመናን ፍላጎት ሳይሆን ከዚያ ተቃራኒው በመፈጸም ላይ ነው። ነገሩን ጠቅለል ብናደርገው፦




·         የምርጫው ሕግ በታሰበው መሠረት ፓትርያርኩ በዕጣ ሳይሆን በምርጫ ካርድ ብቻ እንዲሆን መደረጉ፣
·         የዕርቀ ሰላሙ ሁኔታ መልክ ሳይዝና አንድ ደረጃ ሳይደርስ ፓትርያርክ ለማስመረጥ የሚደረገው ሽር ጉድ፣
·         እንደ ሥርዓተ ቤተ ክርስቲያን እግዚአብሔር መንፈስ ቅዱስ የመረጠውን አባት ለመሾም ከመፈለግ ይልቅ በአመለካከት፣ በፖለቲካ አቋም አሁን ካለው መንግሥት ጋር ግብብነት ያለው ሹም ለማስቀመጥ መወሰኑ፣
·         የቤተ ክርስቲያን አባቶችን ምንም ዓይነት ክብር በማይሰጥ መልኩ የመንግሥት ኃላፊዎች “የሃይማኖት መቻቻል ሀ-ሁ እናስተምራችሁ” በሚል አቋም ጓዳ ጎድጓዳውን በእግራቸው እየጠቀጠቁ መግባት መውጣታቸው፣
·         የምእመናን ድምጽ ከምንም ሳይቆጠር እንደሌሉ በመቁጠር የቤተ ክርስቲያኒቱን ጉዳይ በመንግሥት እና በጣት በሚቆጠሩ የፖለቲካ ቀራቢዎቻቸው (አፋሽ አጎንባሾቻቸው) ብቻ ነገሩን ሁሉ ማስኬድ፤
·         ለይስሙላ አስመራጭ ኮሚቴ በመሰየም እንደ ሕጻናት ጨዋታ የቤተ ክርስቲያኒቱን ክብር በማይመጥን መልኩ መዳፈር፣

ደጀ ሰላም በዋናው ድረገጿ፣ በፌስቡክና በኢ-ሜይል ባደረገችው የሕዝብ ድምጽ ማሰባሰቢያ ሥርዓት ድምጻቸውን ከሰጡ 2000 ደጀ-ሰላማውያን መካከል 80% የሚሆነው ዕርቀ ሰላም እንዲፈጸም፣ 4ኛው ፓትርያርክ በሕይወት እስካሉ ድረስ አዲስ ፓትርያርክ መሾሙ ለቤተ ክርስቲያኒቱ ሰላም እንደማይጠቅም ያምናል። ድምጻቸውን ከሰጡት መካከል 13% የሚሆኑት 6ኛው ፓትርያርክ እንዲሾሙ ሲፈልግ የተቀረው ፐርሰንት ሌሎች ሐሳቦችን አቅርቧል። የክርስቲያኑ ፍላጎት ይህ ቢሆንም አሁን እየተጫነበት ያለው አዲስ ፓትርያርክ የመሰየሙ ጉዳይ ተቀባይነት የለውም። ይህንን በማድረግ ቤተ ክርስቲያኒቱን የመለያየት ገደል ከማጥበብና ስብራቷ እንዲጠገን ከማድረግ ይልቅ “ለእኔ ይበጀኛል” የሚሉትን አባት ለመሰየም በመጣደፍ ላይ ያሉትን በሙሉ ታሪክም ምእመኑም ይቅር እንደማይላቸው ማወቅ አለባቸው። አስፈላጊ በሆነ ጊዜ ከነስማቸው ልንመለስባቸው እንችላለን። ጥሩ ሲሠሩ እንደግፋቸዋለን፣ ታሪክ ሲያበላሹ ደግሞ ባለፈው “ክሬዲት” በዝምታ አናልፋቸውም። የምናውቃቸውና የምንደግፋቸው በቤተ ክርስቲያን እንጂ በአምቻ ጋብቻ፣ በሰፈር ልጅነትና በፖለቲካ አመለካከት አይደለም።

ስለዚህ አሁን ይመረጣል የሚባለው ፓትርያርክ ሌላ የመለያየት ምልክት መሆኑ እሙን እየሆነ ነው። ልዩነቱ በውጪ አገር ብቻ ሳይሆን በአገር ውስጥም ከባድ የመለያየት ቀውስ እንደሚፈጥር አያጠራጥርም። ቤተ ክርስቲያን ለስብከተ ወንጌል አገልግሎቷ፣ ለዕድገቷ፣ ለልማቷ ልታውል የምትችለውን ኃይል በመለያየት ሰበብ እየበታተነች መሔዷ ለወደፊቱ ህልውና አስቸጋሪ እንደሚሆን የታወቀ ነው።

ስለዚህ አሁንም እንናገራለን። የማይሰማን ባይኖር “ሰማይ ይስማ” እንላለን፤ የተጀመረው ዕርቅ ይፈጸም፣ ሰላም ይውረድ፣ አባቶች አንድ ይሁኑ፣ ሌላው ነገር በሙሉ ይደረስበታል። በዚህ ግርግር መካከል ፕትርክናዋን “ለቀም ላድርጋት” ብላችሁ የቋመጣችሁ እንደ እንቶኔም ስለ ቤተ ክርስቲያን ብላችሁ ልብ ግዙ!!!

ቸር ወሬ ያሰማን፣ አሜን። 

17 comments:

Anonymous said...

ክርስቲያኑ ዕርቀ ሰላም እንዲፈጸም፣ 4ኛው ፓትርያርክ በሕይወት እስካሉ ድረስ አዲስ ፓትርያርክ መሾሙ ለቤተ ክርስቲያኒቱ ሰላም እንደማይጠቅም ያምናል። ይህንን በማድረግ ቤተ ክርስቲያኒቱን የመለያየት ገደል ከማጥበብና ስብራቷ እንዲጠገን ከማድረግ ይልቅ “ለእኔ ይበጀኛል” የሚሉትን አባት ለመሰየም በመጣደፍ ላይ ያሉትን በሙሉ ታሪክም ምእመኑም ይቅር እንደማይላቸው ማወቅ አለባቸው።

አሁንም እንናገራለን። የማይሰማን ባይኖር “ሰማይ ይስማ” እንላለን፤ የተጀመረው ዕርቅ ይፈጸም፣ ሰላም ይውረድ፣ አባቶች አንድ ይሁኑ፣ በዚህ ግርግርግር መካከል ፕትርክናዋን “ለቀም ላድርጋት” ብላችሁ የቋመጣችሁ ስለ ቤተ ክርስቲያን ብላችሁ ልብ ግዙ!!!

Anonymous said...

this is un believable ! we can't tolerate this mistake again.wake up every body this is a critical hour to say no ! if we late we are the looser. wake up! and let's face all the consequence.wake up.....wake up

Anonymous said...

ጥሩ ሲሠሩ እንደግፋቸዋለን፣ ታሪክ ሲያበላሹ ደግሞ ባለፈው “ክሬዲት” በዝምታ አናልፋቸውም። የምናውቃቸውና የምንደግፋቸው በቤተ ክርስቲያን እንጂ በአምቻ ጋብቻ፣ በሰፈር ልጅነትና በፖለቲካ አመለካከት አይደለም።

Anonymous said...

ጥሩ ሲሠሩ እንደግፋቸዋለን፣ ታሪክ ሲያበላሹ ደግሞ ባለፈው “ክሬዲት” በዝምታ አናልፋቸውም። የምናውቃቸውና የምንደግፋቸው በቤተ ክርስቲያን እንጂ በአምቻ ጋብቻ፣ በሰፈር ልጅነትና በፖለቲካ አመለካከት አይደለም።

Anonymous said...

if ethiopian synod going to election before the peace they are not a true father of orthodox tewahedo church so i will not accept those pops as a leader of this holy church never and never

Anonymous said...

ስልጣን ላይ ያለው ኢሃዴግ እጁን ቢሰበስብ መልካም ነው! ጆሮ ካለው ይስማን:: አደገኛ ነገር እየነካ መሆኑን ይወቅ::

ስልጣኑን ለመቀበል የተዘጋጁ አባቶች ካሉም ቆም ብለው ቢያስቡበት መልካም ነው:: እንኳን እንደ ጳጳስ የሚያስብ ቀርቶ የተራ ሰው አስተሳሰብ የሚያስብ ሰው እንኳን ይህን ስልጣን ለመቀበል ዝግጁ አይሆንም:: የሚጠቅም ስልጣንም አይደለም:: ይልቁንም ለቤተክርስትያን ትልቅና የማይሻር ጠባሳ እንዲፈጥርባት ያደርጋታል እንጂ:: ስለዚህ ስልጣኑን መረከብ አለባችሁ ተብላችሁ ብትገደዱ እንኳን ለቤተክርስቲያን የምታስቡ ከሆነ ሞታችሁን ምረጡ:: አደራ አደራ አደራ!!! ስልጣኑን የሚረከበው አባት በህይወት እንደማይቆይ ቢታወቅም በታሪክ ግን በቤተክርስቲያን ጠላትነት ለዘላለም እየታሰበ ይኖራል:: ጌታን አሳልፎ የሰጠውን የይሁዳን ታሪክ የሚያውቅ የቤተክርስትያን አባት ይህን አደገኛ ስልጣን በመረከብ ቤተክርስቲያንን ለመከፋፈል አስፍስፈው ለሚጠብቁ የቤተክርስቲያን ጠላቶች አሳልፎ ይሰጣል ብዬ አላስብም:: ካደረገው ግን ይህ እንኳን ጳጳስ ክርስቲያን ሊባል አይገባውም::

ዲ/ን ኃይለማርያም

Gizew Yimer said...


የቆጡን አወርዳለሁ ብላ የብብቷን ጣለች እንዲሉ በሰላም ጊዜ የተገኘን ብጽዕና በክፉ ዘመን ቅድስናን አገኛለሁ ማለት እራስን እንደይሁዳ በዛፍ ላይ ሰቅሎ ገነት ለመግባት መሞከር ነዉ፡፡ ከርስቲያኖች ከኢትዮጵያዊያን ሙስሊም ወንድሞቻችን እንማር!! ያለፈዉ ይበቃል፡፡ ድሮ የቤተክርስቲያን አባቶቻችንን መንፈስ ቅዱስ ይመርጥልን ነበር ዘመን አረጀና ላቤተክርስቲያናችን መሪ ፕሮቴስታንትና አላዊያን ይመርጡልን ጀመር እግዚኦ እንበል፡፡

Anonymous said...

Erke selamun edegfalew ye abune merkoryos bedgami patriyark mehon alkebelm yane leman tilewn hedu ahun mn teggne drom ehadig ahunm ehadig new ageritun eyemera yalw ke mechaw befit erkeselamu biyalk emertalew

Anonymous said...

When will we be men of action rather than being just men of talking ? Is protecting church sin ? Are our fathers who fought against Italians sinners? Or did they use only their power with out help of God. Do we pray more than them ? Why do we always limit our scope to "prayer" only? Of course prayer is our default and necessary activity . So who will go for action ? Does God have only one way to stop/destroy church enemies? Did the Israelites not fight with the help of God? Did they not go for action? Why are we afraid at least to express opposition to influences against our church in peaceful way ? How many times have we talked ?Have we done all we can to protect our church ? Why are we passing to history ? Just saying History will condemn you? So will the condemn of history return back to current situation ? Did it in Egypt , Syria,..? How many are being converted to Muslim ? To protestant ? Do you not know the every decision will be made based on the number of followers ? At how much rate are we losing our followers ? At how much rate are our possessions being destroyed ?Why do we not use strategy in case one of our our members jailed unlawfully , then all of us to go to be jailed ....Please let us be men of action lawfully (Spiritually and legally). Unless otherwise we better not talk. Every problem should be followed with solution.

Anonymous said...

በጣም የሚገርምና እንደ አንድ የእምነቱ ተቃታይም በጣም የምያበሳች ነገር ነው :: ይባስ ብለው መናፍቃንና አሕዛብ ፓትርያርክ ይመርጡልኝ ጀመር ይሄን ሁሉ ያመጣው የእኛ ዝምታ ነው :: ቤተ ክርስቲያንን እንደማትተቅመን ምናገባን እያለን ብዙ ዘመን ኖርን ዛሬ ይሄው ከዚህ ደረጃ ደርስን :: አሁንም የተወደዳችሁ አኦርቶዶክሳውያን ሆይ ከቤተ ክርስቲያን ስርዓት ውጭ በሚደረገው ምርጫ ምንም አይነት እውቅና መስጠት አያስፈልገም :: ለምን አባቶች የግብጽን ቤተክርስቲያን አይመለከቱም አየ አለመታደላችን አኮ ነው :: በቃ በኢጣ ከሆነ ምርጫው የእግዚአብሔር ነው ብለን እንቀበላለን ከዛ ውጭ ሌላ ፳ አመት ንትርክ አንፈልግም::

Anonymous said...

Geta hoy sinitefa zim bileh tayalehene?

Anonymous said...

Geta hoy sinitefa zim bileh tayalehene?

Anonymous said...

the solution is also in the hands of the holy fathers in kidus synodos.why don't they say no? why don't they cooperate ? i can not understand?how many holy fathers are supporting this ? 5,6....how many ?for the people what i say is this is not humility! this is not act of being good! u hav to stand up and go to war for ur church...let the govrnmnet see that we will die for our church ..let them learn! let the fathers die for thier church....let them reapet history..weyen abune petros erso balfubet kidist ager endze ayentoch abat yemtu..amalk erdane

Anonymous said...

Yalahem enedalele yemashal yenagale alaheme enedalele Tegeseteh yebazale
Tegesetone anefetatane
Baka kalafawe enemare

Anonymous said...

Am sick

Anonymous said...

Yakedosane Amelaka eredane

Anonymous said...

Ethiopian atetawate

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)