December 18, 2012

ምእመናን “ቅዱስ አባታችን” ብለው በሙሉ ልብና በፍቅር የሚታዘዙት አባት ይፈልጋሉ


  •  ቤተ ክርስቲያን “እንቁላልና ቲማቲም የሚወረወርበት ሌላ ፓትርያርክ” አያስፈልጋትም፤
(ደጀ ሰላም ታኅሣሥ 8/2005 ዓ.ም፤ ዲሴምበር 18/2012/ READ THIS ARTICLE IN PDF)፦ የኢትዮጵያ ኦርቶዶክስ ተዋሕዶ ቤተ ክርስቲያን መንበረ ፕትርክና በ5ኛው ፓትርያርክ አረፍተ ሞት ባዶ ከሆነ ወዲህ ላለፉት 20 ዓመታት ሲያከራክር የነበረው ርዕሰ ጉዳይ እንደገና፣ እንደ አዲስ መወያያ መሆን ጀምሯል። በቅዱስ ሲኖዶስ ደረጃም፣ በግል ደረጃም የተለያዩ ሐሳቦችም በመንጸባረቅ ላይ ይገኛሉ። በምእመኑ ደረጃ “ነገረ ፓትርያርክ”ን ከማንሣት በፊት ዕርቀ ሰላሙ መቅደም አለበት የሚለውን አበክሮ በማቅረብ ላይ ይገኛል። የተለያዩ ደብዳቤዎችንም ለሚመለከታቸው አካላት በሙሉ አቅርበዋል። በሁሉም በኩል ሥጋት የሆነው ግን ክንደ-ፈርጣማው፣ እጀ ረዥሙ የኢሕአዴግ መንግሥት ለእምነቱ ተከታዮች ፍላጎት ሳይገዛ “የራሱን ፓትርያርክ” እንዳያስቀምጥ ነው።

በጥቅምት 6/2005 ዓ.ም ዘገባችን እንደገለጽነው መንግበኩል የመጀመሪያ የፓትርያርክ ምርጫው የምሥራቅ ሸዋ ሀገር ስብከት ሊቀ ጳጳስ የሆኑት አቡነ ጎርጎርዮስ ሲሆኑ ይህ ካልሆነ በሁለተኛ ደረጃ የያዛቸው በኢየሩሳሌም የኢትዮጵያ ገዳማት ሊቀ ጳጳስ ብፁዕ አቡነ ማትያስ መሆናቸው በብዙዎች ዘንድ የታመነ ነገር ሆኗል፡፡ የቀድሞው ፓትርያርክ ብፁዕ ወቅዱስ አቡነ ጳውሎስ ለአንዳንድ ከፍተኛ የመንግሥት ባለሥልጣናት እንደ እንደራሴያቸውም እንደተተኪያቸውም አስተዋውቀዋቸው ነበር የተባሉት የምሥራቅ ሸዋ ሀገረ ስብከት ሊቀ ጳጳስ ብፁዕ አቡነ ጎርጎርዮስ ስድስተኛ ፓትርያርክ ይኾኑ ዘንድ መንግሥት ወስኖ መግፋት ጀምሮ እንደነበር መረጃዎች ያመለክታሉ፡፡ እንደ ምንጮቻችን ማብራሪያ ብፁዕ አቡነ ጎርጎርዮስ ወደ ፕትርክናው መንበር መገፋታቸው÷ “የብፁዕ ወቅዱስ አቡነ ጳውሎስን አቋም እና አሠራር (እነርሱ ራእይ ይሉታል) ያስቀጥላሉ፤ ለመንግሥት ለመታዘዝና ፍላጎቱን ለማስፈጸም ይመቻሉ” በሚል ሐሳብ ነው ተብሏል፡፡

የብፁዕ አቡነ ጎርጎርዮስ ካልተሳካ ሁለተኛ አማራጭ ኾነው የተዘጋጁት በኢየሩሳሌም የኢትዮጵያ ገዳማት ሊቀ ጳጳስ ብፁዕ አቡነ ማቲያስ መሆናቸውን መዘገባችንም ይታወሳል፡፡ ብፁዕነታቸው ለበርካታ ዓመታት በውጭ የነበራቸው ቆይታ፣ ከቤተ ክህነቱ ችግር ጋራ ብዙ ንክኪና ትውውቅ የሌላቸው መኾኑና ከመንግሥት ጋራ አብሮ በመሥራት ረገድ አላቸው የሚባለው አቋም በጉዳዩ እጃቸውን ባስገቡት የመንግሥት ሓላፊዎች እና እነርሱን እየተባበሯቸው በሚገኙት የቤተ ክህነቱ ሰዎች ዘንድ በዕጩነት እንዲያዙ እንዳደረጋቸው ሲነገር ቆይቷል፡፡ በአንድ ከፍተኛ የደኅንነት ባለሥልጣን የሚመራ ነው በተባለው በዚህ የ“ቀራቤ -መንግሥት” ፓትርያርክ ምርጫ ሂደት ድጋፍ እየሰጡ ናቸው የተባሉት የቤተ ክህነቱ ሓላፊዎች’’ እንደሚገኙበት በጥቅምት 6/2005 ዓ.ም ዘገባችን ጠቅሰን ነበር፡፡

እንደ ምንጮቻችን ዘገባ ከሆነ በመንግሥት ዘንድ የመጀመሪያ ተመራጭ የነበሩት የምሥራቅ ሸዋው ሊቀ ጳጳስ ብፁዕ አቡነ ጎርጎርዮስ ለፕትርክናው ተጠይቀው ባለመቀበላቸው ይሁን ወይም በሌላ ምክንያት ሹመቱ በኢየሩሳሌም  የኢትዮጵያ  ገዳማት ሊቀ ጳጳስ ወደ ሆኑት ወደ ብፁዕ አቡነ ማትያስ ማጋደሉ እየተሰማ ነው። እንደ ታማኝ ምንጮቻችን መረጃ የመንግት ከፍተኛ ባለስልጣን በአካል ሄደው ጥያቄውን እንዳቀረቡላቸው፣ እርሳቸውም ሹመቱን ለመቀበል እንዳንገራገሩ ከስጥ አዋቂዎች የደረሰን መረጃ ያመለክታል፡፡

ይሁን  እንጂ  የመንግት ባለስልጣኑ ካነጋገሯቸው በኋላ  ከቤተክህነት  ተወክ  ይበራሱ ፈቃድ ባይታወቅም የጠቅላይ ቤተ ክህነት ልዑካንን የያዘ ቡድን ከብፁዕ አቡነ ማትያስ ጋር መነጋገሩ ታውቋል። ኢየሩሳሌም ድረስ በመሔድ ሊቀ ጳጳሱን ያነጋገሯቸው፦     
  1.     ብፁዕ አቡነ ሕዝቅል የቅ/ሲኖዶ ዋና ጸሐፊ
  2.      አቶ ተስፋዬ ብሸት  ምክትል ጸሐፊ
  3.      አቶ እስክንድር ገ/ክርስቶስ ከሕዝብ ግንኙነት ክፍል እና
  4.      መምህር ሰለሞን ቶልቻ
ሲሆኑ ወደ እራኤል በመሄድ ሹመቱን እንዲቀበሉ  የማግባባት ሥራ እንደሠሩና እየሠሩ እንደሆነ ብፁዕነታቸፕትርክናውን ለመቀበል ከመግደርደር አልፈው ወደመቀበ ንደደረሱ ከውስጥ ምንጮ ለመረዳት ችለናል፡፡ ልዑኩ ኢየሩሳሌም የሄደበትን ምክንያት ቅዱሳት መካናትን “ለመሳለም” በሚል እንዳቀረበ ለማወቅ ተችሏል።

አሁን ጥያቄው “እንቁላልና ቲማቲም የሚወረወርበት፣ በምእመኑ ዘንድ ተቀባኢነት የሌለው፣ የመንግሥት ወኪል ተብሎ የሚፈረጅ አባት በዚህ ወቅት ያስፈልገናልን የሚል ነው። በርግጥም ጥያቄው ከብፁዕ አቡነ ማቲያስ ቀርቦላቸው ከሆነ በምን ልብ ሊቀበሉት ይችላሉ? የቀድሞው ፓትርያርክ በአሜሪካና በሌሎች አገሮች በሚያደርጓቸው ጉብኝቶች የገጠማቸውን ችግር፣ ቤተ ክርስቲያኒቱ ላይ የደረሰውን መከራ፣ እርሳቸው ራሳቸውም በቁርጥ ሲተቹባቸው የነበሩትን ጉዳዮች በተመለከተ መፍትሔ ሳይገኝ፤ ቤተ ክርስቲያኒቱ አንድነቷና ሰላሟ ሙሉ በሙሉ ሳይጠበቅ ወደ ሹመት መሔድ በርግጥ ማንን ይጠቅማል?

ዘመኑ ለብፁዓን አባቶቻችን እና ለመላው ምእመን ከባድ ጥያቄ አቅርቧል። ቤተ ክርስቲያኒቱ በሕጓና በሥርዓቷ እንድትመራ ማድረግ ወይም ፈቃደ-ንጉሥ ፈጻሚት (መለካዊት) ስትሆን በዝምታ መመልከት። በተለይም የፕትርክናውን ሥልጣን “በምርጫም ይሁን በስመ-ምርጫ ለሚቀበለው አባት እጽፍ ድርብ ዕዳ ይሆናል ብለን እናምናለን። ምርጫውም ይሁን ሲመቱ ለጊዜው ደስታ ካልሆነ በቀር ለቤተ ክርስቲያኒቱ ይረባታል ብለን አናምንም። የምእመኑ ድምጽ ከምንም ነገር በፊት “ዕርቀ ሰላሙ ይፈጸም፤ ቤተ ክርስቲአኒቱ አንድነቷ ይጠበቅ” የሚል መሆኑን በማያወላዳ መልኩ በመግለጽ ላይ ይገኛል። በዚህ ረገድ ደጀ ሰላም ያደረገችውን የአስተያየት መስጫ ዳሰሳ ውጤት እናቀርባለን፤ ተከታተሉን።

ቸር ወሬ ያሰማን፣ አሜን። 

36 comments:

Anonymous said...

We will not accept political nominee as father of the Church. The disunity will continue until this evil 'government' is gone to hell. And those who accept this kind of pseudo patriarch as their father are only cadres and 'hodams' who only care about their earthly benefit, not about the Church nor their own soul. And MARK this: If this father or anybody else does this he will die in less than a year. This is my prophecy.

Anonymous said...

I have nothing to say, except saying " THE END TIME IS HERE " elohe, elohe, elohe !!!

abey said...

ምንም አታመጡም። ወሬ ብቻ። ግድ የለም እኛ ታግለን ነፃ እናወጣችሁና ያኔ በነፃነት ፓትሪያርካችሁን ትመርጣላችሁ።

Ben said...

"ነብሱን፡ስለ፡አኔ፡የሚያጠፋት፡ብህይወት፡ይኖራል፡፡" ጎበዝ፡ለኔ፡ሀይማኖቴ፡ህይወቴ፡ህይወቴ፡ሃይማኖቴ፡ነውና፡የበኩሌን፡ለማድረግ፡ወስኛለሁ፡አየተናቅሁና፡አንደ፡አላዋቂ፡አየተቆጠርኩ፡ከምኖር፡ አለመኖሬን፡መርጣለሁ፡፡ ስለሆነም፡ዛሬ፡ምርጫ፡አድርጌያለሁ፡፡
ክርስትና፡አልጋ፡በአልጋ፡አይደለም፡፡ ውሳኔ፡ያስፈልገዋል፡፡ኢያሱ፡አንዳለው፡"ዛሬ፡አኔና፡ቤቴ፡አግዚዓብሄርን፡አናመልካለን፡አናንተ፡የምታመልኩትን፡ምረጡ፡" ነውና፡አስተያየት፡መስጠት፡ብቻ፡ሳይሆን፡ለመፍትሄውም፡መዘጋጀት፡ያስፈልጋል፡፡"ነገር፡ቢደጋግሙት፡ከነገር፡አይዘልም፡ስለዚህ፡አንደ፡ንጉስ፡ዳዊት፡በአግዚዓብሄር፡ታምኖ ፡የድንጋይ፡ወንጭፍ፡ማንሳት፡ያስፈልጋል፡፡
አግዚዓብሄር፡ይርዳን፡አሜን፡፡

አልፎ አይቼው said...

ከማን ይሆን ትግሉ
ምዕመን ቢታገስ ለአምላኩ እያነባ
ቤተ እምነቱ ሲፈርስ በረባ ባረባ
መንግስት ያለ ዕረፍት ተንኮሉን ሲወጥን
ሃብቷን ሲበዘብዝ ሲያጠፋ ቅርሶቿን
ገዳማቷን በእሳት ሲያተራምሳቸው
መነኮሳቷን ደግሞ ረፍት ሲያሳጣቸው
ታላላቅ ገዳማት በችግር ሲፈቱ
እንዴት ያሳዝናል ቆሞ መመልከቱ?

Anonymous said...

Above all we all should pray for our beloved church!!!

Anonymous said...

"ነብሱን፡ስለ፡አኔ፡የሚያጠፋት፡ብህይወት፡ይኖራል፡፡" ጎበዝ፡ለኔ፡ሀይማኖቴ፡ህይወቴ፡ህይወቴ፡ሃይማኖቴ፡ነውና፡የበኩሌን፡ለማድረግ፡ወስኛለሁ፡አየተናቅሁና፡አንደ፡አላዋቂ፡አየተቆጠርኩ፡ከምኖር፡ አለመኖሬን፡መርጣለሁ፡፡ ስለሆነም፡ዛሬ፡ምርጫ፡አድርጌያለሁ፡፡
ክርስትና፡አልጋ፡በአልጋ፡አይደለም፡፡ ውሳኔ፡ያስፈልገዋል፡፡ኢያሱ፡አንዳለው፡"ዛሬ፡አኔና፡ቤቴ፡አግዚዓብሄርን፡አናመልካለን፡አናንተ፡የምታመልኩትን፡ምረጡ፡" ነውና፡አስተያየት፡መስጠት፡ብቻ፡ሳይሆን፡ለመፍትሄውም፡መዘጋጀት፡ያስፈልጋል፡፡"ነገር፡ቢደጋግሙት፡ከነገር፡አይዘልም፡ስለዚህ፡አንደ፡ንጉስ፡ዳዊት፡በአግዚዓብሄር፡ታምኖ ፡የድንጋይ፡ወንጭፍ፡ማንሳት፡ያስፈልጋል፡፡
አግዚዓብሄር፡ይርዳን፡አሜን፡፡

Anonymous said...

dejeselam minew betekrestianin batikawemu. poletics ena haimanot meleyet yasfeligal.. Yale Egzeabher fekad yemihon neger yelem .E/r kefekede enkuan his grace abune gorgoryos,matias manis behon???enkuan wetatu bepapas derejam bihon,,betekerestianin yetekawemu yeminawkew new meda lay endekeru silezih pleas entsley HULU BERSU ENDIHON..

Anonymous said...

gin abune matias tiru abat ayidelum ende? minim makew info yelegnim those of u who know abatachinin bekirbet esti nigerun.
Egziabher yistilin

Aemero Andualem said...

እግዚአብሄር ለቤቱ ቀናዒ ስለሆነ ራሱ መልካም እረኛ እንደሚያስቀምጥልን ተስፋ እናድርግ! ቸር ያሰማን!

Anonymous said...

Zemmmmmm enbel tarik erasun yedegmal .Edma yesten ena ahunem enayalen yebalbetun ferd.
Geta hoy lebete christan yemibjaten aderg.

Anonymous said...

Erasachinn anatalil. Mengist le Betechrstian patriarik simert zim malet haymanot yelelen mehonachinn yasayal. Bemin mesfert new Egziabhern kamenn lemenager yeferanew? dar darun anizur Mengist sayhon yemiqetaw egnam nen be zimtachin. ADIRBAY ANIHUN. MENGISTN EREF ENIBELEW ENIQAWEM SEMAYIT LEMEHON ANIFRA. HAYMANOT AYDELEM ENDE YEYAZNEW? LEMIN ENIQELIDALEN?

Anonymous said...

Deje selamawian,

It's no longer 'timatim & enkulal' for the next person (if we can all that that a person) who takes the position disregarding the peace and unity of this beautiful church.

I do not care how they end it but this propblem needs to be resolved in peace and reconciliation. PERIOD.

No, dont blame the government
No, dont blame the government


The govnt cant do anything if these aabatoch have the moral courage to say NO power/position and say YES to peace and reconciliation.

I will not throw 'timatim and egg' to someone who disregards the future of my church.

IT WILL BE MORE THAN 'TIMATIM AND EGG'
God help us and help me

Anonymous said...

በዶ/ር ሽፈራው የሚመራው የፌደራል ጉዳዮች ሚኒስቴር በመናፍቃን ከላይ እስከ ታች የተሞላና የነሱን ስውር ሴራ መሳኪያ ከሆነ ሰንብቶዋል። ለዚህም ነው ምንም ሳያፍሩ በእመቤታችንና በቅዱሳን ላይ መሳለቅን ስራዬ ብሎ የተያያዘውን ፓስተር ዳዊትን በኢቲቪ ስለሃይማኖት ሊያስተምረን ያመጡት!
http://www.youtube.com/watch?v=Y47C_SCkjIA

Gofa Geberal said...

Wow, We as Christine always hoping tomorrow will be peace, unity but always things are going to more bad and worest, for our church. this is my comment for Abune Mathews, it is much better if he die instead of taking that Patricarch chair and then get punishment from Kerstoes who demune yafeselate. Please this is more than chaning your religion, it is better to I am not Pop any more instead of doing this. You know Abune Paulos passed and tomorrw you will pass and stand infront of God what is your answer to God, or you don't care about zelalemawi heywot, u don't belive God one day he will judge you. So don't accept this just think about your soul, don't don't Satian is infront of you asking u to be the enemy of your own mother your church, to destroy her, it is like killing your mom. And church is more than our mothers, all your life, you lived for this chruch don't destroy it, imagine do u thing if Abune Paulos come back to life he will not fix what he did, dividing the chruch he will, because he already saw God's judgement, kenu saychelembote yenku ande if u accept to be patrik they will make u to do any thing, any thing even killing people, ande gegbubute mewcha yelem, ye ehadge mengeste will make u to do any thing they want wiht out questoning, u will destroy your chcurch, u will kill people who are not your supporters, u will take money and u will make people to worship you instead of God. so make sure don't choose to be ye seytane mesearye, in betemekdese weste, nefsotene lezelalem we de matwetabete sekaye, segwonem, beseste desta bematate

Anonymous said...

በአንድአድርን በሚባል ድረ ገጽ ላይ አዲስ እየተረቀቀ ባለው በፓትርያርክ ምርጫ ሕግ ላይ 'ቅዱስ ሲኖዶስ ተመራጩ ፓትርያርክ ኢትዮጵያዊ ዜጋ ብቻ እንዲሆን ወሰነ'የሚል አንብቢያለው። ይህ እውነት ከሆነ አቡነ ማቲያስ አይመለከትም? እስኪ የምታውቁ አንድ በሉ።
http://andadirgen.blogspot.de/2012/12/blog-post_16.html

Anonymous said...

አይ ጩቤ ማጨባበጥ ህዝብ ከመንግስት ምእመን ካባቶች ምእመን ከምእመን በ እዉነት ላይ ቆማችሁ ብተቹ መልካምነበር ዳሩ ግን ጽሁፋችሁ ለቤተ/ክንም ለመነፈሳዊነትም ገንቢ አይደለም የፓትሪያርክ ምርጫ ልባችሁ እያወቀ የቆማችሁበት የፖለቲካ ኮርነር ለማጠንከር ካልሆ ነ በስተቀር ያስቀመጣችሁትምርጫ ምንድ ነዉ አቡነ መርቆርዮስ እኮ የሩቅጌዜ ትዝታ አይደሉም ካሿሿማቸዉ ጀምሮ የተፈራ መላኩ እጅመንሻ እንደሆነ ይታወቃል እኮ ምን ያለበት ምን አይችልም እንደሚሉት ወያኔ ሲመጣ እኮ ማንም ሳያስደነግጣቸዉ ፓትሪያርክ ካረደ መንግስትጋር የቤተ/ክ ንብረቷ ከወረሰ በሯ ከዘጋ የምክርቤት አባል ሆነዉ ሲመክሩ ነበር እኮ ሃጥዕ ማንም ሳያሳድደዉ እንደሚባለዉ ነዉ ሁላችንም ልባችን ያዉቀዋል አቡነ መርቆርዮስ ወያኔ ሸክማቸዉ ባየሸከም ህዝብ ምን እንደሚላቸዉ በተለይ የጎንደር ህዝብ ይህን ያወቁ እነ አቡነ መልከጼደቅአሜሪካ የሚገኙት ነፍሳቸዉይማር አቡነዜናማርቆስ እንደመንፈሳዊ ወንድምም እንደሃገር ልጅም መክረዉ ተመካክረዉ በወሰኑት ዉሳኔ ስተት ነዉ አይደለም ብሎ ጩቤ ከማጨባበጥ የዉጩም ይሁን የዉስጡ ለማስደሰት ተበሎ ደጋሚ ሳይዋሽ እዉነቱን ተናግሮ ትላንት ጠፋም አልጠፋም ለሚሉት አንድላይ እጃቸዉን እንደዘረጉ ዛሬም ለቤተክርስትያን በእዉነት አንድነቷን የሚፈልጉ ከሆነ ሁላቸዉም እጃቸዉን ታጥበዉ ያለፈዉን እንተወዉ ብለዉ ሲመጡብቻ ነዉ

Anonymous said...

በጣም ትክክለኛ ምርጫ ነው ምክንያቱም 4ተኛው ፓትረያርክ ቤተ ክርስቲያ መምረት አይችሉም፣ በዛ ላይ በማያገባቸው ፖለቲካ ውስጥ ገብተዋል ስለዚህ አያስፈልጉንም እላለሁ

Anonymous said...

Ere enate men gude new muslemu setagel men ayente zemta new yalew ayyyyyyyyyyyyyye gude
Lemangawem Aba SERAKE ke frankfurt wed Addiss abeba selhedu ersachew edelunen lemokeru new meselege yebalefew alefachew new be zeh zemen men ye maydegrge gude ale.

Anonymous said...

From what i know Abune Mattias when he was here in America he is no nonsense man,he doesn't play with menafikan or corrupt priests,so i would choose him or Abune samuel from addis ababa.

One thing that ssurprise me is abune markorios was out of ethiopia for 2 decades so wt he is going to do is i realy don't know ,i believe the offer he got is way over that he deserve not only him but the rest of them.
If the Jan meeting in LA didn't suceed the synodos in ethio should elect a new papas and forget about this fathers.

ye-vegasu

Anonymous said...

You can have your own 6th patriarch. We keep continue with the 4th patriarch. Let the church divided forever.

Kebede Bogale said...

አባ ማትያስ የገዡ ፓርቲ አባልና የመንግሥቱ መሪዎች ከተወለዱበት ዘር ስለሚወለዱ የድርጅታቸውን መመዘኛ ያሟላሉ። ስለዚህ ሰማያዊውን መንግሥት የምትወክለውን ቤተ ክርስቲያን ለመምራት ቀኖና ቤተ ክርስቲያን ባይፈቅድላቸውም ዓለማዊውን መንግሥት በታማኝነት ለማገልገል ግን ለገዢዎቹ ከርሳቸው የቀረበ ሊኖር አይችልምና ይሹሟቸው። እኛ ግን ''አባታችን'' ብለን ለመቀበል ቀኖናዊ ግዴታ የለብንም። ከአባ ጳውሎስ የባሰ rejection እንደሚገጥማቸው ግን ራሳቸው አባ ማትያስም ሆኑ ሿሚዎቻቸው ምንም ሊጠራጠሩት የሚገባ ነገር ኣይደለም።

Anonymous said...

ሰላም ለሁላችሁም

በመሰረቱ እኚህ አባት በአሁኑ ሰዓት አሉ ከሚባሉ ጥሩ አባት አንዱ እንደሆኑ ነው የማውቀው።
እኔን ያሳዘነኝ መንግሥት መሾሙ ነው። ምናልባትም እግዚአብሔር ሊሰራው የፈለገው ስራም ይኖር ይሆናል።
ለምሳሌ በጀርመን ሀገር አባ ሲራክ እና ቄስ መስፍን የራሳቸው ያገለግለኛል ያሉትን ሰው በግድ ምረጡልኝ ብለው ካስመረጧቸው በኋላ እነዚህ ሰዎች ጥቅም እና ጓደነኝነት ሳያሸነፋቸው ለአባ ሲራክ እና ለቄስ መስፍን የእግር እሾህ ለቤተ ክርስቲያን ግን ጠበቃ ሆነው ሲታገሉ ቆይተዋል።
ነገር ግን አብሯቸው ሆ ሆ ብሎ ለቤተ ክርስቲያን የሚጮህ ምዕመን ቁጥር በማነሱ አባ ሲራክ እና ቄስ መስፍን የቻሉትን ያህል ዘርፈዋል ምዕመናንም ከቤተ እግዚአብሔር እንዲርቁ አድርገዋል።

የኔ ግምት ምናልባትም እኚህ አባትም ለዚህ መንግሥት እሾህ ይሆኑበት ይሆናል።

እስቲ ሁላችንም "እስከ ማእዜኑ አነበር ውስተ ልብየ ትካዜ" እያልን ፈጣሪን እንማፀነው።

ሌላ በእጅጉ ያዘንኩት መቼ ነው የእኛ ሲኖዶስ መሰዋዕትነት የሚከፍለው። አበው ጳጳሳት መቼ ነው እንደ ዲዮስቆሮስ አርአያ የምትሆኑን። እባካችሁ መሰዋትም ካለበን እኔ በበኩሌ ከጎናችሁ ነኝ። እናንተ እንደሆነ ለዓለም ከሞታችሁ ቆየ እኮ!የዚያን ቀን አስኬማው ስትለብሱ ቆቡን ስትደፉ ማለቴ ነው። ታዲያ ምን ያስፈራችኋል?
ለምን አንድ ሀሳብ አንድ ልብ መካሪ አንድ ቃል ተናጋሪ ሆናችሁ እኛንም አታደርጉንም?

እናንተን ጳጳሳት አድርጎ...... ለመንጋውና ለራሳችሁ ተጠንቀቁ ያለውን የምትዘነጉት አይመስለኝም።
እባካችሁ ጠንክራችሁ አጠንክሩን በርትታችሁ አበርቱን ሰማዕቱ አቡነ ጴጥሮስን ስታልፉ ሐውልቱ ብቻ ሳይሆን ሃይማኖቱን ቆራጥነቱን ሀገሩን አፍቃሪ ለበጎቹ የሚሞት መሆኑንም አስታውሱት።

ጸልዩ በእንተ ቤተ ክርስቲያን።

Anonymous said...

I can assure you that the EOTC leadership (or bishops) will succumb to the government pressure to accept its will. The so-called EOTC fathers are not like our forefathers, who gave their lives for the Church of Christ Jesus. For how long do we tolerate the atheists, ET Government leaders, to interfere in our internal affairs.

If the leadership becomes firm and faithful, they can resist the government and successfully reject its interference. The fact is most are not fiathful to God, to the church and to themselves. What is worse is the orthodox followers, us, are not strong enough to determine the fate of our church in a positive. Almost all of us are passive, and think that the church is just for the Bishops or the priests. The fact is the curch is ours, all the faithfuls.

So, we should stand up and say no to weyane interference. Look the muslims how they are united to defend their freedom of religion.

Hailu said...

He will be yet another fake 'patriarch' for the TPLF. He will be even more rejected by the faithful because he will be a willing accomplice to the crime against our church. This is so because unlike the late Aba Paulose, this man has seen beforehand the damage such illegal appointment has done to our church for the past 20 years.

However, I feel sorry for our Church's continued division.

What should we do? Should we sit back and watch another political fiasco? How long can we be silent when our church is being destroyed piece by piece?

Why should our fathers, papasat , bow down to a government led by atheists and Menafkans? Why don't they stand up for the independence of the church?

Us, the Orthodox Christians, do we expect atheists and Menafkans to do justice for our church? What should we do?

We must rise up and demand our religious freedom?
If they succeed in illegally appointing another political cadre, then I don't think we will have any excuses not rally behind His Holiness Abune Merkorios and strengthen the synod under his leadership.

We cannot accept this drama and the Dagon to be hatched as shameful “6th partiarch"

Anonymous said...

ይድረስ ለደጀ ሰላምና ለሌሎች የሕዝብ መገናኛ አውታሮች
በራሱ ሕገ መንግሥት በሃይማኖት ጉዳይ ጣልቃ እንዳይገባ በተለይ በአንቀጽ 11 የታወጀውን ድንበር በመጣስ ገዢው ሥርዓት ዛሬም እንደገና በሃይማኖት ላይ ክንዱን አሳርፎ ለኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ የሚሾም ወይም በይስሙላ ምርጫ የሚያሾም ከሆነ ጉዳዩ ከቤተ ክርስቲያኒቱ አባቶች እጅ ወጥቶ በቀጥታ ወደ ሕዝብ ይተላለፋል ማለት ነው።
ይህን አስገዳጅ ኃላፊነት በብቸኛነት ከመረከቡ በፊት ግን ሕዝቡ በተለይም የቤተ ክርስቲያኒቱ ምእመናን የሚፈጽሟቸው አስቸኳይ ተግባራት አሉ። አንዱና ዋናው አባቶች ያለ ቅድመ ሁኔታ በመካከላቸው ያለውን መወጋገዝ በፍጥነት አንስተውና ዕርቀ ሰላም መሥርተው በሕገ መንግሥቱና በቤተ ክርስቲያኒቱ ቀኖና መሠረት ግዴታቸውን እንዲወጡ፣ አንድነቷን መልሰው እንዲገነቡና መንጋቸውን ተግተው እንዲጠብቁ በአንድ ድምጽ አበክሮ መጠየቅ ነው። ይህን ተግባር ውጤታማ ለማድረግ ደግሞ ብፁአን አባቶችና ምእመናን ይበልጥ ሊተዋወቁ፣ ሊቀራረቡ፣ ሊወያዩና ሊደማመጡ ይገባል። ቤተ ክርስቲያኒቱ የጋራ ናትና።
በአሁኑ ሰዓት ምእመናን ስለ አባቶች በተለይ ስለ ብፁዓን የቅዱስ ሲኖዶስ አባላት በቂ ዕውቀት የላቸውም ቢባል ማጋነን አይደለም። በደፈናው የአርሲ ሊቀ ጳጳስ፣ የሸዋ ሊቀ ጳጳስ፣ የየሩሳሌም ሊቀ ጳጳስ፣ የዚህ ሊቀ ጳጳስ፣ የዚያ ሊቀ ጳጳስ መባሉ አይበቃም። አለማወቅና አለመተዋወቅ ደግሞ ታላቅ ስሕተት ነው፤ ይጎዳል። ለምሳሌ ባለፉት ሃያ ዓመታት ብዙ ጉዳይ ምሥጢር ሆኖ ተደብቆ ሁሉንም ወገን ለብዙ ሐሜት አሉባልታና የጥፋት ጥፋት አብቅቷል። ቤተ ክርስቲያኒቱንና ምእመናኑንም ከመጠን በላይ ጎድቷል።
በአሁኑ ሰዓት የእያንዳንዱን ብፁዕ አባት የቅዱስ ሲኖዶስ አባል አጭር ታሪክ፣ ስለሚከፍሉት መሥዋዕትና ስለሚያበረክቱት አስተዋጽኦ (ግድፈትም ካለ እንዲሁ) ምእመናን ሊያውቁና ግንዛቤ ሊኖራቸው ይገባል።
ስለዚህ ያለፈው ጉልህ ጥፋት እንዳይደገም ለማገዝ አባቶችን ከምእመናን ጋር በሚገባ ለማስተዋወቅ፣ ለማቀራረብና ለተቀደሰው ተግባር በጋራ እንዲሰለፉና መሥዋዕቱንም አብረው እንዲከፍሉ ለማበረታታት ደጀ ሰላምና ሌሎች ለሀቅ የቆሙ የሕዝብ መገናኛ አውታሮች ሁሉ በበለጠ ሁኔታ ሌት ተቀን እንዲተጉ አደራ እንላለን።
ልዑል እግዚአብሔር በምሕረቱ በታላቅ ጭንቀትና ስቃይ ላይ ያሉትን በኢትዮጵያና በመላው ዓለም የተሰራጩትን ምእመናኑን እንዲታደግና እንዲጠብቅ እንማጸነዋለን።

Anonymous said...

yigebachewal yihonalu yimetsinalu

Anonymous said...

ደጀሰላማውያን እግዚአብሔር ለአገልግሎታቸሁ እድሜና በረከት ይስጥልን፡፡
በ6ኛው ፓትርያርክ ዙርያ የመንግስት ዝንባሌ ምን እንደሚመስል ያስነበባችሁን መረጃ በእውነት እየተደረገ ከሆነ በእጅጉ ያሳዝናል፡፡ ቅድስት ቤተ ክርስትያንን አይደለም ቀርቶ እንደ ዓለም አቀፋዊት ተቋም ይቅር እና ከአንድ ቀበሌ እንኳን አሳንሰው እንዳዩዋት እና መብቷን እንደተጋፉ ነው የሚቆጠረው፡፡ እንደታሰበው ቢሰራም እንኳ የመጀመርያ ተጎጅ የምትሆነው ሀገሪቱ እና የእነሱ አገዛዝ ነው(የስራቸው ውጤት ከሃገር በረከት ማራቅ ነውና የሚሆነው) ምክንያቱም ቤተክርስቲያን በክርስቶስ ደም የተመሰረተች ስለሆንች ማንም ሊያናውጣት “አይችልም አናቅጸ ሲኦል ኢይሄይልዋ” ተብላለችና፡፡ ለማንኛውም እግዚአብሔር የፈቀደው ይሆናል ከእኛ የሚጠበቀው አብዝቶ በንፁህ ልቦና “አይቴ ውዕቱ አምላኮሙ ከመ ኢይበሉነ አህዛብ ምህላነ ስማዕ አምላክነ አይቴ ይዕቲ ትምክህቶሙ ከመ ኢይበሉነ ውሉደ መርገም ምላነ ስምዒ ማርያም” እያልን መጮህ ሲሆን እናንተም “እመኒ እወ እወ ወእመኒ አልቦ አልቦ” ነውና አውነቱን ከመናገር ወደ ኋላ አንሽሽ እላለሁ እግዚአብሔር ይስጥልን፡፡

Anonymous said...

መቼም ካሉት የሚሻሉት እርሳቸው ናቸው በእውነት ለመናገር ብዙ የቤተክርስቲያን አባቶች አቡነ ማትያስ መንፈሳዊ አባትና ዘረኝነት የሌለባቸው ጠንካራ እንደሆኑ ይናገራሉ አብዛኛውንም አባቶች አቡነ ጳውሎስ ሲያርፉ አቡነ ማትያስ ቢመረጡ ይመጥናሉ ብለዋል መንግስት ባይገባበትም ኖሮ አቡነ ማትያስ መታጨታቸው አይቀርም ነበር እግዚአብሄር መንግስትን ጥሩ አመለከተው ባይ ነኝ

Anonymous said...

ለቤተክርስትያናችን የሚጠቅም አባት እንጅ መሰፈርቱ ዘር አይደለም፥፥እኛም ለምን ከዚህ ዘር ብለን ከጀመርን እንደ ሥጋ ፈቃድ አየሄድን ኣይመስላችሁም፧አኔ የትግራይ ተወላጅ ኣይደለሁም፥ ነገር ግን ብዙ መናንያን፥ቅዱሳን ፤ፃድቃን አባቶቸ ከዚህ ቦታ መፈጠራቸውን አንብቢያለሁ።

Anonymous said...

Egizabehare Amelaka hoy tamalekatane

Anonymous said...

Egerziooooooooo

Anonymous said...

Baka balane Ara

Kebede Bogale said...

Anonymous said...
''ለቤተክርስትያናችን የሚጠቅም አባት እንጅ መሰፈርቱ ዘር አይደለም፥፥እኛም ለምን ከዚህ ዘር ብለን ከጀመርን እንደ ሥጋ ፈቃድ አየሄድን ኣይመስላችሁም፧አኔ የትግራይ ተወላጅ ኣይደለሁም፥ ነገር ግን ብዙ መናንያን፥ቅዱሳን ፤ፃድቃን አባቶቸ ከዚህ ቦታ መፈጠራቸውን አንብቢያለሁ።'' ወንድሜ/እህቴ፥ የትኛው መጽሐፍ ነው እውነት አትናገሩ የሚለው ? አሁን ዛሬ ኢትዮጵያ ውስጥ ያለው ሃይማኖታዊ ፥ ፖለቲካዊ ፥ ማኅበራዊና ኢኮኖማዊ የሆኑት ነገሮች ሁሉ መመዘኛቸው ዘር አይደለም የሚለው አይሆንም እንደ ሥጋ ፈቃድ እየሄደ ያለው? በዐይን የሚታየውን እውነት መናገሩ ምኑ ላይ ነው የሥጋ ፈቃድ የሚሆነው ? የዛሬ 21 ዓመት ዘርን መሠረት ያደረገ መንግሥታዊ ሥርዓት በ21ኛው መቶ ክፍለ ዘመን በሀገራችን መመሥረቱን የማያውቅ ማን ነው ? በዘራቸው ምክንያት ካልሆነ በምን ነበር ቀኖና ቤተ ክርስቲያን ተጥሶ፥ ብፁዕ ወቅዱስ አቡነ መርቆሬዎስ ተባረው መንበሩ/መስሪያ ቤቱ ላይ አባ ጳውሎስ እንዲቀመጡበት የተደረገው ? ዛሬስ ቢሆን በውጭም ሆነ በውስጥ ያለነው የቤተ ክርስቲያኒቱ ምዕመምናን የተጣሰው ቀኖና ታርሞ፤ ባንድ ሲኖዶስ እንመራ የሚለው ጥያቄአችን በሥራቱ መሪዎች ተቀባይነት አጥቶ አባ ማትያስ ''ፓትርያርክ'' እንዲሆኑ መንግታዊ ኃይልን እየተጠቀመ ያለው በዘር መመዘኛ ካልሆነ በቀኖና ቤተ ክርስቲያን ነው ማለት ነው ? ወንድሜ/እህቴ ሆይ ! እንዲያውም አድርባይነት ኃጢአት ነው። ከተጠቂው ጋር መቆም ሲገባ ከአጥቂው ጋር ቁሞ ሥርአተ ቤተ ክርስቲያንን ማፍረስ የክርስትና ግዴታ ሳይሆን በሥጋ ፈቃድ የሚመጣው አድርባይነት የተባለው ማኅበራዊ በሺታ ነው። ይህ ሥርአተ መንግሥት ሁሉንም ነገር የሚያየው በዘሩ መነፀር ነው። ይህን ሀቅ መመስከር ከእውነተኛ ክርስቲያኖች የሚጠበቅ መንፈሳዊ ግዴታ ነው። ወንጌሉም እንዲህ ይላል "ደግሞም ኢየሱስ እንዲህ አለ ፣ እንግዲህ ሰዎችን አትፍሩ ፥ ምክንያቱም የተሸፈነ መገለጡ ፥ የተሠወረም መታወቁ አይቀርምና። ስለዚህ እኔ በጨለማ የምነግራችሁን እናንተ በብርሃን ተናገሩት ፣ በሹክሹክታ የሰማችሁትንም በከፍተኛ ቦታ ላይ በይፋ አስተምሩ። ሥጋን እንጅ ነብስን መግደል የማይችሉትን ሰዎች አትፍሩ።" ማቴ. 10 ፣26-28። ታድያ ይህ በወንጌል ላይ የተጻፈው ቃለ ወንጌል እኮ የማንም ሳይሆን የራሱ የጌታችን የአምላካችን የኢየሱስ ክርስቶስ ነው። የምንናገረውና የምንጽፈው እውነት እስከሆነ ድረስ ደፍረን እንድንጽፈውና እንድንናገረው ፈቃድ ከሰው ሳይሆን በዚህ ቃል መሠረት ከራሱ ከቤተ ክርስቲያን ራስ ተፈቅዶልናል። የማንም ሰው ትእዛዝ ከጌታ ትእዛዝ አይበልጥም። ለክርስቲያኖች ከቃለ ወንጌል የሚበልጥ ትእዛዝ የለም፤ ሊኖርም አይችልም። ከፈጣሪ በላይ ፍጡርን እንድናከብር ግዴታ የለብንም። ቅዱሳን መላእክትን ፥ ጻድቃን ሰማዕታትንም የምናከብራቸው የጌታን ቃል ጠብቀው በቃሉ ትእዛዝ ጸንተው ስለኖሩ ነው። በአማላጅነታው የምናምነውም በዚህ ምክንያት ብቻ ነው። ምክንያቱም እነሱ በትእዛዙ ጸንተው ከመንገዱ ሳይወጡ ታማኝነታቸውን በተግባር አስመስክረው ክብርን ስለተጎናጸፉ፥ እኛም ፍጡራን ወገኖቻቸው ለነሱ የሰጠውን ጸጋ ለኛም እንዲሰጠን በቅርብ ፈጣሪያችንን እንዲለምኑልን ነው። የጽድቅ ሁሉ ዋና መለኪያው እውነት ስለሆነ ሁልጊዜ እውነትን ከመናገር አንቆጠብ። ጽድቅ ማለት እውነት ማለት ነውና ! ...አባ ማትያስን እኔ በግል አውቃቸዋለሁ። ከ30 ዓመት በፊት ከኢየሩሳሌም ወደ አሜሪካ እንዲወጡ የረዷቸውን ሰዎችም እንዲሁ አውቃለሁ። እኔም ወደ አሜሪካ በስደት እንደመጣሁ ስደተኛ እንደመሆኔ እርሳቸውን ነበር የቤተ ክርስቲያን አባት አድርጌ የተቀበልኩት። ያኔ ጥቂቶች ሁነን አቋቁመነው በነበረ አንድ የአጥቢያ ቤተ ክርስቲያን ላይ የበላይ ጠባቂ አባት ማንን እናድርግ ሲባል እርሳቸው እንዲሆኑ ከተከራከሩት ሰዎች አንዱ ነበርኩ። ሃሳቡም ተቀባይነት አግኝቶ የዚያች አጥቢያ ቤተ ክርስቲያን ሊቀ ጳጳስ እንዲሆኑ አድርገን ነበር። አሁን በሥልጣን ላይ ያለው መንግሥት ደርግን ጥሎ ፥ ኤርትራን ሲያስገነጥልና መንፈሳውያንና መንግስታዊ ተቋማቱን አፈራርሶ በራሱ ዘራዊ ተቋማትና ገለሰብ መሪዎች ሲተካቸው፥ እኔ እንደሌሎቹ ኢትዮጵያውያን ድርጊቱን ስቃወም እርሳቸው ግን በዘር ልጓም ተስበው ጥፋቱን ልማት ነው ብለው የድጋፍ መግለጫ በቤተ ክርስቲያን ውስጥ አወጡ። መግለጫውን ያነበቡት በቅዳሴ ጊዜ የማቴዎስ ወንጌል ከተነበበ በኋላ ቁጭ በሉ ተብለን ትምህርት ሊያስተምሩን ነው ብለን ስንጠብቅ ያኔ የፖለቲካ ወገኝተኝነታቸውን የሚያረጋግጠውን መግለጫቸውን ነበር ያሰሙን። በወንጌል ፋንታ ወንጀል እንድንማር ተደርጎ ተለያየን። ያኔም ነበር ፓትርያርክ እሆናለሁ ብለው የቋመጡት። ግን አባ ጳውሎስ አድዋዊ በመሆናቸው የአቶ መለስን ምርጫ ስላገኙ ''ፓትርያርክ'' ተብለው ተሾሙ። ስለዚህ አሁን ደግሞ አባ ማትያስ 2ኛው ቀኖና አፍራሽ ''ፓትርያርክ''ሁነው ሊሾሙ ነው ተብሎ እየተነገረን ያለው በሌላ መመዘኛ ሳይሆን ያው በተለመደው ዘር ነው ። እኛ እውነተኛ የቤተ ክርስቲያኒቱ ልጆች ግን ሕጋዊ ፓትርያርክና በርሱ የሚመራ ቅዱስ ሲኖዶስ ስላለን የአባ ማትያስን አባትነት እንድንቀበል ሕገ ቤተ ክርስቲያን አያስገድደንም !በውጭም ሆነ ባገር ውስጥ ሁነው ችግሩ እንዲፈታ የጣሩትን አባቶች ፥ ክርስቲያናዊ ማኅበራትና ብሎጎች ፥ እንዲሁም ማኅበረ ምዕመናንን በግሌ ያለኝን አክብሮትና አድናቆት በደጀ ሰላም በኩል እንድገልጽ እንዲፈቀድልኝ ደጀ ሰላምን በአክብሮት እጠይቃለሁ። እግዚአብሔር ሀገራችን ኢትዮጵያን፥ ቅድስት ቤተ ክርስቲያኗንና ጠቅላላ ሕዝቧን ይባርክ ይጠብቅ ። ዓሜን .

Anonymous said...

ere abatoche min nekachehu ? enanete eko lezehe alem altesetachehum eko.le alem hulu yetesekelewen amlakachen medhanitachen eysuse kirstosen temleketu.21 amet mulu betekerstian mekera endederesebat eyawekachu ahunem lelela 21 amet mekerawan lemabezat talak sehetete eyeserachu newew .egzeabhair yayal zem ayelem.

Anonymous said...

Atum Aedug,zeregna Amharu. Meaz ekum kab politica tirhiku. Awetnhafash!!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)