October 9, 2012

“መሰናዘሪያ” የተባለ ጋዜጣ “አቡነ መርቆሬዎስ ኤርትራን ጎበኙ” ሲል መዘገቡ ለዕርቁ እንቅፋት ሊፈጥር ይችላል ተባለ

“አቡነ መቃርዮስ”

(ደጀ ሰላም መስከረም 28/2005 ዓ.ም፤ ኦክቶበር 8/2012; READ THIS NEWS IN PDF)፦ በሜላቢን ፕሮሞሽን ሓላ/የተ/የግ ማኅበር የሚታተመው “መሰናዘሪያ” የተሰኘ ሳምንታዊ ጋዜጣ መስከረም 22 ቀን 2005 ዓ.ም “አቡነ መርቆሬዎስ ኤርትራን ጎበኙ” ሲል በዜና ገጹ ላይ የተሣሣተ ዘገባ ማውጣቱ ለተጀመረው ዕርቅ እንቅፋት ሊፈጥር እንደሚችል እየተነገረ ነው፡፡ ጋዜጣው በስደት ላይ የሚገኙት አራተኛው የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ ብፁዕ ወቅዱስ አቡነ መርቆሬዎስ ወደ ኤርትራ አምርተው ለቀናት ጉብኝት እንዳደረጉ፣ ከግንቦት ሰባት አመራሮች ጋራ አብረው እንደሚሠሩና ጉብኝታቸው ከዚሁ ጋራ የተያያዘ መኾኑን በመጥቀስ ያቀረበው ዘገባ “ትግራይ ኦንላይን” የተባለውን ድረ ገጽ በምንጭነት በመጥቀስ ነው። ድረ ገጹ “Why was Abune Mekariossent to Eritrea by Ginbot-7 after Prime Minister Meles died? በሚል ርእስ ሴምቴፐር 27/ 2012 ባወጣው ዘገባው ኤርትራን ጎበኙ ሲል የጠቀሳቸው “አቡነ መቃርዮስ”ን ነው፡፡ 

ጋዜጣው “አቡነ መቃርዮስ” የሚለውን “አቡነ መርቆርዮስ” በሚል ተራ እና አማተር የፈጸመው ስሕተት በመልካም ጎዳና ላይ መራመድ ለጀመረው የአባቶች ዕርቀ ሰላም ሒደት እንቅፋት እንዳይፈጥር የሰጉ ወገኖች ሥጋታቸውን በመግለጽ ላይ ይገኛሉ። ጉብኝቱን ማሰናከያ ለማኖር የሚሹ ወገኖች እንደ ማስረጃ መጠቃቀስ ከመጀመራቸው አንጻር ለዕርቀ ሰላም በሚሠራው የሰላምና አንድነት ጉባኤ አባላት ዘንድም ስጋት ማሳደሩንም ምንጮች አስረድተዋል፡፡

“መሰናዘሪያ” ጋዜጣ በምንጭነት የጠቀሰው “ትግራይ ኦንላይን” ድረ ገጽም ቢሆን “አቡነ መቃርዮስ” እንጂ “አቡነ መርቆርዮስ” አላለም፡፡ ጋዜጣው ታዲያ ከየት አመጣው ለሚለው የተለያየ መላምት እየተሰነዘረ ቢሆንም አማተር ጋዜጠኝነት የተፈጸመ ስሕተት ከሆነ እርማት በማድረግ ያስተካክለዋል። ስሕተቱ ሆን ተብሎ የተፈጸመ ከሆነም ውሎ አድሮ የሚለይ ይሆናል። በዚህ በኩል የሚዲያ ተቋማት ስለ ቤተ ክርስቲያን በሚዘግቡት ነገር ዙሪያ ጥንቃቄ ማድረግ እንዳለባቸው ሌላ ማሳያ ይሆናል። ደጀ ሰላም ከዚህ በፊት ስለ ብፁዕ ወቅዱስ አቡነ መርቆርዮስ ባወጣችው መልእክት ሥር የተለያዩ አስተያየት ሰጪዎች (መርቆርዮስ እና መቃርዮስ የሚለውን በማምታታት) ተመሳሳይ ስሕተት ሲፈጽሙ ተመልክተናል። አቡነ መቃርዮስ በውጪ አገር ያለው ሲኖዶስ በ1999 ዓ.ም ከሾማቸውአዳዲስ ጳጳሳት (Link) መካከል አንዱ መሆናቸው ይታወቃል።

አቡነ መርቆርዮስ
በአሁኑ ወቅት በጠቅላይ ቤተ ክህነቱ ከምንገኝባቸው ወሳኝ መድረኮች አንዱ÷ የተጀመረውን የዕርቀ ሰላም ንግግር ከፍጻሜ በማድረስ የአራተኛውን ፓትርያርክ የብፁዕ ወቅዱስ አቡነ መርቆሬዎስ ዕጣ ፈንታ መወሰን መኾኑን የሚገልጹት እነዚሁ ወገኖች እንዲህ ዐይነቱ ዘገባዎች የኢትዮጵያ መንግሥት ከኤርትራ መንግሥትና በመንግሥቱ ይደገፋሉ ከሚባሉት ተቃዋሚ ኀይሎች ጋራ ያለውን ተቃርኖ በመጠቀም በመልካም ሂደት ላይ የሚገኘውን የዕርቀ ሰላም ንግግር ለማሰናከል የሚሹ ወገኖች ኾነ ብለው ብዥታ ለመፍጠር የሚያደርጉት ሙከራ አካል ሊኾን እንደሚችል ያላቸውን አስተያየት ሰጥተዋል፡፡ እነዚሁ ወገኖች አክለው እንደሚያስረዱት÷ የዕርቀ ሰላም ንግግሩን በተመለከተ በብዙኀኑ በተለይም በሢመት ቅድምና ባላቸው የቅዱስ ሲኖዶስ አባላት፣ በሊቃውንተ ቤተ ክርስቲያንና አበው ካህናት፣ በመንፈሳውያን ማኅበራት፣ በሰንበት ት/ቤት ወጣቶች እና በርካታ ምእመናን ዘንድ አዎንታዊ ግንዛቤና ግፊት እየተፈጠረ ከመኾኑም ባሻገር የዕርቀ ሰላም ሂደቱ ከመፈጸሙ በፊት የቀጣዩ ፓትርያርክ ሹመት መከናወን እንደሌለበት የጋራ መግባባት እየተደረሰበት ነው፡፡

እንደ አቡነ መቃርዮስ ጉብኝት ያሉ አካሄዶች የውጭ አካላትን (መንግሥትን ጨምሮ) ጣልቃ ገብነት በመጋበዝ የዕርቀ ሰላም ንግግሩን በማዝግየት አልያም ጨርሶ በማሰናከል ያልተፈለገ ውጤት ለማምጣት የመቻሉን ስጋት በመጥቀስ የጉዳዩን ሥሡነት ያስረዱት ምንጮቻችች÷ በወዲያም ይኹን በወዲህ የሚገኙ በዕርቀ ሰላሙ ዙሪያ በቀጥታም ይኹን በተዘዋዋሪ የሚንቀሳቀሱ አካላት ሳይቀሩ የተቻላቸውን ጥንቃቄ በማድረግ ከቀጣዩ ፓትርያርክ ሹመት አስቀድሞ ለቤተ ክርስቲያን አንድነት የሚካሄደውን ጥረት እንዲያግዙ መልእክታቸውን አስተላልፈዋል፡፡

በአሁኑ ወቅት በውግዘት የተለያዩት አባቶች ያለአንዳች ቅድመ ኹኔታ ዕርቀ ሰላም ፈጽመው የቤተ ክርስቲያንን አንድነት እንዲያረጋግጡ ድምፃቸውን የሚያሰሙ ወገኖች የመኖራቸውን ያህል÷ ዕርቀ ሰላሙ ለሁለት ዐሥርት ዓመታት በሁሉም ወገኖች የተፈጸሙ የቀኖና ጥሰቶችንና መወጋገዙ ያስከተላቸውን ችግሮች በድምር የሚመለከት መኾን እንደሚገባው የሚወተውቱ አካላትም እንዳሉ ተዘግቧል፡፡ መንግሥታዊ ምንጮችን የሚጠቅሱ አካላት ደግሞ መንግሥት “በሂደቱ ጨርሶ ጣልቃ እንደማይገባ” ከመግለጽ ጀምሮ የቀጣዩ ፓትርያርክ ሹመት በፍጥነት ከተከናወነ በኋላ የዕርቀ ሰላሙ ሂደት እንዲቀጥል የመፈለግ አዝማሚያ እንዳለና ይህም የሢመተ ፓትርያርኩ ጊዜ እየተራዘመ በሄደ ቁጥር በጠቅላይ ቤተ ክህነቱ ውስጥና ዙሪያ ጎጠኝነትንና ቡድናዊ ጥቅምን ማእከል በማድረግ የየራሳቸውን ‹ፓትርያርክ› ለማስቀመጥ በኅቡእና በገሃድ የሚርመሰመሱ ቡድኖች የሚፈጥሩትን የፍላጎት ግጭት “ለመግታት ያስችላል” በሚል ነው ተብሏል፡፡

ደጀ ሰላም የጡመራ መድረክ ዕርቀ ሰላሙንና ተጓዳኝ ወቅታዊ ጉዳዮችን አስመልክቶ በተስተናገዱት ዘገባዎች ላይ ደጀ ሰላማውያን ያሰፈሯቸው አስተያየቶች በአመዛኙ ብፁዕ ወቅዱስ አቡነ መርቆሬዎስ ድምፃቸውን እንዲያሰሙ ከመጠየቅ ጀምሮ ወደ መንበራቸው እንዲመለሱ የሚጠይቁ ሲኾኑ÷ ፓትርያርኩ ከሚገኙበት የጤናና የዕርግና ኹኔታዎች አኳያ ወደ አገር ቤት ተመልሰው በመረጡት ገዳም እንዲቀመጡና እስከ ዕለተ ዕረፍታቸው ድረስ መንበሩ ተጠብቆ ቤተ ክርስቲያናችን ቅ/ሲኖዶስ በሚሾመው እንደራሴ እንድትወከል የሚጠቁሙም ነበሩበት፡፡ ከዚህ ሁሉ አማራጭ ይልቅ የዕርቀ ሰላም ሂደቱም ይኹን የቀድሞው ፓትርያርክ ወደ መንበር መመለስ አስፈላጊ እንዳልኾነ በመስበክ በአስቸኳይ የቀጣዩ ፓትርያርክ ሹመት እንዲከናወን የመሻት ጠርዘኝነትም መታየቱ አልቀረም፡፡

ደጀ ሰላም በቀደሙት ዘገባዎቿ ስታስነብብ እንደ ቆየችው የዕርቀ ሰላም ሂደቱን አጥብቃ ትደግፋለች፤ ውጤቱም ብፁዓን አባቶች እንደተናገሩት አንድም ብዙም ሊኾን ይችላል፡፡ በሂደቱም ይኹን በውጤቱ ደረጃ በእጅጉ የምንፈልገው ግን ከኻያ ዓመት በኋላ ቤተ ክርስቲያን በአስተዳደሯ በአገር ቤት፣ በገለልተኛ፣ በስደተኛ መከፋፈሏ ቆሞ በአንድ መንበርና እግዚአብሔር መንፈስ ቅዱስ በመንበረ ተክለ ሃይማኖት በሚሾመው አንድ ደገኛና ቅን አባት ስትመራ፣ ይህም በዓለም መድረክ ሐዋርያዊ ተልእኳዋን፣ ተቋማዊ ነጻነቷንና ብሔራዊ ክብሯን የሚመልስላትንና የሚያስፋፋላትን የተጠናከረ አስተዳደራዊ መዋቅር በቦታው ተመሥርቶ ማየት ነው፡፡ ይህም የቀናዒ ኦርቶዶክሳዊ አገልጋይና ምእመን ሁሉ ፍላጎት ነውና ሂደቱ ለሚጠይቀው ጥንቁቅነት፣ መንፈሳዊነት እና ብስለት የተገባን ኾነን እንድንገኝ የተላለፈውን ጥሪ ከልብ የምንደግፈው ነው፡፡

ልዑል እግዚአብሔር የቤተ ክርስቲያናችንን አንድነት ይጠብቅልን፡፡
ቸር ወሬ ያሰማን፤
አሜን፡፡



17 comments:

Anonymous said...

Think and look where we are going. Confuse each other. Who cares if any one goes where ever he wants. That is not the point. Nothing is moving for sure. New priminister? Old priminister? New acting Patriarch?( no disrespecting) Old Patriarch? We are still under oppression. People are still going to prison without proper judgment; Waldeba is still being under attack, money is going out of the country like crazy, there is no democracy at all and what not? We have arrogant military (police, Federal etc.) and leaders. It is even becoming worst silently. So that is all I want to say even though there is no end to the wrong doing and in human act being done. Her I am not in support of any one on this. Many people don't know what the deference is between Meqarios and Merqorios. Please correct it and let Patriarch Merqorios say something.

Muluken Abera said...

Egzeabher yawekal ,Egzeabher ortodoxn yebarklen! Amen

Anonymous said...

“በአሁኑ ወቅት በውግዘት የተለያዩት አባቶች ያለአንዳች ቅድመ ኹኔታ ዕርቀ ሰላም ፈጽመው የቤተ ክርስቲያንን አንድነት እንዲያረጋግጡ … ብፁዕ ወቅዱስ አቡነ መርቆሬዎስ ወደ መንበራቸው እንዲመለሱ … ፓትርያርኩ ከሚገኙበት የጤናና የዕርግና ኹኔታዎች አኳያ ወደ አገር ቤት ተመልሰው በመረጡት ገዳም እንዲቀመጡና እስከ ዕለተ ዕረፍታቸው ድረስ መንበሩ ተጠብቆ ቤተ ክርስቲያናችን ቅ/ሲኖዶስ በሚሾመው እንደራሴ እንድትወከል…”

አዲስ ፓትርያርክ እንዲመረጥ የሚፈልጉ ሰዎች አላማቸው ምን እንደሆነ ቢያስረዱን መልካም ነው:: አዲስ ፓትርያርክ መምረጥ የሚያስፈልግበት ምንም ምክንያት የለም ምንም:: አዲስ ፓትርያርክ መምረጥ የቤተክርስቲያንን መከፋፈል ያጠናክር እንደሆን እንጂ ሌላ ምንም ጥቅም የለውም:: የአዲስ ፓትርያርክ ምርጫ ቢያንስ የሚከተሉት ሶስት አደጋዎች አሉት:-
1. የቤተክርስቲያንን መከፋፈል ያጠናክራል
2. የቤተክርስቲያኒቱ መከፋፈል ለተሃድሶዎች ጥሩ በር ይከፍታል
3. ድሮ የተጣሰውን ቀኖና-ቤተክርስቲያን ለሁለተኛ ጊዜ መጣስ ይሆናል

ስለዚህ ቢያንስ ባለማወቅና በየዋህነት የአዲስ ፓትርያርክ ምርጫን የምትፈልጉ ሰዎች ቆም ብላችሁ አስቡ:: ፓትርያርክ ባይመረጥ ለቤተክርስቲያን ምንም ችግር የለውም:: የቤተክርስቲያንን ጉዳይ የሚወስነው ፓትርያርኩ አይደለም ቅዱስ ሲኖዶስ ነው:: አንዱን አባት በእንደራሴነት አስቀምጦ የአስተዳደር ጉዳዮችን ከዋና ስራ አስኪያጁ ጋ በመሆን እንዲሰራ ማድረግ ይቻላል:: የአዲስ ፓትርያርክ ምርጫ ግን ለብዙዎች ግልጽ ያልሆነ አደገኛ ፈተና አለበት:: የአዲስ ፓትርያርክ ምርጫን የሚፈልጉት ወገኖች ቁጥራቸው ትንሽ ቢሆንም በቤተክርስቲያን ጉዳይ ግን መስማማት የማንችልበት ምክንያት መኖር የለበትምና ሁሉም ክርስቲያን የአዲስ ፓትርያርክ ምርጫ ምንም ጥቅም እንደሌለው ተረድቶ አሁን እርቀ ሰላሙን ብቻ ለማፋጠን ሁሉም የራሱን አስተዋጽኦ ቢያደርግ መልካም ነው::

Anonymous said...

"ሁሉም የክርስቲያን ወገን ቢሆን ሊረዳው የሚገባው የሰበሰበችን ቤተ ክርስቲያን እጅግ ታሪካዊ ባዕለጸጋና አኩሪ መሆኗን ነው፡፡ የሊቃውንቱ የቅዱስ ያሬድ የአባ ጊዮርጊስ ዘጋስጫ፣ የእነ አቡነ ተክለሃይማኖት የእነ አቡነ ኤዎስጣቴዎስ ቤተ ክርስቲያን መሆኗን ልንረዳ ይገባል፡፡ ብዙ ዋጋ ተከፍሎባታል፡፡ ስለዚህ ክብርና አንድነቷን ዕርቅና ሰላምን በማስፈን ልናጸና ይገባል፡፡ ላለብን ችግር መፍትሔ የሚሰጠውም ፈጣሪ መሆኑን በማመን ብፁዓን አባቶችን በጸሎት መርዳት ይገባል፡፡ የቤተ ክርስቲያኒቱን አንድነት በጥብቅ እንደምንፈልገውም በተገኘው አጋጣሚ ሁሉ መግለጽ ግፊትም ማድረግ ይገባናል፡፡ ለሚፈለገው አንድነት ደግሞ መሠረቱ ዕርቅና ሰላም ነው፡፡"http://www.eotc-mkidusan.org/site/index.php/--mainmenu-2/---mainmenu-20/1098-2012-10-02-08-04-34

Anonymous said...

"ቤተ ክህነቱም እግዚአብሔር ያለፈውን ይቅር እንዲለን፣ ከሚመጣውም እንዲጠብቀን ስለ አንድነታችን በጸሎት ሊተጋ ይገባል፡፡ ያለፈው መልካም ያልሆነው ነገር ሁሉ ሊረሳ፣ በጎው ደግሞ ሊወሳ ይገባል፡፡ በጎ ፈቃድና ሰላምን መውደድ ከሊቀ ካህናት ኢየሱስ ክርስቶስ የተማርነው የተረዳነው ነውና ሁሉም ወገን ያንኑ እንዲያጸና መምከር ይጠበቅበታል፡፡" http://www.eotc-mkidusan.org/site/index.php/--mainmenu-2/---mainmenu-20/1098-2012-10-02-08-04-34

Anonymous said...


“መሰናዘሪያ” የተባለው ጋዜጣ ተሳስቶም ሆነ አውቆ የብፁዕ ወቅዱስ አቡነ መርቆሬዎስን ስም በመጥቀስ ያወጣው ዘገባ ለዕርቀ ሰላሙ አጣዳፊነት ተጨማሪ ምክንያት ነው። ዕርቁ በመጓተቱ መጠን እንቅፋቱም መልኩን ሊለዋውጥና ሊበዛ ይችላል።
በሰላምና በፍቅር የታነጸችውን ቤተ ክርስቲያን ከሚመሩትና ልጆቿን ስለ ሰላም፣ ስለ ፍቅር፣ ስለ ዕርቅና ስለ አንድነት አዘውትረው ከሚያስትምሩት አባቶች በኢትዮጵያም ሆነ በውጭው ዓለም ያላለነው ምእመናን በሙሉ መልካም አርአያነታቸውን ጭምር ለማየት ጓጉተናል። የሃያ ዓመት መለያየትና መወጋገዝ ይበቃል። አሁን ዕርቀ ሰላም ከወረደ ሌላው ችግር ሁሉ በቅደም ተከተል በኅብረት ይፈታል።
ቸሩ አምላክ በሂደት ላይ ያለውን ዕርቀ ሰላም ይባርክልን።

Anonymous said...

ከጥቂት ደቂቃዎች በፊት፤ ወደ እሥራኤል ደውዬ ነበር። ያለኝ ግንዛቤ፤ አቡነ መቃርዮስ እዚያ የሚገኙት፤ ስለ ሁለት ጉዳዮች ነው። አንደናው፤ ለጳጳሳት የመቃብር ቦታ ለመግዛት ሲሆን፤ ሁለተኛው ደግሞ፤ ስለ "ዴር ሡልጣን ገዳም" ጥገና ጉዳይ ለመወያየት ነው ተብሉዋል። ለዚህም ሐሙስ የሚከናወን ስብሰባ ጠርተዋል። ስለዚህ፤ ጉዳዩን ሳታጣሩ፤ ብዙ ጥርጣሬ ማብዛት ከናንት የሚጠበቅ ነው?

የቤተ ክርስቲያናችንን አንድነት ለማግኘት የአቡነ መርቆሬዎስ ወደ ኢትዮጵያ መመለስና ፕትርክናቸውን መቀጠል አስፈላጊ ነው። ነገር ግን እናንተ እንደምትሉት፤ በመላምት ወይም በፍልስፍና አስተሳሰብ ሳየሆን በቤተ ክርስቲያን ህግ መሠረት መሆን አለበት። እናንት ግን አንዱንም ሕግ ሳትጠቅሱ የምትዘግቡት ሁሉ እጅግ በጣም ያሳዝናል፤ ያስገምታችሁዋል! ስለ ፕትርክናው ጉዳይ ቤተ ክርስቲያን መከተለ የሚገባት ሕግ በ1991 ዓ/ም የወጣው ሕገ ቤተ ክርስቲያንና በፍትሐ ነገስቱ አንቀስ 14/77 እና 78 የተመለከቱት ናቸው። ሕግን የምናከብር ከሆነ፤ ከአቡነ መርቆሬዎስ ወደ ሥልጣናቸው ከመመለስ ሌላ ምንም አማራጭ የለም።

እባካችሁን፤ በቤተ ክርስቲያናችን ሕግ እንመራ። ለሰላሙ፤ ለአንድነቱና ለፍቅሩ የሚበጀን እሱ ብቻ ነው።

Anonymous said...

God blesses the effort being exerted
by faithful ,committed,dedicated,loyal sons and daughters
of God.May God lend us His arm
and power to overcome these devil-
driven ill days.Enemies are a few
and feeble and their plot cannot bear fruit.
Our God shall depict us where
truth and its followers are.Truth is our weapon.God is truth.

Anonymous said...

Esat kayew min leyew adel enda yemibalew? yaw nachew eco. Eriku ayemeleketachewum malet new enidena manachewum yadirigut dirigitu new sitet weyes adiragiw?

Anonymous said...

Have nothing good to write? Don't think fear-mongering sites are capable of hindering the works of God.He finishes what He has started.

Kebede Bogale said...

በእውነቱ የአቡነ መቃርዮስ ወደ ኤርትራ ሂደው ተቃዋሚዎቹን ባሁኑ ወቅት መጎብኘታቸው እኔን በጣም እያሰገረመኝ ነው። አሁን በውጭም ሆነ ባገር ውስጥ ያለነው የቤተ ክርስቲያኒቱ ልጆች ፥ አባቶቻችን ታርቀው አንዲቱን ቤተ ክርስቲያን በአንድ አመራር ሥር እንዲመሩ ጥረት በምናደርግበት ወቅት አቡነ መቃርዮስ አስመራ መሄዳቸው እኔን ጥርጣሬ ውስጥ ነው የከተተኝ። እኔ ብቻም እንደማልሆን እርግጠኛ ነኝ። የአሥስመራ ባለሥልታናትና አንዳንድ የአዲስ አበባ ባለሥልጣናት በህቡዕ የሚሠሩት ሥራ እንዳለ የሚጠቁም ነው። በአቡነ መቃርዮስ ፋንታ የብፁዕ ወቅዱስ አቡነ መርቆሬዎስን ስም ያስቀመጠው ድረ-ገጽም ሆን ተብሎ የተደረገ እንጅ በእውነት ባለማውቅ ነው ተብሎ ሊታለፍ የሚገባው ነገር አይደለም። ይህን በሚመለከት ስደተኛው ቅዱስ ሲኖዶስ ባስቸክኳይ ማብራሪያ መስጠት የሚያስፈልገው ይመስለኛል። አቡነ መቃርዮስ በግላቸው ነው ወደ አሥመራ የሄዱት ወይስ ሲኖዶሱ ልኳቸው? ለዚህ ጥያቄ መልስ ቢሠጥ ነገሩን ሁሉ ግልጽ ያደርገዋል። እኔ በግሌ እንደተረዳሁት ግን በግላቸው እንደሆነ ነው። በውጭ አገር የሚገኙት ተቃዋሚ ፖለቲከኞች የአባቶች እርቅና አንድነት የነሱን ሥራ እንደሚያዳክመው አድረገው እንደሚመለከቱትና፣ የፖለቲካው ችግር መፍትሄ ከማግኘቱ በፊት የቤተ ክርስቲያኒቱ ችግር ቀድሞ እንዲፈታ እንደማይፈልጉት ጠቋሚ መረጃዎች አሉ። ባንድ በኩል እነዚህም ኃይሎች ሊሆኑ ይችላሉ እኒህን አባት ምንአልባትም ስሜታዊነታቸውን ተጠቅመው ይህ ድርጊት ባሁኑ ወቅት እንዲፈፀም ያደረጉት። ባጭሩ ከላይ እንዳልኩት አንድም የአሥመራና አንዳንድ የአዲስ አበባ ባለሥልጣኖች ጣምራ እጅ አለበት፥ አለያም በትጥቅ ትግል በአሥመራ እርዳታ ሥራቱን እንለውጣለን ብለው የሚያስቡት ተቃዋሚ ኃይሎች ያደረጉት አሳዛኝ ተግባር ነው። ያም ሆነ ይህ በውጭም ሆነ በውስጥ ያለነው እውነተኛ የቤተ ክርስቲያኒቱ ልጆች ማተኮር ያለብን አባቶቻችን ወንጌሉን ብቻ መመሪያቸው አድርገው ፥ ከሥጋውያን ባለሥልጣኖች የሚደርስባቸውን አሉታዊ ተጽእኖና ፈተና ሁሉ ተቋቁመው፤ በሥጋውያን ጣልቃ ገብነት ለ20 ዓመት ከሁለት የተከፈልችውን አንዲት ወንጌላዊት፥ ሐዋርያዊት የሆነች እናት ቤተ ክርስቲያን በእርቀ-ሰላም አሓቲ/አንዲት አድርገው እንዲመሩ ነው። የእኛ የክርስቲያኖች የማንነታችን መታወቂያ ይህ ጥለነው የምንሄደው ጊዜአዊ የሆነው ክፍለ ሀገራችን፥ ቋንቋችን ወይም መንደራችን ሳይሆን ዓለማዊ ክበረ ወሰን/ድንበር የሌለው ዘለዓለማዊ የሆነው የክርስትና እምነታችን ነው። ለዚህ ማንነት ብቻ ነው ጥብቅና መቆም ያለብን። ለዚህ ብቻ እንድንቆም አምላክ ይርዳን ። ዓሜን።

Anonymous said...

No matter what, the church unity is a higher priority. Anybody can write cheap politics and talk trash as usual. Deje selam please focus on the big picture. We have been in situations like this over 21 years.You shouldn't waste your blog to post false accusations like this.Rather continue to put pressures on church leaders to come together and bring back the apostolic church up front.

Anonymous said...

ውድ ደጀሰላማውያን
እኔን የገረመኝ የጋዜጣው ግድፈት ሳይሆን የእናንተ “ይህ ነገር የአባቶችን እርቀ ሰላሙን ሊጎዳ ይችላል” ማለታችሁ ነው። ይህ ነገር እናንተን ግምት ውስጥ ይጥላል። ግድፈት በእርማት ይስተካከላል። ችግር የለውም። ይልቁንስ ወንድሞች ስለ ቤት ክርስቲያናችን ስንል አሁን እንደተጀመረው በግልፅ መወያየት ይጠበቅብናል። እኔ የአቡነ መርቆሬዎስ መሰደድን አጥብቀው ከሚቃወሙት ወገን ነኝ ለቤት ከርስቲያናችን አንድነት፤ ለፍቅር፤ ለሰላም ሲባል ግን ወደ መንበራቸው ቢመለሱ እወዳለሁ። ነገር ግን በስደተኛ አባቶች በኩል ይህንን ወቅት ተጠቅሞ ቤተ ክርስቲያኒቱን ወደ ቀደም አንድነትዋ ለመመለስ የሚደረግ ጥረት አላይም። በትንሹም በትልቁም ሚዲያውን ሲያጣብቡ የነበሩ እነ አባ መልከፄዴቅ የት እንደገቡ አይታወቅም። ፓትሪያርኩም ይሄው ሁለተኛ ወራቸው “ድምፅዎን እንስማ” ለሚለው የተዋህዶ ልጆች ጥሪ መልስ አልሰጡም። ከሁሉም የሚያስዝነው ግን የአቡነ መቃርዮስ ወደ ኤርትራ መሄድና ነፍጥ የታጠቁ ሃይሎችን “ሂዱና ተዋጉ!” ብለው ጠበንጃና ጥይት መባረካቸው ነው። (ጌታ ያለው “ሂዱና አስተምሩ!” መሆኑን ሳንረሳ።) እነዚህ ነገሮች ደምሬ ሳያቸው ስደተኛ አባቶችን እንድጠራጠር እያረገኝ ነው። እግዚአብሔር መልካሙን ሁሉ ይግለጥላቸው።
ሕርያቆስ ነኝ

Anonymous said...

The spirit that ordained Abba Meqarios itself was blessing the the brotherly war in the Derg regime and there is nothing new right here. Abba Meqarios is doing what his father Abune Morqorios did before.

But the point is that you too(Deje Selamoch) are committing the same mistake like the Mesenazeria newspaper by posting this unreliable gossip in your web creating chaos again in the unity of the church. If you are all wants to see the church unity ,please try to write and post something that will brings us all together.

We all are far away including myself from the teachings of our Lord Christ and our church.

Lebona yesten!!! Amen

Anonymous said...

የቤተ ክርስቲያንን ሰላምና አንድነት ለመመለስ ለአንድነቱና ለሰላሙ መጥፋት ምክንያት የሆኑት ሁለቱም ወገኖች ተጠያቂዎች ናቸው ::ማለት የውጮቹና የሀገር ውስቶቹ ጳጳሳት :: ስለሆነም ሁለቱም አጥፊዎች ናቸው :: የሚጠበቅባቸውን አልሰሩም:: ስለዚህ አሁን አንድነቱን ለመመለስ አሸናፊና ተሸናፊ ሳይኖር ከሁለቱም ወገን መክፈል ያለባቸውን ቁርጠንነትና መስዋእትነት መክፈል ይገባቸዋል አላለሁ::የሀገር ቤቱ ሲኖዶስ ፓትርያርክ አሁን መሾም የለበትም አቡነ መርቆርዎስን መልሶ በመንበራቸው ያስቀምጥ አሳቸው መን ፈሳዊውን ሥራ ይስሩ :: አስተዳደሩን በእንደራሲ ይሰራ ::
አሳቸው ሲሞቱ ፓትርያርክ ይሾም :; አቡነ መርቆሬዎስም ይህን መቀበል አለባቸው :: ገብቼ የአስተዳደር ስራውን ለስራ ማለት የለባቸውም :: በዚህ ሰዓት ይሄ የመፍትሄ ሃሳብ በጣም አስፈላጊና ወሳኝ ነገር ነው :: ሁሉም መመናን ሊተባበሩ ይገባል

Anonymous said...

የእርቅ ሂደቱ ቢያልቅና የውጭዎቹ ጳጳሳት ከሀገር ቤቱ ሲኖዶስ ጋር በሚደረገው ስምምነት ወደአንድነት ቢጠቃለሉ ሲኖዶሱ በሚሰጣቸው ቦታ የሚመደቡ ሲሆን፤ አቡነ መርቆሬዎስ ግን ለሥራ ብቁ በማያደርጋቸው የጤናና የእድሜ ክልል ውስጥ ስላሉ በፈለጉበት ቦታ ስመ ማእረጋቸው እንደተጠበቀ በጸሎት ተወስነው እንዲቀመጡ የተፈለገ መሆኑም ተዘግቧል።
የውጪው ሲኖዶስ በሚደረገው እርቅ መሠረት በስምምነት ወደአንድነቱ የማይመጣም ከሆነ ራሱ እንዳልፈለገ ተቆጥሮ በነበረበት ሁኔታ ልዩነቱ እንደሚቀጥልም ይነገራል። ይሁን እንጂ የስድሰተኛው ፓትርያርክ ምርጫ ግን ከጥያቄ ውስጥ እንደማይገባና ወደፊት በሚመቻችለት ጊዜ ውስጥ ተመርጦ መንበረ ሥልጣኑን ተረክቦ ሥራውን እንደሚጀምር መረጃዎች ይጠቁማሉ።
በዚሁ የፓትርያርክነት የምልመላ መዝገብ ውስጥ በአንደኝነት የሰፈሩት ከዚህ በፊት በሰሜን አሜሪካ ሊቀጳጳስ የነበሩትና አሁን ወደ ኢየሩሳሌም ከተዛወሩ ጥቂት ዓመታትን ያስቆጠሩት አቡነ ማትያስ መሆናቸው ተነግሯል።

Anonymous said...

Weyanes:
1. when they were guerilla fighters
as we all know they used to pretend as if they hide in churches and inform derg and derg used to bombard churches.( so that they will recruit more fighters from the angry Orthodox)
2. After they took power the first institution they want to control and destroy is Orthodox church. They were saying in public as church is nefitegnas (washa)
3. After controlling the church ( destroying the long standing canonical of the church they looted the church and the whole of the church offices are sized and manipulated by one ethnic group.
4. They send their cadres and supporters to church outside Ethiopia so that people should disagree and fight each other . Because of them we hate each other.
5. As we all know systematically they are burning ancient monasteries forests.
6. For their long standing goal of weakening and killing the national feeling of the Ethiopian. The key place they should do alot of work is in Ethiopian Orthodox children.Because Ethiopia and Ethiopian orthodox church are two sides of a coin.
7.They are destroying Waldeba monastery , rounding monks and .....
Now we are talking about peace b/n church fathers, is the problem really b/n church fathers? We all want to see peace with out paying any price for it. But we can't have it. Our generation is not for peace whether we like it or not we all need to pay some price; no free lunch brothers and sisters not at all. IF you do have the eye you can see , hear what is happening with Ethiopian muslims. Today for them when they are done with them they will bring some other religion and will force as to replace it with our religion. I know everybody wants to see peace in the church but we can't have it unless in some way this peoples are gone. You may think I am politician but I am not I am realistic person.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)