May 14, 2012

"ከቅዱስ ሲኖዶስ ምልዓተ ጉባኤ ፍርድ እና ውሳኔ እንዲሰጠኝ" ቀሲስ ዶክተር መስፍን ተገኝ


ቀን   ግንቦት 5 ቀን 2004 ዓ.ም  ቁጥር  EOTCDC/135/2004
ለኢትዮጵያ ኦርቶዶክስ ተዋሕዶ ቤተ ክርስቲያን                                                                                                                   ቅዱስ ሲኖዶስ አባላት

ጉዳዩ ፦    ከቅዱስ ሲኖዶስ ምልዓተ  ጉባኤ  ፍርድ እና ውሳኔ ንዲሰጠኝ ስለመጠየቅ  

በቅድሚያ የቅዱስ ሲኖዶስ ኣባላት የሆናችሁ አባቶቼ  ሁሉ  ቡራኬያችሁ  ይድረሰኝ እያልኩኝ ፤ ለቀደሙት አባቶቻችን  እውነተኛ የሃይማኖትን ገድል እንዲፈጽሙ ጽናትንና ትእግሥትን የሰጠ የቅዱሳን አምላክ እግዚአብሔር እናንተንም  በተቀመጣችሁበት ሐዋርያት መንበር  ለቤተ ክርስቲያን አንድነት እና ዘላቂ ሰላም   የሚጠቅም   እንዲሁም ቤተ ክርስቲያን ለገጠማትን  ዘርፈ ብዙ ችግር መፍትሔ ለመስጠት እንድትችሉ እግዚአብሔር ይርዳችሁ እላለሁ :፡
 
ይህንን ደብዳቤ ለመጻፍ የተገደድኩት  የቤተ ክርስቲያናችን  የመጨረሻ ውሳኔ ሰጪ አካል ከሆነው  ከቅዱስ ሲኖዶስ ምልዓተ ጉባኤ  ውሳኔ እና ፍርድ  እንድጠይቅ የሚያስገድድ ጉዳይ ስለገጠመኝ ነው ። እንደሚታወቀው የቤተ ክርስቲያንን እምነት ሥርዓትና  መዋቅር መጠበቅና ማስጠበቅ የሁላችን ግዴታ በመሆኑ ፤እኔም በምኖርበት በሰሜን አሜሪካ በዋሽንግተን ዲሲና አካባቢው ሀገረ ስብከት በተሰጠኝ ኃላፊነት መሰረት የቤተ ክርስቲያንን መዋቅር በመጠበቅ በጽናት የቆሙ የአብያተ ክርስቲያን አቋም እንዲገለጽ በማድረጌ  እና ይህንንም መዋቅር ለማፍረስ የተነሱት አቡነ ፋኑኤል የሚያከናውኑት  ከቀኖና ቤተ ክርስቲያን  የወጣ ተግባራቸው ጋር ተባባሪ ባለመሆኔ የተነሳ  በክፋትና በጥላቻ መንፈስ ተይዘው ስም ለማጥፋትና ባይሳካላቸውም በቱሩፋት የማከናውነውን የቤተ ክርስቲያን  አገልግሎት ለማደናቀፍ ደብዳቤ እስከመጻፍ ደርሰዋል ። ይህ የጥላቻ ተግባራቸው በዚህ አልበቃ ብሎ ለዚህ የክፋት ተግባራቸው ተባባሪ ከሆነው   ከኃይለ ጊዮርጊስ ጥላሁን  እና ከዜና ቤተ ክርስቲያን  አዘጋጆች ጋር በመሆን   ቤተ ክርስቲያን መሪና ተቆጣጣሪ የሌላት የጥቂት ግለሰቦች መፈንጫ የሆነች በሚያስመስል መልኩ  በዜና ቤተ ክርስቲያን  እኔን በተመለከተ የተሳሳተ እና በሀሰት ላይ የተመሰረተ ዘገባ እና  የስም ማጥፋት ተግባር ተፈጽሟል። 

ደሃ እንዳይበደል ፍርድ እንዳይጓደል ታላቅ መንፈሳዊ አደራ  የተሰጣችሁ አባቶች   ለዚህ ችግር በመንፈሳዊ አግባቡ  ከእናንተ የበለጠ መፍትሔ ሊሰጥ የሚችል አካል የለምና ፤ ይህንን የተፈጸመውን በደል ማለትም ሀሰትን መሰረት አድርጎ  በአቡነ ፋኑኤል የተጻፈብኝን ደብዳቤ  እና  አቡነ ፋኑኤልና  ኃይለ ጊዮርጊስ  ጥላሁን  በዜና ቤተ ክርስቲያን  እንዲወጣ ያደረጉት ዘገባ  በመመልከት  ቅን ፍርድ እንዲሰጠኝ ይህንን አቤቱታ አቀርባለሁ። የቅዱስ ሲኖዶስ ምልዓተ ጉባኤ በትክክል ጉዳዩን ከመረመረው አቡነ ፋኑኤል  በተደጋጋሚ በፈጸሙት  ቀኖና ቤተ ክርስቲያንን  የመተላላፍ ተግባር  በቅዱስ ሲኖዶስ አባላት ጭምር እየተነገራቸው የባሰ የቤተ ክርስቲያንን ሰላም የሚያናጋ ተግባር ውስጥ መገኘታቸው  ቅዱስ ሲኖዶስ እና ለቤተ ክርስቲያን ያላቸውን ንቀት የሚያመላክት ነው ።  

ስለዚህ የቤተ ክርስቲያንን ኃላፊነት ለመወጣት ባደረኩት ጥረት የተነሳ ለተፈጸመብኝ በደል አቡነ ፋኑኤል፤                                                                                                                            ኃይለ ጊዮርጊስ ጥላሁን ፤የዜና ቤተ ክርስቲያን አዘጋጆች እና  ከጀርባ ሆነው ይህ ጥፋት እንዲፈጸም ያደረጉ ሁሉ  በቅዱስ ሲኖዶስ ምልዓተ ጉባኤ  እንዲጠየቁና ለተፈጸመብኝ በደል  በመንፈሳዊ አግባቡ ተገቢው  ውሳኔ እንዲሰጠኝ ሃይማኖታቸው በቀና  በኒቅያ በተሰበሰቡ በ318 ሊቃውንት  ስም ፤ የኢትዮጵያ ቤተ ክርስቲያን ለመጠበቅና ለትውልድ ለማስተላለፍ ሰማዕትነትን በከፈሉ በኢትዮጵያን ቅዱሳን ስም  እጠይቃለሁ ። 

ቀሲስ ዶክተር መስፍን ተገኝ
የዋሽንግተን ዲሲና አካባቢው ሀገረ ስብከት  ጸሐፊ

ግልባጭ
ለብፁዕ ወቅዱስ ፓትርያርክ ልዩ ጽ/ቤት                                                                                                                                           ለቅዱስ ሲኖዶስ ጽ/ቤት
ለመንበረ ፓትርያርክ ጠቅላይ ጽ/ቤት

16 comments:

ወልደ ጊዮርጊስ said...

አባቶቻችን እባካችሁ ስለ እግዚአሄር ብላችሁ የሚመጣባችሁን መከራ ሳትፈሩ ቅን ፍርድ ለቀሲስ ዶ/ር መስፍን ፍረዱ:: እኛ በስሜን አሜሪካ የምንኖር ክርስቲያን ልጆቻችሁ አቡነ አብርሃም ከተነሱ በኋላ ያለሰብሳቢ ቀርተናል። ይህን ህዝብ ለመታደግ ያለምንም ክፍያ ሌት ቀን በመስራት ቤተክርስቲያኒቷን በመጠበቅ ላይ ያሉትን አባቶች(እንደነ ቀሲስ ዶ/ር መስፍን )ያሉትን በሃሰት በመክሰስ የተሃድሶ ንቅናቄን በማስፋፋት የሚታወቁት አቡነ ፋኑዔል አንድ ሊባሉ ይገባል::
ሲሆን እዚያው አድስ አበባ ቪላዎ ውስጥ ይቀመጡ ካልሆነም እዚያው ኢትዮጵያ ይበጥበጡ:: ሁለተኛ አሜሪካ እንዳይመጡ ቤተከርስቴያንን ወክለው::

ብዕሩ ዘ-አትላንታ said...

ቀሲስ አይዞትን እግዚአብሔር እዉነቱን ያወጣል። ቤተ ክርስቲያንና እዉነተኛ ክርስቲያን የሆነ ሰዉ በሕይወቱ ከመስቀል የወረደበት ጊዜ የለም። ቤተ ክርስቲያን ሁሌ በመስቀል ላይ ናት። አደራ የተቀበሉ ልጆቿም የመከራ መስቀሉ ተካፋዮች ናቸዉ። ከዚህ ዉጭ ግን እንደ አባ ፋኑኤል ያሉ ያለ ዕዉቀት በጥቅምና በአሉባልታ የሚመላለሱ ከመንደር ዱርዬ ያለነሰ ሥራ የሚሠሩ ሰዎች ይህን አደረጉብኝ ብለዉ ከተነሱበትን ዓላማና ከተቀበሉት አደራ ፍንክች እንዳይሉ። አባታችን እግዚአብሔር ለመንጋዉና ለቤቱ ትጉህ ኖላዊ ሲያዘጋጅ ያዉቅበታልና አይዞትን እኛ ልጆችዎ በደጀን አለን። በጸጋዉ ተደግፈን ገና እንበረታለንና በእግዚአብሔር ኃይልና በእመቤታችን አማላጅነት ሁሉን እናሸንፋለን። ያን ጊዜ አባ ፋኑኤልና ግብረአበሮቻቸዉ ለቤተ ክርስቲያን ጥቅም ሳይሆን ንዋይና ገንዘብ ሽተዉ የተሰገሰጉ አራጋቢዎቻቸዉ አደባባይ ይወጣሉ። አባታችን በርቱ ለቅዱስ ሲኖዶስ ያቀረቡት ጥያቄ በራስ የመተማመንና የብስለት ዉጤት በመሆኑ ኮርተንብዎታል። ብዕሩ ዘ-አትላንታ

Anonymous said...

እግዚአብሔር አምላክ ቅን ፍርድን ይስጠን::

Anonymous said...

Abatoch Hulachehu LEWNET LEMEFRED EGZIABHER Y P I T E R O S E N LEB YESTACHEHU. Slewnet Feredu. Hulunem Ewnet Egziabhere yawekewal twe yeyazachehut meskele endiferdebachehu. yetehadesome mesakia anhune.

Anonymous said...

Let God help real Christians and our church.wode fetena endangeba tegiten entseliy http://www.youtube.com/watch?v=Ax9c1LAxo3I

Anonymous said...

Aree Kesis Dr. Mesfin, lerso bicha ayedelem, Kidus sinodoy legnam firede endeseten eneleminalen.

Anonymous said...

Igzihabiher hoy phawulosin wusedew wey awurdew?

Orthodoxawi said...

Kesis Dr. Mesfin:- ke ene hod Amlaku, be Dollar bicha kemiyasbu gileseboch kezih yeteshale ayitebku!

Menfesawi shumetin Siemonawi behone astesaseb begenzeb kegezu be libs bicha "Abat" kemimeslut ke "Aba" Fanuel ... lela min yitebekal? Ke kurnchit weyin, ke kifu zaf melkam firie antebikim.

Abatochachin bekininet yiferdalu biye tesfa adergalehu!

Egziabher yabertawo!

Inside Gebriel, USA said...

ይድረስ ለብጹአን ወቅዱሳን ሊቀ ጳጳሳት የቅዱስ ሴኖዶስ አባላት በሙሉ።
========================================
ውድ የኢትዮጵያ ኦርቶዶክስ ተዋሂዶ ቤተ ክርስቲያን አባቶች፤ የቤተ ክርስቲያኒቱ ቁንጮዎች፤ እናንተ ከአባቶቻችሁ የወረሳችኋት የኢትዮጵያ ኦርቶዶክስ ተዋሂዶ ቤተ ክርስቲያን ይህች ናት ብላችሁ በአሜሪካ ከተከላችሁልን ብዙ አመታት ተቆጥረዋል።
ዛሬ ግን አቡነ ፋኑኤል የዘምኑን ቴክኖሎጂ በመጠቀም (በቪ.ኦ.ኤ ሬዲዮ ጣቢያ) ቤተ ክርስቲያንዋ ስርአት እንዳልነበራትና ዛሬ አባ ፋኑኤል ስርአት ሊያወጡላት እንደመጡ አድርገው መዘገባቸው ምን ያህል አሳፋሪ መሆኑን ሳትረዱ እንዳልቀራችሁ ጥርጥር የለንም።
ይህ በዚያ ሳያበቃ ድርጊታቸው እለት ብእለት ቤተ ክርስቲያንዋን እየተፈታተናት ነው። እባካችሁ ቤተ ክርስቲያኒቱን ካለችበት ፈተና አውጡልን???? ቤተክርስቲያኒቱን ካለችበት ፈተና እንድትላቀቅ የምትፋለሙበት ጊዜ ዛሬ ነውና በጉባኤው ውስጥ እስከመስዋእትነት ድረስ ታገሉ ፤ የዘመኑ ሰይጣን ሥጋ ለብሶ መጥቷልና።
አቡነ ፋኑኤል የሚያደርጉት ድርጊት ቤተ ክርስቲያኒቱን እያጠፋት ነው ያለው። ምእመናን የአባቶቻችንን ውሳኔ ቃለ አዋዲ በመጠበቅ፣ አባትን ለማክበርና የአዋሳውን ችግር ላለመድገም ብለን ዝም ስንል ጊዜ እሳቸው ግን የቃለ አዋዲ ስርዓት እየጣሱ አባቶቻችን ያቆሙልንን ቤተ ክርስቲያን እያፈረሱብን ነው። ከእንግዲህስ ወዲያ ዝምታው እየከበደን ነው ።
በብዙ ሽህ የሚቆጠሩና ከዚህ በታች የተዘረዘሩ የአጥቢያ አብያተ ክርስቲያናት ምእመናን የእናንተን የቅዱስ ሴኖዶስ እውነተኛ ፍርድ እየጠበቅን ነው። እውነተኛውን የክርስቶስን መስቀል የሚሸከምና በጐችን የሚጠብቅ አባት ስጡን።
ዶ/ር ቀሲስ መስፍን ዛሬ አቡነ ፋኑኤል ስልጣናቸውን በመጠቀም እያስፈራሩአቸውና እየወነጅሉአቸው ካሉት ካህናት ጋር በመሆን እጅና ጔንት ሆነው ከታች በተዘረዘሩት አብያተ ክርስቲያናት ውስጥ የአቡነ ፋኑኤልን መምጣት በጉጉት እየጠበቅን ያለነወችን ምእመናን አሰባስብው ቀደም ብሎ ብጹእ አቡነ አብረሃም የሃገረ ስብከቱ ሊቀ ጳጳስ ያስተዳድሩት በነበረው ሃገረ ስብከት ውስጥ የኢትዮጵያ ኦርቶዶክስ ተዋህዶ ቤተ ክርስቲያንን ዶግማና ቀኖና በመጠበቅ በቤተ ክርስቲያኒቱ መዋቅር ስር በመሆን ምእመናን እንዳይበተኑና ቤተ ክርስቲያ እንዳትበደል በማገልገል ላይ ያሉ ናቸው።
አቡነ ፋኑኤል ግን መንጋውን ከመጠበቅ ይልቅ መበተንን ምግባር ያደረጉ በሐዋሳና አሁን ደግሞ በሰሜን አሜሪካ ቅዱስ ሲኖዶስ ቢልካቸው ወደ ሀገረ ስብከቱ አሻፈረኝ በማላት ተረፈ አሪዮስንና ተሐዲሶ መናፍቃንን በማሰባሰብ ተዋህዶ ሓይማኖታቸንን በማፈራረስ የተጠመዱ አባት ናቸው። ይህን ሁሉ ድርጊት እያየ ቅዱስ ሴኖዶስ አቡነ ፋኑኤልን ከነሙሉ እብደታቸው ተቀባሏቸው ካለን፥ መቼም ቢሆን ጤነኛ ፍርድ በቅዱስ ሴኖዶስ በኩል አለ ብለን ለማመን ያዳግተናል።
ፍትሐ ነገሥት አንቀጽ ፭ ፤፻፺፬ ረስጣ፡ ፴፬ ፡፡ ረስጠጅ ፡፳፬ ፡፡ ባለ ሀገረ ስብከቱ ሳይፈቅድለት ከሀገረ ስብከቱ ውጪ ካህንን የሾመ ቢኖር ይሻር፡፡
ፍትሐ ነገሥት አንቀጽ ፭ ፤፻፺፭ ጾክ፡ ፲፪ ፡፡ “አልፎ ሲሄድ ወይም በዚያው ቄስ ዲያቆን ሊሆን ፈልጎ ወደሌላ አገር ቢደርስ ኤጲስቆጶሱ አብሮት የመጣ ይህም ባይሆን የአገሩ ጳጳስና ኤጲስቆጶሳት የጻፉለት ካልሆነ ሊሾም አይገባም፡፡ በራሱ ፈቃድ ይህን ቢያደርግ የሾማቸው ሰዎች ክህነታቸው ይቅር፡፡ እርሱም ከክህነቱ ይሻር።

ፍትሕን ከመንፈስ ቀዱስ ኀይል የምንጠባበቅ ልጆቻችሁ በሙሉ፤

፩ ደብረ ብርሃን ቅድስት ሥላሴ ባልቲሞር
፪ ምሥራቀ ፀሐይ አቡነ ተክለ ሃይማኖት አሌክሳንደሪያ
፫ መካነ ሕይወት አቡነ ገብረ መንፈስ ቅዱስ
፬ ደብረ ኃይል ቅዱስ ገብርኤል ሉዊቪል
፭ አንቀጸ ምህረት በዓታ ለማርያም ሻርለት
፮ መካነ ሕይወት አቡነ ገብረ መንፈስ ቅዱስ አትላንታ
፯ ደብረ ጽዮን ቅድስት ማርያም ወአቡነ አረጋዊ
፰ ደብረ ብርሃን ቅድስት ሥላሴ ታምፓ
፱ ደብረ ዕንቁ ቅድስት ማርያም ሜምፊስ
፲ ደብረ ብርሃን ኪዳነ ምህረት ካንሳስ ሲቲ
፲፩ ገነተ ጽጌ ቅዱስ ጊዮርጊስ ኦክላሆማ ሲቲ
፲፪ የደብረ ኃይል ቅዱስ ራጉኤል ቤተክርስቲያን ቨርጂኒያ
፲፫ አቡነ ገብረ መንፈስ ቅዱስ ቤተክርስቲያን ቨርጂኒያ ቢች

ወስብሐት ለእግዚአብሄር ። አሜን።

Anonymous said...

Kesis Yih Lante yetesete Tsega Endehonenena , bemenafik demo mewegez Yebete kirstiyan Abatoch dirsha endehone terediteh kebefitu yebelete berta.

For get Abune Fanuel... and do what you are expected to do.

Anonymous said...

አባቶቻችን እባካችሁ ስለ እግዚአሄር ብላችሁ የሚመጣባችሁን መከራ ሳትፈሩ የቀደሙት አባቶቻችንን ስለ ሃይማኖታቸው ሲሉ እራሳቸውን አሳልፈው ይችን ቤተ ክርስቲያን ሥርዓቷን እና ህጓን ጠብቀው ለዚህ ትውልድ እንዳቆዩን እናንተም እባካችሁን ታደጉን ስለ እግዚአብሄር ብላችሁ እኛም በውጭ ሀገር የምንኖር ለልጆቻችን ምን ብለን እንደምናስረዳቸው ግራ የገባን ሆነናል እባካችሁን እውነተኛ እረኝ ሁኑን ተበትነን ለአውሬ እንዳንዳረግ እመቤታችን ትርዳችሁ የቅዱሳን አምላክ በረድኤቱ አይለያችሁ ቸር ወሬ ያሰማን አሜን
ከቻርለት ኖርዝ ካሮላይና

Anonymous said...

እግዚኦ አረ ምን ዓይነት ዘመን ላይ ደረስን ወዴት አቤት እንበል እባካችሁን ክርስቲያን የሆንን ሁሉ ከኛ እግዚአብሄር ምን ይጠብቃል! ለዚች ቤተክርስቲያን የቻልነውን ያህል መሰዋዕትነት መቀበል ይኖርብናል ለዚህም ልዩነታችንን አስወግደን አንድ በመሆን ቤተክርስቲያናችንን እንጠብቅ የቀደሙት አባቶቻችን በረከታቸውና ጸሎታቸው አይለየን ቤተክርስቲያናችንን ይጠብቅልን አሜን
ከቻርለት ኖርዝ ካሮላይና

zeNashville said...

በመጀመሪያ ከላይ ከተዘረዘሩ ቤተ ክርስቲያን በተጨማሪ
፲፬.ሐመረ ኖኅ ኪዳነ ምህረት ቤተ ክርስቲያን ናሽቪል;ትክክለኛ ፍትሕን ከመንፈስ ቅዱስ ኀይልና ከቅዱስ ሲኖዶስ በአስቸኩይ ከሚጠባባቁት ቤተ ክርስቲየናት አንዱ ነት;
ሌላው፡ ቀሲስ ዶ/ር መስፍን አይዞት እርሶ ለያዙ እውነት ሰማዕትነትን ይክፈሉ። ምናልባት የእርሶ ሰማዕትነት እውነት በመመስከር ሊሆን ስለሚችል ( ደግሞም እንደምናየው እንደተረዳነው ጸጋዎት ነው) በእርግጥ እውነተኛ ፍትሕና ፍርድ በቅዱስ ሲኖዶሱ ቢኖር ኖሮ ተዋህዶ ሐይማኖታችንም የመናፍቃን መሳለቂያና የተሃዲሶ መናፍቃን መነሃራ ባልሆነች ነበር። ዳሩ ግን ጊዜው ሲደርስ ባለቤቱን እንደሚያጸዳና ተኩላውን ከበጉ እንደሚለይ ሁላችንም እናውቃለን። ስለዚህ ያን ጊዜ ማን ምን እንደሆነ እናውቃለን። ቀሲስ እርሶ በርቱልን ከያዙት ዓለማ ንቅንቅ እንዳይሉ እንደዚህ እንዳሾፉብን አይቀሩም። እግዚአብሔር ዝም ቢልም ሰዓቱ ሲደርስ ግን ይፈርዳል፤ ዋጋቸውንም ያገኙታል።
እውነት አርነት ያወጣል አይደል...አይዞት በርቱልን ጸጋውን ያብዛልዎት ረጅም የአገልግሎት እድሜ ይስጦት። ከናሽቪል

Anonymous said...

sile semen america aba fanuel betekrstiyann eyawekuna eyebetebetu silemehonu sinodosu ermja endiwesd weyim endasmama bemil debdabe yetetsafe meslognal lekas tetsafe yetebalew yegl kis and belugn simen eyatefa new yemil new betam yasazinal sim bitefas lesu teblo new min yasferal metsaf yalebet betekrstiyann eyaweke silemehonu ena mefthe endiyagegn metsaf bicha new yeglin wede gon tito wede betekrsitiyan binatekur yishalal abatoch min eyehonachihu endehon egziabher yiweqew gira geban eko wedet enhid dingil hoyi ere temelkechin legil tiqim bilew lesilitan,legenzeb lemiroratut bilen hayimanotachininn anqeyirim enesu eskiqeyeru gin entebqalen

Inside Gebriel, USA said...

ታላቅ የማክበር ይቅርታ ከናሽቪል ሐመረ ኖኅ ኪዳነ ምህረት ቤተ ክርስቲያን ምእመናን እየጠየቅሁ፤
ወጣቷ "ሐመረ ኖኅ ኪዳነ ምህረት ቤተ ክርስቲያን ናሽቪልቴነሲ" ከላይ ከተዘረዘሩት አብያተ ክርስቲያናት ጋር በ፲፬ኛ ተራ ቁጥር እንድትመዘገብልኝ በትሕትና እጠይቃለሁ።
፲፬.ሐመረ ኖኅ ኪዳነ ምህረት ቤተ ክርስቲያን ናሽቪል

asbet dngl said...

እግዚአብሔር አምላክ ቅን ፍርድን ይስጥ::ቀሴስ ፈተናው ለአንተ ብቻ አይደለም ለሞላው ምእመን ነው::አይዞህ ንፋሱ ያልፋል:: በአለህበት ቁም::
የድንግል ልጅ ይርዳን!አሜን!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)