May 3, 2012

የዋልድባ ገዳም ተመዘበረ!!

·  የገዳሙ ዕቃ ቤት በሮች ተሰባብረው 65,000 ብር ተዘርፏል፤ ሙዳየ ምጽዋት እና የመጻሕፍት መያዣ ሣጥኖች ተገለባብጠዋል፤ አርድእቱ ተንገላተዋል
·  የማይ ፀብሪ ወረዳ ፖሊስ “እናንተው ራሳችኹ ኾነ ብላችኹ የፈጠራችኹት ችግር ቢኾንስ” በሚል መነኰሳቱን ተዳፍሯል
·      ሕዝቡ በዛሬማ አቅጣጫ ወደ ፕሮጀክቱ ቦታ መትመሙን እንደቀጠለ ተገልጧል
 (ደጀ ሰላም፤ ሚያዚያ 25/2004 ዓ.ም፤ May 3/2012/ READ THIS ARTICLE IN PDF)፦ ከዋልድባ ገዳም ዕቃ ቤት እና የአትክልት ቦታ ይዞታዎች አንዱ የኾነው ማይ ለበጣንት፣ ሚያዝያ 24 ቀን 2004 ዓ.ም ሌሊት ማንነታቸው ባልታወቁ ኀይሎች መመዝበሩ ተገለጸ፡፡

የገዳሙ መነኰሳት ለዜና ሰዎች እንደተናገሩት÷ መዝባሪዎቹ ማይ ለበጣ ወደሚገኘው የገዳሙ ዕቃ ቤት የገቡት መንፈቀ ሌሊት ላይ ነው፡፡ ለሁለት ሰዓት ያህል ፍራውን ድራሽ አምላኩን እያጠፉ የቆዩት እኒህ አፍራሽ ወራሪዎች አርድእቱንና መነኰሳቱን አግተው ከዕቃ ቤቱ ስድስት በሮች ሦስቱን በመሰባበር ለኑግ መግዣ የተቀመጠውን ብር 65,000 ዘርፈዋል፤ ከቦታው ሞቃታማነት የተነሣ በሜዳው የዕንቅልፍ ዕረፍት ላይ የነበሩትን ዐሥር አርድእት ቤት ውስጥ አስገብተው ከዘጉባቸው በኋላ “የምንፈልገው ሰው አለ” በሚል ፊታቸውን በባትሪ ብርሃን እያዩ አንገላተዋቸዋል፡፡
ስለ ዘራፊዎቹ አኳኋን እንዲገልጹ የተጠየቁት አንድ አባት፣ “ቁጥራቸው ከ5 - 7 ይሆናሉ፤ በአለባበሳቸው ሚሊሻ ይመስላሉ፤ እንዳንለያቸው ፊታቸውን በጨርቅ ሸፍነውታል፤ ያልከፈቱት ሙዳየ ምጽዋትና መጻሕፍት መያዣ ሣጥን የለም” በማለት አስረድተዋል፡፡
መዝባሪዎቹ ስፍራውን ለቀው ከሄዱ በኋላ ከመነኰሳቱ ለማይ ፀብሪ ወረዳ አስተዳደር በስልክ በተገለጸው መሠረት ዛሬ ጠዋት ወደ ማይ ለበጣ የመጡት ሓላፊዎች “እናንተው ራሳችሁ ኾነ ብላችኹ የፈጠራችሁት ችግር ቢኾንስ” በሚል መነኰሳቱን መዳፈራቸው ተዘግቧል፡፡
ባለሥልጣናቱ ወደ ማይ ለበጣ በመጡበት መኪና ወደ ወረዳው የፖሊስ ማዘዣ ጣቢያ ያመሩት ገዳማውያኑ ኹኔታውን በዝርዝር በማስረዳት ማመልከታቸውንና “ጉዳዩን እንከታተለዋለን” የሚል ምላሽ ብቻ ተሰጧቸው መመለሳቸውን አስታውቀዋል፡፡
የዋልድባ ገዳም ከቀናበት ከ485 ዓ.ም ጀምሮ ገዳማውያኑ በተለያዩ ወቅቶች ሰማዕትነትን ተቀብለዋል፡፡ በ875 ዓ.ም ዮዲት ጉዲት መነኰሳቱን በሰይፍ አስፈጅታቸዋለች፤ በ1277 ዓ.ም ገዳሙ በተተኪ መጥፋት ጠፍ ኾኖ ከቆየ በኋላ በ1319 ዓ.ም በጻድቁ አቡነ ሳሙኤል እንደገና ተቋቁሟል፤ በ1870ዎቹ ተከዜን እየተሻገሩ በገዳሙ ላይ ተደጋጋሚ ጥቃት ይሰነዝሩ በነበሩ ርቡሾችና ኢአማንያን ምክንያት በተለይም በማይ ለበጣ በኩል አትክልት የሚያለሙ በርካታ አርድእት - መነኰሳት በሰይፍ ማለቃቸውን የገዳሙ ታሪክ ይናገራል፡፡
ታላቁና ጥንታዊው የዋልድባ ገዳም ከሌሎች የኢትዮጵያ ገዳማት የሚለየው በዋናነት በገዳሙ መሬት እህል ስለማይበላበት ሲኾን አትክልትና የሥራ ሥር ተክሎች በብዛት የሚገኙበት ሰፊ መሬት ያለው መኾኑም ሌላው ምክንያት ነው፡፡ በማይ ለበጣ በቁጥር እስከ 30 የሚደርሱ ሰፊና ውኃ ገብ የአትክልት ቦታዎች ይገኛሉ፤ በተለይ በበጋ ወራት የመነኰሳቱ ምግብ የኾነውን ፍራፍሬና ሥራ ሥር ተክሎች በመስኖ የሚያለሙት አርድእት አትክልተኛ ወይም ወንዘኛ ተብለው የሚጠሩ ሲኾን ምግቡን በቋርፍ መልክ የሚያዘጋጁት ደግሞ ተለሽ ይባላሉ፡፡
ይህም ገዳሙ አበው መናንያንና መነኰሳት መቲረ ፈቃድን በማሳየት የሥጋ መሻቱን የዐይን አምሮቱን በልቡናቸው ወስነው ለእግዚአብሔር በመገዛት የሚኖሩበት፣ ሠርተው በሚያገኙት ገቢ የሚተዳደሩበት የሥራ እና የሕርመት ቦታ እንጂ የሰነፎች መጦርያ አለመሆኑን በተግባር የሚመሰክር ነው፡፡
በሌላ በኩል ሕዝበ ክርስቲያኑ ካለፈው ሳምንት ኀሙስ ጀምሮ ከዓዲ አርቃይ፣ ደባርቅ ዙሪያ እና ዳባት ወረዳዎች ከሚገኙ የሳንቅ፣ ቀላ ወገራ፣ አጅሬ፣ አሳቦ፣ ዳልዲማ፣ ኮታ፣ ድምጦ፣ ጅሮ ሳም፣ ቦዛ፣ አንጓ፣ ቀርነጃ እና ዓሊ ከመሳሰሉት ገጠር ቀበሌዎች የወልቃይት ስኳር ልማት ፕሮጀክት ወደሚካሄድበት ስፍራ ማቅናቱን እንደቀጠለ የገዳሙ ምንጮች ገልጸዋል፡፡
ፕሮጀክቱ በገዳሙ ላይ ስለሚያሳድረው አሉታዊ ተጽዕኖ ሕዝቡ በየሰንበቴው፣ በየማኅበሩ እና በየልቅሶው ሲመክርበት መቆየቱን የሚገልጹት ምንጮቹ÷ ካለፈው ሳምንት ኀሙስ፣ ሚያዝያ 18 ቀን 2004 ዓ.ም አንሥቶ የሰማው ላልሰማው እያሰማ ከነፍስ ወከፍ መሣሪያዎች ጀምሮ ዲጅኖ፣ ፋጤ ፋስ፣ ገጀራ፣ አካፋ እና ዶማ በመያዝ፣ ደረቅ ስንቁን (ድርቆሽ፣ በሶ፣ ቆሎ) በመጫን በቡድን በቡድን መትመሙን ተያይዞታል፡፡
በማይ ፀብሪ - ማይ ለበጣ በኩል የሚያልፉ መንገደኞች ከአምስትና ስድስት ጊዜያት በላይ መታወቂያ በተደጋጋሚ እየተጠየቁ ጥብቅ ፍተሻ ስለሚካሄድባቸው ሕዝቡ ወደ ፕሮጀክቱ ስፍራ እየወረደ የሚገኘው በዛሬማ በኩል መኾኑ ተመልክቷል፡፡
በሰሜን ጎንደር የዓዲ አርቃይ ወረዳ ም/ቤት አባላት እና የብአዴን ጽ/ቤት ሓላፊዎች የተወሰኑ ተጓዦችን በመኪና ተከትለው ዓሊ በተባለው ቀበሌ (ከዋልድባ ዳልሽሓ ኪዳነ ምሕረት ገዳም ዝቅ ብሎ የሚገኝ) ላይ ደርሰው ያነጋገሯቸው ሲኾን ሕዝቡ “እናንተ አይመለከታችኹም፤ ከእኛ ጋራ መሣርያ መዋረድ ትፈልጋላችኹ ወይ? የእኛ ጥያቄ ገዳሙን ከደፈረውና ካረሰው አካል ጋራ በመኾኑ እዚያው ደርሰን ይህንኑ በዐይናችን አይተን ማረጋገጥ እንፈልጋለን፤” በሚል ምላሽ እንደሰጧቸው ተገልጧል፤ ሓላፊዎቹም መልሰው “ወደ ገዳም የሚኬደው ጦርና ጎራዴ ተይዞ ነው ወይ?” ላሉትም “እናንተስ ገዳሙን እያፈረሳችሁ አይደለም ወይ?” በሚል እንደተመለሰላቸው ተዘግቧል፡፡ ለወረዳው ፖሊሶችም “ግድቡ ቆሞ ቦታው ከተለቀቀ እኛ ሌላ ጠብ የለንም፤ ከእኛ ጎን ሆናችሁ የገዳሙን ክብር ማስጠበቅ አለባችሁ፤” የሚል ምክር ተሰጥቷቸዋል - በሕዝቡ፡፡ ከወረዳው ባለሥልጣናት አንዳንዶቹም “ፕሮጀክቱ ገዳሙን የሚጎዳ ኾኖ ከተገኘ ሁላችን የድርሻችን መወጣታችን አይቀርም፤ ከጎናችኹ እንቆማለን፤” ሲሉ መደመጣቸውን ምንጮቹ ጠቁመዋል፡፡
በምዕራብ ትግራይ የማይ ፀብሪ ወረዳ አስተዳደር በበኩሉ የሕዝቡ ተመማ ወሬ እንደተሰማ የፕሮጀክቱ ሠራተኞች ሥራውን አቁመው ከአካባቢው ዘወር እንዲሉ መልእክት አስተላልፈዋል፤ ሥራውም ለጊዜው ቆሟል ተብሏል፡፡ የወረዳው አስተዳዳሪ አቶ ሲሳይ መረሳ ትንት ለቪኦኤ የአማርኛ አገልግሎት ሲናገሩ የሕዝብ ተመማ አለ የሚባለው መረጃ ፈጽሞ የተሳሳተ መኾኑን በማስተባበል የፕሮጀክቱ ሥራ ሌት ተቀን እየተፋጠነ መኾኑን ገልጸዋል፡፡
አሁን በኢትዮጵያ ኦርቶዶክስ ተዋሕዶ ቤተ ክርስቲያን ባለው የአህጉረ ስብከት አወቃቀር መሠረት የዋልድባ ገዳም አጠቃላይ ይዞታ በሦስት አህጉረ ስብከት ውስጥ ተከፋፍሎ የሚገኝ ነው፡፡
የዋልድባ ሰቋር ኪዳነ ምሕረት ገዳመ ዋሊ ቅድስት ደቂቁ ለሳሙኤል እና የዋልድባ ዳልሽሓ ኪዳነ ምሕረት አንድነት ገዳም በሰሜን ጎንደር ሀገረ ስብከት ዓዲ አርቃይ ወረዳ የሚገኙ ናቸው፤ ሊቀ ጳጳሱም ብፁዕ አቡነ ኤልሳዕ ናቸው፤ ከዋልድባ አብረንታንት ገዳም፣ አባ ነጻ እስከ ዛሬማ ወንዝ ድረስ በሰሜን ምዕራብ ትግራይ ሽሬ እንዳሥላሴ ሀገረ ስብከት የሚገኝ ሲሆን ሊቀ ጳጳሱም ብፁዕ አቡነ መቃርዮስ ናቸው፤ ከዛሬማ ወንዝ ማዶ የወልቃይት ጠገዴ ሁመራ ሀገረ ስብከት ሲሆን የገዳሙ ሞፈር ቤቶች ያሉባቸው፣ እርግና የተጫናቸው፣ ከሕመም የተነሣ ቋርፍ የከበዳቸው አባቶች እና ሴት መነኰሳዪያት የሚገኙባቸው ሦስቱ ተነሺ አብያተ ክርስቲያን ያሉባቸው ናቸው፤ ሊቀ ጳጳሱም ብፁዕ አቡነ ሉቃስ ናቸው፡፡
ግድቡ ከሚሠራበት ዛሬማ ወንዝ በመኪና የ30 ደቂቃ፣ በእግር የአንድ ሰዓት መንገድ ርቆ የወልቃይት ስኳር ልማት ፕሮጀክት ጽ/ቤት እና የሠራተኞች መኖርያ ካምፕ (በወልቃይት ጠገዴ ሁመራ ሀገረ ስብከት) ይገኛል፡፡
ዋነኛው የዋልድባ ገዳም ይዞታ የሆነው የአብረንታንት መድኃኔዓለም ቤተ ክርስቲያን በከፍተኛ ቦታ ላይ (ከባሕር ጠለል በላይ 1270 ሜትር) የሚገኝ ሲኾን በግድቡ ውኃ የተነሣ በመጥለቅለቅ ስጋት ውስጥ የሚገኘው የአባ ነጻ አካባቢ ደግሞ በዝቅተኛ (ከባሕር ጠለል በላይ 1073 ሜትር) ላይ ይገኛል፡፡
ዓዲ አርቃይ በኩል ወደ ገዳሙ ሲገባ የዋልድባ አብረንታንት መድኃኔዓለምን ለሁለት በመክፈል ሰፊና ለሙን የገዳሙን ክልል በስተቀኝ የያዙት የቤተ ሚናስ ማኅበረ መነኰሳት ሲኾኑ በስተግራ ደግሞ የቤተ ጣዕማ መነኰሳት ናቸው፡፡
ቸር ወሬ ያሰማን፤
አሜን፡፡

18 comments:

Anonymous said...

Egziabher amilake bete Gedamachenene keworare kezerafe yesewrlene legezewochem libuna yesitelen lela mine yebalale.

asbet dngl said...

ይገርማል:: አዎ ይገርማል:: ወልቃይትና ጠገዴ የመሬቱ ስም እንጅ ሕዝቡ ስለፈለሰ ጔንዴውን ይዞ ከሌላው ሕዝብ ጋር ሊተም እድሉን አላገኘም:: ሲሆንማ ᎓ ጥንትማ የገዳሙ ግምባር ቀደም ደጔሜ ማን ነበር:: ስንሞት መቅበሪያችን ስንመንን ገዳማችን አልነበረምን??
እባክህ አባት᎒ አባት ሆይ ይህን ግፍ ተመልከተው::

Anonymous said...

ምን አይነት ጉድ ነው የሚያሰማን ገዳም ድረስ ገብቶ ዘረፋ ይሄ ሕዝበ ክርስትያኑን ተስፋ ለማስቆረጥ ነው፡፡ የቅዱሳን አምላክ እግዚአብሔር ይርዳን ሁላችንም በርትተን እንፀልይ እግዚአብሔር ቤተክርስትያናችንን ይጠብቅ፡፡
ዮዲት

Anonymous said...

ከማናደድ አልፎ የሚያቃጥል ዜና ነው!!መፍሄው ግን ምንድነው? ከቀን ወደ ቀን የምንሰማቸው የምናያቸው ሁሉ አስፊ፥አስደንጋጭ፥አሳፋሪ የቤተክርስቲያናችንን ስርዓተ ቀብር ፍጻሜ የሚያውጁ ዜናዎችን ብቻ ናቸው። ዝምታው ግን ለመቼ ነው?! ለውጥ ለማምጣት የማይቻለን ነገር ከሆነብን እየነገራችሁን አታቃጥሉን። እግዚአብሔር ኢትዮጵያ ይባርክ

Tesfa said...

Let us pray and weep infront of God. God has a plan to save his servants and the church, which is beyond comprehension. We do not have to hurry and get frustrated with what is going on. Let's pray and cry out to God.

YeAwarew said...

Thanks DS for the update, Keep it up!
1st: I didn't know Waldiba gedam was divided into three "Hagere Sibket". Why? Is it to divide and rule, on the side of the "Non-functioning EOTC Synod". I don't get it. Isn't it better to have it under one HS.
2nd: Now the "Woyane" foot soldiers are attacking and robbing old churhes...it is getting really unbelievable...God Help Us... may be it is our sins ...

May God Help the poor "Menekosat" ...what is there to say?
YeAwarew

Anonymous said...

Ere twee Abatoch Zime Atebelu Yewnet feredu!!! Egziabher yiyachual Memotachin endehone Ayikerlenem Lemen Yesemetenet Mot Anmotem. Yhizbe Lekeso Yesemachehu tewo behuala Befid ken Yemtemelust Endatatu. Blesltanoche Eko Kegizabher betatch nachew Kenante hulu. Ebakachehu MK Enkuan ymiadergewn Mswatenet Eyayachehu Lemen zimetan meretachehu Yefird ken kerbalech. Neg degimo Enantenu new Yemechenkachehu. Erebakachehu Yrhirahi Lebe Yestachehu. EmeAmlak, Woladite Amlake Ethiopian Ena Hizbochewan
Titadeglen Amen.

Anonymous said...

Dear Dejeselamawian

Please follow the problem in relation to Kuriftu Resort and Medhanialem in Bishoftu (Debrezeit) Getachew Doni is trying to bias the people and treatening the preists to give a parcel of land (yetimkete gize Yetabot marefia) to Koriftu Resort the owner also he is arogant like our ...he is trying to take the church land But God showed him a lesson
1. His mother (Tadyos's) she was in medhanialem church the huyena came out and tries to attack her she protect it by dawit book but his brother he loose his hands
2. sudden fire destroyed a considerable damage on the resort and on stored Items including many stored LCD new TV during the fire all his customers they were out of his place and if he continue this the people is greater than his business then he will loose his business
3. Getachew doni he is following this activity to sell the land to Tadios and many polices are around the church and trying to threaten the followers
4. the construction made on this holy place collapses greater than 2 times and costing him again and again
Please Follow it and publish it and If he continue all people let's ....

Anonymous said...

HULUN YEMITAGESH AMLAKE YEZEGEYE BIMESILIM YEMIKEDMEW YELEM BETSELOT ENBERTA LE KEHULU BELAY YEHONEWIN TESFA ENADRIG

Anonymous said...

"ስርቆት በየትኛውም ቦታ ይፈጸማል በቤተ ክርስቲያን ያውም በገዳም ስለሆነ ምን አዲስ ነገር አለው:: ተሰረቀ ተሰረቀ ነው፣ አታካብዱ ወሬው እና ስርቆቱ አይደራረሱም" አንዱ የአባ ጳውሎስ ሹመኛ ሊለው የሚችለው

galela said...

ABEATO TELAMANANE.............

Anonymous said...

Waldiba Gedam new mekeber alebet bezih enamnalen enasamnalen neger gin haset yemimesil neger ale mabirariya sitsubet lemhonu
- Waldiba Gedam weys bank bet ?
- 65.000 birr keyet tesebesebe?
- Genzebun yeyazew sew maneber ?
- Yegedamu Abeminet Min Alu ?
- menagochu Genzebun bemin aweku ?
- menkusewoch bemin aweku ?
- Bete Kihinet min tenagirowl?
- Polis yetenagerewn man semaw ?
Ahun Yemiyasfelgew ewnet yeminager sew new negeru hulu mesmerun lekeke begirgir eislamu hageritun tekotsatsiro menoru new mastewal alebin

MelkameKene said...

Dear Dejeselam,
Please post the bank account of Waldiba Monastery. I am very happy to contribute some amount of money to our fathers and mothers. Dear EOCT real sons don't miss it, this a good opportunity to lend our hand to receive bless and happiness from Holy God.

Thanks.

Anonymous said...

"Save waldebba defender for Ethiopian orthodox monasteries and churches" በሚያስተላልፈው የስልክ ኮንፍረንስ የኩሩፍቱም እንደዋልድባ ለውይይት ቀርቦ መፍትሄ ቢፈለግለት ጥሩ ይመስለኛል:: ጁን 4 2012 በተለያዩ አለማት ይደረጋል ተብሎ በሚጠበቀው ሰላማዊ ሰልፍ ላይ ፖስተሮችን በመያዝ ለኩሩፍቱ ሪዞርትም ማስጠንቀቂያ መልእክት ማስተላለፍ ያስፈልጋል ::ታዲወስም አበዛው እንዳላሙዲ ሆነብን እኮ ከታቦት ጋር ግብግብ ምን ይሉታል የተረገመ!!!ሰካራም ሆዳም ትምባኋም!!!! የጅህን ይስጥህ

Gofa Geberal said...

betam yasferal zemenue, I wish if this all mess change soon, with God's mercey

Gofa Geberal said...

wow hope this will change to soon

Gofa Geberal said...

wow wow wow

mihretab09 said...

The aim of our opponents is to destroy our church which is impossible. But what is the aim of our similar...?

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)