April 27, 2012

በስዊዲን “አዲስ ቤተ ክርስቲያን ይከፈታል" መባሉን ምዕመናን ተቃወሙ


(ደጀ ሰላም፤ ሚያዚያ 19/2004 ዓ.ም፤ 4/27/2012 READ THIS ARTICLE IN PDF)፦ በስዊዲኗ የስቴክሆልም ከተማ በመጪው እሑድ “ይከፈታል” የተባለ ቤተ ክርስቲያንን አስመልክቶ ምእመናን ተቃውሟቸውን እያሰሙ ነው። የተቃውሟቸውን እና ምክንይቱን ዝርዝር እንደሚከተለው አቅርበነዋል።
ቸር ወሬ ያሰማን፤ አሜን 

በስመ አብ ወወልድ ወመንፈስ ቅዱስ አሐዱ አምላክ አሜን
ለሥጋዊ ጥቅምና ለበቀል ብቻ ሲባል ቤተክርስቲያን ”የመክፈት” እንቅስቃሴ፣ በስቶክሆልም ስዊድን
ውድ አንባቢያን በቅድሚያ እንኳን ለብርሃነ ትንሣኤው በሰላም አደረሳችሁ እያልን:- የዚህ ጽሑፍ ዓላማ የግለሰቦችን ስም እያነሱ ማሳጣት ሳይሆን እያካሄዱት ያሉትን ሥጋዊ እና ሕገ ወጥ እንቅስቃሴ እኛ የተረዳነውን ያክል ለሌሎች ምእመናን እንዲሁም ለአባቶቻችን ካህናት አሳውቀን በአንድነት ሥርዓተ ቤተክርስቲያንን ለማስከበር እንድንነሳ መሆኑን እንድትረዱልን በአክብሮት እንጠይቃችኋለን።
ለዚህ ጽሁፍ መነሻ የሆነን ”ኢትዮጵያ ዛሬ” በሚባል ድረ ገጽ ላይ አንድ ”መንፈሳዊ” ጥሪ መመልከታችን ነው (http://ethiopiazare.com/images/doc/pdf/public_announcement/2012/120429stockholm-kyrka.pdf)። ማስታወቂያው   ”ታላቅ የምስራች ለሁሉም የኦርቶዶክስ ተዋህዶ እምነት ተከታዮች ለሆናችሁ በሙሉ” በማለት ይጀምራል:: ከዚያም ወደ ዉስጡ ሲገባ የሚነበብዉ ነገር ለህሊና የሚከብድ፤ ኢ-ኦርቶዶክሳዊ የሆነ፤ የቤተክርስቲያንን ሥርዓት፣ ከዚያም አልፎ የምእመናንን አንድነት የሚንድ እኩይ ተግባር ሆኖ እናገኘዋለን::  ማስታወቂያው ሲነበብ “... በስቶክሆልም ስዊድን ሶላንቱና ሴንትሩም አካባቢ በዓይነቱ  ልዩ የሆነና በኢትዮጵያ ኦርቶዶክስ ተዋሕዶ ቤተክርስቲያን ዶግማና ቀኖና መሠረት የሚመራ፤ በካህናት አባቶች የተመሠረተ፤ ንብረትነቱም ሆነ ባለቤቱ በግልጽ በስቶክሆልም ስዊድን በስደት የሚኖረው ኢትዮጵያዊ ሕዝብ የሆነ ቤተክርስቲያኑ የሚገኝበት የቦታው አቀማመጥ በዓይነ ሕሊናችን ወደ ሀገራችን ታላላቅ የእምነት ገዳማት የሚያስጉዝ በውስጥ አደረጃጀቱ ብቃት ያለዉ... ወዘተ” በማለት ጸሐፊዉ ”በአይነቱ ልዩ የሆነ ቤተክርስቲያን ”እንደሚከፈት”  ያትትና በዕለቱ  የቅድስት ድንግ ማርያምን ፤  የአቡነ ተክለሐይማኖትንና የአቡነ አረጋዊን የቃል ኪዲን ታቦታት አካትቶ የያዘ አዲስ ቤተክርስቲያን የፊታችን ሚያዝያ 21/ 2004 ዓ.ም ወይም እ.ኤ.አ. ኤፕሪሌ 29/ 2012፤ እሁድ  በብፁዕ አቡነ ኤያስ ጸሎትና ቡራኬ ተመርቆ ”ይከፈታል” ብሎ ጥሪዉን ያጠናቅቃል:: 
ታዲያ አዲስ ቤተክርስቲያን መክፈት ምን ችግር ኖሮት ነው ”ለሥጋዊ ጥቅምና ለበቀል...” ያላችሁት ተብሎ ይጠየቅ ይሆናል::  ይህንን ጥያቄ ለመመለስ የዚህን እንቅስቃሴ ሕገወጥነት የሚያመላክቱ ነጥቦችን በጥቂቱ ብቻ እንደሚከተለው በዝርዝር እናቀርባለን።
1.         የኢትዮጵያ ኦርቶዶክስ ተዋህዶ ቤተክርስቲያን ነባራዊ ሁኔታ በስቶክሆልም
እንደ አለመታደል ሆኖ በእኛ ዘመን በተፈጠረ መከፋፈል ቤተክርስቲያናችን አፅራረ ቤተክርስቲያን ካደረሱባት እና እያደረሱባት ካሉት መከራዎች ባልተናነሰ ልጆቿ ነን በሚሉትም እየተፈተነች ትገኛለች:: በሰሜን አሜሪካ እንዳለው ሁሉ በስዊድን ሀገርም ሦስት ዓይነት የቤተክርስቲያን አስተዳደር ክፍፍል አለ።  እነዚህም:-  ኢትዮጵያ ዉስጥ ባለ ሲኖዶስ፣  በስደት ባለ ሲኖዶስ  እና ከሁለቱም አይደለሁም በሚል ”ገለልተኛ” የሚመሩ ናቸው:: እነዚህ ሁሉ ምንም እንኳን አባቶች በቤተክርስቲያን ቀኖና ላይ በመወጋገዛቸው ተለያይተዉ አገልግሎት ቢፈጽሙም፤ አንድ ቀን ዉግዘቱ ተነስቶ አብረን አምላካችንን በጋራ እናገለግላለን በሚል ተስፋ በማናቸዉም እንቅስቃሴ አንዱ ሌላዉን ሳያሳዝን ተከባብረው ኖረዋል::
በስደት በሚገኘዉ ሲኖዶስ የሚተዳደረው በስቶክሆልም መድኃኔዓለም ቤተክርስቲያን የቅዱስ ሚካኤልና የእመቤታችን ቅድስት ድንግል ማርያም ታቦታት ተደርበው የሚገኙ ሲሆን፤ ከዚህ በተጨማሪም የጎተንበርግ ቅዱስ ገብርኤልን  ቤተክርስቲያን ያስተዳድራል:: በሀገር ቤት ባለው ሲኖዶስ ደግሞ የስቶክሆልም መንበረ ጸባኦት ቅድስት ስላሴ ቤተክርስቲያን የፃድቁ አባታችን አቡነ አረጋዊን ታቦተ ሕግ  ደርቦ ምእመኑን ያገለግላል:: በገለልተኛነት ያሉት ደግሞ የእመቤታችን ቅድስት ድንግል ማርያምን ቤተክርቲያን ”ከፍተዋል”:: 
ይህ ሆኖ እያለ በቅድስት ስላሴ ቤተክርስቲያን የሚገለገሉ ምእመናን የቅዱስ ገብርኤልና የቅዱስ ሚካኤል ታቦታት ተደርበው እንዲከብሩላቸው ጥያቄ ባቀረቡበት ሰዓት ለቤተክርስቲያን ሰላምና አንድነት ሲባል (በተለይም ወደፊት ይወርዳል ተብሎ በተስፋ ለሚጠበቀው እርቀ ሰላም ሲባል) ከላይ ቅዳሴ ቤታቸው እንዲከበር የተጠየቁት ታቦታት በስደት  ባለው ሲኖዶስ  በሚተዳደሩ አብያተክርስቲያናት ዉስጥ ስለሚገኙ በወቅቱ በስቶክሆልም ቅድስት ስላሴ ሰበካ ጉባኤና ካህናት መልካምና ቅን አስተሳሰብ  የቅዱስ ገብርኤልና የቅዱስ ሚካኤል ቅዳሴ ቤታቸውን ማክበር ቀርቶ በምትኩ የጻድቁ አቡነ አርጋዊ ቅዳሴ ቤት እንዲከበር ተደረገ::
ይህ በተደረገበት ከተማ ዉስጥ ብፁዕ አቡነ ኤልያስ  የእመቤታችን ታቦተ ህግ እርሳቸው በሚያስተዳድሩት ደብር እንዲሁም በገለልተኛው ቤተክርስቲያን እያለ፤ የጻድቁ አባታችን አቡነ አረጋዊ ታቦት ደግሞ በሀገር ቤቱ ሲኖዶስ በሚተዳደረው የስቶክሆልም መንበረ ጸባኦት ቅድስት ስላሴ ቤተክርስቲያን ውስጥ መደረቡ እየታወቀ:-  የቅድስት ድንግል ማርያምን፣ የአቡነ አረጋዊንና የአቡነ ተክለሐይማኖትን ታቦታት (ሦስት ጽላቶችን በአንድ ጊዜ!)  ያካተተ ቤተክርስቲያን ”እንከፍታለን” ብለው ለተነሱት፤ በገለልተኛው ቤተክርስቲያን ሲያገለግሉ ቆይተው ከታች በዝርዝር በተገለጸው የሥነ-ምግባር ችግር ለተባረሩት ለ”ቄስ” ፍስሃና ለ”አባ” ኒቆዲሞስ ለመባረክ መስማማታቸው እጅግ አሳዝኖናል።  
2.       ቤተከርቲያኑን ለመክፈትና ለመምራት እየተሯሯጡ ያሉ ግለሰቦች
በዚህ ቤተክርስቲያን ”መከፈት” ውስጥ ሁለት ወሳኝ ግለሰቦች ይጠቀሳሉ፤ እነዚህም ”ቄስ” ፍስሃና ”አባ” ኒቆዲሞስ ናቸው:: ”ቄስ” ፍስሃን ስንመለከት መጀመሪያ በአሁኑ ወቅት ሀገር ዉስጥ ባለው መንግስት በካድሪነት ያገለግል የነበረ በኋላም መንግስት ለስልጠና ወደ ውጭ ልኮት በዚሁ ከድቶ የቀረ ነው::  እዚህ ስቶክሆልም እንደመጣ የስደተኞች ካምፕ ውስጥ ገባ ከዚያም ”ቄስ” ነኝ አለና ገለልተኛ ነን ባሉት የማርያም ቤተክርስቲያን ዉስጥ አገልጋይ ሆኖ ተቀጠረ::  በወቅቱ ስደተኛም ሆነ የሀገር ቤት ሲኖዶስ የለም ብሎ ”በማስተማሩ” ለጊዜው ደጋፊ አገኘ በኋላ ግን ጸባዩን ሲያስተዉሉት ሥራ የማይወድ፣ ዝም ብሎ ከቤተክርስቲያን  እና ከስዊድን መንግስት የሚሰጠዉን የማህበራዊ ድጎማ ገንዘብ  እየወሰደ ፓልቶክ ላይ ተቀምጦ ከፖለቲካ ሥራው በተጨማሪ በውጪ ሀገር የሚገኙ እና በአገር ቤት ሲኖዶስ የሚተዳደሩ አብያተክርስቲያናትን እንዴት ማድከም ከተቻለም ማጥፋት እንደሚቻል ዘወትር መምከርና እቅድ ማውጣት ጀመረ::
ይህን የሰሙት የቤተርስርቲያኑ ሰበካ ጉባኤ  አባላት አንዱን ምረጥ ካህን ነኝ ካልክ ካህን ሁን ፖለቲከኛ ነኝ ካልክ ደግሞ ፖለቲከኛ ሁን በሚል ክርክር ስምምነት ላይ ባለመድረሳቸው ከሥራዉ አሰናበቱት:: በዚህ ጊዜ ከቤተክርስቲያን የሚያገኘው ገቢ ስለተቋረጠ፣ ከመንግስት የሚሰጠዉ ገንዘብ ስላልበቃዉና እንደሌላው ኢትዮጵያዊ በጉልበቱ ሰርቶ መኖር ስለማይወድ አዲስ መላ መጣለት:: በቅርብ ጊዜ ከሀገር ቤት ተሰደዉ ወደ ስቶክሆልም የመጡት ”አባ” ኒቆዲሞስ  የጥገኝነት አቤቱታቸው ተቀባይነት ባለማግኘቱ በዚሁ ”ቄስ” ምክር አዲስ  ቤተክርስያን ከፍቶ መኖር እንደሚቻል በማሳመን ለወትሮዉ ሲያጥላላቸው ከነበሩት ከአቡነ ኤልያስ ጋር በመጠጋት በፊት ሲያገለግልበት ከነበረበት ቤተክርስቲያን አንድ ፌርማታ ብቻ ርቀት ላይ የታቦታትን ክብር ባልጠበቀና ምድራዊ በቀል ለመፈፀም ሲባል በታሰበ (ቀድሞ የነበረበትን ቤተክርስቲያን ”ለመበቀል”)፤ ልክ እንደ ምድራዊ የንግድ ሥራ በርካታ ምእመናንን ይሰበስብልኛል ብሎ በማሰብ እና በዓመት ብዙ ጊዜ የንግስ በዓል በማድረግ ከምእመናን ገንዘብ ለመሰብሰብ ያስችለኛል ብሎ በማሰብ በአንድ ጊዜ ሦስት ታቦታትን ልናከብር ነዉ ብሎ ማስታወቂያ ለጠፈ:: ይህ ሁሉ ሥርዓተ ቤተክርስቲያንን የጣሰ አሳዛኝና አሳፋሪ ተግባር በመሆኑ አንባቢ ሁሉ ያስተዉል እንላለን:: የቃለኪዳኑ ታቦት የሚከበረው ለሰማያዊ ጽድቅ እንጅ ለምድራዊ ድሎት፤ ለገንዘብ፤ ለፖለቲካ እና ለመሳሰሉት ጥቅሞች ሊሆን አይገባም::
3.       ይድረስ ለብፁዕ አቡነ ኤልያስ ዘስቶክሆልም
ሀ. ይህ እርስዎ ባርከውይከፍቱታል” የሚባለው ቤተክርስቲያን ከላይ እንደገለጽነው በበጎ ሕሊና ያልታቀደ በመሆኑ ዘርፈ ብዙ ችግሮችን ሊያስከትል ይችላል። ይልቁንም እርስዎም ጭምር ተሳታፊ በሆኑበት ቤተክርስቲያንን አንድ ለማድረግ የሚደረገውን ጥረት በብዙ እርምጃዎች ወደ ኋላ የሚመልስ (በተለይ በስቶክሆልም እና አካባቢው ያለችዋን ቤተክርስቲያን) ስለሆነ ስለቤተክርስቲያን ሰላምና አንድነት ሲሉ ራስዎን ከዚህ እንቅስቃሴ እንዲያገሉ በትህትና ልናሳስብዎ እንወዳለን።
ለ. የእርስዎ መንበረ ጵጵስና በሆነው የስቶክሆልም መድኃኔዓለም ቤተክርስቲያን የእመቤታችን ጽላት (በተጨማሪም የቅዱስ ሚካኤል) መኖሩ እየታወቀ ሌላ ተጨማሪ የእመቤታችን ጽላት ለምን አስፈለገ? በእመቤታችን ስም ተጨማሪ ሶስተኛ ቤተክርስቲያን እንዲመሰረት የተስማሙት በውኑ በስቶክሆልም ከተማ ለሚኖሩ ምእመናን የአምልኮ ቦታ አንሶ ነውን? ቢሆንስ አሁን ካለው ቤተክርስቲያን በአንድ ፌርማታ ልዩነት ብቻ ተመሳሳይ ስያሜ ያለው ሌላ አዲስ ደግሞ መክፈቱ ዛሬም ሆነ ወደፊት የሚፈጥረው ችግር ከእርስዎ የተሰወረ ይሆንን? ይልቁንም የተጣሉትን አስታርቆ ሁሉም በአንድነት እና በስምምነት አምልኮ እግዚአብሔርን በፍቅር እንዲፈጽም ማድረጉ እንደ እርስዎ ካለ የእድሜ ባለጸጋ አባት ይጠበቅ ነበር።
ሐ. ስምዎ በገጸ ድር ማስታወቂያው ላይ ከመውጣቱ በተጨማሪ ከሳምንት በፊት እርስዎ መድኃኔዓለም ቤተክርስቲያን ውስጥ እያሉ የዚሁ አዲስ ቤተክርስቲያንመከፈት” ዜና በበራሪ ወረቀት ሲበተን በይሁንታ ተቀብለው ሲያበቁ በብዙ ክብር ሊታጀብ የሚገባውን ታቦተ ሕግ እንዲያጅቡ በዕለቱ ለተገኙት ምእመናን ለወትሮው እንደሚያደርጉት ሁሉ በአንደበትዎ አለመናገርዎ ከምእመናን ሊገጥምዎ የሚችለውን ተቃውሞ አስቀድመው እንደተረዱ እንድናስብ አድርጎናል። የአዲሱ ቤተክርስቲያንመከፈትም” ለጥሩ ዓላማ ነው ብለን እንዳናስብ ተጨማሪ ማስረጃ ሆኖናል፤ አለዚያማ በአንደበትዎ ለሁሉም ምእመናን ማስረዳት በቻሉ ነበር። እኛም በጽሑፍ ፋንታ ፊት ለፊት እንጠይቅዎ ነበር። አሁንም ጊዜው ገና ነው። ሁልጊዜ ስለሚያስተምሩትየቀኖና መጠበቅ” ያለዎትን ተቆርቋሪነት በተግባር ያሳዩን፤ ለእልህ መወጫና ለሥጋዊ ጥቅም ብቻ ሲባል ቤተክርስቲያንአይከፈትምና”። ስለዚህ ከተጠያቂነት ስለማያመልጡ መቃወም እንኳን ባይችሉ ምንም አይነት ትብብር ከማድረግ ከወዲሁ እንዲቆጠቡ በታላቅ ትህትና እንጠይቅዎታለን።
በተጨማሪም ዛሬ ቁጭ ብለው የሰቀሏቸው ግለሰቦች ነገ እርስዎ በሰጧቸው እውቅና ተጠቅመው አላስፈላጊ ጥቅማ ጥቅሞችን ሲያሳድዱ እርስዎ ከሚያስተዳድሩት ቤተክርስቲያን ሳይቀር ከባድ ተግዳሮት እንደሚገጥምዎ ሊያስቡበት ይገባል። ምን ማለታችን እንደሆነ በደንብ ስለሚረዱን የዚህን ዝርዝር እንተወዋለን።
4.         በስቶክሆልም እና አካባቢው ባሉ አጥቢያዎች ለምትገኙ አባቶች ካህናት በሙሉ:- ከላይ እንደተገለጸው ሥርዓተ ቤተክርስቲያንን በማስከበር የአባትነት ድርሻችሁን እንድትወጡ እናሳስባለን። ሌላ ማድረግ ባትችሉ ቢያንስ በእንዲህ አይነቱ ሕገ ወጥ ተግባር ባለመተባበር እና እውቅና ባለመስጠት ቤተክርስቲያን የጣለችባችሁን ኃላፊነት እንድትወጡ እናሳስባለን። ”እያንዳንዱ ካህን በሕገ ቤተክርስቲያን መሠረት የቤተክርስቲያንን ሥርዓት ጠብቆ ማስጠበቅ ግዴታው ነው።” (ቃለ ዓዋዲ አንቀጽ ፷፥ ቁ.፪. ረ)።

5.         ለምእመናን በአጠቃላይ:- ከላይ ለአባቶች ካህናት እንዳሳሰብነው ሁሉ የድርሻችንን ልንወጣ ይገባል። በተለይም የዚህ ሕግ ወጥ እንቅስቃሴ የመጀመሪያ ደረጃ ተጠቂዎች እናንተ ስለሆናችሁ በብዙ ድካም በስደት አገር የሰበሰባችሁትን ገንዘብ ለሥርዓት-አልበኞች ጉልበት ማጠንከሪያ እንዳታውሉት ልናሳስባችሁ እንወዳለን። ሥርዓተ ቤተክርስቲያንን ማክበር እና ማስከበር የሁላችን ኃላፊነት ነው።


6.         አዲስ ቤተክርስቲያን ለመክፈት ለተነሳችሁት ለሁለቱአባቶች”:- ፖለቲከኛ መሆን ኃጥያት ባይሆንም ቤተክርስቲያንን ለፖለቲካ ሥራ ማስኬጃ፣ ለግል ጥቅም (ለመኖሪያ ፈቃድ ማግኛ)፣ እንዲሁም ለገንዘብ መሰባሰቢያ ማድረግ ተገቢ አይደለም። ሀገራችን ፖለቲከኞችም ካህናትም ያስፈልጓታል፤ ነገር ግን ሁሉም የሚያምረው በተገቢው ቦታና ጊዜ ሲፈጽሙት ብቻ ነው። ቤተክርስቲያን ሰማያዊት እንጂ ምድራዊት አይደለችም፤ ዓላማዋም ወንጌልን በመስበክ ምእመናን የእግዚአብሔርን መንግስት እንዲወርሱ ማድረግ ነው። እናንተ ግን ለምድራዊ ጥቅም ማራመጃ ልታደርጓት እየሞከራችሁ ትገኛላችሁ። ይህም በምድርም ሆነ በሰማይ ስልሚያስጠይቃችሁ እና ስለሚጎዳችሁ ወደ ልቦናችሁ ተመለሱ። ቄስ ሥራው ማስተማር፣ ማጥመቅ፣ ቀድሶ ማቁረብ፣ መባረክ፣ ማሠርና መፍታት፣ መናዘዝ ነው።” (ፍት.መን.አን.፮ ረስጣ ፶፰) ስለዚህ ካሰባችሁት ተገቢ ካልሆነ ተግባር ተቆጥባችሁ በእውነት እግዚአብሔርን ለማገልገል ተዘጋጁ።

ጸልዩ በእንተ ሰላመ ቤተክርስቲያን
የቤተክርስቲያን አንድነት ከሚናፍቃቸው እና የሥርዓቷ መጣስ ከሚቆጫቸው ምእመናን

30 comments:

galela said...

lebe enedesatachawe egame enesaleyelachawe

Anonymous said...

ZENDERO GUD NEW WEGN YEMENGEST KADERE WETADER HULU HAGER EYELEKKEKE EYEMETA Qes DIYAKON NEGN EYALE HEZIBUN GERA AGABAW EKO ERE MIN YISHALAL?? EBAKACHEHU DEJESELAMOCH BEHULUM EOUROPA YIHE CHEGER SELALE SEFA YALE TEMHERT SEL QES ENA DIYAKON BETESETU MELKAM NEW EGZIABHER YERDAN AMEN

Anonymous said...

betam yasazenal waldeba ayferes belen enchohalen bezh degemo mechachalena bemelkam meguaz aketon enferaresalen sheregnochunem yekir yebelen hayelegnochum geta yabereden selemekidesu qenategnochunem yaberta tsegawen yabezalachew
egezo mehaeren kiristos abat hoy temelkit selkedemow abatoch mesewatenetena selkalh hayemanotachenen adera lelijochachen yemenaweresw atasatan

ከፍራንክ ፈርት መድሐኒዓለም said...

በመጀመሪያ የአባቶቻችን የቅኖቹ አምላክ ይይልን ግን እኔ ትንሽ ስለ አባ ኤልያስ ልበል በጀርመን ያለን ምእመናን አሁን ወንድሞቼ ልክ እናንተ ካለው የባሰ አበጣብጠውን ነው ያሉት በፍራንክፈርት በበርሊን ቪዝባደን ወዘተ ይሄ የለመዱት ነው ማበጣበጥ እና እኔ የምላቹህ የራሳቹህን አቋም ውሰዱ
ከሳቸው ምንም አታገኙም እኔ የምነግራቹህ ስም ማጥፋት አይደለም ደውላቹህ አጣሩ ጀርመን ካሉ ወዳጆቻቹህ
እናንተ፡ግን፡ወዳጆች፡ሆይ፥በጌታ፡ዘንድ፡አንድ፡ቀን፡እንደ፡ሺሕ፡ዓመት፥ሺሕ፡ዓመትም፡እንደ፡አንድ፡ቀን ፡እንደ፡ኾነ፡ይህን፡አንድ፡ነገር፡አትርሱ።
9፤ለአንዳንዶች፡የሚዘገይ፡እንደሚመስላቸው፡ጌታ፡ስለተስፋ፡ቃሉ፡አይዘገይም፥ነገር፡ግን፥ዅሉ፡ወደ፡ንስሓ፡ እንዲደርሱ፡እንጂ፡ማንም፡እንዳይጠፋ፡ወዶ፡ስለ፡እናንተ፡ይታገሣል።
frankfurt germany

Senayit said...

በአይነቱ ልዩ የሆነ ቤተክርስቲያን ” ”እንደሚከፈት”:- yih bersu betam yasazinal. Kahnat nen kemilu gilesebosh ayitebekim. Be'ergt ye timihrt manasim lihon yichilal. Betekrstiyan be sar, be enchet, be ebnebered, be nehas bititanets .... kibrua ena li'elinawa ekul newu.

Mel'ekitu be gilits tekemtual ... engdih be stockhol akababi yalachihu mi'emenan litastewulu yigebal. Beteley nebar kahnat yihn ayinet neger tebabrewu masweged alebachew.

Aye betekrstiyan ... yekebebesh jib mebzatu...

Libona yistachew!!!

Seifu said...

Dejeselam, keep on exploring such irregulars in Europe. Egziabher tsegawun yabzalachihu. Enersunim wede kenawu menged yimelsachew.

Minor spelling errors: the name of the country is "ስዊድን" not "ስዊዲን" and the city is "ስቶክሆልም" not "ስቴክሆልም".

Amen cher werie yaseman.

Anonymous said...

ይሄ እሳት በየቦታው እየነደደ ነውና ያለአቅማችሁ በዚህ እሳት ውስጥ እየተማገዳችሁ ያላችሁ ሰዎች ተጠንቀቁ። የቆመ የሚመስለው ቢኖር እንዳይወድቅ ይጠንቀቅ /ልክ እየሰራችሁ የሚመስላቸሁ ሰዎች ተዉ/። ቀን ያልፋል፣ ፖለቲከኞች ያልፋሉ፣ ዘረኞች ይሞታሉ፣ ታሪክ ይቀራል፣ ትውልድ ይተካል ቤተክርስቲያን ግን ትኖራለች። ለተራ የግል ጥቅም ብሎ ቤተክርስቲያንን የመክፈል፣ በህብረት እያመለኩ ያሉ የቤተክርስቲያን ልጆችን መለያየት፣ በአይነቁራኛ ማስተያየት፣ እግዚአብሔርን ማሳዘን ለራስም ጥቁር ጠባሳ ጥሎ ማለፍ ነውና ሁሉም ለራሱ ቢያስብ። እምነት ሳይካድ፣ የቀኖና ጥሰት ሳይኖር ገና ለገና ጊዜ ለሚፈታው ያስተዳደር ችግር ተብሎ። ሐዋርያነት፣ ሰማእትነት ክፉውን ማስወገድ፣ ከክፉው ጋር መተናነቅ እንጂ በጥቅም ቀረብኝ ቤተክርስቲያንን መክፈል አይደለም!!!

Unknown said...

I know this case in detail...
The truth is there is no church in Sweden which is under the umbrella of Mother Church...
Selassie church was used to be 'geleltegna'...the sebeka gubae still believe that they 'own' the church! They don't want to connect the church to the system.
The truth is this!
Dejeselam you got the news but not the truth!

Anonymous said...

thank you .bertu bertu

Anonymous said...

Someone said above ‘’The truth is there is no church in Sweden which is under the umbrella of Mother Church...’’
This is misleading information, I know who you are and I know why you are saying this things. Kidist selassie is under the Ethiopian holy senodoes.
The administration of the church may not understand very well does not mean it is not. The definition of being in mother church is not about personal understanding.
We are under Abune Entones and we believe that we are under the mother church, But people like you try to corrupt us. So deje Selma all what you are saying till now is correct.
This day has reached finally for the all people to know about the cheating being done by the two so called priests. God is defending its people. It is lesson to all, when you do things : know GOD notices and sees your intention. Even if you may think you have won. All world will know the truth
.Egazbaher ande yadergen

Unknown said...

I think i should have to say something for the above comment...you know me? How dare you say this? Is that what you can think ..all about?
Tell me when did Selassie Church start calling Abune Pawlose's name in Kidase..! But i can tell you. They are (sebeka gubae members) still quarrelling about this issue..they don't believe in being in the umbrela of Mother Church? Did you know the details? I will not post it here in public..but God knows! For me, i will not consider it as a 'true church'...if you want, inbox me ur email..i will send you every document. I am quite sure i know many things than you considering this issue...
Unless those Sebeka gubae is not removed...still i have doubt..!

Anonymous said...

"እውነትን እውነት ውሸትን ውሸት በሉ"

በስዊድን ይከፈታል ስለተባለው ቤተክርስቲያን፣ መቼም ዜናውን በዓለም ዙሪያ ላለው ኦርቶዶክስ እምነት ተከታይ ማድረስ ተገቢ ሆኖ ሳለ ነገር ግን የዚህን ጽሑፍ መልዕክት ብቻ http://ethiopiazare.com/images/doc/pdf/public_announcement/2012/120429stockholm-kyrka.pdf
ብቻ መነሻ በማድረግ እውነተኛ መረጃ አድርጐ በዚህ መልኩ ማቅረብ ያውም እንደ ቤተ ክርስቲያን ልጅነት ተገቢ አይደለም።
ይህ ዜና በእውነት ለኦርቶዶክስ እምነት ተከታዩ በትክክለኛው መድረስ ካለበት፣ ነገሮችን በደንብ ማጣራት ተገቢ አይደለምን? በዛ ላይ እንደዚህ እርግጠኛ ባልሆነና ሁሉንም ወገን ጠይቆ የቱ ትክክለ የቱ ትክክለኛ እንዳልሆነ ባልተጣራበት ሁኔታ ትልልቅ የቤተክርስቲያን አባቶችን በዚህ መልክ ማስተናገዱ እንደ ቤተክርስቲያን ልጅነት ትክክል ነውን? መልሱን ለአንባቢያንና ለእናንተ ልተው-------------------

በዛ ላይ የምንጽፈው ጽሑፍ ሆነ የምናደርገው ነገር ሁሉ እግዚአብሔን ደስ የሚያሰኝ ካልሆነ ከጥቅሙ ጉዳቱ ምን ያህል እንደሚሆን ለመረዳት ከባድ አይመስለኝም።

እውነትን እውነት ውሸትን ውሸት በሉ ብሎ ቃሉን እንዳስተማረንና እንደ ቃሉ እንድንሰራ፣ እንድንኖር ወዘተ የሚያዝ ጌታ እኛም የዚህች እውነተኛና ቀጥተኛ የኦርቶዶክስ እምነት ተከታይ የሆንን ሁላችን በምንጽፈውም ሆነ በምንሰራው ማንኛውም መንፈሳዊ ስራ በእውነት እግዚአብሔርን እንድናገለግል ቸር አምላክ ይርዳን።

ሰላም ለእናንተ ይሁን ብሎ በአባቶቻችን መሀከል የተገኘ አምላክ ሰላሙን በመሃላችን ያኑር!!!

Anonymous said...

To the above cheater who is confusing you under the name UNKNOWN…….
As you have said kidist selasi church started called the name of Abune paulos just one year ago after an extensive Gubea held here. Yes, they were no on the right path but they have chosen to be on the right path.
First of all ,even if they were not calling the name the most important step that qualifies a church to the mother synods or not happened before two years ago. That is process of Sanctification with KIDUS MERON. (In case you don’t know s the act or process of acquiring sanctity, of being made or becoming holy.)
Sanctification with KIDUS MERON was done by Ethiopian arc ship Abune Entones who is the member of the holy synods in Ethiopia.
Dear readers after that the people were supposed to call Abune paulos name in sermons etc. but they abstained for like year do you lack of understanding , due to the fear of calling such horrible patriarch (this is also part of lack of understanding ). Finally our dear teachers came from Ethiopia and taught the people and from year on now Abune paulos name is called in each sermon.
The fact that some ‘sebka member ‘may be still be confusing does not make the church out to be outside the mother church.i said it, I will say it gain. People have lots understanding …….
The sebka gubea is not promoting any negative thing? Can you blame someone for having wrong thinking? You blame them when they say wrong things and inhibit the development of the church.
BUT THEY DIDN’T-----
You as Christian should say things likelets teach the sebk gubea more,lets help them ,.lets work ..rather than thinking avoiding them. Where shall memenae go? Where shall …?
Your thinking should be strengthning the one that is on the right path ,,,,,,,
You know me,,,,,,by heart I knew you . as I told you , you are saying this things because you wanted to get the seat in the sebka gubea and you can’t get …that is why.
GOOd luck ,,,,rather pray that spreading negative words

Anonymous said...

Deje selam mizanawi zegeba yawotach alimeselegnim.
Mariam bet christian kuch billew yalifelegutin sewu selemiyabarut Diacon Solomon ena gibreaberochu ene Dr. Belachew yemiserut siram yebetechristian kenona yemiketel alimeselegnim!!

keStockholm said...

To Anonymous said...April 28, 2012 5:18 PM

-As I can understand it, Dejeselam din't write the article. In addition, the aim of the writers as I can learn from the content is not to deal with the problems of each church in Stockholm that have been accumulating for many years. The person whom you mentioned (Dr Belachew)is the one who pushed Abune Elias to go for establishing a synod in excile (Sidetegnaw Synodos). Later he didn't agree with Abune Elias and ended up being Geleltegna. I can write more ... but will stop it here.

Despite all the problems that existed before, the one addressed in this article will make things even more complicated. It is easier and better to avoid adding more problems than to solve the previous ones. All the laity should discourage such actions ... openning a church just for earthly reasons!

May God help us to stand for the true church!

ልቦና ይስጣችሁ/ይስጠን said...

ስለ መንበረ ጸባዖት ቅሥላሴ ቤተክርስቲያን ማንነት ስለምትከራከሩ ሰዎች:-

በአጭሩ ቤተክርስቲያኑ በገለልተኛነት ጀምሮ በኋላ ግን ወደ እዉነት መንገድ የተመለሰ: ማለትም በሐዋርያት ቅብብል ዛሬ ላይ ከደረሰችው ቅድስት ቤተክርስቲያናችን ቅዱስ ሲኖዶስ አባል በብፁዕ አቡነ እንጦንስ ተባርኮ: አገልግሎት በመስጠት ላይ የሚገኝ ቤተክርስቲያን ነው:: ጸሀፊዎቹ አዉቀዉ ይሁን ወይም ቤተክርስቲያኑን ቀርበዉ ስለማያውቁት ይህን ሀቅ ( ቢያንስ በማን ሀገረ ስብከት እንደሚገኝ) አልገለፁም::

አዲስ ቤተክርስቲያን የሚከፍቱት አባቶች ግን ቆም ብለው ምን እየሰሩ እንደሆነ ቢያስተውሉ መልካም ነው:: በቀል ለማንም አይጠቅምም:: በተለይ ደግሞ እኛን በሀገር ቤት ሲኖዶስ ውስጥ ያለኖቹን ለማዳከም እቅድ እየነደፉ እንደነበር መስማቴ በጣም አሳዝኖኛል:: "የመውጊያውን ብረት ብትቃዎም ላንተ ይብስብሃል ..."

በዚህ እንቅስቃሴ የምትተባበሩ ሁሉ ምን እየሰራችሁ እንደሆነ አስተውሉ!

ልቦና ይስጣችሁ/ይስጠን

ሆድ ይፍጀው said...

"እውነትን እውነት ውሸትን ውሸት በሉ" ብለው ለጻፉ አንባቢ:-

ጸሀፊዎቹ ያቀረቡት ጽሁፍ/መረጃ በሙሉ ከማስታዎቂያው እንዳልተወሰደ ለማየት አያዳግትም:: ነገር ገን ስለ ሁለቱ መስራቾችም ሆነ ስለ አቡነ ኤልያስ ልጻፍ ብል እኔ የበለጠ ማለት የምችል ይመስለኛል:: በመድሃኔዓለም ቤተክርስቲያን ስር ያለው አምባገነናዊ አስተዳደር ብቻ እኮ ብዙ ያጽፋል:: ነገር ግን አሁን ላይ አስፈላጊ ነው ብየ አላምንም ችግር ይፈታል ብየ ካላመንኩ የማውቀውን ሁሉ አልናገርም::

ስለዚህ ጽሁፉ ተጻፈ ብለው ብዙም አይግረምዎ እላለሁ

Anonymous said...

ለሁሉም እግዚአብሔር ይርዳን

Unknown said...

The truth will be revealed soon!
You can cheat people, but not God!

Anonymous said...

አሁን በነጋዴ ቀሳውስት የተያዘው ዘዴ ልክ እንደ ሱፐር ማርኬት ታቦታትን በተቻለ መጠን አከማችቶ መያዝ ነው፡፡ አንዳንድ ቦታም በጨበጣ (ሳይኖር አለ በማለት) ጨዋታውን ያካሂዳሉ፡፡
ዋነኛ ምክንያቶቻቸው ገንዘብና ፖለቲካ ናቸው፡፡
እነዚህ በሽተኞች ቀሳውስት ምዕመናኖቻቸው እንደ ‹‹ጣውንት›› ወደሚያዩአቸው ኮመፒቴተር አብያተ ክርስቲያናት እንዳይሄዱና አንደኛ ገንዘባቸውን ከዚያ እንዳይሰጡ፣ ሁለተኛ ያ በፖለቲካ ድንበር የከፋፈሉት ምዕመን መልሶ እንዳይገጥምና እርስ በርሱ እንዳይላመድና እንዳይታረቅ ለማድረግ የሚጠቀሙበት እኩይ ዘዴ ነው፡፡

እንዲያውም አንድ ቦታ (ቦታውን አልጠቅሰውም) ሁለት ምዕመናን ሲወያዩ ስለ ቅድስት አርሴማ ክብረ በዓል ነበርና የሚነጋገሩት አንደኛው ‹‹ለመሆኑ በዓሉ በኛ ቤተ ክርስቲያን ይከበር ይሆናል!›› የሚል አስተያየት ሲሰጥ፤ ሌላኛው በበኩሉ ‹‹በነገራችን ላይኮ የቅድስት አርሴማ ታቦት ቢፈለግ አይጠፋም!!!;‹‹ ሲል የየዋህ አስተያየቱን ሰጠ፡፡
ይህ የሚያሳየን ነገር ቀሳውስቱ (ካህናቱ) ምን ያህል ቀኖና ቤተ ክርስቲያንን እየጣሱ እንደሆነ ነው፡፡

Unknown said...

I agree with z above comment

ethiopian ortodox tewahdo said...

ሰላም ለ ደጀሰላም ጸሃፊ ወንድሞቻችን። በእዉነት ይህን ጽሁፍ ስትጽፉ በቂ ኢንፎርሜሽን የነበራቹ አልመሰለኝም። በእርግጥ ይህ አዲስ ቤተ ክርስትያን መከፈቱ እጅግ በጣም የሚያሳዝን ነው። ምክንያቱም በስቶክሆልም ከተማ ዉስጥ ያሉት አብያተክርስትያናት በጥል ምክንያት መብዛታቸው በመሆኑ እንጂ መብዛታችን ለበጎ አገልግሎት ቢሆነስ ባስደሰተን ነበር። ነገር ግን ብጹህ ኣቡነ ኤልያስን በተመለከተ የተሳሳተ ኢንፎርሜሽን ነው የደረሳቹ። ምክንያቱም አቡነ ኤልያስን አዲሱ ቤተክርስትያን ባርከው ይከፍቱ ዘንድ ከ ሁለቱ ካህናት ጥሪ ቢደርሳቸዉም እርሳቸው ግን ቦታው ላይ እንደማይገኙ ቀድመው አሳውቀዋል። ደግሞም አቡነ ኤልያስ ቦታው ላይ እንደማይገኙ እየታወቀ ፣ እሳቸው ቦታው ላይ እንደሚገኙ የሚያስነብብ የሃሰት የሞባይል መልክት ተበትኖአል። አዲሱ ቤተክርስትያንም በተከፈተበት እለት አቡነ ኤልያስ ከመንበረ ጵጵስናቸው ከደብረ ሰላም መድኃኔዓልም ቤተክርስትያን አልተንቀሳቀሱም። ድግሞስ ለእናንተ የተገለጸ እውነት እንዴት ከእኚህ ትልቅ አባት ይሰወራል ብላቹ ታስባላቹ፧ እናም በተሳሳተ ኢንፎርሜሽን የ ብጹህ አቡነ ኤልያስ ስም ባይጠፋ መልካም ነው።
እግዚአብሔር ሃይማኖታችንን ይጠብቅ

asbet dngl said...

እናንተ፡ግን፡ወዳጆች፡ሆይ፥በጌታ፡ዘንድ፡አንድ፡ቀን፡እንደ፡ሺሕ፡ዓመት፥ሺሕ፡ዓመትም፡እንደ፡አንድ፡ቀን ፡እንደ፡ኾነ፡ይህን፡አንድ፡ነገር፡አትርሱ።
9፤ለአንዳንዶች፡የሚዘገይ፡እንደሚመስላቸው፡ጌታ፡ስለተስፋ፡ቃሉ፡አይዘገይም፥ነገር፡ግን፥ዅሉ፡ወደ፡ንስሓ፡ እንዲደርሱ፡እንጂ፡ማንም፡እንዳይጠፋ፡ወዶ፡ስለ፡እናንተ፡ይታገሣልndsc

እንዲሁ እኔ የታዘብኩትን ለማካፈል said...

ethiopian ortodox tewahdo በሚል ስም ለጻፉት, ትህትና ስለተሞላበት አጻጻፍዎ ሳላመሰግን አላልፍም።

እኔ የማውቀው ከእርስዎ ትንሽ ሰፋ ይላል::
ብፁዕ አቡነ ኤልያስ በመጀመሪያ አዲሱን ቤተክርስቲያን ለመባረክ ተስማምተው ነበር። በኋላ ግን ከውስጥም ከውጭም ተቃውሞ ሲበዛባቸው ላለመሄድ ወሰኑ:: እርስዎም ከላይ በሰጡት አስተያየት እንደገለጹት። የኔ ጥርጣሬ ምናልባት ይህ ጽሑፍ አቡነ ኤልያስ ላለመሄድ ከመወሰናቸው በፊት ተጽፏል የሚል ነው። ጥያቄዎትን ግን ምናልባት በትክክል መመለስ የሚችሉት የመጀመሪያዎቹ ጸሐፊዎች ይሆናሉ።

እንዲሁ እኔ የታዘብኩትን ለማካፈል:------
በእርግጥም እርሳቸው በመጀመሪያ ባይስማሙ ኖሮ ለምን ማስታወቂያው ከ website ላይ እንዲዎርድ አላደረጉም? ያን ማድረግ ባይችሉ እንኳን ለምን ቢያንስ መድኃኔዓለም ቤተክርስቲያን ላለው ምእመን ማስታዎቂያው ያለ እርሳቸው ፈቃድ እንደወጣ አልተናገሩም?

እግዚአብሔር አምላክ ቤተክርስቲያንን አንድ ያድርግልን።

አዲስ ቤተክርስቲያን በምድራዊ ምክንያት ብቻ ለከፈቱት: ለምድራዊ ጥቅም አሳዳጆችም ልቦና ይስጥልን።

Anonymous said...

betam yemigerm new ...yezih sehuf sehafi enquan swedenen ...wede wich hager meto yemiawek aymeslem...egzio meharene...enga ezih kuch belen banawek noro ...betam metfo melekt yalew sihuf new...dejeselamoch eskezare bemetesehufuachew sihufoch betam etemamen neber....lemanegawem yehen sihuf yazegajew sew jerbaw lela new...selam kenantegar yehun

Anonymous said...

dejeselamoch please check the way how you post things. the languge that you use completely wrong we don't say bete kereseteyane yekeftal we say Yemsertal.

Anonymous said...

May 1, 2012 9:22 PM comment laderkewu wendime...dejeselam haven't said "beterkrstian yekefetal" it was said by the two Kahinat who supposed to open the church in their advertisement..read the advertisement by clicking on the link...it says..."......በኢትዮጵያውያን የሰዓት አቆጣጠር ከጥዋቱ 1፡00 ሰዓት ጀምሮ በብፁዕ አቡነ ኤሌያስ የምስራቅ አፍሪካና የአውሮፓ አህጉረ ስብከት ሉቀ ጳጳስ ጸልትና ቡራኬ ተመርቆ ይከፈታሌ። "

please don't run to blame those who are doing their best for church....as far as I know this blog is doing the best rather than you and I

it is also well-known the dictatorial leadrship of Medahanealem church. Especially those who are calling themselves as politician..they are incapable to lead the church let alone one big country...their dream is always to get position as earthly power.

Amare Bekele said...

I have been reading the comments on the "New Church in Stocholm" As I understand the "New Church" will have three Holy Arkes. Where have these Holy Arken been keept all this time. Was is in a privet house, in an apartments or in the refugee camp?

Allmight God, have mercy upon them.

Anonymous said...

ታዛቢው ከስቶክሆልም
በተለያየ ስም አስተያየት ያሚጽፉት አንድ ቡድን ውስጥ፡ያሉ ወይም ጥቂት ሰዎች ናቸው።
እውነቱ ግን ሌላ ነው። ካህናቱ ኢትዮጵያዊያን ናቸው። አንበኦች ናቸው። ለሥርዓተ ቤተክርስቲያን መከበር ራሳቸውን የሰዉ ናችው። ቀድሞ የተናገረ እውነተኛ ነው ብሎ ማመንና መናገር በኃላ ያሳፍር ይሆናል።እውነቱን ስትሰሙ ካህናቱን በጣም የምታደንቁበት ሁኔታ ይመጣ ይሆናልና አትቸኩሉ!
ምስጢሩን ብታውቁ ምን ያክል እምነታችንን ይህን ጽሑፍ የጻፉት ግለሰብና ቤተሰቦቻቸው እንዳዋረዱ ስትሰሙ ታፍራላችሁ!አንድ እግዚአብሄር የፈቀደው የእውነት ቀን ይመጣል ብዬ ተስፋ አደርጋለሁ!

Anonymous said...

Meheret Bemenet

Sl Abun Elias be Ugand bete kirstian
abtabetew new ye metute. Dokmentachewen le lekemw be Polis Dioqn Keis sayker aseserw se metu wede Sweden temelesu.
Sel Abun Elias bezu neger ale Egziabeher yfred!! Aba W/meskel "Nefs Ymar" mederch astetwachew ke Medahenyalem tebareru. Like Kahnat Mezemer Australia Berw hedulachw, GENZEB beye hageru ysebsbalu? aybkame? Enje Zemedachew nje Be Fetarye Seme Yzewtalhu Hulu nem "LEJOUCH BE LEW ASTARKU" Ye Medehanialemen Memnan Ykfafelu Ersewona Tbabarywochew Nachew. Ahun Degmo Ye Swedenen Memenan ATKFAFLU!

"AMLAKE YAYEWOTAL"

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)