March 20, 2012

የዝቋላ ገዳም አሁን ያለበት ደረጃ

  • (ደጀ ሰላም፤ መጋቢት 11/2004 ዓ.ም፤ ማርች 20/2012/ PDF)፦  የዝቋላን ገዳም ቃጠሎ ለመከላከል እየተደረገ ባለው ጥረት፡- 
  • የዝቋላን ገዳም ቃጠሎ ለመከላከል የተሰማሩ ወጣቶች በጠቅላይ ቤተ ክህነት ናቸው - ተቃውሟቸውን ለመግለጽ፣ ጥያቄያቸውንም ለማቅረብ፡፡ 
  • ፖሊስ ወጣቶቹ እንዲበተኑ እያዘዘ ነው፡፡ 
  • ቃጠሎውን ጨርሶ ለማጥፋት የግል አውሮፕላን ከአቢሲኒያ የበረራ አገልግሎት በኪራይ ተገኝቷል ተብሏል፤ ውድ የሆነውና በመንግሥት ዘንድ ብቻ የሚገኘው ኬሚካል ግን ቸግሯል፡፡


  • በየቦታው የተከማቸው የቃጠሎ ፍሕም በጣም ብዙ ነው፤ በተደጋጋሚ ቃጠሎ የመቀስቀስ ዕድሉ ከፍተኛ ነው፡፡
  • ለማጥፋት የሚቻለው በአውሮፕላን/ሄሊኮፕተር በሚረጭ ኬሚካል ብቻ ነው::
  • በጠቅላይ ቤተ ክህነቱ ወጣቶቹን የሚያነጋግር ሓላፊ የለም፤ ዋና ሥራ አስኪያጁ ብፁዕ አቡነ ፊልጶስ ከፓትርያሪክ አቡነ ጳውሎስ ጋራ በአሁኑ ሰዓት በቅዱስ ማርቆስ ካቴድራል እየተከናወነ በሚገኘው የብፁዕ ወቅዱስ አቡነ ሲኖዳ የቀብር ሥነ ሥርዐት ላይ ለመገኘት ትላንት ማምሻውን ሄደዋል፡፡ ለጉዞው ከ44,000 ብር በላይ ወጪ ተደርጓል፡፡ ብሔራዊ የኀዘን ቀን የታወጀ ሲሆን ከሥነ ሥርዐቱ ፍጻሜ በኋላ የቅዱስነታቸው አስከሬን በወታደራዊ ሄሊኮፕተር ተወስዶ ከካይሮ 100 ኪ.ሜ ርቀት ናይል ዴልታ ዋዲ ኤል ናጥሩን የቅዱስ ቢሾይ ገዳም እንደሚያርፍ ተዘግቧል፡፡
  • የገዳማት አስተዳደር መምሪያ ሓላፊ ንቡረ እድ አባ ገብረ ማርያም ቃጠሎው ከተነሣ አራት ቀናት በኋላ ዛሬ ወደ ዝቋላ እንዲሄዱ ታዝዘዋል፡፡
  • ከፍተኛ ቁጥር ያለው ምእመን ቃጠሎውን ለመከላከል የሚረዱ የግል መሣሪያዎችን (ጄሪካን፣ የቁፋሮ፣ መቁረጫ መሣሪያዎች) እና ደረቅ ስንቅ በመያዝ እየተመመ ነው፡፡

 ቸር ወሬ ያሰማን

አሜን

Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)