March 19, 2012

ዝቋላ ገዳም በቃጠሎ ዋዜማ ላይ ነው


·         ቦቴ መኪናዎች ቢኖሩ ለውጥ ያመጡ ነበር፤
·         መከላከያው በሄሌኮፕተር እንዲረዳ ሊጠየቅ ይገባው ነበር፤
·         የአዲስ አበባ ሰ/ት/ቤት ወጣቶች ተሰባስበው ወደ ገዳሙ ሄደዋል፤
(ደጀ ሰላም፤ መጋቢት 10/2004 ዓ.ም፤ ማርች 19/2012/ READ THIS ARTICLE IN PDF)፦  በምሥራቅ ሸዋ ሀገረ ስብከት ሊበን ዝቋላ ወረዳ አዱላላ ቀበሌ በዝቋላ ደብረ ከዋክብት አቡነ ገብረ መንፈስ ቅዱስ ገዳም ዙሪያ በሚገኘውና የመንግሥት ይዞታ በሆነው ደን ምሥራቃዊ ገጽ ቅዳሜ ቀትር ላይ የተነሣው እሣት በመስፋፋት ገዳሙ አፋፍ ላይ መድረሱን ምንጮች እየገለጹ ነው። ምእመናን የአቅማቸው በማድረግ ለማጥፋት ቢረባረቡም ሊቋቋሙት አልቻሉም።

ስለ ጉዳዩ የጠየቅናቸው ወገኖች እንዳስረዱን ከሆነ ውኃ የመያዝ አቅም ያለቸው ቦቴ መኪናዎች፣ የወታደር ጉልበታም መኪናዎች ቢኖሩ ውኋውን ለማመላለስ ይረዱ ነበር። ነገር ግን በዚህ ረገድ ከጠቅላይ ቤተ ክህነቱ ጥያቄ እስካልቀረበ ድረስ እነ አ ምላሹም በአፋጣኝ እስካልተጠየቀ ድረስ የዚህ ታሪካዊ ገዳም ህልውና የሰዓታት ዕድሜ ብቻ ነው ያለው ሲሉ ነግረውናል።
ይህ በእንዲህ እንዳለ እሳቱን አሳሳቢነት የተረዱ የሰንበት ት/ቤት ወጣቶች ከአዲስ አበባ በሦስት መኪና ወደ ሥፍራው ማቅናታቸው ታውቋል። እጅ በእጅ በተገኘው ሁሉ እሳቱን ለመከላከል እየተደረገ ላለው ጥረት ድጋፍ እንደሚአደርጉ እናምናለን። ከደብረ ዘይት እስከ ናዝሬት ባለው አካባቢ ያሉ ምእመናንም ይቀላቀሏቸዋል ብለን እንጠብቃለን።
ይህ ታሪካዊ ገዳም ያለውን መልክአ ምድራዊ ይዞታ በተመለከተ ለግንዛቤ ይረዳ ዘንድ “የብስራት እይታየጡመራ መድረክ ከዚህ በፊት ያወጣቸውን ፎቶዎች እንድትመለከቱ እንጋብዛለን።

ቸር ወሬ ያሰማን

አሜን

Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)