March 7, 2012

ሰበር ዜና - ፍ/ቤቱ በመ/ር ዘመድኩን ላይ ፈረደ


·         ፍ/ቤቱ የአምስት ወራት የእስራት ቅጣት ወስኗል::
·     “የተበደልኩበትን የፍትሕ ሥርዐት ጭምር እታገላለሁ፤” ያለው መ/ር ዘመድኩን ለውሳኔው የቅጣት አስተያየት ለመስጠት ፈቃደኛ አልሆነም::
·     መ/ር ዘመድኩን አስቀድሞ የተከሰሰበት አንቀጽ የቅጣት ውሳኔን በእስራት ወይም በገንዘብ ከሚሰጠው ንኡስ አንቀጽ 613(1) አጠቃሎ ወደሚሰጠው ንኡስ አንቀጽ 613(3) እንዲለወጥ ተደርጓል::
·        የፍ/ቤቱ የውሳኔ ሐተታ በበጋሻው ደሳለኝ “ሕገ መንግሥታዊ የእምነት ነጻነት መገደብ” ላይ አጽንዖት ሰጥቷል፤ ለተከሳሽ የሚረዱ ጠቃሚ ማስረጃዎችንና የምስክሮችን ቃል ግን አልተጠቀመባቸውም ተብሏል
·        “እኔ አርማጌዶን ቪሲዲን የሠራኹት በቤተ ክርስቲያኔ ላይ ያንዣበበው አደጋ ይገፈፍ ዘንድ የድርሻዬን ለመወጣት ነው፡፡ ሥራዬ አደጋውን በመግፈፍ የራሱን አስተዋፅኦ አድርጓል፡፡ ዛሬ ወደ እስር ስሄድ አባቶቼ ስለ ቤተ ክርስቲያን በተቀበሉት ፈተና ካገኙት ጸጋ በረከት እንደምሳተፍ አምናለኹ፡፡ በዚህም ደስ ይለኛል::(መ/ር ዘመድኩን በቀለ ከውሳኔው በኋላ) 
READ THIS ARTICLE IN PDF.
(ደጀ ሰላም፣ የካቲት 27/2004 ዓ.ም፤ March 6/2012/)፦ የፌዴራሉ የመጀመሪያ ደረጃ ፍ/ቤት አራዳ ምድብ ችሎት በአርማጌዶን ቪሲዲ ዐቓቤ ሕግ የስም ማጥፋት ወንጀል ክስ በመሠረተበት መ/ር ዘመድኩን በቀለ ላይ የአምስት ወራት የእስራት ቅጣት ወሰኗል፡፡ ፖሊስ በኤግዚቢት ስም ከመ/ር ዘመድኩን መኖሪያ ቤት እና መዝሙር ቤት የሰበሰባቸው 114 አርማጌዶን ቪሲዲች “ለቤተ ክርስቲያኒቱ ከፍተኛ የእምነት መሪዎች እንዲሰጥ” 340 አርማጌዶን ካሴቶች ደግሞ ምንም ዐይነት ማስረጃ ያልቀረበባቸው በመሆኑ ለባለቤቱ ተመላሽ እንዲሆን ፍ/ቤቱ አዝዟል፡፡
ከታኅሣሥ ሦስት ቀን 2004 ዓ.ም ጀምሮ በተለያዩ ጊዜ ቀጠሮዎች የግራ ቀኙን ሙግት ሲያዳምጥ የቆየው ፍ/ቤቱ ዛሬ፣ የካቲት 27 ቀን 2004 ዓ.ም፣ ከቀትር በኋላ ባሰማው የቅጣት ሐተታ ያሠመረባቸው የውሳኔ ሐሳቦች÷ በአርማጌዶን ቪሲዲ የተነሣ “የግል ተበዳይ” ተብዬው በጋሻው ደሳለኝ “ከምእመናን ልብ እንዲወጣ” መደረጉ፣ “ቪሲዲው የተሠራው ምእመናን የግል ተበዳይን ቀጥቅጠው እንዲገድሉት ነው” በሚል በጥራዝ ነጠቁ ታሪኩ አበራ የተሰጠው የቃል ምስክርነት፣ “ሕገ መንግሥቱ ለግል ተበዳይ በሰጠው የአምልኮ መብት የመረጠውን እምነት የማራመድ ነጻነቱ መገደቡ” የሚሉ ናቸው፡፡
ዐቃቤ ሕግ ለፍ/ቤቱ ባቀረበው የቅጣት አስተያየት ተከሳሽ መ/ር ዘመድኩን “በቁጥር ሦስት ቪሲዲ እንገናኝ በሚል በጀመረው ተግባሩ ከመቀጠል ወደኋላ ስለማይል የበለጠ ጉዳት ከማድረሱ በፊት” አንቀጹ የሚፈቅደው ከባድ ቅጣት እንዲወሰንበት ጠይቆ ነበር፡፡
አርማጌዶን ቪሲዲ በስም ማጥፋት ወንጀል እንደማያስጠይቀው ፍ/ቤቱም ጉዳዩን የመከታተል ሥልጣን እንዳልነበረው ሲያሳስብ የቆየው መ/ር ዘመድኩን በበኩሉ÷ ፈጽሞ ነጻ በመሆን አልያም ቅጣት ከመቀበል ውጭ ሌላ ውሳኔ ጠብቆ እንዳልመጣ በመግለጽ በጠበቃው በኩል መቅረብ የሚገባው የቅጣት አስተያየት እንዲሰጥ ፈቃደኛ አልሆነም፡፡
የተላለፈበት የቅጣት ውሳኔም በትእዛዝ እንጂ በትክክለኛ የፍትሕ አሰጣጥ ሥነ ሥርዐት ላይ ተመሥርቷል ብሎ እንደማያምን፤ በዚህም የተበደለበትን የፍትሕ ሥርዐት ጭምር ይግባኝ በመጠየቅ እንደሚታገለው፤ በአርማጌዶን ቪሲዲ ለሕዝብ እና ለቤተ ክርስቲያን ያስተላለፈው መልእክት ተቀባይነት አግኝቶ ‹የግል ተበዳይ› የትም እንዳያስተምር በመደረጉ ቪሲዲው የተሠራበትን ዓላማ ማሳካቱን፣ ይህም ስሕተት የኾነው በፍ/ቤቱ ዐይን እንጂ ለቤተ ክርስቲያን ግን ትክክለኛ መሆኑን፣ ስለዚህም በጀመረው ተግባሩ እንደሚቀጥል በማረጋገጥ በዚህ ችሎት የሚሰጠውን ውሳኔ ከመቀበል በቀር የሚጠይቀው የቅጣት ይቀነስ አስተያየት እንደሌለ ለችሎቱ ተናግሯል፡፡ መ/ር ዘመድኩን ይህን ሐሳቡን እንዲቀይር በዳኛ ሙሉ ክንፈ በተደጋጋሚ ቢጠየቅም ፈቃደኛ አልኾነም፡፡ “እኔም ትዳርና ልጆች አሉኝ፤ ውሳኔው አያስበረግገኝም” ብሏል ለችሎቱ፡፡
የችሎቱ ምንጮች እንደተናገሩት÷ ፍ/ቤቱ በቅጣት ሐተታው አጽንዖት ከሰጠባቸው ሐሳቦች አንዱ የሆነው አርማጌዶን ቪሲዲ “ምእመኑ የግል ተበዳይን ቀጥቅጦ እንዲገድለው ለመቀስቀስ የተሠራ መሆኑንና ይህንንም ተከሳሽ ጥቅምት 11 ቀን 2004 ዓ.ም ለማስፈጸም በወቅቱ የተቃውሞ ሰልፍ ተደርጎበት በነበረው ቅድስት ማርያም ቤተ ክርስቲያን በአካል ተገኝቶ ለወጣቶች ገንዘብ ሲሰጥ እንደነበር” በዐቃቤ ሕግ ምስክሮች ታሪኩ አበራና ሌላ ግለሰብ የተሰጠውን ምስክርነት በበቂ ሊያስተባብል የሚችለው የሰነድ ማስረጃ አልታየም፤ የሰነድ ማስረጃው መ/ር ዘመድኩን በተጠቀሰው ዕለት በተባለው ስፍራ እንዳልነበር የሚያረጋግጥ ነው፡፡ በሌላ በኩል ፓትርያሪኩ ሐምሌ 25 ቀን 2003 ዓ.ም የተጻፈው ደብዳቤና በቤተ ክርስቲያን የስሕተት ትምህርቶችን አስመልክቶ ያለው የውሳኔ አሰጣጥ ከአርማጌዶን ቪሲዲ ጋራ በማነጻጸር የተሰጡ አሳማኝ የመከላከያ ምስክሮች ቃል በቅጣት ውሳኔው ሐተታ ውስጥ በቂ ማገናዘብ አልተደረገባቸውም፡፡
ከዚህም ባሻገር ዐቃቤ ሕግ ለመ/ር ዘመድኩን ሰጥቶት በነበረው የክስ ጽሕፈት ላይ እንደተመለከተው ክሱ የተመሠረተበት የወንጀለኛ መቅጫ ሕግ አንቀጽ 613 ንኡስ አንቀጽ (1) በተጠቀሰው “የስም ማጥፋት ወንጀል” ድርጊት ከስድስት ወር ባልበለጠ እስራት ወይም በገንዘብ እንዲቀጣ አማራጭ ድንጋጌዎችን የሚያስቀምጥ ነው፡፡ ዛሬ ዳኛ ሙሉ ክንፈ ባነበቡት የቅጣት ሐተታ ውስጥ ግን የመ/ር ዘመድኩን የክስ አንቀጽ ከሦስት ወራት ባላነሰ እስራትና በገንዘብም በድምር ወደሚያስቀጣው ንኡስ አንቀጽ 613(3) እንዲቀየር ተደርጓል፤ ዐቓቤ ሕግ ባቀረበው የቅጣት ማክበጃ አስተያየት ይሆን?
የሆነው ይሁን ባለፈው ቀጠሮ የመ/ር ዘመድኩን ጠበቃ በወንጀል ሕጉ አንቀጽ 614 ንኡስ አንቀጽ (1) እና (2) መሠረት አርማጌዶን ቪሲዲ የሕዝብን ከፍ ያሉ ሃይማኖታዊና ሞራላዊ ጥቅሞች (higher interest and moral aim) ለመከላከል መረጃ የተሰጠበት እንጂ የማንንም ስም ሆነ ተብሎ ለማጥፋት ብያኔ/ውሳኔ ያልተላለፈበት እንደሆነ አስረድተው ነበር፤ የመከላከያ ምስክሮችም ይህንኑ የሚያስረግጥ ማብራሪያ ሰጥተው ነበር፡፡
ማለፊያ! አንዳችም መረበሽ የማይታይበት መ/ር ዘመድኩን በቀለ ከውሳኔው በኋላ ለችሎቱ ተመልካቾች ተናግሯል፤ እንዲህም ብሏል፡- “እኔ አርማጌዶን ቪሲዲን የሠራኹት በቤተ ክርስቲያኔ ላይ ያንዣበበው አደጋ ይገፈፍ ዘንድ የድርሻዬን ለመወጣት ነው፡፡ ሥራዬ አደጋውን በመግፈፍ የራሱን አስተዋፅኦ አድርጓል፡፡ ዛሬ ወደ እስር ስሄድ አባቶቼ ስለ ቤተ ክርስቲያን በተቀበሉት ፈተና ካገኙት ጸጋ በረከት እንደምሳተፍ አምናለኹ፡፡ በዚህም ደስ ይለኛል፡፡ ሁሉም ሓላፊነቱን ይወጣ!!”፡፡
ይህ ዜና በሚጠናቀርበት ሰዓት መ/ር ዘመድኩን በዚያው በአራዳ ምድብ ችሎት የእስረኞች ማቆያ ውስጥ የነበረ ሲሆን ወደ ቃሊቲ ማረሚያ ቤት እንደሚዛወር ተዘግቧል፡፡
የመምህር ዘመድኩን እስር በኦርቶዶክሳውያን ልቡናና መድረክ ስፍራ ባጡት በሕገ ወጦች በጋሻው ደሳለኝና መሰሎቹ ላይ በየስፍራው ተፈጻሚ የሆነውን የመከላከል ርምጃ ያጠናክረው እንደሆን እንጂ አያላላውም!!
ቅዱሳን መላእክትን በአርያም፣ የወንጌል ገበሬዎቹን ሐዋርያትን በአጽናፈ ዓለም፣ ደጋጎቹን መነኮሳት በገዳም፣ ቆራጦቹን ሰማዕታት በደም ያጸና የአባቶቻችን አምላክ እግዚአብሔር ወንድማችን መ/ር ዘመድኩን በቀለን በመከራው ሁሉ እንዲያበረታው እንለምናለን፤ ሁላችንም በጸሎታችን እንድናስበውም ደጀ ሰላም ጥሪዋን ታስተላልፋለች፡፡

58 comments:

Anonymous said...

Betekiristian yemitifeligew endih ayinet sew new.yale mekera betekiristianin metebek ayichalim.
enkuanin tasere! eliliiiiiiiiii biyalehu. lelochim wongelawian kezih temaru. bekinitot wongel ayisebekim.
ewunetegna hawaria Zemedikun!
Aba Paulos Gin Egziabher Wagachewin Yikifelachew. Ye Betekirstian Gud!

Anonymous said...

God bless you Zemedhun and bless your family too.

1.You are one individual and you only believed in God not with the secular ideas and people.

2.you may seem in jail but everything is for good and it is a big blessing if that is done struggling for the sake of spirituality, spiritual people and God. May be when there is no one to stand for the Church including the higher officials in the Church ,God want to teach them and all of reluctant spirituals like me.

3. We do not have spiritual leaders but God will lead us and they will get their jail.

4.For Waldiba monastery, the head of the Church keeps silent and hide as if didn't saw the problem.But those struggling are the monks

5.When Asebot gedam is burning, the Church's head has no ear to see or to listen and keeps silence , what is their job after all rather than milking the church's money .But those struggling are the local people.

6.when individuals like zemedhun are scarified , the head of the Church may be laughing and happy.
It should say something , but if
singer comes from abroad-beyonce, he is fully involved and celebrated
pushing all the people.

7. Zemedhun , be brave those who are more concerned for their individual names will laugh today and will be in hell tomorrow.God will judge all of us.

8. In this fasting period Jesus was also fasting, have a nice fasting time. God will be with you zemedhun and all your children from all over the world are with you support your ideas and pray for you.

9.It is the word of God that happens to you, the judges of this world will do this to innocent people. Any people who has freedom of faith can do so but not being using the name of orthodox so those who are not following orthodox they can leave and do their other faith.

Be more braver and knowledgeable to judge what is occurring ,do not judge blindly, have evidence and clear mind before judging.

ብዕሩ ዘ-አትላንታ said...

ፍትህ ለአንድ ግለሰብ ሲሠራ ለቤተ ክርስቲያን ሰላምና ደኅንነት አለመሥራቱ ያሳዝናል። መምህር ዘመድኩን የታገለዉ ለግል ሕይወቱ ሳይሆን ለታላቋ የኢትዮጵያ ኦርቶዶክስ ተዋህዶ ቤተ ክርስቲያን ሥርዓት ና እምነት መጣስ ብሎም ለምእመኑ ሰላማዊ ሕይወት መናጋት ነዉ። ምን አገባዉ እንዳይባል በሙያዉ የቤተ ክርስቲያንቱ መምህር ነዉና ያገባዋል። ተምሮም የተመረቀዉ እንደ በጋሻዉ ያሉ ዉሉደ መናፍቃን ሲነሱ መልስ ለመስጠትና ሕዝቡን (ምእመኑን) በሃይማኖቱ ለማጽናት ነዉ። የግለሰብ የሃይማኖት ህገ መንግሥታዊ መብት ሲከበር ? የምእመናን (በክርስቶስ ክርስቲያን የተሰኙ ሕዝቦች) በኢትዮጵያ የፍትህ ዳኝነት ዉስጥ ቦታ ማጣታቸዉ ያሳዝናል። ለነገሩ ለአንድ አባ ጳዉሎስ ክብር ተብሎ ቅዱስ ሲኖዶሱስ እየታሸና መብት ተነፍጎት እያየን አይደል። ደግነቱ የበጋሻዉ የሃይማኖት ህገ መንግሥታዊ መብት መከበር ሲጤን የተነሳበትንና ያለበትን የሃይማኖት ችግር ያሳያልና የጀርባ አጥንቱ ከወዴት እንደሆነ ለመለየት አይቸግርም። በዚህ አጋጣሚ አባ ጳዎሎስንና አባ ፋኑኤልን “ እንኳን ደስ አላችሁ” እላለሁ የመንፈስ ልጃችዉ በጋሻዉ ነጻ ተለቋልና። ብዕሩ ዘ-አትላንታ

Anonymous said...

ለመምህር ዘመድኩን አግዛብሔር አምላክ ጽናቱን ይስጠው። ትልቅ አባባል አርሱ የድርሻውን ተወጣ አኛ ሁላችንም አንደርሱ ሀላፊነታችንን ብንወጣ የቤተክርስቲያናችንን ችግር መቅርፍ አንችላለን። የቅዱሳን አምላክ ቤተክርስቲያናችንን ይጠብቅ።

Anonymous said...

ለመምህር ዘመድኩን አግዛብሔር አምላክ ጽናቱን ይስጠው። ትልቅ አባባል አርሱ የድርሻውን ተወጣ አኛ ሁላችንም አንደርሱ ሀላፊነታችንን ብንወጣ የቤተክርስቲያናችንን ችግር መቅርፍ አንችላለን። የቅዱሳን አምላክ ቤተክርስቲያናችንን ይጠብቅ።

Anonymous said...

May be God is sending him to prison, because He wants him to teach people who are in prison. So don't worry brother. God be with you. We will always remember you in our prayers.
I was just wondering though, what the "Betekihnet people" are saying about this. Isn't it their problem too? What are they doing? Not even one of them? What a shame...

Anonymous said...

ye

Anonymous said...

Aye!!! Aye!!! Aye!!! Amlakachen, Fetariachen, Medhanitachen Egziabher Amlack Lemen tewhern? Ebakehen Bekacheu belen. Awe Yeh Eko Yaba Pawlose Chiger Aydelem Egna Memenanu Yatefanew Tifat Ale. Kzia teatachen Eskaltemelesn dres Aba pawlesen yemesle mekecha END HIRODSE/ setonal. Ebacachehu Ye Ethiopia Kirstianoch be and leb honen Enselie. Ere Esachewen Anmelket. Aba pawloes Eko Enkuan Lemeher Zemedkun Gedamatena Adbarat Eyenededuna Eyatefu Gudayachew Aydelem. Lesachewm Entselie LEB Endesetachew. YMIASTULUBET LEB, YMIAGENAZBUBET AIMERO. Ere Ebakachu Enalkes. MEMEHER ZEMEDKUNE EWNET TENAGERE "YERASNE DERSHA TEWETA" E G A S....E G A S... ORTODOKES TEWAHIDO EGRIABHER YATSNASH.EMBETACHNIN TETEBEKESH.

Berhanu Melaku said...

ወንድማችን ዘመድኩን ይህ ይሁን ምንም አይደለም፤ አኩርተኽናል፥ ለእውነት ቁመሃል፥ በጸሎት ካንተ ጋር ነን። “እኔ ዛሬ ወደ እስር ስሄድ አባቶቼ ስለ ቤተ ክርስቲያን በተቀበሉት ፈተና ካገኙት ጸጋ በረከት እንደምሳተፍ አምናለኹ፡፡ በዚህም ደስ ይለኛል።” በእውነት ደስ ሊልህ ይገባል።
በአንድ ወቅት “የመስቀሉ ስር ቁማርተኞች” በማለት ሲፎክሩ የነበሩት ዛሬ የቁማሩ ተካፋይ ሲሆኑ እግዚአብሔር አንተን ከአባቶች ጸጋ በረከት እንድትካፈል መረጠህ። ይህች ውሸታም አለም ለቀጣፊዎች ምቹ ስለሆነች ነው እንጂ እንደ እግዚአብሔሩማ ቢሆን ቁማርተኞች ነበሩ መታሰርና መበተን የሚገባቸው።
እግዚአብሔር ችግረኞችን ይሰማልና በእስራት ያለውንም ሕዝቡን አይንቅም። መዝ 69:33
እግዚአብሔር ከአንተ ጋር ይሁን። አሜን።

Anonymous said...

OMG ye Ethiopia ferid betti hodam like end Begashaw nachew silezy ayasigerimim>>>

Anonymous said...

የጻድቃንና፡ሰማዕታት፡አምላክ፡መድኃኔ፡ዓለም፡ክር
ስቶስ፡በተጋድሎህ፡ያጽናህ፣ያጽናናህ፡ዲያቆን፡ዘመ
ድኩን።ተዋሕዶ-ኢትዮጵያ፡ከንተ፡ጋር፡ቆመናል።
አንተንና፡ቤተ፡ሰብህንም፡ከመደገፍ፡ወደ፡ኋላ፡አንልም!

የከሰሱህና፡የፈረዱብህ፡የሚፈረድባቸው፡ጊዜ፡ይመ
ጣል።ፈራጁም፡የተዋሕዶ፡አምላክ፡እግዚእነ፡ኢየሱ
ስ፡ክርስቶስ፡ነው።ታላቁ፡የፍርድ፡ቀን፡ቀርቧል!!

የተዋሕዶ-ኢትዮጵያ፡እንባ፡የሚታበስበት፡ጊዜ፡
ቀርቧል!በዋልድባ፣በአሰቦት፣በስልጢ፣በአላባና፡በየቦታው፡እየደረሰብን፡ያለውን፡ግፍና፡ሰቆቃ፡እውነተኛ፡ውና፡ዘላለማዊው፡ዳኛ፡እያስተዋለው፡ነው።

በጸሎት፡እንበርታ!እንተዛዘን፡እንደጋገፍ!!!

በእንተ፡እግዚእትነ፡ማርያም፡
መሐረነ፡ክርስቶስ።አሜን፣አሜን፡ወአሜን።


ሳሙኤል፡ዘአሰቦት

berhane said...

menm aybalem lesu sega new fetare yabertawe lena begashawe demo fetre melashune yestachew egzehabehare kegagare yehune

Anonymous said...

እግዚአብሔር አገልግሎትህን ይባርክልህ። እንደ ቀደሙት አባቶቻችን ስለ እምነትህ መሰዋእትነት መክፈልህ በረከትን እንደሚያሰጥህ በፍጹም አትጠራጠር። አንተ ስለ ሃይማኖትህ ይህን መስዋዕት ስትከፍል ዝም ብለው የሚያዩት የቤተክርስቲያን አባቶች ግን ይገርማል!

Anonymous said...

Imebrhan hoy lijishin atsnagniw..... yekidusan bereket kante ga yihun...

Anonymous said...

those who are defaming preachers will punish not only this lanet but also the new world. by by zemedekun close your mouth now

tariku said...

ኃጢአት አድርጋችሁ ስትጎሰሙ ብትታገሡ፥ ምን ክብር አለበት? ነገር ግን መልካም አድርጋችሁ መከራን ስትቀበሉ ብትታገሡ፥ ይህ ነገር በእግዚአብሔር ዘንድ ምስጋና ይገባዋል 1ኛ የጴጥሮስ መልእክት 2: 20

Anonymous said...

Egziabher Tsantun Ystew. It can be one means to preach Gospel in the prison. Lets continue standing for the peace of the church.

Anonymous said...

ወንድማችን በእስር ቤትም እ/ር ከእናቱ ጋር አለ አይዞህ። አንተ ለእኛ ትልቅ የቤት ስራ አስቀምጠሕልን ነው የሄድከዉ ከእንግዲህ አውደምህረታችንን የማስከበር የኛ ድርሻ ነው።
አ/ር ከአንተጋር ይሁን
ሸመልስ ከሀዋሳ

Ewunet tenagare said...

የሲላስና የጳውሎስን እስር ያድርግልህ

Anonymous said...

ለዚህ ዓለም ጥቅምና ክብር ለሚሯሯጥ አጭበርባሪ በቤተክርስቲያን ስርዓት መዳኘት፣ መከራከር ስለማያዋጣዉ በዚያ በሰፊዉ መንገድ ሄደ፡ በርካታ የዋሃንን አወዛገበ፡፡ ጊዜና ተጋድሎን ይጠይቃል እንጂ ቤተክርስቲያን በመናፍቃንና ጥቅመኞች የተቀናጀ ጥቃት እንዳሰቡት አትጠፋም፡፡
ለትክክለኛዋና ቀጥተኛዋ ቤተክርስቲያን በእዉነትና በእምነት ያለፍርሃት መመስከር እና በዚህ ተግባር ለእስር መብቃት ለገባዉ አማኝ ክብር ነዉ፤ ዘመድኩን ያንጻህ፤ ያጽናህ፡፡
ወልደትንሳዔ ወልደአረጋዊ

Anonymous said...

በክርስቲያኖች ላይ የሚደርሰው አፈናና እስር እነደቀጠለ ነው፡፡ በክብረመንግስት ወህኒ ቤት ከሌቦች ጋር ዝምድና የፈጠሩ የመንግስት ባለስልጣናት፤ ለእምነታቸው በመከራከራቸው ከ40 በላይ ክርስቲያኖች በግፍ ታስረው 12 ቀን አልፎአቸዋል.....ፍትህ የለ የህግ የበላይነት የለ የፍርድ ቤት ነጻነት የለ....እስቲ ጸልዩልን!!በክርስቲያኖች ላይ የሚደርሰው አፈናና እስር እነደቀጠለ ነው፡፡ በክብረመንግስት ወህኒ ቤት ከሌቦች ጋር ዝምድና የፈጠሩ የመንግስት ባለስልጣናት፤ ለእምነታቸው በመከራከራቸው ከ40 በላይ ክርስቲያኖች በግፍ ታስረው 12 ቀን አልፎአቸዋል.....ፍትህ የለ የህግ የበላይነት የለ የፍርድ ቤት ነጻነት የለ....እስቲ ጸልዩልን!!

Anonymous said...

ያሳዝናል
መ/ር ዘመድኵን ደግመህ በተግባራ መንፈሳዊነትን አስተማርከን
ቃለ ህይወት ያሰማህ

Anonymous said...

ለጥፋት የተዘጋጀት ከተማ ምንም ብትነገር አትሰማም እንዲሉ ሆኖ በዚሁ ብሎግ ላይ ዘመድኩን ሲዖልም የሚያወርደኝም ቢሆን አልታረቅም ብሏል ብላችሁ ዜና ስትሰሩ ተዉ! እርቅ ይሻላል፣ መታረቅ በሰውኛነት መከባበር እንጂ የሃይማኖት መለዋወጥና መጋራት አይደለም ብንል ጎበዙ፤ ደፋሩ፣ ሰማእቱ እያላችሁ ሃይማኖታዊ ሳይሆን በስሜትና በአንሸነፍም ድፍረት ለተነበያችሁት እስር ቤት አደረሳችሁት። ሊሆን ባልተገባው 5 ወራት የእስር ውሳኔ ካገኘም በኋላ ቢሆን የቅጣት ማቅለያ ሃሳብ አቅርቦ ወደ 3 ና 4 ወራት ዝቅ ቢልለት ወይም እስራቱ ወደ ገንዘብ እንዲቀየርለት መጠየቅ ሲገባው ዛሬም ሲዖልም እወርዳለሁ ባለው አቋሙ ላይ ጸንቶ፣ እናንተም ደግሞ ሰማእቱና ጀግናው ልጃችን ኦርቶዶክስን ሊያኮራ በተሰጠው ውሳኔ ጸንቶ የቅጣት ማቅለያ ሃሳብ አላቀርብም ብሎ በልበ ሙሉነት ተናግሯል ስትሉ አሞካሻችሁት። የሚያሳዝነው ደግሞ የቅጣት ማቅለያ ሃሳብ ከማቅረብ ይልቅ በይግባኝ ሙግቱን ለመቀጠል የተሻለ ነው ስትሉ ይግባኝ መጠየቅ ምንጊዜም ሁሉንም ነገር ያስቀራል ማለት ብቻ ሳይሆን የተወሰነው እንዲጸድቅ ወይም አንሷል ተብሎ ሊያስጨምር እንደሚችል ባለማሰብ የከዚህ በፊቱን ስህተት እንደገና በመድገም ሊጠናቀቅ እንደሚችል ያለማስተዋላችሁ እጅግ አስገርሞኛል። ከዚህ ሁሉ ምነው የቅጣት ማቅለያ አላቀርብም ብሏል የኛ ጀግና ከምትሉ የ5 ወራት እስራት ወደ2 እና 3 ወራት ዝቅ እንዲል ወይም ወደገንዘብ እንዲቀየር ያልመከራችሁት?
ኩሲን መሰላችሁብኝ!!

Anonymous said...

አውሬው በግልጽ መንቀሳቀስ ጀምሯል እውነትን አይወድም ትልቅ ፀሎት ያስፈልጋል ወንድማችን ያገኘው በረከት በስንክሳርላይ የምናነበውን ነው በሄደበት ቦታ እግዚአብሄር ሰው
አስፈልጎት ይሆናል ያበርታልን።

Tewahedo said...

መምህር ዘመድኩን ለተጋደልከው መንፈሳዊ ተጋድሎ ደሞዝህ ተክፍሎሃልና እንኳን ደስ ያለህ። ከዓለም ለዚያውም ከኢት/ያ ፍርድ ቤት የተለየ አንጠብቅም ነበር። ይህ መታሰር በእስር ቤት ላሉት ወንጌልን እንድትሰብክ ወይንም ታላቅ እውነትን በመያዛቸው ወደ እስር ቤት ተጥለው ካሉት ሚስጥር ሰምተህ ቤተክርስቲያንን ከመናፍቃን የመታደግ ድርሻህን እንድትወጣም ይሆናል።

መታሰርህ እና የተናገርከው ቃል የቪሲድህን ትክክለኛነት ያረጋገጠ ነው። የመታሰርህ ዜና ከተሰማበት ጊዜ ጀምሮ ህዝበ ክርስቲያኑ ቪሲድህን በድጋሜ ለማዳመጥ እየተራራጠ ነው። ስለነዲ/ን በጋሻው የሃይማኖት ህጸጽ ጥርጣሬ የነበራቸው አይናቸውን እንዲገልጡ አድርጓል።

ጽና በርታም። ከአባቶችህ ጳውሎስ እና ሲላስ ጋር የነበረ አምላክ ካንተም ጋር ነው።

Anonymous said...

“ሕገ መንግሥቱ ለግል ተበዳይ በሰጠው የአምልኮ መብት የመረጠውን እምነት የማራመድ ነጻነቱ መገደቡ” ፍርድ ቤቱ::
ለመሆኑ ፍርድ ቤቱ ለወንድም በጋሻው ይህን መብት ሲሰጠው ከ45,000,000 በላይ ለሚሆኑት የኦርቶዶክስ ተዋህዶ እምነት ተከታዮች ይህን መብታቸውን እየነፈጋቸው መሆኑን ያውቃል? አንድ ግለሰብ የመረጠውን እምነት የማራመድ መብት በህገ መንግስቱ አለው ማለት እራሱን ችሎ በሚንቀሳስቅስ የእምነት ተቋም ውስጥ ገብቶ የዚያን እምነት ተከታዮች እኔ የማራምደውን እምነት ተከተሉ ብሎ መንጋውን ለመበጥበጥ መሞከር ማለት አይደለም:: ያማ ፍትህ ባለበት ሃገር ቢሆን ኖሮ ትልቅ ወንጀል ነው:: እንኳን በአለም ደረጃ እውቅና ያለውን የእምነት ተቋም ቀርቶ አንድን ግለሰብ እቤቱ ሄዶ የኔን እምነት ተከተል ብሎ ከግለሰቡ ፍላጎት ውጭ ቢነዘንዘው ትልቅ ወንጀል ነው:: ወንድም በጋሻው በተከበረው የእምነት ተቋም ውስጥ ገብቶ ያደረገው ያንን ነው:: መ/ር ዘመድኩን ግን ቤተክርስቲያን የጣለችበትን ሃላፊነት ለመወጣት ሲል እጅግ በጣም በሰለጠነ መንገድ አባቶቻችን ለመናፍቃን ምላሽ ይሰጡበት በነበረው መንገድ ተገቢውን መልስ ነው የሰጠው:: እነኚህ 'ዳኞች' ባለፉት አሰርት አመታት ቢኖሩ ኖሮ አባቶቻችንን የሞት ፍርድ ይፈርዱባቸው ነበር ማለት ነው:: ለምሳሌ አለቃ አያሌው ታምሩ ለካቶሊኩ 'አባ' አየለ መልስ በሰጡበት 'መች ተለመደና ከተኩላ ዝምድና' በሚለው መጽሃፋቸው የስቅላት ፍርድ ይበይኑባቸው ነበር ማለት ነው:: ለሁሉም እውነተኛ ፈራጅ የሆነው እግዚአብሔር ዝም አይልም:: በአንድም በሌላም መንገድ ለሁሉም ተገቢውን ቅጣት ይሰጠዋል:: በቀጥታም ሆነ በተዘዋዋሪ መንገድ በዚች ቅድስት ቤተክርስቲያን ላይ እጃችሁን የቀሰራችሁ ሰዎች እጃችሁን ብትሰበስቡ ይሻላችኋል:: እግዚአብሔር የምህረት አምላክ ስለሆነ ነው የታገሰን:: እውነተኛ ፍርዱን የሰጠን ቀን ግን መከራው ለልጅ ልጆቻችን ይተርፋል:: በቤተክርስቲያን ላይ የተቀሰረ እጃችሁን ሰብስቡ:: እግዚአብሔር ፍርዱን ለመስጠት አይዘገይም::

HIRUT AYANO said...

Egiziabiher lante yadelewin bereket lenem yadilegn zend eleminewalew!!!! kale hiywet yasemalin AMEN!!!! ORTODOX TEWAHIDO HAYMANOTE!!!!!

HIRUT AYANO
SOUTH DAKOTA

Anonymous said...

ወንድማችን እንኳን ደስ ያለህ!! በጥቂቱ በመታመንህና እንደ አብዛኛዎቻችን መክሊትህን ባለመቅበርህ እነሆ በአደባባይ ተሾምክ። ነገር ግን እንዳትታበይበት። ቀማኛና ሌባ በነጻ በሚለቀቅበትና ለሃገራቸውና ለቤተክርስቲያናቸው እውነት የሚናገሩና የሚሠሩ ከሚዋረዱበት ፍርድ ቤት ከዚህ የተለየ ምን እንጠብቅ ኖሯል?
ቅዱስ አባታችን! ለአባ ሰረቀ የጻፉትን የክስ ማገጃ ደብዳቤ በዚህ ወቅት ለመጻፍ ለምን ተቸገሩ ይሆን? ለእርስዎም ልቦና ለቤተክርስቲያንም ዕውነተኛ አባት ይስጥልን።

እነ በጋሻው ማንነታችሁን እየገለጣችሁ በመምጣታችሁ እናመሰግናለን። ከአሁን በኋላ የምታታልሉት አይኖርም፤

Anonymous said...

ወንድማችን ዘመድኩን ይህ ይሁን ምንም አይደለም፤ አኩርተኽናል፥ ለእውነት ቁመሃል፥ በጸሎት ካንተ ጋር ነን። “እኔ ዛሬ ወደ እስር ስሄድ አባቶቼ ስለ ቤተ ክርስቲያን በተቀበሉት ፈተና ካገኙት ጸጋ በረከት እንደምሳተፍ አምናለኹ፡፡ በዚህም ደስ ይለኛል።” በእውነት ደስ ሊልህ ይገባል።
በአንድ ወቅት “የመስቀሉ ስር ቁማርተኞች” በማለት ሲፎክሩ የነበሩት ዛሬ የቁማሩ ተካፋይ ሲሆኑ እግዚአብሔር አንተን ከአባቶች ጸጋ በረከት እንድትካፈል መረጠህ። ይህች ውሸታም አለም ለቀጣፊዎች ምቹ ስለሆነች ነው እንጂ እንደ እግዚአብሔሩማ ቢሆን ቁማርተኞች ነበሩ መታሰርና መበተን የሚገባቸው።
እግዚአብሔር ችግረኞችን ይሰማልና በእስራት ያለውንም ሕዝቡን አይንቅም። መዝ 69:33
እግዚአብሔር ከአንተ ጋር ይሁን። አሜን።

ዘ ሐመረ ኖህ said...

መምህር ዘመድኩን ሆዳቸው አምላካቸው የሆኑ ሰባኪያንና አባት ተብዬዎች በበዙበት አንተ ለእውነትና ለተዋህዶ እምነታችን የከፈልከው ዋጋ ከፍተኛ ነው ሐዋርያትም በግፍ ታስረዋል በግፍ ተፈርዶባቸዋል ነገር ግን በክርስቶስ ሁሉን ድል አድርገዋል በዚህም ዘላለማዊውን ፀጋና ክብር አግኝተዋል አንተም የዚህ ፀጋና ክብር ተካፋይ ከመሆንህም በላይ ተምሳሌታችንም ነህ ለጊዜው ፍትህን በገንዘብ በመግዛት ምድራዊና ሰይጣናዊ ደስታ ቢያገኙም ከሳሽም ዳኛም ከሰማያዊ ፍርድ አያመልጡም ለተዋህዶ እምነታቸው የሚታሰሩና የሚሰቃዩ ሁሉ ሰማያዊ ዋጋቸው አይጠፋም ነገር ግን ሁላችንም የድርሻችንን ልንወጣ ግድ የሚልበት ዘመን ከመጣ ቢቆይም እድለኞች ከሆንን ለሰማእትነት የምንበቃበት ጊዜ ላይ ቆመናል ስለዚህ ሰማእትነት እንዳያመልጠን እንትጋ

Wolet Mariam KeDallas said...

1. YeEthiopia Amlak, Yetwahido Amlak Betekrstianachnen Yetebekelen.
2. Endene Memeher Zemedhun Yalu Wondmochin Yefterlen.
3. Aba Pawlosen Egziabher Aemro, Netsoeh LEB Yestelen.
4. Aremene Yemidergewn wesarue eyadergu newna Ebakeh Fetariachen "Ymiaderguten Ayawkum Enal Yeker Blelen".
5. Ahunma KeBegashw besteker Hulume America Eykobelelu New. Yemitawoku Eyemeselachew Dallas Michalem Eyetau new Enenka.
6. Memehre Zemedkune Egiziabher Yatsnaeh.Enga Hulem Kante Gare Nene. Lebetesebochehm Endante banhonem Abren Kgonachew Enhonalen.
7. Ene sasebew Yebetekrstianachin Andenet Yebelet Ymitenakerebet Gize Ahun Yemeslengal.
8. Entselie, Enalkese, Labrhame Yegbaleten Kalkidane Endifesemelen.
9. Begashew, Ante Getawn Be30 birr Endeshetew kehadie nehena Ahnuno Neseha Geba. Erashen Meremer, Tawkewaleh Twkewaleh.
10. Azia Aba Pawlos Azeh Aba Fanuel Artodokes Tewahdo Emnetachnene, Bete Kristianachnene Endamesachut Amlakachen Firdachune bekerbe ken YeEthiopia Amlak YASAYEN.
11. YEBETEKRSTIANACHNENE TENSAYE YEKDUSAN AMLAK BEKERBU YASAYEN
12. Wgenoche Ebakaceh Enalkes, Egziabher Enbachinen Yayale, Zemem Aylenem.

13 Yekedemu Abatochachne Tselot Yeredan. Yembetachne Yedengle Woladite Amlake Tselotena Melga Ayleyen

Wosebhat L E G Z I A B H E R!!!

Wolet Mariam KeDallas.

Anonymous said...

This is a courage for the servitude of Truth. What we have seen for the last 20 years is benefiting the minors and/or individuals rather than the collective interests of the group. Woyane benefits individuals; the law stands up and protects the outlaws.

That is the experience of Our Ethiopia.

Three months 3 days. Keep your soul up! Berta!!!

Anonymous said...

ሆዳቸው አምላካቸው የሆኑ ግለሰቦች አጠፋፋቸው የከፋ ይሆናል
አቡነ ጳውሎስና መሳዮቹን ጨምሮ፡ስለእውነትና ስለቤተክርስቲያን
የቆመ ግን ዕውነት እላለሁ የዘላለም ህይወትን ይወርሳታል፡መምህር ዘመድኩን ነገም ቢሆን የቤተክርስቲያን እሾሆች ስራቸውን ከማጋለጥ እንደማትቆጠብ ሙሉ ዕምነቴ ነው፡ለነገ መውደቂያችን ለቤተክርስቲያን የምንቆረቆር ምዕመናን ሁሉ ለቤተክርስቲያናችን እንቁም እንደወንድማችን መስዋዕት እንክፈል
ዋጋችን በሰማይ ቤት ነውና፡፡

Mese said...

Sew le Eg/r hiyaw kal be winet mekom alebet , bergit ende christian manim telat yehonen sew enkuan bitaser des ayasegnim , neger gin wedajim bihon katefa metaser yelebetim
malet yelebinim mikinyatum firdu bewinet ke Eg/r silehone le nisha endihonlet metseley yishal enji ende ras filgot tegebi yalhone asteyayet mestet tiru aydelem , personally be zemediku metaser ende 1 christain bazinim neger gin katefaw anitsar meketatu gin tegebi new elalew. Ene bizu gize lewinet yalkomu sewoch yemiseteut asteyayet yigermegnal , sewin minim binwedewim lemin welaj enatachin atohnim tifatuan bemedebek kesua gar metebaber yelebinim. Finally ye sewoch aymro min yahil kifat endalew yemredaw .memhir zemedkun benetsa bifeta noro Ewinet arnet awetaw, ewinetin yeyaze silhone new fird betu yefetaw , Eg/r kesu gar silehone eredaw enlilan , demo firdu tekeyro Esir siferedbet , hawaryatim motina engilit dersobachewl bante altejemerem , yemotelinim Kirstos yale hatiyatu new yeteferdebet enlalen , tadiya min aynet fird bihon new legna yemitmen wegenochie ?? ebakachihu negerochin hulu endemenfesawi sew enmermir . be metsafe ASTER 3 :1 jemro ye merdokiyosin tarikina ye HAMAn tarik legna misale yihonenal beka hama le merdokiyos bekifat befetsemew tenkol erasu telalifo tesetobetal . Silezih bewegntegninet sayhon begzaber kal meseret asteyayet binset yishalal . lewndmachin zemedkun ESRU kirstosin yemyagegnibet wede nesha yemimelesbet yadrgilet !!

Anonymous said...

"ዛሬ ወደ እስር ስሄድ አባቶቼ ስለ ቤተክርስቲያን በተቀበሉት ፈተና ካገኙት ጸጋ በረከት እንደምሳተፍ አምናለሁ። በዚህም ደስ ይለኛል።"
ተመስገን ያጣነው እንዲህ ያለ ትጉህ አገልጋይ ነበር እመብርሃን ካንተጋር ትሁን!የቅዱሳን አምላክ ጽናት ያድልህ!!!

በዚህ ከበፊቱ ይልቅ በርትተን ቤተክርስቲያናችንን እንጠብቃለን፥ፈጣሪ ከእኛ ጋር ይሁን።

asbet dngl said...

ለመምህር ዘመድኩን አግዛብሔር አምላክ ጽናቱን ይስጠው። ትልቅ አባባል አርሱ የድርሻውን ተወጣ አኛ ሁላችንም አንደርሱ ሀላፊነታችንን ብንወጣ የቤተክርስቲያናችንን ችግር መቅርፍ አንችላለን። የቅዱሳን አምላክ ቤተክርስቲያናችንን ይጠብቅ::

Anonymous said...

ቅዱስ አግናጥዮስ ምጥው ለአንበሳ በትራጃን ፊት

ቅዱስ አግናጥዮስም የንጉሥን አዋጅ በመቃወም እና ሌሎችም እንዲሁ አዋጁን እንዲጥሱ በማነሳሳት ወንጀል በሚል በራሱ በትራጃን ተከሶ ተይዞ ፊቱ ቀረበ፡፡ በዚያን ጊዜ ቅዱስ አግናጥዮስ ምንም ሳይፈራ በቆራጥነት የክርስቶስን ስም መመስከር ጀመረ፡፡ በመንፈስ ቅዱስ ተመልቶ በትራጃን ፊት በፍጹም ብርታትና በርቱዕ አንበደት በደስታ ነበር ስለ ክርስቶስ የሚመሰክረው፡፡

 ትራጃን፡- አንተ ማነህ! አንተ ርኩስ ርጉም የእኛን ትዕዛዝ የምትጥስና ሌሎቹም እንዲሁ እንዲያደርጉ የምታሳምን የምታሳምጽና በአሰቃቂ ሞት እንዲሞቱ የምታደርግ?

 ቅዱስ አግናጥዮስ፡- ማንም ቴኦፎሮስን ርጉም ብሎ የሚጠራው የለም፡፡ ሁሉም ርኩስ መንፈሶች ከእግዚአብሔር አገልጋዮች ተለይተዋል፡፡ ምክንያቱም እኔም የእነዚህ መንፈሶች ጠላት ነኝ፡፡ ነገር ግን አንተ እነርሱን በማክበር እኔን ርኩስ አልከኝ፡፡ ይሁን እንጂ ሰማያዊ ንጉሥ የሆነ ክርስቶስ በእኔ ላይ አለ፤ በእርሱም እነዚህን የርኩስ መንፈስ መሣሪያዎች በሙሉ አጠፋቸዋለሁ፡፡
 ትራጃን፡- ማነው ቴኦፎሮስ?

 ቅዱስ አግናጥዮስ፡- ኢየሱስ ክርስቶስ በውስጡ ያለው እርሱ ነው ቴኦፎሮስ፡፡

 ትራጃን፡- በእኛ አእምሮ ያለው አምላክ ላንተ አምላክ አይመስልህም ማለት ነው? በጦርነት ጊዜ በጠላቶቻችን ላይ ድል እንድናገኝና እንድንደሰት የሚረዱን እነርሱ አማልክት አይደሉም?

 ቅዱስ አግናጥዮስ፡- የሀገሩን ሁሉ አጋንንት እየጠራህ አምላክ የምትል አንተ በስህተት ውስጥ ነው ያለህ፡፡ ነገር ግን ሰማይና ምድርን ውኃንና በውስጧ ያሉትንም ሁሉ የፈጠረ አንድ እግዚአብሔር አለ፡፡ እርሱም እኔ በመንግሥቱ የምደሰትበት የእግዚአብሔር አንድያ ልጁ የሆነ አንድ ኢየሱስ ክርስቶስ ነው፡፡

 ትራጃን፡- አንተ የምትለው በጴንጤዊው በጲላጦስ ዘመን የተሰቀለውን ነው?

 ቅዱስ አግናጥዮስ፡- ስለ እኔ ኃጢአት ሲል የተሰቀለው የፍጥረታት ሁሉ ፈጣሪ አታላይና ተንኮለኛ የሆነውን ዲያቢሎስንም የፈጠረና በጥፋቱም እመቀ እመቃት እንዲወርድ የፈረደበትን፤ እርሱን በመከተል በልባቸው የተሸከሙትንም ሁሉ እንዲሁ እመቀ እመቃት እንዲወርዱ የሚፈርድባቸውን ኢየሱስ ክርስቶስን ማለቴ ነው፡፡

 ትራጃን፡- ስለዚህ እርሱ የተሰቀለው ባንተ አለ ማለት ነው?

 ቅዱስ አግናጥዮስ፡- በእርግጥ በእውነት ደግሞም ተጽፏል፤ እንዲህ ተብሎ፡- “በእነርሱም እኖራለሁ፣ በመካከላቸውም እመላለሳለሁ፣ አምላካቸውም እሆናለሁ፣ እነርሱም ሕዝቤ ይሆናሉ፡፡” ፡፡ እኔ የጌታዬ የመድኃኒቴ የኢየሱስ ክርስቶስ ካህን ነኝ፤ ለእርሱ የዘወትር መስዋዕትን አቀርባለሁ፡፡ እርሱ ስለ እኔ ፍቅር ሲል ራሱን መስዋዕት አድርጎ እንዳቀረበ እኔም ሕይወቴንም ለእርሱ መስዋዕት አድርጌ ለማቅረብ እመኛለሁ፡፡

ንጉሡም የቅዱስ አግናጥዮስን የጋለ ስሜት እና ለክርስቶስ የሚያሳየውን ፍቅር ተመልክቶ ሃሳቡን እንደማይቀይር በመረዳት በንዴትና በታላቅ ቁጣ ጮኸ፡፡ ይሁን እንጂ ቅዱስ አግናጥዮስ በአንጾኪያ ውስጥ ታላቅ ክብር ስለ ነበረው ሕዝቡ ረብሻና ሁከት እንዳያነሱ በማለት በአንጾኪያ አልቀጣውም፡፡ ነገር ግን ትራጃን “አግናጥዮስ የተሰቀለውን ክርስቶስን እንደ ተሸከመና በውስጡ እንዳለ አረጋግጧል፡፡ ስለዚህ ለሕዝቡ መቀጣጫ እንዲሆን በወታደሮች ታስሮ ወደ ታላቋ ከተማ ወደ ሮም ሄዶ ለተራቡ አናብስት እንዲሰጥ፡፡ ሕዝቡን ለማስደሰትና ለማርካት ሲባል ይህ እንዲሆን አዘናል” በማለት ፈረደበት፡፡ ቅዱስ አግናጥዮስ በምን አይነት ሞት እንደሚሞትና የት እንደሚሞትም አወቀ፡፡ ቅዱስ አግናጥዮስ ይህን ቃል በሰማ ጊዜ በደስታ ጮኸ፤ #ጌታ ሆይ አመሰግንሃለሁ፣ ባንተ ፍጹም ፍቅርን አገኝ ዘንድ ታከብረኝ ዘንድ ልክ እንደ ደቀ መዝሙርህ እንደ ቅዱስ ጳውሎስ በብረት ሰንሰለት እንድታሰር ፈቅደህልኛልና$ አለ፡፡ እንዲህ በደስታ እየተናገረ እያለ የብረት ሰንሰለቱን አመጡ፡፡ እርሱም ሰንሰለቱን ሳመው፡፡ ወዲያውም ወታደሮቹ አሠሩት፡፡ ከዛም በመጀመሪያ ስለ ቤተ ክርስቲያን ጸለየ፤ በጌታም ከዕንባ ጋር ለቤተ ክርስቲያን ሰላምታ አቀረበ፡፡

ትራጃን ያወጀውን አዋጅ የተቃወመ በሞት ቅጣት ይቀጣል ተብሎ ነበርና ቅዱስ አግናጥዮስ ነገሥታቱ ላቆሙት ጣዖት ክርስቲያኖች እንዳይሰግዱ በማስተማርና እርሱም ለጣዖታት እንደማይሰግድና ሞትን እንደ መረጠ በተግባር አረጋገጠ፡፡ ይልቁንም የፈረዱበት ሞት ወደ ክርስቶስ መሄጃ መሸጋገሪያ መሆኑን ለአንጾኪያ ቤተ ክርስቲያን ራሱን ምሳሌ በማድረግ በቃል ብቻ ሳይሆን በተግባርም አሳየ፡፡ ስለዚህ በእግር ሰንሰለት ታስሮ ወደ ሮም እንዲሄድ ስለ ተፈረደበት ወዲያውኑ እጅግ ቁጡ ኃይለኛና ጨካኝ የሆኑ ወታደሮች እያጣደፉት በእንዲህ ዓይነት ሁኔታ 4ዐ ዓመት ያገለገለባትንና የሚወዳትን አንጾኪያን ተሰናበታት፡፡ በአንጾኪያ ያሉ ሕዝበ ክርስቲያንም በአባታቸው በቅዱስ አግናጥዮስ መለየት አዝነው እያለቀሱ ፍቅራቸውን ለመግለጽ እየተጋፉ ሲከቡት ወታደሮቹ በተመለከቱ ጊዜ ጭካኔአቸውን ለሕዝቡ ለማሳየት የበለጠ እያንገላቱት ወደ ሮም መንገድ ጀመሩ፡፡

ዘመድኩን

ታድለሃል ትራጃን ቢፈርድብህ አንተ ግን በእርግጥ ከእውነት ያለ ሐሰት አግናጥዮስን ሆነሃል

Anonymous said...

ቅዱስ አግናጥዮስ ምጥው ለአንበሳ በትራጃን ፊት

ቅዱስ አግናጥዮስም የንጉሥን አዋጅ በመቃወም እና ሌሎችም እንዲሁ አዋጁን እንዲጥሱ በማነሳሳት ወንጀል በሚል በራሱ በትራጃን ተከሶ ተይዞ ፊቱ ቀረበ፡፡ በዚያን ጊዜ ቅዱስ አግናጥዮስ ምንም ሳይፈራ በቆራጥነት የክርስቶስን ስም መመስከር ጀመረ፡፡ በመንፈስ ቅዱስ ተመልቶ በትራጃን ፊት በፍጹም ብርታትና በርቱዕ አንበደት በደስታ ነበር ስለ ክርስቶስ የሚመሰክረው፡፡

 ትራጃን፡- አንተ ማነህ! አንተ ርኩስ ርጉም የእኛን ትዕዛዝ የምትጥስና ሌሎቹም እንዲሁ እንዲያደርጉ የምታሳምን የምታሳምጽና በአሰቃቂ ሞት እንዲሞቱ የምታደርግ?

 ቅዱስ አግናጥዮስ፡- ማንም ቴኦፎሮስን ርጉም ብሎ የሚጠራው የለም፡፡ ሁሉም ርኩስ መንፈሶች ከእግዚአብሔር አገልጋዮች ተለይተዋል፡፡ ምክንያቱም እኔም የእነዚህ መንፈሶች ጠላት ነኝ፡፡ ነገር ግን አንተ እነርሱን በማክበር እኔን ርኩስ አልከኝ፡፡ ይሁን እንጂ ሰማያዊ ንጉሥ የሆነ ክርስቶስ በእኔ ላይ አለ፤ በእርሱም እነዚህን የርኩስ መንፈስ መሣሪያዎች በሙሉ አጠፋቸዋለሁ፡፡
 ትራጃን፡- ማነው ቴኦፎሮስ?

 ቅዱስ አግናጥዮስ፡- ኢየሱስ ክርስቶስ በውስጡ ያለው እርሱ ነው ቴኦፎሮስ፡፡

 ትራጃን፡- በእኛ አእምሮ ያለው አምላክ ላንተ አምላክ አይመስልህም ማለት ነው? በጦርነት ጊዜ በጠላቶቻችን ላይ ድል እንድናገኝና እንድንደሰት የሚረዱን እነርሱ አማልክት አይደሉም?

 ቅዱስ አግናጥዮስ፡- የሀገሩን ሁሉ አጋንንት እየጠራህ አምላክ የምትል አንተ በስህተት ውስጥ ነው ያለህ፡፡ ነገር ግን ሰማይና ምድርን ውኃንና በውስጧ ያሉትንም ሁሉ የፈጠረ አንድ እግዚአብሔር አለ፡፡ እርሱም እኔ በመንግሥቱ የምደሰትበት የእግዚአብሔር አንድያ ልጁ የሆነ አንድ ኢየሱስ ክርስቶስ ነው፡፡

 ትራጃን፡- አንተ የምትለው በጴንጤዊው በጲላጦስ ዘመን የተሰቀለውን ነው?

 ቅዱስ አግናጥዮስ፡- ስለ እኔ ኃጢአት ሲል የተሰቀለው የፍጥረታት ሁሉ ፈጣሪ አታላይና ተንኮለኛ የሆነውን ዲያቢሎስንም የፈጠረና በጥፋቱም እመቀ እመቃት እንዲወርድ የፈረደበትን፤ እርሱን በመከተል በልባቸው የተሸከሙትንም ሁሉ እንዲሁ እመቀ እመቃት እንዲወርዱ የሚፈርድባቸውን ኢየሱስ ክርስቶስን ማለቴ ነው፡፡

 ትራጃን፡- ስለዚህ እርሱ የተሰቀለው ባንተ አለ ማለት ነው?

 ቅዱስ አግናጥዮስ፡- በእርግጥ በእውነት ደግሞም ተጽፏል፤ እንዲህ ተብሎ፡- “በእነርሱም እኖራለሁ፣ በመካከላቸውም እመላለሳለሁ፣ አምላካቸውም እሆናለሁ፣ እነርሱም ሕዝቤ ይሆናሉ፡፡” ፡፡ እኔ የጌታዬ የመድኃኒቴ የኢየሱስ ክርስቶስ ካህን ነኝ፤ ለእርሱ የዘወትር መስዋዕትን አቀርባለሁ፡፡ እርሱ ስለ እኔ ፍቅር ሲል ራሱን መስዋዕት አድርጎ እንዳቀረበ እኔም ሕይወቴንም ለእርሱ መስዋዕት አድርጌ ለማቅረብ እመኛለሁ፡፡

ንጉሡም የቅዱስ አግናጥዮስን የጋለ ስሜት እና ለክርስቶስ የሚያሳየውን ፍቅር ተመልክቶ ሃሳቡን እንደማይቀይር በመረዳት በንዴትና በታላቅ ቁጣ ጮኸ፡፡ ይሁን እንጂ ቅዱስ አግናጥዮስ በአንጾኪያ ውስጥ ታላቅ ክብር ስለ ነበረው ሕዝቡ ረብሻና ሁከት እንዳያነሱ በማለት በአንጾኪያ አልቀጣውም፡፡ ነገር ግን ትራጃን “አግናጥዮስ የተሰቀለውን ክርስቶስን እንደ ተሸከመና በውስጡ እንዳለ አረጋግጧል፡፡ ስለዚህ ለሕዝቡ መቀጣጫ እንዲሆን በወታደሮች ታስሮ ወደ ታላቋ ከተማ ወደ ሮም ሄዶ ለተራቡ አናብስት እንዲሰጥ፡፡ ሕዝቡን ለማስደሰትና ለማርካት ሲባል ይህ እንዲሆን አዘናል” በማለት ፈረደበት፡፡ ቅዱስ አግናጥዮስ በምን አይነት ሞት እንደሚሞትና የት እንደሚሞትም አወቀ፡፡ ቅዱስ አግናጥዮስ ይህን ቃል በሰማ ጊዜ በደስታ ጮኸ፤ #ጌታ ሆይ አመሰግንሃለሁ፣ ባንተ ፍጹም ፍቅርን አገኝ ዘንድ ታከብረኝ ዘንድ ልክ እንደ ደቀ መዝሙርህ እንደ ቅዱስ ጳውሎስ በብረት ሰንሰለት እንድታሰር ፈቅደህልኛልና$ አለ፡፡ እንዲህ በደስታ እየተናገረ እያለ የብረት ሰንሰለቱን አመጡ፡፡ እርሱም ሰንሰለቱን ሳመው፡፡ ወዲያውም ወታደሮቹ አሠሩት፡፡ ከዛም በመጀመሪያ ስለ ቤተ ክርስቲያን ጸለየ፤ በጌታም ከዕንባ ጋር ለቤተ ክርስቲያን ሰላምታ አቀረበ፡፡

ትራጃን ያወጀውን አዋጅ የተቃወመ በሞት ቅጣት ይቀጣል ተብሎ ነበርና ቅዱስ አግናጥዮስ ነገሥታቱ ላቆሙት ጣዖት ክርስቲያኖች እንዳይሰግዱ በማስተማርና እርሱም ለጣዖታት እንደማይሰግድና ሞትን እንደ መረጠ በተግባር አረጋገጠ፡፡ ይልቁንም የፈረዱበት ሞት ወደ ክርስቶስ መሄጃ መሸጋገሪያ መሆኑን ለአንጾኪያ ቤተ ክርስቲያን ራሱን ምሳሌ በማድረግ በቃል ብቻ ሳይሆን በተግባርም አሳየ፡፡ ስለዚህ በእግር ሰንሰለት ታስሮ ወደ ሮም እንዲሄድ ስለ ተፈረደበት ወዲያውኑ እጅግ ቁጡ ኃይለኛና ጨካኝ የሆኑ ወታደሮች እያጣደፉት በእንዲህ ዓይነት ሁኔታ 4ዐ ዓመት ያገለገለባትንና የሚወዳትን አንጾኪያን ተሰናበታት፡፡ በአንጾኪያ ያሉ ሕዝበ ክርስቲያንም በአባታቸው በቅዱስ አግናጥዮስ መለየት አዝነው እያለቀሱ ፍቅራቸውን ለመግለጽ እየተጋፉ ሲከቡት ወታደሮቹ በተመለከቱ ጊዜ ጭካኔአቸውን ለሕዝቡ ለማሳየት የበለጠ እያንገላቱት ወደ ሮም መንገድ ጀመሩ፡፡

ዘመድኩን

ታድለሃል ትራጃን ቢፈርድብህ አንተ ግን በእርግጥ ከእውነት ያለ ሐሰት አግናጥዮስን ሆነሃል

Anonymous said...

ቅዱስ አግናጥዮስ ምጥው ለአንበሳ በትራጃን ፊት

ቅዱስ አግናጥዮስም የንጉሥን አዋጅ በመቃወም እና ሌሎችም እንዲሁ አዋጁን እንዲጥሱ በማነሳሳት ወንጀል በሚል በራሱ በትራጃን ተከሶ ተይዞ ፊቱ ቀረበ፡፡ በዚያን ጊዜ ቅዱስ አግናጥዮስ ምንም ሳይፈራ በቆራጥነት የክርስቶስን ስም መመስከር ጀመረ፡፡ በመንፈስ ቅዱስ ተመልቶ በትራጃን ፊት በፍጹም ብርታትና በርቱዕ አንበደት በደስታ ነበር ስለ ክርስቶስ የሚመሰክረው፡፡

 ትራጃን፡- አንተ ማነህ! አንተ ርኩስ ርጉም የእኛን ትዕዛዝ የምትጥስና ሌሎቹም እንዲሁ እንዲያደርጉ የምታሳምን የምታሳምጽና በአሰቃቂ ሞት እንዲሞቱ የምታደርግ?

 ቅዱስ አግናጥዮስ፡- ማንም ቴኦፎሮስን ርጉም ብሎ የሚጠራው የለም፡፡ ሁሉም ርኩስ መንፈሶች ከእግዚአብሔር አገልጋዮች ተለይተዋል፡፡ ምክንያቱም እኔም የእነዚህ መንፈሶች ጠላት ነኝ፡፡ ነገር ግን አንተ እነርሱን በማክበር እኔን ርኩስ አልከኝ፡፡ ይሁን እንጂ ሰማያዊ ንጉሥ የሆነ ክርስቶስ በእኔ ላይ አለ፤ በእርሱም እነዚህን የርኩስ መንፈስ መሣሪያዎች በሙሉ አጠፋቸዋለሁ፡፡
 ትራጃን፡- ማነው ቴኦፎሮስ?

 ቅዱስ አግናጥዮስ፡- ኢየሱስ ክርስቶስ በውስጡ ያለው እርሱ ነው ቴኦፎሮስ፡፡

 ትራጃን፡- በእኛ አእምሮ ያለው አምላክ ላንተ አምላክ አይመስልህም ማለት ነው? በጦርነት ጊዜ በጠላቶቻችን ላይ ድል እንድናገኝና እንድንደሰት የሚረዱን እነርሱ አማልክት አይደሉም?

 ቅዱስ አግናጥዮስ፡- የሀገሩን ሁሉ አጋንንት እየጠራህ አምላክ የምትል አንተ በስህተት ውስጥ ነው ያለህ፡፡ ነገር ግን ሰማይና ምድርን ውኃንና በውስጧ ያሉትንም ሁሉ የፈጠረ አንድ እግዚአብሔር አለ፡፡ እርሱም እኔ በመንግሥቱ የምደሰትበት የእግዚአብሔር አንድያ ልጁ የሆነ አንድ ኢየሱስ ክርስቶስ ነው፡፡

 ትራጃን፡- አንተ የምትለው በጴንጤዊው በጲላጦስ ዘመን የተሰቀለውን ነው?

 ቅዱስ አግናጥዮስ፡- ስለ እኔ ኃጢአት ሲል የተሰቀለው የፍጥረታት ሁሉ ፈጣሪ አታላይና ተንኮለኛ የሆነውን ዲያቢሎስንም የፈጠረና በጥፋቱም እመቀ እመቃት እንዲወርድ የፈረደበትን፤ እርሱን በመከተል በልባቸው የተሸከሙትንም ሁሉ እንዲሁ እመቀ እመቃት እንዲወርዱ የሚፈርድባቸውን ኢየሱስ ክርስቶስን ማለቴ ነው፡፡

 ትራጃን፡- ስለዚህ እርሱ የተሰቀለው ባንተ አለ ማለት ነው?

 ቅዱስ አግናጥዮስ፡- በእርግጥ በእውነት ደግሞም ተጽፏል፤ እንዲህ ተብሎ፡- “በእነርሱም እኖራለሁ፣ በመካከላቸውም እመላለሳለሁ፣ አምላካቸውም እሆናለሁ፣ እነርሱም ሕዝቤ ይሆናሉ፡፡” ፡፡ እኔ የጌታዬ የመድኃኒቴ የኢየሱስ ክርስቶስ ካህን ነኝ፤ ለእርሱ የዘወትር መስዋዕትን አቀርባለሁ፡፡ እርሱ ስለ እኔ ፍቅር ሲል ራሱን መስዋዕት አድርጎ እንዳቀረበ እኔም ሕይወቴንም ለእርሱ መስዋዕት አድርጌ ለማቅረብ እመኛለሁ፡፡

ንጉሡም የቅዱስ አግናጥዮስን የጋለ ስሜት እና ለክርስቶስ የሚያሳየውን ፍቅር ተመልክቶ ሃሳቡን እንደማይቀይር በመረዳት በንዴትና በታላቅ ቁጣ ጮኸ፡፡ ይሁን እንጂ ቅዱስ አግናጥዮስ በአንጾኪያ ውስጥ ታላቅ ክብር ስለ ነበረው ሕዝቡ ረብሻና ሁከት እንዳያነሱ በማለት በአንጾኪያ አልቀጣውም፡፡ ነገር ግን ትራጃን “አግናጥዮስ የተሰቀለውን ክርስቶስን እንደ ተሸከመና በውስጡ እንዳለ አረጋግጧል፡፡ ስለዚህ ለሕዝቡ መቀጣጫ እንዲሆን በወታደሮች ታስሮ ወደ ታላቋ ከተማ ወደ ሮም ሄዶ ለተራቡ አናብስት እንዲሰጥ፡፡ ሕዝቡን ለማስደሰትና ለማርካት ሲባል ይህ እንዲሆን አዘናል” በማለት ፈረደበት፡፡ ቅዱስ አግናጥዮስ በምን አይነት ሞት እንደሚሞትና የት እንደሚሞትም አወቀ፡፡ ቅዱስ አግናጥዮስ ይህን ቃል በሰማ ጊዜ በደስታ ጮኸ፤ #ጌታ ሆይ አመሰግንሃለሁ፣ ባንተ ፍጹም ፍቅርን አገኝ ዘንድ ታከብረኝ ዘንድ ልክ እንደ ደቀ መዝሙርህ እንደ ቅዱስ ጳውሎስ በብረት ሰንሰለት እንድታሰር ፈቅደህልኛልና$ አለ፡፡ እንዲህ በደስታ እየተናገረ እያለ የብረት ሰንሰለቱን አመጡ፡፡ እርሱም ሰንሰለቱን ሳመው፡፡ ወዲያውም ወታደሮቹ አሠሩት፡፡ ከዛም በመጀመሪያ ስለ ቤተ ክርስቲያን ጸለየ፤ በጌታም ከዕንባ ጋር ለቤተ ክርስቲያን ሰላምታ አቀረበ፡፡

ትራጃን ያወጀውን አዋጅ የተቃወመ በሞት ቅጣት ይቀጣል ተብሎ ነበርና ቅዱስ አግናጥዮስ ነገሥታቱ ላቆሙት ጣዖት ክርስቲያኖች እንዳይሰግዱ በማስተማርና እርሱም ለጣዖታት እንደማይሰግድና ሞትን እንደ መረጠ በተግባር አረጋገጠ፡፡ ይልቁንም የፈረዱበት ሞት ወደ ክርስቶስ መሄጃ መሸጋገሪያ መሆኑን ለአንጾኪያ ቤተ ክርስቲያን ራሱን ምሳሌ በማድረግ በቃል ብቻ ሳይሆን በተግባርም አሳየ፡፡ ስለዚህ በእግር ሰንሰለት ታስሮ ወደ ሮም እንዲሄድ ስለ ተፈረደበት ወዲያውኑ እጅግ ቁጡ ኃይለኛና ጨካኝ የሆኑ ወታደሮች እያጣደፉት በእንዲህ ዓይነት ሁኔታ 4ዐ ዓመት ያገለገለባትንና የሚወዳትን አንጾኪያን ተሰናበታት፡፡ በአንጾኪያ ያሉ ሕዝበ ክርስቲያንም በአባታቸው በቅዱስ አግናጥዮስ መለየት አዝነው እያለቀሱ ፍቅራቸውን ለመግለጽ እየተጋፉ ሲከቡት ወታደሮቹ በተመለከቱ ጊዜ ጭካኔአቸውን ለሕዝቡ ለማሳየት የበለጠ እያንገላቱት ወደ ሮም መንገድ ጀመሩ፡፡

ዘመድኩን

ታድለሃል ትራጃን ቢፈርድብህ አንተ ግን በእርግጥ ከእውነት ያለ ሐሰት አግናጥዮስን ሆነሃል

sila tsion zim alilim said...

ABETU SILANTA KANUN HULU INGEDELALEN, INDEMITAREDUM BEGOCH TAKOTARIN. ZEMEDKUNIYE YE PAWULOS INA YE SILAS AMLAK KANTA GAR NAWUN AYIZOH. BE 21GNAW KIFLAZEM SAWUN SATFERA KIRSTOS BEDAMU LEMESERETAT BETEKRSTIAN YETAGELK NAHINA DES YIBALIH

Anonymous said...

Begalemota amalajinet dagnawu giltse adlo adergewal. Duros ke man min yitebeqal. Yewedeqewu Yehageritu yefitih sire'at yebelete tewarduwal.

Ye beyonce guide sewuye enkwan des alott. Niseha yalgebubetin edmewon egziabher yasatirew.

Le memihir zemedkun, tigistina tsinatun yistih.

Lebetesebochu asfelagiwun yemoral ena ye genzeb digaf madreg yinoribinal. behager bet yalachihu yihenin bitastebabiru.

Yohannes CA said...

መ/ር ዘመድኩን፡ እገዚአብሔር ይወድሃል፡፡ እስከመጨረሻው ያጽናህ፡፡ ፍርድ ከእገዚአብሔር ነው፡፡ ይሄም ለበጎ ነው፤ እግዚአብሔር ባንተ ሊሰራው የፈለገው ስራ መኖሩን ነው የሚጠቁመው፡፡ ቤተሰቦችህን እገዚአብሔር ይባርክልህ፡፡
ዮሐንስ ዘCalifornia

Anonymous said...

I think he should of given all the evidence to the synod, instead of taking the law of the synod unto himself,unfortunatly this is the price of bad mouthing people publicly.

Anonymous said...

I wish if I could to publish VCD #3

Anonymous said...

I wish if I could publish VCD#3

Anonymous said...

አሁን ግን ... ዝም አልልም : በፍጹም ዝም አልልም :: ባንድም በሌላ ጠላቶቸን እዋጋቸዋለሁ :: ዘመድኩን ባንተ ላይ መታሰርን የፈረደ : በቤተክርስትያን ላይ ውድቀትን ያወጀ መሆኑን በተዋህዶ የሚያምን ሁሉ ይረዳዋል:: ስራህ ደግሞ ካመንም አፋዳሽ ጳጳስና ፓትርይርክ ዲስኩር የበለጠ ቤተክርስትያንን የታደገ መሆኑን የተዋህዶ ልጆች ጠንቅቀን እናውቃለን::

እግዚአብሄር የቤተክርስትያንን የጠብቅ

Orthodoxawi said...

Egziabher Amlak bechernetu yigobignih. Talak sema'etinet newu!

Ye Kidusan Sema'etatin waga yadilih!

Tewahido Lezele'alem Tinur!

danf said...

YE ETHIOPIA FITIIH ASETAT NAW AYIGREMACHU. JIMMA BESHASHA HIZB KIRSTIAN TARDO MALS ALAGEGNNIM.
ABA SEREKE ATFITATAW YE FIRD KAN YEBETEKRSTIAN GUDAY NAW TABLO FILE TEZEGA. IYASUS INA IGZIABHERN ATKALAKLU TABLO LATAZARAW YEKIHIDET TIMHIRT WAYIM MISTRE SILASEN LAFALESU SAWOCH, BICHAWUN MALS SATO KA INKILF INDININAKA SILADARAGAN, FARADUBAT AYIGRAMACHU YE ETHIOPIA FIRD BET NAW

Anonymous said...

+++

እረ የፍትህ ያለህ? ማንነው የተበደለዉ? ለቤተክርስቲያን ጠበቃ የቆመ ይፈረድበታል:: አየ አገር? ለመምህር ዘመድኩን አግዛብሔር አምላክ ብርታቱን ይስጠው::

Anonymous said...

+++

እረ የፍትህ ያለህ? ማንነው የተበደለዉ? ለቤተክርስቲያን ጠበቃ የቆመ ይፈረድበታል:: አየ አገር? ለመምህር ዘመድኩን አግዛብሔር አምላክ ብርታቱን ይስጠው::

አበበ ንሥሬ said...

ወንድማችን ዘመድኩን በኢትዮጵያ ኦርቶዶክስ ምዕናን ስም ታስረሃልና ሁለት ስሜቶች ይሰሙኛል
1ኛው የልጆች አባትነህና በወላጅነቴ የልጆችህም አብሮ በመንፈስ መታሰር ያሳዝነኛል:: ይህም ሆኖ ግን የሁላችን አምላክ፡የተንገላታህለት አምላክ ውድ ባለቤትህንና ልጆችህን በየጊዜው እንደሚያጽናናቸው ሳስብ ታላቅ የመንፈስ እርካታ ይሰጠኛል
2ኛው ስሜቴ አንተን በማሳሰር የሌሎችንም አፍ ለመዝጋት የቋመጡ መናፍቃን ምንነታቸውን ያጋለጡ ይመስለኛል:: ምክንያቱም የክሱን መሰረት በሙሉ ትተን ይህ በቅድስት ስፍራ ተሰጥቶት የሚሰብክ ከእንግዲህ ወዲህ የትኛውም የኦርቶዶክስ የሱን ልፍለፋ ሊያዳምጥ ጊዜውን የሚያጠፋ ምዕመናን መኖር የለበትም:: ምክንያቱም የጌታችን የመድኃኒታችን ኢየሱስ ክርስቶስን ትዘዝ አፍርሷል:: ወንድሞቹን ለማስፈታት መታገል ሲገባው ወንድሙን አሳስሯል:: ወንድሙን በሃዛብ ፍርድ ቤት አቁሞ ተዳኛቷል:: ታዲያ ከእንዲህ አይነቱ ምህረትን ከማያውቅ ጨካኝ፣ዘመድኩን ባያሳዝኑት የዘመድኩን ትንሽዬ ፍሬዎቹ ያላሳዘኑት፡የዘመድኩን ሚስት ቤተሰብ ያላሳዘነው ጨካኝ!! እንዴት የክርስቶስ ባለሟል ሊሆን ይችላል? እኔ በበኩሌ የዚህን ሰው ጉድ በዘመድኩን አማካኝነት የተጋለጠ ይመስለኛልና ዘመድኩን የአባቾህን የመሰዋትነትን ክብር በማግኘትህ ደስ ሊልህ ይገባል::
ታዲያ ለዚህ በአገኘነው አጋጣሚ ሁሉ የዚህን መናፍቅ ጨካኝ መናፍቅ ምንነት አጋልጠን ቦታ ማሳጣት ይኖርብናል:: የሱን ስብከት ለሚሰሙ ሁሉ ጨካኝነቱን አጋልጠን በግቦና በጥቅማ ጥቅም የሚያገኛቸውን የቤተክርስቲያናችንን ስፍራዎች ከእንደነዚህ ተኳላዎች ማጽዳት ይገባናል:: በእውነት ከቆምን ማን ያሸንፈናል? እግዚአብሔር አምላካችን ከእኛ ጋር ከሆነ ማን ይቃወመናል?
ዘመድኩን እግዚአብሔር ከአንተና ከቤተሰቦችህ ጋር ይሁን:: አሜን::

Anonymous said...

አሁን ግን ... ዝም አልልም : በፍጹም ዝም አልልም :: ባንድም በሌላ ጠላቶቸን እዋጋቸዋለሁ :: ዘመድኩን ባንተ ላይ መታሰርን የፈረደ : በቤተክርስትያን ላይ ውድቀትን ያወጀ መሆኑን በተዋህዶ የሚያምን ሁሉ ይረዳዋል:

Anonymous said...

አይ አባ ጳውሎስ መች ይሆን ዘመኖት የሚገታው? ግን በየትኛውም ቦታ ያላችሁ አባቶች ጳጳሳት፤ ጤናማ አመለካከት ያላችሁ መነኮሳት (የዘመናችን እንደ አሸን የፈሉትን አጭበርባሪ ቆሞሳትን አይጨምርም) ቀሳውስት እና ዲያቆናት እንደው እስከመቼ ይሆን ዝምታችሁ? ነው ወይስ ፓትርያርክ ተብየው የሚሰራው ትክክል ነው ብላችሁ ነው? ወይስ እኛ ስለ ቤተክርስቲያን ያለን አመለካከት እና ትምህርት የተሳሳተ ነው? ያስተማራችሁን እኮ እናንተ ናችሁ። የመምህር ዘመድኩን በቀለ ቆራጥነት እኮ እናንተ ያስተማራችሁት ነው። ነገር ግን በተግባር የታለ? ምኑ ይሆን ያስፈራችሁ? የገነባችሁት ህንጻ? ልጆቻችሁ? ብትታሰሩ የመለስ ጁንታ የእስር ቤት ጠባቂዎች ግርፋት? እስኪ ንገሩኝ? ዘመድኩን እኮ በዕድሜ ወጣት፤ የትንንሽ ልጆች አባት፤ እሮጦ ያልጠገበ ልጅ ለእናንተን ለአስተማሪዎቹ ሊያስተምራችሁ ይኧው ሰማዕትነትን ጀመረ። የጥምቀት ተመላሽ ወጣቶች እግዚአብሄር የጠራቸው ሰማዕትነት እንዲቀበሉለት ነው። ወየው ለእናንተ! የት ይሆን መግቢያችሁ? ሰው መቸም ሰው ነውና ምቹ ነገር ይፈልጋል ግን ምነው የናንተ በዛ? እርግጠኞች ናችሁ የምታጋብሱት ወደፊት የእናንተ ለመሆኑ? መምህር ዘመድኩን አይዞህ የቁርጥ ቀን ወንድሜ፤ የተዋህዶ አርበኛ። አይዞህ አላማህ አላማችን የሆንን የተዋህዶ ልጆች በርካቶች ነን። ድሮም እነዚሁ ከላይ የጠቀስኳቸው አባቶች እንዳስተማሩን እኮ ቤተክርስቲያን ቀራንዮ ናት መስቀሉን መሸከም የግድ የሚለን ቦታ። ስለዚህ በርታ ወንድሜ። እኛም የቀደሙትን ዋነኞቻችንን እያሰብን እንበረታለን ከጎንህም እንቆማለን። የቅዱሳን አምላክ ያበርታህ ። ተጋድሎህን ያስፈጽምህ።

Anonymous said...

wendimachin memihir zemedikun egziabher amilakachin wagawin abizito yikifelilin. yene begashawin menafikinet yebelete asawikonal.

lele said...

yakirestena semone falegane nabare
yazamadekone family yamakora wande leje alachohe.lasaweme laAMELAKEHEM dase yametasage yaORTODOX berehane sawe bawahene yalotte tsaleyawe yehonale bale eredachawe

Anonymous said...

ወንድማችን ዘመድኩን መልካም አደረግህ! የክርስትና ሕይወት በፈተና የተሞላ ነው ከፈታኞቹም ዋናዎቹ ሐሰተኛ ወንድሞች ናቸው። ከፈተና በኋላ የሚገኘው ዋጋ ታላቅ ነውና ጽና ።
የታወቁ ሰባክያን የተባሉ ከሳሾችህና ምስክሮቻቸው በእርግጥ በሞንታርቦ ከታጀበ የቃል ስብከታቸውና በየመዝሙሩ መካከል የሰላም ቀሚስ ለብሰው ፣የሰላም መጽሐፍ ቅዱስ ጨብጠው ፣ የሰላም መስቀል በአንገታቸው አጥልቀው፣ የሰላም ጥቅስ እያነበቡ ካስተማሩን ክርስቲያናዊ ሕይወትና ፍቅር ይልቅ አሁን የበለጠ በተግባር ስለ ክርስትና ሕይወትና ፍቅር ትርጉም አስተማሩን! ወንድማቸውን በማሳሰር በአውደ ምህረትና በካሴት ያስተማሩን ክርስቲያናዊ ፍቅር ትርጉሙ ምን ድረስ እንደሆነም አሳዩን! ለካ መስበክና የሰበኩትን መኖር ሰማይና ምድር ናቸው!? እጅግ በጣም ያሳዝናል! የመጨረሻችንን ያሳምርልን የሚለው ጸሎት ለሰባኪውና ለተሰባኪው ሁሉ እንደሚያስፈልግ ዛሬ ገባኝ ።የወንድሞች ከሳሽ ከመሆን አምላካችን ይሰውረን አሜን!

symon said...

ወንድሜ ዘመድኩን!!! እንኳን ለዚህ ማእረግ አበቃህ በውነቱ ተዋህዶ መብቷ ተጥሶ ባለችበት ወቅት ሁሉም ለእጀራው ሲፍረከረክ ያንተን ገድል አየነው ።አይዞህ!! የነሲላስ አምላክ ይጠብቅህ ስራህ ግቡን መቷል ለሆዳቸው ያደሩ በዚህ ሥራቸው ለወደፊቱ እንደሚያፍሩ አትጠራጠር እግዚአብሄር ከአንተ ጋር ነው ።

Anonymous said...

እባካችሁ ሁላችንም የየድርሻችን እንወጣ ... በቤተክርስትያን ላይ የሚደረገውን እያየን ዝም አንበል :: በጠላቶቻችን ላይ መበርታት : በቤተክርስትያን ላይ ያነጣጠረን መዋጋት ክርስትያንያዊ ግዴታ መሆኑን ቸል አንበል :: ለቤተክርስትያን ደህንነትና መጎልበት የታተሩ ሲታሰሩ ዝም ማለት : ለቤተክርስትያን የታገሉ በጨለማ ውስጥ ሲጣሉ አለመቆጨት ካጽራረ ቤተክርስትያን የተለየ ምግባር አይደለም ::

እስኪ ... የዘመድኩንን ስራወች እንድናደምጥ ስራወቹን በ ኢንተርኔት ላይ ልቀቆቸው, ሰውም መልክቱን እንዳዲስ ይረዳ:: ታሰረ ብቻ ብላችሁ አታሳዝኑን ... በቁጭት አትግደሉን::

እግዚአብሄር ይርዳን

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)