March 13, 2012

የአሰቦት ገዳም ደን በ15 ቀናት ውስጥ ለሦስተኛ ጊዜ እየተቃጠለ ነው


·         እሳቱ ከአባ ሳሙኤል ገዳም 100 ሜትር ያህል ድረስ ተቃርቧል፤ የማኅበረ መነኰሳቱ የድረሱልን ጥሪ ቀጥሏል::
·         ኢሳዎቹ እሳቱን ለማጥፋት የመጣውን ሕዝብ በተኩስ ለማከላከል ሞክረዋል
·         የቃጠሎው መደጋገም በኢኮኖሚያዊ ጥቅም ያልተወሰነ የአክራሪዎች ሤራም ሊሆን እንደሚችል በሜኢሶ ወረዳ የሚታየው የጽንፈኞች ትንኮሳ ምልክት እየሰጠ ነው
·         በአሰቦት አቅራቢያ የሚገኝን ተራራ ለማልማት አንድ ሚልዮን ብር በጀት ተመድቧል

 (ደጀ ሰላም፣ መጋቢት 3/2004 ዓ.ም፤ ማርች  12/2012 READ IN PDF)፦ የካቲት 20 ቀን 2004 ዓ.ም ረፋድ፤ የአሰቦት ደብረ ወገግ ቅድስት ሥላሴ እና አቡነ ሳሙኤል ገዳም በወተት ምርትና ማድለብ ፕሮጀክት የሚተዳደርባቸውን ከ70 የማይበልጡ ከብቶች ለመዝረፍ ወደ ገዳሙ ክልል የገቡ የኢሳ ጎሳ አባላት ለመከላከል የተደረገውን ጥረት ተከትሎ በቅድስት ሥላሴ ቤተ ክርስቲያን አቅጣጫ በሚገኘው የገዳሙ ደን ላይ እሳት ተለኰሰበት፡፡ ለወትሮው በየወቅቱ በሚቀያየሩና ከማኅበረ መነኮሳቱ በተውጣጡ አራት፣ አራት መነኰሳት ዘብነት ከሚጠበቀው ገዳም ከብቶች ቢዘረፉ እንኳ እንደተለመደው በአካባቢ ሽምግልና እንዲመለሱ ይደረግ ነበር ምላሹ ሰደድ እሳት መልቀቅ ይሆናል ብሎ የጠበቀ አልነበረም፡፡

የካቲት 20 ቀን ረፋድ ላይ የተቀሰቀሰው እሳት የገዳሙ መነኰሳት፣ ከአቅራቢያውና ከአካባቢው የወረዳ ከተሞች በመጡ ምእመናን እንዲሁም በኦሮሚያ ፖሊስ ርብርብ ከሦስት ቀናት በኋላ የካቲት 22 ቀን ማምሻውን ለመግታት ተቻለ፡፡ ይሁንና “በቁጥጥር ሥር ውሏል” የተባለው እሳት ዐርብ፣ የካቲት 23 ቀን ማምሻውን በጻድቁ አቡነ ሳሙኤል ቤተ ክርስቲያን አቅጣጫ በሚገኘው ደን በኩል ዳግመኛ ተቀስቅሶ የነበረ ቢሆንም በማግሥቱ ቅዳሜ፣ የካቲት 24 ቀን ማምሻውን በቁጥጥር ሥር እንደዋለ ተነገረ፡፡ ይህን ጊዜ እንደ መንሥኤ የተጠቀሰው “በቀደመው ቃጠሎ ተዳፍኖ የቀረ ረመጥ በነፋሱ ምክንያት በመቀጣጠሉ ነው” የሚል ነበርና በቀጣዩ ቀን እሑድም የማጥፋቱ ሥራ ተጠናክሮ ቀጥሎ እንደ ነበር የዐይን እማኞች ገልጸዋል፡፡
ከመጋቢት ወር 2001 ዓ.ም ወዲህ በአንድ ሳምንት ለሁለተኛ ጊዜ የተቀሰቀሰውን ይህን ቃጠሎ በማጥፋቱ ሂደት የታየው አሳሳቢ ነገር የድርጊቱ ፈጻሚዎች ከኦሮሚያ ፖሊስ አቅም በላይ መሆናቸውን ያሳየ ነበር፡፡ ይኸውም ቃጠሎውን ለመከላከል በቻሉት ዕቃ ውኃ ሞልተው ከሜኢሶ እስከ አሰቦት ያለውን 17 ኪ.ሜ፣ አቋርጠው ከጻድቁ አቡነ ሳሙኤል ቤተ ክርስቲያን በስተምሥራቅ አቅጣጫ በሚታየው ተራራ ደን ውስጥ የሚነደውን ነበልባለ እሳት ለማጥፋት አቀበቱን በሚወጡ ምእመናን ላይ ተኩስ መከፈቱ ነው፡፡ ጾታ ሳይለይ ጫንቃቸው መሸከም የቻለውን ውኃ ተሸክመው ተራራውን በሚወጡት ምእመናን ላይ ኢሳዎቹ የከፈቱትን የማከላከል ተኩስ ለማስቆም የተቻለው ከጭሮ (አሰበ ተፈሪ) በመጣው የፌዴራል ፖሊስ አባሎች በተሰጠው አጠፌታ እንደ ሆነ ተዘግቧል፡፡
በዚህ ወቅት የምዕራብ ሐረርጌ ሀገረ ስብከት ሊቀ ጳጳስ ብፁዕ አቡነ ዳንኤል፣ ከጠቅላይ ቤተ ክህነት የካህናት አስተዳደር መምሪያ ሓላፊ መጋቤ ካህናት ኀይለ ሥላሴ ዘማርያም እና የሕዝብ ግንኙነት መምሪያ ምክትል ሓላፊ ሊቀ ኅሩያን ዳዊት ታደሰ በአካባቢው እንደነበሩ የተገለጸ ቢሆንም ቀድሞም ቢሆን በወረዳው መስተዳድርና ፖሊስ ሊፈታ ያልቻለውን ችግር መፍትሔ ሊያበጅሉት እንዳልቻሉ የሚያረጋግጠው ቃጠሎ ለሦስተኛ ጊዜ እንዳይደገምና እንዳይነሣ ከማድረግ አላገዱትም፡፡
ንት መጋቢት ሁለት ቀን 2004 ዓ.ም አሁንም ታላቁ የገዳሙ ደን ይዞታ በሚገኝበት የጻድቁ አቡነ ሳሙኤል ቤተ ክርስቲያን አቅጣጫ ቃጠሎው አገርሽቷል፡፡ ከቀኑ ዐሥር ሰዓት ላይ የተቀሰቀሰው ቃጠሎው ይህ ዜና እስከተጠናቀረበት ሰዓት ድረስ በቁጥጥር ሥር ለማዋል ባለመቻሉ ከፍተኛ የብዝኀ ሕይወት ሀብት ያለውና ለመናንያኑና መነኰሳቱ የጸሎትና መንፈሳዊ ተጋድሎ መካን የሆነውን ደን እያጠፋ ወደ አባ ሳሙኤል ገዳም 100 ሜትር ያህል ርቀት መቅረቡ ተነግሯል፡፡ የወረዳውን ባለሥልጣናት ለማግኘት እየተደረጉ ያሉ ሙከራዎች ስልካቸው በመጥፋቱና በቢሮ የሉም በመባሉ የማኅበረ መነኰሳቱ የድረሱልን ጥሪ በሀገረ ስብከት እና ወረዳ ቤተ ክህነት ጽ/ቤቶች እንዲሁም ለፖሊስ ብቻ አቤቱታቸውን ለማቅረብ ተገደዋል፡፡
የአካባቢው አስተዳደር ለችግሩ ያለውን አያያዝ ምፀታዊ የሚያደርገው በአሰቦት አቅራቢያ የሚገኝን አንድ ተራራ ለማልማት እስከ አንድ ሚልዮን ብር በጀት በመመደብ የጉድጓድ ቁፋሮ እያደረገ ባለበት ሁኔታ ጥብቅ/ነዋሪ ሆኖ የቆየው የአሰቦት ገዳም በተደጋጋሚ ሰው ሠራሽ ቃጠሎ እንዲጋይ የተፈረደበት መሆኑ ነው፡፡
በየምሽቱ ሦስትና አራት ሰዓት ገደማ ወደ ገዳሙ ክልል የሚገቡ ግለሰቦች (ጠራቢዎቹ) በአንድ በኩል ጨለማውን ለማራቅ በሌላ በኩል የመጡበትን የጭፍጨፋ ተግባር ጨርሰው እስኪወጡ ድረስ ቅዝቃዜውን ለማራቅ እሳት እንደሚያቀጣጥሉ ተገልጧል፡፡ እሳቱን ማጥፋታቸው ግድ አይሰጣቸውም፡፡ የቆረጡትን ግንድ ወደ ከተማ ወስደው ሠንጥቀው፣ ጠርበው ለተለያዩ አገልግሎት የሚውሉ ጣውላዎችን ያዘጋጁባቸዋል፡፡ ደኑ ከተቃጠለ በኋላ በሚቀረው ባድማ መሬት ላይ በሚበቅለው ሣር ላይም ከብቶቻቸውን ያሰማሩበታል፡፡ ይህ ሁሉ ሲሆን ከሕገ ወጦቹ መካከል በአግባቡ ተጠይቀው ርምጃ ሲወሰድባቸው እንደማይታይ ነው የአባቢው ነዋሪዎች የሚናገሩት፡፡
“የጉዳዩ መነሻ ከዚህም ያለፈ ነው” የሚሉ ሌሎች አስተያየት ሰጪዎች በበኩላቸው፣ ከአሰቦት ከተማ 17 ኪ.ሜ ላይ በሚገኘው ሜኤሶ ወረዳ ክርስትናን የሚያጥላሉ ንግግሮች ከመስጊድ ማድመጥ አዘቦታዊ ተግባር መሆኑን በመግለጽ÷ እኒህ ‹ስብከቶች› በቪሲዲ ኅትመቶች ወደ አሰቦት ወረዳ መሠራጨታቸውን የፈጠረው የአክራሪነት ዝንባሌ በገዳሙ ላይ ለሚፈጸመው ተደጋጋሚ የጥፋት ተግባር የፈጠረውን የጠርዘኝነት አእምሯዊ ሁኔታ በመንሥኤነት ይጠቅሳሉ፡፡ የሀገረ ስብከቱ ጽ/ቤት ሁኔታውን ከዞንና የወረዳ አስተዳደር ጋራ በመነጋገር ለማርገብ ጥረት ማድረጉ የተነገረ ቢሆንም በየጊዜው ከፓኪስታን ሠልጥነው ይመጣሉ በሚባሉ ቡድኖች/ግለሰቦች ምክንያት ችግሩ ከጊዜ ወደ ጊዜ በመባባስ ላይ መሆኑ ተዘግቧል፡፡
በ13ው መ/ክ/ዘ በቀናው የአሰቦት ደብረ ወገግ ቅድስት ሥላሴ እና አቡነ ሳሙኤል ገዳም መናንያን ባሕታውያንን፣ ወንዶች መነኰሳትንና ሴቶች መነኰሳዪትን ጨምሮ 170 የገዳሙ ማኅበር አባላት ይገኛሉ፡፡ ብዙዎቹ በዕድሜ የገፉ፣ በትኅርምት የሚኖሩ ናቸው፡፡
ከቃጠሎ አደጋው ባሻገር ከይዞታ በተያያዘ ከአንድ ግለሰብ ጋራ የፍ/ቤት ሙግት ላይ የሚገኘው ገዳሙ፣ በየጊዜው በሚያጋጥመው የገቢ አቅም መዋዠቅ ምክንያት እየተቋረጠ (በችግር ጊዜ መምህራን ወደ ከተማ እየተሰደዱ በደኅናው ጊዜ ስለሚመለሱ) የሚቀጥል የጉባኤ ትምህርት ይሰጥበታል፡፡ የገዳሙ ዋነኛ የመተዳደሪያ መንገዶች ከወተት ምርት እና ከብት ማድለብ፣ በገዳሙ አቅራቢያ ከሚካሄደው የማር ምርት እንዲሁም በከተማው በማኅበረ ቅዱሳን ከተተከለው የእህል ወፍጮ አገልግሎት በሚገኘው ገቢ መሆኑ ተመልክቷል፡፡

ቸር ወሬ ያሰማን፤
አሜን፡፡



10 comments:

መላኩ said...

"የአክራሪዎች ሤራም ሊሆን እንደሚችል" አይባለም ወገን። እስላሞች ለምን አትሉትም? ይህ ለዘመናት ሲካሄድ የቆየ፡ ሕዝበ ክርስትያን ታውሮ ላለማየት ተነግሮት ላለመስማት የቆየበት የሙስሊሞች የደን ቃጠሎ ጂሃድ እኮ ነው። ለክርስቶስ ጠላቶች መጠጊያ በመስጠታችን እግዚአብሔር ተቀየመን፡ ተጣላን። ይህን ሰይጣናዊ አምልኮት ካገራችን አሁኑኑ ለማጥፋት ካልታገልን ልጆቻችን መጥፎ ጊዜ ነው እየመጣባቸው ያለው። ኢትዮጵያ አገራችን ለልዑል እግዚአብሔር ሲባል ከዲያብሎሳዊው እስልምና መጽዳት አለባት፡ ወገን ጦርነት ላይ ነን ተነሱ እንነሳ!

Ewunet Tenagari said...

This is part and parcel of the broader policy planned by the ruling clique in Ethiopia to weaken The Orthodox Church which teaches about the unity of the country and the defense of its sovereignty that the group in the palace stands against. Sugar factory in and around Waldiba, ruining Asebot by conflagration, letting extremists burn churches and slaughter Christians by NOT taking serious measures to prevent it, and by allowing countless mosques to have been built the country, ETC... the so called 'government' is fully responsible for such disaster in that country. And you Dejeselam DO NOT RUN AROUND THE BUSH, JUST CALL A SPAD A SPAD!

Alfo ayichew said...

Midrawiw mengist hoy sile eminetu baygedihim sile sebawinet bileh ebakih sew ena ensisa endihum den ayilek.
Yesemayu Amlak gin kelay hulun yimeleketal weyolin min gud metabin Abetu!!!!!!!!!!!!!!!!!!!!!!!!!!!!

eyayu said...

Hizibe krstian endet senebetachihu
bezih beabiy tsom enkuan sint gud eyeseman new? be"20" ametat gize wusit sintu talalak gedamat adbarat yeAbinet timihirt betoch endayhon eyehonu new. yekedemut abatochis telat bemetabachew gize niwayate kidisatun bemenkebakeb abirew eyetesededu berehab eyeteketu ezih adirsewtal ahun eko enesun enkua lemetebek eyetesera yalew tenkol (sera)
1. Musium wust megbat alebachew eyetebale endewetu sayimelesu

2.le tourist gebi masgegna eyetebale debzachew eyetefa
3. betekrstian berasua mesrat sigebat metsehaftu eyetegelebetu (microfilm)behigewetinet eyewetu
silezih mindinew medereg yalebet yihinin zena saneb ye'ewinet enbayen tegniche enkuan makom aktognal. egna Orthodoxawiyan mognoch sanhon bizu tigist enabezalen bemehonum tikat eyechemerebin new.
Madreg sinoribachihu gin yaladeregachiu yesemay Amlak yifaredachihual.

Yimaren

asbet dngl said...

አባታችን ᎓ጌታችን᎓ የድንግል ማርያም ልጅ እባክህ ቦጉውን ወሪ የምንሰማበት ግዚ ቅርብ አርገው:: ይህ የእግዚአብሔር ቁጣ በኛ ላይ ነው እንጅ እስላሞች ወንድሞቻችንስ ቤሆኑ ለነሱ እምነት የሜበጅ ምን ጥሩ ነገር መጣ ብላችሁ ነው:: ይህ የሀይማኖት ጉዳይ ችግር መንግሥት በገለልተኝነት ቢመለከተውም ቅሉ እሳቱ ግን ከገዳምና ᎓ ከመስጌድ አልፎ ምኒሊክ ግቢ ሲገባ ይታየኛል:: ለሁሉም የድንግል ልጅ ፍርዱን እሩቅ አያርገው::አይዞችሁ እንበርታ ሁሉም በግዚው ያልፋል::

lele said...

yabatochachen amelake yeradanale.ega baretetane latsalote enekome.bamenechelawe holo bata keresetaianen enereda

lele said...

yabatochachen amelake yeradanale.ega baretetane latsalote enekome.bamenechelawe holo bata keresetaianen enereda

Anonymous said...

የገሓነም እሳት አይችሏትም!!! መሠረትዋ እሱ ፈጣሪዋ ህያው አምላከ ልዑል እግዚአብሔር ነው፣፣ ውገን እግዚአብሔር ጩህታችንን የሚስማውና ስለ እናት አገራችን የመጣባትን ስቆቃ መልስ የምናገኝው እንዳባቶቻችን ንስህ ገብተን በፈጣሪያችን ፌት ውድቀን በጾም በጽሎት ተግተን እጃችንን ስንስጥ ብቻ ነው እሱ ችርአባታችን ይሄንን አውሎ ንፋስ ጽጥ የሚያድርግልን፣ ሌላ የአለም ጥበበኞች ጥበብ አይድለም፣፣ ኦርቶዶክሰ ሓይማኖት ተክታዮች ሁላችን እባካችሁ!! ይብቃን ለእናት አገር ኢ!ት!ዮ!ጵ!ያ! ለ!ቤ!ተ!ክ!ር!ስ!ቲ!ያ!ና!ች!ን! ስንል ትእቢተኛ ልባችንን አሽንፈን እጃችንን ለአአለም መድሓኒት፣ መሃሪ፣ ለሆነው ለልዑል እግዚአብሄር እናስረክብ እሱ በራሱ መንገድ ሰራውን እንዲስራ፣፣ እባካችሁ በአንድ ልብ ሆነን ሱባኤ ለመግባት እንሞክር የአስቴርን ጽሎት የሰማ አምላክ ኢትዮጵያን እንዲያተርፍልን እኛንም ይቅር እንዲለን፣ ፈጣሪያችን ይርዳን አሚን ኢ!ት!ዮ!ጵ!ያ! ለዘላለም ትኑር አሚን

Orthodoxawi said...

Egzio Meharene Kirstos!!!
Egzio Meharene Kirstos!!!
Egzio Meharene Kirstos!!!

Anonymous said...

Behagerachin lay ende ba'ed tekotern. Edme le ehadig! Ere gobez eskemeche new zimtaw? Min nekan? Wedet eyameran new? Minew ahuns abat tebiyew bimotln minale, yebete chrstiyan neger minim yemaymeslew, eregna yalhone mindegna.
Fetari hoy bakih beka belen. Hulet awure negsobnalna ante gelaglen.
Gn yih hulu neger slemin deresebn?
Silebedelachin aydelemn?

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)