February 9, 2012

የዋሺንግተን ዲሲና አካባቢው ሀ/ስብከት የብፁዕ አቡነ ፋኑኤልን እንቅስቃሴ አስመልክቶ መግለጫ አወጣ


·         የመግለጫውን ሙሉ ቃል ይዘናል። 
(ደጀ ሰላም፤ ጥር 30/2004 ዓ.ም፤ ፌብሩዋሪ 8/2012/ READ THIS ARTICLE IN PDF)፦ የዋሺንግተን ዲሲና አካባቢው ሀ/ስብከት አስቸኳይ አጠቃላይ ጉባዔውን በኖርዝ ካሮላይና ሻርለት ባካሔደ ማግስት ሀ/ስብከቱ ባለበት አጠቃላይ ሁኔታ ዙሪያ መግለጫ አውጥቷል። መግለጫው እንደሚያትተው “የዋሽንግተን ዲሲና አካባቢው ሀገረ ስብከት ሥራ አስፈጻሚ ጉባኤ ይህንን መግለጫ ለመስጠት ያነሳሳው ዋና ምክንያት በቅርቡ ጥር 12 ቀን 2004 ዓ.ም ብፁዕ አቡነ ፋኑኤል ከአሜሪካ ድምጽ የአማርኛ አገልግሎት ጋር ባደረጉት ቃለ መጠይቅ ሕዝበ ክርስቲያኑን የሚያንጽ በአባትነት ደረጃ አስተማሪ የሆነ ነገር መናገር ሲጠበቅባቸው ሕዝበ ክርስቲያኑን እና አብያተ ክርስቲያኑትን ያሳዘነ ሀሳብ ሰጥተዋል። በሰጡትም ቃለ መጠይቅ ላይ የዋሽንግተን ዲሲና አካባቢው ሀገረ ስብከት እንደሌለ፤ በሀገረ ስብከቱ መዋቅር ሥር  ያሉ አብያተ ክርስቲያናት ቃለ ዐዋዲ ጠብቀው እንደማይንቀሳቀሱ በመናገር የቤተ ክርስቲያንን የበላይነት ጥያቄ ውስጥ የሚያስገባ እና  ሕዝበ ክርስቲያኑንም ወደ አልተፈለገ አለመግባባት የሚመራ ገለጻ መሆኑን በሀገረ ስብከቱ ሥር የሚገኙ አብያተ ክርስቲያናት ተገንዝበዋል” ብሏል።

አክሎም “የተሰጠው መግለጫ የሀገረ ስብከትን መዋቅር ለማጠናከር፤ የቤተ ክርስቲያን ሥርዓት ለመጠበቅና ለማስጠበቅ ከፍተኛ መስዋዕትነት የከፈሉትን ካህናት፣ ምእመናንና የሰንበት ት/ቤት ወጣቶች ያሳዘነና የአባትና የልጅ ግንኙነትን የበለጠ የሚያሻክር፤ ከዚህ ቀደም ሀገረ ስብከቱን ለማጠናከር የደከሙ ብፁዓን አባቶች ድካም በዝቅተኛ ግምት እንዲታይ የሚያደርግ እንደሆነ ጠቁሞ “የዋሽንግተን ዲሲና አካባቢው ሀገረ ስብከት በቅዱስ ሲኖዶስ ፈቃድ የተመሰረተና እስካሁንም  ቅዱስ ሲኖዶስ  የመደባቸው ሊቃነ ጳጳሳት  አገልግሎት ሲያከናውኑ የቆዩበትና  አሁንም መንፈሳዊ ኃላፊነቱን በመፈጸም ላይ የሚገኝ” መሆኑን አረጋግጧል
ሀገረ ስብከቱ የቤተ ክርስቲያኒቱን ቃለ ዐዋዲ መሠረት ባደረገ መልኩ የኢትዮጵያ ኦርቶዶክስ ቤተ ክርስቲያንን ሕጋዊ ውክልና ያለው፤ በየትኛውም ደረጃ የቤተ ክርስቲያንን መብት በማስከበር ደረጃ ሙሉ ሕጋዊ ሰውነት ያለው ነው። በሥሩ ለሚገኙ አብያተ ክርስቲያናት ለሚፈጠርባቸው ቸግር እና ለሚፈልጉት ማንኛውም ድጋፍ ከሦስተኛ አካል ጋር በሙሉ ውክልና መነጋገር የሚችል ነው። ይህ ሀገረ ስብከት የራሱ የሆነ ጽ/ቤትና መንበረ ጵጵስና ያለው ነው።  የሀገረ ስብከቱን አጠቃላይ እንቅስቃሴ የሚመራ የሀገረ ስብከቱ መንፈሳዊ አስተዳደር ጉባኤ ያለውና  በሀገረ ስብከቱም ጽ/ቤት ሥር የተለያዩ ክፍሎች ተቋቁመው ዘርፈ ብዙ አግልግሎት በማከናወን ላይ የሚገኝ ነው። ሀገረ ስብከቱ ቋሚ አድራሻ ያለው ሕጋዊ የሆነ እንቅስቃሴውን የሚያሳውቅበት ድረ ገጽ ያለውና  በተሰጠው የሀገረ ስብከት ክልል ውስጥ መንፈሳዊ እንቅስቃሴ በማድረግ ላይ የሚገኝ ነው” ሲል ሕጋዊነቱን አጽንዖት ሰጥቶ አስረድቷል። 
መግለጫው በብፁዕ አቡነ አብርሃም ስለተፈጸመው የሀገረ ስብከት መንበረ ጵጵስና ግዥ ሲያብራራም ዝርዝር ማስረጃው ለቅዱስ ሲኖዶስ እንደቀረበ ጠቅሶ አንዳንዶች ለመናገር እንደሚፈልጉት በድብቅ የተፈጸመ ነገር የለውም ብሏልከዚህ በፊት የሰላም ልዑካን በመሆን ወደ አሜሪካ መጥተው የነበሩ የቅዱስ ሲኖዶስ አባላትና ሊቃውንተ ቤተ ክርስቲያን በዚሁ በተገዛው መንበረ ጵጵስና ተገኝተው አድናቆታቸውን የገለጹበት የሀገረ ስብከቱ ሊቀ ጳጳስ የነበሩት  ብፁዕ አቡነ አብርሃምም በወቅቱ በግልጽ ለቅዱስ ሲኖዶስ አባላት ያስረዱ በመሆኑ ጉዳዩ ለቅዱስ ሲኖዶስ አባላት ዘንድ የታወቀ መሆኑን ያመለክታል። ከሁሉ በላይ የሚደንቀው ደግሞ ሀገረ ስብከቱ መኖሩን አላውቅም ያሉን ብፁዕ አቡነ ፋኑኤል ቢናገሩም ከዚህ በፊት ብፁዕ አቡነ አብርሃም ባደረጉላቸው ጥሪ መሠረት ብፁዕ አቡነ ፋኑኤል የሀገረ ስብከቱን ጽ/ቤትና መንበረ ጵጵስና የጎበኙና በምሥራቀ ጸሐይ ቅዱስ ተክለ ሃይማኖት ቤተ ክርስቲያን ተገኝተው ጸሎተ ኪዳን አድርሰው መሄዳቸው ዘንግተውት አላውቀውም ማለታቸው ሌሎች ጉዳዮችንም ወደፊት እያነሣን ልናስታውሳቸው እንደሚገባን አመላክቶናል። የሀገረ ስብከቱ ሥራ አስፈጻሚ ጉባኤ እና በሀገረ ስብከቱ ሥር የሚገኙ አብያተ ክርስቲያናት ከብፁዕ አቡነ ፋኑኤል ጋር ያላቸው አለመግባባት የቤተ ክርስቲያንን መዋቅር በመጠቅና ባለመጠበቅ ላይ ሆኖ  እያለ ሁሉም የሚያውቀውን እውነታ በተለይም ቃለ መጠይቁን ያደረጉላቸው ባለሙያ ሳይቀሩ ሀገረ ስብከት ጽ/ቤት እንዳለ ሲናገሩ የቅዱስ ሲኖዶስ አባል የሆኑት ሊቀ ጳጳስ ይህንን ለመመስከር ሳይችሉ መቅረታቸው ወደፊትም ከብፁዕ አቡነ ፋኑኤል ምን መልካም ነገር መጠበቅ እንዳለብን አጠያያቂ ሆኖ አግኝተነዋል። ይህ የሰጡትም ቃለ መጠይቅ ለታሪክም ለመፈራረጃም እንዲሆን ይቀመጣል ።  በአሁኑ ዘመን ሕዝበ ክርስቲያኑን መምራት የሚቻለው እውነትን በመናገር ብቻ ነው ፤ በማደናገር ለመምራት መሞከር በሰውም ሆነ በእግዚአብሔር ዘንድ ክብርን ያሳጣል” ሲል መግለጫው አብራርቷል።
አያይዞም ብፁዕ አቡነ ፋኑኤል በቅዱስ ሲኖዶስ ፊት ቀርበው የዋሽንግተን ዲሲው ደብረ ምሕረት ቅዱስ ሚካኤል ቤተ ክርስቲያንን ወደ ቤተ ክርስቲያን መዋቅር መግባቱን አበስራለሁ ብለው በተቀደሰው ጉባኤ ፊት የተናገሩትን ቃል በተግባር ፈጽመው ቢያሳዩን አስተማሪነቱ ታላቅ ይሆን ነበር፤ ቃልና ተግባር ተስማምቶ ሲገኝ በእግዚአብሔር ዘንድ ልዩ ክብር ያስገኛልና” ካለ በኋላ “በሀገረ ስብከቱ መዋቅር ሥር የተሰባሰቡ አብያተ ክርስቲያናት ቃለ ዐዋዲውን የጠበቁ ስለመሆናቸው  የጉዳዩ ባለቤት የሆኑት በተግባር የፈጸሙት በመዋቅር ሥር የሚገኙ አብያተ ክርስቲያናት ሊናገሩ ሲገባቸው ብፁዕ አቡነ ፋኑኤል ቃለ ዐዋዲውን የሚጠብቅ ቤተ ክርስቲያን የለም ማለታቸው መረጃን ያላገናዘበ ገለጻ መስጠት ሁልጊዜም በሰው ዘንድ  እንደሚያስገምት ትምህርት የሚሰጥ ነው” እንዲሁም በሀገረ ስብከቱ ሥር ከሚገኙ አብያተ ክርስቲያናት  መካከል  ከቅዱስ ሲኖዶስ  ጽ/ቤት የተላከውን ቃለ ዐዋዲ የእንግሊዘኛ ትርጉም  በቀጥታ  መተዳደሪያ ደንባቸው አድርገው ያስገቡ እንዳሉ ግን ማስገንዘብ እንወዳለን” ብሏል መግለጫው።
ከዚህም ባሻገር “ብፁዕ አቡነ ፋኑኤል ጥር 14 ቀን  2004 ዓ. ም በጻፉት ደብዳቤም  በሀገረ ስብከቱ በሕጋዊ መንገድ ተመርጦ የቤተ ክርስቲያንን ኃላፊነት በመወጣት ላይ የሚገኘውን የመንፈሳዊ አስተዳደር ጉባኤ (ሥራ አስፈጻሚ ጉባኤ) የግል ጥቅም የተነካባቸው እና በሕገ ወጥ መንገድ ማኅተም አስቀርጸው ይንቀሳቀሳሉ በማለት ከእውነት በራቀ መልኩ የጻፉት ደብዳቤ በቀላል የማይታይና ለመወንጀልም የተሞከረው በሀገረ ስብከቱ ሥር የሚገኙ አብያተ ክርስቲያናትን፤ በሀገረ ስብከቱ አጠቃላይ ጉባኤ የተመረጠውን መንፈሳዊ አስተዳደር ጉባኤ እና በወቅቱ የነበሩትን ሊቀ ጳጳስ ብፁዕ አቡነ አብርሃምንም ስለሆነ በቅዱስ ሲኖዶስ ፊት ማስረጃ ማብራሪያ ፍርድ መጠየቅ እንደሚገባን አምነንበታል” ብሏል።
ሀገረ ስብከቱ የሚጠቀምበትን  ማኅተም ከዚህ በፊት በሕጋዊ መንገድ ተሠርቶ ይጠቀምበት የነበረ እንጂ ብፁዕ አቡነ ፋኑኤል  እንደጻፉት በሕገ ወጥ መንገድ የተሠራ” እንዳልሆነ ያስቀመጠው መግለጫው ማን ለግል ጥቅም  እንደቆመ የቅዱሳን አምላክ እግዚአብሔር ፍርድ ይስጥ ከማለት የበለጠ የምንለው ነገር የለም፤ ማንም ከእርሱ የሚያመልጥ የለምና የሶስና አምላክ ፍርድ ይስጠን እንላለን” ሲል አትቷል።
በመጨረሻም “በሀገረ ስብከቱ ሥር የሚገኙ አብያተ ክርስቲያናት የሚፈልጉት ክርክርን ሳይሆን ለቤተ ክርስቲያን የሚጠቅም ሥራን ነው፤ በስሜታዊነት የሚናገር አባት ሳይሆን በመንፈሳዊነት የሚመራ አባት ነው፤ የተዘበራረቀ አካሄድ ሳይሆን ግልጽ የሆነ አቋምና አመራር ነው። ብፁዕ አቡነ ፋኑኤል የሀገረ ስብከቱን መዋቅር ተቀብለው አቋማቸውን ግልጽ አድርገው ለመሄድ ዝግጁ እስከሆኑ ድረስ በሀገረ ስብከቱ ሥር ያሉ አብያተ ክርስቲያናት አብረዋቸው ለመሥራት ዝግጁ ናቸው። ሀገረ ስብከቱ መመራት ያለበት በግል አመለካከት እና ስሜት ሳይሆን ቤተ ክርስቲያኒቱ ባስቀመጠችው መመሪያ መሆን አለበት ብለን እናምላለን። ይህ አቋም መንፈሳዊና ሃይማኖታዊ አቋም ነው፤ ሰውን ደስ ይበለው ብለን እግዚአብሔርን አናሳዝንም የሀገረ ስብከት መዋቅር የጸና  ሃይማኖታዊ መሠረት አለው” ሲል አጠቃሏል።  

የመግለጫውን ሙሉ ቃል ለማንበብ ይህንን ይጫኑ።

 

ቸር ወሬ ያሰማን

አሜን

16 comments:

Anonymous said...

እንዲህ ነው አቋም። እግዚአብሔር በዚሁ በተቀደሰው ዓላማችሁ ያፅናችሁ። የቅዱሳን አምላክ ይጠብቃችሁ።

Anonymous said...

Deje selamoch thank you for posting this amazing report This is clear First of all before we ask the bishop to came to us we have to go first to identified our self to his grace Abune fanuel. B/c we already know he is goin to be the archbishop of dc and California ( we heard this desition from sinodos ) but becaus of your personal issue(tehadiso) protest the member of sinodos. How dear you call your self hagere sibket commette . I guess you don't know what hagere dibket means because how can happen hagere sibket with out papas and like kahinat. come on at least even if we did right thing and the bishop say stop we have to respect and stop what we doing as yebetekrestian lig. So pleas wake up and let's pray together and stand for our church.

Anonymous said...

ለካ እንደዚህ አይነት ጠንካራና ብርቱ ሃገረ ስብከት አለ። በርቱ የቤተ ክርስቲያን አምላክ ይህን መግለጫ ካሰማችሁን ጋር ይሁን። አሜን1

Anonymous said...

አቡነ ፋኑኤል መሳሳታቸው የታወቀ ነው እኔን አልገባ ያለኝ ነገር ሀገረስብከቱ የሲኖዶስ ሕግ አከብራለሁ ካለ ተመድበው ሲመጡ መቃወሙ ደጁን ዘግቶ መቀምጡ ለምን አስፈለገ አቡነ ፋኑኤል ወደ ሀገረስብከቱ መሄድ ሲገባቸው አለመሄዳቸውና አቡነ አብርሃምን አለማግንግታቸው ትልቁ ስህተታቸው ነው አቡን አብርሃምም አቡኑ ሲሳሳቱ የለም ይበትክርስትያናቺን ስርዓት ይህ ነው ይምጡ ይረከብኝ አለማለታቸው አስቸውም ተሳስተውል የሀገረስብከቱም ስራተኞች አባት ሲያኮርፍ ይቅርታ ተይክችሁ ብትከብሉችአው ከአመራር (ከአሰራር)ውጭ ሳይወጡ ስራወቺን መስራት ሀገረስብከቱንም ከመከፋፈል ታድኑት ነበር::

Anonymous said...

The last anonymous is right in principle and under normal condition if it is for our church. Abune Fanuel is not doing accordingly. There fore it is will lead to more damage to follow him not the principle.

Anonymous said...

We had better resolve the problem.It is not only the problem of Abune Fanuel. Merely it is the problem of Sinod and Aba Pualos.It was primerily known that if Abune Fanuel come to USA there would be a problem.
And as the above Anonymous mentions, the hager sebiket should have accepted Abune Fanuel and Abune Abrhane was supposed to contact Abune Fanuel by any means.if that were done the recent problem might not happen and Abune Fanuel would not get any reason to perferm the current problem.
And again it is not too late to try back to communicate with him. Let's first close any minor hole that abune fanuel try to reason out.

Anonymous said...

Does anyone know if Aba Fanuel is a US Citizen? If so he must have to renounce his Ethiopian Citizenship.
There is not duel citizenship agreement between Ethiopia and US.

Those with information let know
Thank you.

Anonymous said...

ጥያቄ አለኝ። አባ ፋኑኤልን ሲኖዶስ ወደአሜሪካ ሲመድባቸው ወደሀገረ ስብከቱ እንዳይመጡብን በማለት የተቃውሞ ደብዳቤ ለሲኖዶስ መጻፉን በዚሁ በደጀሰላም ብሎግ አንብቤአለሁ። አሁን ደግሞ ወደሀገረ ስብከቱ ይምጡልን ብለዋል ማለት ምን ማለት ነው? ማን ነበር የተቃወመው? አሁን ደግሞ ማን ነው የሚጠራቸው?
አዬ ክርስትና! እናንተስ ምን ትላላችሁ?

yemelaku bariya said...

ሠራተኛው ወደሥራው እንጅ ሥራ ወደሠራተኛው ሲሄድ አይተንም ሰምተንም አናውቅም:: ብጹእነታቸው (አቡነ ፋኑኤል) አገሩ አገራቸው ስለሆ ነና ዘመደ ብዙ ስለሆኑ አመጣጣቸውን የግል በማድረጋቸው ምእመን መምጣታቸውን ያወቀው ከመጡ በኋላ ሚካኤል በዓል ላይ የግሌ ነው ማንም አይነካኝም ባሉበት በዓል ላይ ባደረጉት እና ካሳቸው የማይጠበቀውን አርቲ ቡርቲ ንግግር ባደረጉበት መድረክ ላይ ነው:: ከጅምሩ የሚመስለው እሳቸው የግሌ ነው ባሉት ቤተ ክርስቲያን ተከታዮችና በሳቸው መካከል ችግር እንደተፈጠረ አይምጡብን የተባሉ የሚመስሉ ንግሮችን እና ለምእመናኑ ጋ እኔ እኮ ኒውዮርክ ላይ የታወቅሁ ፋሽን ዲዛይነር እሆን ነበር፣ እኔ ተምሬ ዶ ክተርም መሃንዲስም መሆን እችላለሁ እናንተ ግን ጳጳስ መሆን አትችሉም የሚሉት አባባሎቻቸው ይህንኑ ግምት የሚያጠናክሩ ነበሩ:: እየቆየ ግን ራሳቸውን ወደተመደቡበት ሥራ ከመውሰድና ለስራቸው ሪፖርት እንደማድረግ ራሳቸውን ሥራቸው በሕግ ወደማይገባበት ግቢ ውስጥ ራሳቸውን ደብቀው ሥራው ወደሳቸው እንዲመጣ ከመጠበቅ ሌላ ምንም አላደረጉም:: ለነገሩ ሃገረ ስብከቱ አጉል ትህትና ይዞት ካልሆነ በስተቀር በዲስትሪክት ኦፍ ዋሺንግተን ሕግ የተመዘገበ ሕጋዊ ጽሕፈት ቤት ያለው አካል የተመደቡለትን ሊቀ ጳጳስ በሥራቸው ላይ ሪፖርት አለማድረጋቸውን አስመልክቶ በተከታታይ የሕዝብ ማስታወቂያ አውጥቶ ከሥራ ቦ ታቸው ተገኝተው ሪፖርት ካላደረጉ ሥራቸውን በገዛ ፈቃዳቸው እንደለቀቁ ተቆጥሮ መግለጫ በፐብሊክ ሚዲያም ቢሆን ሊደርሳቸው በተገባ ነበር:: አጉል ትህትና ሳይሆን አይቀርም ይህ አስተዳደራዊ ጉዳይ በመሆኑ መፈታት የነበረበት በአስተዳደራዊ አካሄድ ነበር:: አሁንም ስላልመሸ ለሳቸው በውጭ ሁኖ የሃገረ ስብከቱን ሥራ ለመስራት ከማሰብ ይልቅ ራሳቸውን ለስራ ያዘጋጁ ከሆነ በብዙሃን መገናኛ የመጨረሻ ጥሪ ቢደረግላቸውና በተወሰነው ቀን ካልተገኙ ሕጋዊ እርምጃ መውሰድ ነው:: እሳቸው እዚህ ከመምጣታቸው አስቀድሞ በሕግ የታወቀ አካል በሕግ መብቱን ለማስከበር ወደኋላ ማለት የለበትም:: በየጊዜው የሚቀባጥሩት ነገር በለፈለፉ በአፍ ይጠፉ ነውና የተናገሩትን እና የጻፏቸውን መረጃዎች ሀገረ ስብከቱ ዶክመንት አድርጎ መያዝ ይጠበቅበታል:: ከአሁን በኋላም ብዙሊቀባጥሩ ይችላሉና :: ሌላው ከአሁን በፊት በቤተ ክርስቲያናችን ሥር የተዋቀሩትን አካላት ጸረ መንግስት አስመስለው ከመንግስት ጋ ለማጋጨት የሚያደርጉትን ጥረት በዝምታ መመልከት የለባችሁም:: መንግስትን በመቃወም ተሳትፎ ያላቸው ቤተ ክርስቲያንን የግል አድርገው ያቋቋሙ እሳቸውን መሳዮች እንጅ እኛማ አይደለንም እና በሃሰት ከሌላ ወገን ጋ ሊያላትሟችሁ ሲሞክሩ ዝም አትበሉ:: ጉዳዩን የኢትዮጵያ ኤምባሲ እንድያውቀው ብታደርጉም መልካም ነው:: ሌላው ገለልተኛውን አካል ለማቅረብ እንቅፋት ሆናችሁ ለሚወነጅሉት ውንጀላ የባጡን አወርድ ብላ የብብቷን ጣለች በሏቸው:: ከቤተ ክርስቲያን መዋቅር ውጭ ያሉትን ለመሰብሰብ እውነተኛ ኃሳብ ካለ ያሉትን በትኖ አይደለም እንዲሳካም ከተፈለገ በጋራ የሚሆንና የሁላችንንም ድጋፍ የሚሻ ጉዳይ ስለሆነ የቤተ ክርስቲያንን አንድነት በተመለከተ ቁርጠኝነታችሁን ለሕዝብ ግለጹ:: ሰውየው የያዙት መህበረሰቡን ማምታታት ነውና ሕዝቡ ትክክለኛውን መረጃ እንዲያገኝ ማለትን ቸል አትበሉ PR በጣም ወሳኝ ነው:: እሳቸው ግን ሹመታቸው ላይ መንፈስ ቅዱስ ያለበት እስከማይመስል ድረስ ዐይናቸውን በእግዚአብሔር ልጆች ላይ ያጉረጠርጣሉ:: ዚስ ኤስ አሜሪካም ማለት ጀምረዋል:: ነገር ግን እናም ዚስ ኤስ አሜሪካ በሚለው ሃሳባቸው እንስማማለን:: የግለሰብ ነጻነት በሁሉም ዘርፍ ማምለክን ጨምሮ የሚከበርበት አገር ስለሆነ ኢትዮጵያ ባሉ አማካሪዎች የሚሰሩት ሥራ አጓጉል ችግር ውስጥ እንዳይከታቸው እፈራለሁ:: የኢትዮጵያው አማካሪ የሚያውቀው የሕግ አደረጃጀት ከዚህ በጣም ይለያል:: በመጨረሻም የኔ ፍራቻ ስልጣኗ ራሷ እንዳትሸሻቸው ነው::

Anonymous said...

'' ብፁዕ አቡነ ፋኑኤል ቃለ ዐዋዲውን የሚጠብቅ ቤተ ክርስቲያን የለም ማለታቸው ...'' is correct! Are there churches that live up to the 'kale awade?' Can anyone name just two? NOT THOSE THAT JUST MENTION ABA PAULOS'S NAME,BUT THOSE THAT FOLLOW OR CARRY OUT THEIR ACTIVITY ACCORDING TO 'KALE AWADE.' THERE ARE

Anonymous said...

ለ Anonymous said... February 9, 2012 7:07 PM

እኔ ቀደም ብየ እንዳጠናቀርኩት መረጃ ከሆነ፤ ሁለት ቤ/ክርቲያኖች ብቻ አይደሉም የ/ኢ/ኦ/ተ/ቤ/ ክርስቲያንን ቃለ ዐዋዲን የሚጠቀሙ። እርስዎ ከጠየቁት ቁጥር ከስድስት ጊዜ እጥፍ በላይ ናቸው። ምናልባት የውስጣዊ አስተዳደር ቅንብር ሥራ ማነስ ምክንያት አወቃቀራቸው ለሁሉም ሊቀ ጳጳሳት በግልጽ ላይታወቅ ይችላል። ይህም ሳይሆን አይቀርም አቡነ ፋኑኤልን እውነቱን ከመናገር ያገዳቸው። ነገር ግን ቅዱስ ሴኖዶስ የሁሉም አብያተ ክርቲያናት የሰበካ ጉባኤ በቃለ ዐዋዲ መሰረት የተዋቀረና የ/ኢ/ኦ/ተ/ቤ/ ክርቲያንን ቃለ ዐዋዲ መመሪያ አድርጎ እንደሚስራ ጠንቅቆ ያውቃል። ታዲያ አቡነ ፋኑኤል የቅዱስ ሴኖዶስ አካል አይደሉ እንዴት አላወቁም? ብለው ሊጠይቁ ይችላኩ፤ ይህ የሁላችንም ጥያቄ ነው። ይህንን ጉዳይ በበለጠ ለመረዳት ከፈለጉ የየአጥቢያ ቤተ ክርስቲያኑን አስተዳዳሪዎች በስልክ ወይም ባገኙት የመገናኛ ምንጮች በመጠቀም ሊያነጋግሩ ይችላሉ።

(1) ደብረ ብርሃን ቅድስት ሥላሴ ባልቲሞር
(2) ምሥራቀ ፀሐይ አቡነ ተክለ ሃይማኖት አሌክሳንደሪያ
(3) መካነ ሕይወት አቡነ ገብረ መንፈስ ቅዱስ
(4) ደብረ ኃይል ቅዱስ ገብርኤል ሉዊቪል
(5) አንቀጸ ምህረት በዓታ ለማርያም ሻርለት
(6) መካነ ሕይወት አቡነ ገብረ መንፈስ ቅዱስ አትላንታ
(7) ደብረ ጽዮን ቅድስት ማርያም ወአቡነ አረጋዊ
(8) ደብረ ብርሃን ቅድስት ሥላሴ ታምፓ
(9) ደብረ ዕንቁ ቅድስት ማርያም ሜምፊስ
(10) ደብረ ብርሃን ኪዳነ ምህረት ካንሳስ ሲቲ
(11) ገነተ ጽጌ ቅዱስ ጊዮርጊስ ኦክላሆማ ሲቲ
(12) የደብረ ኃይል ቅዱስ ራጉኤል ቤተክርስቲያን ቨርጂኒያ
(13) አቡነ ገብረ መንፈስ ቅዱስ ቤተክርስቲያን ቨርጂኒያ ቢች

እውነቱ ቀስ እያለ ይወጣል ገና፡

Anonymous said...

ደጀ ሰላሞች ዛሬ እንዴት ውላችሁ አደራችሁ? እኔስ ፈጣሪያችን ይክበር ይመስገን ቀን በቀን ከመሃይምነቴ እያላቀቃችሁኝ ነው። ለካንስ እኔ ትህትና ነው ብየ አንገቴን ወደ ምድር አቀርቅሬ ስጛዝ፤ ብቸኛዋ ሃብቴ የሆነችው ኦርቶዶክስ ተዋሂዶ እምነቴ እንደ ለምለም አፈር እየተሸረሸረች ነው። እባካችሁ እህቶቸ እና ወንድሞቸ ከምሃይመነት ይላቀቁ እርዱልኝ። ከዚህ ቀጥሎ ያሉትን ድረ ገጾች አትሙልኝ ስል ከመቀመጫየ ተነስቸ አንገቴን ዘንበል አድርጌ በትህትና እጠይቃለሁ። በታማኝ መንፍሳዊ ስራችሁ ጽኑ።
http://www.youtube.com/watch?v=3lyuwlLgqdw
http://www.youtube.com/watch?v=Ja4kYMjRvL4&feature=related
http://www.youtube.com/watch?v=ThSJdTpH9V4&feature=related
http://www.youtube.com/watch?v=VoHHFOrfzBk&feature=related
ዝም አትበሉ እግዚአብሔርን አመስግኑ…. እልልል እልልል እልልል …… እልልል እልልል በሉ።

Anonymous said...

የዋሺንግተን ዲሲና አካባቢው ሀ/ስብከት በተመለከተ "ጽዮንን ክበቡአት" by Kesis Doctor Mesfin Tegegn (Part 4 of 4 )
http://www.youtube.com/watch?v=0hXQBPS0DOE&feature=related

lele said...

yeker yebalote

Anonymous said...

http://www.youtube.com/watch?v=mH3rK57HR3U&feature=share

Gude Abune Fanuel Video

Anonymous said...

http://www.youtube.com/watch?v=mH3rK57HR3U&feature=share

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)