January 30, 2012

የመ/ር ዘመድኩን የመከላከያ ምስክሮች ተሰሙ


  ·    የተከሳሽ ጠበቃ እና ዐቃቤ ሕግ የክርክር ማቆሚያ ንግግር አድርገዋል::
  ·     ውሳኔው ለየካቲት 27 ቀን 2004 ዓ.ም ተቀጥሯል::
  ·   የአርማጌዶን ቪሲዲ እውነትን መሠረት አድርጎ ከፍ ላለ ሞራላዊ ዓላማ የተሠራ ዝግጅት እንጂ የስም ማጥፋት ተግባር አይደለም፤ አዘጋጁም ሥራውን የመሥራት ችሎታ እና ሥልጣን አላቸው፡፡ የዐቃቤ ሕግ ምስክሮች የግል ተበዳይ [ከሳሽ በጋሻው ደሳለኝ] አጉራ ዘለል መሆኑን በበቂ አላስተባበሉም፤ የማስተማር ችሎታ እና ሥልጣን እንዳለው ያቀረቡት አሳማኝ ማስረጃ የለም” (የተከሳሽ ጠበቃ)::
(ደጀ ሰላም፣ ጥር 20/2004 ዓ.ም፤ January 29/2012/ READ THIS ARTICLE IN PDF)፦ አርማጌዶን ቪሲዲ የተነሣ የስም ማጥፋት ወንጀል ክስ የቀረበበት መ/ር ዘመድኩን በቀለ የመከላከያ ምስክሮቹን ለፌዴራሉ የመጀመሪያ ደረጃ ፍ/ቤት አራዳ ምድብ ችሎት አቅርቦ አሰምቷል፡፡ ተከሳሹ ከቆጠራቸው አምስት የመከላከያ ምስክሮች መካከል በችሎቱ የተሰማው የሦስቱ የምስክርነት ቃል ሲሆን ቀሪዎቹ ሁለቱ ምስክሮች ከሦስቱ የተለየ የማያስረዱ በመሆኑ ከምስጋና ጋራ ተሰናብተዋል፡፡ የግራ ቀኙ ክርክር የተጠቃለለ ሲሆን ዐቃቤ ሕግ እና የተከሳሽ ጠበቃ የክርክር ማቆሚያ ንግግራቸውን ለችሎቱ አቅርበዋል፡፡ መዝገቡን መርምሮ የፍርድ ውሳኔ ለመስጠት ለየካቲት 27 ቀን 2004 ዓ.ም ከቀትር በኋላ በ8፡00 ሰዓት ቀጠሮ ተይዟል፡፡

ጥር 18 ቀን 2004 ዓ.ም ከቀትር በኋላ በ8፡00 በአራዳ ምድብ ችሎት ስድስተኛ ወንጀል ችሎት በመዝገብ ቁጥር 96/25 ከተደመጠው የመከላከያ ምስክሮች ቃል በዋናነት ለመረዳት እንደተቻለው ቅዱስ ሲኖዶስ÷ ከአብነት ት/ቤት ወይም ከሦስቱ የቤተ ክርስቲያኒቱ ከፍተኛ ትምህርት ተቋማት ገብተው ሳይማሩ እናስተምራለን፣ ሳይላኩ እና ፈቃድ ሳይኖራቸው ተልከናል በሚል ራሳቸውን የሚያሰማሩ ሰባክያን ነን ባዮች ላይ ቁጥጥር እንዲደረግባቸው የሚጠይቅ መመሪያ አውጥቷል፡፡ በመመሪያው ላይ ፈቃድ የሌላቸው ሕገ ወጥ ሰባክያን “አጉራ ዘለል” በሚል መገለጻቸውን ምስክሮቹ አስታውሰዋል፡፡ ሐምሌ 25 ቀን 2003 ዓ.ም በፓትርያኩ ፊርማ የወጣው ደብዳቤ የአርማጌዶን ቪሲዲን ዓላማ ትክክለኛነት የሚያረጋግጥ እንጂ የሚቃወም እንዳልሆነም አስገንዝበዋል፡፡
ቅዱስ ሲኖዶስ ስለ ሕገ ወጥ ሰባክያንና ዘማርያን ካስተላለፈው መመሪያ በመነሣት የግል ተበዳይ የተባለው ከሳሽ በጋሻው ደሳለኝ ከየትኛውም ተቋም ትምህርቱን ያላጠናቀቀ፣ ከሚመለከተው አካል የማስተማር ፈቃድ ሳይሰጣቸው ራሳቸውን በራሳቸው ከሚያሰማሩ አጉራ ዘለሎች አንዱ እንደሆነ አስረድተዋል፡፡ ሐምሌ 25 ቀን 2004 ዓ.ም በፓትርያርኩ ፊርማ በተላለፈው መመሪያ፣ “ምእመናንና ምእመናት በተሳሳቱ ግለሰቦች አድራጎት እንዳይማረኩ በመምህራንና በንስሐ አባቶች ጥብቅ ክትትልና ጥበቃ ሲደረግ ኖሯል፤” በሚለው መሠረት ቤተ ክርስቲያን አስተምራና መርቃ ያሰማራችው ተከሳሽ መምህር እንደሆነና ትክክለኛውን የማስተማር፣ ስሕተቱን የማረምና የመቃወም ግዴታ አለበት፡፡ አርማጌዶን ቪሲዲ ከዚህ አንጻር የተዘጋጀ ነው፤ በይዘቱም ምእመኑ ከስሕተት ትምህርት እንዲጠበቅ፣ የሚመለከተውም አካል እንደ በጋሻው ባሉ ሕገ ወጦች (አጉራ ዘለሎች) ላይ ተገቢው ርምጃ እንዲወስድ ከመጠየቅ በቀር የውግዘት ቃል አልተላለፈበትም ወይም እንደ ዐቤ ሕግ አነጋገር “የግል ተበዳይን መልካም ስም ለማጥፋት እና ከኦርቶዶክስ እምነት ተከታዮች ጋራ ለማጋጨት በማሰብ” የተዘጋጀ ነው ብለው እንደማያምኑ ለችሎቱ ተናግረዋል፡፡
በዕለቱ በተከሳሽ ጠበቃ ጌትነት የሻነህ ዋና ጥያቄ እና የድጋሚ ጥያቄ፣ በዐቃቤ ሕግ መስቀለኛ ጥያቄ እና በዳኛ ሙሉ ክንፈ የማጣሪያ ጥያቄዎች በተደጋጋሚ ከተነሡት ጥያቄዎች መካከል፣ “ትምህርት ማስተማር የሚችለው ማን ነው? አጉራ ዘለል ሰባክያንን የመቆጣጠር ሓላፊነት የማን ነው? በቤተ ክርስቲያን የስሕተት ትምህርትና የተሳሳተ መምህር የሚታረመው እንዴት ነው? ሥልጣኑስ የማን ነው? ተከሳሽ ያለውን ማስረጃ ይፋ የማውጣት ሥልጣን አለው ወይ? ካለውስ በተሻለ መንገድ /በቅንነት ለማቅረብ አይቻልም ነበር ወይ? ሐምሌ 25 ቀን 2003 ዓ.ም በፓትርያርኩ ተፈርሞ ከወጣው ደብዳቤ አኳያስ እንዴት ይታያል?” የሚሉቱ ይገኙባቸዋል፡፡
ለጥያቄው ምላሽ ከሰጡት የተከሳሽ መከላከያ ምስክሮች መካከል ሁለተኛው ምስክር ዲያቆን ዳንኤል ክብረት እንዳስረዱት÷ በቤተ ክርስቲያን ለሚፈጠር የስሕተት ትምህርት በአፍ በመጽሐፍ መልስ የመስጠት ድርሻ በዋናነት የመምህራን ሲሆን ምእመናንን ከኀጢአትና በደል የመጠበቅ ተግባር ደግሞ የንስሐ አባቶች ሓላፊነት ነው፡፡ ምእመናንን ከዕውቀት መጣመም የሚጠብቁ ሊቃውንት፣ መምህራን ከትውፊታዊው የአብነት ት/ቤት በአንዱ ጉባኤ/ሞያ አስመስክረው የወጡ አልያም ከቅድስት ሥላሴ መንፈሳዊ ኮሌጅ፣ ከሰዋስወ ብርሃን ቅዱስ ጳውሎስ መንፈሳዊ ኮሌጅ፣ ከቅዱስ ፍሬምናጦስ አባ ሰላማ ከሣቴ ብርሃን ኮሌጅ የተመረቁ መሆን ይገባቸዋል፡፡
ከዚህ አኳያ በጋሻው ደሳለኝ የአንድ ዓመት የኮሌጅ ቆይታ ያለው ብቻ በመሆኑ መምህር ሊባል፣ መምህር ሊሆን አይችልም፤ ተከሳሹ መ/ር ዘመድኩን በአንፃሩ ከቅድስት ሥላሴ መንፈሳዊ ኮሌጅ በተቀበለው ዲፕሎማ ላይ “ሂዱና አስተምሩ” ከተባሉት የኮሌጁ ደቀ መዛሙርት አንዱ በመሆኑ ትክክለኛውን የማስተማር፣ የተለየውን የማረምና የመቃወም ግዴታ አለበት፡፡ ይህንኑ ቃላቸውንም የተከሳሽ ሦስተኛ የመከላከያ ምስክር የሆኑት የቅድስት ሥላሴ መንፈሳዊ ኮሌጅ የሐዲስ ኪዳን መምህር ደጉ ዓለም ካሳ አጠናክረውታል፡፡
“አጉራ ዘለል ሰባክያን” የሚለው አገላለጽ በአርማጌዶን ቪሲዲ ላይ ከመሰማቱ በፊት የቤተ ክርስቲያኒቱ ልሳን በሆነው ዜና ቤተ ክርስቲያን ጋዜጣ ላይ መመልከታቸውን፣ በትርጉሙም ሳይማሩ ተምረናል፣ ሳይላኩ ተልከናል በማለት ራሳቸውን የሚያሰማሩ ግለሰቦችን እንደሚመለከት ዲያቆን ዳንኤል ለችሎቱ አስረድተዋል፡፡ ከዚህ አኳያ የቤተ ክርስቲያን እምነትና ትምህርት መሠረት የሆነውን አሚነ ሥላሴን በመፃረር፤ ሐዋርያትን፣ ሰማዕታትን፣ ሊቃውንትን፣ ጻድቃንን የምትወልደውን ቤተ ክርስቲያንን በ‹አሮጊቷ› ሣራ በመወከል በአደባባይ ለተነገረው የስሕተት ትምህርት በአደባባይ ምላሽ መሰጠቱ፣ መገሠጹ፣ ማስጠንቀቁ አግባብነት እንዳለው፤ እንዲያውም ከስሕተቱ አስከፊነት አንጻር የተሰጠው ምላሽ በቅንነት ብቻ ሳይሆን በርኅራኄ ጭምር የቀረበና የግል ተበዳይን ክብር እንደማይነካ ምስክሩ ገልጸዋል፡፡
አርማጌዶን ቪሲዲ ግለሰቦችን የሚያወግዝ /የውግዘት ቃል/ አለመስማታቸውን የገለጹት ዲያቆን ዳንኤል ውግዘት በክህነት ደረጃ የሚተላለፍ፤ ቄስ፣ ጳጳስ መሆንን የሚጠይቅ፣ በውጤቱም ካህኑን ከመናዘዝ፣ ቀድሶ ከማቍረብ፤ መምህሩን ከማስተማር፣ ምእመኑን ምስጢራተ ቤተ ክርስቲያንን ከመሳተፍ፣ ከምእመናን አንድነት የሚለይ፣ የሚከለክል እንደሆነ፣ የራሱ ደረጃና አፈጻጸም እንዳለው በማስረዳት አንድን ሰው ማውገዝና ስሕተቱን ገልጾ መናገር፣ ማጋለጥ የተለያዩ ጉዳዮች መሆናቸውን አስገንዝበዋል፡፡
“በቤተ ክርስቲያን ታሪክና ሥርዐት ስሕተት ሲያጋጥም በመጀመሪያ በቦታው መህራን መልስ እንደሚሰጥ፣ በካህናቱም ምክር ይሰጣል” ያሉት ዲያቆን ዳንኤል በምላሹና ምክሩ የተሳሳተው ግለሰብና ስሕተቱ የማይታረም ሲሆን በሊቃውንተ ቤተ ክርስቲያንና በቅዱስ ሲኖዶስ ደረጃ ታይቶ እንደሚወሰን፣ ለአብነት ያህል የአርዮስ ጉዳይ በዋናነት በሁለት ደረጃ (በእስክንድርያ ቤተ ክርስቲያን እና በኒቂያ ጉባኤ) ታይቶ ውሳኔ እንደተላለፈበት ለችሎቱ አስታውሰዋል፡፡
ከዚህ አኳያ ሐምሌ 25 ቀን 2003 ዓ.ም “አንዳንድ የሃይማኖት ሕጸጽ ያለባቸው ሰዎች ከሃይማኖታችን የተለየ ትምህርት ይሰጣሉ በማለት ስም በመጥቀስ ልዩ ልዩ ጽሑፎችን የሚበትኑ ግለሰቦችና ድርጅቶችን አስመልክቶ መመሪያ ስለመስጠት” በሚል በፓትርያርኩ ተፈርሞ የተላለፈው ደብዳቤ፣ “መምህራን ምእመናን እና ምእመናት በተሳሳቱ ግለሰቦች አድራጎት እንዳይማረኩ ጥብቅ ክትትል የማድረግ ሓላፊነት እንዳለባቸው” በማመልከት ግዴታቸውን የሚገልጽ እንጂ የአርማጌዶን ቪሲዲን መሠራት አይከለክልም - መ/ር ዘመድኩን በቤተ ክርስቲያኒቱ የተላከ መምህር ነውና ብለዋል፡፡ የአርማጌዶን ቪሲዲ ዝግጅት በምስል ወድምፅ የተቀናበረ ከመሆኑ በቀር ንጽጽራዊ አቀራረቡ እንደ መልአከ ብርሃን አድማሱ ጀምበሬ ኵኩሐ ሃይማኖት ወይም እንደ አለቃ አያሌው ታምሩ መች ተለመደና ከተኩላ ዝምድና ያህል እንደሚቆጥሩት የተናገሩት ዲያቆን ዳንኤል፣ “የቀደሙ አባቶች የተጠቀሙበት ነባር አቀራረብ ነው፤ ለጊዜው የተሻለውም አቀራረብ ይኸው ነው” ብለዋል፡፡
ዐቃቤ ሕግ ለዲያቆን ዳንኤል መስቀለኛ ጥያቄ ባቀረበበት ወቅት “ተከሳሽ ካለው ዲፕሎማ በላይ የትምህርት ደረጃ ያላቸው ሊቃውንት፣ ምሁራን አሉ፤ ይህ ሆኖ እያለ ቪሲዲው የተከሳሽን የበላይነት ለማሳየት የተዘጋጀ ነው” ለሚለው አነጋገር የተከሳሽ ጠበቃ ቪሲዲው የቀረበው የበላይነትንና የበታችነትን ለማሳየት ሳይሆን ሓላፊነትን ከመወጣት አኳያ መሆኑን፣ በምትኩ አነጋገሩ ዐቃቤ ሕግ በደንበኛቸው ላይ ያላቸውን መጥፎ አመለካከት የሚያሳይ ነው በማለት ተቃውመዋል፡፡ በዚህ ስሜታዊ አነጋገር የቀረበው የዐቃቤ ሕግ ጥያቄም በተከሳሽ ጠበቃ ተቃውሞ በዳኛ ብይን ውድቅ ተደርጓል፡፡
የግራ ቀኙን ክርክር ሲያዳምጥ የቆየው ችሎቱ ዐቃቤ ሕግ እና የተከሳሽ ጠበቃ የክርክር ማቆሚያ ንግግር እንዲያደርጉ ባዘዘው መሠረት፣ ዐቃቤ ሕግ ተከሳሹ አርማጌዶን ቪሲዲን ያዘጋጀው ሐምሌ 25 ቀን 2003 ዓ.ም በፓትርያርኩ ተፈርሞ የወጣውን መመሪያ በመጣስ መሆኑን፤ ያዘጋጀበት ዓላማም በተለይ ምስክሩ ታሪኩ አበራ ለችሎት ከተናገረው በመነሣት “የግል ተበዳይን መልካም ስም ለማጥፋት፣ በሕይወቱ ላይም አደጋ እንዲደርስ ለማነሣሣት በማሰብ” መሆኑን፤ የምስክሮች ቃል እርስ በርስ እንደሚጋጭ በተከሳሽ ጠበቃ በኩል የቀረቡት ማስረጃዎች ይህን እንደማያስተባብሉ ተናግሯል፡፡
ይኸው የዐቃቤ ሕግ ክስ “ከማውራት ባለፈ በማስረጃ ያልተረጋገጠ ነው” ያሉት የተከሳሽ ጠበቃ በበኩላቸው፣ የግል ተበዳይ ፈቃድ ሳይኖረውና ሳይማር እሰብካለሁ የሚል አጉራ ዘለል ለመሆኑ የሰው እና የሰነድ ማስረጃዎች መቅረባቸውን፤ ከዚህ ቀደም ተወግዘው ከተባረሩት ‹መነኮሳት› ጋራ በንግግር የሚመሳሰሉበት ሁኔታ በንጽጽር ከመቅረቡ በቀር የውግዘት ቃል አለመኖሩን፤ ይህንንም የዐቃቤ ሕግ ምስክሮች ያመኑበት ስለመሆኑ፤ ከየትኛውም ተቋም ተምሮ የወጣበትን ማስረጃ አለማቅረቡን፤ ከቪሲዲው የተነሣ የግል ሰብእናው ለመነካቱ የሚያስረዱ ተናጠላዊ ማስረጃዎች ተለይተው አለመቅረባቸውን፣ 386 የኦዲዮ እና 114 የደንበኛቸው ሲዲ ለኤግዚቢት ከሚያስፈልገው በላይ ከየሱቁ መሰብሰባቸውን፣ የዐቃቤ ሕግ ምስክር ታሪኩ አበራ ተከሳሹ ነገረኝ ያሉት ዛቻና የመግደል ሙከራ ከክሱ ጭብጥ እና ማስረጃው ጋራ የማይገናኝ መሆኑን፣ ስለሆነም ክሱ በተመሠረተበት አንቀጽ 613/3 እንደተጠቀሰው አርማጌዶን ቪሲዲ የስም ማጥፋት ወንጀል አለመሆኑን ይልቁንም በአንቀጽ 614/2 መሠረት ሕዝቡ በስሕተት ስብከት እንዳይወሰድ ታስቦ ከሞራልም ከፍ ላለ ሃይማኖታዊ ጥቅም መዘጋጀቱን፣ ይህም በወንጀል እንደማያስጠይቅ ተናግረዋል፡፡
በአጠቃላይ ዐቃቤ ሕግ ከምክንያታዊ ጥርጣሬ ውጭ (50+1 እንኳ) ያስረዱ ባለመሆኑ ደንበኛቸው አያስጠይቃቸውም ተብሎ በነጻ እንዲሰናበቱ ፍ/ቤቱን ጠይቀዋል፡፡
ችሎቱ የግራ ቀኙ ያቀረቡትን ክርክር (መዝገብ) መርምሮ በጉዳዩ ላይ የፍርድ ውሳኔ ለመስጠት ለየካቲት 27 ቀን 2004 ዓ.ም ከቀትር በኋላ በ8፡00 ቀጠሮ በመስጠት ተነሥቷል፡፡

15 comments:

Anonymous said...

ለተዋሕዶ ሃይማኖታችን ልዕልና እና ክብር የሚደክሙትን እመ ብርሃን በፍጹም መጠበቅ ትጠብቅልን፡፡ መምህር ዘመድኩን እግዚአብሔር ፈቅዶ እንድትታሰር ፍርድ ቤቱ ቢወስን እንኳን "እንግዲህ በጌታችን ምስክርነት ወይም በእስረኛው በእኔ አትፈር፥ ነገር ግን እንደ እግዚአብሔር ኃይል መጠን ስለ ወንጌል አብረኸኝ መከራን ተቀበል፤" ካልዕ ጢሞቴዎስ 11፡8 እንዲል ከሐዋርያት በረከት ሊያካፍልህ ነውና በፍጹም ልብህ አይታወክ ፤ የተዋሕዶ ጠላቶች አንተን ያሳደዱ መስሏቸው ነው እንጂ ከአንተም በፊት የነበሩ እና አንተ በሠራኸው ሥራ ያፈራሃቸውን የተዋሕዶ ልጆች አላስተዋሉም፡፡ የመውጊያው ብረት ላይ እንዳይቆሙ ተነግሯቸው አሻፈረን ካሉ በማን እንደሚብስ የምናይበት ቀን ሩቅ አይሆንም፡፡ አንተ ግን ቤተ ክርስቲያንም ትውልዱም ነገ የሚያስበውን ታሪክ የሠራህ የተዋሕዶ ልጅ በመሆንህ ልትኮራ ይገባሃል፡፡ እግዚአብሔር ዕድሜ ከሰጠን ነገ ይህንን መልሰን እናወራዋለን፡፡ "ትዕግስት መራራ ብትሆንም ፍሬዋ ጣፋጭ ነውና" አይዞህ የተዋሕዶ አምላክ የሚያበረታ መልአክ ይላክልህ፡፡

Anonymous said...

[ሐምሌ 25 ቀን 2003 ዓ.ም በፓትርያርኩ ፊርማ የወጣው ደብዳቤ የአርማጌዶን ቪሲዲን ዓላማ ትክክለኛነት የሚያረጋግጥ እንጂ የሚቃወም እንዳልሆነ]
የፓትርያርኩ ደብዳቤ በጥቅሉ ያልተፈቀደላቸው ከማስተማር ወይም በማስረጃ ስልጣን ላለው ቤተክህነት ክፍል ክስ ሳያቀርቡ ስም ስለሚያጠፉ የተጻፈ ነው። አርማጌዶን ደግሞ ራሱ ወስኖ በጋሻውን ይነቅፋል። የፓትርያርኩና አርማጌዶን ቪዲዮ አንዴት ሆነው አንድ ይሆናሉ?

Tsegie from seattle said...

Thanks be to GOD kebetetahu!! i am so glad to hear all that. for me it seems truth will win with all this strong pertinant evidences .memeher Zemedekun & all the 3 witnesses you all are playing your part in defending the truth .we all Tewahedo christians are with you !may GOD protect the church from these 'Agurazeleles'!!!

lele said...

yatawahedo lejoche koranebeh.batame enakaberehalane

Anonymous said...

This esues all about self interest only. manachihum LeBetekristianitu Altekemachihum rebsha feterachihu ingi silezih yegil tikimachihun titachihu sile ewnet kumu.Alebelezia hulachihunim kebereket kedihnet Wichi yadergal yesemay amlak.

Anonymous said...

Degeselamoche enamesegenalen

Anonymous said...

dink yetwahdo lije ..emberahn kante gare thune

mesi said...

egziabher enanten lehaymanot yekomthhuten ayasatan amanuel yetebekathu

woldebirhan said...

Memehir Zemedikun yezemenachen hawarya nehi hawareya mekera yekebel zend gide new Amelak yiredahi

Anonymous said...

Dear Zemedkun Good on you, the true son of tewahedo the world tewahedo is supporting you may god bless you and your familly.

Dear Daniel Kibret excellent response the other true son of tewahedo , Keep doing the magnificent job.

GOD will judge every one from the top to the bottom, I think the time has come to punish << all tehadeso try to change your self not the church & Agurazelele memihiran and Zemarian >> take a lesson.

Zemedkun will be free 10000% soon of any false charge.

ለተዋሕዶ ሃይማኖታችን ልዕልና እና ክብር የሚደክሙትን እመ ብርሃን በፍጹም መጠበቅ ትጠብቅልን፡፡ መምህር ዘመድኩን እግዚአብሔር ፈቅዶ እንድትታሰር ፍርድ ቤቱ ቢወስን እንኳን "እንግዲህ በጌታችን ምስክርነት ወይም በእስረኛው በእኔ አትፈር፥ ነገር ግን እንደ እግዚአብሔር ኃይል መጠን ስለ ወንጌል አብረኸኝ መከራን ተቀበል፤" ካልዕ ጢሞቴዎስ 11፡8 እንዲል ከሐዋርያት በረከት ሊያካፍልህ ነውና በፍጹም ልብህ አይታወክ ፤ የተዋሕዶ ጠላቶች አንተን ያሳደዱ መስሏቸው ነው እንጂ ከአንተም በፊት የነበሩ እና አንተ በሠራኸው ሥራ ያፈራሃቸውን የተዋሕዶ ልጆች አላስተዋሉም፡፡ የመውጊያው ብረት ላይ እንዳይቆሙ ተነግሯቸው አሻፈረን ካሉ በማን እንደሚብስ የምናይበት ቀን ሩቅ አይሆንም፡፡ አንተ ግን ቤተ ክርስቲያንም ትውልዱም ነገ የሚያስበውን ታሪክ የሠራህ የተዋሕዶ ልጅ በመሆንህ ልትኮራ ይገባሃል፡፡ እግዚአብሔር ዕድሜ ከሰጠን ነገ ይህንን መልሰን እናወራዋለን፡፡ "ትዕግስት መራራ ብትሆንም ፍሬዋ ጣፋጭ ነውና" አይዞህ የተዋሕዶ አምላክ የሚያበረታ መልአክ ይላክልህ፡፡

Anonymous said...

To preach gosple you do not have to be graduate. preaching is gift of God I do not think some of you understand this. Please God has his own people and his own way.

Anonymous said...

be sure truth will seen soon.Begashaw will joine soon this exild synod as tizetaw be part of this group.typical teadesowch makes just like this. our mother church will be a wineer.tank you Zemedkun and ye sebakean temert abalat bertu and thank you for applogtic brathers and M/er Degu alem.
Ababa pawlos must be anatemataized on his wrong doing and giving a chance to reformationst the so colled teadeswoch in side our church .
from seattel

Anonymous said...

መጽሐፍ ቅዱስ ሲናገር ግራህን ለሚመታህ ቀኝህን ስጥ. ክፉን በክፉ አትመልሱ ነው የሚለው እናተ ግን ከማን እንደተማራቹ ከዳቢሎስ ወይስ? ከጌታ አልልም ጌታ የሚሰሩትን አያውቁምና ይቅር በላቸው ነው ያለው. አንተ ግን መ/ር ዘመድኩን በያዝከው እውነት ጽና
ጌታችንና የመድኃኒታችን የኢየሱስ ክርስቶስ ካንተ ጋር ይሁን!!!
ወንድሞች ምህረት ማለት ምን ማለት ነው???? የምህረት አምላክ ምህረቱን ይስጥኣቹ!

እዉነት said...

I am really happy to here this good news and memhir Degualem Kasa's testimony I was his student too
from seattle

Anonymous said...

O mengna tadelhal? Y amilakin Mekera Mekeblih. Melaku kidus GEBRIEL Yridahi HULUME lanet Yitseliyal AYZOHI wonedime yabatochachin tsegana bereket keantgar new berta Ewenet yashenfal amilak yemeyaberta Melak YILAKILHI AMEN

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)