January 27, 2012

ጥምቀት በለንደን


(ተዋሕዶ ዘሎንዶን፤ ለደጀ ሰላም፣ ጥር 17/2004 ዓ.ም፤ January 26/2012/ READ THIS ARTICLE IN PDF)፦ የ፳፻፬ ዓ.ም. የጌታችንና የመድኃኒታችን የኢየሱስ ክርስቶስ በዓለ ጥምቀት በዩናይትድ ኪንግደም ርዕሰ ከተማ ለንደን በከፍተኛ መንፈሳዊ ስነ-ሥርዓት መከበሩን የሰ/ምዕ/አውሮፓ /ስብከት /ቤት አስታወቀ። ጌታ ወደ ዮርዳኖስ ወንዝ ወርዶ መጠመቁን ለማዘከር በቆየው የቤተ ክርስቲያን ሥርዓትና ትውፊት መሠረት በለንደን የሚገኙት የኢ///አብያተ ክርስቲያናት በበዓሉ ዋዜማ ታቦቶቻቸውን ይዘው ከመቅደሶቻቸው ሲወጡና ለማደሪያ በተዘጋጀላቸው ሥፍራ ሲደርሱ ሊቃውንተ ቤተ ክርስቲያን፣ ካህናት፣ የሰንበት /ቤቶች ወጣት መዘምራን በያሬዳዊ ዜማና ዝማሬ፤ ምዕመናን በእልልታና ደማቅ የአምልኮት ስነ-ሥርዓት አሸኛኘትና አቀባበል አድርገውላቸዋል።

ከዋዜማው ጀምሮ ሌሊቱን ሙሉ እስከ በዓሉ ፍጻሜ ድረስ በሊቃውንቱ፣ ካህናቱና ወጣት መዘምራኑ በዓሉን የሚመለከት ያሬዳዊ ማኅሌትና ልዩ ልዩ መንፈሳዊ ዝማሬ ጥልቅ በሆነ መንፈሳዊ ስሜት ሲካሔድ ያደረ ሲሆን ንጋት ላይ በብፁዕ አቡነ እንጦንስ የቅዱስ ሲኖዶስ ዓባልና የሰ/ምዕ/አውሮፓ /ስብከት ሊቀ ጳጳስ የተመራው የቅዳሴ ስነ-ሥርዓት ተከናውኗል። ከዚያም ሥርዓተ ጥምቀቱ ተካሒዷል።
በበዓሉ ስነ-ሥርዓት ወቅት በዩናይትድ ኪንግደም የግብጽ ኦርቶዶክስ ቤተ ክርስቲያን ጳጳስ ብፁዕ አቡነ አንጌሎስ፣ የክርስትና ሃይማኖት መሪዎችና የካምደን ከተማ መስተዳደር ከንቲባ (ሜየር) በክብር እንግድነት የተገኙ ሲሆን እንግዶቹ በየተራ ባደረጉት አጭር ንግግር ከሌላው ሁሉ ዓለም ልዩ ሆኖ ባገኙት የበዓሉ ስነ-ሥርዓትና የእምነቷ ተከታዮች መንፈሣዊ አገልግሎት በእጅግ መደነቃቸውን ገልፀዋል።






የሀ/ስብከቱ ሥራ አስኪያጅ መጋቤ አእላፍ ተወልደ ገብሩ በስነ-ሥርዓቱ ወቅት ባደረጉት ንግግር ጥምቀት የክርስትና እምነት የተመሠረተበት፣ የእግዚአብሔር አንድነትና ሦስትነት የተገለፀበት ምስጢር ነው ካሉ በኋላ ኢትዮጵያ ከልደተ ክርስቶስ በፊት የብሉይ ኪዳን እምነትና ሥርዓት በመቀበል ከአምልኮ ባዕድ ርቃ የኖረችና በኋላም የክርስትናን እምነት ቀድመው ከተቀበሉት ጥቂት የዓለም አገሮች አንዷ፣ ከአፍሪካ ደግሞ የመጀመሪያዋ መሆኗን አስታውሰዋል። በዚያች አገር የተመሠረተችው የኢ///ቤተ ክርስቲያንም በአሁኑ ጊዜ ከ፵፭ ሚሊዮን በላይ ምዕመናን፣ ከ፶ በላይ ገዳማት፣ አድባራትና አጥቢያ ቤተ ክርስቲያን፣ ከ፬፻፶ በላይ አገልጋይ ካህናት እንዳሏትም ገልፀዋል።
ያለ /ስብከት አመራር የአጥቢያ አብያተ ክርስቲያናት በራሳቸው የተሟላ አገልግሎት ይሰጣሉ ተብሎ እንደማይጠበቅ በንግግራቸው የጠቀሱት ሥራ አስኪያጁ ብፁዕነታቸው በሰጡት መመሪያ መሠረት በአሁኑ ጊዜ አስፈላጊ የሆኑ የአገልግሎት ክፍሎችን በማዋቀርና መንበረ ጵጵስናው በሚገኝበት ለንደን /ቤቱን በመክፈት እንቅስቃሴ መጀመሩን አክለው ገልፀዋል።
በሀ/ስብከቱ አስተባባሪነት እነዚህ አብያተ ክርስቲያናት ታቦቶቻቸውን ይዘው በአንድነት ሲያከብሩ ይህ ለመጀመሪያ ጊዜ ሲሆን ከዚህ በኋላ በየዓመቱ የሚፈፀመው የጥምቀትና የመስቀል ስነ-ሥርዓት በዚህ መልኩ በአንድነት ተጠናክሮ እንዲቀጥል የሚደረግ መሆኑን /ቤቱ አስታውቋል።
በመጨረሻም በብፁዕ አቡነ እንጦንስ ቃለ ቡራኬ ከቀኑ ስድስት ሰዓት ላይ የበዓሉ ስነ-ሥርዓት ተፈጽሟል።
በዚህ ታሪካዊ የጥምቀት በዓል ላይ ከለንደን እና ከሌሎች በአቅራቢያዋ ከሚገኙ ከተሞች የመጡ ከአንድ ሺህ በላይ ምእመናን ተገኝተው በልዩ መንፈሳዊና ብሔራዊ  ስሜት ያከበሩ ሲሆን በዓለ ጥምቀቱን በአንድነት ማክበርመቻላቸውም በእጅጉ ያስደሰታቸው መሆኑንንም ከብዙዎች አስተያየት መረዳት ተችሏል።
በሰ/ምዕ/አውሮፓ ሀ/ስብከት ሥር ዩናይትድ ኪንግደም፣ አየርላንድ ሪፐብሊክ፣ ጀርመን፣ ስዊድን፣ ዴንማርክ፣ ኖርዌይና ፊንላንድ የሚገኙ ሲሆን መንበረ ጵጵስናውም በለንደን ከተማ ነው

ወስብሐት ለእግዚአብሔር

13 comments:

Anonymous said...

"በሰ/ምዕ/አውሮፓ ሀ/ስብከት ሥር ዩናይትድ ኪንግደም፣ አየርላንድ ሪፐብሊክ፣ ጀርመን፣ ስዊድን፣ ዴንማርክ፣ ኖርዌይና ፊንላንድ የሚገኙ ሲሆን መንበረ ጵጵስናውም በለንደን ከተማ ነው።"?????????????????????????????

Anonymous said...

የገባችሁ ወገኖች ካላችሁ እባካችሁ የመጽሐፍ ቅዱስ ቃል ጠቅሳችሁ:
1) የጥምቀት በአል በኢትዮጵያ መቼና እንዴት እንደተጀመር
2) የመጀመርያዎቹ ክርስቲያኖች ወይም ቤ/ክ (በ120
ሰዎች ሐዋ/ሥር 2 ላይ የተመሰረተችው)እና ከዚያ
ወዲህ የነበሩት ክርስቲያኖች ይህንን ባእል ብለው
ያከብሩ ነበርን?
3) ጌታስ እየዞር ሲያስተምር ይህንና ልደቴን አክብሩልኝ
ብሏልን?
4) የቤተ ክርስቲያኒቱን ብዙ መልካም ነገር የሚሸፍኑና
የሚያጠሉ ተጨማሪ ነገሮች
(ቃሉየማይደግፋቸው)
ከየት መጡ??? እባካችሁ አስረዱኝ???

በሚሆነው ነገር ግራ የተጋባሁ አንዱ አባል ነኝና ሌላ ትርጉም/ሰበብ ሳትሰጡ ቃል ጠቅሳችሁ አስረዱኝ::

ወስብሃት ለእግዚአብሔር
ማስረሻ ነኝ

Anonymous said...

This is so interesting that the experience has to be shared for all churches and dioceses that are found out of Ethiopia. Faith, hope and love are the pillars of Christianity. Moreover peace and unity are reflections of true faith. Keep it up please!

Anonymous said...

Kokebu keyet yemeta new?

Gonder lay, aregande bicha key bandira sisekel, London netsaw ager, anbasha sekel... lemangwim belau des yilal

Anonymous said...

The second Anonymous,

Your questions are very interesting which is very simple for everyone I guess or I was expecting all Christian are well aware of them but it seems that you know some concept but like mixing it. I do not think that you need answer if you real need. Please check like http://www.betedejene.org/ and ask ur questions there! This is not the right web to ask question like that.

Please be advised to pray for your selves.

Anonymous said...

ውድ ወንድሜ ማስረሻ
ሐይማኖት ሁለት መሰረታዊ ነገሮች አሉት፤ ዶግማና ቀኖና። ዶግማ ማለት መሰረተ እምነቱ ሲሆን ለዘለዓለም በሰዎች ጥበብ መለወጥ የማይችል እውነታ ነው፤ ለምሳሌ የእግዚአብሔር አንድነትና ሶስትነት ሰዎች ተረዱት አልተረዱት፤ ሰዎች አመኑት አላመኑት . . .ወዘተ መለወጥ የማይችል እውነታ ነው። በመሆኑም እንደዚህ ያሉ መለወጥ የማይችሉ ሐቆች እንደባሕርያተ እግዚአብሔር፣ ስጋዌ፣ ዳግም ምጽአት ...ወዘተ የመሳሰሉ እውነታዎች በዶግማ ውስጥ ይካተታሉ። ነገር ግን ቤተ ክርስቲያን እንደተቋም እንድትቀጥል ራሱ መድሐኒታችን የመሰረት ድንጋይ አስቀምጦላታል፤ 12 ሐዋርያትን ለይቶ ለተለያየ ሐላፊነት መስጠቱ ለዚህ አንድ ማስረጃ ነው። የመጀመሪያው ሲኖዶስ/የሐዋርያት ጉባኤ/ ከተጀመረ በሁዋላም እንደአስፈላጊነቱና እንደጠቀሜታው ቀኖና ቤተ ክርስቲያን ሲሰራ ኖሯል። ለምሳሌ የመጀመሪያዎቹ ሐዋርያት ከሰሩት ቀኖና ውስጥ ከይሁዲነት ዉጭ ያሉ አማኞች ሲገቡ ከመጠመቅ በቀር መገረዝ ግዴታ እንዳልሆነ ደንግዋል። በታሪክ ሂደት በሐዋርያት እግር የተተኩ አባቶች የሲኖዶስ አባላትም ብዙ ስርአተ ቤተ ክርስተያንን ሰርተውልናል፤ ለምሳሌ አንተ ያነሳሃቸው ጥምቀትና ልደትን ማክበርን። እኔ ግን አንድ ነገር የሚገርመኝ የልደትና የጥምቀት በዓል መሰራቱ አለማትን የፈጠረው ጌታ ስለሰው ፍቅር በበጎች ጋጣ መወለዱ እንዳይረሳ ሁልጌዜ እንድናስበው አድርጎናል፤ ለመሆኑ ከዚህ በላይ ግብዣ አለን? ጌታን ሁልጌዜ በሕይወታችን በእያንዳንዷ ደቂቃ እንድናስበው የሚያደርጉ እንደጥምቀት ያሉ ብዙ ግብዣዎች አያስፈልጉንም ትላለህ?

I am done with you!
God be with you!

However, I am so embarrassed at our generation, including myself. We are so ignorant of the silly things behind any Spiritual matter, yet we bark loudly.

On the other end of this mind boggling trend many people are celebrating the birthdays of musicians, here goes for Elvis Presey http://www.bbc.co.uk/news/entertainment-arts-10787348
and politicians, here goes Nelson Mandela
http://en.wikipedia.org/wiki/Nelson_Mandela_70th_Birthday_Tribute

ARE WE NUMB, Is it not very important to celebrate the BIRTHDAY of The God of The UNIVERSE???

ARE WE IRRATIONAL, even to question it!
Celebrating the Independence day of Humanity from a grueling Spiritual Tyranny for eternity - and that is the Birth, Baptism, Crucifixion and Resurrection of our Lord Jesus Christ!!!!
Isn't it worth celebrating than Adwa?

We dare not, even thinking, to question the celebration Bob Marley's 60th birthday in Addis.

Similarly, many people keep the pictures of their mothers and, even actors, with dignity. Yet they seem to be confused, even irritated, when we keep the Icons of Christ and His Saints with special sense of dignity. And it is even more confusing when these people are claiming to love Christ more than we do.

What a shame!!!

Anonymous said...

The second Anonymous...

በማለት መልስ የሰጠህ ሰው:

ምነው ያልገባንንና መጽሐፍ ቅዱሳዊ ማስረጃ ያላገኘንለትን ጥያቄ እንዲመልሱልን ሌሎች የቃሉ እውቀት ያላቸውን አስተማሪዎች መጠየቅ ነውር ነውን? ቢሆንም ግን የማያውቁትን አውቃለሁ በማለት ስተው ለማሳት አለመሞከርዎን አድንቃለሁ:: ነገር ግን ከዚህ የተሻል አማራጭ ነበረዎት: ዝም ማለት:: 'አስተዋይ ሰው በዚህ ዘመን ዝም ይላል' የሚል ከመጽሐፍ ቅዱስ ያነበብኩ ይመስለኛል::

ይህን የእስዎን መልስ ሳነብ አንድ ከሌላ ቦታ ላይ ያነበብኩት አባባል ትዝ ብሎኝ ሳቅም ሃዘንም ተቀላቅለው መጡብኝ:: እሱም እንዲህ የሚል ነው::
''የየጁ ደብተራ ቅኔ ቢያልቅበት
ቀረርቶ ጨመረበት የሚል''

መቼም እነዚህ ደበተራዎች የማያስነብቡን ጉድ የለምና
ለሕይወት ባይሆንም ለፈገግታ ይሆናልና ፈገግ ይበሉ:: ይህን በማለቴም አይቀየሙብኝ ቂም መርዝ ሆኖ ራስን ይጎዳልና እንዳይጎዱ:: ምንስ ቢሆን ኢትዮጵያዊ ያውም ኦርቶዶክስ ወገኔ አይደሉ!! ጉዳቱ የሁላችን ጠላት ለሆነውና የተማረው(ከቃሉ)እንዳያስተምር ያልተማረውና እንደ እኔ ያለው ደግሞ ጠይቆ እንዳይማር ቋንቋችንን በጥርጣሬ ሞልቶ እያጣመመ ለሚያነካክሰን ዲያብሎስ ይሁን::

አሁንም አትጠይቁ አትመራመሩ የሚል ሳይሆን ለጠይኳቸው ጥያቄዎች መልስ ያለው ካለ እዲሰጠኝ በፍጹም ትህትና እጠይቃለሁ:: ደጀሰላሞችም ተባበሩኝ? ምነው ብዙ ከዚህ ለሚከብዱ ጥያቄዎች መልስ ትሰጡና ትጽፉ የለም እንዴ???????

ወስብሃት ለእግዚአብሔር (ስትሉ ሰምቼ እንጂ ትርጉሙ ገብቶኝ አይደለም ግእዙን የጨመርኩት)

እግዜር ይስጥልኝ/ያክብርልኝ

ማስረሻ ነኝ

Anonymous said...

ውድ ማስረሻ ምነው እርስዎስ ያልገባዎን ግእዝ መድገምዎ? የገደል ማሚቶ እንደሚባለው እንዳይሆንብዎ!ወንድሜ የሰጥዎ መልስ የሚያምን ልብ ካለዎ ከበቂ በላይ ነበር ግን እስኪ ልጠይቅዎ የቤዛችንን የክርስቶስን ልደትና ጥምቀት፣ስቅለት እና ሞት፣ትንሳኤና እርገት ለማሰብ ምን ምክንያት ያስፈልጋል??የተደረገልን ቸርነት ብቻውን አይበቃንም? እንኳን በአመት 1 ጊዜ ምነው ለተጨማሪም ስርዓት ተሰርቶልን ባከበርነው!እስኪ የተደረገልዎን አስቡ እኛ የምናደርገው ለውለታው በቂ ነው ብለው ያስባሉ??ቢሆንስ እንደዳዊት እርቃን እስኪቀሩ ለሰዎች መሳቂያ እስኪሆኑ ማክበርና ማማስገን ነበር እንጂ!!! ለጥፋት ነተነሳ ትውልድ ነጋሪት ቢጎሰምም አይመለስም እኛስ እጅግ ረክተናል! ከሃገራችን አልፎ በአለም ጌታችን በተዋህዶ በመክበሩ አመስግነናል ፣ የአመት ሰው ይበለን!

Anonymous said...

የእኔ ጥያቄ በእግዚአብሔር ቃል መሰረትነት ለሕይወት ሊሆን በሚችል መልኩ እንዲመለስልኝ ነበር በትህትና ለማዎቅ ብዬ በመጓጓት ያቀረብኩት:: ሆኖም ግን

1) በቤተ ክርስቲያናችን ውስጥ እየተፈጸሙ ያሉት ነገሮች
ሁሉ መጽሐፍ ቅዱሳዊ ድጋፍ አላቸው ወይ? ለምሳሌ
የጥምቀት ባእል ማክበር, የልደት ቀን ማክበር
(እንዲያውም መጽሐፍ ቅዱስ ላይ ልድታቸውን ያከበሩ
ሰዎች ፈሮንና ሄሮድስ ሲሆኑ ያውም በቅደም ተከተል
የእንጀራ አሳላፊውንና የመጥምቁ ዮሐንስን ሕይወት
በማጥፋት ነው ያከበሩት) ጌታ ግን 33 ዓመትአካባቢ
በምድር ላይ ሲኖር አንድ ቀን እንኳ ልደቱን ማክበሩን
በቃሉ ላይ አናይም ወይም እንደ ሕብስቱና ጽዋው
አድርጉት ብሎ አዝዟልን? ነበር የእኔ ጥያቄ::

መልሳችሁ ግን ዝም በል ያልንህን ብቻ ተቀበል የሚል ነው የሆነብኝ:: ቃሉን የተራበችን ነፍስ የሰው ግሳጼ ዝም ሊያሰኛት ይችል ይሆንን?? አይመስለኝም:: እናንተ ይህን ብላችሁ ልታስደነግጡኝ ብትሞክሩም የሰው ልብና ኩላሊት አበጥሮ የሚያውቅ ቸር አምላክ አይተወኝም በዬ አምናለሁ:: ለሁሉም የሚያረካ ባይሆንም ሙክራችሁን አደንቃለሁና እግዚአብሔር ይስጥልኝ:: አመሰግናለሁ::

ቤተ ክርስቲያንችንን ግን እግዚአብሔር በምህረቱ ያስባት!! አሜን::

በንጹህ የእግዚአብሔር ፍቅር

ወንድማችሁ

ማስረሻ ነኝ

Anonymous said...

Dear Masresha,
I dont think you will get the right answers u want from unofficial orthodox sites.anyone who is Orthodox,Protesstant or ...can give u wrong response on here.if you really need legitimate answers you better ask official Orthodox 'Memhirs'.

Anonymous said...

If ur Q seems Celebrating is not right at all that is one thing, if u say celebrating Birth day&epiphany i.e another. Why u leave Easter?/i think Jesus was celebrating it. Am i wrong/ I'm not saying Ur Q is bad, but refusing to even come to way is...o't fair. Thus what's ur Q? Could u specify it Or plse see 'bealat metsaf' by dn birhanu admas from mk. Ru cooperative or u hate them?

Anonymous said...

በ 30/01/12 ያቅምዎንና የመሰለዎን መልስ የሰጡኝ ሰው ከተሳዳቢና የማያውቁትን መልስ ከሰጡ ሰዎች እጅግ ይሻላሉ:: አመሰግናለሁ:: ለነገሩ እኔም ብሆን የሰጡትን ሁሉ እንደሚከት ያገራችን ስልቻ አይደለሁም ማንም ተነስቶ ያለቃሉ ድጋፍ የሚለውን ሁሉ የምቀበል እርስዎ እንዳሉት በእውነት በቃሉና በመንፈሱ ከተሞሉ የቤተ ክርስቲያናችን መምህራን እግር ስር ሆኖ መማርን የመሰለ የለምና ለሁላችን የሚሆን መልካም ምክር ነው የለገሱኝ አመሰግናለሁ:: የሚያሳዝነው ግን እንደነዚህ ያሉት (ዓይናማ የምትሏቸው) መምህራን ብቅ ብለው ወንጌል ብቻ ማስተማር ሲጀምሩ መናፍቅ ወይም ጴንጤ በማለት ያልሆነ ስም እየለጠፍን በድንጋይ እየወገርን ከቅጥራችን እንዳይደርሱ ማድረጋችን ነው ግራ የሚያጋባኝ:: ታዲያ ማንን ጠይቄ ልማርና ልዎቅ?? ስድብ የሚቀናቸውን?? ከእነሱማ እንደ እርስዎ ካሉት የማገኘውን ቅን ምክር ብቻ ተቀብዬ ሁሉን ወደሚያቀውና ወደሚችለው ቸር አምላክ ባንጋጥጥ ሳይሻል ይቀራል?? በእውነት አምላከ እስራኤል ቤተ ክርስቲያናችንን ከአስመሳይ በግ ነጣቂ ቀበሮዎች ያጥራት ይጠብቃት:: ሌላ መፍትሄ አልጠብቅም::

ለሁሉም ቸር እንሰንብት

ወስብሃት ለእግዚአብሔር

ማስረሻ ነኝ

Anonymous said...

Wey masresha! Iras'shn mihur asmeselsh-Ye'aba selama blog firie/yihem tapela ayhun inji/! If u wanna "know" see 'bealat book' i indicated u on previos comment. Txs Do i miss it?

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)