January 16, 2012

ኢትዮጵያ 9ኛውን የኦሪየንታል ኦርቶዶክስ እና የሮም ካቶሊክ የጋራ ኮሚሽን ስብሰባ ታስተናግዳለች


  • Read the article in PDF
  •  በቤተ ክርስቲያን ፍጹም አንድነት እና ግንኙነት(the full communion and communication) ላይ የሚያተኩረው ስብሰባ ከነገ በስቲያ ይጀመራል::
  • የስብሰባው ተሳታፊዎች በጥምቀት በዓል አከባበር ላይ ይገኛሉ፤ በሥርዐተ ቅዳሴ ይሳተፋሉ
  • ስብሰባው የኢትዮጵያ ኦርቶዶክስ ተዋሕዶ ቤተ ክርስቲያን ከውጭ አብያተ ክርስቲያናት ጋራ ያላትን ግንኙነት ለማስፋፋት እና ለማጠናከር ሓላፊነት በተጣለበት ቅዱስ ሲኖዶስ ዘንድ አይታወቅም፤ ስለ ስብሰባው ልኡካን/ተልእኮ ቅዱስ ሲኖዶስ ይሁን ቋሚ ሲኖዶስ ያስተላለፈው ውሳኔ የለም::
  •  የኢትዮጵያ ኦርቶዶክስ ተዋሕዶ ቤተ ክርስቲያንን በመወከል በመ/ፓ/ጠ/ቤ/ክ የቅርስ ጥበቃና የቤተ መጻሕፍት ወመዘክር እንዲሁም የቱሪዝም መምሪያ ሓላፊ እና በቅድስት ሥላሴ መንፈሳዊ ኮሌጅ መምህር የሆኑት ሊቀ ዲያቆን ዳንኤል ሰይፈ ሚካኤል ናቸው፡፡ በቀደሙት ጉባኤያት ቤተ ክርስቲያንን በመወከል ሲሳተፉ የቆዩት መጋቤ ብሉይ ሰይፈ ሥላሴ ዮሐንስ (ከሊቃውንት ጉባኤ) እና ሊቀ ኅሩያን ጌታቸው ጓዴ (ከውጭ ግንኙነት) ነበሩ::

 (ደጀ ሰላም፣ ጥር 6/2004 ዓ.ም፤ January 15/2012)፦ እ.አ.አ በጥር 2003 ተቋቁሞ በ2004 ግብጽ - ካይሮ ላይ የመጀመሪያውን ስብሰባ በማካሄድ የተጀመረው የኦሪየንታል ኦርቶዶክስ አብያተ ክርስቲያን እና የሮም ካቶሊክ ዓለም አቀፍ የነገረ መለኮት ውይይት የጋራ ኮሚሽን ዘጠነኛ ዙር ስብሰባ ከነገ በስቲያ፣ ጥር ስምንት ቀን 2004 ዓ.ም በጽርሐ መንበረ ፓትርያርክ የዓለም አብያተ ክርስቲያን ም/ቤት የስብሰባ አዳራሽ ይጀመራል፡፡
በስብሰባው የሚሳተፉት የአብያተ ክርስቲያኑ ተወካዮች ነገ፣ ጥር ሰባት ቀን 2004 ዓ.ም ተጠቃለው አዲስ አበባ ይገባሉ ተብሎ ይጠበቃል፡፡ ለስብሰባው በወጣው መርሐ ግብር መሠረት በመጀመሪያው ቀን ማለትም ጥር ስምንት ቀን 2004 ዓ.ም የኦሪየንታል ኦርቶዶክስ አብያተ ክርስቲያን እና የካቶሊክ ቤተ ክርስቲያን ተወካዮች ለየብቻቸው በተዘጋጀው አጀንዳ ላይ ተናጠላዊ ውይይት የሚያካሂዱ ሲሆን ጥር 9፣ 10 እና 12 ቀን ደግሞ ውይይቱ በጋራ እንደሚካሄድ ተገልጧል፡፡
ጥር 11 ቀን 2004 ዓ.ም የስብሰባው ተካፋዮች የጥምቀተ ክርስቶስ በዓል በብሔራዊ ደረጃ በሚከበርበት በጃንሜዳ ባሕረ ጥምቀት ይገኛሉ፡፡ ጥር 13 ቀን ደግሞ በሚደርሰው ጸሎተ ቅዳሴ ላይ ይሳተፋሉ ተብሏል፡፡
የቀደሙት ስምንት ዙር ስብሰባዎች በግብጽ፣ አርመን፣ ሮም (ሦስት ጊዜ)፣ ሶርያ እና ሊባኖስ የተካሄዱ ሲሆን ማክሰኞ፣ ጥር ስምንት ቀን 2004 ዓ.ም በአዲስ አበባ የሚስተናገደው ስብሰባ በብፁዕ ወቅዱስ ፓትርያርክ አቡነ ጳውሎስ በተደረገ ጥሪ የሚከናወን ነው፡፡ ለስብሰባው ተሳታፊዎች ማጓጓዣ እና መስተንግዶ በጀት ተመድቦ ቅድመ ዝግጅት የተደረገ ቢሆንም በሕገ ቤተ ክርስቲያን መሠረት የኢትዮጵያ ኦርቶዶክስ ተዋሕዶ ቤተ ክርስቲያን ከውጭ አብያተ ክርስቲያናት ጋ ያላትን ግንኙነት ለማስፋፋትና ለማጠናከር ሓላፊነት በተጣለበት ቅዱስ ሲኖዶስ ዘንድ በስብሰባው ስለሚሳተፉ ልካን ይሁን ስለ ስብሰባው ተልኮ ቅዱስ ሲኖዶስ ይሁን ቋሚ ሲኖዶስ ስላስተላለፈው ውሳኔ የሚታወቅ ነገር አለመኖሩ ነው የሚነገረው፡፡
ይህም ስብሰባ በብፁዕ አቡነ ጎርጎርዮስ አገላለጽ÷ በሀብት እና በግዘፏ ተመክታ ጥንታውያን ኦርቶዶክሳውያን አብያተ ክርስቲያናትን ስትንቅ እና ስታዋርድ ከኖረችው የሮም ካቶሊክ ጋ በመሠረታዊ የአብያተ ክርስቲያን ሐዋርያዊ አገልግሎት እና ምሥጢራተ ቤተ ክርስቲያን ፍጹም አንድነት እና ወዳጅነት ጉዳይ ላይ ይይት የሚደረግበት በመሆኑ ሁኔታውን አሳሳቢ ያደርገዋል፡፡ በተለይም የሮም ካቶሊክ ቤተ ክርስቲያን እና መሰሎቿ ስለ ኢትዮጵያ ኦርቶዶክስ ተዋሕዶ ቤተ ክርስቲያን አስበው የጻፉ መስለው ቤተ ክርስቲያኒቱ የምትዋረድበትን ማንኛውንም ነገር እንደመሰላቸው ሲያቀርቡ፣ ታሪኳንና ማንነቷን ሲሻሙ የኖሩና ያሉ መሆናቸው ስጋታችንን ያጠነክረዋል፤ ሌላው ቀርቶ የኢትዮጵያ ካቶሊካዊት ቤተ ክርስቲያን በተቋማዊ ድረ ገጿ በኢትዮጵያ ያላትን ዕድሜ የምትቆጥርበትን ዘመን ከኢትዮጵያዊው ጃንደረባ ጀምሮ ማድረጓ፣ የሌላውን ትውፊት የራስ አስመስሎ ማዳበል እንደ ብፁዕነታቸው አገላለጽ “በታሪክ እና በትውፊት ላይ ማመፅ ነው፡፡”
የጋራ ኮሚሽኑ አባላት የሆኑ የኦሪየንታል ኦርቶዶክስ ተዋሕዶ አብያተ ክርስቲያን ስድስት ሲሆኑ እነርሱም የኮፕት ኦርቶዶክስ ቤተ ክርስቲያን፣ የኢትዮጵያ ኦርቶዶክስ ተዋሕዶ ቤተ ክርስቲያን፣ የመላው አርመን ሐዋርያዊት ቤተ ክርስቲያን፣ የኪልቂያ ሐዋርያዊት አርመን ቤተ ክርስቲያን፣ የሕንድ - ማላንካራ ኦርቶዶክስ ሶርያ ቤተ ክርስቲያን፣ የሶርያ ኦርቶዶክ ቤተ ክርስቲያን የኤርትራ ኦርቶዶክስ ተዋሕዶ ቤተ ክርስቲያን ናቸው፡፡
የኦሪየንታል ኦርቶዶክስ አብያተ ክርስቲያን በ451 ዓ.ም በኬልቄዶን ጉባኤ መለካውያን “ለክርስቶስ አንድ አካል ሁለት ባሕርይ ሁለት ግብር አለው” በሚል የወሰነውን በማውገዝ “ክርስቶስ አንድ አካል አንድ ባሕርይ ነው” በማለት የተለዩ ናቸው፡፡ ክርስቶስን አንድ አካል አንድ ባሕርይ ነው የምንለውም እንደ አቡሊናርዮስ ከፍለን፣ ቀንሰን፤ እንደ አውጣኪ አጣፍተን ሳይሆን እንደ ነፍስ እና ሥጋ ተዋሕዶ በባሕርይ ተዋሕዶ በዚህም ከኢትዮጵያ ቤተ ክርስቲያን ጋራ የታሪክና ዶግማ አንድነት አላቸው፡፡ በሌላው ክፍል የሚታወቁት በቤተሰብነት ነው፤ አብረው ይቀድሳሉ፤ አብረው ይቈርባሉ፡፡


10 comments:

sami said...

I think, by respecting our traditions, it would be good if we creat unity not only among christians who believe in Jesus Christ why not with those who are out of christians?
we have to appreciate and encourage this holy idea because there is not any benefit from seeing each other as enemy.

ዘ ሐመረ ኖህ said...

ቅዱስ ሲኖዶሱ ያለፈቃዱ ይህን ያክል ድፍረት ይህን ያክል ክህደት ሲሰራ እየሰማና እያየ እንዴት ዝም ይላል ታቦትና ጣኦት በቤተከርስቲያናችን ሲቀላቀል አንዴት ዝም ይላል ምእመናኑ ለሃይማኖቱ እንዳይሞት ፓፓሳቶቹ እንቅፋት ሆኑበት በፍጹም ካቶሊክ ቤተመቅደሳችንን ማርከስ የለበትም ሁላችንም ለሃይማኖታችን የምንሞትበት ቀኑ አሁን ነው በቃ በቃ በቃ በአዋጅ ካቶሊክ እስኪያረጉን ድረስ መጠበቅ የለብንም

Anonymous said...

you know what there is noone ( who can be dangers like cancer ) more than Mahber erkusan foe E.O.T.C .you guys are only but only after the money ( business ) you dont care for the church

Geez Online said...
This comment has been removed by the author.
Anonymous said...

ሥጋውያን አርበኞች ያገራችን መሬት ተሽጦ ማለቁ ነው ብለው እየተጯጯኹ አሉ። ውጤት ማግኘት አለማግኘታቸውን ባናውቅም።

አኽ!... እግዚኦኦኦኦኦኦኦ! ያገራችን ሃይማኖት ሲቸበቸብ ምርር ብሎ የሚያዝን ስንኳ አለመኖሩ እጅግ ያሳስባል። ያንገበግባል እንጂ!

እንዲህም አካቶ የከፋ ጊዜ ይመጣ ኖሯልና ነው ምርጦቹን ሊቃውንት አነእምየ ጎርጎርዮስን፣ አንአባ ዐስበን አነአለቃ አያሌውን እነአቡነ መርሐ ክርስቶስን... የወሰዳቸው! "ስንዱ እመቤት" ትባል የነበረችው የኢትዮጵያ ቤተ ክርስቲያን ቢያንስ ሰዎቿን ጨረሰችና በዕድሜ ስንኳ በሰል ያለ ወካይ አጥታ ቀኝ እና ግራውን ለይቶ የማያውቅ አንድ ፍሬ ልጅ፣ ያውም የመናፍቅ ጳጳስ ተላላኪ፣ በ"ኤቢሲዲ" መስፈሪያ ብቻ ተመዝኖ ወክሏት ሊቀርብ ነው።

ያሳዝናል! "እምየ ቅድስት ቤተ ክርስቲያን"፦ የገላግልት መጫወቻ አደረጉሽ አይደል? በምድር በሰማይ አይማራቸው!!!

Anonymous said...

There is no question that our POPE is acting far down the way against the church law. I can say it is fully betrayal and disrespecting the teaching and traditions of our fathers and forefathers. However, this is the largest body of Christians in the world. I believe churches leaders need to be closer than ever before in history despite their major difference in doctrine. It would have been nicer if the agenda were concerning the fate of Christians against the ever increasing jihad wave.

Daniel said...

በጣም የገረመኝ አብዛኞቻችን አስተያየት የሰጠን ልጆች የጭፍን አስተሳሰብ መሆኑ ነው። አሁን ያለንበት ጊዜ 21ኛው ክፍለ ዘመን፣ እንኳን ሀይማኖታዊያን አንድ አምላክ አለን ብለን የምናምን ቀርቶ ዓለማዊያን የሆኑ ሰዎች “ልዩነትን ጠብቆ አንድ የመሆን” ዘመቻ ሲያካሂዱ እኛ የ5ኛው ክ/ዘመን ታሪክ እየደገምን ህዝብና አህዛብ ሁነን እስከ ዘላለም እንኑር ማለታችን በጣም የሚያሳፍር ከንቱ እምነት…አረ ባካችሁ enmar!

Anonymous said...

guys learn about Ethiopian orthodox church history.do u know how many people dies at time of sesoneyose? there was 8, 000 Christians were died in one day because of catholic.Not only this; On the time of ADWA or Italian fasheshet, do u know who declare war against Ethiopian?is catholic church.
we know that this is 21 century but it does not means we have to forget the past and become friends with Haynes.NO! NO ! NO! we can not change who we are. We are ETHIOPIANS!WE ARE WHO WE ARE. Catholics they never ever slept for Ethiopians to do bad things.guys don,t try to be friends with sneaks.we need to remember at least abune petrose.who died by Italian army. which is they are belongs to Romans catholic.this is a fact.
THANK YOU. D/N BENIYAM ASRAT.

Anonymous said...

1. የአንድነትና የፍቅር ዓላማ ያለው ጉባኤ መልካም ነው፤ ይሰብሰቡ።
2. በቤተክርስቲያን ማስቀደስ ካለባቸው ካቶሊኮቹ ከምዕመኑ ጋር ሆነው ያስቀድሱ፤ መልካም ነው። ተዋኅዶ ለሁሉም ትማልዳለች።
3. ነገር ግን ካቶሊኮቹ መቅደስ እንዲገቡ የሚደረግ ከሆነ እጅግ ከባድ ጥፋት ነው። በተዋኅዶ መንበር ላይ መዘበት ነው። ይህ እንዳይሆን ከወዲሁ እርምጃ መውሰድ ያስፈልጋል።

ትቤ ተዋኅዶ።

Anonymous said...

meshe telemedena ketokla zemedena.




D/N BENIYAM ASRAT

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)