December 17, 2011

ብፁዕ አቡነ ፋኑኤል አወዛጋቢ ስብሰባ ጠርተዋል፤ ለአቡነ አብርሃም ሽኝት ተዘጋጅቷል

(ደጀ ሰላም፣ ታኅሣሥ 6/2004 ዓ.ም፤ ዲሴምበር 16/2011. READ IN PDF)፦ ባለፈው ጥቅምት በተደረገው የቅዱስ ሲኖዶስ ጉባኤ ለዲሰና አካባቢው እንዲሁም ለካሊፎርኒያ አህጉረ ስብከት በሊቀ ጳጳስነት የተመደቡት ብፁዕ አቡነ ፋኑኤል በዲሲ ሀ/ስብከት ስም የጠሩት ስብሰባ ነገ ቅዳሜ በዋሺንግተን ዲሲው የቅ/ሚካኤል ቤተ ክርስቲያን ይካሄዳል ተብሎ ይጠበቃል።
ብፁዕነታቸው የቅ/ሲኖዶስን ተልዕኮ ለማስፈጸም ወደ ዋሺንግተን ዲሲ ቢላኩም በሀ/ስብከቱ ሥር ካሉ አብያተ ክርስቲያናት ጋር ተግባራዊ ግንኙነት ካለመመሥረታቸውም በላይ በተለምዶ “ገለልተኛ” ከሚባሉት አብያተ ክርስቲያናት ጋር “በጋራ እንሥራ” በሚል ፈሊጥ መቀመጫቸውን ከገለልተኛው እና ራሳቸው ከመሠረቱት ቤተ ክርስቲያን አድርገዋል። “ሁሉም ልጆቼ ናቸው” ያሉት ብፁዕ አቡነ ፋኑኤል በነገ ቅዳሜው የታኅሣሥ 7/2004 ዓ.ም ስብሰባ በሀ/ስብከቱ ሥር ያሉ አብዛኞቹ አብያተ ክርስቲያናት እንደማይገኙ የታወቀ ሲሆን ብፁዕነታቸው በግል ደብዳቤ ጭምር የጠሯቸው ከሀ/ስብከቱ አስተዳደር ውጪ ያሉ አብያተ ክርስቲያናት እና አንዳንድ አገልጋይ ካህናት ይሳተፉ ይሆናል ተብሎ እየተጠበቀ ነው። (የመጥሪያውን ደብዳቤ ሙሉ ቃል ከዚህ ጽሑፍ መጨረሻ ይመልከቱ)።

የጥሪው ደብዳቤ እንደሚያመለክተው የስብሰባው ዓላማ “ሃይማኖት እንዳይበረዝና ቀኖና ቤተ ክርስቲያን እንዳይፋለስ ለመጠበቅ አብረን በመመካከር እንድናገለግል” ለመወያየት የሚል ሲሆን አሳዛኝ በሆነ መልኩ ቀኖና እንዳይፈርስ ጥሪ የሚያደርጉት ብፁዕነታቸው ራሳቸው አስተዳደራዊ አንድነቷ የተጠበቀ ቤተ ክርስቲያንን በማገልገል በኩል ጥያቄ የሚነሣባቸው መሆኑ ነው። ለታላቁ የአበው ክብር ማለትም ለጵጵስና ሲበቁ ራሳቸው የመሠረቱትን ቤተ ክርስቲያን በሀገረ ስብከቱ አስተዳደር እንዲመራ ማድረጋቸውን ተናግረው፣ አስጨብጭበው፣ “ይደልዎ" አስብለው ቢሆንም ቃላቸውን ሳይጠብቁ ቀርተዋል። ታዲያ በጥቂቱ ሳይታመኑ በትልቁ እንዴት ሊታመኑ ይችላሉ? ይህንን ባለማድረጋቸው ቢወቀሱስ ቅር ሊላቸው ይገባልን? ምእመኑ የሚወቅሳቸው ስለሚጠላቸው ሳይሆን የሚከተሉት መንገድ የተሳሳተ መሆኑን ሊገነዘቡት ይገባ ነበር።

ይህ በእንዲህ እንዳለ በብፁዕ አቡነ ፋኑኤል የተተኩትን እና የምዕራብ ሐረርጌና ጂጂጋ ሀ/ስብከት ሊቀ ጳጳስ ሆነው የተመደቡትን ብፁዕ አብርሃምን ለመሸኘት የመሰናበቻ መርሐ ግብር መዘጋጀቱ ታውቋል። በምእመኑ ዘንድ የቤተ ክርስቲያን አንድነት እና ቀኖና ጠበቃ ተደርገው የሚወሰዱት አቡነ አብርሃም መቀየራቸው ብቻ ሳይሆን የተተኩት ደግሞ ብፁዕነታቸው ለማስጠበቅ ይሞክሩ የነበሩትን የቤተ ክርስቲያን አንድነት በማይቀበሉ አባት መሆኑ ሐዘን መፍጠሩ ይታወቃል። (መጥሪያውን በመጨረሻ ያገኙታል)

Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)