December 22, 2011

ብፁዕ አቡነ አብርሃም በዕንባ ተሸኙ


(ደጀ ሰላም፣ ታኅሣሥ 11/2004 ዓ.ም፤ ዲሴምበር 21/2011/ READ IN PDF)፦ ቀደም ብሎ ለኒውዮርክ ቀጥሎም ለዋሺንግተን እና አካባቢው ሀ/ስብከት በሊቀ ጳጳስነት ተመድበው ሲያገለግሉ ቆዩትና በጥቅምቱ የቅ/ሲኖዶስ ጉባኤ ወደ መዕራብ ሐረርጌ እና ጅጅጋ አህጉረ ስብከት የተዘዋወሩት ብፁዕ አቡነ አብርሃም በዕንባ ተሸኙ።
 ባለፈው ቅዳሜ ታኅሣሥ 7/2004 ዓ.ም (12/17/2011) በቨርጂኒያ ግዛት በተደረገላቸው የመሸኛ ዝግጅት ላይ ስንብት የተደረገላቸው ብፁዕነታቸው በምድረ አሜሪካ ቆይታቸው ስለነበረው ሁኔታ ማብራሪያ ከመስጠታቸውም በተጨማሪ በእርሳቸው መሔድ የተጀመረው አገልግሎት እንዳይቀዛቀዝ አባታዊ አደራ ሰጥተዋል።
በሀገሩ መንግሥት የሚታወቅ ሀ/ስብከት መመስረታቸውን፣ መንበረ ጵጵስና በሀገሩ አሠራር መሠረት መገዛቱን፣ ይህም ግዢ ለጠቅላይ ቤተ ክህነቱ ሪፖርት መደረጉን፣ አዳዲስ አብያተ ክርስቲያናት መባረካቸውን፣ የአንድነት መንፈስ በምድረ አሜሪካ መፈጠሩን የዘረዘሩት ብፁዕነታቸው አሁንም ይኸው የአንዲት ቤተ ክርስቲያን መንፈስ እንዲቀጥል አሳስበዋል።

video
በዕለቱ አስተያየታቸውን የሰጡ ከየአድባራቱ የመጡ አባቶች እና ምእመናን በዕንባና በሳግ በታፈነ ድምጽ ለብፁዕነታቸው ያላቸውን ፍቅር እና ለአገልግሎታቸው ያላቸውን ክብር አሳይተዋል። ወደ ኢትዮጵያ ለመመለስ ከዋሺንግተን ዲሲ በተንቀሳቀሱበት በዛሬው ቀን ከአውሮፕላን ማረፊያ ሊሸኛቸው የመጣው ምእመን በፍቅር ዕንባ “ደህና ግቡ” ያላቸው ሲሆን በሐረር እና ጅጅጋ አህጉረ ስብከት ያለው አገልግሎት እንደ አቡነ አብርሃም ያለ አባት እንደሚአስፈልገው እግዚአብሔር ባወቀ የሆነ እንደሆነም በመሸኛ በዓሉ ላይ በተለያዩ ተናጋሪዎች ተወስቷል።

ይህ በእንዲህ እንዳለ በብፁዕ አቡነ አብርሃም ምትክ ለዋሺንግተን ዲሲ እና አካባቢው ተመድበው የመጡት ብፁዕ አቡነ ፋኑኤል በበዓሉ ላይ ያልተገኙ ሲሆን ምንጮቻችን እንዳስረዱንም ከሀ/ስብከቱ አካላት ጋር በጋራ ሥራ አለመጀመራቸውም ታውቋል። ይልቁንም ‘ገለልተኛ’ የሚባሉ አብያተ ክርስቲያናትን እና አንዳንድ ካህናትን በግል በመጥራት “አብረን እንሥራ” ለማለት በመሞከር ላይ መሆናቸው ታውቋል።


Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)