December 16, 2011

በቤተ ክርስቲያን ውስጥ የሚካሄዱ ግንባታዎች ከፍተኛ የሙስና ምንጭ እየሆኑ ነው



አርእስተ ነጥቦችዶኩመንቶች
(ደጀ ሰላም፣ ታኅሣሥ 6/2004 ዓ.ም፤ ዲሴምበር 16/2011. READ IN PDF.)፦

  • ለድሬዳዋ ደብረ ኀይል ቅዱስ ገብርኤል ሕንፃ ቤተ ክርስቲያን ግንባታ ከጅምሩ አንሥቶ በሀገር ውስጥና በውጭ ከሚገኙ ምእመናን ከተሰበሰበው ብር 11.3 ሚሊዮን ውስጥ ከአምስት ሚሊዮን ብር በላይ ጉድለት መገኘቱን በምእመናን ምርጫ የተዋቀረው “የባለሞያዎች ተሟጋች ቡድን” እና የሰበካ ጉባኤው አባላት እየተናገሩ ነው
  •  ከሕንፃ አሠሪው ኮሚቴ ራሳቸውን ባገለሉ አባላት በቀረበ ጥያቄ የጠቅላይ ቤተ ክህነቱ ቁጥጥር አገልግሎት ኦዲተሮች ባደረጉት ማጣራት ከብር 1.8 ሚሊዮን በላይ ለሕንፃ ሥራ ተቋራጩ አላግባብ መከፈሉን አረጋግጠዋል፤ “ተጠሪነቴ ለፓትርያርኩ ነው” በሚል ለሰበካ ጉባኤው የማይታዘዘው የሕንፃ አሠሪ ኮሚቴ ክፍያው ከፓትርያርኩ በተሰጠ ትእዛዝ እንደተፈጸመ ገልጧል፤ ይኸው ሳይበቃ ሰሞኑን ወደ ድሬዳዋ ያመሩት የጠ/ቤ/ክህነቱ መሐንዲስ ለተቋራጩ ተጨማሪ ብር 900,000 እንዲከፈል ማዘዛቸው ተሰምቷል፤ የደብሩ ሰበካ ጉባኤ በበኩሉ የነበረው ሒሳብ በተቋቋመው አጣሪ ኮሚቴ ተመርምሮ ግኝቱ በይፋ እስኪገለጽ ድረስ የታዘዘውን ተጨማሪ ክፍያ በቀድሞው አሠራር መፈጸም ሕጋዊነት እንደማይኖረው አስታውቋል
  • ·         ምእመናን እና ካህናት የሕንፃ ግንባታውን ወጪ የሚያጣሩ ገለልተኛ ባለሞያዎችን ከመምረጣቸውም በላይ ምእመኑን በዐውደ ምሕረት ወሬኞች እና ዐመፀኞች” በማለት የዘለፉት የደብሩ አስተዳዳሪ፣ ጸሐፊና የስብከተ ወንጌል ሓላፊው ከሓላፊነታቸው እንዲነሡ ጠይቀዋል
  • የፓትርያርኩ ልዩ ጽ/ቤት በበኩሉ የሕንፃ ግንባታውንና የደብሩን አጠቃላይ የሒሳብ ሪፖርት ለምእመናን አቅርበው አዲስ ምርጫ በማካሄድ ከሓላፊነታቸው ለመልቀቅ ያቀዱትን የሰበካ መንፈሳዊ ጉባኤ አባላት፣ “በቃለ ዐዋዲው የተወሰነውን የሥራ ዘመናችሁን አሳልፋችኋል” በሚል ከታኅሣሥ ሦስት ቀን 2004 ዓ.ም ጀምሮ ከሓላፊነታቸው አግዷል
  • የፓትርያርኩ ልዩ ጸሐፊ፣ የጠ/ቤ/ክህነቱ መሐንዲስ፣ የደብሩ አስተዳዳሪ፣ የሕንፃ አሠሪው ኮሚቴ ሊቀ መንበር፣ የሕንፃው ተቋራጭ መሐንዲስና ሌሎች ግለሰቦች አላግባብ ከወጣው ወጪ የጥቅም ተጋሪዎች እንደሆኑ እየተነገረ ነው
  • የሕንፃው ግንባታው ከታቀደው ጊዜ ከአራት ዓመት በላይ ተጓቷል፤ በፓትርያርኩ ልዩ ትእዛዝ አላግባብ በሚፈጸም ክፍያ በውለታ ከተቀመጠው ገንዘብ በዕጥፍ ያህል ወጪ ቢሆንም የተጠናቀቀው የግንባታው 65 በመቶ ብቻ ነው፤ የሕንፃው ሥራም ከዲዛየኑ ውጭ የሆኑ ብልሹ ገጽታዎች ይታዩበታል፤ የሕንፃ ተቋራጩ ከሀገር መውጣቱ ተነግሯል
  • የአጥቢያው ካህናትና ምእመናን፣ የሀ/ስብከቱ ስምንት ሰንበት ት/ቤቶች በሀገረ ስብከቱ ሊቀ ጳጳስ ብፁዕ አቡነ ገሪማ ቸልተኝነት ማዘናቸውን ገልጸዋል፤ የድሬዳዋ ፍትሕ እና ጸጥታ ዘርፍ እንዲሁም ፖሊስ ኮሚሽን የደብሩን አስተዳደር ከምእመኑ ጋ ለማስማማት ጥረት እያደረጉ ነው
  • “ከዚህ በላይ ልንታገሥ አንችልም፤ ችግሩ ተባብሶ ወዳልተፈለገ አቅጣጫ ከማምራቱ በፊት የመረጥናቸው ባለሞያዎች የሕንፃውን ወጪ የማጣራቱን ሥራ ይጀምሩልን፤ የአቅም ማነስ ያለባቸውና የሰበካ ጉባኤውን ሥራ ሆነ ብለው እያደናቀፉ የመከፋፈል ተግባር የሚፈጽሙት የደብሩ አስተዳዳሪ[መልአከ ኀይል ቆሞስ አባ ገብረ ሥላሴ ቸኮል]፣ ጸሐፊው እና የስብከተ ወንጌል ሓላፊው በየመድረኩ የሚናገሩትን ዘለፋ አቁመው በአስቸኳይ ይነሡልን፤ የሕንፃ አሠሪው ኮሚቴ ምእመኑ በሚመርጣቸው አባላት ይተኩልን፤ ይህ ካልሆነ ለሚፈጠረው ችግር ሓላፊነቱን አንወስድም!!” /የደብሩ ሰበካ ጉባኤ፣ ሰንበት ት/ቤት እና ስብከተ ወንጌል አባላት በጋራ የተፈራረሙበት አቤቱታ/::
ከዚህ በታች ዶኩመንቶቹን ተመልከቱ።

8 comments:

Anonymous said...

endeza defa kena yemilue, belibe kuru yeminageru, yemiruwaratu yemimeslu.....bicha ewnet kehone betam yasazinal......

Anonymous said...

የተከበራችሁ የቅድስት ቤተ ክርስቲያን ልጆች መልካም አደረጋችሁ! እንዲህ ያሉ ነውሮች በብዙ አብያተ ክርስቲያናት ይፈጸማሉና በምን ስልት ቤተክርስቲያናችንን ከዘረፋ እንደምንታደግ ብንመካከር መልካም ነው:: ለምሳሌ አዲስ አበባ የቀደሞው ወህኒ ቤት ቅዱስ ሚካኤል ቤተክርስቲያን ለቦታ ለውጥ ብቻ ከቀድሞው OAU 3,000,000 (3 ሚሊዮን ) ብር የተከፈለው ቢሆንም መጠኑን ሕንጻ አሰሪው ኮሚቴና ግብረ አበሮቹ ብቻ የሚያውቁት ብር ከምዕመናን ቢሰበሰብም በመከራ የተጠናቀቀው የአዲሱ ሕንፃ አሰሪ ኮሚቴዎች ያንን ሁሉ ሃብት እንዴት ለግል ጥቅማቸው እንደተጫወቱበት በቅርብ የሚያውቅ ያውቀዋል :: ታላላቅ ገንዘብ ነክ ዘረፋዎች ከሃገረ ስበከት ወይም ከፓትርያርኩ ጽ ቤት ጋር በመተባበር የሚተገበሩ ስለሆነ እንዳይጋለጡ የሚደረገው ርብርብ ነፍስ እስከ ማጥፋት ሰው እስከ መግደል የሚደርስበት ጊዜም አለ:: እናም የደረስንበት ዘመን አንገት የሚያስደፋ ነውና እስቲ በጋራ ከጸሎትና ከጥበብ ጋር መፍትሔ ፍለጋ እንንቀሳቀስ:: ይህ ዋጋ የሚያስገኝ አገልግሎት ነውና ስለ ቅድስት ቤተ ክርስቲያን እንቁም:: ዝምታው ይሰበር::

Anonymous said...

የተከበራችሁ የቅድስት ቤተ ክርስቲያን ልጆች መልካም አደረጋችሁ! እንዲህ ያሉ ነውሮች በብዙ አብያተ ክርስቲያናት ይፈጸማሉና በምን ስልት ቤተክርስቲያናችንን ከዘረፋ እንደምንታደግ ብንመካከር መልካም ነው:: ለምሳሌ አዲስ አበባ የቀደሞው ወህኒ ቤት ቅዱስ ሚካኤል ቤተክርስቲያን ለቦታ ለውጥ ብቻ ከቀድሞው OAU 3,000,000 (3 ሚሊዮን ) ብር የተከፈለው ቢሆንም መጠኑን ሕንጻ አሰሪው ኮሚቴና ግብረ አበሮቹ ብቻ የሚያውቁት ብር ከምዕመናን ቢሰበሰብም በመከራ የተጠናቀቀው የአዲሱ ሕንፃ አሰሪ ኮሚቴዎች ያንን ሁሉ ሃብት እንዴት ለግል ጥቅማቸው እንደተጫወቱበት በቅርብ የሚያውቅ ያውቀዋል :: ታላላቅ ገንዘብ ነክ ዘረፋዎች ከሃገረ ስበከት ወይም ከፓትርያርኩ ጽ ቤት ጋር በመተባበር የሚተገበሩ ስለሆነ እንዳይጋለጡ የሚደረገው ርብርብ ነፍስ እስከ ማጥፋት ሰው እስከ መግደል የሚደርስበት ጊዜም አለ:: እናም የደረስንበት ዘመን አንገት የሚያስደፋ ነውና እስቲ በጋራ ከጸሎትና ከጥበብ ጋር መፍትሔ ፍለጋ እንንቀሳቀስ:: ይህ ዋጋ የሚያስገኝ አገልግሎት ነውና ስለ ቅድስት ቤተ ክርስቲያን እንቁም:: ዝምታው ይሰበር::

Anonymous said...

‘በቤተ ክርስቲያን ውስጥ የሚካሄዱ ግንባታዎች ከፍተኛ የሙስና ምንጭ እየሆኑ ነው" የሚለው ርዕስ
በቤተ ክርስቲያን ውስጥ የሚካሄዱ ግንባታዎች ከፍተኛ የሙስና ምንጭ ናቸው እኛም እያወቅን ዝም ብለናል በሚለው ይቀየርልን እውነቱ እርሱ ነውና! የቅድስት ቤተ ክርሰቲያን አምላክ ይቅር ይበለን::

Anonymous said...

‘በቤተ ክርስቲያን ውስጥ የሚካሄዱ ግንባታዎች ከፍተኛ የሙስና ምንጭ እየሆኑ ነው" የሚለው ርዕስ
በቤተ ክርስቲያን ውስጥ የሚካሄዱ ግንባታዎች ከፍተኛ የሙስና ምንጭ ናቸው እኛም እያወቅን ዝም ብለናል በሚለው ይቀየርልን እውነቱ እርሱ ነውና! የቅድስት ቤተ ክርሰቲያን አምላክ ይቅር ይበለን::

Anonymous said...

ዕውነቱን ቅዱስ ገብርኤል ስለሚያውቀው ፍርዱን እርሱ ይስጥ። አሜን። እኛ ምን እናውቃለን?

Anonymous said...

musina le betekirisitiyan asitedadariwochina sewoch adis ayidelem, wana sirachew esu min hone ena, yihe degimo kelayi ke chinikilatu yemeta new, seniseletu yetezeregaw lezihu new, bicha 1 ewunetegna kale beki new

mendesena zerefe said...

በመጀመርያ ሰብሳቢው የነበሩት ማለት የህንጻው አሰሪው አቶ ሳሙኤል ነበሩ ለምን አቶ ብርሐኔ ሆኑ በአገልግሎት ስለበለጡ ወይስ………….. እንዴት? ለምን? ህዝቡ ያውቅ ነበር? ኮንትራክተሩ አቶ ኤፍሬም ለምን የሳቸውን መሆን ፈለጉ ከዛሬ 4 አመት በፊት ለስራ ማካሄጃ ገንዘብ ያስፈልግኛል ብለው ስራውን አቋርተውት ነበር አቶ ኤፍሬም ነገር ግን ህንጻውን ይቆጣጠር የነበርው መሀንዲስ እንዳውም ትርፍ ገንዘብ ዎስዱአል ብሎ ሙያዊ የሆነውን በማስረጃ የተደገፈ መልስ እያሳያቸው ህንጻ አሰሪው ኮሚቴ ግን ምንም አይነት እርምጃ አልወሰዱም እንዳውም አቶ ብርሐኔ ስራውን ለማዘግየት ነው ወይ እያሉ ሲከራከሩ የራሳቸው ተቋራጭ ነበር የሚመስለው በጣም የሚገርመው ሲፈልጉ ባለሙያ አያስፈልግም ይላሉ ማንም ልክ አደሉም የሚላቸው አልነበረም እኔ እንዳውም የቅዱስ ገብርኄር አመታዊ በአል ሲደርስ እሳቸው የሚያረጉት አክት ይገርማል ማን ተው ይበላቸው ይህ እኮ የእግዚያብሔር ቤት ነው ይህን ስንል አንድ ነገር ትዝ አለኝ ከዚ በፊት የነበሩት አስተዳሪ ብሎም ስራ አስኪያጅ የሳቸውስ ነገር እጃቸው ንጹ ነው ማለት ነው ? “አንድ ምመን አንድ ብር” የሚሏት ነገር ትዝ አላቹ ድሬዎች እሁድ እሁድ ከቅዳሴ በሗላ ግን አላማቸው ሌላ ነበር እሳቸው እንኳን እሱን እተወውና ከሁለት አመት በፊት አንዴ ግራ ሲገባኝ አቶ ኤፍርም ማነው ብዬ ጥቂት ኮንትራክተሮችን ስተይቅ በራሱ ድርጅቱ ውስጥ እንኳን ጥሩ ስም የላቸውም ታዲያ ህንጻ አሰሪው ኮሚቴ ይህን ያጣው አይመስለኝም እንዳውም አነድ ነገር ተቆም ላርጋቸሁ ሐረመያ ዩንቨርስቲ የሚያስተምረው መሀንዲስ እንዴት ህንጻ ተቆጣጣሪ ባለሙያዎች ጋር ገባ? ልብ ብለን እንየው እስቲ ሌላም አለ ግን እኛም እናውቃለን የሚሉ ስላሉ ከነሙሉው ማስረጃ ይብቃኝ “ በሬ እየሰባ ሲሄድ የመታረጃውን ካራ ይታከካል ” አሉ ድሬ ነኝ ከአሜሪካ
ሰላም…….

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)