October 28, 2011

(ሰበር ዜና) ፕሮቴስታንታዊ ተሐድሶን በመቃወም ከተደረገው ትዕይንት ጋራ በተያያዘ የታሰሩት ወጣቶች ተፈቱ


(ደጀ ሰላም፤ ጥቅምት 16/2004 ዓ.ም፤ ኦክቶበር 27/2011/ PDF)፦ በቤተ ክርስቲያን ላይ ከውስጥና ከውጭ እየተካሄደ የሚገኘውን የፕሮቴስታንታዊ ተሐድሶ እንቅስቃሴ በመቃወም እና ቅዱስ ሲኖዶስ በእንቅስቃሴው አራማጆች ላይ የቀረቡ ማስረጃዎችን መርምሮ አስቸኳይ ውሳኔ እንዲያሳልፍ ለመጠየቅ ከተጠራው የተቃውሞ ትዕይንት ጋራ በተያያዘ ከጥቅምት 11 ቀን 2004 ዓ.ም ማታ ጀምሮ ለአምስት ቀናት ከታሰሩት ወጣቶች መካከል በተባባሪነት የተከሰሱት ስድስቱ ዛሬ ማምሻውን ተፈተዋል፤ በብር 800 ዋስ እንዲወጡ የተወሰነላቸውና ‹ዋነኛ› የተባሉት ሁለቱ ወጣቶችም በነገው ዕለት እንደሚለቀቁ ይጠበቃል፡፡


ይህንንም ተከትሎ ሕገ ወጡን ቡድን በመደገፍ ከሐዋሳ መጡ የተባሉ ወጣቶችም በዋስ የሚወጡ ሲሆን ሂደቱን ያቀላጠፉላቸው የሕገ ወጥ ቡድን አስተባባሪዎች (በጋሻው ደሳለኝ፣ አሰግድ ሣህሉ፣ በሪሁን ወንደወሰን . . .) ናቸው፡፡ በድብደባ ጉዳት ደርሶበታል የተባለው ትዝታው ሳሙኤል በወረዳ 2፣ 9 እና በማእከላዊ ወንጀል ምርመራ ለአምስት ቀናት በእስር ከቆዩት ወጣቶች መካከል የደበደቡትን በመልክ ይለያቸው እንደሆን በፖሊስ ተጠይቆ ከእነርሱ መካከል እንደሌሉበት መመስከሩ ተገልጧል፡፡

የአዲስ አበባ አስተዳደር የመጀመሪያ ደረጃ ፍ/ቤት አራዳ ምድብ ችሎት ስድስቱ ወጣቶች በብር 600 ዋስ አስይዘው እንዲወጡ ከወሰነ በኋላ ‹ትፈለጋላችሁ› በሚል ወደ ማእከላዊ ወንጀል ምርመራ ተወስደዋል፤ ወጣቶቹ ጥቅምት 14 ቀን 2004 ዓ.ም ወደ ፌደራሉ የመጀመሪያ ፍ/ቤት ቀርበው የነበረ ሲሆን “ከፍተኛውን የተቃውሞ አስተባባሪ ለመያዝ” በማለት ፖሊስ በጠየቀው ተጨማሪ ጊዜ ቀጠሮ መሠረት ፍ/ቤቱ ለጥቅምት 20 ቀን 2004 ዓ.ም እንዲቀርቡ አዝዞ እንደነበር መዘገቡ ይታወሳል፡፡ ቀደም ሲል በብር 600 ዋስ እና በብር 800 ዋስ እንዲወጡ በፍ/ቤት የተወሰነላቸው ወጣቶቹ ከእስር ነጻ የወጡት/የሚወጡት የቤት ካርታ እና የመኪና ሊብሬ በዋስትና አስይዘው ነው፡፡ ይህም ዋስትናውን ከፍ/ቤቱ ትእዛዝ በላይ በማክበድ ወጣቶቹን በእስር ለማሰንበት ያለውን ፍላጎት ያሳየ ነው ብለዋል - ታዛቢዎች

“ቤተ ክርስቲያኗን በመበጥበጥ፣ ሁከት በመቀስቀስ እና በድብደባ ጉዳት በማድረስ” የሚሉ ክሶች የቀረቡባቸው ወጣቶቹ፣ በእስር ቆይታቸው ወቅት በተካሄደባቸው ምርመራ የማኅበረ ቅዱሳን አባል ስለመሆናቸው/ስላለመሆናቸው ያተኮሩ ጥያቄዎች እንደቀረቡላቸውና በምርመራው ሂደትም “ተፈጥሯል/ለመፍጠር ታቅዷል” የተባለውን ሁከት እና ብጥብጥ ከማኅበረ ቅዱሳን ጋራ በሆነ መንገድ ለማያያዝ ብርቱ ሙከራ ሲደረግ መታዘባቸው ተመልክቷል፡፡

ወጣቶቹ በበኩላቸው የተባለው ችግር የተፈጠረው በአንዲት ቤተ ክርስቲያን ውስጥ መሆኑን፣ በአንዲት ቤተ ክርስቲያን ውስጥ ደግሞ የተለያየ ሃይማኖት ሊኖር እንደማይገባው፣ ከዚህም አኳያ ‹በሃይማኖት መቻቻል› የሚባል ነገር ሊነሣ እንደማይችል፤ ለሃይማኖታቸው ባዳ እስካልሆኑ ድረስ ስለ ሃይማኖታቸው ለመመስከር የግድ በሆነ ማኅበር ውስጥ መታቀፍ/መደገፍ እንደማያስፈልጋቸው፣ የማኅበረ ቅዱሳንም አባል እንዳልሆኑ መናገራቸው ተገልጧል፡፡ ይህም አንዳንድ መፍቀሬ - ፕሮቴስታንታዊ - ተሐድሶ የሆኑ ብሎጎች የማኅበሩን አባላት በሁከት ፈጣሪነት በመክሰስ የታሰሩት የማኅበሩ አባላት መሆናቸውን የዘገቡት የጅብ ችኩል … ይሉት ክስ በተግባር የሚያስተባብል ነው፡፡

8 comments:

ወልዳ ለተዋሕዶ said...

ማኅበረ ቅዱሳን ዝም ይበል እግዚአብሔር ይናገር እላለሁ አንደበቱ አልፋና ዖሜጋ ነውና ቸር ወሬ ያሰማን

Orthodoxawi said...

Egziabher yetemesegene yihun. Yesenbet timhrt bet wetatochin yabertaln.

Ke tehadso-menafikan gora yalewu Mahbere Kidusanin betegegnewu aktacha hulu yematkat mukera ... Mahberu min yakil sirachewun (yemenafikanun sira/sera) eyagaletebachewu endehone yasayal.

Menafikanu ye mot shiret tigil eyakahedu newu.

MK ayzuachihu! Bertu, yebelete tegtachihu tseliyu, abatoch enditseliyulachihu asasbu.

Egziabher Amlak Betekrstiyanin yitebkilin!

Anonymous said...

pollymengist ahun yemibejewn adereg!!!
Melekam zena

Anonymous said...

How could I get them these people who suffered for their church's sake. Would it be possible to phoste mobile phone (address)? I and others may want to support them.

Yekidusan Amlake Hulachininm Yitebiken

Anonymous said...

Thanks God, this is good news. As I said in my previous comment on other page, please give the greatest attention to the Synode Meeting. We want to know the progress.

Medhanealem Kegna Gare Yihune, Amen.

Anonymous said...

This is good new for us and we have lot work have to be done. i really thank every one who come forward and let their voice heard for our prisoned brothers. and on the other hand they are making Big deference in our church this generation no longer sit and watch or listen while our church attacked by some evils. some Top of our leader playing big Game in our church for their interest. our Younger generation understand what real orthodox means. i am so proud of them and glory to GOD for everything he have done for us and doing for our future. i really thank you DEJE SELAM for respond which i asked about story that published about money that given $10,000 for "tehadiso akenkagn" prisoned by Abun paulos and keep your hard work. lastly what the Government want from Maheber kidusan? instead they investigating what is write and wrong they questioning if the prisoned were Maheber kidusan member? if the government trying to defend Abun paulos for what he have done by supporting tehadiso then they are on the wrong side of story. this is not politic this is religion which people die for it. government must be lost their mind. try to do write things don't take a side. my GOD bring peace in our church and strength to those who are fighting for the truth Amen!

Gebre Z Cape said...

ደስ የሚል ዜና ነው:: አምላክ ለዚህ ምስጋና ይድረሰው:: እነዚህ ወጣቶች ትልቅ መስዋዕት ከፍለዋልና ለወደፊቱም አምላክ በበለጠ ያበርታቸው:: ነገር ግን ሁሉንም ነገር በጥበብና ፍቅር በተሞላበት መልኩ እንድናከናውን: እንድታከናውኑ አምላካችን ይርዳን::

እውነት ትመነምናለች እንጂ አትጠፋምና ሁሌም በአምላካችን ተስፋ እናድርግ::

ቸር ወሬ ያሰማን::

Anonymous said...

Thanks GOD

Government
Aba Pawlos
Tehadeso

All U R doing wrong, it is criminal activity to spy and try to disturb others relegion. If some one if a real follows he has to follow the ruls & regulations. Those who R sending ur spays to us, this is an Evils activity. U R expected to teach just yours.../ Unless don't puss Z country to crisis...

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)