October 20, 2011

በጀርመን በአንድ ቄስ ምክንያት አለመግባባት ሰፍኗል

 (ደጀ ሰላም፤ ጥቅምት 8/2004 ዓ.ም፤ ኦክቶበር 19/2011/ TO READ IN PDF, CLICK HERE)፦ በጀርመን የኢ/ኦተ/ ቤተ ክርስቲያን ከመናፍቅነት ተመልሷል በተባሉ የቀድሜ ቄስ ምክንያት የተፈጠረው አለመግባባት ሳይፈታ መቆየቱ የጀርመን ምንጮቻችን አስታውቀዋል። አለመግባባቱ በአዲስ መልክ ሊያገረሽ የቻለው የሰሜን ምእራብ አውሮፓ ሊቀ ጳጳስ ብፁዕ አቡነ እንጦንስ ለኚሁ ከመናፍቃን ቤት ኖረው ተመለሱ የተባሉት ቄስ የትምቦታ ሄደው እንዳያስተምሩ፣ ውሳኔ እስኪያገኙ ድረስ በደብራቸው እንዲቆዩ በስልክ መመሪያ ከሰጡ በኋላ ነው ተብሏል።
ለረዥም ጊዜ ከኦርቶዶክሳዊት ቤተ ክርስቲያናቸው ወጥተው ቆይተው ተመልሻለሁ ያሉት “ቀሲስ ገዳሙ ደምሳሽ” ሲሆኑ በመናፍቃኑ ዘንድ በቆዩባቸው ዓመታት የእነርሱን እምነት የሚያንጸባርቁ መጻሕፍት በመጻፍ፣ ክህነታቸውን ሰዎችን ለማሳሳቻ እና “እኔም ኦርቶዶክስ ነበርኩ” ለሚል ቅሰጣ ሲያውሉ የቆዩ ሲሆን ተመልሻለሁ ካሉበት ጊዜ ጀምሮም ቢሆን በተመደቡበት ቤተ ክርስቲያን የሚገኙ ምዕመናን ቀስ በቀስ ወደ መናፍቃኑ መጓዝ መጀመራቸውን በመጥቀስ ሰውየው ተመልሰው ሳይሆን በዓላማ መጥተው ነው ሲሉ ምእመናን ይከሳሉ።

ሰውየው ከመናፍቃን ጎራ ተመለሱ መባላቸውን እንጂ ለፈጸሙት የእምነት ለውጥ ምንም ዓይነት ጸጸት ያላሳዩት ቄስ ገዳሙ የተበላሸ እምነታቸውን ሳያስተካክሉ እንዲሰብኩ መፈቀዱ ምእመናኑን ለኑፋቄ እንዳጋለጣቸው ምንጮቻችን ጠቅሰዋል። ለእኒሁ ቄስ ጥብቅና ቆመዋል የሚባሉት በጀርመን የኢ/ኦ/ተ/ ቤተ ክርስቲያን ኃላፊ ሊቀ ካህናት ቀሲስ ዶ/ር መርዓዊ ተበጀ በመናፍቁ ቄስ ተግባር ከፍተኛ ተቃውሞ እንደ ገጠማቸው ታውቋል። የዚህን ዜና ቀጣይ ክፍሎች ወደፊት ለማቅረብ እንሞክራለን። 
 
በጀርመን የሚገኙ ምእመናን የዛሬ ዓመት አካባቢ ያቀረቡትን አስተያየት እና አቤቱታ ለማንበብ የሚከተለውን ይጫኑ።     







Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)