October 15, 2011

ተሐድሶዎች በስም ሥርቆት ዘመቻ ተጠምደዋል፣ የእውነተኛ ኦርቶዶክሳውያንን ስሞች መጠቀም ጀምረዋል


(ደጀ ሰላም፤ ጥቅምት 3/2004 ዓ.ም፤ ኦክቶበር 14/2011)፦ ለብዙ ጊዜ በሐሰት ትምህርትቻው ምንም ነፍስ መማረክ ያቃታቸው አጽራረ ቤተ ክርስቲያን ግለሰቦችን እና ተቋማትን ስም በማስመሰል፣ አርማቸውን እና ፎቶግራቻውን በመጠቀም ለማጭበርበር በመሞከር ላይ ናቸው። በዚህ በአዲሱ ዘዴ ስሙን እና ፎቶግራፉን በፌስቡክ መጠቀም የጀመሩት መ/ር ዘመድኩን በቀለ ነው። በእርሱ ስም ያወጡት መልእክት የሚከተለው ነው።

በሚቀጥለው የሊቃውንት ጉባኤ ላይ እነ በጋሻው በተለያዩ የተሃድሶ ደጋፊዎች ጥረት ነጻ የሚወጡ ከሆነ በየቦታው ያሉ ሰንበት ተማሪዎችን በማስተባበር ሸቃሾጮችን ከቤተክርስቲያን ጠርገን በሃይል ማስወጣት አለብን፡፡ በጋሻውም ሆነ ግብር አበሮቹ ተጠራርገው ሊወጡ ይገባል፡፡ ሳይሆን ማንኛችንም መተኛት የለብንም፡፡ ተሃድሶዎች የሚጫወቱብን ፓትሪያርኩን ተገን አድርገው ነው፡፡ እሳቸውንም ቢሆን ልንለቃቸው አይገባም፡፡ ሽጉጣቸውን አስጥለን ወደ መጡበት እንመልሳቸዋለን፡፡

ዘመድኩን ይህንን እንደማይል ለመገመት ብዙም ሊቅነት አይጠይቅም። ነገር ግን ፎቶግራፉን የተመለከተ እና ጥንቃቄ ያላደረገ ሰው በቀላሉ ሊሳሳት እንደሚችል መገመት ይቻላል። ከዚህ አስቀድሞ የዚህ ዓይነቱ የማታለል ዘመቻ ሰለባ የነበረችው ደጀ ሰላም ስትሆን በፌስቡክ ላይ “ደጀ ሰላም” በሚል አርማዋን እና የምትጠቀምባቸውን ፎቶዎች ኮፒ በማድረግ ለማሳሳጥ የሚሞክሩ ብዙ ግለሰቦች ከመኖራቸውም በላይ በብሎግ እና በዌብሳይት ደረጃ ከሁለት ያላሱ “ደጀ ሰለሞች” መከፈታቸውን ለማወቅ ችለናል።

ከደጀ ሰላም ውጪ ስም ጠፍቶ ሳይሆን አንባብያንን በለመደው ስም ለማሳሳት የተጠቀሙበት የበግ ለምድ ስርቆት ነው። ለምዱ የበግ ቢሆንም ተኩላዎች መሆናቸውን ማንም ኦርቶዶክሳዊ ያውቀዋል። ከዚህ አስቀድሞ አባ ሰረቀ በሚመሩት የቤተ ክህነት ድረ ገጽ ላይ ደብዳቤውን “ፎርጅድ” ሰርተው ለማታለል የሚከሩበት ማ/ቅዱሳን ጉዳዩን በይፋ በማስታወቁ አባ ሰረቀ እና ድረ ገጻቸው ፎርጅዱን ደብዳቤ ቶሎ ለማውረድ ቢገደድም የተሐድሶ-መናፍቃን ብሎጎች ግን አሁንም ድረስ ያንን ፎርጅድ ደብዳቤ በመጠቀም ላይ ይገኛሉ።

Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)