October 1, 2011

የመስቀል-ደመራ በዓል አከባበር ልዩ የሕዝብ ግንኙነት ሥራ እንደሚያስፈልገው ተጠቆመ


  • በሁሉም ዘርፍ ለሀገሪቷና ለሕዝቧ ባለውለታ ለሆነችው ለጥንታዊቷ፣ ታሪካዊቷና ብሔራዊቷ የኢትዮጵያ ኦርቶዶክስ ተዋሕዶ ቤተ ክርስቲያን ዓመታዊ በዓላት ማስሚዲያዎች የሚሰጡት የዜና ሽፋን፣ “ተከታዮቿን አንገት የሚያስደፋና ከፍተኛ ቅሬታን የሚያሳድር” እንደሆነ ተገልጧል
  • “በአዲስ አበባ ያለውን አከባበር ብቻ ሳይሆን በአኵሱም፣ በጎንደር እና በላሊበላ ከተሞች ያለውን የመስቀል በዓል አከባበር በስፋት በማስተዋወቅ ሁኔታውን ማጉላት ጠቀሜታውን እጥፍ ያደርገዋል፤” (የ2004 ዓ.ም መስቀል መጽሔት ልዩ ዕትም)
  • “የመስቀልም ሆነ የጥምቀት በዓል በሚከበርበት ጊዜ ቤተ ክርስቲያናችን የምትፈልገው የበዓሉ ገጽታ አንዳችም ነገር ሳይቀላቀልበት በብቸኝነት እንዲታይላት ነው፡፡” (መጋቤ ምሥጢር ወልደ ሩፋኤል ፈታሒ)
(ደጀ ሰላም መስከረም 20/2004 ዓ.ም፤ ኦክቶበር 1/2011)፦ ከሃይማኖታዊ እና ባህላዊ በዓልነቱ እና የአከባበር ሥርዐቱ ባሻገር የቱሪስት መስሕብ በመሆን ለሀገር ኢኮኖሚ እና ገጽታ ግንባታ የሚያበርክተው ከፍተኛ አስተዋፅ ከዓመት ወደ ዓመት እየጨመረ ለመጣው የመስቀል ደመራ በዓል አከባበር የሕዝብ ግንኙነት ሥራ ልዩ ትኩረት ተሰጥቶት ሊሠራ እንደሚገባው ተጠቆመ፡፡
እንደ መስቀል እና ጥምቀት ያሉት የቤተ ክርስቲያኒቷ ዐበይት በዓላት በየዓመቱ በተከበሩ ቁጥር በሬዲዮ እና በቴሊቪዥን የሚሰጠው የስርጭት ሽፋን ለሌሎች የእምነት ተቋማት ከሚሰጠው የዜና እና ዝግጅት ሽፋንና በሕገ መንግሥቱ ከተደነገገው የሁሉም እምነቶች ነጻነትና እኩልነት አኳያ በቤተ ክርስቲያናችንና በተከታዮቿ ዘንድ ከፍተኛ ቅሬታን እንዳሳደረም ተገልጧል፡፡ ቤተ ክርስቲያናችን የምትፈልገው፣ የበዓላቱ ምንነትና ታላቅነትም የሚገለጸው የአከባበራቸው ገጽታ አንዳችም ነገር ሳይቀላቀልበት በብቸኝነት ሲታይ እንደሆነም ተመልክቷል፡፡

የ2004 ዓ.ም የመስቀል-ደመራ በዓል አከባበርን አስመልክቶ በመ/ፓ/ጠ/ቤ/ክ በታተመው ልዩ “የመስቀል መጽሔት” ዕትም ላይ እንደተገለጸው፣ የመስቀል በዓል አከባበርና አመጣጥን አስመልክቶ የተጻፉ ጽሑፎችን በመጠቀም፣ የቤተ ክርስቲያን ሊቃውንትንና የሚመለከታቸውን ሁሉ በመጠየቅ ራሱን የቻለ ዶክመንታሪ ፊልም ማዘጋጀት ለምእመኑ አስተማሪ ከመሆኑም በላይ የውጭ ጎብኚዎችም በቂ ዕውቀት የሚያገኙበትን ዕድል በመፍጠር ለቱሪስቶች ቁጥር መጨመር የጎላ ሚና ይኖረዋል፤ የበዓሉን አከባበር የሚያመለክት የሕዝብ ግንኙነት ሥራም በቤተ ክርስቲያኒቱ ብቻ ሳይሆን በባህል እና ቱሪዝም ሚኒስቴር እንዲሁም በኮሚዩኒኬሽን ጉዳዮች ጽ/ቤት ልዩ ትኩረት ተሰጥቶት ሊሠራ እንደሚገባው በልዩ ዕትሙ ላይ “የመስቀል በዓል አከባበር ባለፉት ሃያ ዓመታት” በሚል ርእስ በመ/ፓ/ጠ/ቤ/ክ የሕዝብ ግንኙነት መምሪያ ሓላፊ በሆኑት እስክንድር ገብረ ክርስቶስ የቀረበው ጽሑፍ ያስረዳል፡፡

መንግሥት በዓሉን በመላው ዓለም በማስተዋወቅ ረገድ በቴሊቪዥን ያልተቆራረጠ ሽፋን ለመስጠት የሚያደርገውን ጥረት በማጠናከር በአዲስ አበባ ያለውን አከባበር ብቻ ሳይሆን በአኵስም፣ በጎንደርና በላሊበላ ከተሞች ያለውን የመስቀል በዓል አከባበር በማከል ሁኔታውን ማጉላት ጠቀሜታውን እጥፍ እንደሚያደርገው ሓላፊው አመልክተዋል፡፡ የመስቀል ደመራን በዓል የምታከብር ሀገር ኢትዮጵያ እና የኢትዮጵያ ኦርቶዶክስ ተዋሕዶ ቤተ ክርስቲያን ብቻ መሆኑ በገሃድ የሚታወቅበት አጋጣሚ መሆኑን የገለጹት ሓላፊው ክዋኔው ሃይማኖታዊ ይዘቱን ጠብቆ ለተከታዩ ትውልድም ይቆይ ዘንድ ቤተ ክርስቲያን ከምታደርገው ጥረት ጎን ለጎን መንግሥት እና ሌሎች አካላት የድርሻቸውን ሊወጡ ይገባቸዋል ብለዋል፡፡

በሌላ በኩል “የመስቀልን በዓል እንዴት እናክብረው?” በሚል ርእስ የመጽሔቱን መልእክት ያሰፈሩት የልዩ እትሙ ዋና አዘጋጅ መጋቤ ምስጢር ወልደ ሩፋኤል ፈታሒ፡- የብዙኀን መገናኛዎች (በተለይ ኢትዮጵያ ሬዲዮ እና ቴሌቪዥን ድርጅት) ለቤተ ክርስቲያናችን የበዓል አከባበር የሚሰጡት የዝግጅት እና የዜና ሽፋን “እንዳያማህ ጥራው እንዳይበላ ግፋው” ዓይነት የበዓሉን ከፊል ገጽታ በወለምታ ወይም በቆረጣ አሳይቶ ወይም ለአንድ ሰከንድ ያህል እንደ ትል እሳት ብልጭ አድርጎ በማሳለፍ በዓሉን ወደማይመለከት ሌላ ፕሮግራም የሚያመራ፣ ከአስደሳችነቱ ይልቅ አሳኝነቱ የሚያመዝንና ሌሎች እምነቶች ከአዲስ አበባ እስከ ክልል ከተሞች ለሚያከብሯቸው በዓላት እስከ ሦስት ቀን ድረስ ከሚሰጠው ሽፋን አኳያ አድሏዊ እንደሆነ (በእኩልነት የማያስተናግድ) በመግለጽ የድርጅቱን አሠራር ተችተዋል፡፡

ዋና አዘጋጁ “ሌላ ፕሮግራም” ያሉትን ሲያብራሩም፣ “በጥምቀት በዓል የእንስሳትን ወይም የቀንድ ከብቶችን ቀን መርሐ ግብር ከዘፈን ጋራ ቀላቅሎ ያካሂድበታል፡፡ የመስቀልን በዓል ደግሞ ሙሉ በሙሉ የብሔር ብሔረሰቦችን ዘፈን በማዘፈን ወይም በማስጨፈር ሙሉውን ቀን ዳንኪራ ሲያስረግጥበት ይውላል፡፡ በፋሲካም ሙሉ ሌሊት ሲንጸባረቅበት የሚያድረው ይህ ይነቱ ትርኢት ነው፤” ብለዋል፡፡ የቤተ ክርስቲያናችን በዓላት በሚከበሩበት ወቅት በሌሎች ላይ በማይቀርብበት አኳኋን የሌሎችንም የሃይማኖት ተቋማት በዓላት ቀላቅሎ ወይም ጣልቃ እያስገቡ በማሳየት የሁሉንም እምነቶች ተከታዮች ግራ ማጋባቱንና ማደናገሩን፣ ሌሎች የሃይማኖት ተቋማት በዓላቸውን ሲያከብሩ ግን የኢትዮጵያ ኦርቶዶክስ ተዋሕዶ ቤተ ክርስቲያን ዓመታዊ በዓላት እንደማይካተቱበት መታዘባቸውን፣ ይህም “የኢ.ፌ.ዴ.ሪ መንግሥት ለሁሉም የሃይማኖት ተቋማት የሰጠውን የእኩልነትና የነጻነት ድንጋጌ መጣስ” እንደሆነ ገልጸዋል፡፡

“የድርጅቱ ጋዜጠኞች በቀጥታ ርጭት ወቅት ጣልቃ እየገቡ አንዳንድ የበዓሉን ታዳሚዎች በተለይም “የውጭ ዜጎችን አስተያየት እንጠይቃለን” እያሉ ራሳቸውንም ጨምረው የሁለት ሦስት ግለሰቦችን ምስል ብቻ በማሳየት ሊታይ የሚገባውንና ዓለሙን ሁሉ የሚያስደምመውን አጠቃላይ የበዓሉን ገጽታ ሸፍነውት ሳይታይ ይቀራል፤ ወይም የበዓሉ መርሐ ግብር ይጠናቀቃል፤ የመስቀልን ታሪክና ክብር ራሱ በዓሉ ቢናገር የተሻለ ነበር፤” ያሉት መጋቤ ምሥጢር ወልደ ሩፋኤል፣ “ጋዜጠኞቹ ከበዓሉ ተሳታፊዎች የሚሰበስቡት አስተያየት ተገቢ ነው ከተባለ የበዓሉ አጠቃላይ ገጽታ እንዳይሸፈን የጋዜጠኞቹ ጥያቄና የተጠያቂዎቹ አስተያየት ወደ ሕዝብ የሚለቀቅበት ሌላ ክፍል ለምን አይኖርም? የሃይማኖት ጉዳይ እኮ የሀገርም ጉዳይ ነው፤” ሲሉም ጠይቀዋል፡፡

ዋና አዘጋጁ አክለውም የመስቀልን በዓል እንደ ስንፍና መቁጠር ብሎም የሀገሪቱን መንፈሳዊ እሴት አዳፍኖ ማስቀረት የዐማፅያን አይሁድ ደቀ መዛሙርት መሆንና ራስን ከሚጠፉት ወገኖች ጋራ ማስቆጠር መሆኑን ጋዜጠኞች በጥልቀት ሊገነዘቡት እንደሚገባቸው መክረዋል፡፡ የበዓሉን አከባበር ሙሉ ገጽታ ቀርፆ አለማቅረብ በራሱ ደግሞ በበዓሉ ላይ ለመገኘት ከተለያዩ ክፍላተ ዓለማት ወደ ኢትዮጵያ ከሚጎርፉት ቱሪስቶች የሚገኘውን ገቢ መከላከልም እንደሆነ አሳስበዋል፡፡ “እንደ ባሕታዊ ኪራኮስ የመስቀሉን አዳኝነት አመልካች መሆንና ሳይፈሩና ሳያፍሩ ጠንክሮ ማስተማሩም የወቅቱ አባዎች ድርሻ ነው፡፡ የባሕታዊ ኪራኮስ ተወካዮች ስሕተቱ ሁሉ ሲፈጸም እያዩና እየሰሙ በወቅቱ እንዲታረም ካላደረጉና ራሳቸውንም ሆነ ስሕተት ፈጻሚውን አካል ካላዳኑ የኋላ ኋላ ፍርድ እንደሚጠብቃቸው ጥርጥር የለውም፤” በማለት አስጠንቅቀዋል፡፡

ማስታወሻ፡- መጋቤ ምሥጢር ከሰጡት ሐሳብና ምክር አንጻር በደመራው ማግስት በኢሬቴቪ “የኢትዮጵያን አይዶል የ2003 የፍጻሜ ውድድር” የቀጥታ ርጭት ጨምሮ ሲተላለፉ በዋሉት ሌሎች ዝግጅቶች አግባብነት ላይ ደጀ ሰላማውያን ሊወያዩ ይችላሉ፡፡








13 comments:

Matewos said...

Ewenetegna meri abat ena lebete christian tekorkuari yemihon kidus e/r yesten! AmenEwenetegna meri abat ena lebete christian tekorkuari yemihon kidus e/r yesten! Amen

ዘቢለን ጊዮርጊስ said...

ጥሩ ታዝበዋል መጋቤ ምስጢር እኔንም በዓል በተከበረ ቁጥር የሚያበሳጨኝ ነገር ይህ ነበር በተለያየ ምክንያት በዓሉ ላይ መገኘት ላለቻለውና በስደት ሀገር ላለው ምእመን በቀጥታስርጭቱ ከማሳተፍ ይልቅ በማስታወቂያና በዘፈን ያለፋል ያህን ጉዳይ የሚመለከታቸው አካላት ሊያስቡበት ይገባል እላለሁ

Anonymous said...

selam le enanete yihun wegen teru ayetewal abatachen min yedereg egziabeher yastekakel enji negeru bebtekereseteyan yebase gud metwal tselyu tegtachehu meskel chefera honoal tselyuuu

Anonymous said...

betekiristian yerasiwa midia yinurat

it's ok to try to fix the broadcasting way of the government medias/ the coverage they are giving for our church holiday/ but to solve the problem permanently we/ our church/ have to have our own media or something. I also sense that the young government media guys think they are cool or zemenawian gazetegnoch and with the lack of knowledge,concern of the church holidays, and a knowledge how to cover in a fair way they are taking it the issue in a wrong direction, so more pressure on the medias for fair coverage of our church holidays, more training for young gazetegnoch / to develop their contentiousness and knowledge of the usefulness of covering national holidays fairly...and let's also have one strong our own media. wake up yagerlij yetawahido lij.

God bless Emama Ethiopia and Tewahido.

Anonymous said...

I agree with Megabe Mister's view. It was so frustrating to see the commentators blabbering about tourism every other minute, while everybody needed to see was only the celebration, I mean the whole part! Don't get me wrong, its okay to advertise, to take the opportunity and work it out for the country's tourism income, but as Megabe Mister wrote there should be a proper channel for that... You know they didn't even do that properly, they made it look like a chaos one minute here the next there... talking about any thing every thing...

Ye dingil baria said...

Well said, i also observed z same at that very day, while we we waiting to watch live pictures and events from meskel aquare, the so called ''journalists'' completely disrupted the whole program by trying to mix politics and business(money making) with our pure religious celebration, my family really upset by such a blind and inappropriate transmission and propaganda, we want to see basic change in our land to overcome such a disaster!
Thanks

Samuel Hailu said...

It's correct.

Boru Worka Getuji said...

Tikikil tazibachihual. Beagibabu silekenu behali akebaber sayineger, gazetegnoch enesu yefelegutin hasabi bicha endinasa sederegi ayitenal. Eney yetazebikut lakafilachu begetemegni yedemeraw ken be Hawasa neberiku, Behiletu ye ketemaw kentiba ato Yonas nigigir arigew neber. Kekentibaw nigigir behula Abune Gebirel siledemera beasitemarubet wekit asirigtew menager yefelegut sile demera behali sayhon sile Kentiba Yohans sim tirgumna ena degagimew le polisi misigana bemasitelalefi new seatachewin yecheresut. Ere ye himanot abat sile himanotu kidimya yisti.

Behailu Hussen said...

Yehe neger yetejemerewe zare aydelem ke 1989 ametemihret jemiro kes be kes eyebasebet newe yemetaw, lemisalie yane (89) ysemone himamat kenatoch lay silewekitu yemiyamelekitu yebegena zimarewoch, ke likawent gar yetederegu interviwoch yekerbu neber kezih betechemarim be elete siklet mata lay be LUKAS WENGIEL lay temesirito yeteserawe 'JESUS' film be amaregna kuankua yikerib neber ya beki bayhonim lemelawe Ethiopiawi yetewesene ginzabie sile bealu yset neber kezihim lela benegatawe kidamie (kidam sur) mata beye betekirstiyanu yalewen yemahilet, yekidasie sirat yzegeb neber be eletum The ten commandment (ASIRTU TIZAZAT) yemilewe film neber yemikerb endihum be TIMKET beal layem sefa yale neber programu ke 89 wedih gin eyekenese meto yehewe zare YE MESKEL bealen hizibawi festival endehone mezegeb tejemirual haymanotawi enkuan bilewe bizegibun bealu ye GURAGIE Bihereseb bicha ymiyasimesil andimta yalachewe programoch nachewe
enam egna gin MESKEL BIRHAN LEALEM MEWE BILEN ENAMIMALEN!
EGZIABHER HAYMANOTACHINEN YTEBIK!!!

Aster Tsegaye said...

absoluitily teru!!!

Kesis Samuel Eshetu Gobena said...

በእውነቱ ይህ ጉዳይ በዚህ ብሎግ ላይ በሚደረግ ውይይት ብቻ ተነግሮ የሚበቃ መሆን የለበትም ቤተ ክህነቱ ተገቢውን ትኩረት ሰጥቶ በህዝብ ግኑኝነት ስራው ላይ ከሁሉም አካላት የተውጣጣ ቲም መስሮቶ ሰፊ ስራ መስራት አለበት። በሁኔታውም ለብዙ ግዜ በግሌ ሳዝንበት የኖሩኩበት ጉዳይ ነው በአንድ ውቅት የአረፋን በበአል አስመልክቶ ሚዲያው ዝግጅቱን ሲያቀርብ የእስልምና ማህበር ሊቀ መንበሩ ቤት ድረስ ያለውን የበግ አስተራረድ ሲዘግብ ና ሙስሊም ምዕመናና የረመዳንን ወር እንዴት እንደሚጾሙና ስለምግብ ዝግጅታችው ሰፊ ግዜ ሰጥቶ ሲያቀርብ ለሁለት ውርክ50ሚሊዮን ህዝብ በላይ በጾም ያሳለፈበትን የታላቁን የክርስቲያኖች የጾም ውቅት እንዴት እንደተከናውነ በገዳማቱ ስላላው የሱባኤ ስራዓት ምእመናን ችግሮኞችን በመርዳት በጾም ውቅት ስላሳለፉት ሰፊና በጎ ግብር እሚሉት ምንም ነገር የለም ።ከሁሉም በላይ ሞትን ድል አድርጎ ስለተነሳው ከርስቶስ ልደት ጥምቀት ሞትና ትንሳኤ ምንም አይናገሩም የቤተ ክርስቲያኒቱን ሊቃውንትም ጠርተው በጉዳዩ ላይ የቤተክርስቲያኒቱን አስትምሮ እንዲገልጡ አያደርጉም ። በእርግጥ ክፍተቱ እነርሱጋር ብቻ ሳይሆን ያለ አይመስለኝም። ከሃይማኖታዊው ጉዳይ ይልቅ እንደተባለው በዘፈንንና በኪነታዊ ዝግጅት ዙርያ ብቻ የክርስትናውን በአላት ማከበር ሊቅር የገባል ሀብተ ብዙ ገዳማተ ብዙ ሊቃውንተ ብዙና በኪነ ጥበቡ ዙርያም ብዙ ሊባልለት የሚችልና ተነግሮ የማያልቅ ሀብት ያላትን ቅድስት በተክርስቲያንን በሀገራዊ ጉዳይ ላይ ያላትን ጉልህ ድርሻ ተገንዝበው ሚዲያዎች ተገቢውን ሽፋን ከሀይማኖታዊ አንጻር ሊያቀርቡ ይገባል፥ ያለበለዚያ ግን ጉዳዩ ከሰው አሰራር ባለፈ ሰይጣን እጁን ዘርግቶ ይሆናል ብዬ እፈራለሁ •••.

Anonymous said...

egziabher edmy yistewo megabi mister!!! chuheten chohulegne.ewnet yih guday hulachinen asamimonal! yemeskel beal hizbawifestival bemil shifan haymanotawinetun lemasatat memoker mebtin endemedafer sihon awaki nen bay gazetegnoch be egna bealat lay yemiyazegajut zefen ena bealun yemaymeleket were wedefit lemimetaw tiwled emnetun tenkiko endayawik kemadregu betechemari bizuwoch ye emnetun teketayoch yamiyaskota new.litasebebetyigebal elalehu.

Anonymous said...

ማኅበሩ በቅዱሳን አባቶቻችን ስም መሰየሙ ጥሩ ነው ምግባሩንም ከስያሜው ጋር በሚስማማ መልኩ መቃኘት ያለበት ይመስለኛል፡፡ ጥሩ ሥራው መንበረ ፓትሪያርኩ ዘንድ ቀርቶ እንደ ጊንጥ ጭራውን በየገጠር አብያተ ክርስቲያናት እየወሸቀ መናደፍ የለበትም፡፡ እስከ ጠረፍ ያሉት አባላቱን እንቅስቃሴ መቆጣጠር ይገባዋል፡፡ መንፈስ ቅዱስ ሲኖዶስን ይመራል፡፡ ሲኖዶሱ ደግሞ የኢትዮዽያ ኦርቶዶክስ ተዋህዶ ቤተክርስቲያንን መንፈሳዊ አስተዳደር ይመራል፡፡ እኛ የምናውቀው ይህንን ብቻ ነው፡፡ ማኅበረ ቅዱሳንና ሌሎች መንፈሳዊ ኮሚቴዎችና ማኅበራት ተግባሮቻቸው ቤተክርስቲያንን መደገፍ ብቻ ነው፡፡ ከዚህ ውጪ ጣልቃ እንገባለን ቢሉ ሥርዓት ተበላሸ፤ ተቃወሰ ማለት ነው፡፡ ቦታና አቅምን ማወቅ ያስፈልጋል፡፡

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)