September 9, 2011

መ/ር ዘመድኩን በቀለ ለጥቅምት ሦስት ተቀጠረ

  • አርማጌዴን ቁጥር 2 ቪሲዲ በቅርብ ቀን ገበያ ላይ ይውላል::
  • ሁለቱ ተከሳሾች ጉዳያቸውን በዕርቅ ለመጨረስ ከበጋሻው ጋራ እየተደራደሩ ነው
  • ‹‹እርሱ የመሠረተብኝ ክስ ወኅኒ ብቻ ሳይሆን ሲዖል የሚያወርደኝ ቢሆን እንኳ ሲዖል እገባለሁ እንጅ በሃይማኖቴ አልደራደርም፤ የምፈጽመውም ዕርቅ የለኝም፤ ሕጉ ነጻ ያወጣኛል፤››(መ/ር ዘመድኩን በቀለ)
(ደጀ ሰላም፤ ሰፕቴምበር 9/2011):- የፌዴራሉ የመጀመሪያ ደረጃ ፍ/ቤት ቦሌ ምድብ ችሎት በሕገ ወጡ እና ጥቅመኛው በጋሻው ደሳለኝ የስም ማጥፋት ወንጀል ክስ የቀረበበት መ/ር ዘመድኩን በቀለ ከሕግ ባለሞያ ጋራ ተማክሮ በክሱ ላይ ያለውን የእምነት-ክሕደት ሐሳብ እንዲያቀርብ ለጥቅምት ሦስት ቀን 2004 ዓ.ም ትዝዛዝ ሰጠ፡፡



ፍ/ቤቱ መ/ር ዘመድኩን በቀረበበት ክስ ላይ ያለውን አቋም እንዲያሳውቅ ለዛሬ ጳጉሜ አራት ቀን 2003 ዓ.ም አዝዞ የነበረ ቢሆንም በቀጠሮ ሰዓት መዛባት ምክንያት ተከሳሹ በሰዓቱ በችሎቱ አልቀረበም ነበር፤ ዳኛውም በጠዋቱ የችሎቱ ውሎ መ/ር ዘመድኩን በፖሊስ ታስሮ እንዲቀርብ ትዝዛዝ ሰጥተው ነበር፡፡ ከቀትር በኋላ ከጠበቃው አቶ ጌትነት የሻነህ ጋራ ወደ ችሎቱ ያመራው መ/ር ዘመድኩን ጠዋት ያልቀረበበት ምክንያት ጊዜ ቀጠሮው ለከሰዓት በኋላ አድርጎ በማሰቡ እንደሆነ በጠበቃው አማካይነት አስረድቷል፡፡

ዐቃቤ ሕግ በመ/ር ዘመድኩን ላይ ያቀረበው የክስ ቻርጅ እንደሚያሳየው ተከሳሽ በግል ተበዳይ በጋሻው ደሳለኝ መልካም ስም ላይ ከባድ ጉዳት ለማድረስ በማሰብ ማራኪ በተባለ መጽሔት ቅጽ 1 ቁጥር 6 ላይ፣ ‹‹ግልጽ ባለ አማርኛ ለመናገር በጋሻው መሃይም ነው፤ ያለመማሩ የፈጠረበት ችግር ነው፤ ሕገ ወጥ ሰባክያን ከሚባሉት ውስጥ በጋሻው ይካተታል…የሚያስተምረው የማያውቀውንና ያልተማረውን ትምህርት ነው፤…መጋቤ ሐዲስ በሚለው ማዕርግ መጠራቱ ሊያስፈራው ይገባል፤›› በማለት በሰጠው ቃለ ምልልስ መሆኑን ያስረዳል፡፡ ለዚህም ክስ ራሱ በጋሻው የሰው ምስክር ጨምሮ መ/ር ዘምድኩን በድምፅ ለመጽሔቱ ቃለ ምልልስ የሰጠበት ካሴት፣ ማራኪ የተባለው መጽሔት ቅጽ 1 ቁጥር 6 እትም እንዲሁም መጽሔቱ ታትሞ ለገበያ ከዋለ በኋላ በፓትርያሪክ አቡነ ጳውሎስ ፊርማ በቁጥር ለ/ፅ/598/03 በቀን 25/11/2003 ዓ.ም ተፈርሞ የወጣውና ፕሮቴስታንታዊ-የተሐድሶ ኑፋቄን በይፋ ስለመቃወም የሚከለክለው መምሪያ በማስረጃ ዝርዝር ውስጥ ተካትተው ቀርበዋል፡፡

ፍ/ቤቱ ቀደም ሲል በሰጠው ቀጠሮ መሠረት በጠዋቱ ችሎት በተለያየ መዝገብ የቀረቡት ሁለቱ ተከሳሾች ዲያቆን ደስታ ጌታሁን እና መ/ር ሣህሉ አድማሱ ክሱን እንደማይከላከሉ በመግለጻቸው ከበጋሻው ደሳለኝ ጋራ ያላቸውን ልዩነት በዕርቅ እንዲጨርሱ በዳኛው የቀረበላቸውን ሐሳብ መቀበላቸው ተገልጧል፡፡ ከችሎቱ በኋላ ዐቃቤ ሕግ ሁለቱን ተከሳሾች ከበጋሻው ጋራ ለማስታረቅ ‹‹እያደራደረ›› መሆኑ የተመለከተ ሲሆን ይህ ዜና በሚጠናቀርበት ሰዓትም በ‹መታራረቁ› ሂደት ወ/ሮ እጅጋየሁ በየነ ተጨምረውበት ተደራዳሪዎቹ በእራት ግብዣ ላይ እንደሚገኙ ተጠቁሟል፡፡
ዛሬ ከቀትር በኋላ በተመሳሳይ አኳኋን ጉዳዩን ከከሳሹ በጋሻው በ‹መተራረቅ› የመጨረስ ሐሳብ በዳኛው የቀረበለት መ/ር ዘመድኩን በቀለ ግን፣ ‹‹እኔ ከበጋሻው ጋራ የግል ጠብ የለኝም፡፡ ልዩነቴ የሃይማኖት ነው፡፡ እርሱ የመሠረተብኝ ክስ ወኅኒ ብቻ ሳይሆን ሲዖል የሚያወርደኝ ቢሆን እንኳ ሲዖል እገባለሁ እንጅ በሃይማኖቴ አልደራደርም፤ የምፈጽመውም ዕርቅ የለኝም፤ ሕጉ ነጻ ያወጣኛል፤›› በማለት በአቋሙ መጽናቱ ተሰምቷል፡፡ መ/ር ዘመድኩን ስለ በጋሻው የክሕደት ትምህርቶች ያዘጋጀውን ‹‹አርማጌዴን ቁጥር 2 ቪሲዲ›› በቅርብ ቀናት ውስጥ ለገበያ እንደሚያውል ተያይዞ የደረሰን ዘገባ ያመለክታል፡፡

24 comments:

Anonymous said...

ይህች ናት የተዋህዶ ልጅ!!!ያመነበትን ሲሰራ ለውጤቱ የማይፈራ!! ሌሎቻችንም እንዲህ እንሁን

አለበል "ከሲያትል" said...

ከአባቶች እግር ስር የተማረ ያስታውቃል በርታ ወንድሜ እግዚያአብሔር ያበርታህ ድንግል ማርያም ትጠብቅህ

Anonymous said...

መድኃኔ፡አለም፡ክርስቶስ፡ካንተ፡ጋር፡ይሁን፡ዲያ
ቆን፡ዘመድኩን።

ተዋሕዶ-ኢትዮጵያ፡በሙሉ፡ካንተ፡ጋር፡እንድቆ
ምን፡አውቀህ፡ጠንክር።የተከሰስከው፡ስለ፡እምነታች
ን፡ስለሆነ፣እኛም፡አብረንህ፡ተከሰናል።አምላካችን፡
እንደማይለየን፡እኛም፡አንለይህም!

አንዳች፡ምድራዊ፡ፍርሃት፡እንዳይሰማህ!

በቆራጡ፡ከአባቶቻችን፡በተማርከው፡ትምህርት፡
ጽና፤ተጽናና።የትዋሕዶ፡ስማእታት፡አምላክ፡ፍር
ድ፡ቤትም፡ከዚያም፡ውጭ፡አብሮህ፡እንደሚቆም፡እ
ምነታችን፡የጸና፡ነው።አብረንህ፡ቆመናል!

ማንኛቸውንም፡ወጪህን፡ተባብረን፡እንከፍላለን።
በርታ!!!

ማኅበረ፡ተክለሃይማኖት፤
ደቂቀ፡ዓያሌው፡ታምሩ!

Anonymous said...

I think Memir Zemedkun missed the Divin message our Lord Jesus Christ. because the holy gospel says " Therefor, if you bring your gift to alter, and go your way. First be reconciled to your brother, then come and offer your gift. agreed with advirsary quickly,while you are on the way with him, lets your advirsary deliver you to the judge" mattew 5;23 So, it is better for him make peace him like Desta and Sahlu

Anonymous said...

ፓትርያሪካችን ምስክር ሁኖ ከመቅረብ በተሻለ ለክሱ የሚሆን ማጠናከሪያ ደብዳቤ ቀድመው መፃፋቸው ምንአልባት ስለ ክሱ ቀድመው የተመካከሩ ያስመስላል:;አቤት ዘመን?

Anonymous said...

ፓትርያሪካችን ምስክር ሁኖ ከመቅረብ በተሻለ ለክሱ የሚሆን ማጠናከሪያ ደብዳቤ ቀድመው መፃፋቸው ምንአልባት ስለ ክሱ ቀድመው የተመካከሩ ያስመስላል:;አቤት ዘመን?

Logic of Theology said...

እኔ’ሚገርመኝ ሰዎች አወቅን ብለው የአፍ-አፍ ንግግር መናገራቸው ለምሳሌ አንዳንድ ሰዎች የፍቅር ትኩሳታቸውን ለመግለጽ ሲፈልጉ “ብቻዬን በመንግስተ ሰማያት ከምኖር ከሔዋን ጋር ገሐነመ እሣት።” ይላሉ::
ዘመድኩንም፣ “……….ሲዖል የሚያወርደኝ ቢሆን እንኳ ሲዖል እገባለሁ እንጅ በሃይማኖቴ አልደራደርም” ብሏል አላችሁን። ለመሆኑ ሊመሰል የማይገባው ምሳሌ መናገሩ ምን ትርፍ ያስገኛል? ምናልባት ወይ አለመማር! ያስብላል።

Anonymous said...

ፓትርያሪካችን ምስክር ሁኖ ከመቅረብ በተሻለ ለክሱ የሚሆን ማጠናከሪያ ደብዳቤ ቀድመው መፃፋቸው ምንአልባት ስለክሱ ቀድመው የተመካከሩ ያስመስላል:;አቤት ዘመን?

ከፓትርያሪኩ ደብዳቤ የተወሰደ

<.....የቤተ ክርስቲያንንና የሀገርን ሰላም ለማወክ የሚካሄድ” እንደሆነና ይህም “በስም አጥፊነት በሕግ ከማስጠየቅ ያለፈ ሌላ ፋይዳ አይኖረውም” ሲሉ ፓትርያርክ አቡነ ጳውሎስ አስጠነቀቁ፡፡>

Anonymous said...

Aleferedem Ene (Yilma hailu) mezimur
God is the judge, not us. God knows what is inside us... let him judge

Anonymous said...

ውድ anonymous ሀሳብህ መልካም ቢሆንም መምህር ዘመድኩን ከበጋሳው ጋር ፀብ የለኝም የሀይማኖት ትምህርት ልዩ ነት እንጂ ብሎ በግልፅ አስቀምጧል የሀይማኖት ትምህርት ልዩነትን ደግሞ የሚፈታው በሀይማኖት ክርክር ነውና ይቅርታ ባይ የተረታ ይሆናልና ወደ ቤተ ቤተክርስትያን ቢያመሩ የተሻለ ነበር ::

Anonymous said...

yasazenale yyeabatochachen nagare..
ayzohe wanedemachen yakedosane AMELAKE kaneta gare nawe.

Anonymous said...

ከሳሽንም ተከሳሽንም በደንብ አውቃቸዋለሁ። ወደ ዝርዝር ብንገባ ከአምላክ የሚያጣላ ይሆናልና ተከድኖ ይብሰል። የሆኖ ሆኖ ፍርድ ቤት ስለምስጢረ ሥላሴ ሳይሆን ስለስመ ማጥፋት ወንጀል የቀረበ ክስን እያየ እንደሆነ ከክሱ ጭብጥ ስንረዳ ከሳሽና ተከሳሽ ክርክሩን በእርቅ ቢጨርሱት 1/ የእግዚአብሔር ልጆች ይባላሉ ። 2/ሃይማኖተኞች ሃይማኖት በሌላቸው(ዓለማውያን) ፍርድ ቤቶች የሚያደርጉት ክርክር ሃይማኖቱን ያስነቅፋልና ይህንን ለማስቀረት
3/የበደሉንን ይቅር ማለት ስለሚገባን
ዘመድኩን ዕርቅ አልቀበልም ማለቱ እውነተኛ ኦርቶዶክሳዊ መሆኑን ሳይሆን የሚያመለክተው አለማወቁን፤ ግብዝነቱንና የታይታ ክርስቲያን መሆኑን እንጂ የክርስቶስ ልጅ መሆኑን አይደለም። ክርስቶስ ፍርድ ቤት ይለያችሁ ሳይሆን ያለው ከባላጋራህ ጋር አስቀድመህ ታረቅ ነው ያለው። እኔ ከአንድ እስላም ጋር ብጣላና ብታረቅ በሰውነቱ እንጂ የሱን ሃይማኖት ለመቀበል ስላልሆነ ዘመድኩን እሱ ከበጋሻው ጋር ታረቀ ማለት እሱ እንደሚለው ተሃድሶ ሆነ ማለት አይደለም። የሚያሳብቅ ውሸት መሆኑ ደግሞ ሲዖልም ቢሆን እወርዳለሁ በማለት አንድ ክርስቲያን በህይወት ዘመኑ ዕድል ፈንታውና የፍርድ ዕጣው በፍጹም ሊሆን ቀርቶ ሊመኝ የማይገባውን መናገሩ አሳዛኙ አባባል ነው። እውነተኛ ክርስቲያን ነኝ ለማለት ማረጋገጫና ሌላውን የማሰመኛ ቃል አድርገን ሲዖልም ቢሆን እወርዳለሁ ማለት ከየት የተገኘ ትምህርት ነው። እኛ እድል ፈንታችንና መንፈሳዊ ፍላጎታችን መቼም ቢሆን ከክርስቶስ ጋር መኖር ነው እንጂ ሲዖልም ቢሆን ወርደን የምናረጋግጠው እውነተኛነታችን ስለሌለ ይህንን ቃል ከመጠቀም(ሎቱ ስብሐት)እንላለን። ሳጠቃልል ዘመድኩን የምትረታ መሆንህን ብታውቅ እንኳን ከፍርድ ቤት ክርክርና ጭቅጭቅ በኋላ ከምታገኘው የረቺነት ኃላፊ ጠፊ ዝና ይልቅ ለክርስቶስ ብለህ ሁሉን ትተህ የምታደርቀው እርቅ ብዙ ኃጢአትህን ይሸፍናል፤ ሰማያዊ ክብርንም ያስገኝልሃልና ከልብህ መክረህ ታረቁ የሚሉ ሽማግሌዎች ካሉ ወደመጡበት አትመልስ ወንድማዊ ምክሬ ነው።

Anonymous said...

hahaha...Deje selam, what is quoted from M. Zemedkun is supposed to be something a christian would do ? Whats amazing is just because the person is going against " the evil " Begashaw, yetelate telat ayidel, you guys could not even comprehend what this guy is saying,

What exactley is a " religion" if it doesnt get to you heaven ???
".....Even if it leads to me to hell, I would not change my way " For M. Zemedkun, Deje selam, MK and side show clappers commenting, Geta libachihun yimelisew.

I know this msg wont get posted as others but at least it will be read for you guys,

Anonymous said...

logic theology
ዘመድኩን ያለው ክርክሬ/ንግግሬ/ የሀይማኖት እፀፅ እንጂ የስጋ/እጓደኝነት/ ፀብ አይደለም የተናገርክት በእምነቴ ትክክል ነኝ :ሊያስከስሰኝ ወይም ይቅርታ ሊያስጠይቀኝ አይገባም እያለ መሰለኝ ባልሳሳት ስለዚህ ምሳሌህ እና ጥቅስህ ከክሱ እና ከስምህ ጋር አየሄድም::

Mekane Eyesus said...

እኔን የገረመኝ አንዱ አስተያየ ሰጭ "እንዲህ ነው ካባቶች ስር ቁጭ ብሎ የተማረ::" በማለት መምህር ዘምድኩን በተናገረው ንግግር መደሰቱን ገልጹ ነው:: እኔ እንደሚገባኝ ሰው እምነትን የሚከተለው ከሲኦል ፍርድ ለማምለጥ ነው እንጂ ለሌላ አላማ አይመስለኝም:: መምህሩ ግን "ሲኦልም የምገባ ቢሆን ከበጋሻው ጋር አልታረቅም::" ማለቱ የሚያሳየው አለመማሩን ወይም አስተዋይ አለመሆኑን ወይም እንደ ከሳሹ ትቢተኛ መሆኑን ወይም ሌላ ዓላማ ያለው መሆኑን ነው:: ለማንኛውም በንግግሩ እግዚአብሄር እንዲያጸናው እመኝለታለሁ::

Anonymous said...

wendimoche ehtoche...asteyayet sinset bedenb anbibnew tereditenew bihon melikam new
yetelatachen telat silehone bicha anikebelewum wanaw neger mindnew yetenagerew bilen maseb yinorbinal...zemedikun bezih negegeru lay ..betam yalitemare and crstiyan linagerew yaemayigebawun yetenagere hunual < siol egebalehu enji ,,bigebam enkuan ..ere ayibalem > endih ayinet mehalam / ye amarach wusaneam abatochachen alastemarunem ...ye libun balawukem bengegeru gin sihtetegna new ..silezih ke abatochachen eger yetemare yemiyasegn nigeger ayidelem ....lemanignawm deje selamoch yetelatachen telat silehone bicha ye egna yihonal bilachuh hulunm endale kemekebel mermeru yene yetanashu wendimachuh miker bite nat

Daniel said...

"ባልሳሳት ስለዚህ ምሳሌህ እና ጥቅስህ ከክሱ እና ከስምህ ጋር አየሄድም"

በጣም ከሚገርማችሁ አንድ ሰው ሎጂክ ኦፍ ቲኦሎጂ በሰጠው አስተያየት ላይ የሰጠው አስተያየት መቼም ‘ቲኦሎጂ’ ሲጠራ መንፈሱ የተንቀጠቀጠ ይመስላል፤ ድጋፍ እንጂ እርምት በማያስፈልገው ጊዜውን ለማባከን የተጠመደ ሰውም ሳይሆን አይቀርም። አንተ ሰውዬ? ደጀ ሰላም የሚያስተናግደን ያለው ለማወቅ እንጂ ለመደንቆር’ኮ አይደለም። ታዲያ አንተ ያልሆነውን ባልተማረ አእምሮ ከምትቀባጥር ቢያንስ ሌሎች ተቺዎች ምን ዓይነት ኮሜንት እንደሰጡ በመረዳት ኮፒ አድርገህ አትጽፍም?
ምንም አልልህም ግን አምላከ ዕውቀት ይግለጽልህ!

Anonymous said...

dn bagashawe lamasemamate hasabone mametato yasemasagenawale.eske edele setawena semawe.yamayasemama kahona yekatelale.mane yawekale Egizeabehare baaneta laye adero lemalesawe yehonale.

Anonymous said...

You can't say "tikimegna". Please don't take side if you are a genuine Journalist and religious person. However, dejeselam is on the wrong side of the history of Ethiopian Orthodox Church. So, you can say whatever you want. Egiziabiher ethioipan ena hizibuwan yasibat enidenenitena enide ahunochu yebetekirisitiyan abatoch bihon nor tefiten enalik neber.

Anonymous said...

mekane eyesus ጥሩ ብለህ ነበር
ለመሆኑ ሊመሰል የማይገባው ምሳሌ መናገሩ ምን ትርፍ ያስገኛል? ምናልባት ወይ አለመማር! ያስብላል።ማለት ምን አይነት ጥቅስ እንዳሰበ ነብይ መሆን አያስፈልግም ነገር መደጋገም አስፈላጊ አይመስለኝም ሳይገባህ አይቀርም ብዬ አስባለሁ ::
ከይቅርታ ጋር

Anonymous said...

I just want to thank my god still we have your kind of people in my religen i price the lord because we still have stronge persone like you i love you and keep it devil is not gone win wheather he like it or not god always win so just dont even worry about the charge he fill that is nothing ...you have to be strong because you have god no one is gone scare you at all ..the power of god do any thing if we belife i am so speech less how strong and the word you use to experess your felling . may god with you amen!!!

Anonymous said...

Guys, don't you think M/r Zemedkun has lost ground when he says "እርሱ የመሠረተብኝ ክስ ወኅኒ ብቻ ሳይሆን ሲዖል የሚያወርደኝ ቢሆን እንኳ ሲዖል እገባለሁ እንጅ በሃይማኖቴ አልደራደርም". I mean we all fight in a religion not to go to hell, which he did not consider in his emotion.

Anonymous said...

aned sew kominager ymeyawer yetefa yene ymigaremagn begashaw malite aned tera yehuna sew new ena manegn yebale zek beilo yemare Tewahedo adisalu kamitel ershe tades ganzebe new micame einde yadergahe makesase mine amitaw lamine ewenato tawkabegn new

Anonymous said...

yiker tebabalu yemilewen kal endet yayutal memher zemedekun??? lemehonu ababal mehonu new siolem yechemerugn maletu egzioooo andu asteyayet sechi min alu endhi new yeabatoch eger ser kuch belo memar ale lemehonu abatoch yiker atebabalu belew astemaru ende??? zemedekun yikerta belehe anetew erashe negerun astekakelew lib yeseten meleyayet yebekaaaa

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)