September 6, 2011

የደሴ ከተማ ሰንበት ት/ቤቶች በሀ/ስብከታቸው ስላለው የሕገ ወጥ አጥማቅያን፣ ሰባክያን እና ዘማርያን ሁኔታ የሰጡት መግለጫ

(ደጀ ሰላም፤ ሰፕቴምበር 6/2011)፦ የደሴ ከተማ ሰንበት ት/ቤቶች በሀ/ስብከታቸው የሕገ ወጥ አጥማቅያን፣ ሰባክያን እና ዘማርያን መስፋፋት እንደሚያሳስባቸው በመግለጽ ከአዲስ አበባ እና ከሰሜን አሜሪካ አቻዎቻቸው ጋር ተቆጥረዋል። የደሴው ሰ/ት/ቤቶች መግለጫ የሚከተሉትን ዋና ዋና ነጥቦች ይዟል።
  • በሕገ ወጥ አጥማቅያን፣ ሰባክያንና ዘማርያን ዙሪያ ለሚደረገው የመከላከል እንቅስቃሴ ከምእመናን፣ ከየአድባራቱ፣ ሰንበት ት/ቤቶችና ከሚመለከታቸው አካላት የተውጣጣ ኮሚቴ እንዲቋቋምና ጥናት እንዲደረግ ጠይቀዋል፡፡
  • ሀገረ ስብከቱ በሕገ ወጥ ማኅበራት ላይ ያወጣውን መመሪያ ተግባራዊ እንዲያደርግ ጠይቀዋል፡፡
  • ለሕገ ወጥ አጥማቅያኑ፣ ሰባክያኑና ዘማርያኑ ጉዳይ አስፈጻሚ የሆኑ አባቶች ‹‹ኖላዊነታቸውን የዘነጉ›› በመሆናቸው ከዚህ ተግባራቸው እንዲቆጠቡ አሳስበዋል፡፡
  • የአዲስ አበባ ሰንበት ት/ቤቶች ያወጡትን መግለጫ ሙሉ በሙሉ ደግፈዋል፡፡
  • የደቡብ ወሎ ሀገረ ስብከት ከዚህ ቀደም በሕገ ወጡ በጋሻው ደሳለኝ ላይ የእግድ ርምጃ መውሰዱ ይታወሳል፡፡
 የመግለጫውን ሙሉ ቃል ከዚህ በታች ይመልከቱ፡፡

       በስመ አብ ወወልድ ወመንፈስ ቅዱስ አሐዱ አምላክ
‹‹ኢየሱስ ክርስቶስን እንደሚያገለግል በጎ አርበኛ ሆነህ መከራ ተቀበል፡፡››
                                                           (2ኛጢሞ.2፣3)
በቅድስት ቤተ ክርስቲያን ላይ በሕገ ወጥ አጥማቅያን፣ ሰባክያንና ዘማርያን አማካይነት በኢ/ኦ/ተ/ቤ/ክርስቲያን ላይ እየደረሰባት ያለው ችግር እንዲቆም በደቡብ ወሎ ሀገረ ስብከት በደሴ ከተማ የሚገኙ የ12ቱ ሰንበት ት/ቤቶች በጋራ ያወጡት የአቋም መግለጫ
ሀገራችን ኢትዮጵያ እግዚአብሔር አምላኳን በሕገ ልቡና፣ በሕገ ኦሪት እና በሕገ ወንጌል ስታመልክ የነበረች፣ ያለች እና ወደፊትም በማምለክ የምትኖር ናት፡፡ ምንም እንኳን ቤተ ክርስቲያናችን በልዩ ልዩ መልክ ለዘመናት ስትፈተን የቆየች እና ያለች ቢሆንም አባቶቻችን በጥበብ መንፈሳዊ እና ሥጋዊ እግዚአብሔር አምላክን አጋዥ በማድረግ አሁን ላለንበት ዘመን እምነትን፣ ታሪክን፣ ኪነ ሕንፃን፣ ሥነ ጽሑፍን፣ ዜማን… ወዘተ አውርሰውናል፡፡

ቅድስት ቤተ ክርስተያን ባሕረ ጥበባት ስንዱ እመቤት ሆና ሳለ ለግል ጥቅማቸው የሚንቀሳቀሱ አንዳንድ ግለሰቦችና ቡድኖች ብቅ እልም እያሉ ምእመናንን በማደናገር እያወኳት ይገኛሉ፡፡ በተጨማሪም በውጭ ሀገርና በሀገር ውስጥ በሚገኙ የቤተ ክርስቲያን አካላት ባልሆኑ አስተማሪዎቻቸው የተሰጣቸውን ተልእኮ በመያዝ ‹‹መልካም የሆነው ትምህርት እንዳይኖር አብዝተው ይተጋሉ›› እንዳለው ሐዋርያው ቅዱስ ጳውሎስ ቅድስት ቤተ ክርስቲያናችንን የወንበዴዎች ዋሻ ለማድረግ ሌት ተቀን ከውጭ እየገፉ በቤተ ክርስቲያን መዋቅር ውስጥ ለሆዳቸው ባደሩ አጋዦቻቸው አማካይነት እየተደገፉ ስልታቸውን በመቀያየር የቤተ ክርስቲያንን ትምህርት ሳያውቁ ‹‹እናድሳለን›› በማለት ለዘመናት የኖረችው ቤተ ክርስቲያን ሐዋርያዊ ተልእኮዋን በተገቢ ሁኔታ እንዳትወጣ የሞት ሽረት ትግል እያደረጉ ይገኛሉ፡፡ ነገር ግን ጌታችን መድኃኒታችን ኢየሱስ ክርስቶስ በወንጌል ‹‹የሲኦል ደጆች አይችሏትም›› እንዳለው በዘመኑ በገጠሟት ፈተናዎች ሁሉ ለሃይማኖታቸው ቀናዒ የሆኑ ጠባቂዎቿን ያሥነሳላታል፣ በድልም ያረማምዳታል፡፡

በመሆኑም እኛ የሰንበት ት/ቤቶች ወጣቶች ቤተ ክርስቲያናችንን እያወኳት ያሉት ግለሰቦች ራሳቸውን አስተካክለው የቤተ ክርስቲያን ዶግማ፣ ቀኖና፣ ሥርዐትና ትውፊት በመጠበቅና በማስጠበቅ ይመለሳሉ ብለን ብንጠብቅም ይባስ ብሎ መልካቸውን እየቀያየሩ በመምጣታቸው ከዚህ እንደሚከተለው የጋራ የአቋም መግለጫ ለማውጣት ተገደናል፡፡
1)    የቤተ ክርስቲያን ሥርዐት ባልጠበቀ መልኩ ‹‹አጠምቃለሁ›› በማለት ምእመናንን በማደናገር ላይ የተሰማራው ‹‹መምህር›› ግርማ የተባለው ግለሰብ በቁጥር 4290/90/03 በቀን 08/10/03 ዓ.ም በአዲስ አበባ ሀገረ ስብከት የተጣለበትን እገዳ በመጣስ በማን አለብኝነት እየተንቀሳቀሰ በመሆኑ መምህር ግርማና መሰል ግብረ አበሮቹ የቤተ ክርስቲያንን ትእዛዝ እንዲያከብሩና ከእኩይ ተግባራቸው እንዲቆጠቡ እንጠይቃለን፡፡
2)    በደቡብ ወሎ ዞን በሐይቅ ከተማ ‹‹መምህር›› ግርማ በድምፅ ማጉያ ያስተላለፋቸው መልእክቶች ‹‹የዚህ አገር ሰዉም አጋንንቱም አይታዘዙም›› በማለት ምእመኑን ከአጋንንት ጋራ አንድ በማድረግ የተናገረው አባባል ቃል በቃል መረጃው ከእኛ ጋራ ያለን ሲሆን ምእመኑን ከርኩስ መንፈስ ጋራ በማገናኘት የተናገረው የጽርፈት ንግግር የቤተ ክርስቲያንን ክብር የሚነካ፣ የሕዝብን ሉዓላዊነት የሚጋፋ በመሆኑ ግለሰቡ ግለሰቡ በራሱ ማስተካከያ እንዲሰጥ እንዲደረግልን እናሳስባለን፡፡
3)    ‹‹አጥማቂ ነኝ›› ባዩ ‹መምህር› ግርማ በመንፈስ ቅዱስ ጠባቂነት የማያምን እና በሚሠራው ሥራ ላይ እምነት ባለመኖሩ ክብደት(ስፖርት) በማንሣት ከ1999-2003 ዓ.ም በአዲስ አበባ ከተማ በ62 ካቴጎሪ ተወዳዳሪ ከሆኑ ግለሰቦች ጋራ በመደራደር አበል በመክፈል ራሱን የሚያስጠብቅና ፍጹም መንፈሳዊነት የማይታይበት ግለሰብ በመሆኑ በቤተ ክርስቲያናችን ቅጽር ለመንቀሳቀስ የሚያደርገውን ፈጽሞ እንቃወማለን፡፡
4)    በ‹መምህር› ግርማ እየተቸበቸበ ያለውን መቁጠሪያ መነሻው ከየት እንደሆነ የማይታወቅ፣ የቤተ ክርስቲያንን ሥርዐት እና ትውፊት ያልጠበቀ፣ እንዲሁም በሚመለከታቸው የቤተ ክርስቲያን አባቶች ያልተባረከ እና ግለሰባዊ የገንዘብ ጥማቱን ለማርካት ብቻ የዋሃን ምእመናንን በማታለል ላይ ይገኛል፡፡ ለዚህም ማሳያ በደቡብ ወሎ ዞን ሐይቅ ከተማ 6000 መቁጠሪያ እና ቪ.ሲ.ዲ ይዞ ለገበያ ያቀረበ ሲሆን በአራት ቀን ውስጥ(ከረቡዕ - ቅዳሜ) ማለቁና ተጨማሪ አንድ ጆንያ መቁጠሪያ ለቅዳሜ ከሰዓትና እሑድ ሽያጭ ማቅረቡ ምን ያህል ምእመናንን በማታለል የገንዘብ ጥማቱን ለማርካት የሚንቀሳቀስ መሆኑን ያስረዳል፡፡ በመሆኑም ለምእመናን ይኸው ችግሩ ተገልጦ እንዲተላለፍልንና ግለሰቡም በቤተ ክርስቲያን ስም መነገዱን እንዲያቆም በጥብቅ እንጠይቃለን፡፡
5)    በቤተ ክርስቲያን ውስጥ ያሉ ሕገ ወጥ አጥማቅያን፣ ሰባክያንና ዘማርያን ለሆኑት ጉዳይ አስፈጻሚዎች የቆሙለትን ዓላማ በመዘንጋት ኖላዊነታቸውን በመርሳት አንዳንድ የቤተ ክርስቲያን ‹‹አባቶች›› ከዚህ ተግባራቸው እንዲቆጠቡ እያሳሰብን ይህ የማይስተካከል ከሆነ ግን በቀጣይ በዝርዝር በማጣራት ለምእመኑ የምናጋልጥ መሆኑን እንገልጣለን፡፡
6)    ምሥጢረ መለኮትንና ሥርዐተ ቤተ ክርስቲያንን እያፋለሱ ያሉ ሕገ ወጥ ሰባክያንና ዘማርያን በቤተ ክርስቲያናችን መድረክ ላይ እንዳይቆሙ በጥብቅ እያስታወቅን የጠቅላይ ቤተ ክህነት ሰንበት ት/ቤቶች ማ/መምሪያ ሓላፊ በተሐድሶ እንቅስቃሴ ላይ የሰጡት የሚዲያ መግለጫ ትክክል ባለመሆኑ ማስተባበያ እንዲሰጥበት፣ ይህ የማይሆን ከሆነ ግን የተሐድሶ መናፍቃን በቤተ ክርስቲያናችን ላይ እያደረጉ ያለውን እንቅስቃሴ የሚያሳይ መግለጫ በተለያዩ መድረኮች ላይ የምንሰጥ መሆኑን እንገልጻለን፡፡
7)    ከጠቅላይ ቤተ ክህነት ስብከተ ወንጌልና ሐዋርያዊ ተልእኮ መምሪያ ‹‹ደብዳቤ ተጽፏል›› በሚል ሰርገው እየገቡ የሚመጡትን አንዳንድ ሕገ ወጥ ሰባክያንና ዘማርያንን ሀገረ ስብከታቸችን የራሱን ማጣራት እያደረገ እንዲፈቅድ እንጠይቃለን፡፡
8)    በሃይማኖት የሚመስሉን ወንድሞቻችንና እኅቶቻችን የሆኑት የአዲስ አበባ ሀገረ ስብከት ሰንበት ት/ቤቶች በጋራ ያወጡትን የአቋም መግለጫ ሙሉ በሙሉ እንደግፋለን፡፡ የሚመለከታቸውም የቤተ ክርስቲያን አካላት የአቋም መግለጫውን ተግባራዊ እንዲያደርጉት በጥብቅ እንጠይቃለን፡፡
9)    ሀገረ ስብከቱ በሕገ ወጥ ማኅበራት ላይ የወሰደው እርምጃ ተግባራዊ እንዲያደርግ በአጽንኦት እንጠይቃለን፡፡
10)    የደሴ ከተማ ወረዳ ቤተ ክህነት በሕገ ወጥ አጥማቅያን፣ ሰባክያንና ዘማርያን ዙሪያ ለሚደረገው የመከላከል እንቅስቃሴ እገዛ የሚያደርጉ ከምእመናን፣ ከየአድባራቱ፣ ሰንበት ት/ቤቶችና ከሚመለከታቸው አካላት የተውጣጣ ኮሚቴ እንዲቋቋምና ጥናት እያደረገም ለቤተ ክርስቲያናችን እገዛ እንዲያደርግ ስንል እንጠይቃለን፡፡

የደሴ ወረዳ ቤተ ክህነት በከተማዋ የሚገኙትን ሰንበት ት/ቤቶች አንድነት ለማጠናከር እያደረገ ያለውን መንፈሳዊ ትጋት እያደነቅን ከላይ ያቀረብናቸውን የአቋም መግለጫዎች ተመልክቶ አፋጣኝ መፍትሔ እንደሚሰጠን በማመን ነው፡፡
በመጨረሻም እነዚህ ችግሮች ጊዜውን የጠበቀ መፍትሔ ሳይሰጣቸው ቀርተው ተዳፍነው ከቆዩ ምእመናንና የሰንበት ት/ቤቶች ወጣቶች አባላት አማራጭ መፍትሔ ለመፈለግ የምንገደድ መሆኑን እንገልጻለን፡፡ ስለሆነም ችግሮቹ ከመፈጠራቸው በፊት የሚመለከታቸው አካላት ሁሉ አስፈላጊውን መፍትሔ ይሰጡን ዘንድ እናሳስባለን፡፡ ይህ ባልሆነበት ሁኔታ ለሚፈጠረው ማንኛውም ችግር የሚመለተው አካል ሁሉ ተጠያቂ እንደሚሆን ከወዲሁ እንዲያውቅልን ስንል በአጽንዖት እንገልጻለን፡፡
                                ወስብሐት ለእግዚአብሔር፣ ወለወላዲቱ ድንግል፣ ወለመስቀሉ ክቡር
                                            ሐምሌ 19 ቀን 2003 ዓ.ም
                                                      ደሴ

18 comments:

Anonymous said...

How about the people being healed? We don't care about the consequence of our acts. This is not true Christianity. Isn´t it more reasonable to say that the process should continue but follow strict rules. Or devise a new mechanism to make the Memhir Girmas service true orthodox service. Why is it always they should stop OR we will take action( kick them?)?

Anonymous said...

EGIZEABEHARE kaenaneta gara yehone

Temelkach said...

I have seen this person while I was back to Addis a year ago. Whatever he is doing doesn't look like a practice in Orthodox Tewahido. It is so different and wiered!! It looks he already set up people to act as if they have evil spirite. They act as instructed. And this person looks he can do some thing miraculous.

I don't think those people are under the influence of evil spirite at all!! They are actors.
Any one investigating this cituation can question this part seriously. It is a big big hint!!!

Daniel said...

አዬ MK እግዚአብሔር የሰጠን የወጣት አእምሮ ለመንፈሳዊ ልማት ብናውለው ምን አለበት! በውኑ እስከ መቼ ነው ጥቂት ያልተስማሙን ሰዎች ለመንካት ስንል የእግዚአብሔር ባለሟሎች እንዳንሆን ራሳችን ከልካይ መሆን መልካም ነውን? አረ ቆም ብለን ማሰብ ያስፈልጋል።

Anonymous said...

የኢትዮጵያው ቅዱስ ሲኖዶስ የብፁዕ አቡነ ዜና ማርቆስን ውግዘት አንስቶ ሥርዓተ ቀብራቸው በኢትዮጵያ እንዲፈጸም፣ አስከሬናቸውም ለጵጵስናቸው በሚገባ ክብር፣ አበው ጳጳሳት በሚያርፉበት በመ/ፀ/ቅ/ሥላሴ ቤተ ክርስቲያን እንዲያርፍ ወስኗል። ቢሆንም ግን በዚሁ በአሜሪካን አገር የቀብራቸው ስነ ስርዓት በሲያትል ቅ/ገብረኤል ቤ/ክ ሲፈጽም ምነው ዘገባ ከማድረግ ተቆጠባችሁ ለማለት ነው::

Anonymous said...

where are other sunday schools especially awassa sunday school? we should stand together to address this problem the more we wait the more they change their tactic lastly to DeJ Selam what happen the meeting that took place with MK and butsu abune pawlos i was hopping it will be posted? any how this is good start to Desse sunday school more work has to be done thank you and God will be with YOU!

D/n Haile michael zedebre tsige said...

ሌሎችም ሰንበት ትምህርት ቤቶች በወቅቱ የቤተክርስቲያን ችግር አቅዋማቸውን ያልገለጡት ምን አልባት ከመረጃ እጥረት ልሆን ስለምችል መረጃው ያለን ሰዎች መረጃወን በመዳረስና የወቅቱን የቤተክርስቲያን ችግርና የችግሩን ምንጭ በመስረዳትና ግንዛቤ በመፍጠር ስለ ቅድስት ቤተክርስቲያን አንድነት የድርሻችንን እንወጣ::
የእግዚአብሔር ረድኤት የወላዲተ አምለክ አማላጅነት የቅዱሳን ሁሉ ተራዳእነት የአባቶቻችን በረከታቸው አይለየን::

Anonymous said...

abt mmr girma.pls tell us detail information .because gira gebtonal.i heard that real yedanu sewoch endalu.at the same time i heard that he is not religious.so pls try to tell us the right info.and proper yematmek sereat endet endehone.

Anonymous said...

I am so sorry, DS!
Do you believe in the power of prayers yourself? Do you believe that ONLY the Holy Spirit is leading the Church?
Why do you focus on spotting mistakes in the way politicians do, than bringing a Spiritual Revolution by mass prayers and subae?
I always read, you disclosing the scum - and NOT mobilizing us to pray on the issue at large!!! With mass prayers God was able to change everything in a single night, but DS have been blogging for 4 years and nothing change happened - even worse is coming ::::(((

I see that you are more materialist, militarist and bigot!
And I am so terribly sorry people see Deje Selam as alternative voice of MK, which in fact stands against the organizational principles of MK.

Anonymous said...

እኔ በጣም የማዝነው መረጃ የሚሰጥ ሳይሆነ ሁል ጊዜ የሚቃወም ብቻ በተለይ በእኛ ሀገር መስፋፋቱ ይገርመኛል፡፡ እነ በጋሻው ሕገ ወጥ ናቸው ሲባል ብዙ ዘመን ሲብላላ ቆይቷል፡፡ ይሁንና ማንም ሰሚ ሲጠፋ የተወሰደው እርምጃ ምእመናኑ በሐይማኖኑ ቀናኢ ነው የሚለውን በመገንዘብ ተሐድሶ ናቸው ካልን ተቀባይነት እናገኛለን በማለት በሰፊው መግለጫ መሰጠት ተጀመረ፡፡ እንደተፈለገውም ሕዝቡ መወናበድ ቀጠለ፡፡ ከመነሻው በጋሻው ጥሩ ትምህርት የመስጠት ብቃቱ በብዙዎች ዘንድ ሲታወቅ የገበያ ጉዳይ ሆኖ በየጉባኤው የሚጠራው እሱና እሱን መሰል አንደበተ ርቱዕ የሆኑ እንደነ ዲ/ን ዳንኤል ክብረት፣ዲ/ን ዘላለም ወንድሙ፣መ/ር ዘበነ ለማና ሌሎችም ለዚህ ዘመን ተነጣቂ ሕዝብ የደረሱና ብዙ አስተዋጽኦ ያደረጉ ወንድሞችና እህቶች በቤተ ክርስቲያን የሠርክ ጉባኤም ይሁን በሌላ አውደ ምህረት የድምጽ ማጉሊያ እየተከለከሉ በተፈጥሮ ስጦታቸው ሲያገለግሉ መቆየታቸው ግልጽ ነው፡፡ ይህንን የሚያደርጉት ደግሞ 1ኛ/ ደካማ ካህናትና ዲያቆናት 2ኛ/ ደካማ የሰንበት ት/ቤት ወጣቶች 3ኛ/ በስብከትና መዝሙር ንግድ የተሰማሩ ግለሰቦች ገበያቸው ስለቀዘቀዘባቸው ገበያቸውን ለማጧጧፍ የሚፍጨረጨሩ 4ኛ/ ሕዝቡ መንፈሳዊ ሕይወቱ እንዲጐለብትና ታጋሽ ሆኖ የሚመጣበትን ችግር ሁሉ እንዲቋቋም የማይፈልጉ የፖለቲካ መሪዎችና አባላት 5ኛ/ መናፍቃንና ተቃራኒ ሐይማኖቶች 6ኛ/ ዋናው የክርስቲያኖችና የቤተክርስቲያን እንዲሁም የሰው ዘር ጠንቀኛና ቀንደኛ ጠላት ሰይጣን የጠነሰሱዋቸው ሴራዎች ናቸው ፡፡ በሌላ መልኩ የዋሁ የክርስቶስ ምእመን በግልጽ በጠንቋይና ቃልቻ፣በባዕድ አምልኮ ሲንገላታ የት እንደነበሩና አንድ እንኳን አሰተያየት ያልሰጡ ሁሉ አገልግሎት ላይ ያሉትን ለማባረርና ምዕመናኑን ለመበተን ሲታገሉ ይታያልና ሁላችንም መጠንቀቅ ይገባናል፡፡ ይህንን ስል እነበጋሻው ጥፋት ለመስራታቸው ወይም ላለመስራታቸው ተጨባጭ የሆነ መረጃ የሰጠ አንድ እንኳን አልተገኘም፡፡ በዘመኑ ቴክኖሎጂ ታግዞ የተቀናበረ ሲዲ በማቅረብ የበለጠ ሕዝቡ እንዲወናበድ ነው የተደረገው፡፡ እኔ እንዲያውም የምገነዘበው እነ በጋሻው ለሕዝብ ግልጽ የሆነ ጥፋት መግባታቸው የሚታየው የፓትርያርኩ ሐውል ሥራ ላይ አዋጡት የተባለው ገንዘብ ሲሆን ይህንንም የሚያደርጉት ከወዲያና ወዲህ ከሚያዋክባቸው ማዕበል ለማምለጥ የተጠጉበት መንገድ እንደሆነ ነው የማስበው፡፡ እነ መምህር ሣህሉ አድማሱ ዛሬ ተራ ደርሷቸው ወቃሽ ሲሆኑ እነሱም እኮ ከዚህ በፊት በኮምቦልቻ ደብረ ፋራን ቅዱስ ገብርኤል ቤተ ክርስቲያን የስብከተ ወንጌል አገልግሎታቸው ከመናፍቃን ጐራ ተፈርጀው የሚወገዙ እንደነበረ ግልጽ ነው፡፡ ለማንኛውም የዚህ ጥፋት (የሐውልቱ ሥራ) ዋነኛ ተጠያቂ እነሱ መሆናውን ብንገነዘብም እግዚአብሔር አሳሳቾቹንም አብሮ እንደሚቀጣ የምናምነው ጉዳይ ነው፡፡ ሌላው ስለ መምህር ግርማ ወንድሙ የተነሳው ሀሳብ መጽሐፍ ገላጭና አስጠንቋይ በሚነዙት ኘሮፐጋንዳ ማስተዋል የነበረበት ጥሩው የቤተክርስቲያን አካል ማህበረ ቅዱሳን ሳይቀር ሲሳሳት ይታያል፡፡ በመንፈስ ቅዱስ የሚሰራ ሥራ ካልሆነ ስንት ደጋግ አባቶችና እናቶች በነበሩባት፣ባሉባት፣በሚኖሩባት የኢትዮጲያ ኦርቶዶክስ ተዋህዶ ቤተ ክርስቲያን አንድ መንፈሳዊ አባት ወይም እናት ጠፍተው ነው ታዲያ ጠንቋይ ነው የሚባለው አንድ ሰው ይህንን ሁሉ ተአምር የሚያደርገው፡፡ እንዳይመስለን በተግባር በአካል ተገኝተን ሳናረጋግጥ በስማበለው ብቻ የምናወራ ብዙዎች ነንና እንጠንቀቅ፡፡ ሰይጣን ሌላ ምን ሥራ አለው የሚያሳድዱትን ከማሳደድ በላይ፡፡ ለዚህ ሁሉ የሰይጣን ምክር ግን ተጠቂ የሆንነው እውነተኛ ለሐይማኖታችን ተቆርቋሪ ባለመሆናችንና ጥፋቱ እውነት እንኳን ቢሆን አርዮስንና መሰሎቹን እንዳወገዙ አባቶቻችን መንፈስ ቅዱስን ይዘን በስነ ሥርዐት በቤተክርስቲያን ህጋዊ ጉባኤ መወያየት ባለመቻላችን ነው፡፡ ቅዱስ ሲኖዶሱን ይህንን ባለመስራቱ ልንወቅሰው እንችላለን፡፡ እዚያ ከመድረሱ በፊት እኮ እኛ በቅርብ ከሚገኙ ወገኖቻችን ጋር ለምን ለመወያየት አልቻልንም፡፡ የኔን ብቻ ስማኝ ወይም ተቀበለኝ ስለሆንን ብቻ ነው፡፡ የደሴ ሰንበት ት/ቤቶች የሰጡት መግለጫ የሚያሳየውም እኛን ካልሰማችሁን በጉልበት እንጠቀማለት የሚል ይመስለኛል ይሄ ደግሞ በዓለም ሕግ ወንጀል ነው በሰማያዊ ሕግ ደግሞ ሐጢአት ነው፡፡ ‹‹ቅዱስ ጴጥሮስን ሰይፍህን ወደ አፎቱ መልስ በሰይፍ የሚገድሉ በሰይፍ ይጠፋሉ›› ብሎታልና፡፡ ለወደፊቱ በሌላ ጊዜ እስከምንገናኝ በዚሁ ይቆየን፡፡

emnet said...

ስለ መምህር ግርማ ማወቅ የሚፈልግ ቁጭ ብሎ ወሬ ከሚሰማ እራሱ ሔዶ እውነቱን ማረጋገጥ ይችላል::አክተሮች ናቸው ላላችሁትም በወሬ ብቻ ተመርታችሁ ለመዝለፍ አትሩጡ:: የዳነ እውነትነቱን ያውቀዋል:: እናም ወሬ ሰምቶ ከመፍረድ በአይን አይቶ ጠይቆ መረዳቱ የተሻለ ይመስለኛል:: መቁጠሪያው ከየት እንደመጣ አይታወቅም ለተባለው ይሔ ትልቅ ውሸት ነው:: ከአባቶቻችን ከመነኮሳት እጅ የማይለይ ነው:: የቅዱስ አባታችን አቡኤ ገብረ መንፈስቅዱስ ምስል ላይም የሚስተዋል ነው:: እሳቸው ለህዝቡ እንዼት እንደሚቆጠር ነግረው መስጠታቸው ምኑ ነው ሃጢአቱ?ሁሉም እኮ ከፍሬው ያስታውቃል:: የሳቸውንም የተመለከተ እዼት በእምነት ብቻ ሳይሆን በስራም መትጋት እንዳለብንና ስለሃይማኖታችን እውነትነት ተምሮ ይመለሳል:: በእግዚአብሔርም ቸርነት ይማረካል::

Anonymous said...

teAmru ewnet enkuwan bihon aydneqen. "YetemereTutin enkuwan eskiasitu dires talalaq te'amratin yadergallu" aydel yalew geta beWengel?

Anonymous said...

Sele memeher Girma keruku semten kemefred kerben sirawen, alamawen....enweqe ,ye egziabhern haile enayalen. ye kifu menfes seraw sewen wed egziyabeher yemiyakerb ena selamawi hiwet yemiset new enda? yedan yemesker ,yeyazewema ende Desa's people yeferdal yagedal.The good thing people can keep out him from church but God will not stop him we will c more.

me said...

@anonymous ሁሉንም ከፍሬው እደምናውቅም ተጽፎልናልና በተሰጠን አእምሮ ማገናዘብ እንችላለን:: በአይንህ ያየሃቸው አይመስለኝም ምኪያቱም የተመለከተ ሰው አንተ የፃፍከውን የሚደግፍ አይመስለኝም:: እስቲ የሰውን ወሬ ተወውና ምኑ ጋር የሳቸው የሴጣን እንደሚመስል እንዳታምን ያረገህ ወይም ከመጽሃፍ ቅዱስ ውጪ ነው ያልከውን ንገረን:: ሴጣን ንሰሃ ግቡ አይልም ቁረቡ አይልም ማህተባችሁን አትጣሉ አይልም በእምነት ብቻ ሳይሆን በስራም ትጉ ብሎ አይመክርም ምክኒያቱም እነዚህ ሁሉ ሴጣንን የምንዋጋባቸው መሳርያችን ናቸውና:: እነዚህን ደግሞ መሳርያችን አይደሉም ብለህ ካመንክ ከመምህር ግርማ ሳይሆን ከቤተክርስቲያንችን ነው ያለህ ችግር

Anonymous said...

መ/ር ግርማን በተመለከተ የሚሰጠው አስተያየት ትንሽ ማስተዋል የሚያስፈልገው ይመስለኛል፡፡ በተረፈ ግን በሐዋርያት ሥራ ላይ እንደተጻፈው ከእግዚአብሔር የሆነ ሁሉ ዘላቂነት አለው እና እንተወው በጊዜ ብዛት እንረዳዋለን፡፡

Anonymous said...

ጻድቁ፡አባታችን ፡አቡነ ፡ተክለሃይማኖት ፡በዚህ ፡ዘመን፡ በሥጋ ፡ከኛ ፡ጋር፡ ቢኖሩ፣ ልንል፡ እንችል ፡የነበረወን፡ ሳስብ፡ ይሰቀጥጠኛል። ለቤ|ክ ፡ሥረዓት፡ መቆርቆር፡ ጥሩ፡ ነው ፡ግን ፡በቤተክርስቲያን፡ ሥረዐት፡ ስም ፡በጎውን፡ ነገር ሁሉ፡ ስንቃወም፡ እንዳንግኝ ፡እንጠንቀቅ።
በእውነቱ የቤ\ክ ያልሆነ ነገር መምህር ግርማ ትምህርት ላይ አላየሁም።ብዙ መምህራን የሌላቸው ጸጋ ግን አይቻለሁ።

መምህር ግርማ ሰይጣን እግዚአብሄር የሰጠዎን ጸጋ፣ እርስዎን እስጥእገባ ውስጥ በመክተት ሊያስጥሎት እየኩዋተነ ነውና ይጠንቀቁ። እግዚአብሄር የሰጥዎት ጸጋ ከገንዘብ፣ከዝና፣ከመኖሪያ ቤት፣ ወዘተ ይበልጣል። እነዚህን ሁሉ ለከሳሾቾ ይተውላቸው። እርስዎ ግን እኛን ከታሰርንብት ርኩሳን መናፍስት ነጻ የሚያወጣ የመንፈስ ቅዱስን ስጦታውን ይጠብቁ። ሃብቶ ይህ ጸጋ ነው። ንብረቶ እኛን የእግዚአብሄር ገንዘብ ማድረግ ነው።

zimam said...

ay nege lemitefa zina ena genzeb yayenewin yesemanewn ankad...endew memhir girma keorthodox sirat wich yaderegut minidnew?
kemadanu wichim sibketachew kemebetachin sim yerake newn? kom bilen enadamit nege teteyakiwochin nenna

tsere kinategnoch said...

Eyesusin Yesekelut, tamir sisera alay bilew new?! st. giorgisin yasekayut tamir sisera alay bilew new?! dejeselam be memhir girma lay binesa yigermenal endie?!
bcos now u see his car, house, money,
what is wrong wz him, seytanin siletewaga?! do u really fast nd pray ?! ask ur self. do u believe in thrinity?
yesew sim lemin tatefalachihu.
Ask ur God to know ur grace, nd to add more nd more on it,
PLS BEHAVE AS BIBLE SAYS!!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)