August 30, 2011

“የሚሌኒየሙ አዳራሽ ጉባኤ ገንዘብ ደብዛው ጠፍቷል” (ነጋድራስ ጋዜጣ)

(ነጋድራስ፣ ቅጽ 08 ቁጥር 293፤ ዐርብ፣ ነሐሴ 20 ቀን 2003 ዓ.ም/ READ IN PDF)፡- “ገቢው ወላጆቻቸውን ላጡ ሕፃናትና ጠዋሪ ቀባሪ ለሌላቸው አረጋውያን መርጃ” በሚል ታኅሣሥ 25 ቀን 2002 ዓ.ም በሚሌኒየም አዳራሽ በተካሄደው ጉባኤ ላይ የተሰበሰበው ገንዘብ የት እንደገባ አለመታወቁን ጠቅሰን መዘገባችን ይታወቃል፡፡ የ(ነጋድራስ)ጋዜጣው ዘጋቢ በጉዳዩ ላይ ያሰባሰባቸውን መረጃ ይዞ ይመለከታቸዋል የተባሉ ወገኖችን ለማነጋገር ባደረገው ጥረት፣ በወቅቱ “ቅድስት ማርያም የስብከተ ወንጌል ማስፋፊያ” በመባል ይታወቅ የነበረው ማኅበር ተነሣሽነቱን መውሰዱን አረጋግጧል፡፡


የኢትዮጵያ ኦርቶዶክስ ተዋሕዶ ቤተ ክርስቲያን ፓትርያክ ልዩ ጽ/ቤትም በቀን 07/03/2002 ዓ.ም በቁጥር ል/ጽ/141/2002 ለሚሌኒየም አዳራሽ የጻፈው ደብዳቤ ለማኅበሩ ትብብር እንዲደረግለት ይጠይቃል፡፡ ስማቸውን መግለጽ ያልፈለጉ ምንጮች ለዘጋቢው እንደጠቆሙት፣ ከተጠቀሰው ማኅበር አመራር አንዳንዶቹ ታዋቂ ዘፋኞችን ዱባይ እየወሰዱ ሲያዘፍኑ የቆዩ፣ ከዚያ በኋላ ደግሞ በመዝሙር ተደማጭነት ያገኙ አንዳንድ ዘማርያንን ስፖንሰር በማድረግ ከፍ ባለ [ፕሮሞሽን] ቢዝነስ ውስጥ የቆዩ መሆናቸውን ነው ያወሱት፡፡

ማኅበሩ ታኅሣሥ 25 ቀን 2002 ዓ.ም በሚሌኒየም አዳራሽ ጉባኤ ከማካሄዱ በፊት ለቅዱስ ፓትርያሪኩ ቅርበት ያላቸው ግለሰቦች፣ ቅድሚያ ለማኅበሩ ዕውቅና በሚሰጥበትና የማኅበሩ መቋቋሚያ ሰነድ በፓትርያኩ ልዩ ጽ/ቤት ጸድቆ እንዲፈቀድ ማድረጋቸው ታውቋል፡፡ በዚህ መሠረት በቀን 23/02/2002 በቁጥር ል/ጽ/103/2002 የፓትርያክ ልዩ ጽ/ቤት የውጭ ግንኙነት የበላይ ሓላፊ ብፁዕ አቡነ ገሪማ በጻፉት ደብዳቤ ማኅበሩ የሚተዳደርበት ደንብ ተጠብቆ እንዲሠራበትና ይኸውም በቅዱስ ፓርያኩ መፈቀዱን የሚገልጽ ነው፡፡

“ስማችንና የሥራ ሓላፊነታችን አይገለጽ፤ ነገር ግን የተጠቀሰው ማኅበርና አመራሮቹ በቤተ ክርስቲያኗ ስም የሰበሰቡት ገንዘብ ለተቸገሩ ወገኖች ገቢ አልተደረገም፤ የሚመለከተው ሕጋዊ አካል ጥቆማችንን ይከታተል” ያሉት የጋዜጣው ምንጮች፣ በእጃችን የሚገኘው ሰነድ የማያወላዳ በመሆኑ ለሚጠይቁን ምላሽ ለመስጠት ዝግጁ ነን እያሉ ነው፡፡

እንደነዚሁ ምንጮች ከሆነ፣ በሚሌኒየም አዳራሽ ይካሄዳል ከተባለው ጉባኤ በፊት በጉባኤው አዘጋጆች ማንነት ላይ የተለያዩ ጥያቄዎችና ተቃውሞዎች እንደነበሩ ነው ያብራሩት፡፡ ይኸውም በወቅቱ በስብከተ ወንጌል እና ሐዋርያዊ ተልእኮ መምሪያ የማይታወቁ [ዕውቅና የሌላቸው] ወገኖች፣ በከተማው ባሉ አንዳንድ አዳራሾች በቤተ ክርስቲያኗ ስም ስብሰባ እና ገቢ የሚያስገኙ መርሐ ግብሮችን ያዘጋጁ ስለነበር፣ ይህ ማኅበርም መስመር የለቀቁ ሰባክያን እንደሚገኙበት በመጥቀስ የስብከተ ወንጌልና ሐዋርያዊ ተልእኮ መምሪያ የበላይ ሓላፊ የሆኑት ብፁዕ አቡነ ማርቆስ ማስጠንቀቂያ እንደሰጡ ታውቋል፡፡

ሊቀ ጳጳሱ በቀን 06/04/2002 ዓ.ም በቁጥር ስ/ወ/65/2002 ለመንበረ ፓትርያኩ ጠቅላይ ጽ/ቤት በደብዳቤ እንዳሳወቁት፣ “… ስብከተ ወንጌል መሰበክ ያለበት መዋቅሩን ጠብቆ መሆን እንዳለበት በጥቅምቱ ምልአተ ጉባኤ መወሰኑ ይታወቃል፡፡ ምንም እንኳን በስብከተ ወንጌል ዙሪያ በትጋት በዕቅድ እየሠራን ቢሆንም፣ በስብከተ ወንጌልና ሐዋርያዊ ተልእኮ መምሪያ ስም ታኅሣሥ 25 ቀን 2002 ዓ.ም በሚሌኒየም አዳራሽ መስመሩን በለቀቁ ሰባክያን ትምህርተ ወንጌል እንደተዘጋጀ ለማወቅ ችለናል፡፡ ስለዚህ እንዲህ ዐይነቱ ቤተ ክርስቲያን የማታውቀው እንቅስቃሴ በአስቸኳይ መፍትሔ ካልተሰጠው የቤተ ክርስቲያንን ህልውና ስለሚፈታተን አርኣያነቱም መልካም ስላልሆነ መመሪያ እንዲሰጥበት በአክብሮት እንጠይቃለን፤” ብለው ነበር፡፡

ይሁንና ለፓትርያኩ ቅርብ የሆኑ ግለሰቦች /አንዲት ሴትን ጨምሮ/ ማሳሰቢያውን ወደ ጎን በማለት፣ የስብከተ ወንጌልና ሐዋርያዊ ተልእኮ መምሪያ ሓለፊ ከሆኑት ዶ/ር አባ ኀይለ ማርያም መለሰ ጋራ ባደረጉት ስብሰባ፣ በጉባኤው ስለሚመደቡ መምህራንና በዕለቱ የሚገባውን ማንኛውም ገቢ ስለማሳወቅ ተስማምተው፣ ይህንንም በቃለ ጉባኤ አስፍረው መለያየታቸውን ነው የደረሰን መረጃ የሚያመለክተው፡፡

እንደተባለውም ታኅሣሥ 25 ቀን 2002 ዓ.ም፣ ጉባኤው ከተካሄደ በኋላ የቅድስት ማርያም የስብከተ ወንጌል ማስፋፊያ ማኅበር፣ በቀን 14/05/2002 በቁጥር 1035/02 ለስብከተ ወንጌልና ሐዋርያዊ ተልእኮ መምሪያ በዝግጅቱ ላይ የጠገኘውን ገቢ በሚመለከት ተከታዩን ዝርዝር አሳውቆ ነበር፡፡
  • የታተመ ትኬት ብዛት 50,000፣ የአንዱ ዋጋ 30.00፣ ጠቅላላ ዋጋ 1,500,000፤
  • ያልተሸጠ ትኬት ብዛት 21,000፣ የአንዱ ዋጋ 30.00፣ ጠቅላላ ዋጋ 600,000
  • ተሸጦ ገቢው የተሰበሰበ 15,000፣ የአንዱ ዋጋ 30.00 ጠቅላላ ዋጋ 450,000
  • በሰው እጅ ያለ (ያልተሰበሰበ) 14,000፣ የአንዱ ዋጋ 30.00፣ ጠቅላላ ዋጋ 420,000
ሲሆን የገቢ ዝርዝሩ፡- በቼክ የተሰበሰበ 3,000.00፣ በዕለቱ የተሰበሰበ 24,998.00፣ በጥላ የተሰበሰበ 70,784.40፣ በዶላር የተሰበሰበ 101 ዶላር፣ ጠቅላላ ድምር 98,782.40 እንዲሁም በዕለቱ ቃል ተገብቶ “አልተሰበሰበም” በሚል 606,631.00 መሆኑን በማኅበሩ ሊቀ መንበር ኤፍሬም ኤርሚያስ (ከወ/ሮ እጅጋየሁ በየነ ጋራ የሕገ ወጥ ሰባክያንንና ዘማርያንን እንቅስቃሴ በማስተባበር የሚታወቅ፣ ለዚህም ተግባሩ በአዲስ አበባ ቦሌ የሚገኘውን “ፊደል” የተባለ ሬስቶራንቱን በማደራጃነት የሚጠቀም፣ ከሁለት ሳምንት በፊት በጋሻው ደሳለኝ በእነ መ/ር ዘመድኩን በቀለ እና ዲያቆን ደስታ ጌታሁን ላይ ለመሠረተው ክስ ተፈጻሚነት የትራንስፖርት ድጋፍ የሰጠ፣ ሁለቱ መምህራን በፖሊስ ጣቢያ በቀረቡበት ወቅት ሁኔታውን ለመከታተል በመጡት የሰባክያን ጥምረት አመራሮች ላይ የዛቻና ማስፈራሪያ ቃል የሰነዘረ፣ በዱባይ የሙዚቃ ፕሮሞሽን ሥራ ላይ ተሠማርቶ የነበረ) የተፈረመው ደብዳቤ አሳውቋል፡፡ ይሁንና የተጠቀሰው ገንዘብ እንደተገኘ ከማሳወቅ ውጭ እስካሁን ድረስ ገቢ አለመደረጉ ጉዳዩን የተከታተሉ ወገኖች እየተናገሩ ነው፡፡


7 comments:

Anonymous said...

Isn't this guy, Ephrem an Eritrean? I also heard that Ejigayehu is also an Eritrean? When is it enough for us to stand up and say enough to theses guys?

Anonymous said...

These gangsters were cheating even our fathers. Thanks to God, they will all face the tribunal when the government understands all their evil deeds on our church. W/ro Ejigayehu, dn. begashaw, and all their fellowers, please stop messing up our church and make a onfession. EBS television must also stop allowing them to spoil our people. Although God is merciful more than we can imagine, he may even punish if you will not return to the right directions. We pray for you people. It is impossible to be governed for two gods at a time. we can only be governed by God or money. Dejewoch, sile EBS television ena yene Begashaw, W/ro Ejigayehu ginignunet bitasinebibun tiru new. Mastewalun yistachihu.

Gebre Z Cape said...

Hisibachin Techegiro yikefilal, yawatal enesu degimo yizew yitefalu. Gizewu eko kefa min yishalal???????????????

The second Anyonymous guy (August 29, 2011) can you please post the link for EBS television. (I have got this http://www.ebstv.tv/ but don't know the where to listen the programs). Or if anyone knows about it, I'll appreciate that, thanks.

Anonymous said...

ayeee dejeselamoch ahunes ento fento were zebarekachehu minem yemayetekim were ferun yelkeke wenet yalehone neger masenebeb kejemerachehu koyachehu ere ebakachehu senanebew befeker yenebren ahun eyetelanew endanemeta ferann wenet yehone yesw sim eyanesu sim matefat tetachehu kum neger zegebu wendemachehu Dr sebhatu ke addis abeba

Anonymous said...

Sereke: If you are realy concerned about the financial aspect of the church you should have asked these people" mahbere mariam" to ge checked about the where about of this huge amount of money instead of being doubtful about MK. MK knows what they are doing. They get there finance audited because they believe in doing the right thing not just to answer questions from people like you.

On the other hand You do what you do not because you are concerned about the church but because you are one of those people working to weaken and destroy our church and belief.ATAWENABDEN ABO!!!!!!!!!!!!

Anonymous said...

Hello Brothers and sisters:

Our concern should not be the citizenship!!!!! whether Ethiopian or Eritrean, we all are one family and church if they are orthodox.

As some of you said, our issue should be removing those gangsters (W/ro Ejigayehu, dn. begashaw, and all their fellows)from our church of God.

May God protect our church from evils. Let us organize ourselves for resurrection of Our church Administration.

Birehanu said...

Weyene gude mindenew yanebebkut yehe moshelaka birren wesedew malet new..... Begashaw ebakih birren be selam meliselign yehenin bilog atanebewem beye alasibim selezi yale minem kidme huneta yewesedkewin birr 5ooo.00 setegn efeligewalew ena eko yehinin birr sesetik le gedamat merja beye new sesetikem amegnek neber ahun gin endeshewedkegn teredichewalew bezi mekniyat tidare endiferse alfeligim .....yefeterekin Amlake yewmitfera kehone birren bachir ken wuste meliselign seln kutree selalek dewelilign ... Berihanu negn.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)