August 27, 2011

ፓትርያርኩ ዱባይ ናቸው

(ደጀ ሰላም፤ ኦገስት 27/2011, READ IN PDF)፦ ብፁዕ ወቅዱስ አቡነ ጳውሎስ ከሐሙስ ጀምሮ ዱባይ ገብተዋል፤ በዱባይ ከኤምሬትባለሥልጣናት ጋራ ይወያያሉምእመኑንም አግኝተዋል። ይህ በእንዲህ እንዳለ ደግሞ በተባበሩት ዐረብ ኤምሬቶች የሊባኖስ እና አካባቢው አህጉረ ስብከት ሊቀ ጳጳስ ብፁዕ አቡነ ዲሜጥሮስ ፈቃድ ሳይገኝና በሊቀ ጳጳሱ ሳይባረክ በባር ዱባይ በቅዱስ ሚካኤል ስም ‹‹ቤተ ክርስቲያን አቋቁሜያለሁ›› ያለው ሕገ ወጥ ቡድን አገልጋይ የሆነ ቀሲስ ተስፉ እንዳለ የተባለ ካህን በዱባይ-ሻርጃ ሰዓሊተ ምሕረት ቅድስት ማርያም እና ቅዱስ ሚካኤል ቤተ ክርስቲያን አጥቢያ ምእመናን በደረሰበት ተቃውሞ ከቤተ መቅደ መከልከሉ እና ከቅጽረ ቤተ ክርስቲያንም እንዲወጣ መደረጉ ተገለጸ፡፡


ቀሲስ ተስፉ እንዳለ
ቀሲስ ተስፉ የምእመናኑ ግልጽ ተቃውሞ የተሰነዘረበት በተባበሩት ዐረብ ኤምሬቶች የሊባኖስ እና አካባቢው አህጉረ ስብከት የሚገኙትን ብፁዕ ወቅዱስ ፓትርያክ አቡነ ጳውሎስን ተከትሎ ወደ ዱባይ-ሻርጃ ሰዓሊተ ምሕረት ቅድስት ማርያም እና ቅዱስ ሚካኤል ቤተ ክርስቲያን ለመግባት በሞከረበት ወቅት ነው፡፡ በሀገረ ስብከቱ ሊቀ ጳጳስ ብፁዕ አቡነ ዲሜጥሮስ ጥያቄ መምጣቸውን የተናገሩት ብፁዕ ወቅዱስ ፓትርያኩ ዱባይ የገቡት ሐሙስ ማምሻውን ሲሆን ዐርብ ጠዋት በየሳምንቱ ዐርብ በሻርጃ ሰዓሊተ ምሕረት ቅድስት ማርያም እና ቅዱስ ሚካኤል ቤተ ክርስቲያን በሚደረገው መደበኛ የጸሎት መርሐ ግብር ላይ ተገኝተዋል፡፡

የሀገረ ስብከቱን ሥልጣን በመናቅ እና ሊቀ ጳጳሱን በመዝለፍ የሚታወቀው የሕገ ወጥ ቡድኑ ተቀጣሪ ቀሲስ ተስፉ ፓትርያኩን ተከትሎ በቅጽሩ አልፎ ወደ ቤተ መቅደስ ለመግባት ሲያመራ በፍራው የነበሩ በርካታ ምእመናን ‹‹ተሐድሶ ይውጣልን!!›› እያሉ አሰምተው በመናገር ተቃውመውታል ተብሏል፡፡ የምእመናኑን የተቃውሞ ጩኸት ከቁም ነገር ባለ መቁጠር እያለፈ ወደ ቤተ መቅደሱ በር ሲደርስ ግን ሥነ ሥርዐት አስከባሪዎች የቤተ መቅደሱን በር በመዝጋት እርሱን በውጭ ለይተው አስቀርተውታል፡፡ ይሁንና ቀሲስ ተስፉ ካህን ነኝ፤ መግባት እችላለሁ እያለ መወራጨቱን በመቀጠሉና ለጠብም በመጋበዙ ከምእመናኑ መካከል የወጡ ጎበዞች አንከብክበው የከፋ ትርምስ ሳይፈጠር ከቅጽሩ በአፍዓ አስወግደውታል ተብሏል፡፡

ይህ በእንዲህ እንዳለ የጥቅም እና የኑፋቄ ቡድኑ አቀንቃኝ የሆኑ ግለሰቦች በዱባይ አየር ማረፊያ ጀምሮ ለፓትርያክ አቡነ ጳውሎስ በተደረገው አቀባበል ላይ በመታየት ከዱባይ ሻርጃ ሰዓሊተ ምሕረት ቅድስት ማርያም ቤተ ክርስቲያን ተለይተው ያለ ሊቀጳጳሱ ፈቃድ በቅዱስ ሚካኤል ስም አቋቁመናል ያሉትን ሕንጻ እንዲጎበኙላቸው መጠየቃቸው ታውቋል፡፡ ቀደም ሲል ቀሲስ ተስፉን ጨምሮ በስም የተጠቀሱት ግለሰቦች ወደ አዲስ አበባ በመምጣት ከሥርተ ቤተ ክርስቲያን፣ ከሕገ ቤተ ክርስቲያን እና ከቃለ ዐዋዲው በተፃራሪ የፈጸሙትን ተግባር በአባቶች ቡራኬ ሕጋዊነት ለማልበስ ጥያቄ ያቀረቡ ቢሆንም እንዳልተሳካላቸው ታውቋል፡፡ እንዲያውም በወቅቱ ወደ ፍራ ተሰማርቶ የነበረ ልክ ጉዳዩን አጣርቶ ለሲኖዶሱ ባቀረበው ሪፖርት ቅዱስ ሲኖዶስ ድርጊታቸውን ክፉኛ በመኮነን በሀገረ ስብከቱ ሊቀ ጳጳስ የተላለፈባቸውን ውግዘት አጽንቶባቸዋል፡፡ ብፁዕ ወቅዱስ ፓትርያአርብ ጠዋት በደብሩ በቤተ ክርስቲያኑ በነበራቸው ቆይታ ለምእመናኑ የሰጡት አውላላ ሜዳ ላይ በራሳቸው የሚጮኹትን አትስሟቸው፤ አትከተሏቸው የሚለው ቃለ ምዕዳንም ይህንኑ ውሳኔ የሚያስረግጥ ነበር ተብሏል

ከቅዱስነታቸው ዑደት በፊት የፀረ-ተሐድሶ ሰባክያን ጥምረት አባላት በአህጉረ ስብከቱ ሊቀ ጳጳስ ጥሪና በቀናዒ ምእመናን ትብብር ወደ አካባቢው ተደጋጋሚ ስምሪት ሲያደርጉ የቆዩ ሲሆን በአገልግሎታቸውም ጉባኤ ምእመናንን እስከ መክፈል የደረሰውን የጥቅመኞች እና መናፍቃን ቡድን ሤራ በማጋለጣቸው በአሁኑ ወቅት በባር ዱባይ የሚገኘው ምእመን ልቡን እንደ ቀደመው ወደ ሻርጃ ሰዓሊተ ምሕረት ቅድስት ማርያም እና ቅዱስ ሚካኤል ቤተ ክርስቲያን የመለሰበት ሁኔታ ተፈጥሯል፡፡ የምእመናኑ ግፊት የበረታበት የጥቅም እና ኑፋቄ ቡድኑም ያቋቋመውን አጥቢያ አስተዳደር እንደ ያዘ በሀገረ ስብከቱ ሥር ለመሆን ሊቀ ጳጳሱን መማፀን ግድ ሆኖበታል፡፡

በፍትሕ ነገሥቱ ድንጋጌ መሠረት በኤጲስ ቆጶስ ባልተባረከ ቤተ ክርስቲያን የሚቀድስ ካህን ከክህነቱ የሚሻር በመሆኑ ሥልጣነ ክህነቱ አጠያያቂ የሆነው ቀሲስ ተስፉ ቀድሞ ከቅድስት ሥላሴ መንፈሳዊ ኮሌጅ ተመርቆ በማኅበረ ቅዱሳን የመጽሐፍ ዝግጅት ክፍል ውስጥ በመደበኛ አገልጋይነት ተቀጥሮ ይሠራ እንደ ነበር ተገልጧል፡፡ ይሁንና በዱባይ በወ/ሮ መንበረ መለስ ቤት ተጠንስሶና ወደ አዳራሽ አምርቶ፣ የሻርጃ ሰዓሊተ ምሕረት ቅድስት ማርያም ጉባኤ ምእመናንን በመክፈል ከቀኖና ቤተ ክርስቲያን ውጭ በተቋቋመው ‹ሕንጻ› የግል እና የቡድን ጥቅማቸውን የሚያሳድዱ ግለሰቦች ምንደኛ ሆኖ ወደዚያው አምርቷል፡፡ ቀሲስ ተስፉ በውስጥ አገልግሎት ሊጠነቅቃቸው የሚገቡ ምሥጢራትን ይሁነኝ ብሎ በመተላለፍ፣ በተለይ በግል ቀርበው ጥያቄ በሚያቀርቡለት ምእመናን ልቡና ላይ ጥርጥርና ክሕደት በመዝራት ይታወቃል ተብሏል፡፡ ለአብነት ያህል፣ ሴቶች በልማድ ጊዜ ወደ ቤተ መቅደስ ሊገቡና ሊቆርቡም ይችላሉ፤ እኛ ኦሪታውያን ስለሆን እንጂ ይሄም አያስፈለግም፤ ቅዱሳንን የምናከብራቸው ግብፃውያን የጫኑብን ጣጣ ስለሆነ እንጂ አያስፈልገንም የሚሉት ስሑት ትምህርቶቹ ይጠቀሳሉ፡፡

የዱባይ-ሻርጃ ሰዓሊተ ምሕረት ቅድስት ማርያም እና ቅዱስ ሚካኤል ቤተ ክርስቲያን በሀገረ ስብከቱ መንበረ ጵጵስና ሥር ከሚገኙት ሦስት አብያተ ክርስቲያን አንዱ ነው፡፡ በአሁኑ ወቅት ቤተ ክርስቲያኑ የሚገኘው ከአኀት አብያተ ክርስቲያን አንዷ በሆነችው በአርመን ኦርቶዶክስ ቤተ ክርስቲያን ይዞታ በሆነ ሕንጻ ውስጥ ነው፡፡ የአሁኑ የፓትርያኩ ዑደት ከዱባይ ከተማ ባለሥልጣናት እንዲሁም ከኤምሬትሱ ፕሬዝዳንት ወይም ጠቅላይ ሚኒስትር ጋራ በሚደረግ ውይይት ቤተ ክርስቲያናችን መሬት አግኝታ የራስዋን ሕንጻ - ቤተ መቅደስ የምትሠራበትን ሁኔታ ለማመቻቸት የታቀደበት ነው ተብሏል፡፡

አርብ ጠዋት በሻርጃ ሰዓሊተ ምሕረት ቅድስት ማርያም እና ቅዱስ ሚካኤል ቤተ ክርስቲያን ሳምንታዊ ጸሎት እና የእመቤታችን ወርኀዊ በዓል ላይ የተገኙት ብፁዕ ወቅዱስ ፓትርያክ አቡነ ጳውሎስ ወደ አቡዳቢ ደብረ ሰላም መድኃኔዓለም እና ጻድቁ አቡነ ተክለ ሃይማኖት ቤተ ክርስቲያን ተጉዘው የዕለቱን ጸሎተ ቅዳሴ መርተው ማከናወናቸው ተዘግቧል፡፡



15 comments:

Anonymous said...

ተመስገን ነው - አሁንስ እመ አምላክ ልትታረቀን ነው መሰል:: ፓትርያርኩን በተዋህዶ መሪነት ያጽናልን። ከወደ ጀርመንም በኪዳነ ምሕረት ዕለት የተሰማው ዜና ጥሩ ነበር:: እስካሁን (ባለማወቃቸው ይመስላል) ዝምታን መርጠው የነበሩት የሀገረ ስብከቱ ሊቀ ጳጳስ አቡነ እንጦንስ የአካባባቢው ምእመናን ባቀረቡት መረጃ የተደገፈ ጥያቄ መሠረት ለብዙ ዓመታት በመናፍቃን አዳራሽ ሲፈነጭና የኑፋቀ መጻሕፍት ሲያሳትም ቆይቶ የነበረውንና ማን እንደመለሰው በማይታወቅ ሁኔታ የቪዝባደን ቅ ጊዮርጊስ ቤተ ክርስቲያን አስተዳዳሪ የተደረገውን "ያልተመለሰ መናፍቅ" መጻሕፍቱ በሊቃውንት ጉባኤ እስኪታዩና እስኪወሰንበት ድረስ እንዳይሰራጩ፣ እሱም የትም ሄዶ እንዳያስተምር መወሰናቸው ትልቅ ነገር ነው:: በአንጻሩ ግን አንዳንዶች በኃላፊነት ላይ የሚገኙ አገልጋዮች ዝምታና ቸልታ ቅናት የተሞሉትን ደጋግ ምእመናን "ለምን ይሆን?" የሚል ጥያቄ እንዲያነሱ አድርጓል::

አይዟችሁ ምእመናን - በየቦታው ያላችሁ - አሁንም በርቱ


ወላዲተ አምላክ ሃይማኖታችንንን ከመናፍቃን ትጠብቅልን


ታመኑ

Anonymous said...

le DV-DUBAI yetenesawin foto new ende enante post yaregachihubet.
Yihuna enanitew ashomachihuit yenaneitew sew asikobelelew beluwachew MK.

Anonymous said...

I fully understand your mission.

fekadeselassie said...

this is a great news for our church in Dubai i.e Sealite mihret kidist mariam & kidus Michael... great job Deje selam for your unshaken commitment to wards Tewahido and her opponents(enemies i.e Tehadeso, u revealed the fact from it's source to its present status and motto. One thing i want to tell u is that the sole responsible person for such messy problem is Kesis Solomon Mulugeta who is a relative to w/ro Menbere meles and a friend of kesis Samuel Eshetu who was the organizer of such a set against our church, now he has defected from this group and went to Addis and given an administrative post by Aba Paulos(Though the way he clinched to such a post is highly debatable along with Kesis Solomon's current position. He gave them a green light to go ahead in splinting our church there, u know now where he is working. Please keep your investigative work towards this issue. God bless you

Anonymous said...

eshi deje selamoch, were weregnawn yketelal endetebalew kewrem alfo yehaset were mastelalef jemerachihu? ene bebotaw balgegn enkuan Tefetere yalachihutn neger bamenkuacu neber. actually ene ye sharjia mariam church tekafai negn gin yetefeterewn hulu aychalehu meemenun atasastu, Ewnetawn God yawkewal.Minew Mehreteabn alayehutm?

Anonymous said...

ሰላም ደጀ ሰላሞች!!! ዘመኑ የአዲስ ኪዳን ዘመን መሆኑ በጃችሁ እንጂ ጉዳችሁ ፈልቶ ነበር:: የሆነ ያልሆነውን ስትዘባርቁ! ጌታ ዝም ቢልም የንስሐ እድሜ እየሰጣችሁ ስለሆነ በእድሜያችሁ አትቀልዱ!!

Anonymous said...

አሁንስ ሽብር ሰለቸኝ!!የሰላም ደጅ ነን እያላችሁ ጠብቃችሁ ጠብቃችሁ ምነው በሽብር ዜና ትረብሹኛላችሁ? እንዳልተዋችሁ የቤተክርስቲያኒቱ ጉዳይ ይገደኛልና ምን መልካም ዜና ይኖር ይሆን ብዬ አነባችኋለሁ፤ ከስንት አንድ ነው መልካም ዜና የምታወጡት። እስኪ ደግ ደጉን ንገሩን!! ሽብሩን ለሽብርተኞች ተዉት።

Anonymous said...

እናስተውል! ማዘናጋት እንዳይሆን እንጠንቀቅ!

Woldemariam said...

Pls Eg/rin Enfira , begil simet tenesasten yemnitsifew neger Dejeselamin tekebayinetuan yasatatal , esti koy ya hulu meaminan hulun neger aytual bebotaw neber , enante yemitilut lela , egna yayenew lela , abune Pawolos yalut lela , i dont understant what u desire . ebakachihu ene ye eg/r siga ena dem yemkebel sew negn , biwash eda alebeign demom bebotaw hulunim neger ayichalew yalachihut ke 95 bemeto wushet new . Eg/r amalak betechirstianachinin yitebik, be ewinetina be menfes endinagelegilew yirdan

Anonymous said...

"እናስተውል! ማዘናጋት እንዳይሆን እንጠንቀቅ!" ትክክል ብለዋል። ምንም ጥርጥር የለውም ማዘናጊያና ጊዜ ማግኛ ነው። ያደቆነ መቼ ሳያቀስስ ይለቃል። ነገሩ በጣም እየጠነከረና መፈናፊኛ ሲታጣ አቡኑ ይለሳለሳሉ። እንደውም በቅርቡ ክማኅበር ቅዱሳን ጋር ተሐድሶን በተመለከተ መናጋገራቸውን የማኅበሩ ድረ ገጽ አስነብቦናል። እስካሁን እንዲህ ስንወረርስ የት ነበራችሁ? ተብሎም ተጠይቆል። ወግ ላይቀር። ኧረ እርሳችው የት ነበሩ ይህ ሁሉ በቤታቸው ሲሰራ?! አውቆ ከሚተኛ አባት ይሰውራን አቦ።

d/n hailemichael said...

የተወደዳችሁ ኦርቶዶክሳውያን
የፓትርያርኩ አካሄድ ማዘናጊያ ነው የሚመስለው:: ከማኅበረ ቅዱሳን ጋር ስነጋገሩም ማኅበሩ ስለ ተሐዲሶ ያቀረበውን መረጃ "እስከሁን አላየሁም አልሰማሁም" ማለታቸውና እንደው ማኅበሩ የተሐዲሶን ሤራ ሲያጋልጥ ለማስቆም እንዳልኩዋተኑ መልሰው "ይህ ሁሉ ሲደረግ ምን እየሠራችሁ ነው "ማለታቸው የምዕመኑን እንቅስቃሴ ስላወቁበት ሁኔታውን ለማለዘብ የተጠቀሙበት ዘዴ ነው::
በአዋሳ ምዕመናን የሚዘጋጀው ቁጥር 3 ቪ ሲ ዲ በአቡነ ፓውሎስ ቤተክርስቲያኒቱን የማዳከም ሤራ ላይ መረጃ እንደሚያቀርብ መስጠንቀቁንም አቡነ ፓውሎስ ያዉቁታል ::
ስለዚህ የቅዱስ ስኖዶስ ውሳኔዎች ሙሉ በሙሉ እስኪተገበሩ
በቤተክርስቲያናችን አደባባይ በድፍረትና በንቀት የመናፍቃንን ትምህርት ያስተማሩ ሌሎችም መረጃ የተጠናከረባቸው ግለሰቦች መረጃ ለቅዱስ ስኖዶስ ቀርቦ በቤተክርስቲያኒቱ ሕግ መሠረት ትክክለኛ እርምጃ እስኪወሰድ መቀጠል አለብን::
ይህን የምዕመኑን መነቃቃት እስከ የቤተክርስቲያኒቱ አስተዳደር ችግር ማቅረፍ አድርሰን ለቤተክርሰቲያናችን የተቀላጠፈ አሠራር እንደ አጋጠሚ መጠቀም ያለብን ይመስለኛል ::
የመናፍቁ በጋሻው የጠቅላይ ቤተክህናት የስብከተ ወንጌልና ሐዋሬያዊ ተልዕኮ መምሪያ ምክትል ኃላፊ ሆና በፓትርያርኩ ትዕዛዝ በጠቅላይ ቤተክህነት ምክትል ሥራ አስኪያጅ ፊርማ መከናወኑም በሰፊው እየተነገረ ነው::
ስለዚህ አቡነ ፓውሎስ በእንዲህ ዓይነት መልኩ እያዘናጉን ተሐዲሶዎቹ ጥንቅላታችን ላይ ከወጡ በኁዋላ ነገሩ ከቁጥጥር ውጭ ሳይሆን
ምዕመናን ሁሉ አንድ ዓይነት ግንዛቤ ከፈጠሩ በኁዋለ ጥያቄያችንን በአግባቡ ለማቅረብና ስለ ቅድስት ቤተክርስቲያን አስፈላግውን ሰማዕትነት ለመክፈል ከጸሎትና ከጾም ጋር አሁንም ሳንዘናጋ በርትተን እንሥራ::
ረድኤተ እግዚአብሔር አይለየን:: አሜን

Anonymous said...

Dear Dejeselam,
I watch it cautiously. You dont believe what this Patriarc has in mind. Due to his Philosophy background, he is able to escape challenges systematically. If he really comes to his mind, that is a good news, and we need to pray more!

Temelkac said...

Did he really ask this question? something like
"where have you been all theses days?"

We all have been fighting againt tehadiso and we will continue doing it. Our fights have not been successful because he was working againts us and now he is asking us where we have been? The question should be what was he thinking? and does he think now we can trust him?

NO!!!!!!!!!!!!!!!!!!!!!!!!!!!!!!!!

NO WAY!!!!!!!!!!!!!!!!!!!!!!!!!!!!

Anonymous said...

+++
ተመስገን ነው: እስኪ የምታገኙቸው ወደ ደቡብ ሱዳን ጁባም እንዲመጡ ንገሩልን::

+++

Anonymous said...

he will be coming soon Texas too

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)