August 20, 2011

የዜና ቤተ ክርስቲያን ልዩ ዕትም ርእሰ አንቀጽ ሲኖዶስ አይወግንም

(ዜና ቤተ ክርስቲያን፤ 56 ዓመት ቁጥር 121፤ ነሐሴ 2003 ዓ.ም/ PDF)በአሁኑ ጊዜ የጠቅላላው ኅብረተሰብ የየዕለቱ የመነጋገሪያ አጀንዳና ጊዜ ማሳለፊያ ከሆኑት ነገሮች ዋና ዋናዎቹ ሦስት ነገሮች ናቸው፡፡ እነዚህም ሦስት ነገሮች የእግር ኳስ ጨዋታ፣ ገመና ድራማ እና በቤተ ክርስቲያናችን ስም ተጠቃሚዎች የሆኑት ማኅበራትና ፍንዳታ ሰባክያን በሃይማኖት ሽፋን በነጻ ፕሬሶች የሚያደርጉት የጥቅም ሽኩቻና ውዝግብ ነው፡፡


ሁሉም የሃይማኖት ተቋማት በተሰጠው የሃይማኖት ነጻነት በአግባቡ በመጠቀም ፀጥ ረጭ ብለው እምነታቸውን ያስፋፋሉ፤ ተልእኳቸውን በሰላም ይፈጽማሉ፡፡ በውስጥም ሆነ በውጭ፣ በትልቁም ሆነ በትንሹ የመለያየትና የሁከት ድምፅ የሚሰማው ግን በእኛ ቤተ ክርስቲያን ብቻ ነው፡፡ ወይም ሁለተኛው ክፍል የገመና ድራማ ሆና በየዕለቱ የምትታየው የእኛ ቤተ ክርስቲያን ብቻ ናት፤ ዕድል ወይስ በደል?

ይህም በመሆኑ ሁኔታው (ክሥተቱ) የቤተ ክርስቲያናችን ተከታዮች ምእመናንን በየአሉበት ግራ አጋብቷቸዋል፡፡ ግማሾቹ ከአንዱ ቡድን ጋራ ወግነው ደፋ ቀና ሲሉ፣ እኩሌቶቹ ከሌላው ቡድን ጋራ ወግነው ድምፅ ያሰማሉ፤ የተቀሩት ደግሞ ከማንኛውም ወገን ሳይወግኑ በመሐል ሜዳ ላይ ቁመው “ይህ ልክ ነው፤ ይህ ልክ አይደለም” እየተባባሉ እርስ በርስ ሲከራከሩ ይደመጣሉ፤ የተረፉትም ከምንም ውስጥ ሳይገቡ “እንዴት ካለው የሐሳዊ መሲሕ ዘመን ደረስን? እግዚአብሔር የሚበጀውን ያምጣ፤ የወደደውን ያድርግ፤ በደሙ የዋጃትን ቤተ ክርስቲያን እርሱ ባለቤቱ ይጠብቅ” እያሉ ሲያዝኑና ሲተክዙ፣ ከፊሎቹ “የሚያደርጉትን አያውቁትምና ይቅር በላቸው” የሚለውን የጌታችንን የመስቀል ላይ ጸሎት ለሚጸልዩት ሲጸልዩላቸው ይስተዋላሉ፡፡

በእውነቱ በኢትዮጵያ ኦርቶዶክስ ተዋሕዶ ቤተ ክርስቲያን ስም ተጠቃሚዎች የሆኑት ማኅበራት፣ ፍንዳታዎች ሰባክያንና ዘማርያን በነጻ ፕሬሶች የሚያደርጉት የጽሑፍ ጦርነትና ውዝግብ እንዲሁም የዋሆች ምእመናንን እንደ ቅርጫ ሥጋ በመከፋፈል በየቤተ ክርስቲያኑ ዐውደ ምሕረት “እንሰብካለን አትሰብኩም፤ እንዘምራለን አትዘምሩም” በመባባል የሚያደርጉት ፍልሚያና ትግል ጦስ ምእመናኑን ግራ ከማጋባትና ከማሳዘን አልፎ (ባሻገር) በየአካባቢው የሀገሪቱን ጸጥታ ለሚያስከብሩት ኀይላትና ለፍርድ ቤቶችም ጭምር ተርፏቸዋል፡፡

ማኅበራቱም ሆኑ ፍንዳታዎቹ ሰባክያንና ዘማርያን በቤተ ክርስቲያናችን ስም ከተጠቀሙና በእውነት ልጆቿ ከሆኑ ወይም በሃይማኖት አንድ ከሆኑ ለምን ይቀናናሉ? ለምንስ ይካሰሳሉ? የሚጣሉት እና የሚካሰሱትስ በመንፈሳዊ ጉዳይ ከሆነ ዳኝነት ማግኘት የሚገባቸው ከቅዱስ ሲኖዶስ አይደለምን? ለምን ወደ ዓለማውያን ፍርድ ቤቶች ይሄዳሉ? ቅዱስ ሲኖዶስስ ለምን ዝም ይላቸዋል? ሁሉንም አቅርቦ ሊያስማማቸው ወይም በቶሎ ዳኝነት ሊሰጣቸው አይገባውምን? ታላቁ ሐዋርያ ቅዱስ ጳውሎስ “እርስ በርሳችሁ የምትበላሉ ከሆነ መተላለቅ (መጨራረስ) ነው የቀራችሁ” በማለት የተናገረውን ሐዋርያዊ ቃል ሳያነቡትና ሳይገነዘቡት ቀርተው ነውን? ወይስ ጥንታዊቷ፣ ታሪካዊቷና ብሔራዊቷ የኢትዮጵያ ኦርቶዶክስ ተዋሕዶ ቤተ ክርስቲያን ሁሉንም ለመሸከም የሚችል ሰፊ ማሕፀን እንዳላት በጥልቀት አልተገነዘቡትም ይሆን?

ይህም ማለት በሃይማኖት ሽፋን ድብቅ ዓላማ የሚያራምዱ ማኅበራትና ሕጸጸ ሃይማኖት ያለባቸው የተከሠተባቸው ፍንዳታዎች ሰባክያን ካሉ ርትዕት፣ ንጽሕትና ቅድስት ከሆነችው የኦርቶዶክስ ተዋሕዶ ቤተ ክርስቲያን ጋራ አብረው ይጓዙ ማለት አይደለም፤ መቼም “ሕፀፀ ሃይማኖት አለባቸው፤ የሌላ ሃይማኖት አራማጆች ናቸው” የተባሉት ወገኖች ጉዳይ ስለሆነ ይዋል ይደር አይባልም፡፡ በቅዱስ ሲኖዶስ አስቸኳይ ውሳኔ ሊሰጠው ይገባል፡፡ ሆኖም በትምህርተ ወንጌል “እንክርዳዱን እንነቅላለን ስትሉ ስንዴውንም አብራችሁ እንዳትነቅሉት” የሚል አምላካዊ መመሪያ ስለአለ፤ ያ የጥንቱ ኢትዮጵያዊ ባለቅኔም “ሰብእ ለእከዩ ሃይማኖተ ያለብሳ” ማለት “ሰው ተንኮሉን ወይም ክፋቱን ሃይማኖትን ያለብሳታል” ብሎ እንደተቀኘው ሁሉ ቀደም ባሉት ዘመናት በዚሁ ባለንበት ክልል በሃይማኖት ሽፋን ጉዳት የደረሰባቸው ወገኖች እንደነበሩ ታሪክ ስለሚነግረን ምናልባት ሃይማኖትን ሽፋን ያደረገ የማጥቃት ዘመቻ (ሴራ) በጀርባው እንዳይኖር ጥብቅ ማጣራት ያስፈልገዋል፡፡

ከቅዱስ ሲኖዶስ ልዩ ጽ/ቤት የተሰጠውም ጊዜያዊ መግለጫ በዚህ ግንዛቤ መሠረት እንጅ በሌላ ከለላ አይደለም፡፡ ቅዱስ ሲኖዶስ አይወግንም፣ ሊወግንም አይገባውም፤ ከወገነም ሊወግን የሚገባው ከቤተ ክርስቲያን ጋራ ነው፡፡ ቅድስት ቤተ ክርስቲያንም አትወግንም፣ ልትወግንም አይገባትም፤ ከወገነችም ከሁሉም ምእመናን ጋራ ነው የምትወግነው፡፡ ሕፀፀ ሃይማኖት አለባቸው የተባሉትን ወገኖች አውግዞ መለየት ግን ይዋል ይደር የማይባል ርምጃዋ መሆን አለበት፡፡

በዚህ ረገድ ከቅዱስ ሲኖዶስ ልዩ ጽ/ቤት የተሰጠው ጊዜያዊና ሰላማዊ መግለጫ ከመዘግየቱ በስተቀር ከቤቱ የሚጠቅ፣ ግራ ቀኙን ወገን ይበልጥ የሚያዘጋጅና የሚያስጠነቅቅ፣ የአጋላጩንና የተጋላጩን አጃቢዎች ትኩሳት የሚያቀዘቅዝ፣ ተወጋግዞ ከመለያየት በፊት ለንስሐ የሚያበቃ ስለሆነ ሚዛኑ ወደ አንደኛው ወገን እንደደፋና እንደማዘናጊያ ተቆጥሮ ትችት ሊሰነዘርበት አይገባውም፡፡ ገና ውርዴና በለሴው ተለይቶ ሳይታወቅም አጋላጮች ሊያዝኑ፣ ተጋላጮችም ሊቦርቁ አይገባቸውም፡፡ ለሁሉም የሚገባቸው በያሉበት መጸለይ ብቻ ነው፡፡ ቀጣዩ ግን ጉዳዩ ለአንዴና ለመጨረሻ ጊዜ የማያዳግም እልባት አግኝቶ የሁለቱም ወገን ተከታዮች እፎይታን እንዲያገኙ፤ በይበልጥም ቤተ ክርስቲያን ሰላም እንድታገኝ የቅዱስ ሲኖዶስ ምልአተ ጉባኤ በአስቸኳይ ተሰብስቦ አንዱ ላንዱ ሳይወግን ለአንዴና ለመጨረሻ ጊዜ የማያዳግም ሲኖዶሳዊ ርምጃ እንዲወሰድበት ማድረግ ነው፡፡
የዚሁ አካል የሆነው እጅግ በጣም አሳፋሪውና አሳሳቢው ጉዳይ ደግሞ “ለዘሐለፈ ስርየት ወለዘይመጽእ ዕቅበት” ከተባለ በኋላ የአንዳንድ ብፁዓን አበው በዓለማውያን ጋዜጦችና መጽሔቶች እንደገና ብቅ ብቅ ማለት ነው፡፡ ነገሩ እውነት ቢሆንም የዚህ ቀደሙ መተቻቸትና መወጋገን ከኪሳራ በስተቀር ምን ትርፍ ተገኘበትና ነው ብፁዓን አበው እንደ ገና በነጻ ፕሬሶች ለመተቻቸትና ብቅ ብቅ ለማለት የሞከሩት? ከዐጸዱ ውጭ ያሉትን ለመመለስና ሰላምን ለመፍጠር ድርድር በተያዘበትና ፀረ ክርስትና አቋም ያላቸው ወገኖች በተስፋፉበት በአሁኑ ወቅት ከውስጥ ያሉት አባቶች ገመናቸውን በነጻ ፕሬሶች መግለጥ ይገባቸዋልን? አባቶች ትእግሥትና ጽንአት ካጡ ልጆቻቸውማ በነጻ ፕሬሶች ገመና ለገመና ቢገላለጡና ቢወዛገቡ ይፈረድባቸዋልን? ከማን ተምረው? ስለሆነም “እህልን ምን ይጨርሰዋል - መጎራረስ፣ ነገርን ምን ያባብሰዋል - መመላለስ” እንዲሉ ነገሩ እንዳይባባስ ለትችታቸው አጸፋዊ መልስ ከመስጠት መቆጠብም ትልቁ የነገር ማቆሚያ ዘዴ ነው፤ እንደገና የዓለሙ ሁሉ መዘባበቻ ከመሆንም ያድናል፡፡

ይህም ሲባል በመንፈስ ቅዱስ የሚመራው የቅዱስ ሲኖዶስ ውሳኔ ተግባራዊ አይሁን ወይስ ይጣስ ማለት አይደለም፤ የሐሳብ ልዩነት አይኑር ማለትም አይደለም፤ ከቅዱስ ሲኖዶስ ውሳኔ ውጭ ሌላ ውሳኔ ሰጭ አካል ይኑር ማለትም አይደለም፡፡ ለሌላው ንስሐ ሰጭ አካላት የራሳቸውን ንስሐ ለምን ለውጭ የመገናኛ አውታሮች አልፈው ይሰጣሉ? ለማለት ነው፡፡ ሲሆን ሲሆን የሐሳብ ልዩነቱና ክርክሩ በዚያው በቅዱስ ሲኖዶስ ጉባኤ መጠናቀቅ (መደምደም) አለበት፤ ግድ ከሆነም የአባቶች የሐሳብ ልዩነት መስተናገድ የሚገባው በቤተ ክርስቲያኒቱ ጋዜጦችና መጽሔቶች እንጅ ወደ ውጭ መውጣት አይገባውም፡፡ ምናልባት የማያግባባው ሐሳብ ካየለና ወደ አንድነት ለመምጣት የማያስችል ከሆነም ጌታችን በምድር ላይ አምላካዊ ተልእኮውን ፈጽሞ ከደቀ መዛሙርቱ ሐዋርያት በሚለይበት ጊዜ አንድ ይሆኑ ዘንድ ወደ አባቱ እንደጸለየ ሁሉ የብፁዓን አባቶችም ድርሻ ሐሳባቸው አንድ እስኪሆን ድረስ መንፈስ ቅዱስ እንዲረዳቸው መጸለይ ወይም ሱባኤ መግባት እንጂ የቤተ ክርስቲያንን ገመና ወደ ውጭ ማውጣት አይገባቸውም፡፡ በዓለማውያን ጋዜጦችና መጽሔቶች መታየት የአባቶች ክብርና ሞገስ አይደለም፤ የቤተ ክርስቲያኒቱም ጋዜጦችና መጽሔቶች የአባቶችን የሐሳብ ልዩነት ያለአድሏዊነት ማስተናገድ የሞያ ግዴታቸው ነው፡፡

ሌላው በሰንበት ት/ቤቶች ማደራጃ መምሪያና በማኅበረ ቅዱሳን መካከል የተፈጠረውን ውዝግብ ለማርገብ የግንቦቱ ቅዱስ ሲኖዶስ ችግሩን አጥንቶ የሚያቀርብ ኮሚቴ ሠይሞ እያለ የኮሚቴው ጥናት ሳይቀርብ የመምሪያው ሓላፊ በውጭ የመገናኛ ብዙኀን በማኅበሩ ላይ ትችት አዘል መስጠት ባልተገባቸውም ነበር፡፡ ከዚህ የከፋውና የባሰው ደግሞ የመምሪያውን ሓላፊ በውስጥ ማረም ወይም መገሠጽ ሲቻል የመምሪያው የበላይ ሓላፊ ሊቀ ጳጳስ የማኅበሩ ከለላ በመሆን የሰጡት የማስተባበያ መግለጫ መለያየትንና መወጋገንን ይፋ በማድረጉ “በአንድ ራስ ሁለት ምላስ” አሰኝቷል፡፡

ለመሆኑ የአባት ጎጠኛ አለውን? የለውም፤ ሊኖረውም አይገባም፡፡ ጎጠኛ ማኅበርስ አለን? የለም፤ ሊኖርም አይገባም፡፡ ምናልባት ቀደም ባሉት ዘመናት በነበረው የፖሊቲካ ዘይቤ ከቤተ ክርስቲያን ዓላማ ውጭ በቤተ ክርስቲያን ስም በጎጠኝነት የተመሠረተ ማኅበር ያለ ከሆነም ዛሬ የብሔር ብሔረሰቦች አንድነትና እኩልነት በሰፈነበት ወቅት ይኖራል ተብሎ በጭራሽ አይገመትም፤ ቢኖርም ሊሠራ አይችልም፡፡

ለዚህ ሁሉ ልዩነት መስፋት እና መካረር ግን ዋና ምንጩ ማንኛውም የቤተ ክርስቲያን ችግርና ጉዳይ አስመልክቶ ቅዱስ ሲኖዶስ በየጊዜው የሚያሳልፈው ውሳኔ ሁሉ በሰዓቱ አለመፈጸሙና አስፈጻሚ አካል ባለመኖሩ ወይም ለይስሙላ የሚወሰነው ውሳኔ ሁሉ ከቅዱስ ሲኖዶስ ጉባኤ በኋላ ችላ በመባሉ እንደሆነ ግልጽ ነው፡፡

ይህም ይታወቅ ዘንድ በሰንበት ት/ቤቶች ማደራጃ መምሪያና በማኅበረ ቅዱሳን መካከል ስላለው “ሆድ ሲያውቅ ዶሮ ማታ” ጉዳይ ከዛሬ ዓመት በፊት የሃይማኖት ጉዳይ የሚመለከታቸው የፌዴራል መንግሥት አካላት ጭምር በተገኙበት በቅዱስ ሲኖዶስ የተወሰነው ውሳኔና የተሰጠው መመሪያ ተግባራዊ ቢሆን ኑሮ ልዩነቱና ቅራኔው እንደ ጋንግሪን በሽታ ከአንዱ አካል ወደ ሌላው አካል እየተስፋፋ ዛሬ ከደረሰበት አስከፊ ደረጃ ላይ ሊደርስ ባልቻለም ነበር፡፡

በእውነቱ እነዚህ ማኅበራት፣ ፍንዳታዎች ሰባክያንና ዘማርያን በክፉውም ሆነ በደጉ ጊዜ ከቤተ ክርስቲያናችን ጎን ተሰልፈው የጎደለውን ተልእኮ በማሟላት ለህልውናዋ መጠናከርና ለተከታዮቿ የእምነት ጽንአት፣ ለወጣቱ ትውልድም ወደ ቤተ ክርስቲያን መቅረብ በድብቅም ሆነ በይፋ በየፊናቸውና በየክሂሎታቸው ያበረከቱት መጠነ ሰፊ አገልግሎት ቀላል ግምት የሚሰጠው አይደለም፡፡ ቤተ ክርስቲያናችንም መንጋዋን እየሰበኩ በሥጋቸውም በነፍሳቸውም እንዲጠቀሙ ሙሉ ነጻነት የሰጠቻቸውና ለአያሌ ዓመታት በትዕግሥት ስትከታተላቸው የቆየችው ይህንኑ የተቀደሰ አገልግሎታቸውንና ያደረጉላትን እገዛ ከግምት ውስ በማስገባት ነበር፡፡ ይህም በመሆኑ እነዚህ ማኅበራት፣ ፍንዳታዎች ሰባክያንና ዘማርያን ይህን በጎነት ላደረግችላቸውና ጎጆ ላወጣቻቸው እናት ቤተ ክርስቲያን በስሟ ከሚያገኙት ጥቅም ሁሉ ፈሰስ ሊያደርጉላት ወይም ዐሥራት ሊያወጡላት ሲገባቸው አሁን ግን “ዐወቅሽ ዐወቅሽ ቢሏት መጽሐፍ አጠበች” እንዲሉ በእምነቷ ላይ ጥርጣሬን በማሳደር ሰምና ወርቅ ሆነው የኖሩትን ተከታዮቿ ምእመናንን እንደ ቅርጫ ሥጋ በመከፋፈል ጎራ ለይተው እየተወዛገቡና በየጊዜው በነጻዎቹ ፕሬሶች እየተተቻቹ የመሠረታውያን ጠላቶቿ መዘባበቻ እንድትሆን ስለአደረጓት ቤተ ክርስቲያናችን በእነርሱ ላይ ከፍተኛ ሐዘን እና ቅሬታ ተሰምቷታል፤ ሐዘንና ቅሬታ ብቻም አይደለም፤ ከፍተኛ ጥርጣሬ አድሮባታል፡፡

በአጠቃላይ በሁሉም አቅጣጫ ወገን እየለዩ መሰዳደቡና መተቻቸቱ ልዩነቱን እያሰፋው ከሚሄድ በስተቀር የሚሰጠው እርባና (ፋይዳ) ስለሌለ ልዩነቱ እየሰፋ ሄዶ ወደ ከፋ ደረጃ ከመድረሱ በፊት፡-
·         ሕፀፀ ሃይማኖት አለባቸው የተባሉት ሰባክያን ጉዳይ በማስረጃ ተረጋግጦ እንዲቀርብና አስቸኳይ ሲኖዶሳዊ ርምጃ እንዲወሰድበት፤
·         በሰንበት ት/ቤቶች ማደራጃ መምሪያና በማኅበረ ቅዱሳን መካከል የተፈጠረውን ችግር ለመፍታት በቅዱስ ሲኖዶስ የተሠየመው አጥኚ ኮሚቴ በአስቸኳ ጥናቱን አቅርቦ አለ የተባለው ችግር የዘለቄታ መፍትሔ እንዲያገኝ ማድረግ፤
·         ብፁዓን አበው የቤተ ክርስቲያንን የውስጥ ጉዳይ በነጻ ፕሬሶች እንዳያወጡ ማስጠንቀቂያ መስጠት፤
·         አባቶችን እንደዋዛ አነጋግረው ወይም የሓሳብ ልዩነታቸውን ከሁለተኛ ሰው አግኝተው ከነፎቶግራፋቸው የሚዘግቡ ነጻ ፕሬሶች በሕግ እንዲጠየቁ ማድረግ፤
·         የቤተ ክርስቲያንን ምስጢር ለነጻ ፕሬሶች የሚያወጡና ሰነድ የሚሸጡ የውስጥ ሠራተኞች ካሉ ተከታትሎ ማጋለጥና ርምጃ መውሰድ፤
·         ሳይማሩ መናፍቃን መሆን አይቻልምና በጣዕመ ስብከታቸው የምእመናንን ቀልብ የሚስቡ፣ በቃላት ግድፈታቸው በእምነት ላይ ጥርጣሬን የሚያሳድሩ አንደበተኞች ዘመናውያን ጆቢራዎች ወደ አብነት ት/ቤት ገብተው እንዲማሩ ማድረግ፤
·         በለብ ለብ በመንፈሳዊ ኮሌጆች የሚሰጠው ትምህርት ብቃትና ጥራት እንዲኖረው ማድረግ፤

ቢያንስ ለተፈጠሩት ወቅታዊ ችግሮች ጊዜያዊ ማስታገሻ ሊሆን እንደሚችል ተስፋ እናደርጋለን፡፡

35 comments:

The Awassa said...

I liked the comprehensive criticism on the contemporary problem of our church. The comment has been much on other individuals while the cause of the whole problem (the Patriarch) has been less criticised. The fathers and other people have forced to use other private media to explain the problem as the church media has been closed and the Patriarch is not implementing the decision of the holy Synod. Whatelse they cand do whn the Patriarch is not being governed by the decision of the holy Synod. Egziabher betachinin yibark

lele said...

AMELAKACHEN EREDANE

hiwot said...

The awassa i agree with you.the core problem is the Patriarch.Zena Bet Kiristian did not even mention about it so you sided with Aba Pawlos.If you are not scare to loss your job tell us the truth.

Anonymous said...

በፍፁም ይሄ ፅሁፍ ትክክለኛ ነው ብዬ አላምንም በ ቺግሩ ፈጣሪዎቺም የተዘጋጀ ይመስለኛል :: የቤተክርስቲያኗ ቺግር ከተፈጠረ ቆይቷል ; አሁን አድጎና ማንነቱን ለይቶ አየዎጣበት ባለበት ሰዓትና ቤተክርስቲያኗን በሙሉ ለማጥፋት እየተሯሯጠ
ባለበት ሰዓት ኃላፊነት የሜሰማቸዉና ያላቸው ብፁዓን አባቶች እዉነታዉን ማጋለጣቸው በጣም ተገቢ ነው:: ይህ ትስሁፍ ግን የተንኮለኛዉን ቡድን ለመደገፍና ምእመናንን ለማደናገር ይመስላል:: እዉነቱ የተናገሩት ለምን ይተቻሉ ?
መንፈሳዊ ኃላፊነታቸዉን በተዎጡ?፣ መንጋው እንዳይጠፋ ባስተነቀቁ?፣ ከላይ አናት ተቀምጦ ቤተክርስትያኗ አንድትጠፋ የሚያደርገው የ ፓትርያርኩ ቡድን በመንፈስ ቅዱስ የምትመራዉን ቤተክርስቲያን በጉልበት እየመራ ማንነቷን ለመለወጥ ከመናፍቅ መዎገኑ እየታወቀና በአሁኑ ሰዓት ለመንጋው የሜጭነቁትን በማሸማቀቅና በመስደብ ; ስዉር አላማቸዉን ለማሳካትና ምእመኑን ግራ ለማጋባት የዎጣ ፅሁፍ ስለሆነ ደጀሰላሞች ብታስወግዱት ደስ ይለኛል::
እግዚአብሔር ሕይማኖታቺንን አና ሀገራችንን ይጠብቅ አሜን !!

Son of Church said...

As to me, except the flaw of using one word-'findatawotch', the wirter rebuks all according to their DEBT.

Wishing him to keep up!

Anonymous said...

I dont need to read the whole after I came to see weak points in the middle. The message is sided to one while tempting to preach fairness. Talk in Church langauge than politics. We have this and that directions. SAY IT. Otherwise, this is a way to be Lost. Necea conference was faced with such seemingly positives but a deadly ath to some christians.

son of church said...

The "The Awassa"?
You did not deeply read the article; or your main objective seems to blame the patriarch.
To remove your shadwow, analyize the following how the writer scholarly stylished.
"ለዚህ ሁሉ ልዩነት መስፋት እና መካረር ግን ዋና ምንጩ ማንኛውም የቤተ ክርስቲያን ችግርና ጉዳይ አስመልክቶ ቅዱስ ሲኖዶስ በየጊዜው የሚያሳልፈው ውሳኔ ሁሉ በሰዓቱ አለመፈጸሙና አስፈጻሚ አካል ባለመኖሩ ወይም ለይስሙላ የሚወሰነው ውሳኔ ሁሉ ከቅዱስ ሲኖዶስ ጉባኤ በኋላ ችላ በመባሉ እንደሆነ ግልጽ ነው፡፡ "

Orthodoxawi said...

But the root cause is still Aba Paulos!!!

The Holly Synod has no problem to decide. But how can it be implemented? What shall we do with Aba Paulos and his hidden Findata group?

That is the root cause!

Egziabher Amlak Betekrstiyanin Yitebikilin! Amen!!!

Anonymous said...

WEMELE - FROM S.KOREA

In my view this doesn't give any sense to the laities of our church. The writer tries to blame the others for being involved in the accusation to each other.however, the writer him/her self engaged him/her self on accusing them throughout the article rather than exposing the main reason which coused all these problems.
It's just bitting around!

Anonymous said...

ባሁኑ ጊዜ ስለ ተከሰተው የቤተ ክርስቲያናችን ጉዳይ ጭንቀት ተሰምቶት በእግዚአብሄር እርዳታ መፍትሔዎች ለማስገኘት ጥረት ማድረግ ላይ ያለ ሌላ ወገን አለ። ይኸውም፤ ዓለም-አቀፍ የኢ/ኦ/ቤ/ክ የምእመናን ማሕበር የተሰኘው ነው።

ስለ ቤተ ክርስቲያናችን አንድነት፤ ሰላምና ፍቅር፤ ስለ ስብከትና ትምሕርት፤ ስለ አብነት ት/ቤቶች፤ ስለ ኢየሩሳሌም ገዳማችን ጥገና፤ ወዘተ. ርእሰ አድባራት ቅ/ማርያም ደብር፤ ዋሺንግተን፤ ዲ.ሲ. አንድ ጉባኤ መስከረም 19 እና 20፤ 2004 ዓ/ም ይከናወናል።

ለበለጠ ግንዛቤ፤ www.eotcipc.org ይመልከቱ።

Anonymous said...

I just only blame Aba Paulos. I don't think he is really Tewahedo. I am know in suspicios. It is clear there is
Tehadeso. NO one can deny it.itis truth.
And the writer seems to blame the other party and covers those who are going against Tewahedo as "findata". I wish Paulos would die by some means. But also repentence for him. otherwise the problem will continue with him.

Anonymous said...

ዞሮ ዞሮ መዝጊያው ገንዘብ ፈሰስ
እንዴት አስገራሚ ነው:: የቤ/ያኒቱ ችግር የገንዘብ እጥረት ይመስል:: ሙስና አይደል እንዴ ለሀይማኖቱስ አሁን ላለበት ወቅታዊ አደጋ ያደረሰዉ:: ለመሆኑ የቤ/ያኗ ጋዜጣ ካባ ጳውሎስ ፎቶ የሚተርፍ ቦታ አለው እንዴ? እንኳን የተለየ አስተያየት ሊወጣበት? የሰሞኑ የራሳቸዉ የፀሀፊዉ( መጋቤ ሚስጥር) ፅሁፎች ራሱ የሚያስከፍላቸዉ ዋጋ ይኖራል:: አምላክ ይጠብቃቸዉ እንጂ::

ሌላዉን በሚገባ ገልፀዉታል እንዳለፈዉ ባይሆንም:: የአባ ጳውሎስ ስም መጠቀስ አስፈላጊ አይደለም ደጋግመው እንደፃፉት የሲኖዶሱ ውሳኔዎች መተግበር ሲጀምሩ የሳቸው ችግርነት ተፈቷል ማለት ነው:: ውሳኔዎቹ ለምን ተግባራዊ እንደማይሆኑ የምርመራ ጋዜጠኛነትን ጥበብ በመጠቀም ራሳቸው ማጣራት ያለባቸው እና ይህ ክፍል ወይም እከሌ ነው እንቅፋቱ ብለው ሊያረጋግጡ ይችላሉ:: (እኛ ብናውቀውም) ለሀይማኖታቸው ከተቆረቆሩ ይህን ቢያደርጉ ትልቅ ስራ ይሆን ነበር::
ሲጠቃለል ፅሁፋ መልካም ነው::
Ben

Anonymous said...

I like the article for most part. It has clearly laid out where the problems exist. A problem understood is half solved.

I might be an old fashioned person, but I really didn't like the expression "Findata..." that is a really earthly word... I guess. We shouldn't use it around our church.

Sewale

Zeraf said...

I say "Kale Hiwot Yasemalign" to the author who has written this wonderful criticism. This is the kind of impartial mind that the church needs. All the criticisms are fair, and the recommendations are wonderful. I think we have hope that our church can revive christianity in Ethiopia and beyond if we have such fair and well thinking personalities - I mean if we can implement the ideas.

Anonymous said...

i don't think this news come out of from DEJESELAM this is like cover up what we have been since we start in this problem. this is not about our fathers problem because they don't have no choice to go out side media news when patriarch controlled every our church media. please DEJESELAM don't try to mislead our people by posting this kind of news when the problem is about aba pawlos and his Findat group which organized by tehadiso i really sorry to hear from you guys if you guys try to keep you media because of a given warning may be from aba pawlos it is okay we understand but other wise tell us the trues. we all should know aba pawlos may go soon and he should pray for his sin what he have done to our church and lastly we all should pray about him to have marcy from God and our church.

Anonymous said...

ፓትርያኩ በመግለጫቸው ያወጡትን ውሳኔ ስመለከት ቅዱስ ሲኖዶስ አረጋግጦ ካልወሰነ በስተቀር ብለው በመግለጫቸው የተናገሩት አሁን ነው እንዴ የቅዱስ ሲኖዶስን ውሳኔ እንዲከበር የሚፈለጉት? ለመሆኑ ቅዱስ ሲኖዶስ ሥልጣን እንዳለው በመንፈስ ቅዱስ እንደሚመራና የእሱ ውሳኔ መከበር እንዳለበት የሚሰብኩንና የሚናገሩት ምን ፈልገው ይሆን? ምዕመኑ ስለተሃድሶ እያወቀ መሄዱ አስፈርቷቸው ካለሆነ በቀር፣ ስለቅዱስ ሲኖዶስ ውሳኔ መከበርና አለመከበር ተቆርቁረው አይመስለኝም፡፡ ምክንያቱም የዛሬ ሁለት ዓመት አካባቢ የቅዱስ ሲኖዶስ ውሳኔ ይከበር ብለው የተሟገቱ ብፁአን አባቶችን ድብደባና ማስፈራርያ ሲደረግባቸው፣ እያዩና እየሰሙ በዝምታ መታለፉ ይታወሳል፡፡ በተጨማሪም ቅዱስ ሲኖዶስ የእርስዎን የቦሌ ሐውልት እንዲፈርስ ሲወስን እሺ በጀ ብለው ያልተቀበሉትን፣ አሁን የሲኖዶሱ ውሳኔ አስከባሪ ሆነው መቅረብዎት ትንሽ ግርምትን የሚፈጥር አይሆንም ይሆን? ፍርዱን ለፈጣሪና ለእርስዎ ትቻለሁ፡፡

Anonymous said...

ፓትርያኩ በመግለጫቸው ያወጡትን ውሳኔ ስመለከት ቅዱስ ሲኖዶስ አረጋግጦ ካልወሰነ በስተቀር ብለው በመግለጫቸው የተናገሩት አሁን ነው እንዴ የቅዱስ ሲኖዶስን ውሳኔ እንዲከበር የሚፈለጉት? ለመሆኑ ቅዱስ ሲኖዶስ ሥልጣን እንዳለው በመንፈስ ቅዱስ እንደሚመራና የእሱ ውሳኔ መከበር እንዳለበት የሚሰብኩንና የሚናገሩት ምን ፈልገው ይሆን? ምዕመኑ ስለተሃድሶ እያወቀ መሄዱ አስፈርቷቸው ካለሆነ በቀር፣ ስለቅዱስ ሲኖዶስ ውሳኔ መከበርና አለመከበር ተቆርቁረው አይመስለኝም፡፡ ምክንያቱም የዛሬ ሁለት ዓመት አካባቢ የቅዱስ ሲኖዶስ ውሳኔ ይከበር ብለው የተሟገቱ ብፁአን አባቶችን ድብደባና ማስፈራርያ ሲደረግባቸው፣ እያዩና እየሰሙ በዝምታ መታለፉ ይታወሳል፡፡ በተጨማሪም ቅዱስ ሲኖዶስ የእርስዎን የቦሌ ሐውልት እንዲፈርስ ሲወስን እሺ በጀ ብለው ያልተቀበሉትን፣ አሁን የሲኖዶሱ ውሳኔ አስከባሪ ሆነው መቅረብዎት ትንሽ ግርምትን የሚፈጥር አይሆንም ይሆን? ፍርዱን ለፈጣሪና ለእርስዎ ትቻለሁ፡፡
http://www.ethiopianreporter.com/component/content/article/307-letter-to-reporter/3060-2011-08-20-11-03-56.html

Anonymous said...

i liked most of the criticisms but i dont know why he praise the goverment just by saying "ye behere behereseboche ekulenet besefenbet hager " is that your point or what?

Anonymous said...

BY ANY MENES DON'T BUZER ALL THE TRUE BLEVRE GOD.(THE O.T.C)PEOPEL PLEASE!!!!!!!!!!!!!

Anonymous said...

የርእሰ አንቀጹ ጸሃፊ እንደቀመሩት ሁሉንም ለመነካካት ሞክረዋል፡ ሊጎነትሉት የፈለጉትን ጎንትለዋል፣ የሚፈሩትን በመሸፋፈን አልፈዋል፣ ሆን ብለውም ለአንባቢ (ለጽሁፍ) የሚከብዱ ቃላትን ተጠቅመዋል። በጋዜጣቸው ላይም መቅረብ የነበረው ስሙን የጠበቀ አድሎአዊነቱም ለቤተክርስቲያን እና ለህልውናዋ መሆን ሲገባው ማስከፋት የማይፈልጋቸውን ላለማስከፋት ሲሉ ብቻ አሰልቺ እና የሚጠበቅበትን ያህል ብቃት ያልያዘ ሲሆን። እነዚያ ከቤተክርስቲያኒቱ ውጭ በሆነ ሜዲያ ወቅታዊ ስለሆነው ችግር ሃሳባቸውን ሰጡ የተባሉት አባቶች ተመሳሳይ የሆነ ሃሳብ ልስጥስ ቢሉ ቦታ ማንም የሚሰጣቸው አይመስለኝም፡ ዛሬ እነርሱ ወጠው በመናገራቸው የተለየ ነገር አልተነገረ፡ ብዙሃኑ ቀድሞ የሚያውቀው ነው። ጋዜጣችሁን ግን ለሚጠቅም ስራ ብታውሉት ይሻላል። ጸሃፊው ግን በብዛት አንባቢ የማይጠብቀውን አገላለጽ፣ ቃላት በመጠቀም ጋዜጣውን ባያስንቁት ጥሩ ነው።

Anonymous said...

Minew megabi mistir, kestafu ayiker betikikil ewunetawun bitsifu. Hulachinim nege wodemayikerew mengedachin sinihed yiferedibinal ecko. Yeguntela ena ashimur astastaf bechiristina wust yigebal ende? beteley abatochin yetesadebubet anegager betam yasazinal. Chigirun lemasitarek lela chigir yemifetir astastaf lemin yitekemalu. Wanawun yechigirun minch titew leloch abatochin menagerachew min yibalal. demos gotegna bilew lemesadeb yigebalin? Behaimanotawi gazeta yihen yahil sidib? Egziabher hulachininim yikir yibelen.

Gebre Z Cape said...

It is very good analysis except that I don't like the way some names or words are used. Example "ፍንዳታዎች ሰባክያንና ዘማርያን" you could have used some other words. I am sorry sometimes all website have great weakness. Why is that it become difficult to write an article with out haterdness, insulting. Dejeselam you are the only source of information for most of the ppl (specially who have access to internet), so please take care of your posts. Report things with out bais, only based on church teachings and doctrines. Sidib minamin titachihu (by stopping to use insulting name).

I have found that you don't usually post my comment. I write what I feel, I have a feeling that you may not post this one also. Writing "well done Deje Selam", "good article" eyalu metsafi yichalal gin that is not how I feel on every article.

May GOD be with us as always.

ደጀ ሰላም said...

Gebre,
This is NOT our article. It is that of "Zena Bete Kristian".

Anonymous said...

As I read some times back on DJ this biased and accusative one sided (to the tehadiso supportors)article might be prepared by someone else without the knowledge of the chief reporter. May be for two reasons 1. to reduce the dignity of the long aged spiritual news paper (though it has no reader for it was and is biased towards the Patriarch) 2. to cover the hidden agenda of the tehadiso and aba Paulos by diverting the direction of the problem towards the true church fathers who talked truth in the Holy Synod meetings and in the open media.

Dear writer, we all are cognizant for our church what so ever you write and talk no way back until, by the help of God and the intercession of Saint Virgin Mary and the protection of all other saints, we clean our church from the reformists and their cysts. Eyerusalem hoy bireshash qegne tirsagn balasibish milasie ketinagaye yitabeq. Mezmur 136 1-end
So, dear all the true sons and daughters of the church please keep on strong prayer until the end of this black history towards our church.
May God help us all. amen.

Anonymous said...

ጸሐፊው በርግጥ ወግኖዋል ማለት ይቻላል ። አስከመቼ ድረስ የውስጥ ጉዳይ ነው አየተባለ ይዳፈን? ጳጳሳቱ አንዲያውም ባገኙት አጋጣሚ ህዝቡን ማስተማር አና አቁዋማቸውን ለሕዝብ ማሳወቅ ይገባቸዋል። ምክንያቱም ችግሩ በሲኖዶስ ውሳኔ አሰጣጥ ላይ አይደለም ከስብሰባ በውሃላ ውሳኔውን የሚሽሩ ፓትርያርክ አንዳሉን አና ሕዝቡም ካህናቱም ቤተክርስቲያናቸውን አንድጠብቁ ማሳሰብ ነው ያለባቸው። ፓትርያርኩ ለቤተክርስቲያን ቅን አሳቢ ቢሆኑ ኖሮ ዛሬ የምናየው አና የምንሰማው ነገር ሁሉ አይኖርም:ቢኖርም ይህን ያህል ስር አይሰድም ነበር። ጸሐፊውም አውነትን አውነት ለማለት ቢደፍሩ ጥሩ ነበር።

Anonymous said...

this is Aba paulos view.
it does not solve the real issue.

d/n hailemichael said...

ለምን "የብሔረሰቦች እኩልነት በተከበረበት ዘመን........." እያሉ በቤተክርስቲያኒቱ ልሳን የፖለቲካ ጉዳይ እንደሚያነሱ ግራ ነው የሚገበው:: ማንም በግሉ ባለው የፖለቲካ አመለካካትና በኢሕአዴግ ልረካ ይችል ይሆናል:: ይህን አመለካከቱን የብዙኀን አድርጎ መናገር ስህተት ነው:: ይልቁንም በቅድስት ቤተክርስቲያን ልሳን ይህን ማድረግ አሳፋሪም ነው:: አቡነ ፓውሎስ ከሆነ ዓላማቸውም ሃይማኖታዊ ስላለሆነ በየመድረኩ ስለ ፖለቲካ ብደሰኩሩ ድንቅ አይደለም::
የመንግሥት ትልልቅ ባለሥልጣናት በተለያየ ጊዜ እየሰደቡ ለጠላት አሳልፈው እየሰጡ በቅርቡም የአሕአዴግ የፖለቲካ መሓንዲስ ስብሐት ነጋ በአቡነ ፓውሎስ ጀርባ ሆነው እራሳቸው እንዳልገደሉ "ቤተክህነቱ ወደ ሞት አፈፍ ደርሱአል "ስሉ ተሳልቀውባታል ::
መንግሥትና ሃይማኖት የተለያየ ነው እያሉ ያለ ሕገ መንግሥት በሃይማኖታችን ጠልቃ እየገቡ አባቶቻችንን እያስደበደቡ ስኖዶስ ተረጋግቶ እንዳይወስን የሚያደርጉበት ሁኔታ የመንግሥት አካላትን ከተጠያቅነት አያድናቸውም ብያንስ የታሪክ ተወቃሽ ከመሆን አይተርፉም::
እኔ የሚገርመኝና የሚያሳዝነኝ መንግሥት ይህን ያህል እየናቀ በቤተክርስቲያኒቱ ስም የሚናገሩ ሰዎች መንግሥትን አወዳሽ አከንፋሽ መሆናቸው ነው ::
የቤተክርስቲያኒቱ ልጆች ሆነው መንግሥትን የሚወዱ ሊኖሩ እንደሚችሉ ያህል በመንግሥት በተለያየ ጊዜና ቦታ በቡድንም በግልም ስለደረሰባቸው በደል የሚጠሉ የቤተክርስቲያኒቱ ልጆች ብዙዎች ናቸው ::
ፖለቲካዊ አመለካከቱንም በጭራሽ የማይፈልጉ ምን አልባት ብዙዎች ብሆኑስ::
ያም ሆነ ይህ በቤተክርስቲያን ስም ስለ ፖለቲካ መደሰኮር አሳፋሪ ነው::

Gebre Z Cape said...

Thanks DJ, for the quick reply and clarification. Sorry, I thought it was ur article, my mistake. It is just that it makes me upset when I read articles in different website. I follow lots of website or blogs, but this days I am not reading some of them. They seem spiritual blogs or whatever but there is too much hatredness and full of insult. I don't understand this. Why is that become difficult to report and raise an issue with kind words? May be they think that they can win by words???!!!!!!!!

DJ, don't go on this kind of path as you are the ultimate source of information regarding church this days. Show love to the people and write ur blogs only for the sake of the church not for one of the parties which are blaming each others.

Thanks DejeSelam. May GOD be with us as always.

Anonymous said...

I think our church is quite dfferent from others depending on its contribution and historical value under the construction and history o Ethiopia.That's why our church being in trouble when ethiopia in trouble, suffers when Ethiopia suffers and so on.On the other hand other religions don't have any connection with Ethiopianizm and that's why they are okay when Ethiopia burning.

please read the following link and look the real situation.

http://www.quatero.net/pdf/Religion%20and%20Politics%20in%20Ethiopia%20A%20Generation%20GapConflict%202.pdf

Amilake kidusan ethiopian Yetabikilin

Anonymous said...

WOY GUD, TETSIFO TEMUTOAL !
በፍፁም ይሄ ፅሁፍ ትክክለኛ ነው ብዬ አላምንም በ ቺግሩ ፈጣሪዎቺም የተዘጋጀ ይመስለኛል :: የቤተክርስቲያኗ ቺግር ከተፈጠረ ቆይቷል ; አሁን አድጎና ማንነቱን ለይቶ አየዎጣበት ባለበት ሰዓትና ቤተክርስቲያኗን በሙሉ ለማጥፋት እየተሯሯጠ
ባለበት ሰዓት ኃላፊነት የሜሰማቸዉና ያላቸው ብፁዓን አባቶች እዉነታዉን ማጋለጣቸው በጣም ተገቢ ነው:: ይህ ትስሁፍ ግን የተንኮለኛዉን ቡድን ለመደገፍና ምእመናንን ለማደናገር ይመስላል:: እዉነቱ የተናገሩት ለምን ይተቻሉ ?
መንፈሳዊ ኃላፊነታቸዉን በተዎጡ?፣ መንጋው እንዳይጠፋ ባስተነቀቁ?፣ ከላይ አናት ተቀምጦ ቤተክርስትያኗ አንድትጠፋ የሚያደርገው የ ፓትርያርኩ ቡድን በመንፈስ ቅዱስ የምትመራዉን ቤተክርስቲያን በጉልበት እየመራ ማንነቷን ለመለወጥ ከመናፍቅ መዎገኑ እየታወቀና በአሁኑ ሰዓት ለመንጋው የሜጭነቁትን በማሸማቀቅና በመስደብ ; ስዉር አላማቸዉን ለማሳካትና ምእመኑን ግራ ለማጋባት የዎጣ ፅሁፍ ስለሆነ ደጀሰላሞች ብታስወግዱት ደስ ይለኛል::
እግዚአብሔር ሕይማኖታቺንን አና ሀገራችንን ይጠብቅ አሜን !!

Anonymous said...

DEGIMACHIHU ANBIBULIGNMA,
ፓትርያኩ በመግለጫቸው ያወጡትን ውሳኔ ስመለከት ቅዱስ ሲኖዶስ አረጋግጦ ካልወሰነ በስተቀር ብለው በመግለጫቸው የተናገሩት አሁን ነው እንዴ የቅዱስ ሲኖዶስን ውሳኔ እንዲከበር የሚፈለጉት? ለመሆኑ ቅዱስ ሲኖዶስ ሥልጣን እንዳለው በመንፈስ ቅዱስ እንደሚመራና የእሱ ውሳኔ መከበር እንዳለበት የሚሰብኩንና የሚናገሩት ምን ፈልገው ይሆን? ምዕመኑ ስለተሃድሶ እያወቀ መሄዱ አስፈርቷቸው ካለሆነ በቀር፣ ስለቅዱስ ሲኖዶስ ውሳኔ መከበርና አለመከበር ተቆርቁረው አይመስለኝም፡፡ ምክንያቱም የዛሬ ሁለት ዓመት አካባቢ የቅዱስ ሲኖዶስ ውሳኔ ይከበር ብለው የተሟገቱ ብፁአን አባቶችን ድብደባና ማስፈራርያ ሲደረግባቸው፣ እያዩና እየሰሙ በዝምታ መታለፉ ይታወሳል፡፡ በተጨማሪም ቅዱስ ሲኖዶስ የእርስዎን የቦሌ ሐውልት እንዲፈርስ ሲወስን እሺ በጀ ብለው ያልተቀበሉትን፣ አሁን የሲኖዶሱ ውሳኔ አስከባሪ ሆነው መቅረብዎት ትንሽ ግርምትን የሚፈጥር አይሆንም ይሆን? ፍርዱን ለፈጣሪና ለእርስዎ ትቻለሁ፡፡

KD said...

Sorry to see this in Dejeselam. Its no more 'deje selam'...wrong massage.
You don't have to justify by saying it is 'zena betekristian'....no way....you sholud have put your clear view...I am afraid to trust you any more...Any way God is with his people...and keep from teaching like this.

Anonymous said...

I MISS DEJE SELAM.PLS WRITE SOMETHING.I WAIT...

Anonymous said...

Dear brothers, please read from the following link: http://ethiomedia.com/andnen/2830.html

betty said...

it is boring please remove it . you have no God's word ?

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)