August 12, 2011

የጠ/ቤተ ክህነት ም/ዋና ሥራ አስኪያጅ መልእክት፤ እንወያይበት


(ደጀ ሰላም፤ ኦገስት 12/2011/ READ IN PDF)፦ ጠቅላይ ቤተ ክህነቱ በቅርብ ወራት ከሾማቸው ከፍተኛ ባለሥልጣናት መካከል አንዱ የሆኑት  አቶ ልዑልሰገድ ግርማ (ሥልጣነ ክህነት ካላቸው አቶ በማለታችን ይቅርታ፣ ስላላወቅን ነው) ሰሞኑን በድረ ገጽ ባወጡት በሚከተለው ጽሑፋቸው ብዙ የመወያያ ነጥቦችን አንስተዋል። በተለይም በቤተ ክህነቱ ውስጥ ስለተንሰራፋው ብልሹነት በአለፍ ገደም ለመጠቃቀስ ሞክረዋል። እስቲ አንብቡና እንወያይበት። ቸር ወሬ ያሰማን፤ አሜን
+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++
ቁጭት በቤተ ክህነት
(ልዑልሰገድ ግርማየጠቅላይ ቤተ ክህነት /ዋና ሥራ አስኪያጅ)፦ ቅዳሜ ግንቦት 27 ቀን 2003 . የግንቦት 20 20 ዓመት የድል በዓል ማጠቃለያ በሚሌኒየም አዳራሽ ክቡር ጠቅላይ ሚኒስትር አቶ መለስ ዜናዊ በተገኙበት በደማቅ ሥነ-ሥርዓት ተከብሯል፤ በዚሁ መድረክ ላይ የተላለፈ አንድ መልእክት ደግሞ እጅግ አስደምሞኛል፡፡ የዘንድሮው የግንቦት 20 በዓልን ያጀበውን የታላቁን የህዳሴ (የዓባይ ግድብን) የተመለከተ ነበር መልእክቱ፡፡ ‹‹ድሮ ድሮ የዓባይ ገባሮች በጣት የሚቆጠሩ ነበሩ፡፡ አሁን ግን በሚሊዮን የሚቆጠሩ ሆነዋል፡፡ ሕፃን፣ ወጣት፣ ዐዋቂ ሳይል ሁሉም ለግድቡ የሚችለውን በማዋጣትና ቦንድ በመግዛት ገባርነቱን እየገለጸ ይገኛል፡፡ የድሮዎቹ ገባሮች የኢትዮጵያን ለም ዐፈር እየጠራረጉ ለባእዳንና ለሜዲትራኒያን ባሕር እየገፉ ወስደዋል፡፡ ያሁኖቹ ገባሮች ግን ተመሳሳይ ተግባርን የሚያበረታቱ ሳይሆኑ እያንዳንዱ ኢትዮጵያዊ ቤት የሚገባ ውጤትን የሚያመጡ ናቸው›› የሚል ነበር መልእክቱ፡፡ እኔ ድንቅ መልእክት ብየዋለሁ፡፡

የኢትዮጵያ ኦርቶዶክስ ተዋሕዶ ቤተ ክርስቲያንም ከሲኖዶስ ጀምሮ እስከ አጥቢያ ቤተክርስቲያን ባላት መዋቅር ለተመሳሳይ ጉዳይ የራሷን ድርሻ እየተወጣች ትገኛለች፡፡ ይኸውም በቦንድ ግዢና በመዋጮ ይገለጻል፡፡ ይህም ተገቢና ወቅታዊ አስተዋጽኦ ነው፡፡

የደርግ መንግሥት ግብዓተ መሬት ከተፈጸመ ዕለት ጀምሮ በሀገራችን በርካታ ለውጦችን እያየን ነው፡፡ ለኢትዮጵያ ብሔር፣ ብሔረሰቦችና ሕዝቦች ተገቢውንና ትክክለኛውን ዕውቅና የሚሰጥና በዓለም አቀፍ ኮንቬንሽኖች ውስጥ የተካተቱ ሰብዓዊና ዴሞክራሰያዊ መብቶችን ሊያስከብር የሚችል ሕገ-መንግሥት ጸድቋል፣ ታላላቅ የልማት አውታሮች ተገንብተዋል፣ ኢትዮጵያ በዓለም አቀፍ ደረጃ ያላት ተሰሚነት ጨምሯል፣ ዴሞክራሲያዊነትን የተላበሱ አገር አቀፋዊና አካባቢያዊ ምርጫዎች ተካኺደዋል፣ በርካታ የሆኑ ተቃዋሚ (ተፎካካሪ) ፓርቲዎች በአገሪቱ ጉዳይ ድምፃቸውን አሰምተዋል፣ በርካታ የመንግሥትና የግል ከፍተኛ ትምህርት ተቋማት ተገንብተዋል፤ የመጀመሪያና ሁለተኛ ደረጃ /ቤቶች ተስፋፍተዋል፣ የሴቶች እኩልነት ተከብሯል፣ ድህነትና ረሃብን ለማጥፋት ጥረት ተደርጓል፣ ወዘተ. አሁን ደግሞ ኢትዮጵያን ወደሌላ ደረጃ ለማሸጋገር የዕድገትና የትራንስፎርሜሽን ዕቅድ ታቅዶና ከሚመለከታቸው ወገኖች ጋር ተመክሮበት ተግባራዊ እየሆነ ይገኛል፡፡ በቤተ ክህነታችንስ?

ቤተክህነታችንም ጥንታዊቷንና ታሪካዊቷን ቤተክርስቲያናችንን በማስጠበቅና በማስቀጠል ሃይማኖታችንን ለማስፋፋትና ለማጠናከር የሚያስችል በርካታ ሥራዎች ተሠርተዋል፡፡ የእግዚአብሔር እጆች ያረፉባቸውን ተአምራዊ አብያተ ክርስቲያናትን፣ ታሪካዊ ቦታዎችንና ሃይማኖታዊ እሴቶችን ለመጠበቅ ታላላቅ ሥራዎችን ሠርታለች፡፡ የውጭ ግንኘነት ሥራዎቿ በእጅጉ አድገዋል (ይህም በመሆኑ ቅዱስ አባታችን የዓለም አብያተ ክርስቲያንት ምክር ቤት ፕሬዚዳንትና የዓለም ሃይማኖቶች ለሰላም ምክር ቤት የክብር ፕሬዚዳንት ሆነዋል) ከተለያዩ ዓለማት በብዙ ሺህ የሚቆጠሩ ቱሪስቶችን የሚስቡ የአደባባይ ሃይማኖታዊ በዓሎች በደመቀ ሁኔታ ተከብረዋል፤ በወገኖቻችን ላይ አደጋ በደረሰ ጊዜ የውስጥና የውጭ ለጋሾችን በማስተባበር ለመታደግ ተችሏል፣ ኤች.አይ./ኤድስን ለመከላከል ከፍተኛ የሚባል ሃይማኖታዊ ሥራ ተሠርቷል፣ ንጹሕ የመጠጥ ውሃን በማዳረስ ጤናው የተጠበቀ ትውልድ እንዲፈጠር ጥረት ተደርጓል፣ በሚሊዮን የሚቆጠሩ ወጣቶች በስነ ምግባር ታንጸው ለሀገራቸው ጠቃሚ ዜጐች እንዲሆኑ ሃይማኖታዊ ሥራ ተሠርቷል፣ እንዲሁም ለሃይማኖቱ መስፋፋትና መጠናከር አስተዋጽኦ ማድረግ የሚችሉ ዘመናዊ ኮሌጆች ተከፍተዋል፡፡ ሌላስ?

አገራችን በበርካታ ጉዳዮች ወደኋላ ስለቀረች አሁን ያለው ኢህአዴግ መራሹ መንግሥት በሚያደርገው ያላሰለሰ የልማት ጥረት በእያንዳንዱ ልብ ውስጥ የተጫረው የቁጭት ስሜት የሚገርም ነው፡፡ የህዳሴ ጉዞው ማቀጣጠያ ነዳጅ ቁጭትና እልህ ነው ብሎ ለመደምደምም ያስችላል፡፡

በቤተክህነታችን ያለው የቁጭት መጠን ግን አጠያያቂ ነው፡፡ እንዲያውም ከዘመኑ የዕድገትና የትራንስፎርሜሽን አስተሳሰብ ጋር መሄዱ ያጠራጥራል፡፡ በእርግጠኝነትም እንደጥንቱ እየተጓዝን ነው ማለት ይቻላል፡፡ በድሮ በሬ ማረስ አሁንም አልቀረም፡፡ ዘመናዊ አስተሳሰብና አሠራር አልዳበረም፡፡ የኦርቶዶክስ ተዋሕዶ ምእመናን በማስተባበር በልማቱና በመልካም አስተዳደሩ ዘርፍ የሚታይና የሚዳሰስ ሥራ በመሥራት ፈንታ የቤተ ክርስቲያኒቱን ዕድገት ወደሚገታ አቅጣጫ የማምጣቱ ሥራ ሕጋዊ በሚመስል መልኩ ይከናወናል፡፡ እዚህ ላይ ቅዱስ አባታችን ጥቅምት 3 ቀን 2003 . ለጠቅላይ ቤተ ክህነት ሠራተኞች ያደረጉትን ንግግር ማስታወስ ተገቢ ይሆናል፡፡

ቅዱስ አባታችን የኢትዮጵያ ኦርቶዶክስ ተዋሕዶ ቤተ ክርስቲያን የኢትዮጵያ የሥልጣኔ ምንጭ መሆኗን አስታውሰው የነበራት ሥልጡን አሠራር ከተቀበረበት ወጥቶ ከዘመኑ አስተሳሰብ ጋር የሚራመድ የአሠራር ሥርዓት መዘርጋት አስፈላጊ ነው ብለው ነበር፡፡ በተጨማሪም ብፁዕ አቡነ ፊልጶስ፣ የጠቅላይ ቤተ ክህነት ዋና ሥራ አስኪያጅ በዚሁ ቀን እንደተናገሩት ሠራተኞችን አክብሮና የዘመኑን አሠራር የሚያሠራና የቤተ ክርስቲያናችንን ለልማት የምታበረክተውን አስተዋጽኦ የሚደግፍ አመራር እንፈጥራለን ማለታቸው ይታወሳል፡፡ የጠቅላይ ቤተ ክህነት /ዋና ሥራ አስኪያጅ ንቡረዕድ ኤልያስ አብርሃ በበኩላቸው የቤተ ክርስቲያናችንን ዕድገት የሚደግፉ ተጨማሪ ባለሙያዎች ያስፈልጉናል ብለው ነበር፡፡

ይህ አባባላቸው የቅዱስነታቸውንና የቅዱስ ሲኖዶስ አባላት እንዲሁም ከፍተኛ አመራሮች ቤተ ክርስቲያኒቱን ለመለወጥ ያነሳሳቸውን ቁጭት ከመግለጹም ባሻገር ለለውጥ ያላቸውን ተነሳሽነት ቁልጭ አድርጐ ያሳያል፡፡ ተግባራዊነቱ ግን በርካታ ፈተናዎች አሉበት፡፡ እነዚህን ፀረ-ለውጥ ፈተናዎችና የፈተና መነሻዎችን ታዲያ አመራሩ ብቻ ሳይሆን መላው ሠራተኛ በግልጽ ሊቃወማቸውና ከለውጥ አስተሳሰብ ጐን ሊሰለፍ ግድ ይለዋል፡፡

የዘርፉ ባለሙያዎች እንደሚያስረዱት አንድ ድርጅት (ተቋም) ስኬታማ የሚሆነው ለውስጥና ለውጭ ለውጦችና ፈተናዎች የማያቋርጥ መልስ ሲሰጥ ብቻ ነው፡፡ ይህም የሚሆነው እስትራቴጂዎች ሲነደፉ፣ አቅምና ችሎታ ሲያድግና መዋቅሮችና ሲስተሞች ያለማቋረጥ ሲስተካከሉ ብቻ ነው፡፡

በፍጥነት እያደገ ያለውን የዓለማችንን የቴክኖሎጂ፣ ኢኮኖሚያዊና ማኅበራዊ ለውጥ መከተል የሚቻለው ከላይ የተጠቀሰውን በማከናወን ብቻ ነው፡፡ ለውጥን የማያቋርጥ የሕይወታችን አካል ማድረግ ያስፈልጋል፡፡ በቤተ ክርስቲያን ሕይወት ደግሞ የማይቀየረው ሃይማኖታዊ ዶግማውና ቀኖናው እንጂ ዘመናዊ የአስተዳደር ሥራው አይደለም፡፡

የኢትዮጵያ ኦርቶዶከስ ተዋሕዶ ቤተ ክርስቲያን ቁጥሩ እጅግ ከፍተኛ ትርጉም ያለውን ምእመናኗን ይዛ ለልማት ማነሳሳት የምትችለው በአመለካከትና በክህሎት የበለጸገ አሠሪና ሠራተኛ ሲኖራትና የዘመኑ አሠራር የሆነውን የስትራቴጂክ እቅድ ይዛ ስትነሳ ብቻ ነው፡፡

ይህንን በቤተ ክርስቲያን ደረጃ ለማረጋገጥም በመንፈሳዊ ትምህርት የበለጸጉና ዘመናዊ ትምህርት የቀሰሙ ሠራተኞችና ምእመናን እንደ አሏት እርግጥ ነው፡፡ ትልቁ ሥራ የሚሆነው ግን ይህንን እጅግ ትልቅ የሆነ የሰው ኃይል በማሰተባበር የአስተሳሰብንና የአሠራር ለውጥን ማምጣት ነው፡፡

በእስትራቴጂክ ዕቅድ የማይመራ ድርጅት ማንነቱን፣ አቅሙንና ችሎታውን፣ ምን ምን ችግሮችን እንደሚፈታ፣ ምን ዓይነት ለውጥ እንደሚያመጣ፣ ተጨባጭ ሁኔታዎችንና ሀብቱን እንዴት ሥራ ላይ ማዋል እንደሚገባ አያውቅም፡፡ በአጠቃላይም ራዕዮቹን፣ ግቦቹንና ዓላማዎቹን ፈጽሞ አያውቅም፡፡ ይህ አካሄድ መለወጥ አለበት፡፡ አካባቢያችን እንዴት እየተለወጠ እንደሆነ መገንዘብ ያስፈልጋል፡፡

እስትራቴጂክ እቅድ አካባቢያችን ያሉ ፈተናዎችንና ሥጋቶችን ለይቶ ለመረዳት ያስችለናል፡፡ ልንጠቀምባቸው የሚገቡ ዕድሎችንም ፍንትው አድርጐ ያሳየናል፡፡ ጥንካሬያችንንና ድክመታችንን እንለያለን፡፡ በአጠቃላይም ስትራቴጂካዊ በሆነ መንገድ ለአገራችን ዕድገት አስተዋጽኦ እናበረክታለን፡፡ የማይለወጠውን ሃይማኖትና ሕዝብ ይዘን አገራችንን ዘመኑ በሚጠይቀው ልማታዊ ጉዞ ማስጓዝ እንችላለን ይገባናልም፡፡

በሠራተኞችና በአለቆች መካከል ያለው ፍጹም የሆነ አለመናበብ መወገድ አለበት፤ ለዚህም የሠራተኛ አስተዳደር ሥርዓቱን ፍጹም መለወጥ ተገቢ ይሆናል፡፡ ለሙስና እጅግ የተጋለጠውን የሙዳየ ምጽዋት አሰባሰብ፣ የበጀት አቀራረጽና አፈጻጸም እንዲሁም ያረጀውና ያፈጀው የፋይናንስ ሥርዓት እንደገና መታየት ይኖርበታል፡፡ በየአቅጣጫው የሚፈጠሩ ውዝግቦችን በቀላሉና በመግባባት ለመፍታት ዘመናዊ የሆነ የግጭት አለመግባባትና አፈታት እንዲሆን ትራንስፎርሜሽን ትምህርት በስፋት መስጠት ያስፈልጋል፡፡ እግዚአብሔር የሰጣቸውን ጸጋና ጥበብ አባቶቻችን ለዚሁ ዓላማ በይበልጥ ሊያውሉት ይገባል፡፡ አባቶችን በማዋረድ ሥራ የተጠመዱትን እኩያንን ጸጥ ማድረግ ያስፈልጋል፡፡ በማያገባቸው እዛም እዛም የሚገቡትንና የግል ጥቅማቸውን ብቻ የሚያሳድዱትን ልበ ጥቁሮች እንዲመለሱ ካልሆነም እንዲወገዱ ማድረግ ያስፈልጋል፡፡ የራሳቸውን ዓላማ ብቻ ለማሳካት በመላ አገሪቱ የሚገኙትን መዋቅሮች በሪሞት ኮንትሮል የሚቆጣጠሩና ውዝግብን በመፍጠርና ለውጥ እንዳይከሰት በየዕለቱ እየዶለቱ የሚገኙ ግብረ ሠይጣኖችን ትጥቃቸውን ማስፈታት ያስፈልጋል፡፡ የወጣቱን ኃይል በሚገባ መጠቀምም በእጅጉ ያስፈልጋል፡፡ በአጠቃላይም ቁጭት ወይም እልህ በውስጣችን ሊፈጠር ይገባል፡፡ ቁጭት ሳያድርብን ቀርቶ ዓባይ በርካታ ነገሮችን ጠራርጐ ወስዶ ለባዳ አስረክቦብናል፡፡ ቁጭት በቤተክህነት ባለመፈጠሩም ሙስናና ብልሹ አሠራር ተንሰራፍቷል፤ እኔ ያልኩት ብቻ ካልሆነ የሚሉ አምባገነኖች በርትተዋል፤ በሐሜት ቤቱን የሚያምሱ ሰዎችን ያሻቸውን አውርተው ያሻቸውን ሲያደርጉ ዝም ብለን አይተናቸዋል፡፡ ለሥራ በአዲስ መንፈስና ጉልበት የተነሱ ሰዎች እንዲመቱ ተደርጓል፡፡ ጣልቃ ገብነት በርትቷል፡፡ በጠቅላይ ቤተ ክህነትም ሆነ በሀገረ ስብከቶች ጡረታ ላለመውጣት የሚደረገው ትግል ከፍተኛ ነው፡፡ ይኸው ትግል ዶክመንት ከመሠረዝና ከመደለዝ አንስቶ እስከ ስወራ ይደርሳል፡፡ ከፍተኛ ሀብት እያስገኙ ያሉት የቤተ ክርስቲያኒቱ ንብረቶች ማስረጃዎቻቸው በግለሰቦች እጅ ይገኛሉ፡፡ ይህ ምንን ያመለክት ይሆን? ጠዋት ፊርማ ፈርመው እንዴት አደራችሁ ብለው ወደቤታቸው የሚመለሱ ሠራተኞች በርክተዋል፡፡ ምንም አስተዋጽኦ ሳይኖራቸውና ቤተ ክርስቲያናችንን በሐሜትና በፈጠራ ወሬ ውዥንብር እየፈጠሩና እጃቸውን ኪሳቸው ውስጥ ጨምረው የደመወዝና የደረጃ ዕድገት የሚጠይቁ እየበዙ መጥተዋል፡፡ አንዳንዶች ለሥራ የተነሡ ሰዎችን ጥላሸት መቀባት ዋናው ሥራቸው አድርገውታል፡፡ ሥጋት የመሰላቸውን ለብልሹ አሠራራቸው ተባባሪ ያልሆናቸውን ሰው ለማስወገድ ሌት ተቀን ሲባዝኑና ሲማስኑ ይታያሉ፡፡ አሁን በቤተክህነት ያለው የዲፖርትመንቶች ተቀናጅቶ መሥራትና የአስተዳደር ጉባኤ አሠራር መሠረታዊ ለውጥ የሚያሻው ደረጃ ላይ ይገኛል፡፡ በዓለም አቀፍም ሆነ በኢትዮጵያ ሕጐች መሠረት ዕውቅና ያገኙ ዴሞክራሲያዊና ሰብዓዊ መብቶች ሲጣሱ ቆይተዋል፡፡ ይህ አካሄድ ለቤተ ክርስቲያናችንም ሆነ ለሀገራችን አይበጅም፡፡ አሁን የተፈጠረው የህዳሴ ጉዞ የእኛም ጉዳይ መሆን አለበት፡፡ በአፋችን የጀመርነውን ቁጭት በተግባር ዛሬውኑ እንጀምረው፡፡ ቁጭትን ለልማት እንጠቀምበት ቁጭትን አባቶችን ለማሳሳትና ልማትን ለማደናቀፍ አንጠቀምበት፡፡ የህዳሴውን ጠበል እንጠመቀው በትራንስፎርሜሽኑ እቅድ በተግባር እንሳተፍ፡፡

በእርግጥ መሠረታዊ ለውጥ በአንድ ጀምበር የሚከሰት አይደለም፡፡ በመንፈስ የተመራ ሳይንሳዊ አሠራር በሆነ መንገድ ደረጃ በደረጃ ሊኬድበት ይገባል፡፡ የመጀመሪያውና ዋነኛው ጉዳይ ተነሳሽነት ነው፡፡ እስትራቴጂያዊ በሆነ መንገድ ማቀድ ደግሞ ቀጣዩ ሥራ ነው፡፡ እቅዱን ወደተግባር ለመተግበር የሚደረግ ቁርጠኝነት ደግሞ ወሳኝ ነው፡፡ ቤተ ክርስቲያናችን የጥንቱን ሥልጣኔዋን በመመለስና ጥንታዊነቷንና ታሪካዊነቷን በመጠበቅ በእልህ ወደፊት መጓዝ ይጠበቅባታል፡፡ ነብር ዥንጉርጉርነቱን እንደማይቀይር ሁሉ ዶግማችንና ቀኖናችን በፍጹም አይለወጥም፡፡ የሚለወጠው አሠራር ብቻ ነው፡፡

የቤተ ክርስቲያናችን ዋና ዓለማ ምእመናን የእግዚአብሔርን ቃል እየተመገቡና መልካሙን ሁሉ እየሠሩ የምድር ቆይታቸውን ሲያበቁ መንግሥተ ሰማያትን መውረስ እንዲችሉ ማብቃት ነው፡፡ ለዚህም ምእመናን እርስ በርስ ተከባብረው በመንፈስ እየተመሩ የዓለምን እንቅፋቶች ሁሉ እያስወገዱ ለሚቀጥለው ትውልድ የሚያስረክቡትን ሥራ እየሠሩ እንዲኖሩ ማስተማርና ማብቃት ደግሞ ሁለተኛ ተግባሯ ነው፡፡ ቤተ ክርስቲያናችን ስንፍናን፣ አለመከባበርን፣ ሙስናንና ሌሎች ኃጢአቶችን የሚጸየፍ ትውልድ የመፍጠር ሓላፊነት አለባት፡፡ አርአያ መሆንም ያስፈልጋል፡፡ በዚህ ረገድ ምን ላይ ነው ያለነው? ቁጭቱ ዛሬውኑ መጀመር አለበት፡፡


24 comments:

Anonymous said...

if it is applicable it is good

Anonymous said...

መወድሰ መንግስት ባይበዛው ጥሩ ነበር።ጥሩ ጅምር ነው።ችግርን ማወቅ መፍትሔውን ይጠቀማል።

Anonymous said...

ነብር ዥንጉርጉርነቱን እንደማይቀይር ሁሉ ዶግማችንና ቀኖናችን በፍጹም አይለወጥም፡፡

Anonymous said...

This is amazing.I can't believe such kind of brilliant people are in there.He touches the core problems in the church.In my opnion the main problems in our church are personalities not system.It is aba Paulos &co.who are creating the mess.Here are my suggestions
1.Mk should work with these kind of people to bring the change we need
2.it is important to show our commitment that we won't sleep unless we see a church free from tehadso,corruption,and racism.
3.it is vital to prepare a plan that is going to led for such result.
4.It is vital to tell the public that Aba paulos &co are not legitimate rulers any more because they support tehdso,corrupt,racist
5.we need to tell to EPRDF that we need our church.But this is the most difficult puzzle.Because they need the church too.Until now the church is running their mission not her mission.To conclude,some of the solutions seems very unlikely,however let us do our part and give the rest to God.We know the church will live for every but we will go.But we have to do some thing that satsfies our soul
amen

Anonymous said...

where are such good people hiding.sir,please keep speaking for truth.love it

Anonymous said...

የቤተክርስቲያን ሁሉን አቀፍ ናት ::የአ ንድ ወገን አይደለችም::
ስራ አስኪያጁ ወደ አንዱ መደብ ያዳሉ መሰ ለኝ::መቼም የአንድ እምነት እን ቤተክርስቲያንጂ የአንድ ፓርቲ ተከታ ስብስብ አይደለንም::

በግል የሚሰማቸውን ሊጽፉ ግን ዪችላሉ::እንደ ስራ አስኪያጅ ግን በፖለቲካ ለዩነት በተለይም በዳይ እና ተበደልኩ ባ ይ ባለበት ይወጧት ነገር ያሳዝናል::

ግልጥ ለማድረግ በሀገራቺን ማንም የፈለገዉን ፖለቲካ ያራምድ እስማማለሁ:: ግን በቤተክርስቲያን ስም ሲሆን ያሳዝናል::

እኔ በምኖርበት ቦታ በፖለቲካ ያኮረፈ ወንድሜ ልጆቹ መክረው /በከፍተኛ ተግሳጽ ጭምር/ቤተክርስቲያን ይወስዱታል::ግን ስደርስ በሰማዉ አንድ ከመድረክ በተወረች ቃል የተፈጠረዉ ችግር ክፍተኛ ነበር::
እባካችሁ ኦርቶዶክስ በመሆናችን የፖለቲካ ልዩነት ሊኖረን ይችላል::ደጋፊ ቢሆን ተቃዋሚ ፖለቲካችንን ወደ እዚህ ይዘን ባንመጣ::

Anonymous said...

teru hasab new

Yenoah Merkeb said...

ትክከል ነው በዚህ ዘመን እድገት ታይቷል። ፎቆች ተገንብተዋል፣ ትምርት ቤቶች ተሠርተዋል፣መንገድና ሌሎችም ተገንብተዋል።ከዚህ ሌላም ከሚገባው በላይ ከኛ ተርፎ ላኪዎች ሆነናል። አሁንማ በቆሎና ድንችም ሳይቀሩ እየላክናቸው ነው መሰለኝ ያኔ ክረምት ሲመጣ በርካሽ እየገዛን እስከሚያቅለሸልሽን ስንበላው እንዳልነበረ ዛሬ ዋጋው አልቀመስ ብሏል። ይህም የእድገታችን አንዱ ምስጥር ነው። ምክነያቱም እየተላከ የውጭ ምንዛሪ ያስገኝልናል። ከ20 አመት በኃላም ድህነት ይጠፋልናል። ትንናንት አንድ ወንጌል ሰባኪ በአቡነ ገብረ መንፈስ ቅዱስ ቤተ- ክርስቲያን ሲሰብኩ ምን አሉ መሰላችሁ "በፊት ሰዎች ጠዋት ሽሮ፡ ማታ ሽሮ እያሉ ያማርሩ ነበር። አሁን ግን ሽሮ ውርቅ ሆነ። ወደፊት እንዲያውም ሽሮ ውድ እቃ ሆኖ በሙዝየም ታዩታላችሁ።" ያሉት ነገር ከማስፈገግም አልፎ እጅግ አስደንቆኛል።

ሌላው እንደመንግስት ለኛም ቤት ህዳሴ ያስፈልጋል ለተባለው ነገር በኮፒ ራትም እንዳንከሰስ ህዳሴ የሚለውን ቃል በመጠቀም ሳይሆን ለተበላሸ አሠራርና ሁኔታ ለውጥ ያስፈልጋል በሚለው እስማማለው። ከዘመኑ ጋር አብረን መጓዝ የሚለው ትንሽ ግር ብሎኛል። ምክነያቱም የዘመኑን ቴክኖሎጂ ከሆነ ያለከልካይ እየተጠቀምነው ስለሆነ ከዚህ ሌላ ያለው ዘመናዊነት አልታየኝም ወይም አልገባኝም።
ያም ሆነ ይህ የቤተ-ክርስቲናችንን ችግር ለመፍታት ዛሬውኑ ስንነሳ፡ መጀመሪያ፡-
1.ከላይ ጀምሮ በጥቅም የተሳሰረውንና የተሰገሰገውን አስመሳይ ማስወገድ
2.ንፁህ ነን የምንለውና ለቤተ-ክርስቲያን ቆመናል የምንለውም አንድ ሆነን እግዝአብሄርን በማገልገል ከአለማዊ ብሰን ሳይሆን መንፈሳዊውን ሥራ መስራት ስንችል፣ ከስጋችን ይልቅ ለነብሳችን መሥራት ስንችል ሀይማኖታችንን እስከዘላለሙ ምንም ነገር ሳያናውፃት ማቀየት የምንችል ይመስለኛል።

ወላዲተ አምላክ ትለመነን!! አሜን።
የኖኀ መርከብ ከአ.አ.
c

Anonymous said...

This is a propaganda statement from somebody who is trying to drag our church members into being an operational tool of the ruling party.

It is good that DejeSelam put it here so that we could all see what is happening in BieteKehenet.

The title of the statement would have been appropriate if our church was led by a patriarch accepted by the Ethiopian people.
Fact is "Abba" Paulos was and is an imposition on our church.

He has made himself above the canon of our church. He does what he wishes and oppresses our Fathers
who are struggling to keep the integrity of out church! A man who has built himself a TTaot Dingai and works hand in glove with forces who are inimical to doctrines of our church, can only get such eulogies from those wha share in the goals and objectives of the abomination of the desolation as seen by Daniel and Yohannes!

All this ludicrous titles the patriarch carries with him do not reflect the wishes of Ethiopian Tewahedo Orthodox Christians. Such worldlyness are not in our best tradition! Those who have bestowed him all these titles have their own agendas against our church, using his office to advance their proselytizingng work in our church!

Just what Getachew Doni,"abba" sereqe, Begashaw and friends have been actively doing for sometime protected by the patriarch!

Anybody who has read the ptriarchs last vigilante like declaration to intimidate Tewahedo Christians from defending our church from the multifaceted forces of protestantism calling themselves
"tehadeso".

For us that statement is a major shift in the direction of trying to persecute Tewahedo Christians who are ready to defend our church from YeTTefat Rekuset who is boldly declaring his war against the our Tewahedo church and it't true children!

This writer does note share this
fake "quchit" presented as the free
idea of our people.The title should have been"QITTFET BEBIETE KEHENET"! This is a title that reflects the content of the writing by the new man for propaganda work and distateful
eulogies of those whoarew strangulating the Ethiopian Orthodox Church!

Medhanie Alem Kristos save our
Orthodox Church from the abomination of the forces of desolation of the Last Dayswho have now full control of BieteKehenet!

May the God of Daniel and Yohannes
Save as and our Tewahedo-Orthodox
Church!AMEN.

Deqiqe Ayalew Tamiru

lele said...

"LEGA HOY SAWE HONE"sawe yahona sawe labata kehenate enedeasatelene atebekane enetsaleye

Anonymous said...

አርዕስቱን "ቁጭት ከቤተ ኢሀዴግነት" በሚለው ቢቀይሩት ይመጥናል:: አለበለዚያ ተሳዳቢ ሥራስኪያጅ ቤተ ክህነት ውስጥ ማየት አሳፋሪ ከመሆን አልፎ የቤተክህነቱን የአሰራር ውድቀት ያሳያል::

ቋንቋው ቤተ ክህነትን አይወክልም:: ገለጻው አሽሙርና ምጸት ይበዛበታል:: ይሄ አይደለም ከቤተ ክህነት ሰው የቤተ ክህነትን ፍርፋሪ ከጎረሰ ሰው የሚመነጭ አይደለም::

መልዕክቱን ጥቁርና ነጭ አድርጎ ለማስቀመጥ ከተፈለገ
1.ማኅበረ ቅዱሳንን ለመሳደብ:
2.ፓትሪያርኩን ምሉዕ አድርጎ ለማስቀመጥ:
3.ከገዢው ፓርት ጋር ወገንተኝነትን ለማሳየት:

ወዘተ....
ታስቦ ከመጻፉ አንጻር ግለሰባዊ አመለካከት እንጂ ቤተ ክህነትን የሚወክል አይመስለኝም:: ይህንን ደግሞ "የግሌ ቁጭት" ብለው ቢያወጡት በግል ልንሟገታቸው እንችላለን::

አሁን እዚህ ላይ አምጥታችሁ እንወያይበት ማለቱ የሚረባ አይመስለኝም:: ይሄንን የፖለቲካ ጋዜጦች ላይ ሙያዊ ማብራሪያ እየሰጠንበት የምንወያይበት ሌላ መድረክ አለን:: ለቤተክርስቲያን ግን እግዚአብሔር ይሁናት ከማለት ውጪ ሌላ አይታየኝም:: እነዚህና መሰል መበለት መዢገሮች ተለጥፈው ደሟን እየጠጡ ቢያመነምኗትም ቅሉ ታላቅነቷ አሁንም ወደፊትም ራሷ ከሆነው ከክርስቶስ የተሰጣት ስለሆነ ማንም አያናውጣትም::

"አርአያ መሆንም ያስፈልጋል፡፡" ድንቄም አርአያነት!

Anonymous said...

All the issues raised are facts. These are the core problems of our church.

Some churches have Millions of Birr in Bank while others are closed due to budget problem (some of them can't even afford to buy a candle). This is the result of the financial management problem. In addition, "Bete kihinet" has not been able to take advantage of the skills and experiences of the followers.

The writer have raised brilliant ideas. I believe that changing the administrative system is a must. But, as the writer said, our Dogma and Canon should not be touched.

Regards,
Sewale

Anonymous said...

መልዕክቱን ጥቁርና ነጭ አድርጎ ለማስቀመጥ ከተፈለገ
1.ማኅበረ ቅዱሳንን ለመሳደብ:
2.ፓትሪያርኩን ምሉዕ አድርጎ ለማስቀመጥ:
3.ከገዢው ፓርት ጋር ወገንተኝነትን ለማሳየት:

that's what i felt when i read it 'sereqes' web site yesterday. At first i didn't want to give a comment about it because i might read it between the lines. However after i saw this comment by Anony. #11 which describe my feelings i want to write now.
I felt this guy is one of አሽርጋጅ our church have.I felt sorry for him because at least he sees the wrong doing of the personnel's and the betekihenet. After saw the problem and continue part of the problem is a cures for him more than his አሽርጋጅነት. That's what i felt more than his idea. አሽርጋጅነት::
Ben

Bereket said...

1. I am anti weyane and so I did not like his politiqing...

2. The idea of strategic planning is great. EOTC would not have lost about 15 million Orthodox christians to Protestantism if it had adopted strategic planning early on. With proper strategic planning and implementation, the church can secure a stronger position and win millions for Christ. However, I am afraid that the church is still very backward and may lack the capacity and will to adopt strategic planning.

3. The very purpose of EOTC or any church of Christ is to(should be) serve Christ and bring the human beings to salvation; contributing for economic development is secondary, but can be implemented in parallel with the primary goal. So, the strategic planning should mainly focus on how to spread the word of God and preach the Gospel, and enhance the spirituality of the faithful.

Anonymous said...

What can I say?

..it is a blow to my mind...where is the spirituality?

It is a huge pain to me, when I see people trying to bring in the secular thinking into the spiritual world, I believe that it should be the other way around.

The wisdom that the church is blessed with from our Lord, the wisdom that brings absolute (complete) sense of life ... this wisdom can manage the world and bring it to peace and harmony, let alone to handle church operation, of course ... only if it is followed right.

But what I keep on seeing is the opposite, ... ideas going the other way around ... shops being built in/around the church, renting rooms/offices for businesses...., regardless of the effect on the day to day worship..., "lemesalem kewechi seneseged, fitlefitachen", we will see these stores instead...., you can imagine the noise and chaos too....

The explanation being money generation, this is instead of teaching the people right, lead us to have strong faith and help us understand our responsibilities, which will in turn require that we should do our turn too, including giving the Thith ( "Asrat" ) properly and also other responsibilities...

Not that I am saying modern thinking is bad, but the two are in different dimensions ...

It is my beliefe that, this letter is a continuation of that trend. And all the ideas are seemingly good but actually poisonous concepts. True there are problems we see and hear, but i personally believe it should be resolved by spiritual means with Love and Forgiveness and most of all, we all should be honest to ourselves, honest to God and speak the truth/what we really mean! (Deception is not good for anyone!)

Egeziabeher Selamun Yamtalen, Emeberehan takenawenelen

Let us all keep on praying,

Anonymous said...

Please forget the politics and look at the real issues he is talking about. He is stating that the church administration is bad. It is taking the church down. It has opened a loop hole for people with earthly desire. It has to be changed before it is too late. That is the point he is trying to make.

He may have any political view. That is his personal right. We can't condemn his ideas because he seems supporter of the ruling party.

Lets just discuss about what is better for our church. For politics, you may use a different forum, I suppose.


Regards,
Sewale

Anonymous said...

Selamun Ymtalen

Anonymous said...

+
dejeselam this is good start esti
yepoletica cadirewu yetenagerut ezih meseferu tiru newu::

eneman endehonu sinaweqachewu ke fetari cherinet kembetachin milija gare mefitihe enifeligalen::

lemisale enezihin sewoch beqa malet yinoribinale::

leave the church a lone
leave the church a lone,
be abatoch mikirena tegisats, beqedus sinodose wesane yalitemelesen akale /abune paulosn chemiro/ Beqachihu beqachihu linil yigebale::

Anonymous said...

I think,every head in the church works for the respective govt but the issues mentioned were facts.Today for university professors to farmers pastors,hajis are all woyanes.Because the system is woyane,but let us find those people who have faith and dedication to work for the church.It is wrong to conclude that all woyanes hate EOTC church.Inmy opnion let us give support for such people

gonderew said...

My brothers and sisters this time is very difficult to judge somebody by his words,but don't foregate we are the sons of GOD,nobody can cheat us.
I read the statement,but i saw conflict ideas from the real ethiopian situation.I am sorry to my judgement, this guy look like cader of EPRDF.Because he try to tell us how meles tell us.But
1.Is it realy weyane constract a bridge at abay? and Is this constraction will give real solution for ethiopian big problem? I don't think,because there are somany other real ethiopuian solutions if weyane truely stand for that.
2.He told us about the constitution,human right,equality of wemans,education,etc but i don't see all this factors are working,because they are not implemented for ethiopian people
3.this guy try to propagate about changes in church adimenstration and he told about aba g/medihin importantness.But realy who is the only problem of our church? From the begining till now aba g/medihin did and doing all bad things what he want to do to the church and church members with out any objection.
The other essue is coraption.I don't know this guy was not in ethiopia,because even me,i read audit report during sinodos meeting, aba g/medihin use extra 40 ml birr out of plan.so Ato lieul how you complain the whole adimenstration and apprecait aba g/medihin?
The stracture of the church is owned by aba g/medihin,so how this guy start tooking about change? I don't know this person who is he?
I want to ask this guy are you sure all you said is from your bottom of heart and for real solution of ethiopian church? or are you lobby for government?
In general let us leave such kind of peoples. We have our own essue to protect church not to listen rediculous thing.Our enemies they try to give agenda what we don't need,but we have to say we don't need it.Our church is complet and clean except aba g/medihin.
GOD BLESS ETHIOPIA AND ETHIOPIAN ORTHODOX TEWAHIDO CHURCH
AMEN

Anonymous said...

ልዑል ሰገድ ማነው?

123... said...

የ ኢህአዲግ ና የ ቤተ ክህነቱ ችግር አቶ ልዑል ሠገድ ያላዩት መንገድ ወይም ቢያዩትም የፈሩት መንገድ

ወንድሞቻችን እና እህቶቻችን አባቶቻችን እናቶቻችን ኢህአዲግ ስለ ቤተ ክርስቲያን ችግር በሚገባ ያውቃል። ሚልዮን ግዜ ብታሞግሱት ቤተ ክርስቲያንን ማዳከሙን ይቀጥላል። ለምን?

፩ ቤተ ክርስቲያን ህዝቡን ኣንድ ኣድርጋ የመያዝዋን ሂደት አልተወደደላትም ምክንያቱም የ ኢህአዲግ ብሄርን መሰረት ያረገ አስተዳደርን እያጠፋች የ ደቡቡን ከ ሰሜን የ ሰሜኑን ከ ደቡብ የ ምዕራቡን ከ ምስራቅ የምስራቁን ከ ምዕራብ በንግስ፣በ ጉባዔ፣በ መንፈሳዊ ጉዞ ወዘተ እያገናኘች የክልል አስተሳሰብ እያጠፋች አስቸግራዋለችና፣

፪ አንድም ይህ ህዝቡን አንድ የማረግ ተፈጥሯዊ ባህሪዋ ያለፉት አስተዳደሮች አስተሳሰብ የሆነውን አንዲት ኢትዮዽያ ሃሳብ በ ከፍተኛ ሁኔታ መዘውሩን እያሽከረከረችው ነውና ቢቻል አፍርሶ መስራት አለበለዝያ እያከበሩ ማፍረስ እንደፈሊጥ ተይዞአል በማን ቢሉ በ እዚሁ በ ኢህአዲጉ ማለት ነው፣

፫ አንድም የ ቤተክህነቱ የጦር አበጋዞች የቤተ ክርስቲያኒቱ በጅሮንዶችም ናቸውና ከከፍተኛ ባለስልጣናት ጋር ቅጠል ሸጣ ካገኘቻት ላይ ከምትሰጠው ምስኪን ጀምሮ እስከ ከፍተኛ ቱጃር ለ ቤተ ክርስቲያኒቱ ከሚሰጡት ገንዘብ ላይ እየዘገኑ ይምነሸነሹበታል እና ኑ ማህበረ ቅዱሳንን አስፈራሩልን ሲባሉ የሌለ ስም እየለጠፉ ጠረንጴዛ እየደበደቡ ትልቅ ጉድ ያገኙይመስል የ ሃገሪቱን ጋዜጠኞች ከቴሌቭዥን ካሜራ ጀምሮ ሰራተኛውን ሁሉ ስራ አስፈትተው ይውላሉ።
ስለሆነም ችግሩ መሰረታዊ ችግር ነው።ከላይ የተወሱትን ፫ ችግሮች ሳይፈቱ የቤተ ክህነቱ ችግሮች አይፈቱም።እውነቱ የሚመስለኝ ይኸው ነው።ለኔ የገባኝም ይህ እና ይህ ብቻ ነው።

Anonymous said...

ena yalahobatte hager bezo sawe kachurch eyakara nawe mekeneiatome temeherttome astemareiome enedazeh yamanadedo selahona.battakerestanen latakola anelekake enedawem bazeh geza tanekerane wada bata kerestaine enehade amenalaho kane yerazeme yehonal enje baso charenatte yatsadawale.ena yaga akababe cheger yemaselage nabare laka holacheneme ttagafetanale.

Mekane Eyesus said...

ደጀ ሰላሞች እንደተለመደው ስለማያቋርጥ ትጋታችሁ አመሰግናለሀ! ጸሀፊው ግን ሊያስተላልፉት የፈለጉት ነገር አልገባኝም:: ለምን?
1ኛ- ጹሁፉ አንዱን ሳይጨርስ ዘሎ ወደሌላው የሚገባና ዘመናዊ ያጻጻፍ ስልትን የተከተለ ስላልሆነ አምብቦ ለምጨረስ እንኳ ያስቸግራል::
2ኛ- የጹሁፉ መጀመሪያ እግዚአብሄርን አመስግኖ : ለምኖ : ተማጽኖ መነሳት ሲኖርበት ኢህዴግን በማሞካሸት ስለሚጀምር ሰውየው ኢህዴግ ቤተክርስቲያን እንድትሆንለት የሚፈልገውን እየነገሩን ነው የሚመስለው እንጅ እግዚአብሄርና ምእመናን ቤተክርስቲያን እንድትሆንላቸው የሚፈልጉትን አደለም::
3ኛ- በጣም የገረመኝ ግን የቤተክርስቲያን ቁንጮ የሆነውን ስልጣን የያዙት እርሳቸው ናቸው ታዲያ ቤተክርስቲያኗ ብልሹ አሰራር እንዳለባት የሚናገሩት ለማን ነው:: ይህ ለማን ጠፋውና? ይህን እኮ ማህበረ ቅዱሳን በሚያምር ጹሁፍ ካስረዳን እና ቤተክርስቲያኗ በፍጥነት ልትከተለው የሚገባትን አቅጣጫወች ከጠቆመን ዘመናት ተቆጠሩ:: የተቸገርነው እንደርሳቸው ያሉ : ያወቁ የሚመስላቸው : ፓለቲካን ከዘርና ከሀይማኖት ማቀላቀል የሚፈልጉ ቤተክርስቲያኗን ስለተቆጣጠሯት ነው::

እኔ ገና አሁን መምጣቴ ነው : ቤተክርስቲያኗ ከተበላሸች ቆይታለች : አሁን ላስተካክላት መጣሁ ከሆነ ነገሩ ከመምጣታቸው የሚጽፉትን እያየን ነው:: ታዲያ ከእርሳቸው ለውጥ መጠበቅ ለኔ ይከብደኛል:: ካመጡትም ያኔ ስላልመሰለኝ ተሳስቻለሁ ብየ አመሰግናቸዋለሁ::

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)