August 9, 2011

የሚዲያዎች ትኩረት ማ/ቅዱሳንን ይጎዳዋል ወይስ ይጠቅመዋል?

(ደጀ ሰላም፤ ኦገስት 9/2011/ TO READ IN PDF, CLICK HERE)፦ ማ/ቅዱሳን ላለፉት 19 ዓመታት ድምፁን አጥፍቶ እና አንገቱን ሰበር አድርጎ አገልግሎቱ ላይ ብቻ በማተኮር የዘለቀ፣ ከቅርብ ጊዜ ወዲህ ደግሞ ከተለያዩ አቅጣጫዎች የሚሰነዘሩ ትችቶች እና ስም ማጥፋቶች በጋዜጦች፣ መጽሔቶች፣ መጻሕፍት እና ድረ ገጾች በማስተናገድ ላይ ያለ ማኅበር ነው። የሚዲያ ሽፋኑ በፊትም የነበረ ቢሆንም አሁን ባለው መልክ ሰፊ የሚዲያ ሽፋን አግኝቶ ግን አያውቅም ነበር። አገር ውስጥ በሚታተሙ ጋዜጦች እና መጽሔቶች እንዲሁም ድረ ገጾች በሰፊው ስማቸው ከሚነሣው መካከል፣ ምናልባት ከመንግሥት ቀጥሎ፣ ማ/ቅዱሳን የመሪነቱን ቦታ ይዟል።

ይህ የሚዲያ ሽፋን በማኅበሩ ወዳጆች ዘንድ የተቀላለቀ ስሜት ፈጥሯል። ግማሾቹ “የሰው ዓይን ውስጥ ገባን” ዓይነት ስሜት ሲሰማቸው ሌሎቹ ደግሞ “ሚዲያ ላይ መውጣት ራስንም ለመገምገም እና ተጠንቅቆ ለመሥራት ይጠቅማል እንጂ እንደ ክፉ ንግርት (bad omen) መታየት የለበትም” ይላሉ። ትናንት በ“ኢትዮ ሚዲያ” ድረ ገጽ ከተለጠፈው (“ማህበረ ቅዱሳን፡ የኢትዮጵያ ኦርቶዶክስቤተ ክርስቲያን እና ኢትዮጵያ”) ከሚለው ጽሑፍ ጀምሮ በየጋዜጦቹ እና መጽሔቶቹ የተጻፈው ብዙ ነው። ለጊዜው በኢትዮ-ሚዲያ ላይ የወጣውን እንድታነቡ እንጋብዛለን።

ጽሑፉ ላነሣቸው ሐሳቦች ተመስጋኙም ሆነ ተወቃሹ ጽሑፉን ያዘጋጀው አካል ነው። የደጀ ሰላም አቋም ጽሑፉ ውስጥ እንደሌለበት እያስታወስን እንድታነቡት የምናደርገውም ጽሑፉን በመደገፍ/ በመቃወም ሳይሆን ከላይ ላነሳነው እና እናንተ ደጀ ሰላማውያን ሐሳባችሁን እንድትሰጡበት ከምንፈልገው ጉዳይ ጋር በመገናኘቱ መሆኑን እንጠቁማለን። በዚህ አጋጣሚም እጃችሁ ከሚገቡ ጋዜጦች እና መጽሔቶች መካከል የቻላችሁትን “ስካን” በማድረግ ለመላክ ለምትችሉ በሙሉ የትብብር ጥያቄያችንን እናቀርባለን።
ቸር ወሬ ያሰማን፤
አሜን
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)