August 7, 2011

(ሰበር ዜና) ማ/ቅዱሳን በይቅርታ እና በዕንባ ችግሩን ፈቷል፤

(ደጀ ሰላም፤ ኦገስት 7/2011)፦ ቀደም ሲል በዕቅድ ከተያዘለት ጊዜ (ነሐሴ 23 - 24 ቀን 2003 ዓ.ም) ቀደም ብሎ በአስቸኳይ እንደተጠራ በተገለጠው የማኅበረ ቅዱሳን የሥራ አመራር አስቸኳይ ጉባኤ የቅዳሜ ሐምሌ 30/ 2003 ዓ.ም ስብሰባ ማበሩ በገጠሙት ውስጣዊ ችግሮች ላይ በጥልቅ ከተወያየ በኋላ ውሳኔዎችን አሳልፏል።

በቅርቡ በደጀ ሰላም ብሎግ ቀጥሎም በተለያዩ መገናኛዎች በተሠራጨው የዲ/ን ዳንኤል ክብረት ጽሑፍ ላይ እንዲሁም ያንን ተከትሎ በተጣለበት “ዕግድ” ላይ ሰፊ ውይይት ያደረገው ሥራ አመራሩ ዲ/ን ዳንኤል በአካል ቀርቦ እንዲያስረዳ ተደርጓል። ሥራ አመራሩም በበኩሉ የጣለበትን ዕግድ አንሥቷልዲ/ን ዳንኤልም በጽሑፍ ለሰጠው ሐሳብ በጽሑፍ ማስተባበያ እንደሚሰጥ ተናግሯል። የሥራ አመራሩ አባላት ዲ/ን ዳንኤልን፣ ዲ/ን ዳንኤልም የሥራ አመራር አባላቱን ይቅርታ ጠይቀዋል። 

ከጠዋቱ 2፡30 እስከ ሌሊት ድረስ በተካሄደው በዚህ ረዥም እና እልህ አስጨራሽ ስብሰባ ላይ ከሁሉም ማዕከላት የተገኙ ተወካዮች፣ አባቶች እና በአገልግሎቱ ውስጥ ባላቸው የረዥም ዘመን አገልግሎት አሁን ለገጠመው ችግር መፍትሔ የሚጠቁሙ ወገኖች የተሳተፉ ሲሆን በዕለቱ ጉባኤ ማጠናቀቂያ ላይም ዲ/ን ዳንኤልን ጨምሮ ሌሎቹ አባላትም በዕንባ ለማኅበሩ አገልግሎት መቃናት እና መሳካት የበኩላቸውን ሁሉ እንደሚያደርጉ አስረድተዋል ተብሏል።  
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)