August 3, 2011

አቡነ ጳውሎስ "ተሐድሶ" ላይ የሚካሄደው እንቅስቃሴ ጥብቅ ክትትል እና ቁጥጥር እንዲደረግበት መመሪያ ሰጡ

  • ዛሬ በመንበረ ፓትርያኩ አዳራሽ የተሰበሰቡ የአዲስ አበባ ሀ/ስብከት አጥቢያ አብያተ ክርስቲያን አለቆች፣ ጸሐፊዎችና የስብከተ ወንጌል ተጠሪዎች በሊቀ ማእምራን ፋንታሁን ሙጩ ንባብ መመሪያውን እንዲሰሙት ተደርጓል፤ ጥያቄ ለማቅረብና አስተያየት ለመስጠት ተከልክሏል፤ መመሪያው በተመለከተ የሚዘግብ የዜና ቤተ ክርስቲያን ጋዜጣ ልዩ እትም ከዋና አዘጋጁ ዕውቅና ውጭ እየተሰናዳ መሆኑም ተሰምቷል፡፡
  • “ቤተ ክህነቱ እንደቀድሞው ዘመን ለችግሩ መፍትሔ ከመሆን ይልቅ የችግሩ አካል ወደሆነበት ጊዜ መድረሳችን ፈተናውን አክብዶታል፡፡ ሲኖዶሱ የተሐድሶ ችግር ስለ መኖሩ በመረጃ ከተረዳ በማስተካከል፣ በማውገዝና በመለየት መፍትሔ ማበጀት ይገባዋል፡፡. . .ችግሩ በማእከላዊ አካሄድ የማይፈታ ከሆነ ምእመኑ በተናጠል ወደ መፍትሔ ፍለጋ ያመራል፡፡ ይህ ደግሞ በጣም መጥፎና አደገኛ አካሄድ ይሆናል፡፡” (ዲያቆን ዳንኤል ክብረት ለ‹ዕንቊ› መጽሔት)
(ደጀ ሰላም፤ ኦገስት 3/2011/ READ IN PDF)፦ ከወርኀ ጥቅምት 2003 ዓ.ም አንሥቶ በስፋት ተጀምሮ ጥልቀት እያገኘ በቀጠለውና ምእመኑ ከዳር እስከ ዳር በሃይማኖታዊ ቀናዒነት የተደራጀበት የፀረ-ፕሮቴስታንታዊ-ተሐድሶ እንቅስቃሴ፣ “የቤተ ክርስቲያንንና የሀገርን ሰላም ለማወክ የሚካሄድ” እንደሆነና ይህም “በስም አጥፊነት በሕግ ከማስጠየቅ ያለፈ ሌላ ፋይዳ አይኖረውም” ሲሉ ፓትርያርክ አቡነ ጳውሎስ አስጠነቀቁ፡፡
“ሥርዐትንና ቀኖና ቤተ ክርስቲያንን በመጠበቅ የሚቀርብ ማስረጃ ካለ እንደ ጌታችን ትምህርት ተደጋጋሚ ምክር፣ ትምህርትና ተግሣጽ መስጠቱ እንደ ተጠበቀ ሆኖ የማይታረምና የማይመለስ ሆኖ ሲገኝ በሕገ ቤተ ክርስቲያን መሠረት ቅዱስ ሲኖዶስ ውሳኔ ከመስጠት ወደኋላ እንደማይል ሁሉም ሊረዳው ይገባል በማለት ያስታወቁት አቡነ ጳውሎስ፣ በፀረ-ፕሮቴስታንታዊ-ተሐድሶ እንቅስቃሴ ላይ ጥብቅ ክትትል እና ቁጥጥር ከማድረግ ጋራ “ምእመናን ትክክለኛ ግንዛቤ እንዲኖራቸው በሰባክያነ ወንጌል አማካይነት ተከታታይ ትምህርት እንዲሰጥ” መመሪያ አስተላልፈዋል፡፡


ይሁን እንጂ አስተያየት ሰጪዎች፣ የፓትርያርኩ መመሪያ ዋነኛ መንሥኤ ሰሞኑን በፀረ-ተሐድሶ ጥምረቱ ለኅትመት በበቁት መጻሕፍት እና ሲዲዎች አማካይነት በፕሮቴስታንታዊ-ተሐድሶ-ኑፋቄ ላይ የተጠናከረው እንቅስቃሴ እንደሆነ በመግለጽ በቢሮክራሲያዊ አሠራር ንቅናቄውን ለማዳፈን በሰርጎ ገብ አማካሪዎቻቸው የታቀደ ሊሆን እንደሚችል ተናግረዋል፡፡


ተዋሕዶ የሐዋሳውያኑ ቁ. 2 ቪሲዲ፣ በረከት በእርስዋ ላይ አለና አታጥፋት” የመ/ር በላይ ወርቁ ቪሲዲ፣ “የሰባኪው ሕጸጽ” የዲ.ን ደስታ ጌታሁን መጽሐፍ ፣ “በጋሻው ኦርቶዶክሳዊ ነውን?”  የመ/ር ሣህሉ አድማሱ መጽሐፍ፣ “ውሾች ከበቡኝ” የሊቀ ትጉሃን ወንድወሰን አዳነ መጽሐፍ፣ “የተሐድሶ መናፍቃን ዘመቻ በኢትዮጵያ ቤተ ክርስቲያን ላይ” መጽሐፍ እና ቪሲዲ በማኅበረ ቅዱሳን በከፍተኛ ሁኔታ መሰራጨታቸው በሥራዎቹ ውስጥ አስተሳሰባቸው፣ ድርጊታቸውና ስማቸው በተገለጹት ግለሰቦች ላይ በየስፍራውና በየአጋጣሚው ከፍተኛ ተቃውሞ እንዲቀሰቀስ/ አባ ሰረቀ ከሓላፊነታቸው እንዲነሡ ጥያቄ እንዲቀርብ ጭምር/ ምክንያት ሆኗል፡፡

ብፁዕ አቡነ ገብርኤል ለ‹ዕንቁ› መጽሔት የሰጡትና ባለፈው ሳምንት ቅዳሜ ለንባብ የበቃው ቃለ ምልልሳቸው ያገኘው ከፍተኛ ተቀባይነትና የፈጠረው መነሣሣት ፓትርያርኩንና በዙሪያቸው የተሰለፉትን ጥቅመኞችና ሕገ ወጦች ማበሳጨቱም ሌላው ምክንያት ሳይሆን እንደማይቀር ምንጮቹ አስረድተዋል፡፡

በቁጥር ል/ጽ/592/1639/03 በቀን 25/11/2003 ዓ.ም በፓትርያርኩ ተፈርሞ ከጽ/ቤታቸው የወጣውና በአድራሻ ለጠቅላይ ቤተ ክህነቱ የተለያዩ አካላት የተላከው ይኸው ደብዳቤ፣ “ከቤተ ክርስቲያኒቱ ቀኖና እና ሥርዐት ውጭ በሆነ ሁኔታ እገሌ ተሐድሶ ነው፤ እገሌ መናፍቅ ነው” የሚል ጽሑፍ እየተበተነ፣ ካሴትና ሲዲ በመሳሰሉት መሣሪያዎች እየተሰራጨ እንደሚገኝ ገልጧል፡፡ ቅዱሳት መጻሕፍት በማእከል ደረጃ በተሠየሙ ሊቃውንት እየተተረጎሙና የምሥጢራቸው ጥልቀትና ምጥቀት በሚገባ እየታዩ መሰራጨታቸው፣ ሰባክያንም ሆኑ የጉባኤ መምህራን በሚያስተምሩት ትምህርት የምስጢር መዛባትና የትርጉም ስሕተት እንዳይፈጠር ምንጊዜም እርማት የሚያደርጉ ሊቃውንት በጠቅላይ ቤተ ክህነት በጉባኤ እንዲሠሩ መደረጋቸው እንዲሁም እስከ ኮሌጅ ድረስ ት/ቤቶች መክፈታቸው የቤተ ክርስቲያኒቱን እምነትና ሥርዐት ለመጠበቅና ለማጠናከር የሚደረገውን ጥረት እንደሚያሳይ ደብዳቤው ያትታል፡፡
ደብዳቤው አያይዞም የሃይማኖት ሕጸጽ ሲያጋጥም ስለ እውነትነቱ በሕጋዊ ማስረጃ የተደገፈ ጽሑፍ ቀርቦ፣ በሊቃውንት ጉባኤ ተመርምሮና ተጣርቶ ትክክለኛ መሆኑ ሲረጋገጥ በቅዱስ ሲኖዶስ ጉባኤ ታይቶ የመጨረሻ ውሳኔ ማግኘት እንዳለበት በቀኖና ቤተ ክርስቲያን መታዘዙን አውስቷል፤ ሕግን፣ ሥርዐትንና የሥልጣን ገደብን ጠብቆ የማይፈጸም ድርጊት የምእመናንን ኅሊና በማሻከር፣ በቤተ ክርስቲያኒቱ የአስተዳደር ሥርዐትና በሀገሪቱ ሰላም ላይ ዕንቅፋት ለመፍጠር ሆን ተብሎ የሚደረግ ሙከራ መስሎ ስለሚታይ ጎጅነቱ ቀላል እንዳልሆነም አሳስቧል፡፡ በመሆኑም “የእምነት ሕጸጽ በትክክል አጋጥሞ ከሆነና በቂ ማስረጃ አለኝ የሚል ካለ በግል ስሜት ብቻ ተገፋፍቶ ቀኖናው በማይፈቅደው አካሄድና በሌለው ሥልጣን ራሱ ወስኖ ከመሮጥ ይልቅ አለኝ የሚለውን ማስረጃ ቀኖናው በሚፈቅደው መርሕ መሠረት ለቅዱስ ሲኖዶስ ማቅረብ እንደሚኖርበት” አስታውቋል፡፡

ይህን የፓትርያርኩን መምሪያ የያዘው ደብዳቤ ዛሬ ወደ ጠቅላይ ቤተ ክህነቱ አዳራሽ ስብሰባ ለተጠሩትና ቁጥራቸው እስከ 200 ለሚደርሱ የአዲስ አበባ ሀገረ ስብከት አድባራትና ገዳማት አስተዳዳሪዎች፣ ጸሐፊዎች እና የስብከተ ወንጌል ተጠሪዎች በንባብ ተሰምቷል፡፡ ስብሰባው በዋናነት “ለታእካ ነገሥት በኣታ ለማርያም ገዳም የቀሳውስትና መምህራን ማሠልጠኛ እድሳት ድጋፍ አሰባሳቢ ኮሚቴ ለማቋቋምና በመጪው እሑድ በሚጀመረው ጾመ ፍልሰታ ለማርያም አገልግሎቱ ተጠናክሮ እንዲሰጥ ለማሳሰብ” የተጠራ ነው ተብሏል፡፡ ለማሠልጠኛው ድጋፍ የሚያሰባስብ በብፁዕ አቡነ ቀውስጦስ የሚመራ ኮሚቴ ተቋቁሟል፡፡

በስብሰባው መጨረሻ ላይ አሁን የትምህርት እና ማሠልጠኛ መምሪያ ሓላፊ ሆነው በመሥራት ላይ የሚገኙት ሊቀ ማእምራን ፋንታሁን ሙጩ የፓትርያርኩ መመሪያ የሰፈረበትን ደብዳቤ “በዝግታ እና ሳያሳስቱ” በንባብ ለጉባኤው እንዲያሰሙ በአቡነ ጳውሎስ ታዝዘዋል፡፡ ደብዳቤው ከተነበበ በኋላ ግን በርካታ እጆች ለጥያቄና አስተያየት የተነሡ ቢሆንም ፓትርያርኩ ዕድል አለመስጠታቸው ተነግሯል፡፡

መመሪያው በተሰጠበት አዳራሽ ከወ/ሮ እጅጋየሁ በየነ ጋራ እንደ አሰግድ ሣህሉ፣ ፍጹም ታደሰ (ፍጹም ሰይጣን ይሉታል)፣  ትዝታው ሳሙኤል፣ ናትናኤል ታምራት (“ዛሬ ከክርስቶስ ጋራ እናስተዋውቃችኋለን” ብሎ ያስተማረ)፣ ዕዝራ ኀይለ ሚካኤል፣ አሮን በረከት፣ ታምራት ኀይሌ፣ ቅድስት ምትኩ፣ ሐዋዝ (“ጌታ ሆይ፣ የአንተን ክብር ለእናትህ በመስጠቴ አጥፍቻለሁ፤ ይቅር በለኝ፣ መጥቻለሁ” ለፕሮቴስታንቶች የተናዘዘ) ያሉት ሕገ ወጦችና የፕሮቴስታንታዊ-ተሐድሶ-ኑፋቄ አቀንቃኞች እንዲገኙ መፈቀዱ የመመሪያውን ተጠቃሚዎች ማንነት የሚጠቁም ነው ተብሏል፡፡

ከስብሰባው በኋላ እነ አባ ሰረቀ፣ አሰግድ ሣህሉ፣ ፍጹም ታደሰ እና ትዝታው ሳሙኤል ደብዳቤውን ለማሰራጨት ሲራወጡ ታይተዋል፡፡ ይህም ቀድሞም ቢሆን የመመሪያው መውጣት የእነ ወ/ሮ እጅጋየሁ በየነ፣ ጌታቸው ዶኒ፣ በጋሻው ደሳለኝና የራሳቸው አባ ሰረቀ ከፍተኛ ግፊት እንዳለበት የተነገረውን ከጥርጣሬ በላይ የሚያስረዳ አድርጎታል፡፡ ሊቃውንተ ቤተ ክርስቲያን፣ አበው ካህናትና ምእመናን በፀረ-ፕሮቴስታንታዊ-ተሐድሶ-ኑፋቄ ዙሪያ ተሰብስበው ሰፊ ንቅናቄ በፈጠሩበት ሁኔታ የመመሪያው ፋይዳ እነ አባ ሰረቀንና መናፍቁ ጌታቸው ዶኒን ለመከላከልና ለሕገ ወጥ ሰባክያን ስምሪት ሽፋን ለመስጠት የታሰበ ስለመሆኑ የተሰማውን ጥርጣሬ የሚያጎላ ሆኗል፡፡

ከዚህም በላይ የመመሪያው መነሻ ሐሳብ አቡነ ጳውሎስ በፕሮቴስታንታዊ-ተሐድሶ-ኑፋቄ ላይ ያላቸውን ግዕዘ ኅሊና እና አቋም ገልጦ የሚያሳይ እንደ ሆነ ተዘግቧል፡፡ ፓትርያርኩ በመቐለ ከሣቴ ብርሃን ቅዱስ ፍሬምናጦስ ኮሌጅ በተካሄደው የዘንድሮው የደቀ መዛሙርት ምረቃ በዓል ላይ “ተሐድሶ፣ ተሐድሶ እያሉ ለሚያስቸግሯችሁ እንደ አጋቶን ድንጋዩን ከአፋችሁ አውጥታችሁ የለም በሏቸው” ማለታቸው ተሰምቷል፡፡ በጋሻው ደሳለኝ ከምሥጢረ ሥላሴ እና ምሥጢረ ተዋሕዶ አስተምህሮ አኳያ ሕጸጽ የመላበት ንግግሩን ደጋግሞ በመናገር እያረጋገጠ ባለበት ሁኔታ፣ “ካላቸው የሙያ ብቃት፣ ፍላጎትና ዝንባሌ አንጻር እንደ ሌሎቹ የቤተ ክርስቲያኒቱ ሠራተኞች የሥራ መደብና የስብከተ ወንጌል ፈቃድ እንዲሰጣቸው ታደርጉ ዘንድ እናስታውቃለን” የሚል ደብዳቤ ለመንበረ ፓትርያርኩ ጠቅላይ ጽ/ቤት ጽፈዋል፡፡ ከቅዱስ ሲኖዶስ ጽ/ቤት እንደተጻፈ የሚመስለው ደብዳቤው የሲኖዶሱ ዋና ጸሐፊ ብፁዕ አቡነ ሕዝቅኤል ያላረጋገጡት (ፓራፍ ያላደረጉበት) በውጭ የተረቀቀ የተጭበረበረ ደብዳቤ መሆኑ ታውቋል፤ በቀጣዩ የሲኖዶሱ ስብሰባም ሙከራው በአጀንዳነት ቀርቦ ፓትሪያሪኩ እንደሚጠይቁበት ተዘግቧል፡፡

በጋሻው በ”የመስቀሉ ሥር ቁማርተኞች”፣ “የጋግራን እሪታ” እና በቪሲዲ ባስተላለፋቸው መልእክቶች የሠራቸው ግድፈቶች “የጊዜ እና የዕድሜ አለመብሰል በፈጠሩት ጫና” የተነሣ “አላስፈላጊ የተግባር እንቅስቃሴ” ሲያደርግ መቆየቱን ደብዳቤው ያስረዳል፡፡ ለዚህም ግለሰቡ የካቲት 11 ቀን 2001 ዓ.ም ሊቃውንት ጉባኤ ፊት ቀርቦ ከእንባ ጋራ በተናገረው የመፀፀት ቃል ይቅርታ እንዲደረግለት በመጠየቁ መጋቢት 21 ቀን 2001 ዓ.ም ሊቃውንት ጉባኤው ቅዱስ ሲኖዶስ የበጋሻውን የይቅርታ ቃል እንዲቀበለው የውሳኔ ሐሳብ ማቅረቡ ተገልጧል፡፡ ግንቦት 11 ቀን 2001 ዓ.ም የተሰበሰበው የቅዱስ ሲኖዶስ ምልአተ ጉባኤም የሊቃውንት ጉባኤን የውሳኔ ሐሳብ በመቀበል፣ “መጋቤ ሐዲስ በጋሻው የሥራ ጓደኞቻቸውን ይዘው ወደ ቅዱስ ሲኖዶስ እንዲቀርቡና ይቅርታ እንዲደረግላቸው ውሳኔ ሰጠ፤” ይላል - ፎርጅዱ ደብዳቤ፡፡ አስከትሎም በእነበጋሻው የተረቀቀው ፍሮጅዱ ደብዳቤ፣ “የመጋቤ ሐዲስ በጋሻው ደሳለኝ የሥራ አፈጻጸም ጉዳይ…በቅዱስ ሲኖዶስ እልባት ካገኘ በኋላ በአፈጻጸም ችግር እስከ አሁን ድረስ መቆየት እንዳልነበረበት” በመተቸት ግለሰቡ ካለው “ሞያና ብቃት፣ ፍላጎትና ዝንባሌ አንጻር የሥራ መደብና የስብከተ ወንጌል ፈቃድ እንዲሰጠው” አስታውቋል፡፡

ፓትርያርኩ ደብዳቤውን ለመንበረ ፓትርያርኩ ጠቅላይ ጽ/ቤት ከመሩት በኋላ ብፁዓን ሊቃነ ጳጳሳትን፣ ጉዳዩ በቀጥታ የሚመለከታቸውን የጠቅላይ ቤተ ክህነቱን መምሪያዎች፣ ሰባክያነ ወንጌልንና በተለይ የአዲስ አበባ ሰንበት ት/ቤቶችን በማስቆጣቱ በአስቸኳይ ተመላሽ እንዲደረግ ማዘዛቸው ተሰምቷል፡፡ ግለሰቡ “በጥፋቱ የተጸጸበት”ና “ይቅርታ ተደርጎለታል” የተባለበት አግባብና እውነታ አጠያያቂነት እንደተጠበቀ ሆኖ “ይቅርታ ተደርጎለታል” ከተባለ በኋላ በፈጸማቸውና በቅርቡ ስለተጋለጡት ሕጸጾቹ ሐምሌ 11 ቀን 2003 ዓ.ም በፓትርያርኩ ተጽፏል የተባለው ደብዳቤ ያመለከተው ነገር የለም፤ የዛሬው የፓትርያርኩ መመሪያም እነ በጋሻው በሚዲያ እየቀረቡና በቪሲዲ በግልጽ እያስተላለፉት ያለውን ስሕተት በጸና መሠረት ላይ በቆመው ኦርቶዶክሳዊ ትምህርት መቃወምን በመከላከል የፕሮቴስታንታዊ-ተሐድሶ-ኑፋቄ እንዲስፋፋ ምቹ ሁኔታ እንደሚፈጠር እየተነገረ ይገኛል፡፡

በሌላ በኩል ሰሞኑን በተለያዩ አጋጣሚዎች ተነግረው የሰማናቸው የብፁዓን አባቶች ትምህርት ከዛሬው የፓትርያርኩ መመሪያ ይዘትና አፈጻጸም ጋራ በቀጥታ የሚጋጭ መሆኑ ሲታይ፣ ፓትርያርኩ በቅዱስ ሲኖዶስ አብረዋቸው በሚሠሩ አባቶች ምክርና ውሳኔ ሳይሆን ሥነ አእምሯቸውን በተቆጣጠሩ ሕገ ወጦች ዱለታ የሚመሩ ስለመሆኑ ግልጽ አስረጅ ሆኗል፡፡ በቅዱስ ሲኖዶስ ስብሰባ ላይ የሃይማኖት ጉዳይ እንዳያነሡ መከልከላቸውን ለ‹ዕንቊ› በሰጡት ቃለ ምልልስ ያጋለጡት ብፁዕ አቡነ ገብርኤል እንዲህ ብለዋል - “እኔ በአሁኑ የሃይማኖት አያያዛችን ደስተኛ አይደለሁም፡፡ በሃይማኖት ጉዳይ ለብታው በዝቷል፤ ለብታ አለ፤ ለብ ብለናል፤ በዚህ ለብታ የሃይማኖት አስተምህሮ መበላሸቱን እየሰማን ነው፡፡ በዚህ ሰሞን የተሠራጨ ሲዲ አለ፤ ‹ኢየሱስ በሉ እንጂ እግዚአብሔር አትበሉ› ይላል፤ ይሄ የንስጥሮስ ትምህርት ነው፡፡ ‹ይሄ የእኛ ሃይማኖት አይደለም› ተብሎ ቢያስፈልግ በዐዋጅ ወይ በሬዲዮ እርማት ሊደረግ ይገባል፡፡ ከእኔ ጀምሮ እያንዳንዳችን ሊቃነ ጳጳሳት አንድም በሲኖዶስ ሁለተኛም በየሀገረ ስብከታችን ሓላፊነት አለብን፡፡ በሃይማኖት ዝምታ ካለ ከእኛ ከጠባቂዎቹ በኩል ችግር አለ ማለት ነው፤ ‹ኢየሱስና እግዚአብሔር የተለያዩ ናቸው› የሚለውን ሰው ዝም ማለት ብቻ ሳይሆን ከተከባከብነው፣ ሥራ ከሰጠነው አቋሙን እንጋራለን ማለት ነው፤ ችግር አለ ማለት ነው፡፡ አንድምታው ብዙ ነው፡፡ በቤተ ክርስቲያናችን እንዲህ ያለ ችግር እየተስፋፋ ነው።”

ሐምሌ 19 ቀን 2003 ዓ.ም በመንበረ መንግሥት ቅዱስ ገብርኤል ገዳም ትምህርት የሰጡት ብፁዕ ዋና ሥራ አስኪያጅ አቡነ ፊልጶስም፣ “. . .በሰማይም በምድርም የማምላችሁ ‹ተሐድሶ› የሚባሉ መጥተዋል፤ እነርሱን እንዳትከተሉ፣ እንዳትሰሙ ያስፈልጋል፤ የእኛ ሃይማኖት ኦርቶዶክስ ተዋሕዶ ነው፤” ምእመናኑን አስጠንቅቀዋል፡፡ አገልግሎታቸውን አስመልክቶ ምዕዳን ለመቀበል በቢሯቸው ለተገኙት ሰባክያንም፣ “ጠንክራችሁ ተቋቋሟቸው፤ ሕዝቡ ከእናንተ ጋራ ነው፡፡ እኔም የሚጠበቅብኝን አድርጋለሁ፡፡ አይቀጠሩም፣ አይቀጠሩም፣ አይቀጠሩም!! አይሆንም፣ አይሆንም፣ አይሆንም!! ሕገ ወጥ ናቸው፣ ሕገ ወጥ ናቸው፣ ሕገ ወጥ ናቸው!!በማለት ውሳኔያቸውን አረጋግጠውላቸዋል፡፡ በዚሁ ዕለት በተለያየ ቦታ በስብከተ ወንጌል ላገለገሉ ሰባክያን መምሪያ የሰጡት ብፁዕ አቡነ ማርቆስም. “ይህ ሰውዬ ቢቀጠር ባሕታዊ ነው የምሆነው፤ መጀመሪያ የምቃወመው እኔ ነኝ፤ ስም እየጠቀሳችሁ ክሕደታቸውን ግለጡ፤ ምእመኑ ግራ አይጋባ፡፡” በማለት ማበረታታቸው ተዘግቧል፡፡

የፓትርያርኩ መመሪያ በሰፈረበት በዛሬው ደብዳቤ የተገለጹት የትምህርት ተቋማት፣ ሊቃውንት ጉባኤውም ሆነ የስብከተ ወንጌልና ሐዋርያዊ ተልእኮ መምሪያ በአስተዳደር፣ በበጀትና በሰው ኀይል ምደባ ተሽመድመደው በሥልጣን እንዳይሠሩና እንዲዳከሙ የተፈረደባቸው በመሆኑ በመመሪያው የተገለጸውን የቤተ ክርስቲያንን እምነትና ሥርዐት የማስጠበቅ ተግባር በሚፈለገው መልኩ መከላከል ስለመቻላቸው የብዙዎች ስጋት ነው፡፡ ኦርቶዶክሳዊ ሃይማኖቱን ከቀሳጥያን ለመጠበቅ በፀረ-ፕሮቴስታንታዊ-ተሐድሶ-ኑፋቄ አጀንዳ ዙሪያ የተሰባሰበው ምእመንና አገልጋይ ከማንም ያልተሰወረ እንቅስቃሴም ‹የሀገርን ሰላም በማደፍረስ› መፈረጁም “የመንግሥት ያለህ” የሚያሰኝ ነው፡፡ 


 

41 comments:

Anonymous said...

This is a good move...because the tsere tehadiso movement has to involve sinod decision more actively than ever...not only good individuals who let us know the problem...I guess both true ye betekristian lijoch and the sinod must continue fighting ...eskahun yekerebut bemasreja tetenakrew le sinod yikrebu...finally finally God please restore our peace

hiwot said...

እረ እግዚአብሄር ዝም አትበል እባካችሁ ምእመናን ስለቤተክርስቲያን ሱባዔ እንያዝ

Dejeselam እባክሽ ሰው እያለቀሰ እንዲጸልይ አውጅ ሁሉም በያለበት ፍልሰታን ሱባዔ ይይዝ ዘንድ እባከሽ እባከሽ እባከሽ እባከሽ እባከሽ እባከሽ እባከሽ እባከሽ እባከሽ እባከሽ እባከሽ እባከሽ እባከሽ

እግዚአብሄር በቃ ይለን ዘንድ

Anonymous said...

ደጀ ሰላሞች እንዴት አላችሁ? እንደው እንደስማችሁ የሚሆን ዜና ጠፋ አይደል?! ምን ይደረግ። የዘመን ቅራሪ!
እሰየው እንግዲህ በቃ ለየለት። እኔ መቼም ከወዳጀ ጠላት የከፋ የለም ባይ ነኝ። አሁን ግን ጎራው ስለለየ መጠንከር ነው። መቼም ነገሩ አንድም መነገር በጀመሩ አባቶች ላይ አንድም በማኅበረ ቅዱሳን ላይ ያነጣጠረ ነው። አይዞን እንበርታ እግዚአብሔር ከእውነተኞች ጋር ነውና። በዚህ ውቅት ነው እንግዲህ እንደ አንድ ልብ አሳቢ እንደ አንድ ቃል ተናጋሪ ሆነን መገኘት ያለብን። አሁን በዚህ ቀውጢና በአጉል ጊዜ የማያንፅ፣ የማይጠቅም ነገር እያነሱ ሊከፋፍሉን ሊሚሹት ባታ መሰጠት የለብንም። ዲያቆን ሆነ ጻጻስ። ነገሩ የሃይማኖት ነውና።
ችር ወሬን ያሰማን።

ርብቃ ከጀርመን said...

እግዚኦ ወዴት እንድረስ ይሄንጉድ የማንሰማበት የማናይበት የትኛው አለም ይሆን ከዚህ የበለጠ ምንእስኪያደርጉ ነው ይሄንሰውየ የምጠብቃቸው ምንፍቅናቸውን ለማረጋገጥ ምንድነው ማየት የምንፈልገው ነው ወይስ ማይክ ይዘው እኔተሐድሶነኝ የሱስ ጌታነው እስኪሉ ነው አየምንጠብቀው እናንተስ አባቶች ሊቃውንተ ካህናት እና የየክፍለሀገራቱ ሀላፊ የሆናችሁ ፓፓሳቶች(የሲኖዶስ) ተወካዮች ወይም አባላቶች ከዚህ በሁዋላ እንዴት ብላችሁነው ከዚህ ሰውየ ቡራኬ እየተቀበላችሁ ስራየምትሰሩት እንዴትስብላችሁ ነው ለጥፋታቸው(ለምንፍቅናቸው) ፍጥነት የምትራዱዋቸው ለምን አውግዛችሁ ለህዝቡ እውነቱን ተናግራችሁ አይለይልንም እሽሩሩው አይበቃም ቤተክርስቲያንን በሰላም እንካፈል ብለው እስኪጠይቁን ነው የምንጠብቀው?

አለበል አሰፉ said...

ደጀ ሰላሞች እግዚአብሔር አምላክ አገልግሎታችሁን ይባርክላችሁ! ብዙ መረጃ እንድናገኝ አድርጋችሁናል አሁንም በርቱ ድንግል ማርያም ትጠብቃችሁ

Anonymous said...

Yeha Megelecha yemiasayew ye Kedeste Petekerstianua ye "belay "tebaki(Abune Paulose) ye Tehadiso(Menafekan) Tebabari Sayehonu Fitawerari(yethadiso Budenu Mastermind or Arctect) mehonachewen new.Ke ezihe belay le tehadiso maserga ena merega meteyeke malete ye Kesele(wood-Char) colour Tekure lemehonu Masrega ametalege ende malete new.Kene Lebuna Ena Astewaye Helina Yestachew Egziabhere. Hulachenenem Yetewahedo Legoche Egziabhere be Tselote Yabertane Be Emenetachen Yatsenane. Ayenachen Eyaye Begna Zemene Kedeste Betekerstianachen Wede menafekan dance Adarashe(Megazene) Atekeyerem Befesumeeeeeeeeeeeeeeeeeeeeeeeeeeeeeee.Egame Nektenal Tezegagetenal...
Emebetachen ye aserat bekurat hagerwane(Ethiopian) tebarekelen. Amelakachene Medhanialem Kirstose Kedeste Betekerstianachene Ena Hagerachenen Yetebekelen.Amen!!!

Anonymous said...

አላዊ ንጉሥ መናፍቅ ጳጳስ ይመጣል እንዲል እነሆ ዛሬ እውነቱ
ወጣ። ፓትርያርኩን እስካአሁን እንደ ሴምና እንደ ያፌት ይሰሮቸው የነበሩትን አፍራሽ ሥራዎች አባት ናቸው በማለት በሕዝብ እንዳይታዩ ስንሸፍን ነበረ። አሁን ግን እኛ እንደ ካም በመሆን ሳይሆን የራሳቸውን ማንነት አሳይተዋል። እንዲጠብቁአት ኃላፊነት የተሰጣቸውን ቤተ ክርስቲያን ወስጥ ውስጡን ቦርቡረው አልወድቅ ስትላቸው ዛሬ በአደባባይ ራሳቸውን በራሳቸው አጋልጠዋል። ዛሬ ተስፋ የሚሆኑ አባቶች ሊቀ ጳጳሳትን እያየን ነው። ትላንት ለአባ ሠረቀ ጥብቅና የቆሙት ጳትርያርክ ዛሬ በመግለጫቸው ላይ ለፕሮቴስታዊ ተሐድሶ መሪዎች ጥብቅና ቆመዋል።
አይደንቅም የ

Anonymous said...

Egiziabehere hoye Betchrstianene ke tehadeso menafikan ena ke tebabariwoch tebikilen. Le sewoch lebona sitachew.

yemelaku bariya said...

ወንድሞችና እህቶች የደረስንበትን ዘመን እንድናስበው ያስፈልጋል:: ሰማዕታት እግዚአብሔር የሰማእትነት ስራ እንድሰጣቸው ሰማዕት ሆነው እንዲያልፉ የረዳቸው ዘመን ጭምር መሆኑን መርሳት የለብንም::አላዊያን ፣ከኻድያንና ቀሳጮች በተነሱበትና ብሎም ቤተ ክርስቲያኒቱን በተቆጣጠሩባት በዚህ ጊዜ ለሐይማኖት ያልቆምን መቼ ልንቆም ነው :: አሁን የሚያስፈልገው
፩ኛ/ መንግሥት በኃይማኖት ምክንያት ከሚነሳ ብጥብጥ የሚያተርፈው ነገር ስለማይኖር እና በቤተ ክርስቲያኒሩ ለተንሰራፋው መግለጽ ለሚያስቸግረው ሙስና፣ የዘመድ አሰራር፣ ብሎም የሃይማኖት ቅየራ ተባባሪ መሆን ከተጠያቂነት ስለማያድነው መሰረት በሌለው አሉባልታ ማህበሮችን ግለሰቦችንና አባቶችን ከማስፈራራት ራሱን አቅቦ የቤተ ክርስቲያኒቱ ምእመነን፣ ሰንበት ትምህር ትቤቶች ካህናት፣ ጳጳሳት የቤተ ክርቲያናችንን ችግር እንድንፈታ እገዛ ከማድረግ ውጭ በአገር፣በወገን በዘመድ እያሾለኩ እያስገቡ ጳጳሳቱን ቢያስፈራሩ፣ ማኅበራቱን እንዘጋለን ቢሉ፣ ወጣቶችን ምንም አያመጡም ብለው ቢንቁ መፍትሄ አይሆንማና ነው:: በአገራችን ሽሮ ተወደደ በርበሬ ዋጋው አሻቀበ ሲሚንቶ ጠፋ እና የመሳሰለውን ችግር ተመልክቶ ዝም ያለ ሕዝብ በኃይማኖቱ ግን ዝም የሚል ከመሰላችሁ በኋላ ከምትፈጇቸው እና ከምትገድሏቸው ኢትዮጵያውያን ትማሩታላችሁ:: እንደመንግሥነታችሁ የነገሩን አሳሳቢነት ተገንዝባችሁ ንብረቱ ከተመዘበረ ኃይማኖቱ በለዋጮች አደጋ ካጋጠመው ሕዝብ እንድትወግኑ እውነታው ግድ ይላል::
፪ኛ/ በቤተ ክርእቲያናችን ውስጥ የተፈጸመውን ዘርፈ ብዙ ወንጀል አጣርቶ አጥፊዎቹን ወደ ፍርድ የማቅረብ ኃላፊነቱ የመንግሥት በመሆኑ ይህንን በማድረግ በአገሪቱ ላይ ያላችሁን የመንግሥትነት ኃላፊነት እንድትወጡ ግድ ነው::
፫ኛ የቤተ ክርስቲያን አባቶች በቤተ ክርስቲያኒቱ ዋና ጽሕፈት ቤት የቤተ ክርስቲያኒቱን ችግር ለመፍታት በሚያደርጉት ቆይታ የመንግሥት ጥበቃ እንደሚያስፈልጋቸው በቅርብ ጊዜ የተፈጠረው ሁኔታ ጠቋሚ በመሆኑ መንግሥት በሚያስተዳድራት ታላቅ አገር የተከሰተውና በዝምታ የታለፈው የጳጳሳት ድብደባ እንደአድስ ለምርመራ እንድበቃ እና አጥፊዎች ለፍርድ እንድቀርቡ ቢደረግ::
፬ኛ በቅርቡ ሕይዎታቸው ያለፈው የብጹዕ አቡነ መልከጼዴቅ፣ የብጹዕ አቡነ ይስሃቅ፣ እና የብጹዕ አቡነ በርናባስ አሟሟት ብዙ ጥያቄዎችን የሚያስነሱ ስለሆነ ምርመራ ቢደረግ::
ይህንን የምለው ማንኛውንም ነገር አቡነ ጳውሎስ ያለመንግሥት እገዛ፣ ድጋፍ እና ጥበቃ ያደረጉት አንድም ነገርስለሌለ ነው::
መንግሥት በራሱ ከተደራጀ ፓርቲ የመምጣቱን ያክል በአደረጃጀታቸው እና በሥራ አካሄዳቸው ከምንኛውም በኢትዮጵያ ታሪክ ተወዳዳሪ ያልተገኘላቸውን የማኅበረ ቅዱሳን አባላት የመንግሥት ሥጋት አድርጎ በመሳል ማኅበሩን ለማዘጋት የሚደረገው ጥረትም የመንግሥትን ፈቃድ ያገኘ ክስተት እንደሆነ ለቤተ ክርስቲያን ሃላፊነት የማይበቁትን በውጭ አገር ቤተ ክርስቲያንን ሲቃወሙ ከነበሩትና መንግሥትን ከሚቃወሙ ፖለቲከኞች ጋር አንድነት የነበራቸውን አባ ሰረቀን የሰንበት ትምህርት ቤቶ ችማደራጃ ኃላፊ ሆነው ሲሾሙ ጀምሮ እናውቃለን:: እሳቸው በውጭ ያደረሱት ዘርፈ ብዙ ጸረ አገራዊና ጸረ ቤተ ክርስቲያናዊ ክስተት አንድም በወገንተኝነት ወይንም በአላማ አጋርነት ተድበስብሶ ታልፎ በውጭ አገር የእናት ቤተ ክርስቲያን እንድትጠናከር የጣሩት ደግሞ የመንግሥት ጠላቶች ተደርጎ ሲወሰድ ስናየው " ኢትዮጵያ አገሬ ሞኝ ነሽ ተላላ የሞተልሽ ቀርቶ የገደለሽ በላ" የተባለውን ተረትያስታውሰናል:: አባ ፓውሎስም በቤተ ክርስቲያናችን ላይ ይህንን ሁሉ በደል ሲፈጽሙ ነገሩ ከመንግሥት ጆሮ ተሰውሮ ሳይሆን ቤተ ክርስቲያንን ማዳከም የፖለቲካው አንድ አካል አድርገን እንድናስበው የሚያደርጉ ብዙ ምልክቶችን አይተናል( የተፈራ ዋልዋን አስተያየት) በመሆኑም እዚህ ላይ ደርሰናል::
መንግሥት ሃላፊነቱን የማይወጣ እና በሚገዛው ሕዝብ ላይ ብጥብጥ ከመሆኑ በፊት አደጋውን ካልተከላከለ ለኃይማኖታችን እየሞትን እንታገላለን:: ማኅበረ ቅዱሳንን በማስፈራራት እና በማሸማቀቅ ችግሩ አይዳፈንም ገላልጦ በመፍታት እንጅ:: አባ ጳውሎስ እስጥሮስን፣ አሪዎስን አደሉም ብትሉ ራሳቸው ይስቁባችኋል:: እጅጋየሁና ሌሎቹም መበለቶች ዋጋችሁን የምትከፍሉበት ጊዜ ቀርቧል:: የማርያም ልጅ መታገስን ቀለዳችሁበት የታገሳችሁስ ንስሃ እንድትገቡ ነበር አሁን እናንተም ግፉ ያጠራቀማችት ግፍ ራሱ ይውጣችኋል::

Anonymous said...

Dejeselam eney yehiowt hasab edegfwalho.እባክሽ ሰው እያለቀሰ እንዲጸልይ አውጅ awgw. Medhanialem Kirstose Kedeste Betekerstianachene Ena Hagerachenen Yetebekelen.Amen

Wolde Tinsae (Awassa) said...

Wondimoch ena ehitoch, Egziabher negerun hulu eyegeletew new. Beye atibia betechristianachin bertiten enitseliy. Besimet megodat sayihon hulum atibiawun lalemasidefer yitebik. Beyalachihubet bota hulu sibseba eyaderegachihu tewoyayehu. Semaetinet litebekibinim yichilal. Egziabher gin legna yan ayisetenim, keseten gin wodehuala malet ayigebanim. Kebetechristian lela minim neger yelenim ecko. Yebelete gin lehizb enasawuk. Egziabher kegna gara kale man yikawomenal! Woladite amlak tirdan!

Anonymous said...

Subae Subae Subae Asawujulin!
Let Z Permanent Sinod take Z Mandate here!
Subae Subae Subae!
(AGE)re!
Subae Subae Subae!
(AGE)

Anonymous said...

Yes we need Subae
Subae
Subae
Subae
Subae

Anonymous said...

Dear ALL orthodox

I am writing this while I am deeply crying after reading this article.

orthodox tewahedo haymanote
yeabatoch yenatoch yeatintachew kisicash
egnas tebaberin lewidketish
Aznalehu alekisalehu yihin bemayete
azignalehu
Egziabherin leminalehu
Amnalehu
Tsadikanin lemignalehu
aminalehu

kidusanin lemignalehu
amnalehu
Kidu hager Ethiopia
minew fetenash beza

alinagrim zim elalehu
yeabotechen tsidik eyayehu

motishin bimot emegnalehu

tewahedo haymanote
yemotushilish abat enatoche

gedelkush chekagnochu lijochish

ewnetim mecheresha,,,,AMLAK HOY ADERA....TSELIYU , TAGELU.....EYANEBAHU ETSIFALEHU

sharing negn

Anonymous said...

I think we are near to freedom,
I was amazed for long time why the patriarch kept silence when all these things happen to the church, I thought he is the leader and whom he was waiting. He should have given some explanation on each of the issues but kept silence?
why?
why he start talking when the people are against tehadiso?

This does not need any other proof
to conclude that there is something.
It has been known that he is not genuine papas for long time.I am sure God will not punish me by saying this because I believe either he is not blessed papas or he is not papas from God at all. It has been well said in the bible that you will know true spirituals by their performance and nothing from him shows he is even spiritual.

so all orthodox people.

1.Pray for God everyday regarding ourselves and the church and remember your church by crying.

2. update yourself with day to day information from different sources
and circulate the information as much as possible.And learn and know the church well, listen to sermons and lessons and be strong on spiritual life.

3. Discuss every single issue regarding church and individuals messing the church and keep it for the Holy synod.

4.continue collecting information and share it.

5. protect the church in each of our friendships, Sunday schools and individually and any other groups.

6.Please be alert and think of the world and have a confession and live a very spiritual life,

7.Everything is for good.
God is making them to express themselves.

8. Do not lose hope ,remember of semaitat, tsadikan, kidusan.

Please put pressure on them by praying and challenging.Use your different spiritual and other skills to get rid of all this devil's work from the church.

God be with us.

Anonymous said...

Tsome + tselot + segidet = suba'ee
egzioooooo maharene kirstos, be'eeeeeeente mariam meharen kirstos, kirarayso, o'amelak, o'kirstos, adenene ke'ma'atu sewren be'mehiret'ke be'ente mariam weladite'ke, sema'ane amlakene we'medeh-anine. Egeziota....

Tsige said...

Abet Amilak tigistu? Mechem gizewu sideris Bete Yekemagnochina Yekehadiwoch Ayidelechim bilo jirafun yanesal. Yetewahedo Lijoch Yemetawu fetena kelal ayimesilimina esti Berititen Enitseliyi. Yekidusan Amilak be Hayimanotachin Yatsnan!Silekedemut Abatochachin bilo Betekirstianin yitadegilin! Enalikis.........wede Fetari!

Anonymous said...

Ere Gobeze Mendenew Negeru."Aba" "Abune" or Pastor Paulose leyelete.Aba paulosem hune yetegawem ye mengeste akale endiaweke yemiasfelegew.Le Kedeste Betekerstianachen Sematenete Lemekebele whulachenem Yetewahedo Legoche Zegu Nene.Betekerstianachen lay,Hezbu lay Gefu Bezaaaaaaaaaaaaaaaaaaaa.Bezihu Ketelu Wetetu Enayalen.Egziabhere Amelake Kedeste Betekerstianachene ena Hagerachenen Tebekelen.

Anonymous said...

I don't know how long this man stays in power, for me he is no more the church leader, he is pure protestant , his goal is a gradual reformation of the EOTC to the evangelical church.
Aba gebremedihin you can be a good protestant church preacher and leader why don't you go where you belong?

Anonymous said...

This is the first time in my life the church leaders are asserting their authority towards an important issue. It is not whether I agree with the decision or not, or the person in charge. The office has to be respected no matter who is in charge. I do not want the church to be led by a bunch of fire age youngsters. Our fathers have to be in charge. If they keep doing such curagious decision again and again, it would be good for the church. Imagine if we do not have papasat, we will be like any other protestant church. Please our papasat try to stand for the truth no matter where it takes you. Our lord said do not be afraid of those who can kill your flesh but not your soul..

Anonymous said...

I THINK IT IS TIME.

Wengelawi said...

What I understand from Aba Paul letter regarding Begashaw's job assignment is that he agreed with what his davilish son (Begashaw) wrote on his phamphlet "Yemesqelu sir kumartegnoch", because I think it was realy his picture.

Peace for EOTC said...

"ተሐድሶ" ላይ የሚደረገው ዘመቻ በግላሰባዊ ጥላቻ ተነሳስቶ እንዳይሆን ሥርዓትን ተከትሎ ይሁን ማለታቸው ስህተት አይመስለኝም። ይህ በመደረጉ ሥርዓት ይጠበቃል፤በግፍም የሚባረር አይኖርም ማለት ነው። መረዳት ያለብን እኮ እኛ ለመረጃዎች ቅርብ ስለሆንን ነው አንዳንዶችን "ተሐድሶ" ናችሁ ማለት የጀመርነው። አባቶች ሁሉም መረጃ ተጠናቅሮ ሊደርሳቸው ይገባል።መረጃውን አይተው እንዲህ ብለው ከሆነ ችግር አለማለት ነው። እናት ቤተክርስቲያንን ለመጠበቅ መውሰድ ያለብንን እርምጃ እንወስድ ነበር። ለምሳሌ ዛሬ የተሐድሶ አቀንቃኞች የሆኑት ግለሰቦች አስቀድመው እውነተኞቹን መምህራነ ቤተክርስቲያን "ተሐድሶ" ናቸው በማለት ክስ ቢጀምሩና ከቅዱስ ፓትርያርኩ ይህ ደብዳቤ ቢጻፍ ምን እንል ነበር? ከደብዳቤያቸው እንደተረዳሁት መረጃው የደረሳቸው አይመስለኝም።ለነ ዲን በጋሻው ጻፉ የተባለው ደብዳቤ ግን በጣም የሚያሳዝን እና ለብዙዎች ልብ መሻከር ምክንያት ከሚሆኑት የፖትርያርኩ አላስፈላጊ ጣልቃ ገብነት የሚመደብ ነው።

Dawit said...

ዛሬ በእግዚአብሔር ፊት ቀለህ ተገኝተሃልና መንግስትህ ካንተ ተወሰደች፡፡ ይህን አንበናል፡፡ ሰው የዘራውን ያጭዳልና፡፡ እግዚአብሔር ሲንቅ ይጥላል፡፡ ይህ እንደሚፈጸም አንጠራጠርም፡፡
ይባስ ብሎ አባቶችን ከለየላቸው መናፍቃን ጋር ሰብስቦ ማነጋገር ቤተክርስቲያንን እና ሕዝበ ክርስቲያኑን ከመናቅ የመነጨ ለመሆኑ በቂ ማስረጃ ነው፡፡
አባቶች እንዳሳወቁን እኝህ ሰው ለብ ሳይሆን ያሉት አሁን አንዱን ጎራ ለይተዋል፡፡ እስከዛሬ ሀሳብና ምኞታቸውን በልጆቻቸው ሲናገሩ የሰነበቱ ነበር፡፡ አሁን ግን በድፍረት አይዞአችሁ እያሉ ነው፡፡
አሁን በግልጽ ውጊያውን ጀምረዋል የሚዋጉትም ከእግዚአብሔር ጋር ነው፡፡ እስኪወድቁ አላመኑምና ገፍተውበታል፡፡
ነገርግን ከእኛ ጋር ያሉት እነርሱ ጋር ካሉት ይበልጣሉ፡፡ ይህ ከመጽሃፍ ቅዱስ ያነበብነው ቃል ሁሌም እውነት ነውና ዛሬም ከእኛ ጋር ያሉት የእግዚአብሔር ሰራዊት ቤተ ክርስቲያናችንን እና ሕዝበ ክርስቲኑን ከበዋልና አንፈራም፡፡
እግዚአብሔር ሁላችንንም በቤቱ በፍጹም ቅንዓት ያቁመን፡፡ ክርስትና እስከፍጻሜ ዘመን ነውና፡፡

Anonymous said...

እግዚአብሔር የሚቀባው የእግዚአብሔርን ስራ ይስራል፡፡ እንቢ ካለ በእግዚአብሐር ፊት በሰውም ፊት ተንቆ ይወድቃል፡፡
በአብያተ ክርስቲናት የተጀመረው መናፍቃንን የማስወገድ እርምጃ እስከሲኖዶስ ድረስ ሊራመድ ይገባል፡፡
ቤተክህነት የወንበዴዎች መፈንጫ አይደለም፡፡ ይህን የሚያስቆም ከጠፋ ሕዝበ ክርስቲያኑ የጀመረውን ፍጻሜ እንደሚያደርሰው አትጠራጠሩ፡፡
ምዕመናንን በመግደል እውነትን ለመቅበር ታስቦ ከሆነ፡፡ እንግዲያው መንግስትም ይተባበርና እንው፡፡

Anonymous said...

Aba Paulos lay tesfa kekorethu betam koyichalehu!

Dejeselam:- Gin meche yihon "Aba Paulos" ena "Motu" yemilutin kalat be Seber Zena yemtasnebibin?

Adera "Arefu" endatiyin. "Ereft" bego sertewu lemihedu newu.

Betam fetagn yehonu Kifu Menfes yaderebachewu ... edle bis sewu nachewu.

Ruth ke SouthDakota said...

LE ETHIOPIA ORTODOX TEWAHIDO TEKETAYOCH BEMULU!!!!
EGIZIABIHERIN BETSOM BETSELOT ENTEYIKEW ERSU YIMELISILINALINA ABIZITEN MAWIRAT TITEN ABIZITEN ENALKIS SUBAE SUBAE SUBAE EMEBETACHIN BEMILJAWA ATILEYENIMINA ENALKIS ENALKIS!!!!!!

Anonymous said...

Please abun paulos leave the church.Ebakwoten yemnesetew birr yelenem, yemnzerefelew keni yelenem.Ebkuwten lebonawoten legizabheir yasgezu.Sel hymanot new eytenegagren yalenew plotica aydelem.Wadedum telum Tewahido Atetadessem.Tetadess kalum bedemachin laye yihonal.

Anonymous said...

I think this reveals sufficiently how Aba paulos is working hard to distroy the church. Now we should be vigilant, brothers and sisters! And be ready to pay whatever sacrifice there may be in front of us. Remember the 8,000 farmers of Gonder who gave their lives to protect their religion in one day. At that time it was the king (Susnios), but now it the head of the church who is leading the church distruction, which makes it much worse.

Anonymous said...

Egizo Amlak Ante Betekiristianin Asalifeh lepaulos giragne tisetat yemiyasazin newu kezih belay min eskihone endemintebik ayigebagnim engidih lehaymnotachin yekomin kohene wode giziyabihere betsome betsolot eyetegan betekiristianin lemetebek lemesuwat beandi yemininesabet gizie newu beka enbel beandi lay. ewunetegnochu kidusan abatochim shekimun kerasachihu awuridu kuritun nigerun kegonachihu nen.

Amalke Egiziyabihere Ethiopian yitadegat.

Anonymous said...

Now it is the time to pray and fast exhaustively but b/c everything what our holy prophets said had happened clearly. Those who betrayed their original and true religion will do whatever they can b/c they are controlled and run by their master the DEMON.But they will not be successful b/c they are fighting with our father God. Still then we should be faithful and live in fair, pray day and night for our selves, the country ,the people and our beloved EOTC.

Anonymous said...

To all ye'tewahedo lijoch we have to Move forward--
NOW it is the TIME to face the BIG CHALLENGE.
Please come to HARAR, WHICH IS THEIR STRATEGIC PLACE FOR TEHADISO-PROTESTANT]
FROM HARAR, ETHIOPIA

Anonymous said...

+++
O!Almighty God!
You are our power, wisdom, and way!
Provide us unity to stand together to throw away the heretics from our holy orthodox tewahedo church!
I hope the Patriarch will gain his conscientious to stand with the truth, not with the enemies. Otherwise, time will show where he will endup!

May the God of the prophets, saints, and apostle safeguard our church!

Anonymous said...

Ere gif yibika,yihen yahil min esikemiyaderigu new yemitebekew, libachin eyawokew yihen yahil tigisit min endinibal new, lelochi ga yihen yahil yemiworedibachew tesasatu tebilo ayidelem endie, tadiya sew eyemeretin new endie tesasitewal yeminilew, hulunim ekul mayet alebin, ende ene kehone gin abune paulose mesenabet alebachew, yibekal, mehedachew layiker yebelete kisara esikimeta metebek yelebinim bayi negni

Awassa said...

Dear brothers and sisters,

Abune paulos is doing like what king Susinios did on our church. Susinios tried and many people became martyrs. But our church was maintained. The Italians have also tried and thanks to the martyr bune Petros,Ethiopians have shown their devotion to God. Likewise, Abune paulos is sharing their history. There might be some sacrifice, but our church will not be renewed forever. We have to renew our christian life not the Dogmas and kenonas. Let's continue alarming our fellow christians about the situation. Amlake-Egziabher, kekidist enatu gara ayileyen!

gonderew said...

abatoche,enatoche,wenidimoche ena ehitoche lemindinew erasachin yeminatalilew esike -ahun diresis aba gebirmedihim man endehonu sanawik kerten ayimeslegnim,rasachin eyatalelinew weyim sigachin ewinet lemenager sileferachi yimeslegnal.
ahuni aba g/m higawi yemimesil bemar yetelewese wisitu betam yemerere erat,lemenafikanina lerasachew /because aba g/m is tehadiso and the main enemy of ethiopian orthodox tewihido church and ethiopia/ beEGIZIABIHER higi sayiho beweyani yewishet higi lemedagnet endiyamechachew bawetute memeria mane endehonu bizu memenane yetereda yimesilegnal tinishe binikoy degimo ende nigus sisinios hiyimanotachinin beawage lemekeyer minim yemayimelesu sew endehonu lingerachihu /because he did the same way like his leader sitan did for our church,not one honest patriaric did/
ahunim giziw alimeshebinim bezuriachin yemigegnewin maniyawinim kebetekirstianachen wiche yehonewin hulu eyeteketatelin berasachin tiret betekirstianachin betibik metebek yenorbinal.ewinetegnawin timihirt meleyet yasifeligenal.
betechemarim mechiw gizi yenatachin YEKIDANEMIHIRET tsom silehon bertiten enitseliy, enalikis GETACHIN MEDIHANITACHIN betekirstianachin yitebiklen yesewis neger eyayenew new
GOD PROTECT HIS COUNTRY ETHIOPIA AND ORTHODOX TEWAHIDO CHURCH
AMEN

Anonymous said...

ere sent balege ale min ayenet ei keresteyan nachehuu??? lemehonu minem beyatefu patereyarik yesedebal??? wwaaaa lenanete amelak kezhi yebelete kuta endayesedebachehuuu lemehonu enanete eneman nachehu entezetaw ene merte enebegashaw teadeso metelut yekena bezu yaweralll ahunes bihon selase yemareyam lij new? ayedelem eyesus new yemareyam lij yalawekenewen asaweken lib yesetachehu

123... said...

KE Patriariku meglecha yeteredahut TEHADSO wede terakeke dereja derese malet new.Le Rekik awre ebab TEHADSO yerekeke slt yemitykbet gize endehone yamelaktal.
ከ ፓትርአርኩ መግለቻ የተረዳሁት ተሃድሶ የተራቀቀ ደረጃ ላይ መድረሱን ነው። አንደ አስስት አራሱን አየከያየረ ይሄው ለዘመናት ኖረ።ዛሬ ደሞ አበታችን ገብቶ አራሱ ኡ ኡ ኡ ኡ ማለት ጀመረ።ተሃድሶ ይጥፋ አያለ። ኡ ኡ ታየን ቀማኝ ማለት ይህ ነው። ለረቀቀ አርዌ አባብ ተሃድሶ የተራቀቀ አካህያድ ይጠይቃል።

Anonymous said...

"Jib kallefe wusha chohee yibaalaal"
Too late to we wake up after 19yrs and 99hr were we was when EOTC missed up mikiniyatuum Israeal MERII BAALNEBERAT GIZEE hizbuu befiituu yewededwun yaderg neber hulum tikikil yimesilewu neber indihu EOTC LEE 19 AMET MERII ALNEBERATIM MALET YICHAALAL.KANTU MEMERIA INA CHUMET NEWU.
Hataa'uu jedhe jaldeessi dhagaa galagalchee jidhani" maaliif laata ?

Anonymous said...

http://www.youtube.com/watch?v=f8xFKVx7pkk&feature=autoshare
message of abune abreham concerning this

Anonymous said...

A mob (both inside and outside Ethiopia)has to be made against the so called Tagay Paulos. After that, we Ethiopians will restore the former (real)faith of Ethiopians. This is the right time to overthrough the Catholic but Ethiopian Orthodox leader.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)