August 1, 2011

የዜና ቤተ ክርስቲያን፤ ርእሰ አንቀጽ


የነጻነት በዓለ ሢመት (ርእሰ አንቀጽ)
/ዜና ቤተ ክርስቲያን፤ 56 ዓመት ቁጥር 121፤ ሰኔና ሐምሌ 2003 ዓ.ም, READ IN PDF/፦ የአምስተኛው ፓትርያሪክ የብፁዕ ወቅዱስ አቡነ ጳውሎስ 19 ዓመት የፓትርያሪክነት በዓለ ሢመት የአንድ ግለሰብ የሥራ ፍሬ የሚገለጥበት፣ ክብርና ዝናው የሚንጸባረቅበት ብቻ ሳይሆን ቤተ ክርስቲያናችን ለ1600 ዘመናት ያህል በግብጻውያን የአገዛዝ ቀንበር ሥር ስትማቅቅ ኑራ ነጻ የወጣችበት ዘመን የሚታሰብበት በዓለ ሢመት ነው፡፡ ስለዚህ ብሔራዊቷ ቤተ ክርስቲያን ሃይማኖታዊ እመርታን ያስገኘችበት በዓለ ሢመት በመሆኑ መንፈሳዊ ነጻነትን ሙሉ በሙሉ የተጎናጸፍንበትን ይህን የነጻነት በዓለ ሢመት የኢትዮጵያ ኦርቶዶክስ ተዋሕዶ ቤተ ክርስቲያን ልጆች ብቻ ሳንሆን ኢትዮጵያውያንና ኢትዮጵያውያት የሆን በሙሉ በታላቅ መንፈሳዊ ሐሤትና በታሪካዊ ትዝታ ልናከብረው ይገባናል፡፡

ከዚህ በላይ እንደተገለጸው የጥንቶቹ ግብጻውያን ‹‹ኢትዮጵያውያን ከዐዋቂዎቻቸው መካከል ጳጳሳትን መሾም አይገባቸውም›› ይል በነበረው በሥርዋጽ ባስገቡት አጉል ዘይቤ በመመራት ባደረሱብን ተጽዕኖ ጥንታዊቷ፣ ታሪካዊቷና ብሔራዊቷ የኢትዮጵያ ኦርቶዶክስ ተዋሕዶ ቤተ ክርስቲያን መንፈሳዊ ነጻነቷን ተገፋ የኖረችበት ዘመን ሩቅ አይደለም፡፡ ታዲያ ይህን መንፈሳዊ ነጻነት ለማግኘት የቀድሞ ኢትዮጵያውያን ሊቃውንተ ቤተ ክርስቲያንና መንግሥትም ጭምር ብዙ ደክመውበታል፤ በልኡክነት ተልከው ሲሄዱም የግብጽ በርሓ የበላቸው ወገኖቻችን ብዙዎች ናቸው፡፡

በዚህ ጉዳይ ከደከሙትም ኢትዮጵያውያን አበውና ሊቃውንተ ቤተ ክርስቲያን መካከል የስብከተ ወንጌል ማኅበር በማቋቋም ትምህርተ ወንጌል በመላ ኢትዮጵያ እንዲዳረስ ያደረጉትና የገቢ ምንጭ የሚሆኑ ሕንጻዎችን በማሠራትም ሆነ በፓትርያሪክነቱ በር ከፋች የሆኑት የመጀመሪያው ፓትርያሪክ ብፁዕ ወቅዱስ አቡነ ባስልዮስ ይገኙበታል፡፡ እንዲሁም ቃለ ዐዋዲ የተሰኘውን መተዳደሪያ ደንብ አውጥተው በመላዋ ኢትዮጵያ ሰበካ ጉባኤን ያቋቋሙት፣ የካህናት ማሠልጠኛዎች ተከፍተው የቤተ ክርስቲያኒቱ አገልጋዮች ካህናት ከጊዜው ጋራ የተገናዘበ ዕውቀት እንዲያገኙና ወጣቶች በሰንበት ት/ቤቶች አማካይነት እንዲደራጁ ያደረጉት ሁለተኛው ፓትርያሪክ ብፁዕ ወቅዱስ አቡነ ቴዎፍሎስ ግንባር ቀደም ናቸው፡፡ ይህም በመሆኑ በዓለ ሢመቱ ይህን መሳይ ቋሚ ሥራ ሠርተውልን ያለፉትን እነዚህን የመሳሰሉትን ቅዱሳን አባቶች ሁሉ እንድናስባቸው ያስገድደናል፡፡

ከዚህም ሌላ በገዳማዊ ሕይወታቸውና በፍጹም አባትነታቸው የመላውን ዓለም ትኩረት የሳቡትና የሰበካ ጉባኤን በመንበረ ፓትርያሪክ አጠቃላይ የሰበካ ጉባኤ ግምገማ ያጠናከሩት መናኙና ፍጹሙ ሦስተኛው የኢትዮጵያ ፓትርያሪክ ብፁዕ ወቅዱስ አቡነ ተክለ ሃይማኖትም ሊወሱ የሚገባቸው በዚሁ በዓለ ሢመት ነው፡፡ ዛሬ የቤተ ክርስቲያኒቱ አባቶች ከአድማስ እስከ አድማስ እንደልባቸው ለመንቀሳቀስ ያስቻለቸውንና ከላይ እስከ ታች ያሉት የቤተ ክርስቲያኒቱ ሠራተኞችም በቂ ወርኀዊ ደመወዝ ሊያገኙ የቻሉትም በየጊዜው በተሾሙትና ለቤተ ክርስቲያኒቱ ዕድገትና ብልጽግና ቅድሚያ ይሰጡ በነበሩት የጠቅላይ ቤተ ክህነት ሥራ አስኪያጆች ከፍተኛ ጥረትና በየወቅቱ በነበሩት ሠራተኞች መሥዋዕትነት በመሆኑ እነርሱም በዚህ በዓለ ሢመት ሊታሰቡ ይገባቸዋል፡፡

እነሆ ለአሁኑ የአገልጋዮች ካህናት የተሻለ አኗኗርና ለምእመናን መንፈሳዊ አገልግሎት መመቻቸት የሰበካ ጉባኤን ከመሐል ኢትዮጵያ እስከ ጠረፊቱ ኢትዮጵያ በማቋቋም፣ የገቢ ምንጮቻችን የሆኑትን ሕንጻዎች አሠሪና ተቆጣጣሪ እየሆኑ ጦም ውለው፣ ጦም አድረው በማሠራት፣ የስዕለት ገቢዎችንና የሙዳየ ምጽዋት ገንዘቦችንም የእግዚአብሔር ገንዘቦች እንደሆኑ ተገንዝበው በጥንቃቄና በፈሪሃ እግዚአብሔር በመያዝ እነርሱ እየተራቡ ያቆዩት ገንዘብ ነው፤ ዛሬ የበላውንና ያልበላውን የሙስና ዱላ ሲያማዝዝ የሚስተዋለው፣ ማጣቱ ሳያወዛግብና ዱላ ሳያማዝዝ ማግኘቱ፣ ማወዛገቡና ዱላ ማማዘዙ ግን እጅግ የሚያስገርምና የሚያሳዝን ነው፡፡

ዛሬ ሁሉም እንደ ልቡ የሚዝናናበትና ለድንገተኛው ሁሉ ብር በቁና እየተሰፈረ የሚገኘው እነዚያ በቤተ ክርስቲያኒቱ ሥራና ሁለንተናዊ በየዘርፉ ሲደክሙ እንደተራቡ የሞቱት ሐቀኞች ሠራተኞች ሊበሉት ይገባቸው የነበረ የሙታን ውዝፍ ደመወዝ መሆኑንም ሁላችንም በጥልቀት ልንገነዘበው ይገባል፡፡ ከተገነዘብነውም ዘንድ በዓለ ሢመቱ የእነሱም የመታሰቢያ በዓል መሆኑን አንርሳው፤ ካረሳነውም በሥራችን ሁሉ እንደ እነርሱ ሐቀኞች ለመሆን እንጣጣር፤ በሐቅና በፈሪሃ እግዚአብሔር የተሰበሰበውንም ገንዘብ ያለሐቅ ስንበላው ደይንና መቅሰፍት እንደሚሆንብን እንረዳ፡፡

ወደ አሁኑ ስንመጣም የመንፈሳዊ ኮሌጆች መከፈት፣ በየአህጉረ ስብከቱ የካህናት ማሠልጠኛዎች መዋቀር፣ የቅርሳ ቅርስ መጠበቂያና መከባከቢያ ሙዝየሞች መሠራት፣ ተወርሰው የነበሩት ሕንጻዎች መመለስ፣ የጽርሐ መንበረ ፓትርያሪክ የአባቶች ማረፊያ ቤት መሠራት እንዲሁም የሠራተኛው ዘመናዊ ቢሮ ግንባታና የደመወዝ ስኬል መሠረት መጣል 19ው ዓመት የፓትርያሪክነት በዓለ ሢመት የሚከበርላቸው የአምስተኛው ፓትርያሪክ ብፁዕ ወቅዱስ አቡነ ጳውሎስና በየተራቸው አብረዋቸው በሥራ አስኪያጅነት የሠሩት የብፁዓን አበው ጥረት ውጤትና የቅዱስ ሲኖዶስ ምልአተ ጉባኤ ውሳኔ ጭምር ታክሎበት የተፈጸመ በመሆኑ በበዓለ ሢመቱ ይህ ሁሉ ተጠቃሎ ሊታሰብና ድጋፍ ሊሰጠው ይገባል፡፡

የአሁኑ የግንቦቱ ርክበ ካህናት ቅዱስ ሲኖዶስ ጉባኤ ያሳለፋቸው አንዳንድ ውሳኔዎችም በተግባር ከተተረጎሙና የሚገፋባቸው ከሆነ ለወደፊቱ ብሩህ ተስፋ የሚታይባቸው ስለሆኑ የበዓለ ሢመቱ ዋዜማ ፍሬዎች ሊባሉ ይችላሉ፡፡ ይሁን እንጂ ቤተ ክርስቲያኒቱ መንፈሳዊውን ነጻነት ሙሉ በሙሉ ከተጎናጸፈች ወዲህም ቢሆን የወርቅ ኢዮቤልዩን ጨርሳ የአልማዝ ኢዮቤልዩን የተያያዘችው ስለሆነ ከጊዜው ርዝመትና ከብፁዓን አባቶች መበራከት አንጻር ሲታይ ተመጣጣኝ ሥራ ተሠርቷል ብሎ ለመናገር አያስደፍርም፤ የሥራ ውጤቱ ብዙ የሚያወላዳ አይደለም፡፡

ስለሆነም ብዙ የሚሠሩ ሥራዎች ከቤተ ክርስቲያኒቱ ፊት ተደቅነው ይታያሉ፤ ከብዙዎቹ ጥቂቶቹን ብንጠቅስ፡-
  •  በአዲስ አበባም ሆነ በአህጉረ ስብከት ለቤተ ክርስቲያኒቱ ዕድገትና ብልጽግና የሚረዱ የማምረቻ ተቋማትን ከፍቶ በካህናት ስም በየቤተ ክርስቲያኑ ያለውን የሠራተኛ ክምችትና የቦዘነ ጉልበት ወደየማምረቻ ተቋማቱ ማሰማራት፤
  •  የሚሰጠው መንፈሳዊ አገልግሎት ጥራትና ብቃት እንዲኖረው በየደብሩ የተመደቡት አስተዳዳሪዎችና ሠራተኞች ከጊዜው ጋራ እንዲገናዘቡ በመንፈሳዊ ኮሌጆችና በካህናት ማሠልጠኛዎች እየገቡ እንዲሠለጥኑ ማድረግ፤
  •  በየገዳማቱና በየአድባራቱ የሚሾሙት አስተዳዳሪዎች ‹‹ለእኛ ይመቹናል፤ ይታዘዙናል›› በሚለው ዘይቤ ሳይሆን ለእግዚአብሔርና ለቤተ ክርስቲያኑ ይመቿቸዋል፤ ይታዘዟቸዋል፤ ዕወቀታቸውና ግብረ ገብነታቸውም ምእመናንን ያንጻል በሚለው ዘይቤ እየተፈተሹ ሊሾሙ ይገባቸዋል፡፡
  • በሰንበት ት/ቤቶች ማደራጃ ዋና መምሪያና በማኅበረ ቅዱሳን መካከል የተነሣው ውዝግብ የዘለቄታ መፍትሔ እንዲያገኝ ማድረግ፤
  • ቤተ ክርስቲያኒቱን የማይወክሉ ጥቅመኞች በየነጻ ፕረሱ የፈጠሩት የተሐድሶ ውዝግብና ውዥንብር ንጹሐን ምእመናንን ግራ ያጋባና የሌላው እምነት ተከታዮች መዘባበቻ ያደረገ ስለሆነ አንዱ የአንዱ ቡድን ደጋፊ፣ ሌላው የሌላው ቡድን አቀንቃኝ በመሆን የላይ ፈሪ የታች ፈሪ እያሉ ማባባሱን አስወግዶ መከፋፈልና የከፋ ችግር ከመፈጠሩ በፊት የማያዳግም እልባት እንዲያገኝ ማድረግ፡፡


ይህ ሲሆን ብቻ ነው ሙስና የሚቀነሰውና የእግዚአብሔር ገንዘብ ለእግዚአብሔር የሚሆነው፤ ብሎም የእግዚአብሔር በረከት የሚትረፈረፈውና በቤተ ክርስቲያን ዙሪያ ሰላም ሊሰፍን የሚችለው፡፡ ይህም የቤተ ክርስቲያኒቷ የ20ው ዓመት የነጻነት በዓለ ሢመት የቤት ሥራ(ጥናትና ዕቅድ) ሊሆን ይገባዋል፡፡

በአጠቃላይ በዓለ ሢመቱ የሚያስታውሰን ባለፈው የተሠራውን ሥራ ብቻ ሳይሆን ያለፉት አባቶች የሠሩትን ሥራ ዛሬ እኛ እየሠራነው ካለው ሥራ ጋራ በማወዳደር ቀጣዩ ትውልድ እኛንም በሥራችን እንዲያስበን ልንሠራው የሚገባንንም ያሳስበናል፡፡ ቀደም ብሎ በተደጋጋሚ እንደተገለጸው በዓለ ሢመቱ ያለፉት አባቶቻችን ብዙ የተጋድሎ ሥራ የሠሩበትና አያሌ መሥዋዕትነትን የከፈሉበት የነጻነት በዓለ ሢመት ስለሆነ እንደ ግለሰብ በዓል ሳንቆጥረው እንደ ሁላችን በዓል አድርገን በታላቅ መንፈሳዊ ስሜትና ሐሤት ልናከብረው ይገባናል፡፡

(መጋቤ ምሥጢር ወልደ ሩፋኤል ፈታሒ፤ ዋና አዘጋጅ)

15 comments:

Anonymous said...

Egziabher Amlak kale-hiwot yasemalin! Likawunt ena abatoch endezih sayiferu bemnetachew sitsifu des yilal. Mechem egna eyetekuaselin hizbe-christianun metebek alchalinim. Menafikanu bemekakel eyeneteku eyewosedu, kutirachin eyetemenamene new ena eniberta. mekefafelun titen, tifategnaw tarimo, beteley kelay yalu abatoch bertitew chigirun fetew wode tikikilegnawu menged yimrun. Mengistim betechristian lehagerim yalatin astewatsio ayito yebekulun yiwota. Amlakachin betechrstianin kalechibet kebad fetena yawutalin!

Anonymous said...

Wow! M/M/Wolderufael,this is amazing.He touch the core issues in our church.I think, people like this need help.I mean moral help.I wish ds interview this person.

Anonymous said...

A very good one from Zena BeteKrstian ! Endih bedifret lemenager yabeqchew Amilak Yetemesegene yihun. Ewunet Yeminager ayasatan.

Anonymous said...

ዛሬ ሁሉም እንደ ልቡ የሚዝናናበትና ለድንገተኛው ሁሉ ብር በቁና እየተሰፈረ የሚገኘው እነዚያ በቤተ ክርስቲያኒቱ ሥራና ሁለንተናዊ በየዘርፉ ሲደክሙ እንደተራቡ የሞቱት ሐቀኞች ሠራተኞች ሊበሉት ይገባቸው የነበረ የሙታን ውዝፍ ደመወዝ መሆኑንም ሁላችንም በጥልቀት ልንገነዘበው ይገባል፡፡
wolde thanks
gerum yehon ewent new

Anonymous said...

ዕድሜ መቁጠር ብቻ:: ምን አደረጉ? ቤተ ክርስቲያናችንን የቤተሰብ መምሪያ አደረጓት:: የመበለቶች መጫወቻ አደረጓት:: የነእንዝረፍ ቡድን አቁመው አዘረፉን ምን የቀረ አለ የጸረ ተዋህዶ መፈንጫ አደረጉን እንዳው ያላደረጉትን መናገሩ ይቀላል:: ለነገሩ ማስተዋል ቢኖራቸው አሁንም ትንሽ ደቂቃዎች ነበሯቸውና ትንሽ እንኳ ጥሩ ቢሰሩ ይችሉ ነበር:: ፈቃደኝነቱ የለም እንጅ:: አይ ዕድሜ መቁጠር አብሮ የሚቆጠር የሚያኮራ ታሪክ የለም እንጅ::አሁንም ማስተዋሉን እንድሰጣቸው እጸልያለሁ:: ከአሁንበኋላም ቦቢሆን ገና ብዙ ጉዳት ያደርሳሉና :: ታሪክ ቀድሞ የሚጻፍ ቢሆን ስንቱበተጻፈ ነበር::

Anonymous said...

wow Egzabehar yesetelh kale hiweot yasemalen Megaby beluy

Anonymous said...

kale Hiwot yasemaln megaby belwey betam leben yemnk ena asetmarem newe le tebeb and kale tebkawalch aydel yetbalw ....

Anonymous said...

Abba Paulos has committed a lot of crimes including the gross corruption, the complete negligence of the Holy Synod's decsions e.g. the directive that Abune Paulos shameful statue be dismantled, his tribalism, his being a regular cadre of Melles, etc. etc.

Isn't it time that he be properly prosecuted by the Holy Syod for all his crimes and be removed from the post of Patriarch which he has proved not to be worthy of?

Yemmireba papas yellem (to paraphrase Aboy Sebhat, a peerson who is one of those responsible for the current tragic situation in our church and has the temerity to blame the haples bishops at the same time).

Anonymous said...

As it was explain the article the anniversary is the celebration of Ethiopian Orthodox Church independence. I don't see any reason why people count the anniversary from the beginning of a particular patriarch appointment. If it is to be the real anniversary it must be counted from the beginning of the first patriarch appointment Aboune Basliyos. Otherwise the ceremony is always the promotion of individual personality than to show the history of the church ups and downs.

Anonymous said...

Good points, Thank you for having the courage to write on this issue, but either intentionally or by mistake you forgot to mention the work of the 4th patriarch,
I think there are some works of the 4th patriarch, worth to mention, if your reason not to write about it was his ( the 4th pat.) support for Derg , all of the 5 patriarchs’ have their own fall outs:
1. The 1st and 2nd pat : placed the then emperor in the church’s long list of saints
2. The 3rd ??
3. The 4th pat : “ support DERG”
4. The 5th pat : “ support TPLF, lean to Catholic , steal church’s money, …..” but accomplished some achievements.

Anonymous said...

TOO LATE TOO LITTLE! ALE FERENJI. KEDIMO YEABA PAULOS TEBEKA NEBERU EKO. NEGER KETEBELASHE BEHUALA MIN LIREBA! ERSOM MKM YEABAPAULOS TEBEKOCH NEBERACHU. ALEKA AYALEW BICHA YEEWUNET SEW!

Mekane Eyesus said...

ጹሁፉ በጣም ጥሩ ነው:: ነገር ግን እንዲሁ የምእመናኑን አቴንሽን ለመሳብ ሀታታ ይመስላል:: ለዚህም 4ኛውን ፓትርያሪክ ለይቶ የተወ ጹሁፉ ስለሆነ ተንኮል አልተለየውም እንድለው አድርጉታል:: ለመሆኑ አሁን ካሉት የቤተክርስቲያኗ መሪ የባሰ ጥፋት አድርሰው ነውን? ሙታንን መውቀስ አይሁን እንጅ በማወቅም ባለማወቅም በጹሁፉ የተጠቀሱትም ቀደምት አበው እኮ የየራሳቸው ጉድለት አለባቸው በሌሎች ዓይን ሲገመገሙ:: ሌላው ለጸሀፊው የማስተላልፈው አስተያየት ባህለ ሲመቱ ለቤተ ክርስቲያኗ መልካም ነግር የሰሩ ሁሉ የሚታሰብበት ነው ብለው የሚያምኑ ከሆነ ለሚቀጥለው ዓመት ሲጽፉ የዛሬ ዓመት በባእለ ሲመቱ መታሰቢያ የተሳራው ሀውልት ፈርሶ የቀደሙትንም አካቶ እንዲሰራ ይጻፉ::

Anonymous said...

ኢትዮጵያውያንና ኢትዮጵያውያት?

Anonymous said...

ይህ ሲሆን ብቻ ነው ሙስና የሚቀነሰውና የእግዚአብሔር ገንዘብ ለእግዚአብሔር የሚሆነው፤ ብሎም የእግዚአብሔር በረከት የሚትረፈረፈውና በቤተ ክርስቲያን ዙሪያ ሰላም ሊሰፍን የሚችለው፡፡ ይህም የቤተ ክርስቲያኒቷ የ20ኛው ዓመት የነጻነት በዓለ ሢመት የቤት ሥራ(ጥናትና ዕቅድ) ሊሆን ይገባዋል፡፡20 amet bicha new ende yebetechristian yenetsanet beale simetwa yeh ababal eko yeabatoch sira yemizekerbet beale simet lalachihut ayafersewum weyis silak menagerachihu new? any way ...............ehadegina aba pawlos kenekadriwochachew yalefew tarik mewkes enji mech mamesgen yawkalu
God bless EOTC

Anonymous said...

I would like to tell something that Abba Paulos made.

1st, he has returned back Holy trinity College and many of Buildings from government to our church.

2nd, he build modern patriarchate office, Arch bishop’s palaces, gust house and museum and he is preparing to build one of large meeting and multy system building.

3rd, he solved the problem which stayed for many years between Coptic and our church. It is very profitable goal.

4th, he has substitute many Bishops to develop our church services and to increase more spiritual activities.

5th, he made relation among international churches and organizations.

6th, he worked hard to solve the problem between our church (between Diaspora and main entire Synod)

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)