August 1, 2011

የሰማዕቱ አቡነ ጴጥሮስ የመቃብር ቦታ ተገኘ


(ሪፖርተር ጋዜጣ፤ ሐምሌ 24/2003 ዓ.ም፤ ጁላይ 31/2011):- በፋሺስት ኢጣሊያ ከ75 ዓመት በፊት ሰማዕት የሆኑት አቡነ ጴጥሮስ የተቀበሩበት ቦታ በአዲስ አበባ በስተደቡብ በለቡ አካባቢ መገኘቱን የኢትዮጵያ ቤተ ክርስቲያን አስታወቀች፡፡ በአዲስ አበባ ሀገረ ስብከት የፉሪ ምስካበ ቅዱሳን አቡነ ተክለ ሃይማኖትና መድኃኔ ዓለም ቤተ ክርስቲያን አስተዳዳሪ መልአከ ሰላም አባ ሳሙኤል ተክለ ማርያም ለሪፖርተር እንዳስታወቁት፣ አቡነ ጴጥሮስ ሰማዕት ከሆኑ በኋላ የተቀበሩት ፋሺስቶች በመኖርያነትና በእስር ቤትነት ይጠቀሙበት በነበረው “ሙኒሳ ጉብታ” ላይ ነው፡፡


የፋሺስት ኢጣሊያ ወራሪ ኃይል በሐምሌ 22 ቀን 1928 ዓ.ም. ሰማዕቱን ገድሎ አስክሬናቸው አደባባይ ላይ ጥሎ ከዋለ በኋላ፣ ቀብራቸው በምስጢር መፈጸሙ መዛግብት እንደሚያስረዱ ያስታወሰችው ቤተ ክርስቲያኗ፣ የእኚህን ታላቅ አባት ቀብር በምስጢር የተፈጸመበት ቦታ ለማግኘት የተለያዩ ምሁራን በአገር ውስጥም ሆነ በውጭ ያሉ የታሪክ ሰነዶችን ሲመረምሩ ቢቆዩም፣ እስከ ቅርብ ጊዜ ድረስ “ከአዲስ አበባ በስተደቡብ በምስጢር ቀበሯቸው” ከሚል ጠቅላላ ፍንጭ ያለፈ ምንም ዓይነት የተረጋገጠ ማስረጃ ሳይገኝ ቆይቶ ነበር ብላለች፡፡

ከቅርብ ዓመታት ወዲህ ግን ከአዲስ አበባ ከተማ መስፋፋት ጋር ተያይዞ “ለቡ” ተብሎ በሚታወቀው አካባቢ የሰፈሩ ምዕመናን በአካባቢው ተወልደው ካደጉ አረጋውያን ጋር ባደረጉት ማኅበራዊ ግንኙነት ሰማዕቱ ብፁዕ አቡነ ጴጥሮስ ፋሽስቶች በመኖርያነትና በእስር ቤትነት ይጠቀሙበት በነበረው “ሙኒሳ ጉብታ” ላይ መቀበራቸውን ከወላጆቻቸው ሲሰሙ እንዳደጉ በእርግጠኝነት አስረድተዋቸዋል፡፡

የኢጣሊያ ፋሺስት በ1928 ዓ.ም. በኢትዮጵያ ላይ የግፍ ጦርነትን ባነሣ ጊዜ ብፁዕ አቡነ ጴጥሮስ ከጦር ሥፍራ ለመለየት ስላልሆነላቸው፣ ቀዳማዊ ኃይለ ሥላሴን ተከትለው ወደ ሰሜን ጦር ግንባር ዘምተዋል፡፡ ፋሺስቱ በማይጨው የመርዝ ጦርነት ከማድረጉ የተነሣ፣ የኢትዮጵያ ሠራዊት ሲበታተንም ከንጉሠ ነገሥቱ ጋር የተመለሱት አቡነ ጴጥሮስ ወደ ደብረ ሊባኖስ ሔደው ለአገርና ለነፃነት መሞት ቅዱስ ተግባር መሆኑን ለሰላሌ አርበኞች በመስበክም ይታወቃሉ፡፡

አርበኞች አዲስ አበባን በሁለት አቅጣጫዎች ከሰሜናዊ ምዕራብ (ባሕር) እና በደቡባዊ ምሥራቅ (ሊባ) አቅጣጫ ለመቆጣጠር ውጊያ በከፈቱበት ጊዜ የተማረኩት አቡነ ጴጥሮስ፣ ለፋሺስት እንዲገዙ፣ የኢጣሊያ መንግሥት ገዢነትንም አምነው አሜን ብለው እንዲቀበሉ ግፊት ቢያደርጉባቸውም፤ እምቢኝ ለአገሬና ለሃይማኖቴ ብለው ለሰማዕትነት ያበቃቸውን የሞት ጽዋ መቀበላቸው በታሪክ ተመዝግቧል፡፡

ኢትዮጵያ ለመጀመርያ ጊዜ የራሷን ሶች በ1921 ዓ.ም. በንግሥተ ነገሥታት ዘውዲቱ ምኒልክ ጊዜ ስታስ (ስትሾም) አንዱ አቡነ ጴጥሮስ ነበሩ፡፡

በተያያዘ ዜናም አቡነ ጴጥሮስ ሰማዕትነት የተቀበሉበትን 75ኛ ዓመት ለማሰብም ቅዳሜ ሐምሌ 23 ቀን 2003 ዓ.ም. ከ8 ሰዓት ጀምሮ አራት ኪሎ በሚገኘው የአዲስ አበባ ሀገረ ስብከት የመሰብሰቢያ አዳራሽ ዐውደ ጥናት መካሔዱንና የአዲስ አበባ ዩኒቨርሲቲ የታሪክ ምሁራን በሰማዕቱ ስ ዙርያ አራት ጥናቶችን ያቀረቡ መሆናቸው ታውቋል፡፡

በ1875 ዓ.ም. የተወለዱት አቡነ ጴጥሮስ፣ “ስ ዘምሥራቀ ኢትዮጵያ” ተብለው፣ “ራሱ በሽሎ መለስ፣ እግሩ አቦክ ፈረንሳዊ ወሰን ድረስ (ጅቡቲ)” 21 አካባቢዎችን ያስተዳድሩ ነበር፡፡

በሔኖክ ያሬድ

9 comments:

Ruth ke SouthDakota said...

hi Deje selam 1982 yemilew be 1928 bilachu astekakilut ye semaetu bereket kehulachinim gar yihun AMEN! bertu!

Dawit said...

ያባቶቻችንን የሰማእትነት ታሪክ በቤተ ክርስቲያናችን ስንሰማ ፈለጋቸውን ለመከተል ቅዱስ እግዚአብሔር ሁላችንንም ይርዳን፡፡ የብፁዕ አቡነ ገብርኤልን ቃለምልልስ ያስደመጠችን ደጀሰላም የብፁ አቡነ ገብርኤልን የተሃድሶ አቋም መጽሄቱን ለማናገኝው ትልቅ ትምህርት አገኝንበት፡፡ ከሀገር ውጭ ያሉ ብዙዎች የማይሰሟቸው በርካታ መልካም ነገሮች ይኖራሉና ደጀሰላሞች ምስጋና ይገባችኋል፡፡
ለብ ያሉት ጥቂት አባቶቻችን ምን ይናገሩ ይሆን፡፡ የሰማዕቱ አቡነ ጴትሮስ ህይወት እና የቀደሙ አባቶቻችን ሕይወት ለብ ብሎ አላየንምና አቋማችሁ ይጥራ፡፡ የበጎቻችሁ መልካም እረኛ ሁኑ፡፡ ካልሆነ ግን በእግዚአብሔር ፊት መናቅ የማይቀር ነው፡፡ እግዚአብሔር የናቀው የሚያነሳውም የለም፡፡
እንደ ብፁ አቡነ ገብርኤል ያሉ የቤተ ክርስቲያናችንን አባቶች እድሜ ይስጥልን፡፡

Anonymous said...

good issue

Miimen said...

Please check:

www.globalallianceforethiopia.org

Please let us stop being "esat yiwoldal amed"!!!!

Tenes! said...

አቡነ ጴጥሮስን አሁን ካሉት ጳጳሶች ጋር በማወዳደር፤ ምን ያህል እንደ ዘቀጥን በግልጽ ይታያል።

የቅዱስ ሲኖዶሱ አባል የሆኑት ጳጳሳት ነበሩ የቤተ ክርስቲያናችንን ክብርና ዶግማ ማስከበር የነበረባቸው። እውነቱ ግን፤
1. "ፓትሪያርክ" አቡነ ጳውሎስ እጅግ አሳፋሪ ሕጸጽ ሲፈጽሙ ጳጳሶቹ በዓይናቸው እያዩ፤ እንዳላየ ሆነዋል። እግዚአብሔርን የሚፈሩና፤ ሕገ ቤተ ክርስቲያንን የሚያከብሩ ቢሆኑ ኖሮ፤ በሲኖዶሱ ጉባኤ ላይ፤ የአቡነ ጳውሎስን ሕጸጽ በዝርዝር ገምግመው፤ ከሥልጣናቸው ያወርዷቸው ነበር።
2. ያሁኑ ጳጳሶች፤ ለግል ጥቅማቸውና ለሥልጣናቸው የሚተጉ እንጂ ለምንኩስናቸውና ለሃይማኖታዊ ግዴታቸው ደንታ የላቸውም።

3. እንደነ አቡነ ፋኑኤል ያሉት ደግሞ፤ ልክ እንደ ተራ ነጋዴ፤ ሐብት ማግበስበሱን በሰፊው ተያይዘውታል።

4. ቅሌት በሰፈነበት ቋንቋ፤ አቦይ ስብኃት፤ "ጳጳሶቹ አይረቡም" ያሉት ባንድ በኩል ትክክል ነው። ምንም እንኳ፤ ለአቡነ ጳውሎስ በሥልጣን የመባለግ ችግር አንደኛው ተጠያቂ እራሳቸው፤ አቦይ ስብኃት ቢሆኑም

አሁን ዋናው ጥያቄ፤ ምእመናን በራሳችን ሐብት፤ ጳጳሳት እንደዚህ ሲያላግጡብን፤ እስከ መቼ ድረስ ታግሰን እንቀጥላለን። እኛም ለእውነት ካልቆምን፤ እግዚአብሔርም ሊረዳን አይችልም።

በቃ ማለት አለብን!!!

Mekane Eyesus said...

በአፈ ታሪክ የሚገኝ ነገር አንዳንዴ ውድቀት ያስከትላል ምክንያቱም ትክክል ላይሆን ስለሚችል:: በአሁኑ ጊዜ በውጭው ዓለም ብንመጣ ቅሬተ አካል የሚረጋገጠው በDNA ምርመራ ነው:: እርሱም ቢሆን አንዳንዴ በተለያዩ ምክንያቶች (በእቃ መበላሸት : በሰው ስህተት : በመረጃ አሰባሰብ ወዘተ...) ትክክል ላይሆን ይችላል:: ነገ የሚመጣ ትውልድ እንመርምረው : በትክክል የእርሳቸው አጽም ነው? ቢልና የእርሳቸው ሆኖ ባይገኝ በቤተ ክርስቲያኗ ላይ ጥርጣሬን ይፈጥራል:: ስለዚህ ከማውራታችንና ከመጻፋችን በፊት የDNA ምርመራ ቢደረግለት መልካም ነው እላለው::

Anonymous said...

Dear DS,
the title of the new is good. But when I read the inside, it has little in it (Unclear). Does it mean that His holiness remains has been recovered? If yes, when? how was it confirmed that the remain is really His Holiness.

Dawit said...

ስለ አቡነ ጴጥሮስ አጽም ትተን ስለፈጸሙት ገድል ማሰቡ መልካም ነውና እንደጋሪ ፈረስ የፊታችንን መንገድ ብቻ አንመልከት፡፡ በምንም ይሁን በምን ስማቸው ተነስቷልና የፈጸሙትን የክርስትና ተጋድሎ ማሰብ መባረክ እንጂ እርግማን አይደለም፡፡ ኢአማኒአን እንደምታዝኑ እርግጥ ነው፡፡ መልካም ታሪክ ግን ከመቃብር በላይ ለትውልድ ሁሉ በደስታ ሲዘከር ይኖራል፡፡
ፃድቁን በጻድቁ ስም የሚያስብ የጻድቁን ዋጋ ይቀበላልና፡፡ ይህን ያደረገ እግዚአብሔር ምስጋና ለእርሱ ነው፡፡

Anonymous said...

MAY THE BLESSING OF THE SAINT BE WITH US

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)