July 28, 2011

“ማኅበረ ቅዱሳን የውይይት እና የምክክር ባሕሉን ይቀጥል” (ደጀ ሰላም)


(ደጀ ሰላም፤ ጁላይ 28/2011/ READ IN PDF):-  የዲ/ን ዳንኤል ክብረትን ጽሑፍ ካስነበበንበት ወቅት ጀምሮ ብዙ ደጀ ሰላማውያን እጅግ በጣም ገንቢ ሐሳቦችን፣ ምክሮችን እና ቁም ነገሮችን ለግሳችሁናል። ብዙዎቻችሁ በቤተ ክርስቲያን አገልግሎት “የዓይናችን ማረፊያ” ያላችሁትን የማኅበረ ቅዱሳንን “ገመና” እና መለያየቱን በአደባባይ ማቅረባችን ትልቅ ሐዘን እንደፈጠረባችሁ ገልጻችሁልናል። አንዳንዶቻችሁም በሥራችን መከፋታችሁንከፍተኛ ቁጭት እና ሐዘን እንደፈጠረባችሁ ደጀ ሰላም ተረድታለች

በጽሑፉ የተዘረዘሩ ቅሬታዎችና ተቃውሞዎች በውስጠ-ማኅበር ልዩነት ላይ የተወሰኑ መሆናቸውን በመገንዘብ፣ የማኅበሩ አባላትና ሌሎች አንባብያንም ልዩነቱ ውስጣዊ በመሆኑ ለአፈታቱ ዕድል እንዲሰጠው ማሳሰባቸውን በመቀበል፣ ደጀ ሰላምንና ማኅበረ ቅዱሳንን እንዲሁም ዲ/ን ዳንኤልን አምርረው የሚጠሉና የሚቃወሙ የፕሮቴስታንታዊ-ተሐድሶ-ኑፋቄ አራማጅ ብሎጎች ጽሑፉን ከዐውዱ ውጭ ላልተገባ ጥቅም ማዋላቸውን በመረዳት ጽሑፉ የወጣው የማ/ቅዱሳንንም ሆነ የፀሐፊውን የዲ/ን ዳንኤል ስምና ዝና እንዲሁም ያላቸውን ተቀባይነት ለመጉዳት ባለመሆኑ፣ ጽሑፉ በሌሎች እጅ እንደገባ ብናውቅም የዲ/ን ዳንኤል እና እርሱ አባል የሆነበት ማበር የሐሳብ ልዩነት ራሳቸው በሚያደርጉት ውይይት እንዲፈታ እንደምንፈልግ ለማሳየት ደጀ ሰላም ኤዲቶሪያል የዲያቆን ዳንኤል ክብረት ጽሑፍ ከጡመራው መድረክ ላይ እንዲነሣ ወስኗል፡፡


በአጠቃላይ ግን ይህንን ወቅታዊ ርዕሰ ጉዳይ በተመለከተ የተለያዩ ሐሳቦች እና አስተያየቶች በመሰንዘር ላይ ናቸው። የማኅበሩ የተለያዩ ማእከላት “አብዛኞቹ የማኅበሩ ሥራ አመራር ጉባኤ አባላት ተበድያለሁ ካለ አባል ጋር ወግነው አቤቱታ ሰሚ ሆነው አልተገኙም፤ ችግሩን ለመፍታት ያሳዩት ዳተኝነት አለመግባባቱን አባብሶታል፤ ዲ.ን ዳንኤልም ጥያቄውንና ቅሬታውን ለማኅበሩ መዋቅሮች በየደረጃው በማቅረብ እስኪፈታ መታገሥ ነበረበት፡፡ ጽሑፉ የማኅበሩን የውስጥ ችግሮች ለመፍታት በጀመርነው ጥረት ላይ አሉታዊ ተጽዕኖ የሚያሳድር ነው” ሲሉ ያስረዳሉ። የማኅበሩ አባላትና ሌሎች አስተያየት ሰጪዎች ደግሞ “ዲ.ን ዳንኤል ክብረት እንዲህ መጻፍ አልነበረበትም፤ ዲ.ን ሙሉጌታም ኀይለ ማርያምም እንዲህ መናገር አልነበረበትም፤ ሁለቱም ይፋዊ ይቅርታ ጠይቀው የተዘረዘሩት ውስጣዊ ችግሮች በማኅበሩ የውስጥ አሠራር መሠረት ይፈቱ፤ ዋና ጸሐፊው በሰጡት ቃለ ምልልስ ስለ ማኅበሩ አባላት ፖለቲካዊ ሱታፌና ሰንበት ት/ቤቶችን በተመለከተ የተጠቀሰው” ማብራሪያና ማረሚያ እንዲሰጥበት እንጠይቃለን” ይላሉ።

በተያያዘ መልኩ የፀረ-ተሐድሶ-ሰባክያን ጥምረት አባላት በበኩላቸው ዲ.ን ዳንኤል በጽሑፉ “አባቶች፣ የቤተ ክርስቲያን አስተዳደር፣ ሰባክያንና ሰንበት ት/ቤቶች አንድነት የፈጠሩበት የፀረ-ፕሮቴስታንታዊ-ተሐድሶ-ኑፋቄ እንቅስቃሴ ‹የማኅበረ ቅዱሳን ውስጣዊ ችግር ማስቀየሻ ስልት› ነው” ሲል በገለጸው ሐሳብ ላይ ማብራሪያና ማረሚያ እንዲሰጥ በጥብቅ ጠይቀዋል ተብሏል።

ይህ በእንዲህ እንዳለ የማኅበረ ቅዱሳን ሥራ አመራር ጉባኤ የማኅበሩ ዋና ጸሐፊ ዲ/ን ሙሉጌታ ኀይለ ማርያም ለ‹ዕንቊ› መጽሔት፣ አራተኛ ዓመት ቁጥር 46 እትም በሰጡት ቃለ ምልልስ ላይ በተነሡ አነጋጋሪ ነጥቦች መንሥኤነት ከአንድ ወር በፊት ተቀስቅሶ በቆየው አለመግባባት፣ ይህንንም ተከትሎ የማኅበሩ መሥራችና የቀድሞው የማኅበሩ የልማት ተቋማት አስተዳደር ማኔጂንግ ዳይሬክተር ዲያቆን ዳንኤል ክብረት በጽሑፍ አዘጋጅ ‹ዕንቊ› መጽሔትና ለደጀ ሰላም የጡመራ መድረክ በላከው አስተያየና ጽሑፉ በጡመራ መድረካችን ከወጣ በኋላ በተፈጠሩት ስሜቶች ዙሪያ ተወያይቷል፡፡

የማኅበሩ የቅርብ ምንጮች እንደሚያስረዱት የዲያቆን ዳንኤል ጽሑፍ በደጀ ሰላም ከመስተናገዱ በፊት ችግሩ በአስቸኳይ እንዲፈታ የሚያሳስቡ ጽሑፎች በተወሰኑ የማኅበሩ አባላት መካከል የኢ-ሜይል ልውውጥ ሲደረግባቸው ሰንብቷል፡፡ የዲያቆን ዳንኤል ጽሑፍ በደጀ ሰላም ከተስተናገደ በኋላ በርካታ የማኅበሩ አባላት “ጉዳዩ በሥራ አመራር ጉባኤውና በዋና ጸሐፊው የአካሄድ ችግር ባይዘገይ ኖሮ ጽሑፉ ወደ ውጭ አይወጣም ነበር” በማለት አመራሩን ለችግሩ ተባባሪ በማድረግ ሲወቅሱ ሌሎች ደግሞ “የዲያቆን ዳንኤል ክብረት የአስተያየት መነሻ ነጥቦች ግላዊ ናቸው” ከማለት ጀምሮ በማኅበሩ የውስጥ መዋቅሮች ያሉትንና አመራሩን ሊያስገድዱ የሚችሉ የቅሬታ ማቅረቢያ መድረኮችን አሟጦ እንዳልተጠቀመ በመጥቀስ በገመና ገላጭነት፣ በእከብር ባይነትና በውዳሴ ከንቱ ፍለጋ ይወቅሱታል፡፡ እንደነዚህ ወገኖች መረጃ ከሆነ የዲያቆን ዳንኤል ጽሑፍ በደጀ ሰላም ላይ መጦመሩና ማኅበሩን በሚከሱ ብሎጎች ላይ መታየቱ በግል ተነሣሽነታቸው የሥራ አመራሩንና የሥራ አስፈጻሚውን ጽ/ቤት በመጠየቅ ለመፍትሔ የተጉትን አባላትና ከስድስት የማያንሱ ማእከላት /ቅርንጫፎች/ በየበኩላቸው ዋናውን ጽ/ቤት በማሳሰብ ባደረጉት ጥረት ላይ “ውኃ የሚቸልስ፣ አንጀት የሚበጥስ” ነው ተብሏል፡፡

ሌሎች ጥቂት አባላት በበኩላቸውም “ማኅበረ ቅዱሳን የማይሳሳት፣ የማይተች አይነኬ እንዳልሆነ” በማብራራት መፈተሽ የሚገባቸው በዲያቆን ዳንኤል የተዘረዘሩት የማኅበሩ ድክመቶች ሐቀኝነት ብቻ እንደሆነ ይከራከራሉ፡፡ እኒህን ወገኖች ቅር የሚያሰኛቸው ግን ዲያቆን ዳንኤል የውስጠ - ማኅበር ልዩነቶችን እንዲህ በገሃድ ለማውጣት “ተገቢውን ጊዜ አለመጠበቁ” ነው። ቃለ ምልልሱ በመጽሔቱ ታትሞ ለንባብ ከበቃበት ቀን ጀምሮ በማኅበረ ቅዱሳን አባላት መካከል የተለያየ አቋም ተይዞ የሐሳብ ግብግብ እየተካሄደበት ይገኛል፡፡ ውይይቱና ክርክሩ በዋናነት በነገሩ ርግጠኛነት (Facticity) እና አግባብነት (Appropriatness) ዙሪያ ያጠነጠኑ ናቸው፡፡

ከሥራ አመራሩና ከሥራ አስፈጻሚው አባላት የተወሰኑቱ ዋና ጸሐፊው የተናገረው “ፋክት ነው” በሚል ሲሟገቱ የተቀሩት ደግሞ “የማናውቀው የአባልና አባልነት ቅጽ ተሞልቶ ካልሆነ በቀር ፋክት ለመሆኑ የምናረጋግጥበት ምንም ዐይነት ዳታ የለንም፤ ቢኖረንም ዋና ጸሐፊው ስለ አባላቱ ፖሊቲካዊ አቋም ይህን ዐይነቱን ፖሊቲካዊ ምልከታ ያለው ማስረገጫ /assertion/ መስጠት አይችልም” የሚሉ ይገኙበታል፡፡ ሌሎች ወገኖችም በገዥው ፓርቲ እንደሚባለው ከአውራ ፓርቲ ሥርዐት መገንባት እና በተቃዋሚው ወገን ደግሞ ጠቧል ከሚባለው ፖሊቲካዊ ምኅዳር ጋራ በማያያዝ ዋና ጸሐፊው “አብዛኛው የማኅበረ ቅዱሳን አባል የኢሕአዴግ አባልና ደጋፊ ነው” ቢል ስሕተት አይሆንም ባይ ናቸው የማኅበሩ አባላት የሕዝቡ አካል ከመሆናቸው አኳያ ያሉበትን ሥርዐት ጠቅላይ ባሕርይ በሌላ መጽሔት የሚያሳይ ወይም የሚያስረግጥ ዘይቤያዊ አገላለጽ አድርገው የቆጠሩትም አልታጡም፡፡ ሐዘኑ ግን “ፖሊቲካዊ አቋማችንን በውጭ ትተን መንፈሳዊ እና ማኅበራዊ አገልግሎት ለመስጠት ነው የተሰበሰብነው” ለሚሉት አባላቱ ማኅበሩ እንዲህ ያሉትን አወዛጋቢ ጉዳዮች በፍጥነት ለመፍታት የሚያስችል፣ ራሱን በውስጣዊ መዋቅሩ የሚያርምበት አስገዳጅ አሠራር የሌለው መምሰሉ ነው፡፡ በአንዳንዶች አነጋገር ደግሞ ማኅበሩ “የፓርቲዎች ልዩነት /በተለይም የገዥው ፓርቲ/ መናኸሪያ እንዲሆን” የተደገሰለት ይመስላል፡፡ 

ከቅርብ ምንጮች እንደተሰማው በዋና ጸሐፊው ቃለ ምልልስ “ሳናውቀውና በሌለንበት ፖሊቲካዊ ካምፕ ውስጥ ተፈርጀናል” የሚሉ አባላት ጉዳዩ በአመራሩ ላይ ያላቸውን አመኔታ የሚያጠፋ የሕገ ማኅበር ጥሰትና በተለይም በውጭ አገር በሚገኙ የማኅበሩ አባላት አገልግሎት ላይ ይፈጥረዋል ከሚባለው ጫና አኳያ ማኅበሩ አስቸኳይ ማብራሪያ /Clarification/ እንዲሰጥበት የሚሹ አባላት ግፊት ከዕለት ወደ ዕለት እየበረታ ነው ስድስት የማኅበሩ ማእከላት እና የዋናው ማእከል ሦስት ዋና ክፍሎች መደበኛ አገልጋዮች የሚመለከተው የዋናው ማእከል ጽ/ቤት በጉዳዩ ላይ ማብራሪያ ይሰጣቸው ዘንድ በደብዳቤ መጠየቃቸው ተሰምቷል፡፡ በአንጻሩ በጉዳዩ ላይ ማብራሪያ ይሁን ማረሚያ መስጠት “ላልታሰበ ከባድ ችግር ይዳርገናል” የሚሉ ተሟጋቾች “አቧራ ለማስነሣት ካልሆነ በቀር ጉዳዩን አጀንዳ ማድረግ አስፈላጊ አይደለም” የሚል አቋም መያዛቸው ተሰምቷል፡፡

በየ15 ቀኑ ታትሞ ለሚወጣው ‹ዕንቊ› መጽሔት በዋናነት በወቅታዊው የፕሮቴስታንታዊ-ተሐድሶ-ኑፋቄ ምንነት፣ ማኅበሩ ከኑፋቄው አደጋ አኳያ እያደረገ ስላለው የመከላከል እንቅስቃሴና እንቅስቃሴውን ተከትሎ ከተከሠቱት ተያያዥ ጉዳዮች አንጻር ምላሽ የሰጡት የማኅበረ ቅዱሳን ዋና ጸሐፊ በበኩላቸው፣ “ስለ ማኅበሩ አባላት ፖሊቲካዊ ሱታፌ የተናገርሁት በዐይነታዊ መረጃዎች /Qualitative facts/ ላይ ባለኝ ግንዛቤ የተመሠረተ ነው” በሚል ለሥራ አመራር ጉባኤው ማስረዳታቸውን የደረሰን መረጃ ይጠቁማል፡፡ “የዳንኤል እይታዎች” በተሰኘው የጡመራ መድረኩ የምናውቀውን ዲያቆን ዳንኤል ክብረትን ጨምሮ ስማችን በቃለ ምልልሱ ውስጥ አላግባብ /አሉታዊ በሆነ መንገድ/ ተጠቅሷል የሚሉትን የቀድሞው የማኅበሩ ሥራ አመራር አባልና አሁን በመ/ፓ/ጠ/ቤ/ክ የውጭ ግንኙነት መምሪያ ውስጥ በሓላፊነት የሚሠሩት ቀሲስ ሰሎሞን ሙሉጌታን ዋና ጸሐፊው በግላቸው በማነጋገር ቅሬታቸውን አዳምጠው እንዲፈቱ በሥራ አመራር ጉባኤው ታዝዘው እንደነበር ምንጮች ተናግረዋል፡፡

ይሁንና ዲያቆን ዳንኤል ክብረት ጁን 20/2011 በአድራሻ ለጡመራ መድረካችን በላከውና በጡመራ መድረካችን ላይ ተጦምሮ ለአጭር ጊዜ በቆየው ጽሑፉ ላይ እንዳመለከተው፣ ዋና ጸሐፊው የሥራ አመራር ጉባኤውን ትእዛዝ በተሟላ መንገድ ተግባራዊ አላደረጉም፤ ለውይይትም ፍላጎት አላሳዩም ተብለዋል፡፡ ዲያቆን ዳንኤል ራሱ በስልክ እንዳወያዩት የጠቀቸው የማኅበሩ ሰብሳቢም የዋና ጸሐፊው ቃለ ምልልስ ‹በይዘቱ አዎንታዊና ይህን ያህል አነጋጋሪ ሊሆን የማይገባ› የሚል አቋም መያዛቸውን ጠቅል፡፡ ይህም ስለ ራሱ ስለ ዲያቆን ዳንኤል ይሁን ስለ ማኅበሩ ዋና ፀሐፊው በአደባባይ ሠርተውታል ለሚለው ስሕተት በአደባባይ ማረሚያ ለመስጠት እንዳስገደደው ነበር በጽሑፉ ያስረዳው፡፡

የደጀ ሰላም ማጠቃለያ በዚህ ጉዳይ፦

ማኅበረ ቅዱሳን ሊመሰገንባቸው ከሚገባቸው ጠባያት መካከል የውይይት እና የምክክር ባሕሉ አንደኛው መሆኑን በየአገልግሎት ክፍሎቹ  ውስጥ እንዲሁም በመላው ዓለም በሚገኘው መዋቅሩ የሚያገለግሉ አባላቱ የሚያደርጉትን ጠንካራ የስብሰባ ዘይቤ የሚያውቁ ይመሰክራሉ። አባላቱ በአገልግሎት ላይ በሚነሱ አጀንዳዎች ዙሪያ በግልጽነት እና ፊት ለፊት በመወቃቀስ እና በመተራረም ላይ የተመረኮዘ ማኅበረ ቅዱሳናዊ የአገልግሎት ይትበሀል እንዳዳበሩ ይነገርላቸዋል። አሁን በዲ/ን ዳንኤል ፀሐፊነት በደጀ ሰላም ላይ የወጣው ሐተታ ይህንን የሥራ ይትበሀል እንደማያቀጭጨው እና በሌሎቹ ኢትዮጵያዊ ድርጅቶች ውስጥ የምናየው ዓይነት ሐሳብን የመፍራትና የመሸሽ፣ ሐሳብ አንጪዎችንም የማግሸሽ ጠባይ ይከሰታል ብለን አንገምትም። የማኅበሩ የውይይት እና የምክክር ባሕል ይቀጥል እንላለን።

56 comments:

Anonymous said...

Thanks to God!!! i'm soooooooooo happy. endih desss yemil zena selasemachihun EGZIABHER yestelen.

Anonymous said...

Imbetachin mariyam mahberachinin tebikilin bemiljash kemenafikan kekehadyan ketelat seytan sewresh indtebikin bemiljash

ገብረ ማርያም ዘጎንደር said...

እባካችሁ ውድ ወንድሞችና እህቶች ለበለጠው ነገር ብቻ እንቅና ለግላዊነትና ለማህበራዊነት አስተያየቶች ብዙ ቦታ ባይሰጣቸው ይሻላል። የአንድ ፖለቲካ አመራሮች በውስጣቸው ልዩነት ሲፈጠር የፖለቲካ ታርቲው አደጋ ላይ ይወድቃል እንደሚባለው በማህበረ ቅዱሳን የበላይ አመራሮች ላይ በተፈጠረው ያልተጋነነ ክፍተት ማህበሩ ሲመሰረት ጀምሮ በእግዚአብሔር ፍቃድ የያዘው ወረቃማ አላማ ይደናቀፋል ብላችሁ አትስጉ። ግለሰቦች ይቀያየራሉ እንጂ የአላማው ባለቤት ልዑል እግዚአብሔር ማናቸውንም ሰው አስነስቶ ያከናውነዋል። እኔ የማምነው ማህበረ ቅዱሳን በሚባለው ስም ሳይሆን የትኛውም ማህበር የትኛውም ስም ይያዝ ባለው አላማ ነው። እግዚአብሔር ማህበረ ቅዱሳንን ሆነ ሌሎች ማህበራትን የያዙትን በጎ ስራ ይባርክልን አጽራረ በተክርስትያንን ያስታግስልን ብለን አምርረን እንጸልይ!!!!!

Anonymous said...

I was very afraid of visiting dejeselam after I saw Dn. Daniel's tsihuf.But I am now very much pleased to hear this from u.

MY OPINIONS

1.Dn Daniel made mistake(as expected from any one who works hard) since this is not timely and will divert christians attempt towards tehadisos movement.
2. Problems within MK (All Orthodoxawyan as well) must have collision domain(be solved internally)
3. Dejeselam itself need to fight and deal peacefully with Dn Daniel on hosting this tsihuf on the Air thinking that it has bad and non productive sides.
4. I need both Mule and Dany do apologize for mistakes commited. (Be kusilachin lay homitate sayhon zeit mefses silalebet)
5. Last by no means the least,I tell to every Tewahidowiyan not to put all your hopes down as it is one of the greatest FETENA and even will come a bit harder in the future.
NIKUM BEBEHILAWENE

Yilak S.

Anonymous said...

egziabher yimesgen . . . Dingil mariyam yibelit tabertachu! dn.dani ke mahiberu ga sayihon ke ameraru ga mew gudayu.MK nin manim alisetegnim , manim kelibe ayawetawim bilual! Betam des yilal! Ebakachu esum hone manachum tasfelgalachu tenegageru PLZ! lelelaw menged atikifetu. Ahununu jemiru!!! LONG LIVE TO MK AND DN.DANIEL KIBRET! enwedachualen!!

Anonymous said...

To the first commentator,

You have to be sure on what for what and why you are trying to thank God. The Almighty God is the God of reason, He showed up his limitless mercy to the extent of crucifixion. We are called up on to resemble him. You have to make sure that you are thanking Him for the justified reason. You have to ask what the sira amerar is doing. They are doing mess after mess collectively, which shall be judged with members who need to situate themselves out of the camps of grouping. We need to pray, we need to come together, we need to discuss to whatever extent but only and only for the sake of the Mother Church.
Leave away your ......Come with cleansed heart.

Anonymous said...

Thanks DS!!!!!!!!!!!!!

Anonymous said...

Are you guys ignorant of what we are. Misunderstanding has been there even among the Sinod which is not a problem by its nature.
The comment by Daniel has nothing wrong according to the order of the church.

Its good news that we knew the strong arguemnt among members for the betterment of the servise otherwise all is expected as humans.

The most important now is the Ethiopian Orthodox Order and Tradition which is violated by some organized team. We should fight for this.

Brothers unless we are weak in christianity this letter (misunderstanding between Daniel and Mulugeta) must not be taken as problem.

Anonymous said...

`whoever causes one of these little ones who believe in me to stumble, it would be better for him that a huge millstone should be hung around his neck` Mathew 18*1-10

If we caused to stuble, we are little.

Lemessa said...

የዲ.ዳንኤልን ጽሑፍ አንብቤዋለሁ፡፡ ይህን ያህል አስደንጋጭና አይንህን ላፈር የሚያስብለው ሆኖ አላገኘሁትም፡፡ ለኔ ጥያቄው እነዚያ ዲ.ዳንኤል ያነሳቸው ችግሮች በትክክል አሉ ወይስ የተፈበረኩ ናቸው?የሚለው ነው፡፡ እነዚያ ችግሮች ካሉ ግን ለምን ተነሱ ብለን ያዙኝ ልቀቁኝ ማለት ያለብን አይመስለኝም፡፡ ይልቁንስ እነዚህን ውስጣዊ ችግሮቻችንን እንዴት እንፍታቸው ብለን መጨነቅ ሲገባን ችግሮቻችን ለምን ተሸፍነው አይኖሩም ማለቱ ለማህበሩም የወደፊት ጥንካሬ አይበጀውም፡፡ ከዚህ አንጻር ይህ ክስተት ማህበሩ ወደውስጡ እንዲመለከት የሚያስችለው ጥሩ አጋጣሚ ስለሆነ ያን ያህል ሰማይ የተደፋብን ያህል አድርገን መውሰድ የለብንም፡፡ ከሁሉም በላይ ደግሞ ሥራ አመራሩ ራሱን በደንብ ቢፈትሽ ሳይሻል አይቀርም የሚል እምነት አለኝ፡፡ ጥሩ አጋጣሚ ነው ባይ ነኝ፡፡

Anonymous said...

endegileseb chiger linor yichilal. Bemahiber dereja gin melkam huneta lay new yalut. Ahunm sihtet yalebet sew kale bewuyiyt yemayfeta yelemna beru lezih kift bidereg melkam new. Kirstna" kene yilk yeEgziabher alama yikdem" malet newna entages . Degmom kerasu antsar hulum tikil new. Sihtetu yemtayew bewengel mizan sitay new. SileEgziabher bilachihu yikr tebabilachihu agelglotachu besew fit yitay. Yemebetachin milija ayleyen AMEN.

123... said...

ለ ማህበረ ቅዱሳን አባላት፣ማህበሩን ለምታውቁት፣ባጠቃላይ ለ ተዋህዶ ልጆች ሁሉ ከ ግንዛቤ ማስገባት ያለብን ሰባት ጉዳዮች:-
፩ ድያቆን ዳንኤል ከማንም በላይ ወይንም አኩል ማኅበረ ቅዱሳንን ይወደዋል፣ያከብረዋል፣ያስብለታል፣
፪ ሃሳብ መስጠቱ በራሱ ችግር አደለም፣የ ሃሳብ አሰጣጡ መንገድ፣ቃላት አና የመረጠው ሚድያ ችግር ሊሆን ይችላል፣
፫ ማኅበረ ቅዱሳን መወያየት፣መከራከር፣ በ ፀሎት አምላክን መለመን፣በመቸረሻ ተላቅሶ ይቅርታ መጠያየቅ አስከዛሬ ማህበሩን ጠንካራ ሆኖ አንድዘልቅ ያረጉት ሀብታቱ ናቸው፣
፬ አቦ አቦ አየተባባሉ መሞካሸት በ ማህበሩ አሰራር ባህል የለም
፭ ዳንኤል በ ብሎጉ ይቅርታ ተይቁአል።(http://www.danielkibret.com/2011/07/blog-post_28.html)
፮ ዳንኤል በ ሚልዮን የሚቆጠር በጎ ሥራ ለቤተክርስትያን የሰራ ነው ዛሬ በ አቀራረብ አና ቃላት አመራረት አማካኝነት ተሳስቷል። ሚልዮን ጥሩ ሥራ ለሰራ ሰው ቢአንስ አንድ ሺ አደለም አንድ ይቅርታ ማረግ ለ አኔ አያቅተኝም።ይልቁን የ አሱን ስም ለማጥፋት አጋጣሚ ያገኙ የሚመስላቸው ሁሉ አፋቸውን አንድከፍጡበት አልፈልግም አኛም አድል አንስጣቸው አናስከፍታቸው አና
፮ የማህበሩ አባላትም ሆናችሁ የ ተዋህዶ ልጆች በሙሉ የበለጠ ለቤተክርስትያን አገልግሎት አንትጋ አንጂ ትልቅ ነገር አንደተፈጠረ አራሳችንን አናደናግጥ። ከ አዚህ የበለጠ ፈተና ገና ቢመጣ ምን ማረግ አለብኝ ብሎ አራስን በ ሞራልም በ ሃይማኖትም ማዘጋጀት ነው ትልቁ ቁም ነገር። አይዞን አይዟችሁ!!!!

Anonymous said...

Dejeselam , bemejemeria yenesta media higinina, yebetekristianin hig bemigeba meleyet yigebal...yebetekristian hig kenesta mediya hig belay newu...sirachihu melkam bihonim gin bizu marem yalebachihu neger ale...bemidrawi hig endatimeru eferalehu...yedaniel zina tilalachihu...betekristian wusit festimo silesewu zina aytasebim, manim zinan baskedeme balezinegnochinim badeneke gize hulet gize eyebedele newu...erasunim yemiyadenikewunim... Daniel ageligilot be egiziabher feit minim aydel, egiziabher erasun yemikedis enji yemifelig mech yeminager honena.

Anonymous said...

ውድ ደጀ ሰላሞች ስለ አገልግሎታችሁ ሁሉ እግዚአብሄር ዋጋችሁን ይክፈላችሁ! አስተዋይ ልቦናም ያድላችሁ!
በግሌ እንደ አንድ የማ/ቅ አባል የተሰማኝን መናገር ፈለግሁና ይችን ከተብሁ፡፡

አሁን የተፈጠረው ነገር ዝም ብለን እንድንተቻችበትና እንድንለያይበት ሳይሆን ያልታየንን እንድናይበት የበለጠ እንድንጠነክርበት መሆኑን መቀበል ያስፈልጋል፡፡ የውይይት ባህላችንንም የበለጠ የሚያዳብር አጋጣሚ ነው፡፡ በአደባባይ ብርታትንም ሆነ ድክመትን መነጋገር መፈራት ያለበትም አይመስለኝም፡፡ ያለንበትን ዘመን ማወቅ ይኖርብናል፡፡ ስለ ማ/ቅ( MK) በድፍረት ስንናገር፣ ስንጠየቅም ስንመልስ የነበረው እኮ ምንም የተደበቀ ነገር ስለሌለ ነው፡፡ የሚቻል ቢሆን እኮ ጠረፍ ላይ የማኅበሩን ዓላማ ዓላማየ ብሎ ለቤ/ክ አገልግሎት የሚወጣው የሚወርደው ፣ግቢ ጉባኤ ሆኖ በተስፋ ይህን የአገልግሎት ጉዞ የሚናፍቀውና ሌላውም…. ሁሉ ከስራ አመራር እኩል፣ ከእነዳንኤል እኩል ማኅበሩንና የማኅበሩን ጉዞና የእለት ከእለት እንቅስቃሴ ማወቅ ቢችል እሰየው ነው፡፡ ማስቻልም ይጠበቅብናል፡፡ የማኅበሩ ዓላማውም ፣ግብሩም የታወቀ፣ መንገዱ የሚታይ ስለሆነ!

ነገር ግን እንደ ማኅበር የውስጡን በውስጥ የደጁን በደጅ መነጋገር እንዳለብንም ግልጥ ነው፡፡ ሥርዓተ ማኅበርም ይህ ነውና፡፡ የብዙዎቻችን አስተያየትም ይህ ይመስለኛል፡፡ እኔም በዚህ ብስማማም ለሌሎች ወገኖቻችንም ሆኑ ለማይወግኑን ሁሉ ይህ ማኅበርና አባላቱ በዚህ አጋጣሚ ማስተማር የምንችለው እንዳለ ይሰማኛል፡፡ ይህም ስህተትን በመፍራት ሳይሆን ስህተትን በማረም (እርስ በርስም ጭምር በመተራረም)፣ አንድ ለየት ያለ ነገር በመጣ ቁጥር በመደናገጥና ኡኡታ በማብዛት ሳይሆን ነገሮችን በበጎ ጎናቸው ለማየት በመሞከርም መሆን አለበት፡፡

እንደ እኔ ማመንም ማሰብም ያለብን እንዴት ሰይጣን ይሄን “ችግር” ይጠቀምበት ይሆን; ብለን ሳይሆን እግዚአብሄር እንዴት ይህን ክስተት ለመልካም አገልግሎት ያውለው ይሆን; ያውለውማል ብለን መሆን አለበት፡፡ በዚህ አጋጣሚ እስኪ ይህን ማኅበር የማይወዱት ሁሉ ይማሩ! ስንጣላ እየታረቅን ፣ስንወድቅ እየተነሳን ፣አንድ ስንሆን ብዙ፣ ብዙ ስንሆን አንድ እየሆንን ማገልገላችንን ይወቁት! ክርስትናችንም አስተምህሮው ይሄው ነውና! ልክ ነው እነሱ እንደሚያውቁትና እንደሚያስቡት በሃሳብ የተለያዩ ግለሰቦችም ይሁኑ ማኅበራት እጣ ፈንታቸው መለያየት ፣በጠላትነት መፈራረጅ ሳይሆን አንዱ አንዱን እያረመው ሁለቱ ሃሳብ አንድ እየሆነ፣ ጠብና መለያየት የሚያመጣ የሚመስለው- አንድነትና ጥንካሬ እንደሚያመጣ እስኪ ይዩት እናሳያቸው፡…..ይሄ ደግሞ አሁን በአፍዓ ሲወጣ ለነሱ አዲስ ሊሆን ይችላል እንጂ ለማኅበሩና አባላቱ ግን የተለያየ ሃሳብ አንስቶ ሁሉን የሚያስማማው ተለይቶ መሄድ አዲስ አይደለም፡፡

በርግጠኝነት ዳኒና ሙሌም ያው በተለመደው በMK ልማድ መሰረት ፊት ለፊት በወንድሞቻቸው መካከል ተወያይተው በክርስቲያናዊው ይቅርታ መሰረት ለነበረው አለመግባባት ይቅር ተባብለው ሲላቀሱና ሲያላቅሱን እንደምናይ እምነቴ ነው፡፡ በስራ አመራሩም ላይ የተነሱት ቅሬታዎችና አስተያየቶች ጭምር በጥልቀት ታይተው አገልግሎታችንን አጠናክረን መቀጠል ይገባል፡፡ ግልፅ ዉይይት ባህላችን መሆን አለበት፤ እንዲሆንም መጣር ያስፈልጋል፡፡ ልማደ MK ም እንዳየነውና እንደሰማነው ይሄው ነውና ለእኔ ይበልጥ ደስ የሚለኝ ባህሉም MK በሌሎች ከመገምገሙና ከመታየቱ በፊት በራሱ አይን ራሱን ማየት የሚችል መሆኑ ነው፡፡

ሌላው እኔ እንደተሰማኝ ብዙዎቻችን ዲ/ን ዳንኤል ልክ እንደ እኛ እንደ ብዙዎቻችን የሚበሳጭ፣ የሚሳሳት፣ የሚነሳ ፣የሚወድቅ… መሆኑን የረሳንው መስሎ ተሰምቶኛል፡፡ እርሱ እንደ ሰውነቱ ጠንካራ ጎን እንዳለው ሁሉ ደካማም ጎን እንዳለው መታወቅ ያለበት ይመስለኛል፡፡ስለዚህ ስህተትም ይሁን ትክክል የጻፈውን ጽፏል፡ የተሰማውን ገልጧል በቃ!

በመጨረሻም ራሱ ዳኒ አንድ ወቅት በጦማሩ እንዳስነበበንና አጣልቶ የሚያፋቅር አለያይቶ የሚያጣብቅ ፍቅር ይስጣችሁ ተብሎ በአበው እንደሚመረቀው እኔም ይህንኑ ይስጠን እላለሁ፡፡
ረድኤተ እግዚአብሄር አይለየን፡፡
ዲ/ን ኃይለጊዮርጊስ
አባል

Anonymous said...

የአንዳንድ ሰው የዋህነት ይገርመኛል እንነጋገር ችግር ይቀረፍ ነው እኮ ያለው ዳንኤል ባሁኑ ሰአት ዝም ያለው ሁሉ በከፍተኛ ስሜት እየተነቃነቀ ነው እኮ ለመፍትሄ ችግሩን ለመቅረፍ። በዚህ ጉዳይ ዳንኤል ከሚደግፉ ሰዎች ግንባር ቀደሙ እኔ ነኝ። ማህበሩ ውስጥ ቀስ እያለ ሊቆለል የነበረው አንባገነንነትና መስመርን የመሳት እብጠት በሹል ነገር ተወግቶ ሲተነፍስ ነው የታየኝና ቁስሉን አክሞ ለማድረቅ ሁልህም ተሯሯጥ የሀገራችንን ከንቱ የማስታመም ባህል በመነጋገርና በግልጽነት እናክመው ማህበሩ ሲጀመር የነበሩት ፍቅር፣ መተሳሰብ፣ መደማመጥ ወደ ቦታቸው ይመለሱ። ገመና ገመና የሚለውን ዘፈን ትተን ዳንኤል ያነሳቸውን ነጥቦች ፈትሽን መፍትሄ መፈለግ ይሻላል። ተሀድሶዎቸ በዚህ እንዳትደስቱ ይልቁንም ልታዝኑ ይገባችሁዋል ማህበሩ የባሰ ጠንክሮ ይወጣል እንጂ ሚደክም እንዳይመስላችሁ ደጀሰላሞችም መአት አውሪዎች ብቻ አትሁኑ አንዳንዴ ጎላ ያሉ ጥሩ ዜናዎችንም አውጡ ለምሳሌ ስለአዋሳ ያንን ሁሉ ችግር ሰማን አሁን ስላሉት ነገሮችስ ብትነግሩን ምንአለ በጥሩ ዜናዎች የክርስቲያኖች ልብ እንደሚታደስ መቼም ታውቃላችሁ። በተረፈ በርቱ ዲ. ዳንኤልን ቃለሕየወት ያሰማልን።

Anonymous said...

ጥሩ ነው

Anonymous said...

+++I think, with this one, you are trying to clean the mess you have already allowed to happen recklessly posting that article from Daniel. Please note that this post doesn't help to fix the damage a bit rather is time wasting and frustrating. My suggestion is we stop this game right here and focus on the main problem, i.e., the tehadisos, together and let the brothers handle whatever problem they may have among themselves and very importantly internally. Let us not get distructed!!!
Lib yisten

Dawit said...

ሰዎች ከሌላው ፍጥረት የምንለይበት ትልቁና ዋነኛው ምክንያት የተፈጠርንበት መንገድና የአፈጣጠራችን ምክንያት ነው፡፡ ይህውም በእግዚአብሔር ዓምሳል መፈጠራችንና የተፈጠርነውም ዕርሱን ለማመስገን መሆኑ ነው፡፡ እንግዲህ በአንድ እምነትና ሀይማኖት ስንኖር ትርጉሙ በአምሳሉ የፈጠረንን አምላካችን እግዚአብሔርን ደስ በሚያሰኝው ሁሉ መልካምና በጎን በማድረግ እረሱን መስለን ለመኖር ነው፡፡ የቀደሙ አባቶቻችን ሕይወትም የሚያስተምረን ይህንኑ ነው፡፡ ይህ ነው እንግዲህ ትልቁ ቁምነገር፡፡ ማንነታችን የሚፈተንበት፡፡ ዛሬ የተፈጠረውን ችግር የምናይበት የክርስትና አይናችን ምን ይመስላል፡፡ ትናንት እነርሱ ይን አደረጉ፡፡ ዛሬ ደግሞ እኛ በአደባባይ ስለስተታቸው የመሰለንን የተረዳንውን ያህል ትንታኔ (አናሊስስ) እየሰጠን ነው፡፡ አንድ ነገር ግን እንረዳ፡፡ እሱም ከእግዚአብሔር ውጪ ፈጹም ማንም የለም፡፡ ይህ ከሆነ ሁለቱም በሰጡት የጽሁፍ መረጃ ላይ ተመስርቶ እኔ የዳንኤል ነኝ እኔ ደግሞ የሙሉጌታ ሚለው የኛ ሀሳብ በሁለቱ ምክንያት ከተፈጠረው መነጋገሪ አጀንዳ ይልቅ የከፋ ነው ብዬ አስባለው፡፡ እናም ይህን የማይጠቅም ክርክር ከመሀላችን ልናርቅ ይገባል ብዬ አምናለው፡፡ ምክንያቱም የቤተክርስቲን ፈተና ብዙ ነውና ስራችንም ሆነ የትኩረት አቅጣጫችን ሌላ ነውና፡፡ ሁላችንም የእግዚአብሔር ልጆች ነን፡፡ ይህንን ማንም አይነጥቀንም፡፡ እኛ ካለቀቅነው፡፡ ለተፈጠረው ችግር መፍትሔው በመንፈስ ቅዱስ አጋዥነት በንጹህ መተሳሰብና ፍቅር በህብረት መቆም ነው፡፡ የክርስትና ሕይወት መንገዱም ይህ ነው፡፡ ክርስቲያናዊ አንድነታችን እንዲሁም ለቤተክርስቲያን አገልግሎት ያሰለፈን ማህበራችን ማህበረ ቅዱሳን ዛሬም ነገም እውነት ነው፡፡ ጠባቂውም መዳህኒታችን ኢየሱስ ክርስቶስ ነው፡፡ የእውነት ባለቤት እርሱ ስለሆነ፡፡
ለኔ ግን የተፈጠረው ችግር አንድ ነገር አሳሰበኝ፡፡ አምላካችን መድሃኒታችን ኢየሱስ ክርስቶስ ዛሬም እንደቀደሙት አባቶቻችን ከኛ ጋር እንዳለ ተረዳሁበት፡፡ እርሱ የወደደውንና ያመነውን ይፈትነዋልና፡፡ እንግዲህ ለአምላካችን ለእግዚአብሔር የምናቀርበው የፍቅር መለኪያ ምን ይሆን፡፡ በበደልና በሃጢያት ስንኖር ስንበድለውና ስናሳዝነው እርሱ ግን እስከሞት ወደደን፡፡ እንግዲህ ታዲያ እኛ ማን ነን እንበል፡፡ በአንድ እምነትና ሀይማኖት ስንኖር ክርስቶስን ለብሰናል እርሱም በእኛ አለ ስንል ስለማን ሕይወት ይሆን የምናወራው፡፡ እንግዲህ እነቅዱስ እስጢፋኖስ አደልም ለመንድሞቻቸው በዚያ በስቃይ ሰዓት መከራ ላበዙባቸው መገኖቻቸው የተናገሩት ከጌታቸው የተማሩትን መልካም ቃል ነበር፡፡ አሱም የሚያረጉትን አያውቁምና ይቅር በላቸው የሚለው ቃል ነበር፡፡ ማን ይሆን እንግዲህ ዛሬ ፈተናውን የሚያልፈው፡፡ ማነ ነው ዛሬ ስለ ወንድሙ የሚያለቅስ፡፡ ክርስትና እንደወርቅ በእሳት ካልተፈተነ ምኑን ክርስትና ሆነው፡፡ በሰማእትነት ያለፍ አባቶቻችንን እንመልከት፡፡ ስለመልካም ስራቸው የመጣባቸውን ፈተና በአንዲት እምነታቸው ጸንተው በፍቅር አልፈዋልና፡፡ ፍቅር የማይገዛው ምነም ነገር የለም፡፡ መድሃኒታችን ክርስቶስን የሰው ልጆች ፍቅር ነበር ከመንበሩ የሳበው፡፡ እንንቃ የእግዚአብሄር ቃል ዛሬም ጆሮ ያለው ይስማ ይለናል፡፡
ዕስከሞት ድረስ ባፈቀረንና በወደደን በመዳህኒታችን በኢየሱስ ክርስቶስ ስም አንድነታችንና ፍቅራችን ፉጹም ይሁን፡፡ ዳንኤልም ሙሉጌታም ወንድሞቻችን ናቸው፡፡ የማህበረ ቅዱሳን አባልም ናቸው፡፡ ዛሬም እንደትናንቱ ያገለግሉናል፡፡ በእግዚአብሔር ቤት መሸነፍ የለምና፡፡ እርሱ አምላካችን ሁሉን አሸንፏልና፡፡ መለያየት የዳቢሎስ ስራ ነው፡፡ ቡድን መያዝም እንዲሁ፡፡
ክፍ ነገር ከማህበራችን ማህበረ ቅዱሳን ይራቅ፡፡ ፍቅርና መላካም ማድረግ ግብራችን ይሁን፡፡
ወስብሃት ለእግዚአብሔር

Man yazewal said...

ባልዘፈንሽ ባላፈርሽ እንዲሉ በአሁኑ ሰዓት ስለቤተ ክርስቲያናችን ትክክለኛ መረጃን በመስጠት ተወዳጅነትን ያተረፍሽ ደጀ ሰላም በአምስተኛ አመትሽ ላይ በእንደዚህ ዓይነት ሁኔታ ወርደሽ መገኘትሽ አሳዝኖኛል። መርዶም ሆነ ደስታ የሚነገረው በወዳጅ እንጂ በጠላት አይደለም። ቀድሞውንም ጽሁፉን ባላወጣሽ ካወጣሽ በኃላ ባላወረድሽ ያምርብሽ ነበረ። ምን ያስደንቃል የሲኖዶሱን ችግር ስታስታውቂ አልነበረም። ያኔ እኮ ምንም አይመስለሽም ነበረ። በእርግጥ ማሕበረ ቅዱሳን ለእንደዚህ ዓይነት ችግር ይጋለጣል ብሎ ማንም አይጠብቅም።
ዲን ዳንኤልም እንዳለው እንደማይሆን ዕርግጠኛ ነኝ በዲ ዳንኤል ላይ ጹሁፍ ብዙ ስሕተት ይታያል። ዳንኤል እስከዛሬ ድረስ ብዙ ግሩም ጽሁፍ አስነብቦናል። የዛሬው ግን ባዶ ነው እኔ በራሴ የዳንኤል ታሪካዊ ስህተት ሳያንስ ደጀ ሰላም ታሪካዊ ስህተትን ሰርታለች።
መቼም ደስታ ለመስማት አልታደልንም መርዶውንም ሰምተን በዚሁ በደጀ ሰላማችን ጸበል ጸዲቁን እየቀመስን በቤት ክርስቲያን ልጆች ገንቢ አስተያየ በተመከርን በተጽናናን በተወያየን ነበረ። ዛሬ ግን የጀመርሽውን ነገር የቤተ ክርስቲያንን አንድነትን የማኅበሩን ሕልውና በማይፈልጉ ቤቶች ሄደን ለመስማት ተገደድን። ቀላወጥን ቀላዋጭ አያምርበትም ። ለመነጋገር ብንፈልግም ሙሉ ልብ አልነበረንም። የሚበላና የሚጣጣ አቀረቡልን መርዝ ይኖረዋል ብለን ተጠራጠርን። አላማቸው ቤተ ክርስቲያንን ለማፍረስ አጥር የሆነውን ማሕበረ ቅዱሳንን ቢቻላቸው መናድ ባይቻላቸው መነቅነቅ በመሆኑ ዕልል ሲሉ በጡመራ መድረካቸው አገኝናቸው። አንገታችንን ደፋን አለቀስን አንጀታችን ተላጠ። ቀድሞ በሙሉ ስሙ ለመጥራት እንኳን የማይፈልጉን ይጠሉት የነበሩትን ዲዳንኤል ከነማዕረጉ አንጋፋው መሥራቹ እያሉ ከፍ አደረጉት። ባንቺ ለመወያየት እንድል ያላገኙ በባዕድ ቤት ሄደው ተነፈሱ። እንባቸውንም አፈሰሱ። የሚያጽናን የሚያረጋጉ አልነበሩም አንጀት የሚልጡ ብሎጎች ሆነው ተገኙ።ዛሬ ግን ተስፋ ይዛች ይመጣሽ ይመስለኛል።
ዛሬ ከስተትሽ ራስሽን ለማረም ቀና ብለሻል። ርዕሱን ወድጀዋለሁ በዘገባሽ ግን አሁንም ቢሆን የምለው አለ። ታላቅ የሆነውን የማሕበሩን ዓላማ ከግለሰቦች ፍላጎት ጋር አታወዳድሪው።
እግዚአብሔር ቤተ ክርስቲያናችንን ይጠብቅልን።

Anonymous said...

I am sure there are many comments waiting for your approval.you must be evaluating comments if they are relevant and constructive. It is the right thing. BUT, YOU DIDN'T TAKE THE SAME STEP WHEN YOU RUSH TO POST Daniel's claims.

Anonymous said...

የማህበረ ቅዱሳን ገበና ከቅዱስ ሲኖዶስ ገበና ይልቅ እንዲህ ያንገበገበን ለምንድን ነው? በስም የምናውቃቸው የማህበሩ አባላትስ በፌስ ቡክ ነገሩን ለማብረድ ምን እያደረጉ ነው? ሌላ ነውር እየሰሩ አይደለምን ቅዱሳት መጻሕፍትንና የአባቶችን ጽሑፎች እየጠቀሱ የሚጻጻፉት ምንድን ነው? የእግዚአብሔርን ቃል ችግር ለመፈቻ እንጂ ነገር ለማራገቢያ መጠቀም ኃጢያት ነው። እባካችሁ በየፌስ ቡካችሁ የከፈታችሁትን ይበልጥ አደናጋሪና ከፋፋይ አስተያየቶቻችሁን ሰብስቡ። የቻለ ወደእልፍኙ ይግባና ደጁን ዘግቶ ይጸልይ።

Anonymous said...

Dear all,

We all are looking all things from religious point of view not spiritual. I had a chance to read Dn Daniel's idea. I was so amazed by all his ideas that he was trying to make something like formality, procedures , policies, strategies.. common words for doing a certain business. Again I was so surprised that MK do not have all these Policies and strategies...bla,bla and yet doing relatively a very good job.

I like the preaching way of Dn. Daniel. But I can ask him a number of questions from his preaching related to the way he was describing all on his complains. Dn.Danile was not write to make all the stuff public and of course DS also not write to post.



Please try to see all from spirituality point of view then we can solve problems.

DS please read before you post all the letters you might get from any one.

Anonymous said...

I got this comment from Dn. Daniel's blog and I like it:
ወንድማችን መቸስ ሰው ነህና አበጀህ ፣ ደግ አደረግህ ፣ ጎበዝ ፣ ጀግና መባልን መፈለግህ እንግዳ ነገር አይደለም ፤ ቢሆንም አንዳንዴ ደግሞ ይህን ብታስተካክል ፣ እንዲህ ብታደርግ መባልንም አትጥላ ፤ ምክንያቱም የምትፈልገውን ሙገሳ እንኳ ቢጨምርልህ እንጅ አይጎዳህምና። በጣም አሳዛኙ ስህተትህ አንዳንድ ተሳቢዎችህ ካስቀመጡህ የማይገባ ቦታ ለመውረድ አለመፈለግህ ነው። ለመሆኑ ብትሳሳት ችግር አለው እንዴ? እንኳን በሃይማኖት መንገድ የቆመና ፈተና የሚበዛበት ሰው ይቅርና ሌላውስ ሁሉ ስህተት የሚስማማው አይደለም እንዴ? ተመልከት እስቲ ለእግዚአብሔር አምላክ ቤተ መቅደስ የሰራ ፣ ሁለት ጊዜ ያህል እግዚአብሔር የተገለጠለት የእግዚአብሔር ሰው ሰሎሞን ፤ ከዚህ ሁሉ በኋላ አምላኩን ክዶ ጣዖት አላመለከም እንዴ? ለሐዋሪያነት የተመረጠ ፣ የወልደ እግዚአብሔርን ማንነት በሚገባ ስለመናገሩ የተመሰከረለት ስምኦን ጴጥሮስስ አልካደም እንዴ? ለመሆኑ አንተ ከእነዚህ ታናሽ ስትሆን ፤ ጥቂት ነገር ልትሳሳት እንደምትችል እንኳ ለምን ዘነጋህ? በአንድ ወገን አላጠፋሁም እያልክ በአንድ በኩል ደግሞ ይቅርታ ማለትህ ምን ማለትህ ይሆን? አሁንም ድረስ ለራስህ ጥብቅና ስለመቆምህ የሚያሳብቅብህን እና እኔ እንዲህ አስቤ ፣ እኔ እንዲህ ተናግሬ ፣ እኔ እንዲህ ሰርቼ እያልክ በሞላኽው በዚህ ጽሑፍህ እንኳ ምን ያህል መሳሳትህን አትረዳምን? ደግሞስ እኔ ስለተነካሁ አይደለም ይህን መጻፌ ማለትህ ፤ ቀድሞውኑ ነገር ስሜ ያላግባብ ተነሳ ብለህ ቅሬታህን ባደባባይ የገለጽከው አንተ አይደለህም እንዴ? መቸም ስለ ስምህ ባስጨነቀህ መግለጫ ላይ ዐቢይ ጉዳይ የነበረው የተሃድሶዎች ጉዳይ በሚገባ አልተገለጸም ብለህ እንዳይደለ የአደባባይ ሐቅ ነው። እናም ወንድሜ አስተውል ፣ አስተውል ፣ አስተውል!

Anonymous said...

minew betam abezachihut, sile bet kihnet ena sele sinodos sitsaf yet neberachihu? ewnetun eko new yetsafew, lemin begudayochu lay kemenegager yilq asalefo mestet, magalet, adega, telalachihu. wode gedelew gibu. daniel yanesachew gudayoch tikikil nachew woyis ayidelum? teyaqew yehe bicha new. period.

Anonymous said...

እኔ ራሴ የማኅበረ ቅዱሳን ነባር አባል ነኝ፡፡ ነገር ግን የሚሰጡትን አስተያየቶች ሳነብ በብዙዎቹ አስተያየት ሰጪዎች አስተሳሰብ እያፈርኩ ነው፡፡ ፍጹም ትችትን ለመቀበል ዝግጁ አለመሆናችንን ለዚያውም በራሳችን አባል ስንተች፡፡ እራሳችንን እንደፈጹም እየቆጠርን ነው ወይ? አሁንም እባካችሁን ወደ እና አባ”ሰረቀ” እና ግብረአበሮቹ ብቻ ማተኮራችንን ትተን ወደ ችግራችን/ወደውስጣችንም/ እንመልከት፡፡ ቸር ወሬ ያሰማን!!!

Anonymous said...

ዲ. ዳንኤል ለዚህ ክብር ያበቃህ እግዚአብሔርና ይህ ማኅበር ነበር፡፡
ለወንድሞች በሙሉ፤ በማኅበሩ አገልግሎት ብዙ ወንደሞች አልፈዋል፡፡ ምንም እንኳ እግዚአብሔር ቢያውቃቸውም እንደ ዲ. ዳንኤል ሰው ሳያውቃቸው ሰው አንቱ ሳይላቸው በወቀቱ እግዚአብሔርን አገልገለዋ አልፈዋ አሁንም እያገለገሉ ነው፡፡ በእውነት ስማቸው እና ዝናቸው አለመታወቁ ዛሬ እንደወንድማችን ፈተና እንዳይሆንባቸው እግዚአብሔር እርሱ በአወቀ ከልሏቸዋል፡፡ ማኅበረ ቅዱሳን ማንም ይጀምረው ማንም እዚህ ያድረሰው እግዚአበሔር በፈቀደ ለቤተክርስቲያናችን በአቅማችን የምንችለውን እንድናበረክት እረድቶናል፡ ይረዳናልም፡፡ እርግጥ. ዲ. ዳንኤል እንደ እኛ ደካማ ሰው ስለሆነ ድሮ ጥሩ ሰረቶ ከነበረ ዛሬ ቢደክምም እግዚብሔር እንዲረዳው እየጸለይን እርሱ ድሮ ያሰተማረንን የጸናውን እያሰብን መጓዝ ይገባናል እንጂ ሊገርመን አይገባም፡፡ እርሱ ከሌላ አለተፈጠረ፡፡ ያው እንደኛ ከአፈር ነው የተፈጠረው፡፡

ለማኅበረ ቅዱሳን አበላት፡
ማኅበሩ እርሱ ከዚህ በፊት እንደተናገረው አሉባለታ ጦሩ ነው፡፡ ልዩ የሚያደርገው ዛሬ በእርሱ መነገሩ ነው፤ ወንድሞች ስህተት አይኖርም አንልም ግን ስህተት ቢኖር፡ በፍልስፍና ሳይሆን በቃለ እግዚአብሔር፡ በጡመራ ሳይኖን በወንድማዊ ምክክር፡ በትዕቢት ሳይሆን በትህትና፤ በቃል ሳይሆን በምግባር፤ በስሜት ሳይሆን በእርጋታ፤ እንደ እሳት በብዙ መከራ እያገለገሉ ያሉ ወንድሞች እና እህቶች፤ በአባቶች ምክርና ጸሎት በመታገዝ ይፈቱታል፡፡ እንደ እኔ እንደ ማኅበሩ አባልነቴ ይህ አሉባልታ ቦታ አልሰጠውም፡፡ ጊዜው ስደርስ እንደ ደረጃየ መስማሰት በሚገባኝ ሰአት እሰማለሁ ለመፍትሄውም የደርሻይን እወጣለሁ፡፡

ለዲ. ዳንኤል
ለወንድሜ ግን የምነገር ቁም ነገሮች አሉ፡፡ 1) በመጀመሪያ ነገሮችን መነጣጠል ተስኖሃል፡፡ የሚገረመው የምታደርጋቸው ነገሮች እራስህ ከዚህ በፊት የተናገርካቸውንና የጻፍካቸውን የሚያፈርሱ ናቸው፡፡
2) ብትችል፡፡ ከመናገር መስማት መስማት መስማት ብትጀምር፡፡ አንተ ስለሁሉም አወቂ ሆንክና አላዋቂነትህነ እረሳህ፡፡ የሰው ሁሉ አፉ ትልቅ ጀሮው ትንሽ ነው እያልክ ስታስተምር ምናው ያንተን ጀሮ ትልቅ ማድረግ አቃተህ፡፡ በርግጥ ምን ታደርግ፤ የእኛም ፍቅር ቅጥ የለው፡ አቦ አቦ ብለን ለዚህ ያበቀንህ እኛ ነን፡፡፡ ግን ሞኝ አትሁን፤ ስም አጠራር ይረሳል…..አስተውል፡፡
3) ቢያንስ ካንተ ብዙሃኑ የተሻለ እንደሚያስብ ለምን ማሰብ አቃተህ፡፡ አንተ ብቻ ትክክል እንደሆንክ ያረጋገጠልህ ማነው፡፡ እኔ ግን በጣም እየፈራሁልህ ነው፡፡ በእውነት በመንፈስ ጀምረህ በሥጋ እንዳትጨርስ፡፡ ከአወቀክበት አሁን አንተ የምትናገርበት ጊዜ ሳይሆን የመትሰማበት ይሁን፡፡፡ እግዚአብሔር ይርዳህ፡፡
ምንም አይነት ምክንያት ስጠው፡፡ አሁን እያደረክ ያለው ነገር፡፡ በጣም ጠማማ ነው፡፡ ይህን ደግሞ ሳታውቅ ቀርተህ አይደልም፡፡ ግን ክፉ እልከኛ ነህ፡፡ ደግሞ ጠማማ ሃሰብ ያለው መውደቁ አይቀርም፡፡ እግዚአብሔር የርዳህ፡፡

Anonymous said...

የሆነው ሆኗል።ሰውን ሲወዱ ከነኮተቱ ነው ይባል የለ። ጉዳዩ የሁላችንም ነው።አንድ በጎ ያደረጉ መሪን በመደገፍ የተሰበሰበውን በርካታ ህዝብ የተመለከተ ሰው ተገርሞ ይህን ያህል ሰው እርስዎን ለመደገፍ በመሰብሰቡ ምን ይሰማዎታል ቢላቸው፤ ምንም አይሰማኝም፤ መጥፎ ስራ ብሠራ ከዚህ ሶስት እጥፍ ህዝብ ይሰብሰባል አሉ ይባላል። እናም ዳኒ እዚ ደረጃ እንድትደርስ ከረዱህ ሰዎች ይልቅ አሁን ውድቀትን የሚያፋጥኑ ይባዛሉና፤ መጀመሪያ ለራስህ ፤ከዚያም ለኛ ስትል መለስ ዘንበል በል። ምንም ከአንተ ባናውቅም በዓይኖች በጆሮዎች በጭንቅላቶች ብዛት ብዙሃኑ የበልጥሃል።

Anonymous said...

First of all i appreciate your efforts to report our church matters day by day, saying this i want to comment on the issue posted above both of them should apologize all members and followers of z church for their confusing and immature opinions. on the other hand one can understand that this a very hardship time to our church thru Aba Pawlos's administration, many insiders and sympathizers of Tehadeso r taking positions in our church including Kesis Solomon Mulugeta(this man has done many towards this end) and finally he became employee of 'Bete kihnet thru Ejigayehu & Aba Pawlos.. time hinders me to list all what he did now but its time will come on due course then i will reveal all what he has done against our church in Dubai.... Ohhhhhhhhh God remember our church and save her from such hardships and challenges...

God bless u all Amen!!!!!!!

Anonymous said...

You said editorial ? and promoted ...

Thank you so much and good bye.

God will clear everything not You, Dn Daniel or MK - only God - Yekidusan Amlak.

selamawi said...

በስመ ስላሴ አሃዱ አምላክ አሜን

ዲያቆን ዳንኤል ያቀረበው ነገር ብዙ የሚያነጋግር አይመስለኝም ያቀረበው ደግሞ ከበቂ ማስረጃ ጋር ነው ታዲያ ለምንድነው እሱን የምንቃወመው ? እንደውም በጣም ልናደንቀው ነው የሚገባው ያንዳንዶቻችን አስተያየት ጭፍንነት የተሞላው ነው ይልቅ እስቲ ዲያቆን ዳንኤል ያነሳቸውን ነጥቦች አስተውለን እንመልከታቸው? ማ/ቅዱሳን ከቤ/ክ ይበልጣል ? ዲያቆን ዳንኤል እኮ ያለው ይህንን ነው ቤተክርስቲያን ስትነካ ዝም እንላለን ማህበሩ ሲነካ ግን እንጮሃለን ለምን ? ቤተክርስቲያን ከሌለች እኮ ማህበሩ የለም ይህንን ልንገነዘብ ያስፈልጋል አሁን ሁላችን የምናሽቃብጥ ሁላ ከዲያቆን ዳንኤል የበለጠ ለማ/ቅ አሳቢ ሆነን ነው ? ስለዚህ አመራሩ እየሰራ ያለው ስህተት ሊታረም ይገባዋል እላለሁ

Anonymous said...

dn. daniel is a man, st. James tele us that elias was a man. what it means? he become nervous, he ,made mistakes and he can rise up again. Dn. Daniel is a man. he may be nervous, but correct. he become forward and put his comments about his own mahiber. didn't we know that St. Paul comment st. Peter? is mahibere kidusan more than st. peter? come on men.

let us discuss the issues, not the method of presentations. When all of us get in to our hearts, we may be appreciate this problems.

Derese, Minnesota

BELAY said...

ትዕቢት ጸሩ ለክርስቶስ
የጻፍከው ጽሁፍ ከትህትና ያራቀ ነው። እንደ አንድ ደራሲ ባለሙያ ያለህ ቢሆን ምንም ባልተባልክ ነበረ። አንተ ክን በጨለማ ላሉት ብርሃን የተሰበረውን ጠጋኝ ያዘነውን አጽናኝ ነበረክ ዛሬ ግን የብዙ ሰዎችን ልብ በኃዘን እንዲሰበር አደረግህ ችግሮች የሉም አይባልም ችግሮችን ገን ከመፍታት ይልቅ አባባስካቸው። የገነባህውን ናድከው
ያነጽከውን አፈረስከው። ላሳዘንኮችሁ ሁሉ የሚለው ጽሁፍህ አሁንም የሚያሳየው እልኽኝነትህን ነው። ይቅርታ ጠይቄያለሁ እንዳትል የጤና አይመስለኝም። ከወንድሞችህና ከአባቶች ጋር ቶሎ ብልህ ተመካከር ከኔ በላይ ማን አለ አትበል እንዳንተ ላይጽፉ ይችሉ ይሆናል እንዳንተ ላይናገሩ ይችሉ ይሆናል አርምሞቸው ግን ያስተምርሃል።

ቀደም ባለው ጊዜ ታላቁ የቅኔ ባለሙያ ወልደሩፋኤል ወጣት ሳለ ያለሆነ ነገር እያደረገ በመገኘቱ ጊዜው መልካም
ነበረና ጉዳዩ ፓትርያርክ አቡነ ቴዎፍሎስ ጋር ይደርሳል። ከዚያ በፊት ነገሩ እሳቸው ጋር ከመድረሱ በፊት መክረወታል ዘክረውታል ይሁን እንጂ በአሁን ሰዓት አርምሞን የመረጠው የመሰለው ወልደሩፋኤል ያኔ ለምክሩ ቦታ አልሰጠም ነበረና እኛ እኮ የወልደ ሩፋኤልን የምንፈልገው ጭንቅላቱን ነው አሉ ይባላል። እኛ ግን ያንተን የምንፈለገው ከጭንቅላትህ የሚወጣን ቁም ነገር ባቻ ሳይሆን ሕይወትህን ጭምር ነው። የተቀደሰውን ማሕበረ ቅዱሳን ዓለማ ከግብ ለማድርስ ምንም እንዳንተ በሰው ዘንድ አይታወቁ እንጂ በየበረሃው በየገጠሩ በየጠረፉ
ስንቶች መስዋዕትነትን ከፍለዋል። እየከፈሉም ይገኛሉ። እነዚህን ማሰብ ያስፈልጋል።የማኅበሩን የሥራ ሂደት ለምን ተቸህ አይባልም ማኅበሩ የሚታወቀው ይሄን ሰራው ብሎ በማውራት ሳይሆን በሂስ መሰጣጣት እንደሆነ ያታወቀ ነው። አንተ ግን የሄድክበት አካሄድ ያለ ያልከውን ችግር ለመፍታት ሳይሆን አደጋ ለመፍጠር ነው። በጽሁፍህ የሚታየው ቂም በቀል ላይ ያነጣጠረ ነው። በሬውን ወስዶ ገመዱን የሰረኩት እንዳለው ሰው ንስሃ እንዳይሆን የጻፍከው አስብበት አሁንም ለኤልዛቤል ጊዜ ሰጠሆት እንደተባለው እውነተኛ ይቅርታ ለመጠየቅ ጌዜ አለህና ንስሃ ግባ። አክባሪህ ወንድምህ ነኝ።

Anonymous said...

+++
እከደከ ሰይጣን(ጠበቅ ተደርጎ ይነበብ)

በአንድ ወቅት ጌታችን መድኃኔታችን ሰለ ነገረ ሞቱ ሐዋርያትን ሲያስተምር ሰይጣን የቅዱስ ጴጥሮስን አንደበት ለሰከንድ ተዋሰ እና ጌታ ሆይ ይስ አይሁንብህ ሲል ጌታችን ጋልቦ ያናገረውን ሰይጣንም ሂድ አንት ሰይጣን ብሎታል::ሰይጣኑም አፍሮ በኖአል:: ቅዱስ ጴጥሮስም ከዚያ በኋላ ምስጢር ተገልጾለታል::

እግዚአብሔር የስጋውን ልብ ይስጠን::

Anonymous said...

Here you go.......Dejeselam yeMahibere Kidusan mehonewan asawekachihun.

Anonymous said...

Dear Dejesalam,

Tsehufun yaweredachihubet mikiniyat alasamenegnem. I thought your are fair on any information. Why don't you feel like this when you post a lot about our church and our fathers......but you feel about Dn. Daniel and MK......Not fair for me.

Eweneten beteyezu tiru new, tedemachenetem tagegnalachihu.

Anonymous said...

I am a member of mk dn . daniel did got job because so many times i was looking the problem of us

Anonymous said...

አፍቃሪ ማህበር ናቸው የሚባለው ሁሉ ግልጽ ሆነባችሁ አሳፋሪ ነው። በእውነት ያለ ስህተት ሲነገር እንዲህ መንጨርጨር ያሳዝናል ይልቅ ለእርምቱ ብትሰሩ ይሻላል ለማህበራችሁ እንዲህ ከምትንጨረጨሩ ስለቤተክርስቲያን አልቅሱ።

Anonymous said...

MK kids grow up. I was a member of MK. To be honest, I was one of the students who went BLATEN MILITARY CAMP, where we used to go MORICHO MICHAEL. But I prefer to be called member of Ethiopian orthodox Tewahdo church than MK. It is now became a big organization (company) which money is involved that it is diverted from its original goal. To be supportive of our fathers in protecting the church. In no instances MK declared better than ABATOCH. Now after almost 19 years, MK is by-passing the synod and making the synod irrelevant. Whether we like it or not HOLY SPIRIT annointed our fathers and we have to respect their authority always. No the one who support us. Please go back and revisit its original purpose. "And if a house is divided against itself, that house will not be able to stand" mark 3:25

Orthodoxawi said...


"Ende Hitsanat Kaltemelesachihu 'Tilalikochu' (2x)
Ayin yalayatin, joro yalsematin, ye Egziabherin Mengist Atworsuatim!"


A Mezmur presented by Abune Gorgorious Kindergarten kids(students) on one of MK's Werhawi Gubae.

በላይ said...

“አህያውን ፈርቶ ዳውላውን“ ይሏል ይሄ ነው። ኮመንቶቹ “ዳንኤል ለምን ይህን ባደባባይ ተናገረ“ በሚል ጥያቄ ላይ ያጠነጠነ ነው። በቃ ወጣ። ተናገረ። ለምን? ምን መሆን አለበት? እያሉ በደንብ ነገሮችን ማዬትና ወደ መፍትሔ መምጣት ነው የሚያስፈልገው። የእሱን አበሳ ለመዘክዘክም የሞካከራችሁ አላችሁ። ለመሆኑ ሙሉጌታ ባደባባይ ሲያዋርደን ለምን ዝምታን መረጥን? አብዛኛዎቻችን ካድሬ ነን እንዴ? ለእኔ የማህበረ ቅዱሳን አባል መሆን ና ለቆመበት አላማ አስተዋጾ ማድረግ እጅግ በጣም ትልቅ ቦታ የነበረው አላማዬ ነው። የማህበረ ቅዱሳን አባል ነኝ ለማለትም አላፍርም ነበር። አሁን ግን እድሜ ለወንድማችን አንገት የሚያስመልስ ነገር ነው የተናገረው!!! የማህበረ ቅዱሳን አባል ነኝ ስል፤ ያለሁበት ማህበረሰብ በካድሬ ጥርጣሬነት እንደሚያዬኝ እንዴት ሐላፊው ጠፋው? ለእኔ ዳንኤልም ሆነ ሙሉጌታ የሰሩት ትልቅ ስህተት አለ!!! ሁለቱንም፤ ምን አልባት ጥሩ የሆናችሁ የስራ አመራር አባላት ወይም ሃላፊዎች ካላችሁ መስመር ልታሲሱአቸው ይገባል። የእነሱ መራኮት ስንት ነገር ሊያመጣ እንደሚችል ማገናዘብ ያስፈልጋል። ማህበረቅዱሳን በሰው ልብ ነው ያለ ብሎ ለመመስከር--የያዘውን የተቀደሰ አላማ በሚያንሸራትት መልኩ መግለጫ ከሚሰጡ አካላት መጥራት አለበት! ፈተና አለ። የግድ ነው። ፈተናውን መወጣት ደግሞ ብልህነት ነው። መፈተንን አይደልም ፈራት። የሚያስፈራው በፈተና ተጠልፎ መውደቅን እንጅ። አሁን አንዱን ቅዱስ፤ሌላውን እርኩስ እያልን የምንጻጻፍበት ጊዜ አይመስለኝም። ሰይጣን ቤንዝኑን ይዞ እየዞረ መሆኑን ሁላችንንም አንርሳ። እናም ክብሪት አቀባይ ከመሆን እንቆጠብ! ይህ ነገር ደጀ ሰላሞችንም ይመለከታል።

Anonymous said...

ሦስታችሁም አጥፋታኋል፡፡
1. ዲ/ን ሙሉጌታ ወቅቱን እና ደራጀውን ያልጠበቀ ቃለ መጠይቅ ማድረግህ የተሳሳተ አካሄድ ነው፡፡የሕግ አማካሪ እንኳን የለህም፡፡ በግለሰቦች ላይ የሰጠኸው መልስ ሊያስጠይቅህ የሚችል ሁሉ ነው፡፡ ሁለተኛ እኔ የሰጠሁት ቃለ መጠይቅ ለ2፡15 ነው ተቆራርጧል በሚል ግትር ከመሆን በማኅበሩ ሚድያ እንኳን ምንም አላልክም፡፡
2. ሥራ አመራሩ ወቅታዊ ምላሽ አልሰጠም፡፡ ለመስጠትም አይፈልግም፡፡ ለዲ/ን ሙሉጌታም ግልጽ ወገንተኝነት አሳይቷል፡፡ ዳንኤል ሲጠይቅ ዝም የተባለበት ጊዜ እና እርሱን ከማኅበሩ ለማገድ የተወሰደው ፍጥነት በታሪክ ሥራ አመራሩን ለትዝብት የሚያጋልጠው ነው፡፡ በራሱ የመተማማን አቅም የለውም፡፡ ለአባላት ጥያቄ አክብሮት የለውም፡፡
3. የዳንኤል ስህተት ማኅበሩን ወቅታዊ ሁኔታውን እና አባላቱን ያለ መረዳት ስህተት ነው፡፡ ምንም ምላሽ ቢያጣም ወደ ደጀ ሰላም መሄድ ግን አልነበረበትም፡፡ በዚህ ድርጊት በጡመራ መድረኩ ከተሰጡት አስተያየቶች ከተመለከተ በኋላ የተጸጸተ የመስለኛል፡፡

ሲጠቃለል ግን ዳንኤልም ሆነ ሥራ አመራሩ የአስተሳሳባቸው ወሰን እዚህ ድረስ ከሆነ ችግሮችን የሚፈቱት በዚህ መልኩ ከሆነ ማኅበረ ቅዱሳንን ይልቀቁልን እና የግል ትግላቸውን ይቀጥሉ፡፡ ዳንኤልም የማኅበሩ አባል እንጂ ፋላጭ ቆራጭ እነዳልሆነ ሥራ አመራሩም እንዲያገለግል የተመረጠ እንጂ ባለስላጣን እንዲሆን የተሾመ አለመሆኑን እንዲረዱት ያስፈልጋል፡፡
ደጀ ሰላምም የመንደር ወሬ ባታስነብበን ምልካም ነው፡፡

Anonymous said...

ድሜጥሮስ wrote: "ምንም አንኳን ዛሬ በቅርበት ባልከታተልም አና ኣባል ባልሆነም አንድ ወቅት አንደ ኮሌጂ ተማሪ ማህበረ ቅዱሳን ያዘጋጃቸው የነበሩ ወርሃዊ ጉባዔዎችን አካፈል ነበር፡፡ ያገኘኁቸው ሃይማኖታዊ ትምህርቶች አምነቴን ጠብቄ ለማቆየት አንደረዱኝ አምናለሁ፡፡ ብዙዎችም በዚህ ማህበር ጠቃሚ ትምህርት አንዳገኙም እገምታለሁ፡፡ በዚህ ሰዐት ማህበሩ በሚያዘጋጃቸው ትምህርታዊ ጉዔዎች ተሳታፊ የመሆን ዕድል ባይኖረኝም የሚያደርጋቸውን አንቅስቃሴዎች አልፎ አልፎ በድህረ ገፅ አከታተላለሁ፡፡ የሃይማኖት ትምህርትን በተጠናከረ መልኩ መስጠት ብቻ ሳይሆን በጣም ገንቢ የሆነ ማህበራዊ አስተዋትጾ አያበረከት አንዳለ አንድ አና ሁለት የለውም፡፡

የማህበረ ቅዱሳን አስፈላጊነት ከመቼውም ጊዜ የበለጠ የሚሆነው አሁን ነው፡፡ ባንድ በኩል ህብረተሰባችን በተቀናጀ ነገር ግን ፊት ለፊት በማይታይ መልኩ ማህበራዊ እሴቱ አየተናደ ያለበት ሁኔታ አለ፡፡ ግብረገብነት ጠፍቶ ስግብግብነት፣አኩይነት አና ጭካኔ አንደማህበራዊ እሴት አየተተከለ ያለበት ሁኔታ አለ፤ በሌላ በኩል ደሞ የቤተክርስቲያኒቱን አስተምህሮ መጤ በሆነ አስተምህሮ በመበረዝ ቤተ-ክርስቲያኒቱን ብሎ የተነሳ ልዑክ የሚመስል ሌላ ቡድን አለ፡፡ ይባስ ብሎ ደሞ ኣባ ጳውሎስ በህወሃታዊ ፖለቲካ አና የህወህት ፖለቲካ ወገንተኝነት ባላቸው ሰዎች ቤተ-ክርስቲያኒቱን የሚንጡበት ሁኔታ አና አሳቸው ራሳቸው የ ኣጀንዳ ይዘው የተነሱበት ሁኔታ አለ፡፡ ከውጭም ተሸልመውበታል በዚህ ግብራቸው፡፡ አነ አቡነ አቡነ ተክለኃይማኖት የመሯት ቤተ-ክርስቲያን ለዚህ በቃች፡፡

በደርግ የአገዛዝ ስርዐት ቤተክርስቲያናችንን የመሩት ብጹዕ ወቅዱስ አቡነ ተክለኃይማኖት ራሳቸውን ለመንግስት ምክር ቤት በእጩነት አንዲያቀርቡ በመንግስት ጫና ተደርጎባቸው የአጩ ተመራጭነት ቅጽ አንዲሞሉ ተደርገው “ የሚል መጠይቅ ላይ ሲደርሱ “ መጠይቁን አንደተቃወሙ ይነገራል፡፡ አሁን ደሞ የተገላቢጦሽ ሆኖ ነገሩ አዛ መንበር ላይ የተቀመጡት የቤተ-ክርስቲያን ጉዳይ በህወሃት የፀጥታ ስዎች ኣጋፋሪነት አና ኣድራጊ ፈጣሪነት ቤተ-ክርስቲያኒቱን በፖለቲካ ወገንተኝነት መንፈስ ማስተዳደራቸው ሳያንስ ለሆሊውድ ሰዎች ማስሸብሸብ ደረጃ ላይ ደርሰዋል፡፡ ሃይማኖታዊ ተልዕኮ ቢሆን ጥሩ ነበር፡፡ ነገር ግን ሁኔታው ከአዘማኝነት ጋር በተያያዘ የሚወስዱት አንደሆነ ሁኔታቸው ያሳብቃል፡፡ በዛ ደረጃ ቤተ-ክርስቲያኒቱ የምትመካበት ሰው ኣላት ማለት ሃሰተኛ ከመሆን ያለፈ አና ከፖለቲካ ወገንተኝነት ያለፈ ትርጉም የለውም፡፡

አንዲህ አንዲህ ያሉትን ጉዳዮች ስናይ የማህበሩ አስፈላጊነት አና ማህበሩ አየሰራቸው ያሉ ስራዎች ገዝፈው ይታያሉ፡፡ አንደዚህ አይነት ወሳኝ ስራ አየሰራ ያለ ማህበር ደሞ አልፎ አልፎ አለመግባባቶች ቢገጥሙት የሚገርም ነገር መሆን የለበትም፡፡ አንደችግርም መታየት የለበትም፡፡ በማንኛውም ማህበራዊ ግንኙነት ደረጃ ---የሚዋደዱ ባልናሚስት አንኳን ፣ አንዳንዴ አናት አና ልጂም አንኳን ---አንዲህ አይነት ነገር ሊገጥማቸው ይችላል፡፡ በፖለቲካም መስክ አንድ ምሳሌ ለመጥቀስ ያህል ጠንካራ ኢኮኖሚ ገንብተው ጠንካራ የፖለቲካ አደረጃጀት አና ወታደራዊ አቅም ገንብተው አለምን በሞኒተርነት ሊቆጣጠሩ የሚፈልጉት አሜሪካኖቹ ራሳቸው ሰሞኑን ሲፋጩ ነው የሰነበቱት፡፡

በማንኛውም አይነት ጉዳዮች ላይ አለመግባባትም ይከሰታል፡፡ ዋናው ነገር ግን አጂን ለአለመግባባት አለመስጠት ነው፡፡ እንዲዚህ አይነት ነገሮችም ሲከሰቱ በማህበሩ ዘንድ ተስፋ ባደረጉ አማኞች ላይ የሚፈጥረውን ስነ-ልቦናዊ ጫና አና የሚሰሩ ስራዎችን በማደናቀፍ ረገድ ያለውን አንድምታ በማጤን ነገሩን ወደ አደባባይ ከማውጣት በሰከነ ሁኔታ ያለመሰላቸት በጥሞና መወያየት ያስፈልጋል፡፡ መረሳት የሌለበት ነገር ደሞ ማህበሩ ለቤተ-ክርስቲያኒቱ አለኝታ የሆነውን ያህል ቤተ-ርስቲያኒቱን ሊያፈርሱ ለሚፈልጉ ወገኖች ትልቅ አንቅፋት ነው፡፡ አንቅፋት የሚሉትን ነገር ደሞ ለማስወገድ አቅሙን ለማዳከም የማይሞክሩት ነገር አይኖርም፡፡ ተፈተረ የተባለው ዓይነት ያለመግባባት ደሞ በጊዜ መፍትሄ ተሰጥቶት ማህበሩ በሙሉ ልብ መስራት ያለበት ነገር ላይ ማተኮር ካልቻለ አና ያለመግባባቱ ውሎ ካደረ ለነዚሁ ሊያፈርሱ መንገድ በመፈለግ ላይ ላሉ ወገኖች መግቢያ ቀዳዳ መክፈቱ ኣይቀርም፡፡
በታሪክ ውስጥ ኢትዮጵያን ነፃነቷን ጠብቃ ከቆየችባቸው ሚስጥሮች አንዱ በቀውጢ ሰዓት የሚከሰቱ አለመግባባቶችን የመፈታት አቅም አና አንዳንዴም አለመገባባቶችን ወደ ጎን በመተው በዋናው ችግር ላይ በማነጣጠርም ጭምር ነው፡፡ አንደዚህ ባለ ሰዓት ማህበሩም መውሰድ ያለበት ኣቋም ተመሳሳይ መሆን አለበት ብየ አምናለሁ፡፡ የተፈጠረውን ነገር በውይይት መፍታት ኣስፈላጊ ቢሆንም የውስጥ ችግርን እንፈታለን ብሎ ወቅታዊነት በሌለው ነገር ላይ ብዙ ትኩረት መስጠትም ደሞ በራሱ ከውጪ የሚቀነባበሩ ሌሎች ፈተናዎች አንዲደረጁ ዕድል የመስጠት ያህል ነው፡፡ ጥንቃቄ ቢደረግ ለማለት ነው! አግዝእር ይስጥልኝ፡፡"

Anonymous said...

“የማኅበሩን ስሕተቶች በመሸፈን እና በመሠወር ማኅበሩን የምናድነው ይመስለናል፡፡”
ጥሩ ማረቃለያ ሃሳብ ነው ደጀ-ሠላሞች፡፡ ግን የቦነነው አቡዋራ መጥራት አለበት፡፡ ስንት ስራ እያለ ለምን እነዚህ ወንድሞች እዚህ ደረሱ፣ ዲ. ዳንኤልስ ይሔን ያህል ሲለምን ለምን ፊት ነሱት፣ አሁን ባለንበት ውጥረት ውስጥ ስለምናውቀውና ሁሌ ስለሚነገረን ፖለቲካ፣ ማህበሩ ውስጥ ስላላቸው ስልጣን፣ ....አንስቶ መናቆሩ ለምን አስፈለገ..... የሚሉትን ነገሮች እንዲጠሩ ደጀሰላሞች ብትሰሩ መልካም ነው፡፡ የማህበሩ ነባርና የምንኮራበት ስራ ግን በነዚህ ወንድሞች ጊዜያዊ አተካራ እንዳይስተጓጎል ሌሎች ወንድሞች ተክተው ቢሰሩት መልካም ነው፡፡
አባላቱ ግን ለዋናው መንፈሳዊ ስራ ከበፊቱ የበለጠ ለመስራት መነሳት እንጂ በነገሩ በመደናገጥ መዛል አይገባም፡፡ ለኔ ዋናው የአባላቱ መንፈሳዊ ጥንካሬና ትጋት ነው-ፀንቶ መቆም፡፡
ሲሳይ

Anonymous said...

I don't see a point out of Daniel's public article.I don't see either DJ's motive by posting it. One thing is clear.Daniel's article and DJ speak volumes.I am sick of reading ego-centric articles. Grow brothers!There are so many good things to do.Why we waste a minute with trash stories like this?

Wish you best.

yekidanua said...

I am not a big fan of MK but this is not about them it is about protecting our church from outsiders.Let's stand together for tewahdo[the pure one]let's put our church first before our pride and benefits let's pray and may GOD help us.For those of you who are trying to penetrate you could try but you will never be successful not because we are good but our GOD is ereru engi egna mariamn enwedatalen.

gonderew said...

MY BROTHERS AND SISTERS PLEASE DON'T DISTURB,THIS IS THE JOB OF SITAN IS STEAD PRAY STRONGER THAN THE PRIVIOUS.
SOME OUR AIMS ARE
1.TEACHING THE WORD OF GOD TO THOSE WHO NEED TO KNOW AND PRACTISE THE WORD OF GOD FOR OURSELF.
2.PROTECT OUR CHURCHS FROM THE EVILS UNTIL WE PASS THIS WORLD
3.LEAVE CLEAN,UNCORAPTED,UMMBRELA AND TRUE JUSTICE CHURCH FOR OUR KIDS.
4.SHOW OUR CHILDRENS HOW TO FIND SOLUTION BY DIALOGS RATHER THAN FIGHT.
5.DON'T FORGATE ETHIOPIA AND OUR CHURCH IS BELONGS TO GOD.
PLEASE STOP JUDGING D. DANIEL OR D.MULUGATA.NOTHING WILL COME OUT FOR OUR CHURCH AND MEHABER KIDUSAN IN STEAD OUR ENEMIES WILL FIND WAYS TO ADD MORE PROBLEMS.RATHER LET US LOOK THE REAL PROBLEMS INSIDE OURSELF AND FIND REAL SOLUTION WHICH IS GOOD FOR OUR CHURCH AND MEHABER KIDUSAN,IF WE ARE TRUE MEMBERS OF THE CHURCH.WHO KNOWS THIS TIME MAY BE GIVEN BY GOD TO LOOK OURSELF TO SAVE OUR CHURCH AND M.K.
AGAIN I WILL ASK THE TRUE CHURCH MEMBERS PLEASE STOP SUPPORT ONE OR THE OTHER RATHER PROTECT ETHIOPIAN ORTHODOX TEWAHIDO CHURCH AND THIS STRONG,OFFINCIVE AND DEFENCIVE ASSOCIATION MEHABER KIDUSAN. BY THIS TIME OUR CHURCH HAS MILLIONS OF ENEMIES EVERY WHERE,IN MY OPINION ONLY TRUE SOLIDGER WHO PROTECT OUR CHURCH ARE MEHABER KIDUSAN AND SOME PEOPLES.
WE NEED M.K.,DON'T OPER DOOR FOR OUR ENEMIES.YOU KNOW HOW MANY PEOPLE FEEL SAD BY THIS SITUATION.PLEASE CLEAR OUR CRY FROM OUR FACE BY MAKING TRUE SOLUTION FROM YOUR BOTTOM OF HEART.
GOD PROTECT OUR CHURCH AND M.K.
AMEN

Dawit said...

ዲ.ን ዳንኤል ክብረት ሰላም ላንተ ይሁን፡፡ በልቤ አስብ የነበረውን የይቅርታ ቃልህን ሳትውል ሳታድር ስታሰማን የተሰማኝን መግለጽ ነው የተሳነኝ፡፡ እንተንም እንቅልፍ እንደነሳህ ተረዳሁ፡፡ ይቅርታህ ማንነትህን አሁንም አጉልቶ ያሳየን ይመስለኛል፡፡ ሁላችንም ማድረግ ያለብን ይህንኑ ነው ብየም አምናለሁ፡፡ ጹኁፍን ባነበብንበት እለት በነበረው ምሽት ያነሳናቸውና የተወያየንባቸው ርእሶች በአንተ የይቅርታ ጹሁፍ ውስጥ ስመለከታቸው እጅግ አስገረሙኝ፡፡ አንድ ወንድማችን ሲል ነበር የነገረን፡፡ ሁላችንም አዎን ብለን አመንበት፡፡ ግን ግምታችን ትክክል አልነበረም፡፡
መቼም ብዙ ወንድሞቻችን እንዳነሱት በወጡት ጹሁፎች መነታረኩና ስሜታችን ተጎዳ ውስጣችን አዘነ የሚሉትን አስተሳሰቦች አርቀን ችግር መኖሩን በማመን ብቻ ለመፍትሄው መትጋት ነው ትልቁ አማራጭ፡፡ የመናፍቃን ሴራ በኛ የማህበረ ቅዱሳን አባላት ትጋትና ጥረት ብቻ የሚጋለጥ አይምሰለን፡፡ የሀይማኖታችን መገኛ የሆነው የተሰቀለው መዳህኒታችን እየሱስ ክርስቶስ የስራችንና የእምነታችን መገለጫ ሲሆን ነው የጠላቶቻችን የመናፍቅና ሴራ እርቃኑን የሚቀረው፡፡ ችግሮቻችንን በቤታችን መፍታት ተገቢ ነው የሚል እምነት አለኝ፡፡ ሳይሆን ቀርቶ እንዲህ አይነት አጋጣሚ ሲመጣም በሰከነ አእምሮ መቀበሉና ማስተዋሉ አማራጭ የሌለው አንድ መፍትሔ ነው፡፡ ምክንያቱም ጹሁፍ ተጽፏል ሁሉም አንቦታል፡፡ የሚያምነውም የማያምነውም፡፡ ለምን ሆነ ለሚለው ጥያቄም ባለቤቱ ዲ.ን ዳንኤል አስነብቦናል፡፡ ዛሬም እንደትናቱ ማሰብ የሚገባን የስራዎቻችን ሁሉ መጀመሪያ አምላካችን እግዚአብሔር ፍጻሜያችንም እርሱ መሆኑን ማመን ነው፡፡ ጹሁፍ በስራችን ውስጥ የሚፈጥረው አንዳችም ችግር ለኔ እይታየኝም፡፡ ይልቁንም ከፊት ይልቅ የበለጠ ሊጠነክር እግዚአብሔር ምክንያትን ሰጠን፡፡ መድከማችንን ተረድቶ ድካማችንን አሳየን፡፡ በዚህም የእግዚአብሔር ስሙ የተመሰገነ ይሁን ብለን ልንቀበል ግድ ይለናል፡፡ ምክንያቱም ችግር እንዳለብን አውቀናልና፡፡ ጠላቶቻችን ይህንን ችግር ቢያውቁት እኮ ሊያማክሩን አይመጡም፡፡ ቢችሉስ እንዴት እንደሚያባብሱት እንቅልፍ አጥተው ባደሩ፡፡ መቃብሩንም ባፋጠኑልን ነበር፡፡ ነገር ግን አቅሙም ብርታቱም የላቸውም፡፡ ምክንያቱም ከእግዚአብሔር ጋር የሚጣሉ ይደቃሉ ተብሏልና፡፡ እኛ ግን ችግራችንን መፍታት ግድ ይለናል፡፡ ችግሩን ማወቅ የመፍትሔው ግማሽ አካል ነውና፡፡ ይህን ባናደርግ እዳ እንዳለብን አስተውሉ፡፡
ወንድሞች እና እህቶች እናስተውል፡፡ ማህበራችን እኮ የተመሰረተው በክርስቶስ ደም በተመሰረተች ቤተ ክርስስቲያናችን ውስጥ ነው፡፡ የተመሰረተውም ለቤተክርስቲያናችን አገልግሎት እንደሀዋርያት ሁሉ በህብረትና በፍቅር እንድንሰለፍ ነው፡፡ የማህበራችን መገኛ በተክርስቲያናችን የቤተክርስቲያናችን መገኛ ደግሞ መድሃኒታችን ኢየሱስ ክርስቶስ፡፡ እንግዲህ ታዲያ የሁላችንም መሰባሰቢያ የሆነች ቤተክርስቲያናችን ስንት መከራ ደረሰባት፡፡ ስንት ጉድ በውስጧ አየን አነበብን፡፡ ስንት ጠላቶቻችን በደስታ ዘለሉ፡፡ ስንትስ ልጇቿ በሀዘን ደማን፡፡ ስንቶቻችንስ ውስጣችን ቆሰለ፡፡ ዛሬ ከዚህ በላይ የሚያቆስል ምንም ታአምር አልተፈጠረም፡፡ ውስጣችንን መፈተሽ ተገቢና ግዜ የሚሰጠው ጉዳይ እንዳልሆነ እንረዳ፡፡ ስራችንን የሚባርክ መንፈስ ቅዱስ የውስጥ ሰላመችንንና ፍቅራችንን ይሻልና በፍጥነት ወደአንድነት እንምጣ፡፡ ሰይጣን እንደስንዴ ሊያበጥራችሁ ይፈልጋልና ተግታችሁ ጸልዩ ተብሏልና ከእንቅልፋችን እንንቃ፡፡
ዲ.ን ዳንኤል ክብረትም ቀጣይ ጹሁፍ የጠላት ማሳፈሪያ የኛ ህብረትና ማጠንከሪያ እንደሚሆን ጥርጥር የለኝም፡፡ በንጥልጥል ያቆውን ሃሳቡን ቤበታችን እንጂ በአደባባይ እንደማንሰማው አልጠራጠርም፡፡ ቢቻለንስ ሁሉም የቤተክርስቲያናችን ጉዳዮች በቤታችን እንዲፈቱ እንትጋ፡፡
ፍቅራችንንና አንድነታችንን እግዚአብሔር ይባርክ፡፡ ማህበራችን ማህበረ ቅዱሳንን እግዚአብሔር ይጠብቅልን፡፡

Dawit said...

እርማት ከላይ ለቀረበው ጽሁፍ የተዘለለ
አንድ ወንድማችን ዳንኤል ተሳስቷል ይህን ጹሁፍ ከማውጣቱ በፊት ለማህበሩ የስራ አመራር አሳይቶት ቢሆን ሁሉም እንቅልፍ አጥተው ባደሩና ይህም ነገር ባልሆነ ነበር፡፡ ሲል ነበር የነገረን፡፡

Anonymous said...

አቦ በጣም የሚገርም ነው። ከ15 ዓመት በፊት ዩኒቨርስቲ ውስጥ ጉባኤ ለተወሰነ ወራት ተከታትዬ ነበር። እንደሌሎቹ 4ዓመት መሉ ሳይሆን ለአንድ ሴሚስተር ዓርብ ዓርብ ዳንኤል የሚባል ልጅ ያስተምራል ብለው ስለነገሩኝ ሰው ተከትዬ እየመጣሁ እማር ነበር። እኔ በጣም ብዙ አወቅኩ መሰለኝ፤ በእሱም orator መሆን ተደንቄ ነበር። ከዛ በኋላ ቢያንስ በስም ብቻ ኦርቶዶክስን እንዳምልተው ለራሴ ቃል ገባሁ። ግን እንደሌሎቹ መጾም ማስቀደስ ምናምን የሚሉት ነገር ለኔ reality ጋር ስለተጋጨብኝ አልቻልኩም። ስለዚህ ይኸው የተወሰኑ ሱሶች ቢኖሩብኝም እንደማልችል አውቄ ትዳር መሥርቼ እኖራለሁ። ኑሮውም ስለከበደ ትንሽ ለመግደርደሪያ ብዬ ፖለቲካ ውስጥ ገብቼ ነበር። መስሎ ለማደር በዚህ ዘመን ብቸኛው አማራጭ ነውና።
ታዲያ ሰሞኑን ዳንኤል ማኅበረ ቅዱሳኖችን አጋለጠ ተብሎ እሱ በተነው የተባለውን የኢንተርኔት ጽሑፍ ፕሪንት አድርገው ሰዎች ሲያነቡ እኔም ጠጋ ብዬ አነበብኩ። በመሰረቱ ማኅበረ ቅዱሳኖች መልካም ስራ እንደሚሰሩ እንድህዝቡ በሩቁ ባውቅም ዝርዝር ነገሮችን አላውቅም። እስካሁንም ከፓትርያርኩ እና ከጴንጤዎች በስተቀር ስለነሱ ክፉ የሚያወራ ሰምቼም አላውቅም። እኔን ያጓጓኝ እሱ ራሱ ማኅበረ ቅዱሳን ስለሆነ ምን ተፈጠረ ብዬ ነው።
ከዚያ ወረቀቱን ዘለቅኩት። በውነቱ ስለምኑም የማውቀው ስለሌለ አብዛኛው አልገባኝም። እኔን የገባኝ እና ስሜቴን የሳበኝ ስለህገመንግስቱ የሰጠው ማብራሪያ እና ህገ መንግስት ስለመካድ ያነሳው ነው። ይህን ሳነብ ይህ ሰውዬ በቃ የቫይረሱ ተሸካሚ ሆኗል አልኩኝ። እኛ አካባቢ እንዲህ እየተባለ ይቀለዳል። ቀልዱን ልተወውና እኔ የወንድምነት ምክሬን። ስለቤተክርስቲያን ዳንኤል ያውቃል። እኔ ደግሞ ስለፖለቲካ በጣም አውቃለሁ፤ ተዘፍቄበታለሁ፤ ፈልጌ ሳይሆን ልጆቼን ላሳድግ ብዬ። እንደ ወያኔ ፖለቲካ በዚህች ምድር ላይ የከፋ ነገር ያለ አይመስለኝም። በጣም ጨካኞች ናቸው። እንኳን እሱ ብዙ የተማረ እና ሰው ሁሉ የሚአደንቀው ቀርቶ የኔ አይነቱን ተራ ሰው ሲቀርቡ የሆነ ሴራ አውጠንጥነው ነው።አንዳንዴ ሰውዬው መጠቀሚያ መሆኑን እንኳን የሚባንነው ነገር ሁሉ ካለቀለት በኋላ ነው። ከዚያ ይጠቀሙበትና፤ እንዳያንሰራራ አድርገው፡ ይጥሉታል፤ ወይም ሊያጠፉትም ይችላሉ። በተወሰነ ደርጃ ሲያቀርቡት ያወቀው ነገር አለ ብለው ከገመቱ ወይም ነቅቶባቸው እነሱን መሸሽ ሲጀምር። ለእነሱ ዶሮ እና የሰው ህይወት ልዩነት የለውም።አንዳንዴ አጀንዳቸው ፖለቲካ ነው፡ አንዳንዴ ደግሞ ለግልጥቅማቸው ገንዘብ ከጀርባቸው ካሉ አካላት ረብጣ ገንዘብ እየተለቀቀላቸው ይተያዛእላቸውን ፕሮጀክት ያስፈጽማሉ። ልደቱ ጥሩ ምሳሌ ነው። እንዲያ ሰው ሆ አለለት፤ በሆነ መንገድ ገቡበት እና ቅንጅትን እንዳይሆን አደርጉበት፤ ከዚያ በኋላ ልደቱ ወይ ከህዝቡ አይደለ ወይ ኤሃዴግ አይደለ። መሐል ላይ የተንጠለጠለ ሆኗል። አሁንም የፈለጉትን ሊያደርጉት ይችላሉ። ሎሎችምብዙዎች አሉ ወያኔ ተጠቅሞባቸው አጥፍቷቸው በኋላ ደግሞ ሃውልት እና መታሰቢያ ያቆመላቸው። ዳቢሎስ እንኳን ይህን ያህል የከፋ አይመስለኝም።
ዳንኤል እንደዚህ ዓይነት ነገር ገብቶ ከሆነ ቶሎ ሹልክ ብሎ ይውጣ። አነጋገሩ ያስታውቃል። ሰው እኒህን ቃላቶች ስለለመዳቸው በአንዴ ነው የሚፈርጀው። ይውም እሱ በየሀገሩ የመሄድ ዕድል አለው ነው የሚባለው። ምናልባት ከአቅም በላይ ቢያስቸግሩት እንኳን ተስፋ ቆርጠው እስኪተውት ድረስ ውጭ ሀገር ሰንበት ብሎ መምጣት ። እኔ አማራጭ አጥቼ ነው። የሂስትሪ ተመራቂ ሆኜ መጨርሻዬ የቀበሌ ፖለቲካ የሆነው።የኋላ የኋላ የገበሬዎች ስኮላር ጋር በተያያዘ ወደህንድ ሲልኩኝ በዚያው ጠፍቼ አቆራርጬ አሁን ወዳለሁበት ሀገር የደረስኩት። እሱ እዚህ ነገር ውስጥ መግባቱን ሊያውቀውም ላያውቀውም ያችላል። ግን ይህን ልጅ ታደጉት።ሌላውን ጉዳይ ዝርዝር አላውቅም። እንዲህ ያለ ቴአትር ከሰሩም በኋላ በስውር ያስመቱትና ማኀበረ ቅዱሳኖች ናቸው የሚል ወሬም ሊያሰራጩ ይችላል። እንዲህ ዓይነት አካሔድ አእደገኛ ነው።
ራስህን አድን በሉት። ሌላው ፖለቲካ ውስጥ የሚዳክረው ወይ ስላልተማረ ነው ወይም የዕለት ጉሮሮውን ለመሙላት ነው። እሱ ስንት አማራጭ እያለው፤ በዚህ ከንቱ ዘመን ለህይወቱ ዋጋ ቢሰጥ መልካም ነው።

Anonymous said...

መቼም ኢሃዴግን የሚያምነው የለም።ፓርቲው ንስሐ ቢገባ እንኳን ይሚያምነው የለም። ሲያሳዝን!!! ስለዚህ የተሰጠው መላምት ሊሆንም ላይሆንም ይችላል። ሀገሪቱ በግምት ትመራልች፤ እኛም በግምት እንመራለን። በእናትህ ዳኒ የደፈረሰውን ሁሉ አጥራው እና አንተንም ኢሃዴግንም ከሚነዛው መላምት አፅዳ! ይሔ ኢንተርኔተኮ መጀመሪያ እንጂ መቋጫ የለውም።

Mekane Eyesus said...

ባደጉት ሀገሮች አንድ ባለስልጣን አወዛጋቢ ነገር ከተናገረ/ከሰራ ወዲያውኑ ነው ካለበት ስልጣን በፈቃዱ የሚለቀው:: ለምሳሌ: በአፍጋኒስታን የአሜሪካ የጦር ሀይል አዛዥ የነበሩት ጀኔራል ማክ ክርስታል ለአንድ የግል ጋዜጣ ቃል ምልልስ ሲያደርጉ ከፕሪዘዳንት ኦባማ ጋር የስትራቴጅ ልዩነት እንዳላቸው ይገልጣሉ:: በዚህም አወዛጋቢ ነገሮች በተለያዩ ሚድያወች ይነሳሉ:: ይተለያዩ አስተያየቶችም ከያቅጣጨው ይሰነዘራሉ:: ይህን የተረዱት ጀኔራልም ወዱያውኑ ነው ከሀላፊነታችው የለቀቁት:: ይህም ቀድሞ የተበላሸውን ነገር በተጨባጭ ለማስተካከል ጉልህ ሚና አለው:: ስለዚህ ዲ. ሙሉጌታም ስለተፈጠረው ችግር ማብራሪያ ከይቅርታ ጋር ሰጥቶ በፍጥነት ከሀላፊነቱ ወርዶ ማህበሩን እንደ አባል ቢያገለግል መልካም ነው:: ይህም ከማህበሩ አልፎ ለመንግስትንም ሆነ ለቤተ ክህነት አስተማሪ ይሆናል:: ታሪክም የሰራል:: ከስልጣን መውረድ ማለት ተሳስቷል ማለት አደለም:: ይልቁንም ለሚመራው ህዝብ የሚጨንቅ ደግ መሪ ያሰኘዋል እንጅ:: እንዲያውም የተናገርኩት ነገር ልዩነት ከፈጠረ : በማገለግለው ህዝብም መካከል አለመረጋጋት ከሚፈጠር የኔ ፍላጎት ይቅርብኝ ከሀላፊነቴ በፈቃዴ እለቃለሁ ያለ መሪ ሊከበር ይገባዋል:: እንግዲህ ዲ. ሙሉጌታ ከሃላፊነቱ ቢለቅ መልካም ነው ያልኩበትን ምክንያቶች ከዚህ ቀጥየ አቀርባለው::
1. የተፈጠረውን ችግር በማምሰላሰል የሀላፊነትን የስራ ጫና መወጣት ከባድ ስለሆነና የማህበሩ አገልግሎትም ሊጎዳ ስለሚችል::
2. በአባላት መካከል ልዩነትና መወዛገብ ስለሚፈጥር::
3. እሱ ባለበት መካከል ሰወች ይሉንታ ስለሚይዛችው ስለተፈጠረው ችግር በግልጽ ለመወያየት ይቸገራሉ::
4. ይህ አይነቱ ተግባር የማህበሩ በአል እንዲሆንና ለሌሎችምን በምሳሌነት እንዲያስተምር::
5. ከምን በላይ ግን ያለውን ችግር በፍጥነት ለመፍታት ያስችላል::

Hana said...

wondemei, D.Danel kibret yalewen yeamraru dekemetochen begeleits mewoyayet betam yemiyasemesegen
new wede akedut alama yemideresew
gelitsnet sinore new.

Anonymous said...

I am very suppotive of MK since i attended their monthely program. I read Daniel's artcle, and i donot feel good. It looks like political writing rather than spritual ...Ye betechristian Lidetu endayihon ferahu? Ebakachihu christianoch erega bilachihu yedanielin tsihuf anbibutina firedu betam asiferi newu.

Birhan Ze-Beaman said...

ወኢአሐዱ
ልቤ ሰው አጥቶ ሲባዝን
ከጫፍ እጫፍ ሲኳትን
አዳረሰው አገር ምድሩን
ከየቢሮው ከየገበያው
ከቀለም ቤት መስተማርያው
ከጉባኤው ከስብሰባው
ከየማህበር ከየድሩ
በየስፍራው ባገር ምድሩ
ወጥቶ ወርዶ ሁሉን አየ
አንድ በአንድ እየቃኘ
ታድያ ሁሉንም የሞላው
የእንስሳ አይነት በየፍርጃው
እባብ ጊንጡ እንቃቅላው
ወፍ ጭልፊቱ አይቀር አውሬው
የውሻ አይነት በየስፍራው
እልፍ ሲሉም አጋስሱ
ወዲህ ደግሞ ተኩላና በግ
ተጠምደዋል ባንድ ሊያርሱ
እንዲያው ምኞቴ ላይሰምር ህልሜ ላይሳካ
እለት እለት ስባዝን በየደጁ ሳንኳኳ
ድካም ቢጤ ውስጤ ቢያድር
ለማረፍ ሄድኩ ቤተ እግዚአብሄር
ብኩን ቀልቤ እረፍት የለው
መጽሃፉን ሄዶ አነሳው
ጥያቄውን ሊያማክረው
እርሱም መለሰለት እንዲህ ሲል ከሆዱ
ማንም የለም አልቦ ወኢአሐዱ
ዘይገብራ ለሰናይት ያልተነዳ በፈቃዱ

Birhan Ze-Beaman(ግጥሙ ተመችቶኛል said...

በስመ አብ ወወልድ ወመንፈስ ቅዱስ አሐዱ አምላክ አሜን
ዳኒ አንተንም ሆነ ማህበሩን ገና ከልጅነቴ ጀምሮ አውቃችኋለሁ እኔ የማህበረ ቅዱሳን አባል አይደለሁ ያልሆንኩት ግን የቤተክርስትያን ነገር ስለማይገደኝ አይደለም የማህበሩን መልካም ስራዎችም ስለማላውቅ አይደለም አውቃለሁ በልጅነቴ በሰንበት ት/ቤታችን የጀመረው እውቅናችን ግቢ በገባሁበት ጊዜ ጠነክሮ ብዙዎችን የማህበሩ መልካም እሴቶች ተካፍያለሁ(ለቤተ ክርስትያን ፍቅር መቃጠልን ማንነትን ማወቅን እጅግ የምወዳቸው ለቤተክርስትያን ቀናኢ የሆኑ ጓደኞችን አግኝቸበታለሁ)

የግቢ ቆይታየ የመጨረሻ አመታት ግን ፈተና የበዛባቸው ያገልግሎት ህልሜን ሁሉ ቅዠት ያደረጉ ነበሩ ግቢያችን እንመራበት የነበርው አካሄድ እኛን ሊያርም ቀርቶ ህልውናውን ማረጋገጥ የተሳነው ስመ ገናናው ማእከላችን የነበረበት ችግር ያሳስቡን ነበር በእናስተካክላለንም እንባዝን ነበር ታድያ በዚህ ክፉ ጊዜ አብዝቸ ቀረብኩና ውስጤን ጎድቼ ተመለስኩ ክንፌ ተሰበረ ከቤተ ማህበሬ ተለየሁ

ፅሁፍህን እስካነብ ግን ካገልግሎት የለየኝ ጓደኞቸ እንደሚሉኝ እልከኝነቴ አይሎ ይመስለኝ ነበር ዛሬ ያኔ በኔ ልብ ይመላለስ የነበረው ነገር ያውም ባንተ እንዲህ ሲገለፅ የተዘበራረቀ ስሜት ተሰማኝ የሚያነቡ የሚባቡ ጓደኞቸን አይቸ አነባሁ እውነት በመውጣቱ ደግሞ ሲሆን መተራረም ሆኖ ሁላችንም ሳይጎረብጠን የምናገለግልበት መድረክ የሚፈጠርበት አልያም ክፉውን ያርቅና መተራረምን በመግፋት አሁንም የሚጸና ካለ እውነት የሚወጣበት አጋጣሚ በመፈጠሩ አምላክን አመሰገንኩ

ይህን ስል ግን ባንተም በኩል ስህተት የለም እያልኩ አይደለም ራስህ እንዳልከው የችግሩ ተጋሪ ምናልባትም ትልቁን ድርሻ ከሚወስዱት ትመስለኛለህ ለኔ የታዩኝን ችግሮች ልጥቀስ

ሀ)የማህበሩ አመራር ድንገት ደርሶ እንዲህ አይሆንም አልሆነም ደርሶም በእምብኝተኞች እጅ አልወደቀም በጊዜው ባለመታረሙ ግን ከዚህ ደረጃ ደረሰ ለምን በጊዜ አልታረመም የተለያዩ ምክንያቶች ሊኖሩህ ይችላሉ ቀድመህ ስላልነቃህ ይህን ያህል ይከፋል ብለህ ስላልገመትክ ሌላም ሌላም በሁሉም ግን ከጥፋተኝነት አታመልጥም

ለ)ችግሩን የገለጥክበት ጊዜ ምናልባት በቃለምልልሱ ተበሳጭተህ ይሆናል ግን ስለተነካህ አልያ opportunistic ሆነህም ይመስላል እንጅ በዚህ ጊዜ ማውጣቱ የሚከብድ ለመንጋውም ግድየሌለህ የሚያስመስል ነገር አለው ነገሮችን ግለሰባዊ ያስመሰልካቸው አገላለፅህም አልተመቸኝም ከጀርባ አንዳንዶች እንደሚሉት ስጋዊ ሽኩቻ ቢኖርስ ይህን ስል ግን የጠቀስካቸዉ የማህበሩ ህፀፆች የሉም ማለቴ አይደለም አካሄድህ ግን ጥርጥርን ይፈጥራል ጥሎብን ይህ ሰንካላ ዘመን ሁሉንም እንድንጠረጥር አድርጎናል

ሐ)በቅርበት ባላውቅህም ወንድሞችህ እንደሚከሱህ ሁሉ በብሎግህ ከሚሰጡህ ውዳሴዎች እንደማየው ራስህን ሚስ ፐርሲቭ ያደረክ ውዳሴ ከንቱን ፈቅደህ የተቀበልከው ያስመስልብሃል የሚመስለው እንዳይሆን ጸሎቴ ነው ለንግዲሁ ደግሞ እንዲህ አይነት ሃሳቦችን post ባታደርጋቸው እላለሁ

መ)አንዳንድ ማእከላት እያደረጉት ያለዉን ጥረት ከተረዳህ ለምን ጥርታቸዉን እስኪጨርሱ መታገስ ተሳነህ ምናልባት ቢሳካላቸውና ባደባባይ ተሰድበህ በጉባዔ ይቅርታ ብትጠየቅ ለቤተክርስትያን የቱ ይሻል ነበር ስጋዊና እልከኛ ካልሆንክ በቀር የመጀመርያዉ ይበለጥ ነበር ይህን ስል ካንተ ፅሁፍና በዛኛው በኩል ካሉት ወገኖች ከሚወራው ተነስቸ የገመትኩት እንጅ ይህ ላይሆን እንደሚችልም እምናለሁ

ሠ)ከወንድሞች ጋር (ስም መጥቀስ አልፈልግም) ያለህን ቅራኔ ለመፍታት አለመቻልህ ወይም አንዳንዶች እንደሚሉት አለመፈለግህ ከምን መጣ ላሁኑ አለመግባባትስ መንስዔ ሊሆን አይችልም ወይ እንደኔ ባካሄድ ላይ ያለህን ልዩነት እስካመንክበት ኮምፕሮማይዝ ማድረግ የለብህም ከግለሰብ ጋር ያለውን አለመግባባት ግን ቀድመህ ይቅርታ መጠየቅ ይገባሃል እላለሁ እውነት እርቅን ገፍተህ ከሆነ ተሳስተሃል እርግጥ በመሳሳም እና በመጎራረስ እውነትን ማድበስበስ(መሸሽ) በቤታችን የተለመደ ነው
ባጠቃላይ ከላይ ከጠቀስኳቸው እውነቶች አንጻር ለተፈጠረው ችግር ተጠያቂነትህ ግልጽ ነው መፍትሄውም ለቤተክርስትያን ለሃገር የሚበጅ ይሆን ዘንድ ይቅርታ ጠይቀህ የቀደመ አገልግሎትህን መቀጠል ያለብህ ይመስለኛል ፖለቲከኞቻችን መስማማት ሲያቅታቸው በጠበንጃ ስለሚያምኑ ነው አባቶች መስማማት ሲያቅታቸው ምናልባት ዘመኑ ጋር ስላልተግባቡ ነባራዊው ችግር ባ ይገለጽላቸው እያልኩ አስብ ነበር እናንተ ደግሞ መስማማት ቢያቅታቸሁ ምን እላለሁ?

ስራ አመሩም ይህን እንደበጎ አጋጣሚ ተጠቅማችሁበት ከድቀት የምትድኑበት አጋጣሚ ይሁን በየዋህነት ከስራችሁ የተሰበሰበው ወገናችሁን እንጂ እኛን በየምክንያቱ ያኮረፍነውን እያያችሁ እልክ ውስጥ አትግቡ ቤተክርስትያን ያለችበት ሁኔታ ማእከላት ግቢ ጉባዒያት በምን ሁኔታ እንዳሉ እያወቅን ለመታረም ባንነሳ ማጣፍያው ይቸግራል ታሪክም ይወቅሳል ዳንኤል በገሃድ ተናገረው እንጅ ስንቱ በየማእከሉ ተስፋ ቆርጦ ከመንጋው እንደተለይ ቤት ይቁጠረው አናውቅም ብላችሁ በእምብኝተኝነት ከጸናችሁ ደግሞ እኛም ሳንወድ በግድ የምናውቀዉን የራሳችንን ጉድ ገሃድ እናወጣዋለን ለባእድ ለማጋለጥ ሳይሆን የደነደነን ልቦና ለማራራት ግን እባካችሁ እዘኑልን በስንቱ እንጨነቅ ያለው መች አነሰንና

ታላላቅ ወንድሞችና እህቶች ሆይ በቅርብም በሩቅም ያላችሁ በአፍአ ሆነን እንኳ የምንፅናናበት እንዳናጣ አንዳች ነገር ፈይዱ ያ እንባችሁ የት አለ እንደ ኪዝፋኑ በፍቅር በአንድነት ሰብስቡን እስቲ
ታይቶ ከመጥፋት መስሎ ከመቅረት ይሰውረን

Anonymous said...

የድፍረት ኃጢAት Eንዳይገዛኝ ባሪያህን ጠብቅ የዚያን ጊዜ
ፍጹም Eሆናለሁ፥ ከታላቁም ኃጢAት Eነጻለሁ። Aቤቱ፥
ረድኤቴመድኃኒቴም፥ የAፌ ቃልና የልቤ Aሳብ በፊትህ
ያማረ ይሁን።;

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)