July 21, 2011

የአዲስ አበባ ሰንበት ት/ቤቶች ታሪካዊ መግለጫ አወጡ፤ ተሐድሶን እና አባ ሰረቀን ተቃወሙ


  • ከአዲስ አበባ ውጪ በየአህጉረ ስብከቱ ያሉትም ይደግፏቸዋል ተብሎ ይጠበቃል፤
  • በሰሜን አሜሪካ ያለው የሰንበት ት/ቤቶች አንድነት አጋርነቱን ይገልጻል ተብሎ ይጠበቃል፤
(ደጀ ሰላም፤ ጁላይ 20/2011/ READ IN PDF):-  በፕሮቴስታንታዊ - ተሐድሶ - ኑፋቄ ላይ ውስጥ ውስጡን እየተቀጣጠለ የሚገኘው የምእመናን እና የሰንበት ት/ቤቶች ቁጣ ፈንድቶ አስከፊ ጉዳት ከመድረሱ በፊት አስፈላጊው የእርምት ርምጃ እንዲወሰድ የአዲስ አበባ ሰንበት ት/ቤቶች ጠየቁ። ፌዴራል ፖሊስ በሰንበት ት/ቤቶቹ የቀረበው አቤቱታ አስቸኳይ ምላሽ እንዲሰጠው የሰ/ት/ቤቶች ማደራጃ መምሪያ ዋና ሓላፊን አሳስቧል ተብሏል:: “ለሰንበት ት/ቤቶች የሚጠቅም አንዳችም ተጠቃሽ ሥራ አላበረከቱም” የተባሉት ዋና ሓላፊው አባ ሰረቀ ስለ ተሐድሶ መናፍቃን የሰጡት መግለጫ ሰንበት ት/ቤቶችን አይወክልም፤ መግለጫው በመምሪያ ሓላፊነታቸው እንዳይታመኑ የሚያደርግና በብዙኀን መገናኛ ተገቢው ማስተካከያ ሊሰጥበት የሚገባ እንደሆነ ተመልክቷል።


ሰንበት ት/ቤቶች የፕሮቴስታንታዊ-ተሐድሶ-መናፍቃን እንቅስቃሴን ለመግታትና ከቤተ ክርስቲያን ለማጽዳት የሞት ሽረት ትንቅንቅ በሚያደርጉበት በአሁኑ ወቅት የሰንበት ት/ቤቶች ማደራጃ መምሪያ ዋና ሓላፊ አባ ሰረቀ ብርሃን ወልደ ሳሙኤል መዋቅሩን ሳይጠብቁ ለአጥቢያ አብያተ ክርስቲያን በሚሰጧቸው አደናጋሪ መመሪያዎች ጥረቱን እያደናቀፉ እንደሚገኙ የአዲስ አበባ ሀገረ ስብከት ሰንበት ት/ቤቶች አስታውቀዋል፡፡ የሀገረ ስብከቱ 131 አድባራት እና ገዳማት ሰንበት ት/ቤቶች ሥራ አመራሮች ትናንት ባወጡት የጋራ አቋም መግለጫ ሥርዓተ  ቤተ ክርስቲያንን ሳይጠብቁ በከፍተኛ ሁኔታ የሚስፋፉት ስብከት እና መዝሙር ተብዬዎች የሰንበት ት/ቤቶችን ህልውና በመፈታተን ላይ ይገኛሉ፡፡ “ሕገ ወጥ ሰባክያን የቤተ ክርስቲያን ተረካቢ ለሆኑት ሰንበት ት/ቤቶች ያላቸው ንቀት ጫፍ ከመድረሱ የተነሣ ትምህርተ መለኮትን በማምታታት ‹ሥላሴ አትበሉ፤ እግዚአብሔር አትበሉ፤ ምንድን ነው ፍርሃት ዙሪያ ዙሪያውን መሸሽ፤ ኢየሱስ ብቻ በሉ፤› በማለት ጌታችን መድኃኒታችን ኢየሱስ ክርስቶስ ከባሕርይ አባቱ ከአብ እና ከባሕርይ ሕይወቱ ከመንፈስ ቅዱስ በሥልጣን ያለውን አንድነት የሚለይ የኑፋቄ ትምህርታቸውን ካስተላለፉ በኋላ “ይህን ታላቅ ምስጢር ሰንበት ት/ቤት ገብታችሁ ተማሩ” ያለው የሰንበት ት/ቤቶቹ መግለጫ ሕገ ወጥ ሰባክያኑ በሰንበት ት/ቤት ስም መነገድ እንደማይችሉ ያሳስባል፡፡

አባ ሰረቀ በሰንበት ት/ቤቶች ማደራጃ መምሪያ ዋና ሐላፊነት ከተሾሙበት ጊዜ አንሥቶ እስከዛሬ ድረስ ለሰንበት ት/ቤቶች አንዳች የሚጠቅምና የሚጠቀስ ሥራ አለመሥራታቸውን ያወሱት ሰንበት ት/ቤቶቹ፣ ዋና ሓላፊው የፕሮቴስታንታዊ-ተሐድሶ-ኑፋቄን ነባራዊ እውነታነት በመቀበል ረገድ ያላቸው ውግንና “እጅግ በጣም አስደንጋጭና አሳዛኝ” ከመሆኑም በላይ በእርሳቸው ላይ እምነት እንዳይኖራቸው እንደሚያደርጋቸው ገልጸዋል፡፡ በዚህ መልኩ አባ ሰረቀ ለተሐድሶ መናፍቃን እየሰጡት ያለው ሽፋን ምእመናንን በከፍተኛ ሁኔታ በማስቆጣቱ በየቦታው ሁከት እየተፈጠረ ይገኛል፡፡ ለዚህም በሐዋሳ ደብረ ምሕረት ቅዱስ ገብርኤል ገዳም፣ በአዲስ አበባ ደብረ ናዝሬት ቅዱስ ዮሴፍ ቤተ ክርስቲያን፣ በደብረ አሚን ጻድቁ አቡነ ተክለ ሃይማኖት ቤተ ክርስቲያንና በዲላ ጻድቁ አቡነ ገብረ መንፈስ ቅዱስ ቤተ ክርስቲያን የተጠቀሰውን ችግር መጥቀስ ይቻላል፡፡ ቅዱስ ሲኖዶስ ሕገ ወጥ ሰባክያንና ዘማርያን በየዐውደ ምሕረቱ ሕዝቡን እንዳያሰናክሉ ውሳኔ ካስተላለፈ በኋላ በአንዳንድ አብያተ ክርስቲያን ችግሩ እስከ አሁን ቀጥሎ እንደሚገኝ ያመለከተው መግለጫው፣ የስብከተ ወንጌል መርሐ ግብሩ በፖሊስ ጥበቃ ይከናወን የነበረበት የደብረ ናዝሬት ቅዱስ ዮሴፍ ቤተ ክርስቲያን በቅርቡ በሀገረ ስብከቱ በሳል ውሳኔ መፍትሔ የተሰጠው በመሆኑ ሀገረ ስብከቱን አመስግኗል፡፡ ሕገ ወጥ ሰባክያንንና ዘማርያንን ለማስቆም ደረጃውን ጠብቆ የተጻፈው ደብዳቤም እጅግ የሚያስመሰግን ነው፡፡

ነገር ግን መፍትሔ ሰጭውን አካሄድ ለማጽናት ከፍተኛ ሥራ ሊሠራ በሚገባበት ሰዓት በተለያየ አካባቢ ለተከሠተው ችግር ተዋንያን በመሆን የሚታወቁ ግለሰቦችን በጠቅላይ ቤተ ክህነት የተለያዩ መምሪያዎች ላይ በሓላፊነት የማስቀመጥ ሂደት እየተፈጸመ ስለመሆኑ መረጃዎች እንደሚያሳዩ መግለጫው ጠቁሟል፡፡ ይህም ሂደት የከፋ ችግር ስለሚያስከትል ትኩረት ሊሰጠው እንደሚገባ አስገንዝቧል፡፡

በመሆኑም በተሐድሶ ኑፋቄና ለዚህ መሣሪያ በሆኑ ሕገ ወጥ ሰባክያን ላይ ውስጥ ውስጡን የተቀጣጠለው የምእመናን እና የሰንበት ት/ቤቶች ቁጣ ፈንድቶና ከቁጥጥር ውጭ ሆኖ በቤተ ክርስቲያንና በሀገር ላይ የከፋ ጉዳት ከመድረሱ በፊት ሕጋዊና ተገቢ የእርምት ርምጃ እንዲወሰድ የሰንበት ት/ቤቶቹ የጋራ የአቋም መግለጫ በአጽንዖት ጠይቋል፡፡

ይኸው ባለስድስት ነጥብ የአቋም መግለጫ - ቅዱስ ሲኖዶስ በየጊዜው ያስተላለፋቸውና የሚያስተላልፋቸው ውሳኔዎች እንዲከበሩና እንዲተገበሩ፣ የሰንበት ት/ቤቶች ማደራጃ መምሪያ ዋና ሓላፊ ግንቦት 23 ቀን 2003 ዓ.ም በጽ/ቤታቸው ስለ ተሐድሶ የሰጡትን መግለጫ ሰንበት ት/ቤቶቹ የማይቀበሉት በመሆኑ በብዙኀን መገናኛ ማስተካከያ እንዲደረግበት፤ ዐውቀውም ይሁን ሳያውቁ የተሐድሶ መናፍቃንን ጉዳይ በማስፈጸም ላይ የሚገኙ ሕገ ወጥ ሰባክያንና ዘማርያን በየትኛውም ዐውደ ምሕረት ላይ እንዳይቆሙ፣ ከአጥቢያ ጀምሮ በየደረጃው በሓላፊነት ተመድበው ለተመሳሳይ ዓላማ በሚንቀሳቀሱት ላይ የማያዳግም ርምጃ እንዲወሰድ፣ ራሳቸውን ባሕታውያንና አጥማቅያን ብለው የሠየሙና ምእመናንን ከቤተ ክርስቲያንና ከመንግሥት ጋራ የሚያጋጩት አካላትም ሕጋዊ ርምጃ እንዲወሰድባቸው፤ የቤተ ክርስቲያን ብዙኀን መገናኛዎች የተሐድሶ መናፍቃንን ምንነትና ዓላማ ለምእመኑ በማጋለጥ በተዋሕዶ እምነቱ የሚያጸናና የሚያረጋጋ፣ በንቃት እየተሳተፈ ቤተ ክርስቲያኑን ተግቶ እንዲጠብቅ የሚያደርግ አቅጣጫ እንዲሰጣቸው፣ ከቤተ ክርስቲያን ዕውቅና ውጭ በኢ.ቢ.ኤስ ቻናል “ታኦሎጎስ” በሚል ስያሜ የሚተላለፈው ፕሮግራም ምእመናንን ግራ እያጋባ በመሆኑ በቤተ ክርስቲያን ስም መሸቀጡን እንዲያቆም ወይም የኢትዮጵያ ኦርቶዶክስ ተዋሕዶ ቤተ ክርስቲያንን እንደማይወክል ለመላው የኢትዮጵያ ሕዝበ ክርስቲያን በብዙኀን መገናኛ እንዲገለጽ ተጠይቋል፡፡



የሰንበት ት/ቤቶቹ መግለጫ በአድራሻ ለአዲስ አበባ ሀገረ ስብከት ጽ/ቤት በግልባጭ ደግሞ ከቅዱስ ሲኖዶስ ጽ/ቤትና ከሰንበት ት/ቤቶች ማደራጃ መምሪያ ጀምሮ ለጠቅላይ ሚኒስትር ጽ/ቤት፣ ለፌዴራል ጉዳዮች ሚኒስቴር፣ ለብሔራዊ መረጃና ደኅንነት ኤጀንሲ፣ ለፌዴራልና እና ለአዲስ አበባ ፖሊስ ኮሚሽን ተሰራጭቷል፡፡

የሰንበት ት/ቤቶች ማደራጃ መምሪያ ሓላፊ መግለጫው እንደደረሳቸው ለማወቅ የተቻለ ሲሆን ችግሩን በትክክለኛ ገጽታው ተመልክቶ ከመፍታት ይልቅ ሕገ ወጥ ሰባክያንን በቢሯቸው ሰብስበው የተቃውሞ አቤቱታውን ያነሣሣሉ ያሏቸውን አካላት (እንደ ማኅበረ ቅዱሳን ያሉ) በመጥቀስ ሲወነጅሉ እንደነበር የዜናው ምንጮቹ ተናግረዋል፡፡ ይሁንና ዋና ሐላፊው ሰንበት ት/ቤቶቹ ያነሷቸው ጥያቄዎች ከሚደቅኑት የጸጥታ ስጋት አንጻር አስቸኳይ መፍትሔ እንዲሰጠው ፌዴራል ፖሊስ ለአባ ሰረቀ አሳስቧቸዋል ተብሏል፡፡ በዚህም መሠረት ነገ ኀሙስ ሐምሌ 14 ቀን 2003 ዓ.ም እና ቅዳሜ ሐምሌ 16 ቀን 2003 ዓ.ም የአዲስ አበባ ሰንበት ት/ቤቶች አንድነት 10 አመራር አባላት እና የአምስቱ (የሰሜን፣ ደቡብ፣ ምሥራቅ፣ ምዕራብና አቃቂ ቃሊቲ ክፍለ ከተሞች) የሰንበት ት/ቤቶች አንድነት አመራሮች እንደ ቅደም ተከተላቸው ከአዲስ አበባ ሀገረ ስብከትና በሀገረ ስብከቱ አማካይነት ከመ/ፓ/ጠ/ቤ/ክ ሰንበት ት/ቤቶች ማደራጃ መምሪያ ጋራ እንደሚወያዩ እየተጠበቀ ነው፡፡

የመግለጫውን ሙሉ ቃል ለማግኘት ይህንን  PDF ይጫኑ!

9 comments:

Anonymous said...

This is very sad. It looks like the SUNDAY SCHOOL UNITY at addis is planning some kind of revolution. This is the first they issued such provocative MEGLECHA. I hope it will work to protect the church and its members. Otherwise, it seems like they are ready to take matter in their own hand. They have started it at debre amin and will finish it every where. I pray that no one gets hurt. I think PAPASAT should find some kind of solutions. Because they have reposibility and are matured. If the SUNDAY SCHOOL UNITY takes the lead it will be a disaster.

Anonymous said...

አቤቱ እግዚአብሔር ሆይ አንተ ቤትህን ለመጠበቅ ምንም አይሳንህም እና በበጎች መካከል ለተሠማሩት ነጣቂ ተኩሎች ልቦናቸውን መልሰህ፣ ለቤትህ በፍቅር ለሚቃጠሉት ሃይልና ብርታትን ሰጥተህ፣ የእግርህ ማረፊያ - የመለኮትህ ማደሪያ የሆነችውን ቅድስት ቤተክርስቲያንህን ጠብቅልን፣ ተኩሎች የተሠማሩብንን በጎችህን ከነጣቂዎቹ ሰውረን አሜን፣

ጭራሽ ከመቅረት መዘግየት ይሻላል ይላሉ ሩሲያኖች ሲተርቱ የሽህ ኪሎ ሜትር ርቀትም በአንድ እርምጃ ይጀመራል እንደተባለውም ይህ መግለጫ መልካም ጅምር ነው

የካቶሊክ እምነት አማኝ ካለዚያም ናፋቂ እንደሆኑ በሰፊው የሚታሙት የቢዮንሴ ወዳጅ አባ ገ/መድህን /አባ ጳውሎስ/ 19 ዓመት ሙሉ የቤተክርስቲያንን ሥርዓት ከመድፈር አልፎ መጽሐፍ ቅዱስ በቀላል አቀራረብ ይተርጎም በሚል ዶግማውን ሳይቀር ሲበርዙት፣ በእግዚአብሔር መስቀል ሳይሆን በወያኔ ክላሽና ሽጉጥ የሚጠበቁት ፓትርያርክ ተብየ መነኩሴ በቤተ እግዚአብሔር አውደ ምሕረት በአጃቢዎቻቸው ጥይት ሲያስገድሉ፣ በጎንደር ከተማ አባ አምሓ ኢየሱስ የተባሉት ሰበኪ ሕዝበ ክርስቲያኑን በወንጌል እያበረቱ ከቤተ-እግዚአብሔር የተነጠሉትን መናፍቃን ለማጥመቅ ወረፋ እስኪጠፋ ድረስ ከነጣቂ ተኩላዎቹ ሲመልሱ ሲገኙ ትግርኛ ብቻ በሚናገሩ የአጋዚ መትረየስ ሕዝቡን አውደምህረት ላይ ሲያስጨፈጭፉ፣ ይህንን በአጽንዖት የተቃወሙትን የቤተክርስቲያናትን አራት ዐይና የሚባሉ ሊቀ-ሊቃውንቶችን /እነ አለቃ አያሌው ከሚያገለግሉበት ቤተክርስቲያን እንዳይደርሱ፣ ሊቀ ሊቃውንት መንክር ዘጎንደር ለስብሰባ ተብለው ከጎንደር አዲስ-አበባ ተጠርተው በ3ኛው ቀን ሬሳቸው ሲመለስ፣ ወዘተ/ ከዚያም በኋላ የቤተ ክርስቲያናት ንዋዬ ቅድሳት ዝርፊያ እንደ ሰደድ እሳት ሲስፋፋ፣ ገዳማትና ቤተክርስቲያናት በእሳት ሲቃጠሉ፣ ምዕመናን በቤተመቅደሳቸው ውስጥ በአረማውያን ሰይፍ ሲሰየፉ፣ የፓትርያርኩን አምባገነናዊ እና በሙስና የተጨማለቀ አስተዳደር የተቃወሙት ጳጳሳት በወያኔ ደህንነቶቻቸው በመንበረ ፓትርያርኩ ግቢያቸው ሲደበደቡ፣ አባሰረቀ በአሜሪካን አገር ሕዝበ ክርስቲያኑን ሲበጠብጡ መኖራቸውን እያወቁ ከዚያ የምዕመናኑ ቁጣ ሲያይልባቸው እዚህ አስመጥተው ሲሾሟቸው፣ እነ ጌታቸው ዶኒ ከአባ ሰረቀ ጋር በመተባበር ከሙሉወንጌል ሃይማኖት ጋር ማበራቸው ሳያንስ አዲስ ሃይማኖት መሥርተው በአቃቂ-ቃሊቲ ክፍለከተማ ምዕመኑንና ቤተክርስቲያናችንን ሲበጠብጡ መኖራቸው እየታወቀና ብዙ ተቃውሞ ከማሥረጃ ጋር እየቀረበላቸው ጭራሹን በደቡብ አካባቢ ሲሾሟቸው ወዘተ ወዘተ

በቤተ ክርስቲያናችን ላይ እንግሊዞች፣ ጣሊያኖች፣ ግራኝ አህመድ፣ ዮዲት-ጉዲት ካደረሱት በደል በምን ይለያል የዚህ ዓላማ ዋና ፈፃሚና ደጋፊ ደግሞ ኢህአደግ ለመሆኑ ቅንጣት ጥርጣሬ የለንም ኢህአደግና አባ ጳውሎስ ምን እና ምን እንደሆኑ ስለምናውቅ የአባ ጳውሎስም ንግግሮች ፖለቲካዊ ይዘት ያላቸው በመሆናቸው ማንም በቀላሉ ሊረዳ ይችላል አቦይ ስብሃትም የሚረቡትን ጳጳሳት አስገድለው ከአገር አስሰድደው በምትካቸው የእነሱ ዓላማ ፈጻሚ የሆኑትን ከሰገሰጉ በኋላ ጳጳሳቶቹ አይረቡም አሉን

ከዚህ በኋላ የእግዚአብሔር ፈቃድ ይሁን ብለን ዝም አልን ብቻ ማለት የለብንም
1. ሁላችንም የዚህን መግለጫ አቃም መደገፍ ይኖርብናል በየክፍላተ ሐገሩ ያሉ የሰንበት ትምህርት ቤቶችም በተመሳሳይ መልኩ የተጠናከረ ተቃውሞአቸውን እንዲያሰሙ ማድረግ ይጠበቃል

2. ከሁሉም በላይ አብዛኛው ሕዝበ ክርስቲያን ከመገናኛ ብዙሃን ውጭ ስለሆነ በይፋ እንዲያውቀው እንዲደረግና ሃይማኖቱን ነቅቶ እንዲጠብቅ መደረግ አለበት

3.መንግሥትም ሆነ ኢህአደግ ለአገሪቱም ሰላም ሆነ ለስልጣናቸው ሲሉ የሕዝቡ ቁጣ ከቁጥጥር ውጭ ሳይወጣ ጳጳሶቹ አይረቡም ብለው ሳይቀልዱብን አንድም በሃይማኖታችን ጣልቃ ሳይገቡብን ካለዚያም እውነተኛ መፍትሔ ሊሰጡበት ይገባል - ከፓትርያርኩ ጀምሮ

እግዚአብሔር ኢትዮጵያን ይባርክ

Anonymous said...

God has given us sufficient time to take the approperate actions. The Synodos and our tue fathers in the churches hierarchy need to take approperate and timely action. It will be difficalt to tolerate such an abuse in God's name by those people who run against the church. I some times think that the Government may be using this divide and rule tactic to divert the attention of the people. If true, it will pay price. Let the blessing of God shower on us.

Anonymous said...

A great Movement for one and last time. Yes, the movement should bring a change so that we are going to be stuck in between.....We want to see out end, that is we completely remove the advocates of " Tehadaiso Menafikane from our church" and the main actor, whose name is " Aba Serek" from his position, he is giving a protection for them....Yes our lovely sunday schools....it is time to act, it is time to bring a change...it is time to start save our motherly church.

Anonymous said...

I think this government has given us the freedom of belief and hence the formation of mahibere Kidusan. We really thank this government for this great deed. But some evil people like Aba Sereke are killing our church (like yihuda-who betrayed his God) are protectig themselves as if they are supported by the EPRDF. I can imagine there are few people from higher government officials supporting them. That is why Aba Sereke's megilecha got a media coverage. But that does not mean that the government is fully supporting these people. I think the hidden Tehadiso agenda of these people and illegal preachers who are messengers of the protestant church should be cleared through the support of our government. As the biggest religious institute and yet very important in many socioeconomic developments in the country the government must keep watching the ongoing movement around the church. Otherwise, the consequence could be very bad for our church and even the country. The high officials of the government must listen to the people. The opposition against these illegal preachers and singers (supported by Aba Sereke) is growing allover the country. It is a pity that the Bishops are not able to solve the problem. Egziabher kekifu neger yisewuren, betechristianin yitebikiln.

Anonymous said...

For all orthodox people and for those concerned about the Church.

Oh my God this is what means"beabatochish fenta lijoch tetekulish". This is the base and we need to develop system,rules ,and regulations for every single process in our Church ,no more space for non believers. I love the idea that the Sunday school raised. For those people who do not understand the level of our Sunday school ideology, this is it.The teenagers and the adults are matured both spiritually, mentally ,psychologically ,socially and so on .God blessed them all.See and start thinking what they are doing , I like you all my brothers and sisters, we all have to join and support and lend our hands to them.
We should not leave it suspended, we need to work on till we reach some point. In all those years it has been talked on different issues.

But now we need to be committed to do a job every day.let start working on something daily. Let us be given an assignment.


1.first of all pray,cry to God to change it.

2.by creating awareness about the current issues to our relatives,friends and organization and using any technology.

2. looking up assignments in here and do them daily. for today let us start working on this "Sunday school announcement" and follow up on its implementation. whenever we see something in here please all of us contribute something daily in every part of our life using all our opportunity.
3.This is struggle for survival but do it in wise way without hurting people and if possible teaching them the word of God.I strongly believe it is time to work hard.

4. let us be united and post the same thing all over, circulate these postings to all and practice to do it. Our Holy Fathers have been dead for the church ,why we are not paying this little sacrifice.

5. In the future we may not have the right to get our children to baptize, to marry ,to have all the Church blessing we have.

6. I hope all of us remember ,the basic human needs shelter,food and cloths. we are not having similar things in our church, whom we are waiting to make correction .
God help us but He need our permission and commitment.

7.What do you think for your own things,children,familiy, home etc.
Be involved in church in every activity. There is no one who should struggle, we should all unite and work individually too.

we are all child of God and the Church.Please there must be no one who say I can't.God gives all of us a gift. Let us use our"meklit"

God be with all of us
"dir biabir anbesa yasir"

Anonymous said...

It is really a good progress.we all should refuse those that are out of our "sirate bete kirstian".I realy sorry by the "like papas".He has no care about our church.he is simply a symbol for woyane and his stomach,sorry to say.

Anonymous said...

There is ashortage of information in most of country side.yesterday "hamle gebreal" there was a 3day "Gubae" at "rope gebreal" at that gubae terefe abera,mirtinesh tilahun,ashenafi g/mariam and others are present and they prepare their work without any conflict so, do the same thing all over the country not only addis ababa.

yekidanua said...

let us pray for our church[tewahdo]May GOD give us the wisdom and strength so we can do what is right.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)