July 6, 2011

የደብረ ናዝሬት ቅዱስ ዮሴፍ ቤተ ክርስቲያን አስተዳደር ሕገ ወጥ ሰባክያንን አገደ

  •  የአዲስ አበባ ሀ/ስብከት የአጥቢያውን የስብከተ ወንጌል አገልግሎት በተመለከተ ‹‹በበላይነት መምራትና ማስተዳደር አልቻለም›› ባለው የደብሩ አስተዳደር ጽ/ቤት ላይ አስተዳደራዊ ውሳኔ እንደሚሰጥ አስጠንቅቆ ነበር
  • ሰንበት ት/ቤቱ በሕገ ወጥ ሰባክያኑና የእነርሱ ተባባሪ በሆኑት የአጥቢያው ስ/ወንጌል ሓላፊዎች የሚመራው የስብከተ ወንጌል አካሄድ ‹‹ወዳልተፈለገ ግጭት›› እንደሚያደርስ በመጥቀስ ለሀ/ስብከቱ አቤቱታ አቅርቦ ነበር
  • በሙሰኛነቱና ባለበት የሥነ ምግባር ችግር ተቃውሞ የተነሣበት ናሁ ሠናይ ነጋ የተባለው የአጥቢያው ስብከተወንጌል ሓላፊ የእገዳውን ምክንያትና ፋይዳ ለማስተባበል እየተፍጨረጨረ ነው
  • ሥላሴ አትበሉ ብያለሁ፤ ሥላሴን አትመኑ ግን አላልሁም” (በጋሻው ደሳለኝ- በኢ.ቢ.ኤስ ቴሌቪዥን)
(ደጀ ሰላም፤ ጁላይ 6/2011, Read in PDF.)፦ በአዲስ አበባ ሀገረ ስብከት የደብረ ናዝሬት ቅዱስ ዮሴፍ ቤተ ክርስቲያን አስተዳደር ጽ/ቤት በቅዱስ ሲኖዶስ፣ በጠቅላይ ቤተ ክህነት ጽ/ቤት እና በሀገረ ስብከት ያልተፈቀደላቸው ሰባክያን ከሰኔ 24 ቀን 2003 ዓ.ም ጀምሮ በአጥቢያው እንዳይሰብኩ መታገዳቸውን አስታወቀ፤ ጽ/ቤቱ ይህን ያስታወቀው የእገዳውን ውሳኔ ተቀብለው ተግባራዊ እንዲያደርጉ የደብሩ ስብከተ ወንጌል ሓላፊዎች ለሆኑት መ/ር ናሁ ሠናይ ነጋ እና መ/ር ታሪኩ አበራ በቁጥር 6020/03 በቀን 28/10/03 በጻፈው ደብዳቤ ነው፡፡
የሰበካ ጉባኤው ጽ/ቤት በቁጥር 4561/71/03 በቀን 24/10/03 የሀገረ ስብከቱ ጽ/ቤት ለደብሩ አስተዳደር የጻፈውን ትእዛዝ በመጥቀስ በጥብቅ እንዳስታወቀው ውሳኔው በደብሩ የስብከተ ወንጌል ሓላፊዎች ተግባራዊ የማይደረግ ከሆነ በሀገረ ስብከቱ ጽ/ቤት መመሪያ መሠረት አስተዳደራዊ ርምጃ ለመውሰድ እንደሚገደድ አስጠንቅቋል፡፡

በዚህ የእገዳ ውሳኔ መሠረት ላለፉት ሦስት ዓመታት የደብሩን አስተዳደር በተለያዩ መንገዶች ባዳከሙት የአጥቢያው ስብከተ ወንጌል ሓላፊዎች ተባባሪነት የፕሮቴስታንታዊ-ተሐድሶ-ኑፋቄ ምንደኛ እና ጥቅመኛ በሆኑት በእነበጋሻው ደሳለኝ ሕገ ወጥ ስምሪት ሥር የቆየው የደብረ ናዝሬት ቅዱስ ዮስፍ ቤተ ክርስቲያን ዐውደ ምሕረት ትላንት ማክሰኞ፣ ሰኔ 28 ቀን 2003 ዓ.ም ኣርነት(ሓራ) መውጣቱ ተረጋግጧል፤ በዚህም ሕገ ወጥ ሰባክያኑ እና ዘማርያኑ በአዲስ አበባ ሀገረ ስብከት በሚገኙ አጥቢያ አብያተ ክርስቲያን ያሏቸውን የመጨረሻ ምሽጎች እያጡ ስለመሆናቸው ከመቼውም ጊዜ በላይ ግልጽ ሆኗል፡፡


ይሁንና የደብሩ ስብከተ ወንጌል ሓላፊ የሆነው ናሁ ሠናይ ነጋ በሕገ ወጥ ሰባክያኑ ላይ የተላለፈው ውሳኔ ተግባራዊነት በተረጋገጠበት በትላንቱ የሠርክ ስብከተ ወንጌል መርሐ ግብር ላይ፣ ‹‹ምእመናን፣ ከባድ ፈተና ገጥሞናል፤ ወንድሞቻችን በጠቅላይ ቤተ ክህነት ስብሰባ ላይ ስለሆኑ ነው ያልመጡት›› በሚል የመታገዳቸው ውሳኔ በግልጽ ከማሳወቅና በተለይ በጋሻው ደሳለኝ በየሳምንቱ ማክሰኞ ከሚገኝበት መድረክ የመወገዱን ምክንያት ለማስተባበል ሲሞክር ታይቷል፡፡ ቀደም ሲል በነበረባቸው የጎፋ ካምፕ ኪዳነ ምሕረት እና የገርጂ ቅዱስ ጊዮርጊስ አጥቢያ አብያተ ክርስቲያን ስብከተ ወንጌል ክፍሎች ቆይታው ወቅት ከእነ አሰግድ ሣህሌ ጀምሮ ዛሬ በሀገር ውስጥ እና በውጭ ከሚገኙት የለየላቸው የተሐድሶ ኑፋቄ አቀንቃኞች ጋራ በሚያደርገው ጥብቅ ግንኙነትና እስከ አስገድዶ መድፈር ድረስ በተረጋገጠበት የሥነ ምግባር ችግር የሚታወቀው ይህ የደብሩ የስብከተ ወንጌል ሓላፊ በቤተ ክርስቲያን ያለው ትምህርት ያልተረጋገጠ ከመሆኑም በላይ ወደ ደብረ ናዝሬት ቅዱስ ዮሴፍ ሲመጣ የመቃብር ስፍራዎች ተቆጣጣሪ ነበር፡፡

ቀስ በቀስ የደብሩ ስብከተ ወንጌል ሓላፊ እስከ መሆን ደርሶ የአጥቢያውን ጠቅላላ አስተዳደር በቁጥጥሩ ሥር ስለማስገባቱ የሚነገርለት ግለሰቡ በጋሻው ደሳለኝ ከሁለት ዓመታት በላይ በሕገ ወጥ መንገድ ተሰማርቶ ከቆየበት ዐውደ ምሕረት ቢታገድ ቤተ ክርስቲያኑን ከሀገረ ስብከቱ አስተዳደር ተገንጥሎ በቦርድ እንደሚተዳደር እስከመዛት ደርሶ እንደነበር ይነገርለታል፡፡ በመዝገብ የሚታወቀው ወርኀዊ የገቢ አቅሙ ከሚፈቅደው በላይ የአንድ ትልቅ ቪላ ቤት፣ የአንድ የቤትና የሥራ መኪና ‹ባለቤት› ስለመሆኑ የሚነገርለት ‹ናሁ ሠናይ› በቤተ ክርስቲያኑ ቅጽር የእግረኞች መረማመጃ በሸክላ አሠራለሁ በሚል ከዋጋው ውጭ እስከ ብር ዘጠኝ መቶ ሺሕ ውጪ እንዲደረግ ምክንያት መሆኑ ተጠቁሟል፡፡

የደብሩ ስብከተ ወንጌል ምክትል ሓላፊ የሆነው መ/ር ታሪኩ አበራ፣ ‹‹ተሐድሶ የለም፤ በተሐድሶ ስም የወንድሞቻችን ስም እየጠፋ ነው፤ ምእመናን ተረጋጉ፤ የበጋሻውን ዐሥሩንም ቪሲዲ አይቸዋለሁ፤ አንዳችም አላገኘሁበትም›› በሚለው የተለመደ መወራጨቱ የሚታወቅ ነው፡፡ በዚህም ሳቢያ በበርካታ መድረኮችና አጋጣሚዎች በተለያዩ መምህራንና ምእመናን ምክርና ማሳሰቢያ ሲሰጠው ቆይቷል፡፡

የአዲስ አበባ ሀገረ ስብከት በቤተ ክርስቲያኑ አስተዳደር ሥር የሚገኙ ንኡሳን ክፍሎች በቃለ ዐዋዲው ሕግና ደንብ መሠረት እንዲሠሩ፣ የደብሩ ሰባክያነ ወንጌልም ከደብሩ አስተዳደር ጽ/ቤትና ሰንበት ት/ቤት የሥራ አመራር አመራር አባላት ጋራ በመመካከርና በመግባባት የበላይ አካል መምሪያ በመጠበቅ እንዲሠሩ ማስጠንቀቂያ በሰጠበት ደብዳቤ ላይ እንደተመለከተው፣ ካለፈው አንድ ዓመት ጀምሮ የደብሩ ስብከተ ወንጌል ምክትል ሓላፊ የሆነው መ/ር ታሪኩ አበራ ‹‹ያልተፈቀደላቸውን መምህራን በዐውደ ምሕረት በመጋበዝ፣ በዐውደ ምሕረት ላይ ያልተፈለጉ ቃላትን በመናገር፣ በቃለ ዐዋዲው ሕግና ደንብ በተቋቋመው ሰንበት ት/ቤት ውስጥ ጠብና ክርክር እንዲፈጠር›› ምክንያት በመሆኑ ተጠያቂ አድርጎታል፡፡ በቅርብ ምንጮች መረጃ ከሆነ መ/ር ታሪኩ የአቋም መሻሻል ምልክቶች እያሳየ መሆኑ ተጠቁሟል፡፡

የደብሩ አስተዳዳሪና ጽ/ቤትም ‹‹የቤተ ክርስቲያኑን ዐውደ ምሕረት በቸልተኝነት በመመልከትና ቀደም ሲል በቅዱስ ሲኖዶስና በጠቅላይ ቤተ ክህነት ጽ/ቤት ያልተፈቀደላቸው ሰባክያነ ወንጌል በመድረክ እንዳይሰብኩ የተላለፈውን መመሪያ ባለማስከበራቸውና በወቅቱም አስተዳደራዊ መፍትሔ ባለመስጠታቸው›› ከተጠያቂነት እንደማይድኑ የሀገረ ስብከቱ ጽ/ቤት አመልክቷል፡፡

የእነበጋሻው ሕገ ወጥ ቡድን የታገደበት ርምጃ የተወሰደው ሰኔ 20 ቀን 2003 ዓ.ም በሀገረ ስብከቱ መሰብሰቢያ አዳራሽ የደብሩ ሰበካ ጉባኤ አባላት፣ የደብሩ አስተዳዳሪና ፀሃፊ፣ የደብሩ ሰባክያነ ወንጌል፣ የደብሩ ሰንበት ት/ቤት አመራር አባላት፣ የሀገረ ስብከቱ የሰንበት ት/ቤቶች አንድነትና የደቡብ ክፍለ ከተማ ሰንበት ት/ቤቶች ኅብረት አመራሮች በተገኙበት ከሀገረ ስብከቱ ጽ/ቤት ጋራ በተደረገው ውይይትና በተደረሰበት የጋራ ስምምነት መሠረት ነው፡፡ ቅዱስ ሲኖዶስና የመ/ፓ/ጠ/ቤ/ክ በስብከተ ወንጌልና ሐዋርያዊ ተልእኮ መምሪያ ፈቃድ ባልተሰጣቸው ሕገ ወጥ ሰባክያንና ዘማርያን ላይ የእግድ መመሪያ ካስተላለፈበት ከየካቲት ወር 2001 ዓ.ም አኳያ የደብሩ ርምጃ በእጅጉ የዘገየ ቢሆንም የፕሮቴስታንታዊ-ተሐድሶ-ኑፋቄ ምንደኞች በአዲስ አበባ አጥቢያ አብያተ ክርስቲያን ደረጃ ያላቸውን የመጨረሻ ምሽግ/መሠረት እያጡ መሆኑን እንደሚያመለክት አስተያየት እየተሰጠበት ይገኛል፡፡

ንት በዐውደ ምሕረቱ በየሳምንቱ ማክሰኞ የለመደውን ፕሮግራም ማካሄድ ያልተቻለው በጋሻው በግንቦት ወር አጋማሽ ከናዝሬት ጻድቁ አቡነ አረጋዊ ቤተ ክርስቲያን ያለስብከተ ወንጌሉና አስተዳደሩ ዕውቅና ከተጠራበት ጉባኤ በምእመናን ፊት ዐውደ ምሕረት ተባሯል፡፡ ለሰኔ 12 የቅዱስ ሚካኤል ክብረ በዓል ወደ ክብረ መንግሥት እያመራ ሳለ አለታ ወንዶ ከተማ ፖሊስ በቁጥጥር ሥር ውሎ የተቆጣው ምእመን ብትር ሳያርፍበት በመጣበት እግሩ እንዲመለስ ተደርጓል፡፡ ካለፈ ድርጊት የመማር ሰብአዊ/ኣእምሯዊ ችሎታ የጎደለው በጋሻው ግን በሳምንቱ መጨረሻ በተላለፈው አንድ ‹ቃለ ምልልሱ› ‹‹ሥላሴ አትበሉ ብያለሁ፤ ሥላሴን አትመኑ ግን አላልኩም፤. . .ከልጅነታችን ጀምሮ ስለ ሥላሴዎች ስንማር ነው ያደግነው…..›› እያለ ከመወሻከት አልታቀበም፡፡ እየገጠመው ያለው ተቃውሞ የተደራጀና በመጠናከር ላይ ስለመሆኑ ያመነው በጋሻው ከዚህ በኋላ ለሚነሣበት ተቃውሞ ሁሉ በቪሲዲ ምላሽ መስጠትን ተግባሩ እንደሚያደርግ ዝቷል!!!




25 comments:

Anonymous said...

Manew begashaw yemibalew? Kidist Silase weyim Kidus PAulos College asitemari new?

Begashaw Hoy, minew bekagn bitil.
Anten bihon Asebot weyim ziquala gebiiche hager selam eskemihon tselot egeba neber. ante gin yezih hulu nefi meseber sayigedih zarem endih endiya tilaleh.

Demo ekko silase belu atibelu biyalehu sitil atafirim? min baderigih yishalegnal. yantem nefis yigedegnalina..abatachin Agatonin asib. Beriihin zegiteh tselot. Menfesawinetu kaleh demo hizibun yikirita teyikeh kuch bileh temar. min chegereh ahun rasihin bititekim. Demo nahusenai manew? zare simachewin betekiristian wusit yetekelut? tewu sim atitikelu. ende Estifanos rasachihun ketifat awitu.

Anonymous said...

ok now it is clear, this is the worst blog ever. I saw the interview, please stop cutting texts and interpreting them in the way you want them.

Anonymous said...

I heared the interview and previously part of the preaching on the CD. Begashaw didn't answer the question. In his preaching, he said, why Selassie? Why Egziabhier? Eyesus Lalemalet! shishite! These are the words he said. Actualy I was not in that place while he was preaching. He reasoned out why he said that. Please those who were in that place, give us the true reason. His response on the interview didn't look trustworthy. Because,if he assumed that the response by the person who he gave nick name on the interview was wrongly answered his question; why the word "shishit" came? We know Mistere Selassie. Do you think "Orthodox Eyesusn teshshalech?" Meseretuam Gulilatuam Esu new!!! He is our sevier; He is our Lord; He is called Amanueal! Look Begashaw's mischife. He insulted the person who didn't respnd to him correctly. There are many people who come to the Church. They came to learn. "Alemawok hatiat aydelem" My friend above, do you understand why Begashaw said Shishit? The whole interview doesn't give meaning. He can't address the issue since he has problem.

Anonymous said...

Hi dear Dejeselamawyan! I realy appreciate your struggle to maintain the sound Faith from the wolves! But in my point of view; instead of only talking the problem, it is also important to propagate the Gospel. Please if you can add some views on how to spread the Faith of our Early Church Fathers atleast to our laity. If the faithful got this, it can minimize the fleeing sheeps! May the Almighty be with you all the way in your Ministry!!

Anonymous said...

ከአዲስ አበባ ሙሉ ለሙሉ ሽንፈት የገጠማቸው ተሃድሶዎች በሌሎችም የሃገሪቱ ክፍሎች ተመሳሳይ እርምጃ በእግዚአብሔርና ቆራጥ በሆኑ የቤተ ክርስቲያኒቱ ልጆችና እነደሚደገም ባለሙሉ ተስፋ ነኝ።

Anonymous said...

batame dase yelale tamasegane amelakea

Anonymous said...

ይህን ያደረገ እግዚአብሔር የተመሠገነ ይሁን::ግን የታዘብኩት ተያቂም መላሽም እነርሱ ናቸው እንዴ???ከምእመኑ የሚነሳውን ጥያቄ ለማን ትተው የወደዱትን ብቻ አቀረቡ???በጋሻው በሉ ማባበል አያዋጣም ይልቅ ልባችሁን ለንስሀ አጽድታችሁ ምእመኑን ይቅርታ ጠይቍ ያለዚያ....

Anonymous said...

menew dejeslamoch zenachu zegye ABA PAWELOS seattle endaymetu werket mebetenune alsemachhum weyes eykenaberchu new betam zegyachu.

Anonymous said...

Dejeselam is not working against Abune PAulos. Please lets concentrate on why we need this media.

People are working in the name of the church, to be wealthy, or to work with Tehadiso movement. This people are well connected each other. Like some Sibkete Wengel supporting this than preserving oour religios tradition.

Never the media follow to work against the blessing work by Abune PAulos otherwise we arent of the Jesus Christ. We strongly oppose evil acts, rather.

we believe Abune PAulos is our father. He is respected, we hate why he is indicisive than supporting the Likawinit.


Yibariken!

Anonymous said...

This media is reaching only less 1% of all Tewahido mimenans. If all of us are not active participants in Senbet Timhirt Betoch, we can't make a difference. I guess,even this time some Churches may be preparing to invite this Menafiq Begashaw, unaware of his wolveness. Please lets print, and distribute the DejeSelam news to all Tewahido people we can. By that we can rescue souls sinking into Kihdet.

Anonymous said...

Begashaw and his friends may claim that they are free from all this. we only believe when they kept silent and act as our fathers. If they still think their preaching is a must to Meimenan, that is symbol to tell us his wolveness.

One should believe that all done with God, not because we are auraters or we have special talent. Thats why all now lost. Those taught by Educated Fathers knows their base and never their name is promoted. But follwing the recent preachings, the youth are becoming more of fan that understanding.

Anonymous said...

ይዋል ይደር እንጂ እግዚአብሔር ተበቃይ አምላክ ነው፣ ዛሬ መሸሸጊያቸውን ነው ያጡት ነገ ደግሞ ሕይወታቸው እራሱ አደጋ ላይ እንደሆነ ቢገነዘቡት ጥሩ ነበር። የምሕረት አምላክ መቼም እድሜ ለንሰሃ ይሰጣል ከተጠቀሙበት፥ ቅዱስ ጳውሎስ በወንጌሉ እንደተናገረው “እግዚአብሔር ልብሱ እሳት፣ አካሉ እሳት ነው፥ ነገር ግን ምሕረቱ ስለበዛ እሳቱን አቀዘቀዘው” እውነት በእግዚአብሔር ምሕረትና ቸርነት ባይሆን ኖሮ እውነት ማን በፊቱ ይቆም ነበር። አሁንም ከባነኑ አልመሸም የበደሉትን ቅድስት ቤተክርስቲያንንና ሕዝበ ክርስቲያኑን ይቅርታ ጠይቀው፣ በንሰሃ ታጥበው እንደ አምላክ ፈቃድ ለቤቱ የተመቹ ጥሩ መንጋ ቢሆኑ ይሻል ነበር።
በጣም የሚገርመው ደግሞ የእነዚህ ጥቅመኞች የታሪኩ አበራና የናሁ ሰናይ ሥራ በጣም ያሳዝናል፥ እውነት ይህች ቤተክርስቲያን አሳድጋ ለወግ ለመዓረግ አብቅታ እንደዚህ በቤተክርስቲያን ላይ መነሳታቸው በጣም ያሳዝናል፣ በእውነት የነ በጋሻው ስጦታ ይህች ቤተክርስቲያን ካደረገችላቸው እና ወደፊትም ከምታበቃቸው ክብር፣ የነበጋሻው ጥቅም በለጠባቸው?? ያሳዝናል ገና ቀና ማለት ሲጀምሩ ወደላይ ቀና ብሎ የናትን ጡት መንከስ ተገቢ ነው? እግዚአብሔር ይይላቸው። የእጃቸውን ደግሞ ያገኙታል እሩቅ አይሆንም። ይልቅ ሳይመሽ ቅድስት ቤተክርስቲያን የጣለችባቸውን ሃላፊነት በትጋትና በንቃት ቢጠብቁት ይሻላቸው ነበር፣ አለበለዚያ ግን አወዳደቃቸው አያምርም ዲያብሎስ ጥንትም በዚህች ቤተክርስቲያን ላይ እንዳነጣጠረ ነው ተኩሱንም አላቆመም፣ ዲያብሎስም ዝናሩን ይጨርሳል፣የቤተክርስቲያን ሃዋሪያዊ ጉዞ ግን ይቀጥላል። “የሲኦል ደጆች ስንኳ አይችሏትም” ተብሎላታል አይደል፡
እስቲ ለነዚህ ቢፃሳዊያን ልብ ይስጥልን
ቤተክርስቲያናችንን ከፈተና ይጠብቅልን፡ አሜን

Anonymous said...

Teru jemroch nachew ke Egziaber gar..hulachenm lebona ystachew blen entsely..

Anonymous said...

ደጀ ሰላሞች ቤተክርስትያናችንን ሊያጠፉ በተነሱ ተሐድሶአውያን ላይ የምታደርጉትን የማጋለጥ እና ምእመናንን የማንቃት አና የማሳወቅ ሥራ ቀድሜ ምስጋናዬን አቀርባለሁኝ። በተለይ ይህን ለማድረግ ደፋ ቀና ስትሉ ያለባችሁን ፈተና ብዙዎች የሚያውቁት ይመስለኛል። ያንን ሁላ እየታገላችሁ ቅድስት ቤተክርስትያን የቀደመውን ሥርዓትዋን እና ትውፊትዋን ጠብቃ እንድትሄድ በሚደረገው እንቅስቃሴ ውስጥ የናንተ አስተዋጽዖ ቀላል የማይባል ነው። ይህ እንዳለ ሆኖ ግን በአንዳንድ ጽሁፎቻችሁ ውስጥ መንፈሳዊነት የሚጎላቸው አገላለጾች ይታያሉ። ይህ በተለይ በዜና ዘገባዎቻችሁ ውስጥ በርካታ ጊዜ ይንፀባረቃል። ዜናው የሚዘገብበትን ጉዳይ ለማይውቅ ሰው ወይም በመጦመሪያ ገጻችሁ ለመጀመሪያ ጊዜ ለመጣ ሰው ዘገባዎቹን ካነበበ በኃላ የሚተውለት መንፈስ ጽሁፉን ያዘጋጁት የፖለቲካ መድርኮችን የሚያዘወትሩ ወይም እዛው ቤተክህነት ውስጥ ብዙ ጊዜ የምናያቸው ፍጹም መንፈሳዊ ሥርዓት የጎደላቸው ሰዎች ናቸው የሚል ነው። ከዚህም በፊት ተመሳሳይ አስተያየት ዶ/ር ጌታቸው አሰፋ እና ብዙ ሌሎች አንባቢዎች ሰጥተው ነበር። የተስተካከለ ነገር ግን እምብዛም አላየሁም። እና እባካችሁ የተጋረጡብን ፈተናዎች ክብደት እያወቅን በላዩ ላይ ደግሞ ሌላ ፈተና አንጨምርበት። ይህንንም እያዩ የሚሸሹ አሉና እባካችሁ አስቡበት። ኣገልግሎታችሁን እግዚአብሔር ይባርክላችሁ።

Anonymous said...

የተሀድሶ እንቅስቃሴ አራማጆች ቀስ በቀስ ከቤተክርስቲያናችን ተነቅለው እንደሚወጡ ተስፋ አለን። እነዚህ ከሀዲያን በውስጥ እና በውጭ በመሆን ሀይማኖታችንን ከመናፍቅነት ባሻገር በተበላሸ ባህሪያቸው ሃይማኖታችንን እያሰደቡ እና ለሌላ ሀይማኖት ተከታዮች መሳለቂያ እያደረጉን እስከመቼ ይኖራሉ። ናሁ ሰናይ የተባለው ሰው ብቻ አይደለም የሄንን የውንብድና ስራ የሚሰራው የሁሉም ታሪክ የተበላሸ ነው። በጋሻውም ሆነ እያንዳንዳቸው በተለያየ ቅሌት የተጠመዱ ናቸው። ግዜ የሰጣቸውን ታዋቂነት(እነርሱ የሚሉትን) በመጠቀም ስንቷን እያስለቀሱ ነው የሚኖሩት። ሁሉን ሆድ ይፍጀው። ሴቶች እህቶቻችንን አገባሻለሁ በሚል ቋንቋ እየደለሉ የልባቸውን ካደረሱ ቦሃላ ስንቶቹን ለጸጸት ዳርገዋቸዋል በእንባ ሸኝተዋቸዋል። አንዳቸው ከአንዳቸው የማይለዩ በተመሳሳይ ጥፋት ላይ የተሰማሩ ውንብድናን በቤተክርስቲያን ውስጥ የሚያካሂዱ የቤ/ክ ጠላቶች ናቸው። ባለትዳር እህቶቻችንን እናጽናናችኋለን፡ እንጸልይላችሁ በሚል ሰበብ ወደ ዘቀጠ ህይወት እየከተቶቸው ይገኛሉ፡፡ ደግሞ ታሪካቸውን የሚያውቁ ሰዎች ለምን ይሄ ይሆናል ሲሏቸው ቤቷ ሰላም የላትም ባሏ ጥሩ ሰው አይደለም ያለፈቃዷ በልጅነት ተድራ ተሰቃየች በማለት ተራ ምክንያት በመስጠት ወ/ሮዎቹን ቤታቸው ውስጥ በማዋል በሰሀን እየተቋጠረ የሚመጣላቸውን ፍትፍት ብቻ በማሰብ ስንቶቹን ልባቸው ከቤታቸው እንዲኮበልል ምክንያት ሆነዋል። ይሄንን ታሪክ በተመለከት የወንድሜ የመሀሪ ቤተሰብ እንዴት ሰለባ እየሆነ እንዳለ አንድ ቀን ቀን ይገልጠዋል። ሀይማኖታችንን ነቅተን እንጠብቅ።

Anonymous said...

በቅድሚያ እግዚአብሔር ስላደረገልን ሁሉ ምስጋና ይድረሰው ።ደጀ ሰላሞችም እግዚአብሔር ይስጣችሁ ።«… እንግዲህ አትፍሯቸው የማይገለጥ የተከደነ የማይታወቅም የተሰወረ የለም ።… » ማቴ 10፥ 26 ። ስለዚህም የተሃድሶ መናፍቃንን ስውር ሴራ ባለማወቅና በስሜት ሲደግፉ የነበሩ ሁሉ አሁን እግዚአብሔር ገልጦላቸዋልና በንስሃ የሚመለሱበት ጊዜው አሁን ነው። መናፍቃኑን በአፍም በመጣፍም የምንረታበት፤ ዓይናቸውን በንዋይ የሸፈኑትንም በግልጽ የምንቃወምበት እውነተኛ ዳኛም ከተገኘ ለፍርድ የምናቀርብበት ጊዜ አሁን ነው ። የእቅዱሳን አምላክ ይርዳን።አሜን ።

ዘሐመረኖህ said...

በቅድሚያ እግዚአብሔር ስላደረገልን ሁሉ ምስጋና ይድረሰው ።ደጀ ሰላሞችም እግዚአብሔር ይስጣችሁ ።«… እንግዲህ አትፍሯቸው የማይገለጥ የተከደነ የማይታወቅም የተሰወረ የለም ።… » ማቴ 10፥ 26 ። ስለዚህም የተሃድሶ መናፍቃንን ስውር ሴራ ባለማወቅና በስሜት ሲደግፉ የነበሩ ሁሉ አሁን እግዚአብሔር ገልጦላቸዋልና በንስሃ የሚመለሱበት ጊዜው አሁን ነው። መናፍቃኑን በአፍም በመጣፍም የምንረታበት፤ ዓይናቸውን በንዋይ የሸፈኑትንም በግልጽ የምንቃወምበት እውነተኛ ዳኛም ከተገኘ ለፍርድ የምናቀርብበት ጊዜ አሁን ነው ። የእቅዱሳን አምላክ ይርዳን።አሜን ።

Anonymous said...

በጋሻው ልብ ይስጥህ ጥርጣሬህን አጽድቶ የቤተክርስቲያን ግንዘብ ያድርግህ ያላቅምህ ተንኮለኞችን እየሰማህ ከገባህት አላስፈላጊ ትርምስ ያውጣህ ምን ይጠቅመኝ ብለህ ነው ውንድሜ። እስኪ ለትንሽ ጊዜ ትንሽዋን እራስህን እውቅናህን እርሳና ከማቅ ጋር ያለህን እልህም ተወውእና በነዚህ 2000 አመታት ያለፉትንና አሁንም ያሉትን መንፈሳውያን ሊቃውንትን አስብ ጥልቅ መንፈሳዊነታቸው፣ እውቀታቸው፣ ተግስታቸውን፣ የፍቅር ሰዎች መሆናቸውን ዝም ብለህ አስብ ወደልብህ ተመለስ፣ ተማር፣ ጠይቅና፣ ከወንድሞችህ ጋር በህብረትና በፍቅር ተዋህዶን ብቻ አገልግል ችግርህ ተደጋግሞ እንደተግለጸው የእድሜ ማነስ/አለመብሰልና/ የቤተክርስቲያንዋን ትምህርት በደንብ አለመማር /የእውቀት ማነስ/ ያስከተለው ጥርጣሬ ነውና ባክህ የሚሰጥህን ምክር በበጎ ተመልከተው /ከመጠምጠም መማር ይቅደም እንዲሉ/ተማር ጠይቅ ሊቃውንት ሳይጠፉ!! የተዋህዶ አውደምህረት ደግሞ የትህትና፣ የእርጋታ፣ የትርጉዋሜ አደባባይ፣ የሚስጥራት መግለጫ፣ የፍቅር ማሳያ፣ የንስሀ፣ ፍጹም መንፈሳዊ የምህረት አደባባይ ነውና ባክህ እራስህን እርሳና ባዶነትህን ተመልክተህ ቀና ብለህ ሊቃውንቱን በትህትና ተመልከት። መመረጥህን፣ የዚህ ዘመን ልዩ ሐዋርያነትህን፣ የተለየህ መሆንህን የሚያሳስብህ አጅሬ ነውና እንደሊቃውንቱ በልብህ ታናሽነትህን ብቻ አስብ አንዲት የከፍ ከፍ ስሜት፣ ትንሽ ትዕቢት ከላይ ከጫፍ ወደታች መንደርደርን ታስከትላለች እና ተመከር ውድ ወንድሜ ቤተክርስቲያን ትሻልሀለች ህዝብ ይሻልሀል ትእግስት ይሻልሀል መማር ይሻልሀል ልቦና ይስጥህ። ተሀድሶ ደግም አለ መሰረቱም የምእራቡ አለም ሲሆን ልክ በፖለቲካውና በኢኮኖሚው አለም ሁሉም ሀገሮች ዲሞክራቲክ እንዲሆኑ ለአገዛዝ የሚመች አንድ መልክ እንዲኖራቸው እንደሚጥሩት ሁሉ መንፈሳዊውም አለም ሙሉ በሙሉ ፕሮቴስታንት እንዲሆን ይጥራሉ ይሂንን ደግሞ እኛ ተማመንንም አልተማመንን አንቀይረውም እነሱም እኛን ጠልተው ሳይሆን አለምን አንድ አድርጎ አመሳስሎ/መታወቂያን አስጠፍቶ ባዶነትን ፈጥሮ/ አለምን በቁሳዊ ጭንቅላቶች ሞልቶ በቀላሉ የመግዛት ፍላጎት ነው ኢትዮጵያ ደግሞ ዋናዋ ታርጌት ናት ይሄንን ለመረዳት እዚህ ምእራቡ አለም ያሉ በተለይ አበሻ የሆኑ ወጣቶቹን ህይማኖታቸውን፣ ባህላቸውን፣ ታሪካቸውን የሚያውቁትንና የማያውቁትን ማወዳደር ብቻ ይበቃል። ስለዚህ አገራችንን እና ቤተክርስቴያናችንን ወደዚህ ውርደትና ባዶነት ከሚገፉ ያልታደሉ ሰዎች እራስህን አግልል። በእርግጥ ካንተ ውጭ ማንም አይጎዳም ጨው ለራስህ ስትል ጣፍጥ ነው ነግሩና። በኢትዮጵያ ታሪክ ተደጋገሞ እንደታየው ከፈተና ዘመን በሁዋላ ሁል ጊዜ ጥሩ ጊዜ ይከተላል እና ይሄንን የፈተና ጊዜ ከህዝባችን ጋር መሆን ይሻል ይመስለኛል። ሰላም

Dr.belay from London said...

dejeselam meceh atawotutem . you are always posting those who are support you . guys it is always boring that you post on your nasty and dirty website. guys why you always blame people ? why not preach gospel ? you are standing for your mehiber not the church because you blaming bishops . if someone oppose you even the kids you call them tehidso . so blaming , complaining . So, it is boring. stop . preach good news

Anonymous said...

we love the way dejeselam is. keep it up dejeselam i always can't wait until you post another article. bertu wendim ehitoch.

Anonymous said...

‹‹ሥላሴ አትበሉ ብያለሁ፤ ሥላሴን አትመኑ ግን አላልኩም፤. . .ከልጅነታችን ጀምሮ ስለ ሥላሴዎች ስንማር ነው ያደግነው"
selazihe men yehune lemalete new
ka endalamadkew ka ahun bhuala anemar lemalet new!!!!!!!!!

Zeraf said...

Dear Readers,

I talked to a very reliable father of the church, in fact a bishop in Addis, recently. His view is that various groups or children of the church are fighting amongst themselves for tikem or financial gains. Most zemarian, preachers or church advocates want to take advantage of the resources that some churches have been able to accummlate and of course usurp the innocent parish. He did not deny that there could be infiltrators from other religions. However, the fight for the most part is about tikem and control of the church, not primarily over the faith or doctrine of the church. Isn't it sad? [Also, Wro Ejegayehu has been agravating the problem by indulging herself in an environment where she is not allowed. Why would an ordinary woman get such influence in the churhc? Abune Paulos would have to answer about it. It is really bad bad bad...] If the above is true, it is sad that the church is falling in bad hands, such as money lovers and profiteers, as is the country. We need to pray so that God cleanse His church for good.

Of course, if the fight was about the Gosple or bringing people to Christ or salvation, all would have focused on rural Ethiopia where the so-called believers are worshiping satan or conducting tinkol on a regular basis. No one if fighting over the poor churches that don't command a lot of resources or followers. No one talks about reaching out to people who have not heard the Gosple; no one talks about creating harmony among people or leaders of the church. This is becuase all have lacked the Holy Spirit and love of God. Very SAD!!!!!

Anonymous said...

የለም ሲል ሰማሁት
በደምብ አሰፍቶ ለምዱን በወርዱ ልክ፤
መድርኳ ላይ ቆሞ አየሁትኝ ሲሰብክ።
የምናውቀውን በግ መስሎ በአደባባይ፤
ዶግማ ያፋልሳል ካለምንም ሃይ ባይ።
ሁሉንም በእሱ ስር ያደረገ መስሎት፤
ተኩላ የሚባል የለም ሲል ሰማሁት።

Dn Haile Michael said...

ለእነ በጋሻው መናፍቃን የሚቆረቆሩላቸው ለምን ይሆን ?
የዛሬ 3 ዓመት ጂማ ደብረ ሳህል ቅዱስ ሚካኤል ካቴድራል በጋሸው ልሰብክ መምህር አሥራት መርሐ ግብሩን እየመሩ አንድ ነገር ተከሰተ :-
ብዙ መናፍቃን ገብተው ኖረው "በጋሸው የኛ ነው: ፕሮቴሰታንት ነው" የሚል ጽሑፍ በጉባኤ መሃል በተኑ:: ጉባኤው ታወከ ::መምህር አሥራትም ስለራሱ እራሱ ይናገር ብለው ዕድል ሰጡት :በጋሸውም "አይደለሁም" ሲል ጉባኤው ተካሄደ::
መምህር ዘመድኩን አርማጌዶን የሚለውን መረጃ ሲያወጣ በጋሸው ስሙ ሳይጠቀስ "እኔን ነው" ብሎ ወጣ:: መናፍቃንም መምህር ዘመድኩንና የሚጠሉትን ወንድማችን ዲያቆን ዳንኤል ክብረትን በአቅማቸው ስረግሙ ስም ሲያጠፉ ብዙ ብዙ አሉ ::ምን አገባቸው ?ውስጡ ባይታውቅም በጋሸው በኛ ቤተክርስቲያን ሥር ነው የነበረው : ታዲያ ለምን ተቆረቆሩለት ወይ ያኔም እኛ ሳናውቅ እነርሱ በሚያውቁት የኛን መዓሊያ ለብሶ ለነሱ እያገባ ይሆን?
ማራኪ የሚባለው መጽሔት ቅዳሜ ሐምሌ 2 /2003 ባወጣው እትሙ ለእነ በጋሸው በመወገን መምህር ዘመድኩንን ዲያቆን ትዝታውንና በጋሸውን ቃለ መጠይቅ በማድረግ አውጥቱአል:: የመጽሔቱ ማኔጅንግ ዳይሬክተር አቶ ሚሊዮን ሹርቤ መምህር ዘመድኩንንም "የበጋሸው ቀንደኛ ተቀናቃኝ" በማለት የግል አስተያየታቸውን ሰንዝረዋል:: በራሳቸው አምድም ስለ በጋሸው ጥብቅና የመቆም አቅዋም ይዘዋል:: ስለ በጋሸውም ለመሙዋገት ሞክረዋል ::ቢያንስ እኝህ ሰውዬ በዶክቶር አባ ኃይለ ማርያም የስብከት ወንጌል ኃላፊ የተሰጠውን ቃለ መጠይቅ ስለሚያነቡ እነ በጋሸው በቤተክርስቲያን ስም የሰበሰቡትን 3 ሚሊየን የሚያህል ብር ይዘው እንደጠፉና EBS Television በቤተክርስቲያኒቱ እውቅና እንደ ሌለውና የቤተክርስቲያኒቱ እንዳልሆነ ያውቃሉ:: ታዲያ ይህ መጽሔት በተለይም ማኔጅንግ ዳይሬክተሩ ስለ እነ በጋሸው ስህተት ምንም መረጃ የለኝም ለማለትና ጥብቅና ለመቆም ለምን ፈለጉ:: በአምዳቸው ስጀምሩ ስለ ሃይማኖታው ጉዳይ እውቀት እንደሌላቸው ይናገራሉ:: ወረድ ሲሉ ስለ እነ በጋሸው የኑፋቄ ትምህርት መናገርን "አቃቅር ማውጣት" ብለው ይፈርጁታል::
እውነት እውነቱን ለሕዝብ ለማድረስ የጋዜጠኝነት ሥነ ምግባርን ጠብቀው ብሠሩ ግራ ቀኙን ለምን አላገናዘቡም? መረጃ ለማግኘትስ እንዴት ጥረት አላደረጉም? ምክኒያቱም አዋሣ :ዎሊሶ ደውለው ወይም ሄደው ብጠይቁ ስለ እነ በጋሸው ማንነት በቂ መረጃ ያገኙ ነበረ::
እንግድህ እንንቃ !!

Anonymous said...

ene anidi neger libel ewunet enezih wenidimoch lay yetejemerewu zemecha sigawi tilacha kalihone halagfinetun wesido lemin sinodos fit keribo enide kedemut abatoch memeker kalebachewu memiker or lemin hasabun yizo keriobo gubae azegajito yemiyaweyay tefa tadiya asiteyayetu hulu eko ye anid wegen hone yihe tadiya ene abune atinatiyos yeteketelut meniged newu deje selamoch abiraru

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)