July 14, 2011

እነሆ 19 ዓመት ሆነ

(ደጀ ሰላም፤ ጁላይ 12/2011/ READ IN PDF)፦ አምስተኛው ፓትርያርክ በመንበረ ፕትርክና ከተቀመጡ እነሆ ዛሬ 19 ዓመት ሆናቸው። እርሳቸው ወደዚህ ሥልጣን ሲመጡ ቤተ ክህነቱ የተለያዩ ችግሮች ነበሩበት። ከ19 ዓመታት በኋላ ስንመለከተው እነዚህ ችግሮች አድገውና ሰፍተው፣ ዓይነታቸውም ተበራክቶ፣ ይልቁንም ይህንን ችግር ይቀርፋሉ የተባሉ ርዕሰ ቤተ ክርስቲያን የችግሩ ፊት-አውራሪ ሆነዋል። 19 ዓመት የአንድ ወጣት ዕድሜ ነው። ለተሳሳተ ሰውም ለመመለስ 19 ዓመት ረዥም ጊዜ ነበር። ከጥፋት ከመመለስ ይልቅ በበደል ላይ በደል መጨመርን ተካኑበት እንጂ። ከዚህ በታች ያለውና (ደጀ ሰላም፤ ኦገስት 5/2009) ያወጣችው ጽሑፍ ምን ማለታችን እንደሆነ የበለጠ ይገልጸው ይሆናል።
 
ይህ አጭር ጽሑፍ የተወሰደውየኢትዮጵያ ኦርቶዶከስ ተዋሕዶ ቤተ ክርስቲያን ዋና ዋና አንገብጋቢ ችግሮች እና መፍትሔዎች፦ ከፍተኛ ትኩረት የሚሻከሚል በግንቦት 2001 . ተዘጋጅቶ ለቅዱስ ሲኖዶስ አባላት ቀርቧል ከተባለ ዘገባ ላይ ነው። የዶኩመንቱ አዘጋጅ ስም፣ ለምን ዓላማ እንደተዘጋጀ፣ በማንና ለማን ወይም ለነማን እንደቀረበ አይጠቅስም። ይሁን እንጂ ከያዘው መሠረታዊ የቤተ ክርስቲያን ጉዳይ አንጻርስለ ቅዱስ ፓትርያርኩየሚናገረውን ብቻ ቀንጭበን አውጥተነዋል።

መልካም ንባብ፤
ደጀ ሰላም

+++
ብፁዕ ወቅዱስ አቡነ ጳውሎስ በቅድስት ቤተ ክርስቲያን ላይ የፈጸሟቸው ዐበይት ችግሮች የሚከተሉት ናቸው፦

1.
ለዘመናት በአንድነቷ የምትታወቀው ቤተ ክርስቲያናችን ቅዱስ ፓትርያርኩ ለግል ዝናና ስልጣናቸው ሲሉ በእልህ በሚፈጽሙት ድርጊት ቤተ ክርስቲያኒቱ ለሁለት ተከፍላለች፡፡ በሀገር ውስጥና ከሀገር ውጭ በሚገኙ ምዕመናን መካከል ከፍተኛ ልዩነት ተፈጥሯል፡፡ በአባቶች መካልም በጥርጣሬና በጥላቻ ከመተያየት ባሻገር መወጋገዝን አስከትሏል፡፡ ይኸውም ዛሬ ከፈጠረው ችግር ባሻገር ለነገዋ ቤተ ክርስቲያን ለትውልድ የሚተርፍ ከፍተኛ ፈተና ነው፡፡ ለዚህም አንዱና ዋናው ምክንያት ቅዱስ ፓትርያርኩ ምንም ዓይነት የእርቅና የስምምነት በር እንዳይከፈት በማድረግ ወይም በመዝጋት እርቅ እንዳይመጣ ሰላምም እንዳይወርድ አፍነው በመያዛቸው ነው፡፡ ለምሳሌም በጥቅምት ወር 2000 . የቀረበውን የእርቅ ጥያቄ ውድቅ ማድረጋቸው ይጠቀሳል፡፡

2.
የኢትዮጵያ ኦርቶዶክስ ቤተ ክርስቲያን ጠቅላይ ቤተ ክህነት /ቤት የሥራ አስፈጻሚነትና የአስተዳደር ሥልጣን በተመለከተ በሕገ ክርስቲያን አንቀጽ 30 ቁጥር 1 እስከ 21 እንደሰፈረው፡-
1.
የቅዱስ ሲኖዶስ አስተዳደር በየጊዜው የሚወስናቸውን ጉዳዮች ከየቤተ ክርስቲያናቱና ከልዩ ልዩ /ቤቶች የሚቀርቡትን ጥያቄዎች በሕጉ መሠረት መፈፀምና ማስፈፀም፣

2. ዋናውን /ቤት፣ የኮሚሽኑን፣ የቦርዶችን፣ የድርጅቶችንና የመምሪያዎችን በአጠቃላይ በቤተ ክርስቲያኒቱ ሥር የሚገኙትን የሥራ ዘርፎችን ሁሉ ማስተዳደርና መምራት፣

3.
ማንኛውንም የቤተ ክርስቲያኒቱን ገንዘብ በትክክል ገቢ መሆኑንና በሕጋዊ መንገድ ወጪ እየሆነ ለቤተ ክርስቲያኒቱ አገልግሎት መዋሉን መቆጣጠር፣

4.
የመምሪያና የልዩ ልዩ ድርጅቶች ሓላፊዎችን እያጠና እና ፓትርያርኩን እያስፈቀደ መሾም፣ የሥራ ሓላፊዎችን የሥራ ዝውውርና ዕድገት በአስተዳደር ጉባኤ እየተጠና እየተወሰነ እንዲፈፀም ማድረግ፣

5.
በየደረጃው ያለውን የሠራተኛ መብትና ግዴታ ማለትም የጡረታ፣ የጤና አጠባበቅ፣ የደረጃ ዕድገት፣ የፈቃድ አሰጣጥ፣ የዲስፕሊን ውሳኔ አፈጻጸም እና የመሳሰሉትን ሁሉ በሕጉ መሠረት መፈጸማቸውን መቆጣጠርና አመራር መስጠት፣

6. በበጀት የተመደበውን ማንኛውንም የቤተ ክርስቲያኒቱ ንብረት በፊርማው ማንቀሳቀስ፣

7. ማናቸውም የቤተ ክርስቲያኒቱ ገንዘብ ገቢና ወጪ በሕጋዊ የሂሳብ አያያዝና ደንብ መሠረት መሠራቱን መታተልና መቆጣጠር. . . ወዘተ እንደሚያካትት ተደርግጓል፡፡

ነገር ግን ይህን ድንጋጌ በመጣስና የጠቅላይ ቤተ ክህነቱን ዋና ሥራ አስኪያጅ ስልጣን በመጋፋት ቅዱስ ፓትርያርኩ በማን አለብኝነት አመመራቸው የወደዱትን ለመጥቀም ሲሉ አላግባብ ሹመዋል፣ የደረጃ እድገት ሰጥተዋል፣ ቀጥረዋል፣ አዛውረዋል፡፡ በግል የጠሉትንም ከቅዱስ ሲኖዶስ መመሪያ ውጪ ሽረዋል፤ ከደረጃ ዝቅ አድርገዋል፣ ደመወዝ አግደዋል፣ ከሥራ አባርረዋል፡፡ በዚህም የቤተ ክርስቲያኒቱን ገንዘብ ለከፍተኛ ብክነት ዳርገዋል፡፡

3.
የሲኖዶሱን ሥልጣን በተመለከተ በሕገ ቤተ ክርስቲያን አንቀጽ 7 በቁጥር 11 እና 12 ላይ ማለትም፡-
በውጭ አገር ለአገልግሎት የሚመደቡ እንዲሁም በአገር ውስጥ ትምህርት ተምረው የውጭውን ትምህርት መማር የሚችሉ ካህናትን እየመረጠ እንዲላኩ የማድረግ፣

ማንኛውም ሰው ቤተ ክርስቲያኒቱን ወክሎ ለሥራም ሆነ ለጉብኝት ወደ ውጭ አገር በሚላክበት ጊዜ ቅዱስ ሲኖዶስ እየፈቀደ መሆኑን ይደነግጋል፡፡

እንዲሁም የፓትርያርኩን ሥልጣንና ተግባር በሚገልጸው አንቀፅ 15 ቁጥር 12 ላይ ፓትርያርኩ በውጭ ስብሰባ ለመገኘትም ሆነ ጉብኝት ለማድረግ በሚፈልጉበት ጊዜ ስለ ተልእኮው ጉዳይ አስቀድሞ በቅዱስ ሲኖዶስና ቋሚ ሲኖዶስ ማስወሰን እንደሚገባቸው ተደንግጓል፡፡

ነገር ግን ፓትርያርኩ ለቅዱስ ሲኖዶስ ባላቸው ንቀት ምልዓተ ጉባኤውን ሳያስፈቅዱ ክብረ ቤተ ክርስቲያንን በሚያስነቅፍ መልኩ ፕሮቶኮል ያልጠበቁ እንቅስቃሴዎችን አድርገዋል፡፡ ያለምንም ብቁ ምክንያትና ተልዕኮ በየጊዜው በቤተ ክርስቲያኒቱ ብር በተራ ስብሰባዎች ላይ ለመገኘት በተለያዩ ዓለማት አጀብ በማስከተል በመውጣት፣ የቤተ ክርስቲያኒቱን ገንዘብ ለስብከተ ወንጌል ከማዋል ይልቅ መንሸራሸሪያ አድርገውታል፡፡ በዚህም የድሀይቱን ቤተ ክርስቲያን ገንዘብ በከፍተኛ ደረጃ እንዲባክን አድርገዋል፡፡

4.
የታላላቅ ገዳማት አበምኔቶችና የታላላቅ አድባራት አስተዳዳሪዎች በየሀገረ ስብከቱ ሊቃነ ጳጳሳት እየተመረጡ ሲቀርቡላቸው መዓርግ ስም እየሰጡ መሾም ሲገባቸው ከተሰጣቸው ሥልጣን ገደብ አልፈው ማንንም ሳይጠይቁ በመሾምና በመሻር ፓትርያርኩ ሕግን ተላልፈዋል፡፡ በተጨማሪም የተመደበ በጀት ይኑር አይኑር ሳይጠናና ሳይረጋገጥዓላማዬን ያሳኩልኛልያሏቸውን ሰዎች ወደ አዲስ አበባ ሀገረ ስብከት /ቤትና አጥቢያ አብያተ ክርስቲያናት በመላክ፣ በግዴታም እንዲቀበሉ በማስገደድ ከሕግ የወጣ ተግባር ፈጽመዋል፡፡ በዚህም ምክንያት ሀገረ ስብከቱንና አድባራቱን የእዳ ተሸካሚ አድርገዋቸዋል፡፡

5.
የቤተ ክርስቲያኒቱ የሀገረ ስብከት አወቃቀር መሠረት የሚያደርገው የዞን አስተዳደርን ስለሆነ እንደመንግሥት አወቃቀር ከክልል መስተዳድሮች ጋር በቀላሉ ተቀራርቦ ለመሥራት የሚያስችል አሠራር የለም፡፡ ይህን ችግር ለመፍታት የመዋቅር ማስተካከያ ያስፈልጋል፡፡ በተለይም በአማራ፣ በትግራይ፣ በኦሮሚያ እና በደቡብ ክልሎች ቤተ ክርስቲያኒቱን በክልል ደረጃ ሊወክል የሚችል አሠራር ተዘርግቶ ቤተ ክርስቲያኒቱ ከየክልሎቹ መንግሥታት አሠራር ጋር በቀላሉ ተቀራርባ መሥራት የሚያስችላትን አወቃቀር መፍጠር ነበረባት፡፡ ሆኖም ፓትርያርኩ ስልጣኔን ይሸራርፍብኛል ከሚል አቋም ይህን ለመተግበር ፈቃደኛ ባለመሆናቸው ችግሩ እስከ አሁን ዘልቋል፡፡

6.
ጋጠ ወጥ በሆኑ ዘፈኖቿ በዓለም ዘንድ የምትታወቀውንና እነዚህ ዘፈኖቿን ኢትዮጵያ ውስጥ ለመዝፈን የመጣችውን (ቢዮንሴ የምትባል) ዘፋኝ በቤተ ክርስቲያን ዓውደ ምሕረት የቤተ ክርስቲያንን፣ የአባቶችንና የምዕመናን ክብር በሚነካ መልኩ የፈጸሙት አሳዛኝ ታሪካዊ ስህተት የእርሳቸውን መንፈሳዊ መሪነት ጥያቄ ውስጥ የሚያስገባ ነው፡፡ በእርግጥ ግለሰቧ ቤተ ክርስቲያንን መጎብኘት ከፈለገች እንደማንኛውም ጎብኚ ልትጎበኝ ትችላለች፡፡ ነገር ግን ሁሉ የዐውደ ምሕረት አጀብ አስፈላጊ አልነበረም፡፡ እርሳቸውም ቢሆኑ መነጋገር ካስፈለጋቸው በእንግዳነቷ በቢሮአቸው ጋብዘዋት ማነጋገር ሲችሉ ብጹዓን አባቶችን ሰብስበው ለስምንት ሰዓታት ሙሉ በቤተ ክርስቲያን ዐውደ ምሕረት ሲጠብቁ መዋላቸው የቤተ ክርስቲያኒቱን ክብር የሚያጎድፍና የምእመናንን አንገት ያስደፋ ተግባር ነው፡፡

7.
የቅዱስ ሲኖዶስን ፈቃድና እውቅና ሳያገኙና የቤተ ክርስቲያኒቱን ቀኖና ሳይጠብቁ አጥቢያ አብያተ ክርስቲያናትን እንደ ቀበሌ /ቤት በመቁጠር የራሳቸውን ምስል ማስለጠፋቸውና ለዚህም የስዕል ሰሌዳ ያለ ቅዱስ ሲኖዶስ ፈቃድ የቤተ ክርስቲያኒቱን ገንዘብ ለግለሰቦች መበልጸጊያና ለብክነት መዳረጋቸው ቤተ ክርስቲያኒቱንና ምእመናንን ያሳዘነና በማሳፈር ላይ ያለ ጉዳይ ነው፡፡

8.
ሕገ ቤተ ክርስቲያን በሚያዝዘው መሠረት ቅዱስ ሲኖዶስ ሳይፈቅድና አመራር ሳይሰጥ በራሳቸው የግል ፈቃድ ዝክረ ቤተ ክርስቲያን በማለት በሽልማት ስም ቤተ ክርስቲያንን የማይወክሉ ሰዎችን በማሰባሰብ ግልጽ ባልሆነ መንገድ በቤተ ክርስቲያኒቱ ስም በርካታ ገንዘብ የገቢና ወጪ ሕጋዊ አሠራር በሌለው መንገድ ከቤተ ክርስቲያኒቱም ጭምር እንዲሰበሰብ አድርገዋል፡፡ በዚህም ምዕመናን ቤተ ክርስቲያኒቱን በጥርጣሬ እንዲመለከቷት በር ከፍተዋል፡፡ ከራስ ወዳድነታቸው የተነሳ ለራሳቸው ስጋዊ ዝና ሲሉም የቤተ ክርስቲያኒቱን ታሪክ በትውልድ ፊት አጉድፈዋል፡፡

9.
በመከራ ውስጥ አልፎ የቤተ ክርስቲያኒቱን ትምህርት ለተማረው ተገቢ ሥራ መደብ ከመስጠት ይልቅ ቤተ ክርስቲያኒቱን እንደግል ድርጅት በመቁጠር በዘመድ አዝማድ ወይዘሮዎችና አቶዎች ወሳኝ የቤተ ክርስቲያኒቱን ቦታዎች እንዲይዙ በማድረጋቸው ቤተ ክርስቱያኒቱን ለከፍተኛ ምዝበራና ውርደት አጋልጠዋል፡፡ እንዲህ ዓይነት ሥነ ምግባር የሌላቸው ወይዘሮዎችን በማረም ፈንታ ሽፋንና ደጋፊ በመሆን ቤተ ክርስቲያን ላይ ከፍተኛ በደል እየፈጸሙ ነው፡፡

10.
በቤተ ክርስቲያኒቱ ገንዘብና ንብረት ላይ በማን አለብኝነት በማዘዝ ዛሬ ቤተ ክርስቲያኒቱ በከፍተኛ የገንዘብ እጥረት ላይ እንድትገኝ አድርገዋል፡፡

11.
በአምባገነናዊ አስተዳደር ሂደታቸው የቤተ ክርስቲያን ሥርዓት ፈረሰ፣ ንብረት ተዘረፈ፣ ገንዘብ ተመዘበረ፣ ቀኖና ተፋለሰ፣ አድልዎ ነገሰ፣ የሰው መብት ተጣሰ፣ ወዘተ በማለት ማስተካከያና እርምት እንዲደረግ የሚጠይቁ ብፁዓን አባቶችን ለማስደንገጥ ከሀገረ ስብከታቸው ያነሳሉ፣ በጠላትነትም ይፈርጃሉ፡፡ በመንግሥት ባለስልጣናት ስምም ያስፈራራሉ፡፡


12. ከሀገር ውጭ ያለችውን ቤተ ክርስቲያን እንዲያገለግሉ ብቃት ያላቸውን ሰዎች ከመላክ ይልቅ በገንዘብና በዘመድ አዝማድ የሚላከው ይበልጣል፡፡ በዚህ መልኩ የተላኩት ብዙ ሰዎች ለቤተ ክርስቱያኒቱም ዕድገት ሳይሆን ከሃገር መውጣታቸውን ለግል ጥቅማቸው ማስፈጸሚያ በማድረግ፣ ቤተ ክርስቲያኒቱን በማዋረድ ምዕመናንን እያሳቀቁ ከፍተኛ በደል እየተፈጸመ ነው፡፡

13.
ለቤተ ክርስቲያኒቱ አገልጋዮች በመጡ የተለያዩ የውጭ የትምህርት ዕድሎች ዘመዶቻቸውን በቤተ ክርስቱያኒቱ ስምና ገንዘብ ልከዋል፡፡ የሔዱትም ሰዎች አብዛኞቹ በዚያው ስለሚቀሩ የተያዩ ኤምባሲዎችና ቆንስላ /ቤች ለቤተ ክርስቲያኒቱ ያላቸው እምነት በከፍተኛ ደረጃ ዝቅ እያለ መጥቷል፡፡ ይህም ለቤተ ዘመድ የሚሠሩት ተራ ጥቅማ ጥቅም ቤተ ክርስቲያኒቱን ብዙ የውጭ ሀገር ሰዎች በዝቅተኛ አይን እንዲመለከቷት አድርጓል፡፡

14.
በዘመነ ፕትርክናቸው ከምንጊዜውም በላይ የስብከተ ወንጌል አገልግሎት መዳከሙ ብቻ ሳይሆን መጥፋቱ ግልጽ ነው፡፡ ለዚህም አንዱ ማሳያ ቤተ ክርስቲያኒቱ በሀገር አቀፍ ደረጃ ያላት የምዕመናን ቁጥር መቶኛ ድርሻ በተዓምራዊ ፍጥነት እየቀነሰ መምጣቱ ነው፡፡ በአንጻሩም የሌሎች እምነት ተከታዮች በከፍተኛ ጥፍነት እያደገ መሆኑን 1999 እና 2000 . ሀገር አቀፍ የህዝብና ቤት ቆጠራ ውጤት በግልጽ እያሳየን ነው፡፡

15. በሙስናና በተለያዩ ከፍተኛ ችግሮች በደል ተገኝቶባቸው ከመንግሥት በግምገማ የሚባረሩ አካላትን ከጥፋታቸው ሳይታረሙ ከነችግራቸው በማቅረብ ቤተ ክርስቱያኒቱን የዘራፊዎች ዋሻ አድርገዋልታል፡፡

16.
ያለምንም ይሉኝታ በቤተሰብና በቤተዘመድ በእውቅና እንዲፈጸም በሚያደርጉት የቅጥር ሂደት ባለሙያዎችና ምሁራን በቤተ ክርስቲያኒቱ ውስጥ ምንም ድርሻ አግኝተው ሙያቸውን ለቤተ ክርስቲያን ማበርከት እንዳይችሉ አድርገዋል፡፡

17.
በየአህጉረ ስብከቶች የሚገኙ ገዳማት፣ አድባራትና አብያተ ክርስቱያናት እየተዘጉ ካህናትና አገልጋዮቿ በረሀብና በመተዳደሪያ እጦት እየተሰደዱ ባሉበት በአሁኑ ወቅት ፓትርያርኩ ግን ለዚህ አንዳች መፍትሔ ከመፈለግ ይልቅ ስለራሳቸው ዝናና ክብር የህዝብ ግንኙነት ሥራ እንዲሠራላቸው አሜሪካን ሃገር ለሚገኘው የሃገር ፍቅር ሬዲዮ አዘጋጅ 100‚000.00 (መቶ ሺህ ብር) እንዲሰጥ ማድረጋቸው ዕለት ዕለት የሚያስጨንቃቸው የራሳቸው ስምና ዝና መታወቅ እንጅ የቤተ ክርስቲያን ችግር መፍትሔ ማግኘቱ አለመሆኑን የሚያሳይ ነው፡፡

18.
ከቤተ ክርስቲያኒቱ አስተዳደር ጋር ተያይዞ በሀገር ውስጥ በየክልሉ እንዲሁም ከሀገር ውጭ በሚፈጠሩ ችግሮች በስተጀርባ እርሳቸው የተለያየ የጥቅም ግንኙነት ስለሚያደርጉ ለችግሮቹ መፍትሔ ለመስጠት አስቸጋሪ ደረጃ ላይ ተደርሷል፡፡ ለችግሮቹ መፍትሔ ከስጠትም ይልቅ ችግሮቹ በተከሰቱበት ሀገረ ስብከት አስተዳደር ውስጥ ጣልቃ በመግባት ግጭቶች እንዲባባሱ እያደረጉ ይገኛሉ፡፡

19.
በተለያዩ ጊዜያት የቤተ ክርስቲያኒቱን የኢኮኖሚያዊ ልማት ተሳትፎ ያሳድጋሉ፣ ገዳማትንና የአብነት ትምህርት ቤቶችን ከመዘጋት ያድናሉ ተብለው የታመባቸው የተለያዩ የልማት ፕሮጀክት ጥናቶች ለምሳሌ የቱሪዝም፣ የግብርናና ወዘተ ተግባራዊ እንዲሆኑ በቅዱስ ሲኖዶስ ከተወሰነ በኋላ ሥራ ላይ እንዳይውሉ ሆን ብለው አምባገነናዊ ሥልጣናቸውን በመጠቀም ተዳፍነው እንዲቀሩ አድርገዋል፡፡

20.
ፓትርያርኩ በሚሰጧቸው የልብ ልብ ስለ ፓትርያርኩ እንጂ ስለ ቤተክርስቲያን የማያውቁና የማይጨነቁ ቤተ ዘመዶቻቸው ሊቃነ ጳጳሳትን ሳይቀርና እውነተኞች የቤተ ክርስቲያኒቱን አገልጋዮች እየገላመጡ እና እያሳቀቁ ነጻነት እንዳይሰማቸው ያደርጋሉ፡፡

21.
የልማትና ክርስቲያናዊ ተራድኦ ኮሚሽንና የኪራይ ቤቶች አስተዳደር የገንዘብ ስርጭት እና አጠቃቀም ላይ የእርሳቸውን የግል ጥቅም በሚያስከብር ስውር መንገድ የሚሠራበት ሁኔታ በመኖሩ ቤተ ክርስቲያኒቱን ለከፍተኛ ሙስና እየዳረግዋት ነው፡፡ ለምሳሌ ቢያንስ በወር ውስጥ ለግል ጥቅማቸው ህጋዊ ባልሆነ አሠራር ከቤቶች ኪራይ እስከ 10‚000.00 (አሥር ሺህ) ብር ይወስዳሉ፡፡ ይህም በቤተ ክርስቲያኒቱ ሀብት ላይ በማን አለብኝነት እንደፈለጋቸው እያዘዙ መሆኑን በግልጽ ያሳያል፡፡

22.
የቤተ ክርስቲያኒቱን ሚዲያዎች በተገቢው መንገድ አደራጅቶ ለምዕመናን የማስተማሪያ እና ቤተ ክርስቲያኒቱን ማስተዋወቂያ መንገድ ከማድረግ ይልቅ ያለምንም ኤዲቶሪያል ፖሊሲና ግልጽ አሠራር ለራሳቸው መጠቀሚያ እንዲሁም ማሳደሚያ አድርገዋቸዋል፡፡ ይህም ሰዎችን ስለ ቤተ ክርስቲያኒቱ የተሳሳተ ስዕል እንዲኖራቸው አድርጓል፡፡
23.
በአጠቃላይ ቤተ ክርስቲያኒቱ ራዕይ አልባ እንድትሆን ማድረጋቸው አስቸኳይና አፋጣኝ መፍትሔ የሚፈለግለት ጉዳይ ሆኗል፡፡ በመሆኑም አስፈላጊ የሆነውን የመፍትሄ ሃሳብ ከልብ አጢኖ አፋጣኝ እርምጃ መውሰድ ያስፈልጋል፡፡

ምንጭ፦የኢትዮጵያ ኦርቶዶከስ ተዋሕዶ ቤተ ክርስቲያን ዋና ዋና አንገብጋቢ ችግሮች እና መፍትሔዎች፦ ከፍተኛ ትኩረት የሚሻ” (ግንቦት 2001 .) ከገጽ 3-9





20 comments:

The De.... said...

Yesinodosun wusane yalteqebele patriarch enquan patriarch papas new wey? Ende betekirstianachin hig,yesinodosin wusane yemayiqebet yetewegeze new.Tadiya bemin sirat new bitsu weqidus eyetablu yemiterut? Tikikilegna kiristianoch yegnihin sew sim yemayiterut,kekifu sirachew gar hibret yelelachew nachew! Ersachew halafinetachew yepoleticawun tiqim maskeber neber,yihin bemigeba tewetitewutal. Enante yaliteshomubetin lemin aliserum bilachihu new kisu? Betekirstianat hulu simachewun metirat yelebachewum! Yih andu yeteqawumo megilech new. Andandoch lematilalat endemilut kebetekirstian megentel ayidelem. Lehulum yetewahido Amilak,YeEthiopia Amilak yemibejewun meri lebetekirstianachin ena lehagerachin yistilin.

Dn Haile Michael said...

በወቅቱ የቤተክርስቲያን ችግር አቡነ ጳውሎስን ሳያስወግዱ ችግሩን እፈታለሁ ማለት ልክ የማብራት አደጋ ስነሳ master switch ሳያጠፉ እያንዳንዱን መስማር በመቁረጥ አደጋውን እከላከላለሁ ማለት ነው ::ይህ ደግሞ አደጋውን መከላከል ከለመቻሉም በላይ ሌላ ተጨማሪ አደጋ ያስከትላል ::አሁን በቤተክርስቲያን እያየን ያለውም ይህንን ነው ::
አቡነ ጳውሎስ ‘ተሐዲሶ የለም” ከሚለው ዓይነን ግንባር ያድርገው ዓይነት አቁዋማቸው በተጨማሪ ለ”ተሐዲሶዎቹ” ድጋፍ በማድረግ ተሐዲሶ አለ የሚላውንና የሚያጋልጠውን ለማሰጣት ጥረት እያደረጉ ነው ::የቤተክርስቲያኒቱ ትልቁ የበላይ አካል ቅዱስ ሲኖዶስም ጥርስ የሌላው አንበሳ ከሆነ ቆይቶአል ::
ስለዚህ አሁን መወያየት ያለብን አቡነ ጳውሎስን እንዴት አስወግደን ቤተክርስቲያንን ከተደቀነባት አደጋ እንታደግ በሚለው ነው :: ከዚህ ቀጥሎ ያለውን እንደ መነሻ በጥቅሉ እነሆ
1 .በቅድሚያ ምዕመናን ሁሉ በቤተክርስቲያን ላይ ስለ ተጋረጠው አደጋ ትክክለኛ ግንዛቤ እንዲኖራቸው መረጃ በማዳረስና በመግለጽ መሥራት
2. ይህ ሁሉ ከተደረገ በሁዋላ ምዕመናን በተወካዮቻቸው የአቡነ ጳውሎስ ቤተክርስቲያንን የማዳከም ሤራ በዝርዝር ለመንግሥት አካላት በመግለጽ ጉዳዩ የሃይማኖት እንደሆነና ቤተክርስቲያናችንን የመታደግ ጉዳይ ስለሆነ መንግሥት ሲሆን ድጋፍ እንዲያደርግ ሳይሆን በጭፍን አቡነ ጳውሎስን ከመደገፍ እንዲቆጠብ መግለጽ
3 ምናልባት መንግሥት ከዚህ በሁዋላ አቁዋሙን የማይቀይርና አቡነ ጳውሎስን የሚደግፍ ከሆነ ለሰማዕትነት መዘጋጀት ነው ::የቤተክርስቲያናችን ጉዳይ ሳይርቅ በቅርቡ ሳይደርቅ በእርጥቡ ከሆነ የሚታየኝ ይህ ነው:: ችግሩን አወራን: ጽዋዑም ሞልቶ ተረፈ :ከእንግድህ በመፍትሔ ላይ ብንወያይ አይሻልም ትላላችሁ?

Anonymous said...

ይህ የሀይማኖት ጉዳይ ነው።ውድ ወንድሞች/እህቶች "We have to be serious." የእሳት ልጅ አመድ መሆን ያለብን ኣይመስለኝም።

Dn Haile Michael said...

እኔ በበኩሌ ይህን መረጃ ፕርንት አድርጌ የቻልኩትን ያህል ለማሰራጨትና ምዕመናን ግንዛቤ እንድኖራቸው ለመድረግ ጀምሬአለሁ ::ለማውቃቸው ኦርቶክሳውያን ወንድሞችና እህቶችም መይሌአለሁ(emailed)
መረጃውን በማዳረስ የድርሻችንን እንወጣ::

Anonymous said...

Dn,Haile yalkewu tikil newu gin ....."አባቱ ዳኛ ልጁ ቀማኛ"!!!! ነው የሚለዉ ያገሬ ሰዉ ምን ዋጋ አለዉ ከላይ እስከ ታቺ ያለዉ ራሱ የበሰበሰ ነው እና ወደየት ነው የሚኬደዉ መንግስት ራሱ በሁሉም ቦታ የኔ የሚላቸዉን ነው ያስቀመጠዉ::ማንን ነክተህ ማንን ታስቀራለህ?ሁሉም ያዉ ናቸዉ እኮ::አሁን እኮ ቤ/ቲያን ከምንም ጊዜ በላይ የተዋረደቺበት ጊዜ አሁን ነው::እና "ካልደፈረሰ አይጠራም"እና ሁሉንም ጊዜ ይፍታዉ እየተባለ ትውልድ እየጠፋ ነዉ::እ/ሄር የተባረከ መሪ እንዲሰጠን መጸለይ ነዉ::ሌላ ምን እቅም አለን::

Anonymous said...

Roza Birke "አባቱ ዳኛ ልጁ ቀማኛ"!!!! ነው የሚለዉ ያገሬ ሰዉ ምን ዋጋ አለዉ ከላይ እስከ ታቺ ያለዉ ራሱ የበሰበሰ ነው እና ወደየት ነው የሚኬደዉ መንግስት ራሱ በሁሉም ቦታ የኔ የሚላቸዉን ነው ያስቀመጠዉ::ማንን ነክተህ ማንን ታስቀራለህ?ሁሉም ያዉ ናቸዉ እኮ::አሁን እኮ ቤ/ቲያን ከምንም ጊዜ በላይ የተዋረደቺበት ጊዜ አሁን ነው::እና "ካልደፈረሰ አይጠራም"እና ሁሉንም ጊዜ ይፍታዉ እየተባለ ትውልድ እየጠፋ ነዉ::እ/ሄር የተባረከ መሪ እንዲሰጠን መጸለይ ነዉ::ሌላ ምን እቅም አለን::

ዘሐመረ ኖህ said...

ዲያቆን ኃይለ ሚካኤል ጥሩ የመፍትሄ ሃሳብ አቅርበዋል ስለ አቡነ ፓውሎስ የአብዛኛው ሕዝብ ግንዛቤ ለመንግስት የፖለቲካ ድጋፍ የሚያደርጉ ብቻ እንጂ የተዋህዶ እምነታቸንን ሊያጠፉ መምጣታቸውን እምብዛም የተረዳ የለም ። አቡነ ፓውሎስ የኢትዮፕያ ተዋሕዶ ቤተክርስቲያንን እምነት ፣ሥርዓት፣ታሪክ ፣ቅርስና ገንዘብን ለማጥፋት መምጣታቸውን ሕዝቡ ሙለ በሙሉ እንዲያውቅ ማድረግ። ከመንግስት ብዙም ሳንጠብቅ ነገር ግን መሄድ እስከሚቻለው ድረስ መሄድ በይበልጥ ለመስዋእትነት መዘጋጀት አለብን 19 ዓመት የረባ እርምጃ ባለመውሰዳችን ብንዘገይም ወደ ቁርጥ ለመግባት ጊዜ አለን እባካችሁ የመፍትሄውን ሃሳብ በቅጡ ተነጋግረን ወደ ተግባር እንግባ ምን እስክንሆን ነው የምንጠብቀው?

Anonymous said...

I very much agree with Dn. Haile Michael. Yes that is the only option. Our fathers and grand fathers sacrifiece their life to sustained TEWAHIDO. It wasn't just a free gift. It cost them a lot. Everyone of us should be ready to sacrifiece a little bit. It can add up to some thing big!!!

It is my prayer to see us back to normal. This is not normal at all!!!!!!!!!!!!!!!!!!!!!!!!!!!!

Anonymous said...

ere ebakachehu felesfenachehun akumu Abune Paulosen yasekemetachehut enanete nachehu? gud Eko new yale EGZIABHER fekad manem sew eza bota lay ayekemtem weys ye shewa sew letasekemetu felegacheu? Abune baselyosen derg endegedele enanetem kechalachehu gedeluna askemetu gin Egziabeher asalefo lenanete ayesetem tetnkeku kerseteyan nen telalachehu andebetachehu gin yemeyawetawen atawekum waaaaaa

Anonymous said...

alawekem nabare yasazenal baergete ahone gabage yabatakerestane telate mane enedahona chegero katawaka mafeteha ayettafawem ena..

Anonymous said...

ያልተቀነሰ፤ያልተጨመረ ትክክለኛ የአባ ጳውሎስ መገለጫ ነው። ግን ግን መጠኑ ይነስ እንጂ አንደዚህ አይነት ችግር በሊቃነጳጳሳቱ ዘንድ የለም? የዘመድ ቅጥር፤ ገንዘብ ምዝበራ፤ የንጽህና ግድፈት፤ ምን ቸገረኝ ባይ፤ ፈሪና ተለማማጭ የለም? እናውቃቸዋለን። ሁሉም ለዚህች ቤተክርስቲያን መጥፋት ድርሻ አላቸው።

Tewahedo said...

ሰላም ደጀ ሰላሞች

እንዳለመታደል ሆኖ እኛ የደረስንባት ቤተ ክርስቲያን ጭቅጭቅ የበዛባት ሰላም የሌላት አስተዳዳሪዎችዋና ልጆችዋ የሚሰድባት ሆነች::

እናንተም ይህን ይዛችሁ የምታቀርቡልን ጽሁፎች በሙሉ የሚያሰቅቁና የሚያስቆጩ የሚያናድዱ ተስፋ የሚያስቆርጡ ሆኑ:: እባካችሁ ስለአንባቢያን ስትሉ አንዳንድ ጥሩ የሚሰሩ ሰዎችን እየፈለጋችሁ ጽሁፎችን ለማውጣት ሞክሩ:: መቸስ ጥሩና መንፈሳዊ አባቶች ቤተ ክርስቲያን የሏትም ማለት አይቻልም::

አንድ ጥናት ባለፈው ሳነብ እንዲህ ይላል:: በተደጋጋሚ ሰለሃይማኖታቸው መጥፎ ዜና የሚሰሙ ሰዎች ሃይማኖታቸውን የመተው በሃይማኖታቸው ያለመተማመን ፕሮባብሊታቸው ሰፊ ነው:: እና እባካችሁ እንደ እናንተ ጠንካራ ኦርቶዶክሳዊ ብቻ አይደለም የብሎጋችሁ ተከታታይ አንዳንዴ በቤተ ክርስቲያን ሰለተደረጉ ጉባኤዎች ሰለወጡ መዝሙሮች ስለተሰሩ አብያተ ክርስቲያናት ሰለመንፈሳዊ ህይወት መለወጥ ሰለጸሎት ስለጦም ስለፈውስ እና ስለመሳሰሉት መንፈሳዊ ነገሮች ጣፉ::

እባካችሁ ስለ በጋሻው እና አባ ጳውሎስ መጻፍ ይቁም::

So let us try to write about positive issue. Negative issues are not good for church development.

I am not saying we don't have to fight those who are against church laws and orders But ርእሳችን ሁሉ ግን እርሱ ብቻ አይሁን::

gonderew said...

I READ ALL WHAT ABA G/MEDIHIN DID FOR OUR ONE AND ONLY CHURCH.BUT THEY HAVE ONE BIG AIM LEFT i.e ELIMINATE GREAT ETHIOPIA FROM MAP BY REMOING ETHIOPIAN ORTODOX TEWAHIDO CHRISTIANITY.BECAUSE ETHIOPIA AND TEWAHIDO ARE ONE AND ONE.BELIVE ME THAT IS THE POLICY OF G/MEDIHIN AND HIS SUPPORTER.
IN ADDITION TO DN HAILE IDEA

1.WE DON'T HAVE TO WAIT ANY SOLUTION FROM G/MEDIHIN
2.WE HAVE TO EXEPLAIN EACH AND EVERY THING WHAT THEY ARE DOING FOR THIS CHURCH TO EVERY OUR CHURCH MEMBERS.
SO ALL ETHIOPIAN EXCEPT HIS GROUP WE WILL HAVE ONE AND THE SAME IDEA.
3.WE HAVE TO WRITE CLEAR MESSAGE TO THE GOVERNMENT WHAT WE NEED ACCORDING TO HIS CONSTITUTION.I KNOW THEY NEVER FOLLOW THEIR CONISTITUTION.BUT GOVERNMENT AND RELIGION ARE DIFFERENT.
4.PEOPLES WHO KNOW EACH MEMBERS OF SINODOS MUST COMMINCATE AND ASK IDEA,IF THERE IS TRUE HEART PAPAS.
5.ALWAYS PRAY,FAST AND CRY FOR ETHIOPIA.
6.IF THE HEAD OF FISH IS BAD WE HAVE TO REMOVE THE WHOLE FISH.ACTUALLY G/MEDIHIN IS NOT THE HEAD OF CHURCH.WE HAVE TO REMOVE THIS PERSON WHO LIVE FOR HIS FLASH.HE IS THE ONE AND ONLY PROBLEM MAKER FOR OUR CHURCH.
7.HE WILL DO SOMETHING e.g BY GIVING WRONG PICTURE TO THE GOVERNMENT,OUR MOVEMENT AS A POLETICAL FIGURE.BUT WE HAVE TO SHOW THEM OUR QUASTION IS ONLY RELIGION NOT POLETICS.EVEN IF THE GOVERNMENT HAVE NOT EAR TO LISTEN THE PEOPLE.
PLEASE THIS THE TIME TO PROTECT AND CLEAN OUR TEWAHIDO.
GOD BLESS ALWAYS OUR GREAT ETHIOPIA
AMEN.

Anonymous said...

Some EOTC Miimenan ARE trying to do something about the churrent serious challenges facing our beloved church. For details, please visit: www.eotcipc.org. Please support the conference in any way you could.

Anonymous said...

Dejeselam deserves our highest respect for revealing the truth in such a stark manner. The question is who is responsible for dealing with this atrocious issue?

Obviously, we can't expect the regime to do anythin about Abune Paulos who is their cadre.

The bishops (papasat) are, unfortunately, "ayrebum" in the word of Aboy Sehat. Although they do make high sounding decisions such as the removal of the shameful Abune-Paulos statue, they don't do anythin when their decision is simply ignored. They don't have the guts of their forbears, Abune Petros and Abune Mikael.

We, the miimenan are the other responsible people including myself. We do nothing but talk or write. Miimenan can and should stop funding Abune Paulos and his evil system.

Anonymous said...

deje selam akerabewache bareto enaneta ewenatone asayone ega yametabakebenen enaragalane

Anonymous said...

Dn Haile Michael said...
በወቅቱ የቤተክርስቲያን ችግር አቡነ ጳውሎስን ሳያስወግዱ ችግሩን እፈታለሁ ማለት ልክ የማብራት አደጋ ስነሳ master switch ሳያጠፉ እያንዳንዱን መስማር በመቁረጥ አደጋውን እከላከላለሁ ማለት ነው ::ይህ ደግሞ አደጋውን መከላከል ከለመቻሉም በላይ ሌላ ተጨማሪ አደጋ ያስከትላል ::አሁን በቤተክርስቲያን እያየን ያለውም ይህንን ነው ::
አቡነ ጳውሎስ ‘ተሐዲሶ የለም” ከሚለው ዓይነን ግንባር ያድርገው ዓይነት አቁዋማቸው በተጨማሪ ለ”ተሐዲሶዎቹ” ድጋፍ በማድረግ ተሐዲሶ አለ የሚላውንና የሚያጋልጠውን ለማሰጣት ጥረት እያደረጉ ነው ::የቤተክርስቲያኒቱ ትልቁ የበላይ አካል ቅዱስ ሲኖዶስም ጥርስ የሌላው አንበሳ ከሆነ ቆይቶአል ::
ስለዚህ አሁን መወያየት ያለብን አቡነ ጳውሎስን እንዴት አስወግደን ቤተክርስቲያንን ከተደቀነባት አደጋ እንታደግ በሚለው ነው :: ከዚህ ቀጥሎ ያለውን እንደ መነሻ በጥቅሉ እነሆ
1 .በቅድሚያ ምዕመናን ሁሉ በቤተክርስቲያን ላይ ስለ ተጋረጠው አደጋ ትክክለኛ ግንዛቤ እንዲኖራቸው መረጃ በማዳረስና በመግለጽ መሥራት
2. ይህ ሁሉ ከተደረገ በሁዋላ ምዕመናን በተወካዮቻቸው የአቡነ ጳውሎስ ቤተክርስቲያንን የማዳከም ሤራ በዝርዝር ለመንግሥት አካላት በመግለጽ ጉዳዩ የሃይማኖት እንደሆነና ቤተክርስቲያናችንን የመታደግ ጉዳይ ስለሆነ መንግሥት ሲሆን ድጋፍ እንዲያደርግ ሳይሆን በጭፍን አቡነ ጳውሎስን ከመደገፍ እንዲቆጠብ መግለጽ
3 ምናልባት መንግሥት ከዚህ በሁዋላ አቁዋሙን የማይቀይርና አቡነ ጳውሎስን የሚደግፍ ከሆነ ለሰማዕትነት መዘጋጀት ነው ::የቤተክርስቲያናችን ጉዳይ ሳይርቅ በቅርቡ ሳይደርቅ በእርጥቡ ከሆነ የሚታየኝ ይህ ነው:: ችግሩን አወራን: ጽዋዑም ሞልቶ ተረፈ :ከእንግድህ በመፍትሔ ላይ ብንወያይ አይሻልም ትላላችሁ
guys say something please.....

Anonymous said...

ስኳር ሆይ ዓይን ማሳወርህ የታል? ኮሌስትሮን ሆይ የልብን ምት መታገልህ የታል? ደምብዛት ሆይ ስትሮክ መምታትህ የታል? ሁላችሁም ለካ ኃያልነታችሁ በድሃ እና በጨዋ ላይ ነው ለካ:: ማዳላታችሁን አየንላችሁ ከአሁን በኋላ እናውቅባችኋለን::

ወልዳ ለተዋሕዶ said...

ውድ ኢትዮጵያውያንና ኦርቶዶክሳውያን ወገኖቼ አንድ ያልገባኝ ድርጊት አለ እሱም የቤት ክርስቲያን ታሪክ መስራት የሚቻለው ወይም ለውጥ ማምጣት የምንችለው በዚህ መልክ ይመስላችኋል? ማለትም ጳውሎስ እንዲህ ነው የእገሌ ታሪክ እንደዛ በማለት የአባቶቻችን መንፈስ በእኛ በልጆቻቸው ላይ መታየት ስላልቻለ ቌንቌችን ዘለፋ ቢቻ ሆኖ ቀረ እስኪ ሁላችንም እራሳችንን ፈትሸን ንስኃ ገብተን አምላካችንን አድነን ቤተ ክርስቲያናችንን እራሳቸውን ሳያድሱ እናድሳት ለሚሉና ለመናፍቃን በር እየከፈቱ አሳልፈው ለመስጠት በስም የቤተ ክርስቲያን ሃላፊዎች ነን ባይ ከሆኑና እራሳቸው ሳይማሩ አስተማሪዎች ነን በማለት ከሚያወናብዱ ምናምንቴዎች ታደጋት እያልን መጸለዩ ነው የሚያዋጣ እላለሁ የቅዱሳን አምላክ ማስተዋሉን ያድለን አሜን::

Anonymous said...

ዲ/ን ሃይሌ ባሉት ላይ ተጨማሪ የመፍትሄ ሃሳብ
1. ከሁሉም በላይ ሁሉን ማድረግ ለማይሳነው እግዚአብሔር አልቅሰን መንገር - ለእግዚአብሔር አልቅሰን ሳንነግር ብዙ ተአምር በአጭር ጊዜ እንዲከሰት ብንጠብቅ ብዙ ጥፋት ይደርሳልና
2. ሕዝበ ክርስቲያኑ ለብዙ መረጃዎች ሩቅ ስለሆነ ሁላችንም የምናገኜውንና የምናውቀውን መረጃ ለሕዝብ ማድረስ
3. በየቤታችን በየጎረቤታችን በየሰፈራችን በቤተክርስቲያናችን በየጽዋ ማህበራችን በጉዳዩ ላይ በጥልቀት በመወያየት የሃይማኖታችን አሳሳቢ ችግር የሁላችንም እንደሆነ በግልጽ መወያየት ለሚሰጡ የመፍትሔ ሃሳቦች በግልም ሆነ በማህበር አጠናክሮ ድጋፍ መስጠት
4. በየንስሓ አባቶቻችን የምንገኝ ምዕመናን ለየንስሓ አባቶቻችንን በግልጽ በመንገር ካህናትና ምዕመናን ለሰማዕትነት እንዲዘጋጁ ማድረግ
5. ምዕመናን ለቤተክርስቲያን የምንሰጠውን መባዕ በጥንቃቄ እያየን መቀደሻ ላጡ ገዳማትና የገጠር አድባራት ብቻ መስጠት በከተማ ያሉ አድባራት በተለይም በአዲስ አበባ ውስጥ የሚገኙ ታላላቅ ሕንፃ የገነቡ ቤተክርስቲያናት የሚያገኙት ኪራይ የት እንደገባ ሳይታወቅ ምዕመኑን እንደገና ምጽዋት እየለመኑ ግልጽ ዘረፋ ስለሚያደርጉበት ገንዘብ በመስጠት አለመተባበር
6. አፍቃሪ ጳውሎስ ለሆኑት ካህናትና ጳጳሳት - አሁን እንደተጀመረው የተሃድሶ አራማጅ ሰባኪያንን የማጋለጥ ሥራ ስማቸውን እያጋለጥን ለእነሱ አለመተባበር
7. የግል ጸሎታችንን ከቤተክርስቲያን ግቢ ውጭ ሆነን ካደረስን በኋላ በመመለስ ተቃውሞአችንን መግለጽ

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)