June 10, 2011

የማ/ቅዱሳንን ሕትመቶች የሚገመግሙ ሊቃውንት ተመደቡ

To Read, Print and Share this Message, click HERE (PDF). ይህንን መልእክት በPDF ለማንበብ፣ ለማተም እና ለሌሎች ለማዳረስ ይህንን ይጫኑ።
(ደጀ ሰላም፤ ጁን 9/2011)፦ በማ/ቅዱሳን እና ከበላዩ ባለው በሰንበት ት/ቤቶች ማ/መምሪያ መካከል ለዓመታት ለዘለቀው አለመግባባት በመምሪያው በኩል በምክንያትነት የሚቀርበውን “ማህበሩ ሕትመቶቹን ለመምሪያው አያሳይም” የሚለውን ሰበብ ለመዝጋት ጠቅላይ ቤተ ክህነቱ ባደረገው እንቅስቃሴ ከሊቃውንት ጉባኤ ሦስት ሊቃውንትን መመደቡን በድጋሚ አስታወቀ።


በጠቅላይ ቤተ ክህነት ዋና ሥራ አስኪያጅ በብፁዕ አቡነ ፊሊጶስ ተፈርሞ ዛሬ በወጣው ደብዳቤ ማ/ቅዱሳን “የሚያሰራጫቸው የሕትመት ውጤቶችና የሚዲያ ስርጭቶች ሁሉ በሊቃውንት እየታዩና እየታረሙ እንዲታተሙና እንዲሰራጩ በተወሰነውና በታዘዘው መሠረት ከሊቃውንት ጉባኤ … ከተመደቡት በመ/ታቦር ተሾመ ዘሪሁን፣ በመ/ብሉይ እዝራ ለገሠ እና በመ/ር አእመረ አሸብር እየታዩና እየታረሙ ከሥራ ላይ እንዲውሉ  … የማህበረ ቅዱሳን ጽ/ቤትም ከላይ እንደተገለጸው ከሰኔ 1 ቀን 2003 ዓ.ም ጀምሮ ሳያስመረምር ሕትመትና ስርጭት ላይ እንዲያውል በድጋሜ በዚህ ደብዳቤ ግልባጭ” ታዟል።

ጠቅላይ ቤተ ክህነቱ በሁለት በኩል ተወጥሮ ባለበት ሁኔታ ችግሩን በመጠኑ ለማቃለል ይህንን ደብዳቤ ይጻፍ እንጂ በሦስት ሰዎች በወር ሁለት ጊዜ የሚወጣ ስምዐ ጽድቅ ጋዜጣ እና በየወሩ የሚወጣ ሐመር መጽሔት እንዲሁም ሌሎች የሕትመት ውጤቶችን ለማረም  እነዚህ ሦስት ሊቃውንት ምን ያህል ጊዜ ሊያገኙ እንደሚችሉ ከአሁኑ የሚያሰጋ ነው። ነገሩ በተፈለገው መልኩ የማይሄድ ከሆነ እና ሕትመቶቹ ከሚታተሙበት ጊዜ እንዲዘገዩ የሚያስገድድ ነገር ቢፈጠር አሁን የተዳፈነው ችግር ድጋሚ መፈንዳቱ እንደማይቀር መገመት ይቻላል።

ማ/ቅዱሳን መጽሔት እና ጋዜጣ ማሳተም ከጀመረበት ከ1985 ዓ.ም ጀምሮ ባሳተማቸው የሕትመት ውጤቶች አንድም ጊዜ በነገረ ሃይማኖት ጥፋት ተገኝቶበት እንደማያውቅ አምና ከፍተኛ የመንግሥት ባለሥልጣናት በተገኙበት “ማ/ቅዱሳንን የመክሰስ” ሸንጎ ላይ የተገለጸ ሲሆን በወቅቱ በነአባ ሰረቀ እንደ ጥፋት የተቆጠረበት አንድ ጉዳይ ሕትመቶቹ ፖለቲካንም በስውር ይጠቅሳሉ የሚለው ክስ እንደነበር መዘገባችን ይታወሳል። እነ አባ ሰረቀ በዚያ ክሳቸው የመንግሥት ባለሥልጣኑ አቶ ተፈራ ዋልዋ “ቤተ ክርስቲያን የነፍጠኞች ዋሻ ናት” ማለታቸውን ለመጠየቅ የተደረገላቸውን አንድ ቃለ ምልልስ በአስረጂነት አቅርበዋል። በእምነት በኩል ግን ሕትመቶቹ ጥፋት አጥፍተዋል የሚባል አንድም ነጥብ ሳይገኝባቸው ቀርቷል።


ጠቅላይ ቤተ ክህነት አሁን በጀመረው መልኩ በመቀጠል በተለያዩ የቤተ ክርስቲያኒቱ አካላት የሚታተሙ መጽሔቶች እና ጋዜጦች ተመሳሳይ የሊቃውንት እርምትና ክትትል እንዲደረግባቸው በማድረግ መዝለቅ ቢችል ለወደፊቱ ሊበጅ የሚችል ተግባር ሊሆን ይችላል።

16 comments:

Anonymous said...

ጠቅላይ ቤተ ክህነቱ ይህን ማድረጉ እንደ መልካም ጅምር ሊቆጠር ይችላል ምክንያቱም ትክክለኛ የቤተክርስቲያን ሊቃውንት ያሉብት ነገር ቢያምር እንጅ አይከፋም:: ነገር ግን እኔ ያለኝ ስጋት ህትመቶቹ እስካሁን ምንም ዓይነት ስህተት ሳይገኝባቸው ለ18 ዓመት እንደዘለቁ እየታወቀ በሊቃውንት እንዲገመገሙ መባሉ የህትመቱን ሂደት ለማጓተት/ለማስተጓጎል የተደረገ የውስጥ ሴራ እንዳይሆን:: ምክንያቱም ግለሰቦች/ማኅበራት ለቤተክርስቲያን ስጋት የሚሆን ስንት ፅሁፍ እና መዝሙር በቤተክርስቲያን ስም እየቸበቸቡ ሊቃውንት ይመደቡላቸው ሳይባል አንድ ትውልድ ለቤተክርስቲያን እና ለሀገራችን በመልካም ስነ ምግባር ያነፁ ህተመቶች ላይ ማተኮሩ ከቅንነት የመነጨ ውሳኔ አይመስለኝም::
ለሁሉም ግን ሂደቱን አይቶ መገምገሙ ስለሚሻል አስተያየቴን በዚህ ላቁም::

ለውጥአየሁ said...

ተመስገን! እስኪ አሁን ደግሞ ምን ያመጡ ይሆን አባ ሠረቀ? መቼም ትንሽ ቆይተው ሊቃወንቱ ራሳቸው የማኅበረ ቅዱሳን አባል ናቸው ማለታቸው አይቀርም፡፡ ለማንኛውም አሁንም ቸር ወሬ ያሰማን?

አንድነት ለተዋህዶ said...

<>

ትክክል ብለዋል

Anonymous said...

Dear Brother and Sister,
Peace be Unto You in The name of our Lord and Saviour Jesus Christ.

Don't be troubled by this. Righteousness is like gold it has to be refined with fire. Let's accept some of the things as positive like this one.
By letting our fathers review and comment on the release of hamer/simea tsidk we are obeying GOD as always...
"to obey is better than sacrifice" 1 samuel 15:22 it is also silencing the enemy. Nothing disappoint the enmy than politeness, obedience

May the Lord guide our way in these troubling times

Anonymous said...

it seems a good measure but am still some how curious about it. they didnt act for so long on others who wrote a book, distributed dvd of songs and preaching against the doctrine of the church. why the take such strong grip on MK that works in accordance with the dogma and canon of the church...... am disperately seeking justice from God only

Anonymous said...

Abab Sereke... Ene Lemin Algebahum bilew Yikesalua

ወልዳ ለተዋህዶ said...

መልካም ጅምር እንለዋለን አያስከፋም ግን ምነው በየመድረኩ የሚሰጡ ትምህርቶች፣ያሬዳዊ ቃና የሌላቸው መስመሩ የጠፋባቸው
ዘማሪያን፣እንደተፈለገ ባለቤት እንደ ሌለው የሜዳ ዛፍ አንድም አጥር እንደሌለው ማሳ የክህደት አረም ተሞልተው የሚወጡ መጻህፍት ተብዬዎች በየቀኑ የሚታተሙት አልታይ አላቸው?ቀደም ተብሎ መድረኩንም ሆነ ሲዲዎች ባጠቃላይ ሰው ቢኖራት ሊጆቿ በጎራ ተካፍለው ለዚህ ባልደረሱም ነበር ባለቤት የሌለው ሆነና እንዲህ {አይ አምላኬ አለህ እንዳልል እንዲህ ይደረጋል የለህም እንዳልል ይመሻል ይነጋል}አዎ ኤልሻዳይ አይደል ስሙ?አንድ ቀን አለ ሁሉም የሚፈተንበት ይህ የአምላክ ትዕግስት የሚያበቃብት በመስቀል ላይ የተዘረጉት እጆቹ የሚታጠፉበት:እውነት የያዛችሁ ስለእውነት የምትሰሩ በርቱ ትላለች ተዋህዶ ቅድስት ቤተክርስቲያን እናታችሁ ይህ ነው መልዕክቴ

The De.... said...

'' በነአባ ሰረቀ እንደ ጥፋት የተቆጠረበት አንድ ጉዳይ ሕትመቶቹ ፖለቲካንም በስውር ይጠቅሳሉ የሚለው ክስ እንደነበር መዘገባችን ይታወሳል። እነ አባ ሰረቀ በዚያ ክሳቸው የመንግሥት ባለሥልጣኑ አቶ ተፈራ ዋልዋ “ቤተ ክርስቲያን የነፍጠኞች ዋሻ ናት” ማለታቸውን ለመጠየቅ የተደረገላቸውን አንድ ቃለ ምልልስ በአስረጂነት አቅርበዋል።''
የመንግስት ባለስልጣንስ ቢሆን እንደ ተፈራ ዋልዋ አይነቱ በቤተክርስቲያን ላይ አፉን ሲያላቅቅ ዝም ሊባል ነው ወይ?
የማንም አለአዋቂ ድንቁርናውንና እብሪቱን በቤተክርስቲያን ላይ ሲያሳይ ዝም የሚል እነደሌለ ሁሉም ሊያውቅ ይገባል።

Anonymous said...

 ‹‹መንፈስ ግን በግልጥ በኋለኞቹ ዘመናት አንዳንዶች የሚያስቱ መናፍስትንና በውሸተኞች ግብዝነት የተሰጠውን የአጋንንትን ትምህርት እያዳመጡ ሃይማኖትን ይክዳሉ›› 1ኛ ጢሞቴዎስ 4*1-2፡፡
 እናንተ ግን (አንተ ግን) በተማርህበትና በተረዳህበት ነገር ጸንተህ ኑር* ከማን እንደተማርኸው ታውቃለህና፡፡ ከሕፃንነትህ ጀምረህ ክርስቶስ ኢየሱስን እውነተኛ የባሕርይ አምላክ መሆኑን በማመን መዳን የሚገኝበትን ጥበብ ሊሰጡህ የሚችሉትን ቅዱሳት መጻሕፍት አውቀሃል›› 2ኛ ጢሞቴዎስ 3*14-17፡፡ ስለዚህ ብርሃነ ዓለም ቅዱስ ጳውሎስ ለዕብራውያን በላከው መልእክቱ በምዕራፍ 3 በቁጥር 14 ላይ ‹‹የመጀመሪያ እምነታችንን እስከመጨረሻው ብንጠብቅ የክርስቶስ ተካፋዮች ሆነናልና›› በማለት በአንዲቷ በኦርቶዶክስ ተዋሕዶ ሃይማኖታችን ጸንተን እንድንኖር ይመክረናል፡፡

Anonymous said...

ሰረቀ እኮ የቤተ ክርስቲያን ተቆርቋሪ ቢሆን ኖሮ አቶ ተፈራ የተናገረዉ ነበር የሚቆረቁረዉ
በተቃራኒዉ ቤተ ክርስቲያንን ለሚነቅፉ ስዎች ተቆርቋሪ መሆኑ ለማያዉቀዉ ይገርም ይሆናል ለኔ ግን አይገርመኝም እርሱ መጀመሪያዉኑ የቤተ ክርስቲያን አጥፊ ነዉና።

ኃይለማርያም

Anonymous said...

To Deje Selam;

This video reveals the true face of BEGASHAW and his group.

Please post it.

http://www.ethiotube.net/video/14292/TEHADISO-BE-AWASSA-PART-1-OF-10

Anonymous said...

Aere Mekoyte Dege Newe Bezu ensemalene Becha Meshto Yenga enji seyaseku menewe mezmuruna leloche mesehafoch laye betseru yhee eko yemayateyayeke ene kemoteke serdo aybekle Negre newe Betam Yasaferale Yemane gefite Endalebete degmo yasetawekale segfachu are Yasaferale Betam................ ke 19 maete Behala Gemgema eskzareme Ateftewene Behone teftene Nebre Eko Becha Lebonachune yaberalachu Ye kidusanu Amelake leandandoch desta belachu betweldu laye tebasa endatetwu le EBS Liqawenete Ayaseflgewme weye yemaynesa ansahu Yekerta Becha Aferbachehalhuuuuu Lebonachune Esu Yedengele Mariyam Leje Yemleselachuuu Enji Enate Yemetserutene atwekume ... Egzooooooooooooooooooooooooo

Anonymous said...

let's be honest with ourself instead of bing against when somebody stand and act to show us the right way! pls

Anonymous said...

Melkamun yemiterater erasun yastereteral !

Ye MK tsehufoch sayhonu megemgem yalebachew yehenen sera belo yewesenut nachew be MK megemgem yalebachew.

Lemendenew gize ye meemenanu genzeb ye betekrestianitu likawenet lendezih aynet wetetu letaweke sera yemimedebut ? Begel telacha mekeneyat yehonal weynem MK eskale endefelegu mehon selaltechale.

Yelekunes gizewen yegenzeb ena yesewun hail mezmuraten ena mezemeranen lemegemgem biyawelut melkam behone neber. Mezmur ena zefen meleyet yakatew tewled eskimeta deres kemetebek.

Hul gize yemigermegn neger bemeemenanu genzeb astedaderu eyekelede meemenanu endegena beastedaderu dekment ena bebetekrestianitu chegeroch eyetemarere ena eyalekese meleso astedaderun lemena yegebal.

Yebetekrestianitu astedader ende MK weyem be MK temerto bihon noro eskahun betekrestianitu endezih asazegn ena askefi chegeroch balgetemuat neber.

ወልደ ገብርኤል said...

ይህ የምትመለከቱት ሁለት ዜናዎች በሰንበት ት/ቤቶች ማደራጃ መምሪያ ላይ የወጡ ሁለት የተለያዪ ዜናዎች ናቸው። ልብ ብለው ያንብቧቸው:: አያሳዝንም::ከአንድ ቤ/ክርስትያን መምሪያ ሁለት የተለያየ ዜና ሲሰራጭ አስተዋይ የሌለበት ቤት ይሏል ይህ ነው::
እግዚአብሄር ይቅር ይበላቸው::
አሜን

ማኅበረ ቅዱሳን ከሰኔ 1 ቀን 2003ዓ.ም ጀምሮ ሕትመቶቹን ሳያስመረምር ስርጭት ላይ እንዳያውል በድጋሚ ታዘዘ፡
፡የሰንበት ት/ቤቶች ማደራጃ መምሪያ ለብዙ ዓመታት ማኅበሩ በማሳተም የሚያሰራጫቸውን ሕትመቶች በሙሉ በቤተ ክርስቲያን ሊቃውንት አስቀድሞ እንዲያስመረምር በተደጋጋሚ ቢጠየቅም ማኅበሩ አንድም ጊዜ ፈቃደኛ ባለመሆኑ ለሁሉም ማተሚያ ቤቶች ደብዳቤ በመጻፍ የማኅበሩ ሕትመቶች ቅድመ ምርመራ ማድረጋቸውን የሚገልጽ ከማደራጃ መምሪያው ደብዳቤ ካልደረሳቸው ሕትመቶቹን ተቀብለው እንዳያስተናግዱ ደብዳቤ መጻፉ ይታወቃል፡፡

የሰንበት ት/ቤቶች ማደራጃ መምሪያ የሐመር መጽሔትና የስምዐ ጽድቅ ጋዜጣ ሕትመት እንዳላገደ አስታወቀ
ከመምሪያው ሕትመት ክፍል

በኢትዮጵያ ኦርቶዶክስ ተዋሕዶ ቤተ ክርስቲያን መንበረ ፓትርያርክ ጠቅላይ ጽ/ቤት የሰንበት ት/ቤቶች ማደራጃ መምሪያ በማኅበረ ቅዱሳን ተዘጋጅተው የሚሠራጩ የሐመርና የስምዐ ጽድቅ ሕትመት አለማገዱን አስታወቀ፡፡

yonas dabat said...

አባ ሰረቀ በእግዚያብሄር ስም እንለምንዎ ቤተክርስቲያናችንን ይተዉልን፡፡ ሌላ አጀንዳ( የፖለቲካ ወይም ተሃድሶ) በግልጽ ይንገሩን ሰይጣን አሳስቶዎት ስለሚሆን፡፡ እኔ የማህበሩ አባል አይደለሁም ግን ማህበሩ ምን እንደሆነ ከሚሰሩት ስራዎች መረዳት ይቻላል፡፡ እርስዎ ምን ያህል የህትመት ዉጤት አለዎት( ምን አሳትመዋል) እባክዎ ምንም ስህተት የሌለበትን ማህበርና የቤተ ክርስቲያን የቁርጥ ልጅ በማይሆን ዕየከሰሱ እግዚያብሄርን አያሳዝኑ፡፡ እብዚያብሄር ልብ ይስጥዎት አሜን፡፡

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)