June 15, 2011

“ዐገቱኒ ከለባት (ውሾች ከበቡኝ)” - የተባለ አዲስ መጽሐፍ ታተመ


To Read in PDF, Click HERE.
(ደጀ ሰላም፤ ጁን 15/2011)፦  ወጣቱ ትውልድ በሃይማኖቱ ተነቃቅቶ አምልኮተ እግዚአብሔርን እያጸና፣ የቅድስት ድንግል ማርያምን አማላጅነት እየተማፀነና እየመሰከረ የቅድስት ቤተ ክርስቲያንን አስተምህሮና ትውፊት ለመጠበቅ በሚተጋበት በአሁኑ ወቅት ወጣቱን የፕሮቴስታንታዊ-ተሐድሶ-ኑፋቄ ሰለባ ለማድረግ በኑፋቄው የውስጥ አቀንቃኞች የሚፈጸመው ደባ ኦርቶዶክሳዊውን ወጣት ከመድፈርና በወጣቱ ላይ ከመሳለቅ ተለይቶ እንደማይታይ “ዐገቱኒ ከለባት - ውሾች ከበቡኝ” በሚል ርእስ በሊቀ ትጉሃን ወንደሰን ተገኝ ተዘጋጅቶ ለገበያ የዋለው ባለ 35 ገጽ መጽሐፍ አከል ጽሑፍ አሳሰበ፡፡


በጽሑፉ ላይ እንደተገለጸው፣ የሉተርን ትምህርት በቃል እቃወማለሁ እያሉ በተግባር የሉተርን ኑፋቄ የሚያራምዱ፣ የሉተርን ‹መጽሐፍ› ለይምሰል እያቃጠሉ ‹ቅጂው›ን አባዝተው ለምእመኑ የሚቸበችቡ፣ ካባቸው የተዋሕዶ ድምፃቸው የተሐድሶ፣ መነሻቸው ኢየሱስ መድረሻቸው ዲያብሎስ የሆነ፣ ስንኳን ንግግራቸው የሚለብሱት ሰናፊል ቀሚስ የኦርቶዶክስ ስፌት እና አሠራር ያልሆነ የተሐድሶ-ኑፋቄ አቀንቃኞች በየዐውደ ምሕረቱ እያቀረሹ ምእመናንን ግራ እያጋቡ ነው፡፡ ጽሑፉ “ኢትዮጵያዊ ኤራስሞስ” የሚላቸውና በጉያችን ሆነው የቤተ ክርስቲያንን አስተምህሮ በመናድ ጥቅማቸውን የሚያራምዱ የተሐድሶ-ኑፋቄ አቀንቃኞች የመጨረሻ ግብ “አብያተ ክርስቲያናት ሁሉ ወደ ጭፈራ ቤት እንዲቀየሩ” ማድረግ ነው፡፡ ይህ ግብ በዓለማችን ያሉ የስለላ ድርጅቶች ዋና ዓላማ እንደሆነ የሚናገረው ጽሑፉ፣ “እግዚአብሔርን እየጠሩ በመጨረሻ ሰይጣንን ማመስገን፣ አብያተ ክርስቲያናትን ወደ መሸታ ቤት መቀየር ተሐድሶ ተወልዶ ባደገባት አውሮፓ እንጂ ወር እስከ ወር፣ ዓመት እስከ ዓመት የሥላሴ አንድነት ሦስትነት፣ የድንግል ማርያም አማላጅነት በሚሰበክባት ኢትዮጵያ ሤራው ይሳካልናል ብሎ መልፋት ውጤቱ መልፋት ብቻ ሆኖ ይቀራል፡፡”

ምንኩስናን እና ገዳማዊ ሕይወትን የሚቃወሙ፣ መዳን በእምነት እና በምግባር ሳይሆን በእምነት ብቻ ነው የሚሉ፣ የ81 ቅዱሳት መጻሕፍትን ቀኖናዊነት የማይቀበሉ፣ የቅድስት ድንግል ማርያም አማላጅነትን የሚክዱ፣ ሥልጣነ ክህነትን የሚያቃልሉ የፕሮቴስታንታዊ-ተሐድሶ-ኑፋቄ ቡድኖች በተለያየ ጊዜ ወደ ኢትዮጵያ መግባታቸውን ያመለከተው ጽሑፉ፣ በ1830 ዓ.ም እንደ ሳሙኤል ጎባት እና ክርስቲያን ኩግለር ያሉትን የተሐድሶ ቡድኖች ወደ ኢትዮጵያ የላከው የእንግሊዙ “ቸርች ሚሽነሪ ሶሳይቲ” እንደነበረ አስታውሷል፡፡ ጽሑፉ የአብዛኞቹ የተሐድሶ-ኑፋቄ ልኡካን ዕጣ ፈንታ በየአጋጣሚው መገደል እንደነበር በማብራራት ዛሬም የኢትዮጵያን ቤተ ክርስቲያንን ታሪክ ለማዳከም፣ የቅዱስ ያሬድን ዜማ ለማጥፋት በአጠቃላይ የተዋሕዶን እምነት ለማናጋት ከዚያው ከእንግሊዝ ሀገር ተሐድሶውያንን እያሠለጠነ ወደ ኢትዮጵያ እየላከ የሚያበጣብጠው በሃይማኖት ስም የተደራጀው የሰይጣን መልእክተኛ መኖሩን ጠቁሟል - “እኛ የቅድስት ቤተ ክርስቲያን ልጆች ግን ቅዱስ አትናቴዎስ አርዮስን የረታባትን፣ ቅዱስ ቄርሎስ ተዋሕዶን ያብራራባትን ንጽሕት ቅድስት ሃይማኖት እስከ ሞት ድረስ ለመጠበቅ የታመንን እንሆናለን” ብሏል፡፡

ጽሑፉ የሮም ካቶሊክ በማርቲን ሉተር የፕሮቴስታንታዊ ተሐድሶ ፓርቲ በታመሰችበት በ16ው መ/ክ/ዘ በደች/ኔዘርላንድስ የተነሣው ዴስደሪየስ ኤራስሙስ ዘሮተርዳም (ከኦክቶበር 27፣ 1466 - ጁላይ 12፣ 1536) የሥላሴን አንድነት ሦስትነት የሚያስረግጡ የቅዱስ መጽሐፍ ክፍሎችን በመፋቅ፣ ድንግል ማርያም ከፈጣሪ በታች ከፍጡራን በላይ መሆኗን በመቃወም፣ ቅዱስ ቁርባንን እና ምሥጢረ ንስሓን የተመለከቱ የሥርዐተ ቤተ ክርስቲያን ክፍሎችንና የተቀደሰውን ክርስቲያናዊ ትውፊት በማቃለል መላ ዘመኑን ያቀነቀነውን ፖሊቲካ እና ዘረኝነት የተቀላቀለበት ስሑት ትምህርት የትንታኔው አስኳል በማድረግ የተጠናቀረ ነው፡፡

ዴስደሪየስ ኤራስሙስ ዘሮተርዳም (በአጭሩ ኤራስሙስ) የላቲኑን ቩልጌት መጽሐፍ ቅዱስ ለማቃናት በሚል ወደ ግሪክ ቋንቋ በመለሰውና Textus Receptus” እየተባለ በሚታወቀው የግሪክ ሓዲስ ኪዳን ትርጉሙለማርቲን ሉተር ፕሮቴስታንታዊ-ተሐድሶ-ኑፋቄ መስፋፋት ቅልዝ መሬት እንደፈጠረ በሮም ካቶሊኮች ዘንድ ይወቀሳል፡፡ ማርቲን ሉተር በተራ-ተርታ ዘይቤ ወደ ጀርመንኛ በመተርጎም ኑፋቄውን ያስፋፋበት የግሪክ መጽሐፍ ቅዱስ ቅጂ ያገኘው በእጅጉ ያደንቀው ከነበረው ኤራስሙስ ነው፡፡ በዚሁም የኤራስሙስ የሓዲስ ኪዳን ግሪክ ትርጉም በቅዱስ ዮሃንስ ቀዳማይ መልእክት ምዕራፍ 5 ቁጥር 7 ላይ፣ “በሰማይ የሚመሰክሩ ሦስት ናቸው፤ አብ፣ ቃሉ እና መንፈሱ፤ እሊህ ሦስቱ አንድ ናቸው” የሚለው ኀይለ ቃል ተፍቋል፡፡ በወቅቱ ኤራስሙስ ለዚህ የሰጠው ምክንያት ኀይለ ቃሉን እርሱ ባመሳከራቸው ሌሎች ምንጮች ላይ አለማግኘቱን በመጥቀስ ነበር፡፡ ይሁንና በዮርክ የካቶሊክ ጳጳስና የኤራስሙስ የዕድሜ ልክ ተፃራሪ የነበረው ኤድዋርድ ሊ ምለሳው ምስጢረ ሥላሴን የሚያናጋ መሆኑን በማብራራት እንደተቃወመው ጽሑፉ ያትታል፡፡ ይሁንና ሌሎች ምንጮች ኤራስሙስ በሮም ካቶሊክ ውስጥ የተፈጸመው ሥነ ምግባራዊ ዝቅጠትና እርሱ በብልሃት የተፈጠሩ ሰው ሠራሽ የሚላቸው ልማዶች እንዲታረሙ የጣረ፣ ካቶሊካዊነቱን ያልካደ የሞራል ተሐድሶ(Moral Reformer) አቀንቃኝና የዘመነ አብርሆ የብሉይ ፍልስፍና አስተምህሮዎች እና ድርሳናት(Classical thought and Classical Literatures) ምሁር መሆኑን በመጥቀስ ሉተራዊ የፕሮቴስታንት-ተሐድሶ-ኑፋቄ ፊታውራሪ መባሉን ይቃወማሉ፡፡

ጽሑፉ በኣንፃር ኤራስሙስ “ሥላሴ አትበሉ፤እግዚአብሔር አትበሉ፤ኢየሱስ በሉ” በሚል የቤተ ክርስቲያንን አስተምህሮ እየናደ፣ ክርስቲያናዊ ትውፊቷን እያቃለለ የሚገኘውን ጥቅመኛውን እና የተሐድሶ-ኑፋቄ መልእክተኛውን በጋሻው ደሳለኝን በአመልካች ጣት ጠቁሞ የማሳየት ያህል ስም ሳይጠቅስ አብራርቷል፡፡ በጽሑፉ በጋሻው “ኤራስሙስን ተክቶ የሚንቀሳቀሰው የተሐድሶው ፊት አውራሪ” ተብሏል፡፡ ተቺዎች የኮሌጅ ሁለተኛ ዓመት ትምህርቱን መዝለቅ ተስኖት የተባረረውን በጋሻውን ቢያንስ በብሉይ ፍልስፍና እና አስተምህሮ ጥናት ካለውና የቋንቋ ችሎታው ጎልቶ ከሚነገርለት ኤራስሙስ ጋራ ማነፃፀሩ ተገቢ እንዳልሆነ ይናገራሉ፡፡ ይሁንና ጽሑፉ የተሐድሶ ኑፋቄ አቀንቃኝ በሆነ ግብራቸው ያስተካከላቸውን ሁለቱን ግለሰቦች እንደሚከተለው ገልጧቸዋል፤
“. . . ኤራስሞስ የተባለው የተሐድሶ መሪ በመጀመሪያው ቅዱስ ኦገስጢኖስ ከሚባል ገዳም ገባ፡፡ ውሎ ሳያድር የገዳሙ የአኗኗር ሥርዐት ከባድና ሊወጣው እንደማይችል ስለገባው ‹የገዳም ሥርዐት ካልታደሰ፣ ካልተሻሻለ ገዳም አያስፈልግም አለ፡፡ እንደ አጋጣሚ ባፉ ቅልጥፍና የካምብሪጅ ጳጳስ ጠራውና ሥራ እና ነጻ የትምህርት ዕድል በመስጠት ፓሪስ ውስጥ በሚገኘው በሞንቲያጎ ዩኒቨርስቲ እንዲማር ፈቀደለት፡፡ ይሁን እንጂ በዚያም የትምህርት ቤቱን ሥርዐትና ደንብ ባለማክበሩ ከትምህርት ቤቱ ተባረረ፡፡ በዚህን ጊዜ ቁጭቱንና ስንፍናውን ለመደበቅ ገዳም አያስፈልግም፤ ጳጳስ የለም፤ ነጻነት ያስፈልገናል በሚል የፖሊቲካ ቅስቀሳው ሥላሴን የሚቃወም አዲስ ኪዳን እንዳሳተመ ከቤተ ክርስቲያኗ ወጣ፡፡

የግጥምጥምና የታሪክ ራሱን መድገምም በሃገራችን ይታያል፡፡ የኤራስሞስን ቦታ ተክቶ የሚንቀሳቀሰው የተሐድሶው ፊት አውራሪ ከሰንበት ት/ቤት እንኳን ሊያስገባው የሚያስችል ዕውቀት ባይኖረውም እንደ ኤራስሞስ ባገኘው የትምህርት ዕድል መጠቀም የሚያስችል በቂ ችሎታ ስላጠረው የትምህርት ቤቱን ሥርዐትና ደንብ ማቃወስ ጀምሯል፡፡

በዚህ አካሄዱ ስንፍናውን ለመሸፈን ሲል ብቻ በዋናነት “ሲኖዶስ የለም” በማለቱ ከትምህርት ገበታው ተባረረ፡፡ ከዚህ በኋላ ነው እንግዲህ ወደ ዋና ዓላማቸው የገቡት፡፡ በስብከቶቻቸው በመጣጥፎቻቸው የተሐድሶውን የኤራስሙስን ፈለግ በመከተል - ሥላሴ አትበሉ፤ ለጠላቶቼ(ለአጋንንቱ) ሁሉ ምስጋናዬን አቀርባለሁ፤ ስለ እመቤታችን ስሟን መጥራት  ባለመፈለግ ከአንዲት ሰማያዊት ተወለደ የሚል የንቀት ዐረፍተ ነገርና ኦርቶዶክሳዊ ያልሆነ አገላለጽ በመጠቀም የቅድስት ቤተ ክርስቲያንን አስተምህሮ በመናድ የግል ጥቅማቸውን የሚያራምዱ ዛሬም በጉያችን አይጠፉም፤. . .በርገጠኝነት የመጨረሻ ግባቸው አብያተ ክርስቲያናት ወደ ጭፈራ ቤት እንዲቀየሩ ለማድረግ ነው፡፡

ዛሬ በየዐውደ ምሕረቱ ካባው የተዋሕዶ፣ ድምፁ የተሐድሶ፣ መነሻው ኢየሱስ መድረሻው ዲያብሎስ የሆነ ስንት አለ መሰላችሁ?...ዛሬ በእናት ቤተ ክርስቲያን ውስጥ ያለውን ውበት፣ ጥቅም፣ ማንነት ለመንጠቅና ሳይጠራ ተጠርቼአለሁ፤ መንፈስ ቅዱስ ላከኝ፣ አዘዘኝ በማለት የተሐድሶዎችን የስብከት ዘዴ በመቃኘት በቅድስት ቤተ ክርስቲያን ዐውደ ምሕረት የሚያቀረሸው ስንቱ ነው? መቼም እንደ ይሥሓቅ አርጅተን ሳይሆን በሥራ ብዛትና በተለያየ የኑሮ ውጣ ውረድ ደንዝዘን የሰበከውን ድምፅ የተሐድሶ መሆኑን ብንለየውም አለባበሱና ሰው ሠራሽ ትሕትናው ግራ የሚያጋባና ለውሳኔ የሚያስቸግረን ስንቱ ተሐድሶ በየዐውደ ምሕረቱ አለ መሰላችሁ? አንድ ቀን ማታለል ይቻላል ሁልጊዜ ግን ማታለል ግን ማታለል ግን አይቻልም፡፡

. . .ዕጣን እያሸተትን ስና ስቀድስ ያደግነው፣ የጻድቃን ሰማዕታት ቅዱሳን መላእክትን ዝክር ዳቦ እየደፋን ንፍሮ እየቀቀልን ለተራቡት በማብላት፣ ለተጠሙት በማጠጣት የምንዘክረው ሃይማኖታችን የቤተ ክርስቲያናችን አስተምህሮ ስለሆነ እንጂ ዘመናዊነት ሳይገባን ቀርቶ አይደለም፡፡

አንዳንዶች ያወቁ እየመሰላቸው ነገር ግን የታወቁ ሰዎች አያድንም፤ ከንቱ ልፋት ነው፤ ዝም ብሎ ንፍሮ መቀቀል ጉልባን ማገንፋት ብለው ሊተቹንና ሊሰድቡን ይሞክራሉ፡፡ ዳሩ ግን መቼም የኢትዮጵያ ቤተ ክርስቲያንን ሊበርዟት ምእመኖቿን ማዳከም አይቻላቸውም፡፡ በተለይ ድንግል ማርያም ስሟ በማይጠራበት ሁኔታ ስለ ተዋሕዶ ትምህርት መናገር ኦርቶዶክሶች ነን ቢሉን አንቀበላቸውም፡፡…”

የጽሑፉ አዘጋጅ የሆኑት ሊቀ ትጉሃን ወንድወሰን/በቅጽል ስማቸው ኮረንቲ/ የመዝሙር ሥራዎችን በማሰራጨት የሚተዳደሩ ሲሆኑ ራሳቸውን ችለው ለማገልገል በሚበቁበት መጠን ነባሩን የቤተ ክርስቲያን ትምህርት ተምረዋል፤ በአሁኑ ወቅት በሰዋስወ ብርሃን ቅዱስ ጳውሎስ ማሠልጠኛ ኮሌጅ በተከታታይ ትምህርት መርሐ ግብር/ሴሚናሪ/ የመጀመሪያ ዓመት ተማሪ መሆናቸው ተገልጧል፡፡ የፕሮቴስታንታዊ-ተሐድሶ-ኑፋቄ አቀንቃኞችን ፊት ለፊት በመጋፈጥ እና በመገሠጽ የሚታወቁት ሊቀ ትጉሃን ወንድወሰን ጽሑፉን እንደሚያሳትሙ ከተሰማበት ጊዜ ጀምሮ ይህ ዘገባ በሚዘጋጅበት ሂደት ከእነ ትዝታው ሳሙኤል የማያባሩ ስልኮች ሥነ ልቡናዊ ጫና የሚፈጥሩ የስም ማጥፋት እና ማስፈራሪያ አዘል ዛቻዎች እየተደረገባቸው መሆኑ ተገልጧል፡፡ ይሁንና ሊቀ ትጉሃን ወንድወሰን በእጃቸው በሚገኙና በምስል ወድምፅ የተደገፉ ማስረጃዎችን ለኅትመት በመዋል ማጋለጣቸውን እንደሚቀጥሉ መናገራቸው ተገልጧል፡፡ ይህም  የፕሮቴስታንታዊ-ተሐድሶ-ኑፋቄ ለመከላከል በጥቅምት ወር 2003 ዓ.ም በጥምረት የተጀመረው እንቅስቃሴ ሰፊ መሠረት የመያዙ መገለጫ እንደ ሆነ ተመልክቷል፡፡
የመጽሐፉ ዋና ዋና ነጥቦች በአጭሩ፦
  • በጽሑፉ በጋሻው ደሳለኝ ህልውና ሥላሴን የሚያጠይቁ ኀይለ ቃሎችን ከቅዱስ መጽሐፍ ለመፋቅ ከሞከረው ተሐድሶው ኤራስሞስ ጋራ እየተነጻጸረ ቀርቧል፤ “ካባው የተዋሕዶ ድምፁ የተሐድሶ፤ መነሻው ኢየሱስ መድረሻው ዲያብሎስ” የተባለው በጋሻው ደሳለኝ በዐውደ ምሕረት በተናገረው ኑፋቄው ተጠርቶ እንዲመረመር አልያም ተወግዞ እንዲለይ ተጠይቋል፡፡
  • ተሐድሶዎች የቆሎ ተማሪዎችን ወደ ከተማ አስኮብልለው ዳዊታቸውን እያስጣሉ ሎቶ(ሎተሪ) አዟሪ በማድረግ፣ ዓላማና መሠረታዊ ትምህርት የሌላቸውን ደቀ መዛሙርት “ኢየሱስ ብቻ ከበቂ በላይ ነው፤ ከመጽሐፍም መጽሐፍ ቅዱስ ብቻ ከበቂ በላይ ነው” በማሰኘት፣ የአስተዳደር ሠራተኞችን ዳጎስ ባሉ ጥቅማጥቅሞች እና በውዳሴ ከንቱ አባብለው ሥራቸውን እያስለቀቁ ወደ ራሳቸው ድርጅት በማስገባት አብነት ት/ቤቶችን፣ ኮሌጆችን እና ቤተ ክህነቱን እያዳከሙ ኑፋቄያቸውን በማስፋፋት ላይ ናቸው፡፡
  • “የተሐድሶ መልእክተኞች በአንድ ወቅት ቴዎዶስዮስ የተባለውን የግብፅ ቤተ ክርስቲያን ፓትርያሪክ ‹ድንግል ማርያም የአዳም ኃጢአት አለባት› በሚለው ኢ-ኦርቶዶክሳዊ ትምህርት በማሳመናቸው የግብፅ ኦርቶዶክስ ተዋሕዶ ቤተ ክርስቲያን ድንግል ማርያምን በተመለከተ የተምታታ ትምህርት እንዲኖራት አድርገዋል፡፡ በዚህም በተወሰነ ደረጃ የተሳካላቸው ይመስላል፡፡ በኢትዮጵያ ግን እስከ አሁን ድረስ እየተነሡ ይፈርጣሉ፤ እየተገነጠሉ ይወጣሉ እንጂ የቤተ ክርስቲያኒቱን አስተምህሮም ሆነ መዋቅር ለመለወጥ እና ለመበረዝ አልተሳካላቸውም፡፡” (ጽሑፉ፣ ገጽ 27)
  • “ከወር እስከ ወር፣ ከዓመት እስከ ዓመት የሥላሴ አንድነት ሦስትነት፣ የድንግል ማርያም አማላጅነት በሚሰበክባት ቅድስት ሀገር የተሐድሶ ኑፋቄ ሤራ ይሳካል ብሎ መልፋት ውጤቱ መልፋት ብቻ ሆኖ ይቀራል፡፡” (ጽሑፉ፣ ገጽ 18)
  • የጽሑፉ አዘጋጅ ከእነ ትዝታው ሳሙኤል የስልክ ማስፈራሪያ ተደርጎባቸዋል ተብሏል፤
  • ጽሑፉ የፕሮቴስታንታዊ-ተሐድሶ-ኑፋቄን ለመከላከል የሚደረገው የተቀናጀ እንቅስቃሴ ሰፊ መሠረት የመያዙ መገለጫ እንደ ሆነ ተመልክቷል፤

19 comments:

Anonymous said...

Hey congra
Welcome back

Anonymous said...

Hey congra
Welcome back

Anonymous said...

God bless u like. "Yetewahido" Yekurt ken lijoch endih endeyesitotachihu aberkitu.

Anonymous said...

+++

የከበቡንን ውሾች ውሾች ልንላቸው ይገባል እና በጣም ወቅታዊ የሚያነቃ ትምህርት ነው::መጽፉ በአግባብ ለምዕመናን በትክክል እንዲደርስ ይሁን ሁሉም ሴራቸውን እንዲያውቁት::
እግዚአብሔር ይስጥልን

Dmsam said...

God bless u work.try to distribute as far as possible. Nekemt

Anonymous said...

Nice Like Tiguhan other true scholars of the church should also say somthing forget about begashaw, sereke, tizitaw and others they are hodamoch

The De.... said...

መፍትሔው ችግሩን ለመፍታት መፍትሔ ሰጪዎችን ማስተካከል ነው። ይህ ሁሉ እየሆነ ያለው ቤተክርስቲያን በግዴለሽ ፓትርያርክና የፖለቲካ ጥቅም አስጠባቂዎች ስለተሞላች ነው። ስለዚህ ዋናው መፍትሔ አናቱን ማስተካከል ነው!!! መናፍቅማ ሁሌም አለ ይኖራል ግን ልኩን እንዲያውቅ ማድረግ እንደፈለገ እንዳይፈነጭ ማድረግ የሚቻለው ግድ የሚላቸው ጳትርያርክ በቦታው ሲሾሙ ነው።

danf said...

Thx GOD BA ASCHAGARI GIZE INKUWAN LAWUNAT YAKOMU WANDMOCHIN BAMAYATACHIN DAS BILINAL. YATAWAHDO LIJOCH AYACHU MKIDUSAN LABETAKRSTIAN YAKAFALAWUN MASWATNAT IBAKACHU BATACHALAN AIKIM HULU INIRDACHAW.

Anonymous said...

endaw tasazinignalachihu!. ende wendime begashawina tizitaw and fire lijoch nachew eko. Yebetekiristian mistirun Minun awukewit new endezih hizib yawekut!.

Yihun! yemitayegn yenesu sayihon Leka Hizib yelem, leka betun yemiyawik kiristian yelem new yasegnegn!.

Minew Ethiopiawuyan libachinin min wesedewina, koshita hulu yemirebishen Hone.

Belu! Wusitachinin Enasirech!

Amlake Kidusan Anagiren!

Anonymous said...

It is a warn to All Ethiopians to remain in silence. Remind and be inspired by the INSTRUCTION of Saint Gebriel. Stand with the ground you are now. Not waving in ideas back and forth side to side. Remain in Good Sprit. In Ethiopia Blessings has entruded through the culture and stable society welcoming the Eternal Wisdom. Now the highly unstable mind in Ethiopians in religion and political ideaology may not bring a sustaining solution to all. Please remind of the Instruction " Remain and maintain the Sprit you have now". Lets see how God Work Out all for us.

Anonymous said...

Hi guys, it looks things are getting complicated and making divisions. Please let us think of another method of solving problems. Sometimes don't blame people for nothing. I personally hate tehadiso but identify who is tehadiso and who is not. For me Begashaw and his group has maturity problem not being tehadiso.

I saw the whole video produced on "Awasa Tehadiso" it has nothing with Tehadiso except Donny. What I saw is Admin problem.

About Virgin Mary, Let me ask you who wrote that Mary has original sin? It is Aba Paulos 20 years before. I saw his thesis who states that "Mary is considered to be under original sin in Ethiopian Orthodox Church". And he mentioned reference. So why exaggerate things as current issue. If this wrong let the synode have declaration.

There are so many things complicated that need adjustment in the church.

Let us not rush to break antagonism among us.


I am not pro Begashaw or any other body but I want all of us to follow the truth and consider things deeply.

Anonymous said...

ልንማርና ልንጠነቀቅ የሚገባን ነገር ቢኖር ፥ካባው የተዋህዶ ድምጹ የተሀድሶ፥ እንደተባለው ደነዙ በጋሻው በተዋህዶ ዓውደ ምህረት ላይ መስበክ ሲጀምር የውሸት እንባው እንደጎርፍ እየወረደ ምዕመናኖቻችንም በጋሻው ወሃ ያላዘለ ደመና መሆኑን ሳይረዱ እብረው እያለቀሱ ነውና አውደምህረቱን የተቆጣጠረው ለውደፊቱ እንደዚህ ያሉትን የበግ ለምድ ለብሰው የሚመጡትን ነቅቶ መጠበቁ ላይ ነው።

Anonymous said...

This is not a time to sit on the sideline. It is time to face the traders.

God bless you ሊቀ ትጉሃን ወንደሰን.

BETE said...

guys i am not believe wondosen wrote this book . because he doesnot know church history . I THINK SOMEBODY WROTE FOR HIM TO ATTACK BEGASHAW. THIS IS DOE TO MONEY . YOU GUYS YOU ARE IN WRONG WAYS . WONDOSEN IS A DRANKER AND ILLTERATE MAN . HE IS NOT SPRITUAL MAN. COME ON GUYS YOU ARE PLAYING GAMBLING. THIS IS FOR FIGHTING EACH OTHER BUT I DID NOT SEE SIDE TO THE CHURCH NO ONEEVERYBODY IN HIS ADVANTAGE. PLEASE LOVE EACH EOTHER

Anonymous said...

Oh! lord z almighty plz don't keep silent. Think about your sheep(mimenan)and pay for every one his price who is runing for his self interest.

To me as a mimenan all comments has been looking like given by one person.I think the purpose of all comments Is a kind of advertisment of the book.All are in a bad faith. To comment on the book the time is too short,first it has to be distributed and read by the people.
Why is it necessary to highlight the names and guide people to look the book from your point of view. Is that the author's interest. I don't think. If yes let's hear from himself.

Bible is z word of God. Those brothers who you have mentioned in bad mode in your comment are preaching bible. Whether you like it or not they have got in through all mimenan's heart. It is not now the question of tehadiso but knowing and understanding bible and being true christian. They are working on it,nothing other things like you've said. Don't try to confuse the mimenan by sharing your revenge kind preach. Leave us alone to hear the voice of our shephered through those teachers who you 've mentioned their names.
When i say this i don't really mean that there is no any movment against our religion and church but not through our "birkye sebakian and zemarian."
We are looking our sinedos to declare who is who. Until then you all are the same. Don't try to judge others with your own standard.Who are you?"segur sinteka new yeyazachihut"

Thank you dejeselamoch please do justice by posting from both negatives and positives.
May God be with us to live in peace under our orthodox Tewahido church.

Anonymous said...

Thank you Bete i agree with you.

Ananymous who have said ene memhir Begashawin hodamoch please understand that hodam yegziabhern kal yemiyakafil sebaki sayhon begenzeb yewondimun sim lemagudef yetezegaje sew new.

Anonymous said...

Ay ye Arogitua sara lichoch. Gin lemin?? Ketikitoch besteker hulu tasibobetina be Ewuqet new iyetederege yalew. Gudayu yemenor yalemenor guday new yale Tewahido hiywot yelem. Le dekikam antegnam anizenagam yegebachihubet ingebalen. Asfetsaminetachun ketewachihu degmo be Kidst betekrstian le kibr inseralen. Af bicha sayhon jorom yinurachihu. Mikniatum yastemarachihunin mehon akatachihu.
Dagim, Bergen, Norway

christina wright said...

እናንተ ያልተሳካላችሁ ስባኪዎች ስው ስለ ተማረ ብቻ ነው የእግዚሃብሄርን ቃል የሚሰብከው የምትሉት ከየት አምጥታችሁ እንደሆነ እኔ አልገባኝም የተመረጠ ስለ ቃሉ ለማስተማር ማንበብ ብቻ እና መንፈስ ቅዱስ እንዲያድርበት መጸለይ ነው አሁን የናንተ ስሜት ሳየው ዘንዶው ለምን ይቆጣል የሚለውን አባባል እውን አደረገልኝ ቅኑ እብዱ( በጋሻው ትዝታው ምርትነሽ እንዲሁም የምትሳደዱ ሌሎችም እግዚሃብሄር በቀኑ ስለሚፈርድ የርሱን ቀን ጠብቁ ሁሉም ይስተካከላል ወንጌል በቤተክርስቲያን ያለመሽማቀቅ ይስበካል እግዚሃብሄር ይጠብቃችሁ ኦርቶዶክስ ተዋህዶ ሃይማኖታችንንም ይጠብቅልን

Dn Haile Michael said...

የተወደዳችሁና የተከበራችሁ ኦርቶዶክሳውያን:-
የቤተክርስቲያን ችግር ማብርያና ማጥፊያ ያለው አቡነ ጳውሎስ ጋ ነው:: አሁን የሁላችን የተሐዲሶን ሴራ የተረዳን ኦርቶዶክሳውያን ድርሻ ሊሆን የሚገባው በተገኘው አጋጣሚ ተሐዲሶ በቤተክርስቲያኒቱ ላይ የደቀነውን አደጋና ከፓትርያርኩ የሚሰጣቸውን ሽፋንን ለምዕመናን ማስረዳትና ትክክለኛ ግንዛቤ እንዲይዙ ማድረግ ነው:: ፓትርያርኩ እኮ ለቤተክርስቲያኒቱ የማይጠቅሙና ይልቁንም ጎጂና በይበልጥ የሃይማኖት ችግር ያለባቸው እስከሆነ ድረስ ከፕትርክናቸው ማንሳትን ቃለዓዋዲው የሚፈቅደው መብታችን ነው ::
ጌታችን መድኃኒታችን ኢየሱስ ክርስቶስ በራሱ ላይ ያ ሁሉ መከራና ስድብ ስደርስ እንደታገሰ በቤቱ ለዋጮች ስከማቹ ገርፎ እንዳወጣም አንዘንጋ:: ካባ የደረበውን ሁሉ የሃይማኖት አባት ነው ብለን በሚንቀበልበት ጊዜ ላይ አይደለንም ያለነው:: ስለዚህ በእንዲህ ዓይነት ሁኔታ መብታችን አውቀን ቤተክርስቲያናችንን ከተጋረጠባት አደጋ ልንታደጋት ይገባል ::ለዚሁን መቅደም ያለበት የፓትርያርኩን እኩይ ሥራ መግታት ነው::
"እግዚአብሔር ያውቃል" በማለት ብቻ አጣጥፈን መቀመጥ ተገቢ አይደለም:: እግዚአብሔር የሰው ድርሻ ሁሌ ይፈልጋል:: እግዚአብሔርን መጠየቅና መዋጋት የእስራኤላውያን ድርሻ ነበረ: በውጊያው ድል እንዲያደርጉ ማድረግ የእግዚአብሔር ድርሻ ነበረ:: ስለዚህ ዛሬም እግዚአብሔርን በጻሎት እንጠይቅ በሚገልጠን መንገድም ሰላማዊ እርምጃ እንውሰድ::
የድርሻችንን አውቀን በቤተክርስቲያን ጉዳይ ቀጥተኛ ተሳታፊ እንዲንሆን የእግዚአብሔር ቸርነት የወላዲተ አምላክ አማላጅነት የቅዱሳን ተራዳዕነት አይለየን:: አሜን!!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)