June 4, 2011

የሐዋሳ ከተማ ከፍተኛ ፍርድ ቤት በ‹‹ተስፋ ኪዳነ ምሕረት›› አመራሮች ላይ የእስር ቅጣት ወሰነባቸው

(ደጀ ሰላም፤ ጁን 4/2011)፦ የሐዋሳ ከተማ ከፍተኛ ፍርድ ቤት በሚያዝያ ወር ውስጥ በደብረ ምሕረት ቅዱስ ገብርኤል ገዳም ባስነሡት ብጥብጥ በንጹሐን ምእመናን ላይ ከፍተኛ የድብደባ ወንጀል ፈጽመዋል ባላቸው አራት የ‹‹ተስፋ ኪዳነ ምሕረት›› ማኅበር አመራር በሆኑ ተከሳሾች ላይ የተለያዩ የቅጣት ውሳኔዎችን አስተላልፏል፡፡ ፍርድ ቤቱ ሐሙስ፣ ግንቦት 27 ቀን 2003 ዓ.ም በዋለው ችሎት ገዛኸኝ አበራ እና አየነው የተባሉት ግለሰቦች በ8 ዓመት፣ ተስፋዬ በ5 ዓመትና ጌታሁን የተባሉት ደግሞ በ3 ዓመት እስራት እንዲቀጡ ወስኖባቸዋል፡፡


ውሳኔው በተላለፈበት ዕለት ምሽት የእኒሁ ወንጀለኞች ጥቂት ደጋፊዎች በገዳሙ ዐውደ ምሕረት ላይ በመውጣት በድምጽ ማጉያ ‹‹ወንድሞቻችን ተፈረደባቸው፤ ታሰሩ፤›› እያሉ የከተማውን ደጋግ ምእመናንን እና የማኅበረ ቅዱሳንን ስም እየጠሩ ሲወነጅሉ እንደነበር ተገልጧል፡፡ እኒሁ ግለሰቦች በሊቀ ጳጳሱ ብፁዕ አቡነ ገብርኤል ተመርጠውና በጠቅላይ ቤተ ክህነቱ ተመድበው የሄዱትን አዲሱ ሥራ አስኪያጅ ወደ ቢሯቸው እንዳይገቡ ለመከላከል ሞክረው እንደነበር ታውቋል፡፡ ይሁንና በፖሊስ ኀይል ከአካባቢው እንዲርቁ ከተደረገ በኋላ ሥራ አስኪያጁ ሥራ ለመጀመር መቻላቸው ተመልክቷል፡፡

በቅዱስ ሲኖዶሱ ውሳኔ አላግባብ ከተሰጣቸው ሥልጣን እንዲወገዱ የተደረጉት ‹‹ሊቀ ካህናት›› ጌታቸው ዶኒ በተሰራጨው ቪ.ሲ.ዲ ስሜ ጠፍቷል ያሉበትን ክስ በዚያው በሐዋሳ ከተማ ሆነው እየተከታተሉ ሲሆን ግንቦት 27 ቀን 2003 ዓ.ም በመንበረ ፓትርያሪክ ጠቅላይ ቤተ ክህነት የገዳማት አስተዳደር መምሪያ ምክትል ሐላፊ ሆነው መሾማቸው ተነግሯል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)