June 2, 2011

ስለ እግዚአብሔር የሚገዳቸው ብፁዕ አባት

To Read, Print and Share this Message, click HERE (PDF). ይህንን መልእክት በPDF ለማንበብ፣ ለማተም እና ለሌሎች ለማዳረስ ይህንን ይጫኑ።


(ዶ/ር ጌታቸው አሰፋ ፤ ተባባሪ ፕሮፌሰር):- ለተመረጡት ሞት እረፍት መሆኑን ባምንምና ብፁዕ አባታቻን አቡነ በርናባስም የእድሜ ባለጸጋ መሆናቸውን ባውቅም እረፍታቸውን ስሰማ ማዘኔ አልቀረም። በተለይ በዚህ ወቅት እንደዚህ አይነት ብፁዕ አባት አስፈላጊነቱ ግልጽ ስለሆነ። ብፁዕነታቸውን በአጭሩ ለማሰብ ነው አነሳሴ። 

ብፁዕ አባታችንን በአካል የማውቃቸው ከዛሬ አስራ አምስት ዓመት በፊት ከሁለት ዓመት በላይ በቆየሁባት የባህር ዳር ከተማ ነው።  በወቅቱ በከተማው በሚገኘው ሽምብጥ ሚካኤል ከነበረው የሰራተኞች ጉባኤ ጋር በተያያዘ እንዲሁም ለባህር ዳር ፓሊ ቴክኒክና ለባህር ዳር ፔዳ ተማሪዎች መሐል ከተማ በሚገኘው በቅዱስ ጊዮርጊስ ቤተ ክርስቲያን ወርኃዊ ጉባኤ ለማስጀመር በሚደረገው ጥረት ጋር በተያያዘ አገኛቸው ነበር። በወቅቱ የማኅበረ ቅዱሳን አባል መሆኔን መግለጽ ሳያስፈልገኝ ብፁዕነታቸው ስለ ማኅበሩ እንቅስቃሴ የነበራቸውን በጎ አመለካከት ግልጽ ነበር። ይህ የብፁዕነታቸው  አባታዊና መንፈሳዊ እይታ በወቅቱ የነበረውን ማኅበሩን በፓለቲካ የመጠርጠር  የአካባቢው የመንግሥት አካል ስጋት በሚያውቁት መጠን ለማስረዳት አስችሏቸው እንደነበር አውቃለሁ።
መንግሥት የራሱን የቤት ሥራ ሰርቶ ማኅበሩ በዓላማም በተግባርም ከፓላቲካ ነጻ መሆኑን አሳምሮ ካወቀ ከአስራ አምስት ዓመታት በኃላ እነሆ በአሁኑ ወቅት የማኅበሩ ይከሰስ ይወቀስና ይፍረስ ጥሪና ጥረት ከቤተ ክህነት እምብርት መሆኑን ለሚያይ ሰው የብፁዕ አባታችን አቡነ በርናባስ አይነት መንፈስ እየጠፋ መሄዱ አያስጨንቀውም አይባልም።

የዛሬ ሦስት አመት በወቅቱ እኖርበት ከነበረው ስዊድን ለእረፍት ወደ አገር ቤት በሄድኩበት ወቅት የሆነ ቀን እኔ ወደ መቀሌ ለመብረር ብፁዕ አባታችን አቡነ በርናባስም ወደ ባህር ዳር ለመብረር ቦሌ አውሮፕላን ማረፊያ አገኝህዋቸው። በአጋጣሚው እየቦረቅኩ ለማናገር ብመኝም የበረራ መስመራችን የተለያያ ሰለሆነ በስስት አይቼና ተሳልሜ ተለየህዋቸው። ለካስ የመቀሌና የባህርዳር መንገደኞች መቆያ ክፍል አንድ ኖራል ከደቂቃዎች በኃላ ብፁዕነታቸውን መልሼ አገኘህዋቸው።  እንደገና በማየቴ ተደስቼ የበረራ ሰዓቴ እስኪደርስ ወደተቀመጡበት ሄጄ ባህር ዳር በነበርኩበት ጊዜ የነበረንን ትውውቅ አስታውሼ መጫወት ጀመርን። ከጨዋታችን አንዲት ዘለላ ……
ብፁዕ አባታችን፡ “ስዊድኖች ሰላም ናቸው ይባላል። እስርቤትም፤ፓሊስም የለም ይባላል።”
እኔ፡ “እስርቤትም ፓሊስም ያለ ቢሆንም…  ልክ ነው አገሩ ሰላማዊ አገር ነው። ሰዎቹም ሰላም ናቸው”
ትንሽ ቆየት ብለው
“ለመሆኑ እምነታቸው እንዴት ነው?” ብለው ጠየቁኝ።
“ከመቶው አርባ የሚሆነው ስዊዲናዊ እግዚአብሔር የለም ብለው ነው የሚያምነው” ስላቸው
ደነገጡ ….
“ሥሉስ ቅዱስ… አዪ ..ታዲያ ምኑን ሰላም ሆኑት… እግዚአብሔር የለም እያሉ የሚገኝ ሰላም ሰላም አይደለም ልጄ”…. አባባላቸው ዛሬ ድረስ ጆሮዬ ላይ ያቃጭላል። የዛን ቀን ስለእግዚአብሔር የሚገዳቸው ብፁዕ አባት አቡነ በርናባስን በማግኘቴ ደስ እያለኝ ወደ አውሮፕላኔ ገባሁ። ከብፁዕ አባታችን አባባል የተረዳሁት ስለእግዚአብሔር፤ ስለህዝቡና ስለቤቱ ሊገደን ይገባል የሚለውን ነው። አዎ ዛሬ በቤተ ክርስቲያናችን ውስጥ ያለው ኑፋቄ-ጠገብ የተሐድሶ እንቅስቃሴ ሊገደን ይገባል። ዛሬ የቅዱስ ሲኖዶስ ውሳኔ የመስጠትና የማስፈጸም አቅሙ ፈተና ላይ መውደቅ ሊገደን ይገባል። ዛሬ እጅጋየሁ-አዊ የቤተ ክህነት ዙሪያ ማን አለብኝነት ሊገደን ይገባል። ዛሬ የሐዋሳ ምእመናን መከራ ሊገደን ይገባል።
የብፁዕ አባታችን አቡነ በርናባስን ነፍስ በክብር ያሳርፍልን ።


15 comments:

Doubt said...

By the way, is the owner of the article assistant professor?

Anonymous said...

አንድ የሃገሬን አባባል አስታወሰኝ። አቶ ጅብ ሆዬም ዝም መባሉን አይቶ ጠራርጎ በላቸው። እግር መላስ ሲጀምር መፍትሄ በጋራ ቢሹ ኖሮ ለዚህ ባልበቁ ነበር። አሁን በቤተክርስቲያን የማዬው ነገር ከዚህ የተለዬ አይደለም። ችግሩ ከዕለት ወደ ዕለት እየገዘፈና መልኩን እየቀየረ እንጂ እየቀነሰ አይደለም። በዚህ ከቀጠለ ጅቦቹ እስካሁን በትክክለኛው የክርስቶስ ዕምነት ስላልነበራችሁ እናጥምቃችሁ ብለው አይናቸውን በጨው አብሰው ብቅ የሚሉ ይመስላል። ለዚህ ነው የሌባ አይነ ደረቅ አይነት ክስ መመስረት የጀመሩት። በእነሱ ብሶ ስርዓት ተጣሰ፤ ገንዘብ ተመዘበረ፤ ሰላም አደፈረሱ-------ይቀጥላል። እኛ ምዕመናንም እንደ ጓደኛሞቹ እንዳለው እንቅልፋችንን እየለጠጥን ነው። እነሱም በየቀኑ እየበሉን ነው። እናም ውድ ወንድሜ አንተ እንዳልከው ግድ ሊለን ይገባል!
አምላከ ቅዱሳን ይታደገን

Anonymous said...

"አዎ ዛሬ በቤተ ክርስቲያናችን ውስጥ ያለው ኑፋቄ-ጠገብ የተሐድሶ እንቅስቃሴ ሊገደን ይገባል። ዛሬ የቅዱስ ሲኖዶስ ውሳኔ የመስጠትና የማስፈጸም አቅሙ ፈተና ላይ መውደቅ ሊገደን ይገባል። ዛሬ እጅጋየሁ-አዊ የቤተ ክህነት ዙሪያ ማን አለብኝነት ሊገደን ይገባል። ዛሬ የሐዋሳ ምእመናን መከራ ሊገደን ይገባል። ", said Dr. Getachew or DS.

Anonymous said...

ልክ ኖት ዶክተር ዛሬ ላይ ሆነን ስናየው የ ሃዋሳው ፈተና ያላንኳኳበት ሃገርና ቤተክርስቲያን የለም በየ ቤተክርቲያኑ ብዙ እጅጋየሆች እተፈጠሩ ነው ለቤተክርስቲያን እነሱ ለሚሏቸው የቤተክስቲያን አባቶች ተቆርቋሪ በመምሰል በየመንደሩ የሚሰሩትን የ ሃጢያት ሥራ መሸፈኛ ለማድረግ የማይምሱት ጓዳ የለም በነገራችን ላይ ሃዋሳም ይሁን መቀሌ ምስራቅም ይሁን ደቡብ ሰሚንም ይሁን ምእራብ አንዲት ቤተክርስቲያን ነች አንዲቷ ኦርቶዶክስ ተዋህዶ ነች
ስለዚ ሊለቀስ ይገባል ጎንደር ላይ እኮ ሰማእትነት አያምልጥ እየተባለ 8000 ሰው ያለቀው ከየትኛም አቅጣጫ እየመጣ ነው ዛሬም ቀኑ እየደረሰ ነው ደጋጎቹ አባቶቻችንማ በሚያዩትና በሚሰሙት እያለቀሱ ጥለውን በሥጋ ነጎዱ ነገር ግን በአጸደ ነፍስ ይለምኑልናል ችግሩን አይተው በሰማዕትነት ነው ያረፉትና።

Anonymous said...

Amen!

Anonymous said...

Amen Amen!

Zeniguse said...

እጅግ አስደንጋጭ ዜና ነው። ቤ/ያንና ምዕመኗቿ ትልቅ የፀሎት አባት አጣን። እጅግ ለቤ/ያን የሚያስቡ፣ ለጸሎት የፈጠኑ፣ በየዋሃት የበለጸጉ፣ የተስፋና የጥንቃሬ ምንጭ ነበሩ። በተለይም በአሁኑ ወቅት ቤ/ያን ከተደገናባት የመናፍቃን ጡቻ፤ ቁንጮ መሬዎቿ ለአለም ባዘነበሉበትና ጥቂት የማይባሉ የታሃድሶ ጀሌዎችን በቤተ ክህነት የኃላፊነት ወንበር ላይ ምንም ሳይሰቅጥታቸው ባስቀመጡበት በአሁኑ ወቅት የእሳቸው በአካል መለየት እጅግ መራር ነው።
ምን እንላለን? በአካል ቢለዩንም አምላካችን እግዚአብሔር የብፁእነታቸው በረከትና ፀሎት ለቤ/ያናችን ጣላቾች ድል መንሻ ዋጋ እንዲያድርግልን ፍቃዱ ይሁን። አሜን።

Zeniguse Dawit said...

እጅግ አስደንጋጭ ዜና ነው። ቤ/ያንና ምዕመኗቿ ትልቅ የፀሎት አባት አጣን። እጅግ ለቤ/ያን የሚያስቡ፣ ለጸሎት የፈጠኑ፣ በየዋሃት የበለጸጉ፣ የተስፋና የጥንቃሬ ምንጭ ነበሩ። በተለይም በአሁኑ ወቅት ቤ/ያን ከተደገናባት የመናፍቃን ጡቻ፤ ቁንጮ መሬዎቿ ለአለም ባዘነበሉበትና ጥቂት የማይባሉ የታሃድሶ ጀሌዎችን በቤተ ክህነት የኃላፊነት ወንበር ላይ ምንም ሳይሰቅጥታቸው ባስቀመጡበት በአሁኑ ወቅት የእሳቸው በአካል መለየት እጅግ መራር ነው።
ምን እንላለን? በአካል ቢለዩንም አምላካችን እግዚአብሔር የብፁእነታቸው በረከትና ፀሎት ለቤ/ያናችን ጣላቾች ድል መንሻ ዋጋ እንዲያድርግልን ፍቃዱ ይሁን። አሜን።

Anonymous said...

አሜን፡፡ አምላካችን የአባታችንን ነፍስ በክብር ይቀበልልን፥ አሜን፡፡

እኒህ አባት ለ700ዓመታት ጠፍ ሆኖ የቆየ ቤተክርስቲያንን (ማየ ጹራ አቡነ ገብረ መንፈስ ቅዱስ) አባይን በደንገል ታንኳ ተሻግረው ቅዳሴ ቤቱን ሲያከብሩ እድሉ ገጥሞኝ ባሕር ዳር ለሥራ ተቀይሬ በገባሁ በዓመቱ አካባቢ አብሬያቸው አባይን አቋርጩ ለመገኘት በቅቻለሁ፡፡

በሁለት ዓመት ቆይታዬም ሁሌም ባለ ጸጋ፣ ባለግርማ ሞገስ ሆነው ሲባርኩና የሕዝቡ አለኝታ ሆነው ለማየት ታድያለሁ፡፡

ድንገቴ የሆነው 0ረፍተ ሥጋቸውን በደጀሰላም ሳነብ ውስጤ በሃዘን ተመትቷል፡፡

ይህ ሁሉ የሆነው ግን ከዛሬ 12 ዓመት በፊት በ1990ዓ.ም ነው፡፡

ለመሆኑ Doubt ብለህ ስምህን የገለጽከው በጥቁር ሠሌዳ ያልገባህን ትምህርት ዛሬ በትምክህት ልታገኘው እየሞከርክ ከሆነ አገሪቱ ባንተ ሁለት ጊዜ መክሰር የለባትም፥ ምክንያቱም ከአንተ ይልቅ ለአብርሃም ይነሱለት ዘንድ የተነገሩት ደንጊያዎች ይሻላሉና፡፡

ዶ/ር እውነት ብለሃልና አስታዋሽነትህ ልቤን አጽናንቶታል፡፡

ተስፋዬ
ከአሜሪካ ሜሪላንድ

Anonymous said...

የቤተክርስቲያናችን ፈተናዎች አሥሩ ማሳያዎች
ስለ ምን እየተናገርን ነው? ክርስቶስ በደሙ ስለዋጃት ቅድስት ቤተክርስቲያን አይደለምን? እንግዲያውስ መንሹ በእጁ የሆነ እና ስንዴውን ከገለባ የሚለየውን፣ በመግቦቱና በጠብቆቱ ያልተለየንን እና የማይለየንን፣ ሁሉን ቻይ አምላካችንን እያሰብን እንናገራለን፡፡ በኋላም አምላካችን በምንግስቱ በመጣ ጊዜ ሰለተናገርነው ነገር በመለኮት ዙፋን ፊት መልስ እንሰጥበታለንና! በወንጌሉ ‹‹ እውነቱን እውነት ሃሰቱንም ሀሰት በሉ ›› ያለንን እያሰብን እንናገራለን፡፡

በጥቃቅን እና በአሠራር ጉዳዮች ላይ ስናተኩር ትልቁን የቤተክርስቲያን አጀንዳ እንዳንዘነጋ ጠቃሚ እና አንኳር በሆኑ አንገብጋቢ ጉዳዮች ላይ ብቻ ማተኮር የወቅቱ ጥያቄ ነው፡፡ በዚህ የታሪክ አጋጣሚ ከጵጵስና እሰከ የቤተክርስቲያን በር ጠባቂ (አጻዌ ኆኅት) ተራ ምእመን ድረስ ያለን የዚህች መንፈሳዊት ቅድስት ቤተክርስቲያን አባላት ከግል አስተሳሰብ፣ ከዘር፣ ከፖለቲካ እና ከግል እና የቡድን ጥቅም በራቀ ፍጹም ኅብረት አብረን በመቆም ቤተክርስቲያናችንን ወደ ጥንቱ መንፈሳዊ ልዕልና (ክብር) ለመመለስ ለመሥራት ከዚህ የተሻለ ጊዜ፣ ዕድልም ሆነ ችግር ያለ አይመስለኝም፡፡

አሁን ያለው በፓትርያኩ የሚመራው የኢትዮጵያ ቤተክርስቲያን አስተዳደር (በአቡኑ ዙሪያ የተሰበሰቡትን ግብረበላዎች ያጠቃልላል) ቤተክርስቲያኒቱን በዘመኗ በታሪክ ገጥሟትም አይታውም የማታውቀውን የውርደት ካባ ያከናነባት ለመሆኑ አሁን አሁን በአደባባይ ግልጥ ሆኗል፡፡ ወደዝርዝሩ እና ስውሩ ሳላመራ የአደባባዩን ብቻ አሥር ማስረጃዎች ልጥቀስ፡፡

1) ቤተክርስቲያኒቱ ከነበራት መንፈሳዊ ልዕልና እና ክብር ተዋርዳ በእንድ ሰው ፈላጭ ቆራጭነት እና አመባገነን አሠረር ሥር ወድቃለች፡፡ በቤተክርስቲያኒቱ ውስጥ ማንም ሥልጣን የለውም፡፡ ሊቃነጳጳሳት ንኳን በሀገረ ስብከታቸው ሥልጣን የላቸውም፡፡ ሥልጣን ሁሉ የአንድ ሰው ነው፡፡ የማን? መልሱን ታውቁት የለ? ከማን ተሰውሮ?

2) ፓትርያርኩ በተደጋጋሚ ለሚመሩት በሚሊዮን ዪቆጠር ምእመን እና ለሚወክሉት የብጹኣን ጳጳሳት ጉባኤ (ቅዱስ ሲኖዶስ) ውሳኔ እና ፍላጎት የማይገዙ እና የማይታዘዙ መሆናቸውን በተደጋጋሚ አሳይተውናል፡፡ በትንሹ ባለፈው የቅዱስ ሲኖዶስ ምልዓተ ጉባኤ ከተወሰኑት ውሳኔዎች ስንቶቹ በአቡኑ እንደተተገበሩ እስኪ ለማስታወስ ሞክሩ፡፡ አንዳቸውም አልተከበሩም፡፡ አልተፈጸሙምም፡፡ ንቀት የሏል እንዲህ ነው፡፡

3) ቤተክህነቱ አከባቢ የሚታየው ቤተክርስቲያኒቱንም ሆነ መንፈሳዊውን ማኅበረሰብ (ምእመናንን) የማይወክሉ እጅግ ጥቂት ግብረበላዎች፣ ሌቦች እና አመንዝራ ባልቴቶች ተግባር ለምእመናን ጆሮ የሚሰቀጥጡ እና አንገት የሚያስደፉ ሆነዋል፡፡ ይህንንም መታገስ ከሚቻለን በላይ ሆኗል፡፡

4) በቤተ ክርስቲያኒቱ ውስጥ በየቦታው የሚታዩ ግጭቶችን ከማብረድ ይልቅ ቤንዚን በማርከፍከፍ ውጥረቱ ተባብሷል፡፡ ለምሳሌ የአዋሳውን የምእመናን እና የተሃድሶዎችን ትንቅንቅ ከመፍታት ይልቅ ችግሩን ወደላቀ ኑፋቄ እና ትርምስ ሊለውጥ የሚችል ግለሰብ የሀገረ ስብከቱ ሥራ አስኪያጅ አድርጎ ከመሾም በላይ ምን ስድብ ሊሰድቡን እና ሊያዋርዱን ይችላሉ?

5) ቤተክርስቲያኒቱ ሀብት እና ንብረት የቅዱሱ እግዚአብሔር መሆኑ ቀርቶ ጥቂቶች የሚቀራመቱት የበዓል ቅርጫ ሆኗል፡፡ በገጠር ያሉ አብያተ ክርስቲያናት እየተዘጉ ጉባኤ ቤቶች እየተፈቱ (እየተበተኑ) ባዶ ቀርተዋል፡፡ ምዝበራው ቅጥ አጥቷል፡፡

6) ምእመናን ተስፋ ቆርጠው ከቅዳሴ እና ከቅዱስ ቁርባን እየተለዩ ከመንፈሳዊ በረከት እና ሱታፌ እየተነጠሉ ነው፡፡

7) የቤተክርስቲያኒቱ ዓውደ ምህረቶች የበረከት ትምህርቶች የራቃቸው ዓለማዊ ውዝዋዜ እና ቲያትር ማሳያ መድረኮች ሆነዋል፡፡ ጥንታዊው ዶግማዋ፣ ቀኖናዋ እና ትውፊታዊ ትምህርቷ በኦፊሴል ተዘግቶ ተረት እና ቧልት ነግሶባታል፡፡

8) ከቤተክርስቲኒቱ መሠረታዊ አስተምህሮ በተቃራኒ የቆሙ የተቃዋሚዎች (ፕሮቴስታንታዊ) ትምህርቶች በቤተክርስቲያኒቱ አደባባዮች በድፍረት ያለ ኀፍረት እየተነገሩ (እተሰበኩ) ነው፡፡

9) ‹‹ ቤተክርስቲያኒቱ መታደስ አለባት፡፡ ጌዜውም አሁን ነው! ›› በማለት ተሃድሶዎች ላወጁት ዘመቻ ሰእተዳደሩ ከለላ በመስጠት የልብ ልብ እንዲሰማቸው ሆኗል፡፡ ቤተክርስቲኒቱንም አደጋ ላይ ነች፡፡

10) የቤተ ክርስቲያኒቱን ብሔራዊ ጥቅም (እንደ ጥንታዊ ተቋምነትዋ የሚገባትን ክብር፣ ጥቅምና ቦታ) ማስጠበቅ ካለመቻላቸውም በላይ ያላትንም አሳልፈው በመስጠት ተሰሚነቷ እና ተኣማኒነቷ የመጨረሻው ጠርዝ ላይ በመድረሱ አቅመቢስ ሆናለች፡፡

ዝርዝሩ ብዙ ነው፡፡ ህን ሁሉ መታገስ መንፈሳዊነት ነው? መቃወምስ ዓለማዊነት ነው? ሁሉንም አናይም አንሰማም ማለትስ መፍትሔ ነው? እነኚህ ችግሮችስ እንደ ምእመን (ኦርቶዶክሳውያንን) እንደ ሃገርስ (ኢትዮጵያችንን) ዋጋ አያስከፉሉንም?
በቅርብ ያልመለሰ ሰነፍ እረኛ በሩቅ ይባዝናለ እና ከእውነት እና ከመንፈሳዊነት ጋር ብቻ ለመቆም ጊዜው አሁን ነው፡፡ ይህን ለማድረግ ደግሞ ማኅበር፣ ቡድን ወዘተን መደገፍ አያስፈልገንም፡፡ እግዚአብሔርን ብቻ መደገፍ በቂ ነው፡፡ ተነሱ! እንነሳ !!!

THM said...

በጣም የሚያሳዝን አና የሚገርም ነገር አየሰማን አስከመቼ? ሐዋሳ ላይ ያለው ችግር ለሀዋሳ ምእመን ብቻ አይደለም። በዚህ አይነት ጠቅላላ ሀገሪቱ በተሃድሶዎቺ አና በመናፍቃን ታውካለች። አነዚህን የሚቃዎሙ አባቶች ደግሞ አየተገደሉ ነው ይህ ማለት በተዘዋዋሪ አንደነ ጌታቸው ዶኔ ያሉ መናፍቃን የጠቅላይ ቤተክህነቱን ስራ ሊቆጣጠሩት ነው ይህ ደግሞ የራሱ የሆነ ግብ አለው። ስለዚህ ምን ብናደርግ ይሻላል? ትልቅ ጥያቄ የሆነብኝ ነገር ቢኖር ይህንን መሰል ቺግር ከሚያውቀው የማያውቀው ምእመን ይበልጣል። ለዚህም ነው ህዝቡ ተኚቶ ያለው።

ስለዚህ ምን ብናደርግ የሻላል?
መልስ .................................................
''የሰላም አምላክ አግዚአብሔር ለሁላችንም ሰላሙን ይስጠን
ቤተክርስቲያናችንን ይጠብቅልን ለዘላለሙ አሜን።''

Anonymous said...

@ doubt, does it matter if the writer is a prof. or not? Ask your self. Thanks Tesfaye /Maryland, if he listens u already told him.
የብፁዕ አባታችን በረከት ይደርብን

Anonymous said...

Doubt,

The author is not an assistant professor. He is an associate professor. You may find his bio @
http://www.ucalgary.ca/evds/people/faculty/assefa

But for what he has written, his qualification is irrelevant since he is simply stating his personal opinion/reflection.

If you raised the question to point that we should not give credence to an article that is written by some one who says he is what he is not, then your point is valid.

Now that you have the proof, you may want to read the article and reflect on it.

Cheers

Anonymous said...

የጽሁፉ ይዘት ጥሩ ሆኖ ሳለ በጽሁፎችህ ሁሉ ላይ የአቡነ ጳውሎስን ያክል ባይሆንም ማዕረግህን መዘርዘር ተወዳለህና አስብበት - «ጌታቸው» ብለህ ብትጽፍ በቂ ነው።

Anonymous said...

አንዳንድ ጊዜ አለማወቃቸውን የማያውቁ ሰዎች በጣም ያሳዝኑኛል:: በዚያ ላይ ሌሎችን ለማጥቃት ግንባር ቀደም ሲሆኑ ሳይ ትንሽ በስጨት እላለሁ:: Dr. ጌታቸው የሰጡት አስተያየት መቃወም ሌላ ፤ እሳቸውን ማጣጣል ሌላ:: የዳካሞች መለያ:: በነገራችን ላይ Dr. ጌታቸው በትክክል ነው እራሳቸውን የገለጹት::

ተባባሪ ፕሮፌሰር - Associate professor
ረዳት ፕሮፌሰር - Assistance Professor

Anonymous, please go get some education so you will be free of your inferiority complex. I hope next time you post, you will argue ideas not attack people's credential. In order to achieve a credential similar to Dr. Getachew, it will require smart brain, a lot of hard work and God's will. so leave him alone.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)